ios5 imessage برنامج اي مسج للايفون والايباد والايبود توتشبرنامج الـ iMessage الجديد مع إصدار iOS 5

بعد التحديثات اللي ظهرت لنا من ابل للاصدار الجديد iOS 5 أصدروا لنا
برنامج ( iMessage ) واللي صار مدمج مع برنامج الرسائل العادي بالنسبة للأيفون

بداية تشغيل البرنامج راح يطلب منك التفعيل فاذا كنت تستخدم الايفون راح يطلب منك تدخل ” رقم الجوال ” ومن عند الاعدادات تقدر تضيف البريد الالكتروني الخاص فيك
واذا كنت تستخدم الاي باد أو الاي بود راح يطلب منك تدخل بريدك الاكتروني ( فقط ) وهنا نلاحظ من شركة ابل انها اهملت مستخدمين شريحة الـ 3G ولازال لاضطهاد الاي باد عنوان .. والله ولاكأننا معنا رقم شريحه وش دعوه هالتسفيه !

[ طريقة ضبط الاعدادات بالنسبه للاي باد ]

اعدادات برنامج اي مسج ios5 imessage

ios5 imessage اعدادات برنامج اي مسج الخاص بالايفون والايباد والايباد

1- تقدر تضيف اكثر من ايميل وتقدر تحذف وتغير فيه
2- تقدر تستخدم حسابك بالـ Apple ID
3- ميزة تفعيل إرسال ايصالات القراءة

أما بالنسبه “ للايفون

راح يكون بالاعدادات خيارات زيادة على اللي فوق .!
1- خيار لادخال ( رقم الجوال )
2- خيار الإرسال ( كرسالة نصية ) في حال عدم توفر الخدمة فيرسلها بشكل SMS
3- خيار كيف يجدك الاخرين ” عن طريق رقم جوالك .. أو عن طريق ID تبعك .. أو عن طريق الايميل “

طبعا ياتضغط زر التشغيل عليهم او الايقاف على حسب استخدامك له
( اعتذر عن طرح صور للايفون لانه مو محدث )

( صوره للبرنامج )
طبعا لمستخدمين الايفون كيف تفرق مابين الأي مسج .. والمسج العادي !
وأنت تبحث عن الاسم راح تطلع لك علامة الرساله إما باللون الازرق أو اللون الأخضر

ios5 imessage اعدادات اي مسج للايفون والايباد والايبود توتش

ios5 imessage اي مسج

اللي ” باللون الأخضر ” راح يطلع أسماء الاشخاص اللي ما حدثوا اصدارهم الى iOS 5 ولا عندهم برنامج الـ iMessage أو عندهم ومافعلوها فاذا جيت ترسل لهم رساله راح تنرسل بشكل رسالة نصية اي SMS يكون حساب هالرساله من رصيدك بالجوال .. وبخانة الكتابة تظهر كلمة Text Message للايفون

واللي ” باللون الأزرق ” وتعني مستخدمين الـ iMessage وهنا يتم الارسال عن طريق الواي فاي .. وبخانة الكتابة تظهر كلمة iMessages للايفون

أما الاي باد ماراح تطلع كلمات لأنه ماتستخدم الا .. الأي مسج 😀

الخلاصه هي ان كل المسجات اللي باللون الأزرق هي مسجات iMessage
والمسجات اللي باللون الأخضر هي المسجات العادية
SMS ( بس أنا ماعندي بالاي باد )

ملاحظة
طبعاً بالنسبه لارقام الاشخاص راح تطلع عندكم حسب سجل الاسماء المحفوظه بجهازكم
أما الايميل .. لازم تسوي اضافه لكل شخص !

أيضاً يوجد بالبرنامج ميزة ارسال الصور والفيديو ..

كنت أظن انه راح يسد مكان الوتس أب بس خاب ظني الصدق ولا فيه أي وجه مقارنه بينهم .. وخصوصا اذا كنت من مستخدمي الاي باد أو الاي بود وزود على هذا كله البرنامج حكر لـأجهزة الابل فقط عكس الوتس أب حتى النوكيا له صوت بينهم   😛 

بس واضح من البرنامج انه مو للدردشات والبرودكسات .. فهو وضع لتبادل الرسائل النصية عن طريق الواي فاي

اي استفسار بالخدمه 

62 تعليقات

  1. ابداع .. شرح كافي ووافي ..tch17

    في انتظار الجيلبريك للـ IOS 5 —- tch39

    بس ليه ما يسد الآي مسج مكان الواتساب .. ووشي عيوبه؟tch23

    وهل تقدرين تسوي قروبات وبرودكاست بالآي مسج ؟ 😀

    • الله يسلمك .. وعقبال نزول الجليبريك
      لا مايسد مكانه وخصوصا مستخدمين الاجهزة الاخرى tch34
      1- البرنامج حكر لمستخدمين أجهزة ابل ولازم يكون الطرف الثاني امنزل آخر اصدار بجهازه اللي هو ـ IOS 5
      2- ما تقدر تضيف قروبات لكن ممكن تستخدمة لبرودكاسكم اللي هي بالنهاية كرساله مجانيه tch38
      3- تقدر ترسل رسالة وحده جماعيه
      4- تقدر ترسل صور ومقاطع فيديو
      5- لازم تضيف ايميل كل شخص ويشترط تواجده بالخدمة
      لكن الخدمة نوعا ما حلوة صايره على خطين :
      1- ارسال رسائل مجانية للارقام اللي عندك ..
      2- استخدامه كماسنجر 😀

  2. يعطيك العافية tch34
    حمستيني اسوي تحديث لجهازي، لدرجة اني نسيت اسوي باك اب tch3 .. شكله بيكون ممتاز ويفك ازمه للي يستخدمون الايباد ويبون يرسلون اشياء للايفون مثلاً .. الشيء الثاني من مميزاته انه خلى الوتس اب يخافون ويخلونه مجاني لفترة محدودة tch38

    • يالدجاجه هو يسوي باك اب تلقائي tch38

      ههههههههههههههههههههه ومن جد اهم شي انه صار مجاني فتره

      بس الاي مسج حلو موش بطال خصوصا للي مو مركب جيلبريك ولا هو شاري الواتساب يفك ازمة

  3. السلام عليكم ..
    حدثت الايباد ، وعند إضافة ايميل ثاني رفض وظهرت رسالة الايميل قيد الاستخدام
    مع إنه ايميل غيرمسجل في الاب ستور

    • وعليكم السلام والرحمه
      انا قبل شوي جربت ادخل ايميل ثاني وضبط معي 
      شوفي اذا جيتي تدخلين ايميلك الثاني الجديد راح يطلب منك ” رمز التحقق ” لحسابك الأول بالأب ستور ورمز التحقق هو الباسورد تبع الـ Apple lD 
      بعدها راح تاصلك رساله من ” ابل ” على بريدك الجديد يتأكد اذا هذا بريدك الالكتروني او لا ❕..
      واضغطي على رابط التحقق اللي ارسلوه لك وراح يحولونك لصفحه ابل عشان تسجلين دخولك بحساب الاب ستور وراح يتفعل ايميلك الثاني الجديد  

  4. الايميل الثاني ، ماسجلته بالاب ستور .. ولا له علاقة ..
    لكن ليه مايقبل الاضافة ، هل لازم أي ايميل اضيفه يكون له حساب في الاب ستور..
    مع إنه الرسالة الي ظهرت إن هذا الايميل قيد الاستخدام ..

    • اي انا فاهمه عليك انا ايميلي الثاني بعد ماسجلته بالاب ستور لكن لما تضيفينه راح يطلب ارتباط بحسابك الاساسي بالاب ستور عشان يتأكد اذا هالايميل الثاني لنفس الشخص اللي مسجل عندهم
      لكن غريبه يطلع لك قيد الاستخدام يمكن ايميلك غير متاح جربي تدخلين ايميل ثاني غيره وان شاء الله يضبط معك

  5. اهلا حبيت اعرف كيف اللي عندهم ايباد يتواصلون مع اللي عندهم ايفون وهم بالاي دي ممكن شرح لان كل ما حاولت يطلع لونه احمر

    • يتواصلون عن طريق اضافة الايميل
      لازم كل الطرفين يكون محدثين اصدارهم الى الاصدار الجديد هذا شرط
      الشرط الثاني لازم انتي تضيفين ايميلهم وهم يضيفون ايميلك عندهم برضوا عشان تطلع العلامة الزرقاء عندك وعندهم .. وتتواصلين معهم
      tch26 tch34

      • انا عندي نقطتين

        اولا تقدر تضيف قروبات ؟

        ثانيا والاهم هل للك خبره بالايتونز ؟

        • الأول : لا ماتقدر تضيف قروبات
          لكن مثلا تقدر ترسل رسالة وحده جماعيه
          /
          الثاني : اي نعم ان شاء الله
          امرني وش بغيت تسأل عنه بالايتونز ؟ = )

  6. شرح مميزٌ ,
    وطرح متوآضع .,

    لكن وآجهتني مشكلة ., !

    كيف أقدر أسوي اضافة ايميل ,, ممكن حل ؟

    وشكرآ tch32

    • الله يسلمك أخوي
      اضافة الايميل يتم عن طريق اضافة الاسم والايميل والرقم لـ ( جهات الاتصال ) اللي هو سجل الاسماء
      بعدها ادخل على البرنامج وراح تشوف فوق علامة ( + ) زائد بالأزرق اضغطها وراح تطلع لك شارات باللون الازرق والأخضر على كل اسم عنده هالبرنامج tch19

  7. ثنــكيوٌ. , سو مشٌ. , ع إلمسسآعدةٌ. ,

    لك مني جــزيل الشكرٌ. ,

    بالتــوفيقُ. tch1

  8. الله يعطيك العافيه على الشرح الجميل
    خدمه رووووعه
    بس اللي قاهرني نهى ماكفاها جهاز واحد 😀 عندها ايفون للعمل بعد
    والله ماهيب سهله ههههههه

    احلا مافي ابل ربطو جميع اجهزتهم بالخدمه هذي من جد ابداع

    دمتي شارحه ماهره tch36

  9. لو سمحت حبيت اسأل لو عندي اي مسج ع الايفون ومفعل عن طريق الرقم والايميل وابي اتواصل مع شخص ماعنده رقمي ومابي يطلع عنده الرقم بس الايميل كيف ؟

    • ادخلي على اعدادات الاي مسج
      ثم ادخلي – الاستلام على 
      بتلقين مكتوب – هوية المتصل
      وحطي علامة صح عند الايميل اللي تستخدمينه

      • مشكور ع الرد السريع جربت هالطريقة مع جهاز ثاني عندي مو مسجل رقمي وارسلت وطلع رقمي مو الايميل 🙁
        ابي اتأكد كيف :/

        • شوفي خلك على الاعدادات اللي قلت لك عليها تمام
          لكن امسحي جميع المحادثات السابقة وبرضوا امسحي صاحب المحادثه
          وجربي ارسلي من جديد
          عشان مايكون فيه اي محادثه مرتبطه بالرقم
          وان شاء الله راح تضبط معك tch1

  10. السلام عليكم
    عندي ايفون والعيال عندهم ايبود لما حدثت الايبود للتحديث الجديد نزلو لي برنامج الرسائل الجديد -اي مسج- وسويت اعدادات الايبود الين وصلت للدوله ماني لاقي السعوديه
    ارجو المساعده وشكرا
    وهل يلزم تغيير الايميل المسجل للايفون

    • وعليكم السلام والرحمه
      اي السعوديه مو موجودة اساسا فـ عادي اختار دولة البحرين ماراح يأثر
      وبالنسبة للايميل فهو على حسب رغبتك تبيه مشترك بين الايفون و الايبود فـ عادي يمكن التراسل بينهم اذا تمت اضافه نفس الايميل
      لكن في نقطه مهمه
       اذا جاء اي شخص بيرسل للايفون حقك عن طريق هالايميل راح تاصل هالرساله نفسها للايبود !! 
      لان الايميل مشترك فالافضل انك تفتح ايميل خاص للايبود 
      فاذا تبي طريقه سهله
      تقدر تفتح حساب بريد عن طريق خدمة الاي كلاود الموجوده بالجهاز وتستخدمه للاي مسج حق الايبود = ) 

  11. السلام عليكم
    سؤالي اذا ممكن مساعدتي انا ايميلي مشترك بين الايفون والايبود واذا جيت انزل اي لعبه او برنامج عن طريق الاب ستوري للايبود تصير عندي في الايفون ويقولي البرنامج مثبت وانا ابيه يكون في الايبود ؟

    • وعليكم السلام
      ايه اذا دخلت على البرنامج اللي تبيه بتلقى مكتوب عليه INSTALL يعني مثبت لكن لما تضغط عليه ينزل التطبيق على الايبود عادي tch34

  12. طيب الله يعافيكم عندي سؤال
    الحين انا جهازي مسويه له جليبريك
    طبعا هو ايبود 4 اقدر اسوي له ترقيه عشان برنامج المسج معليش اذا كان سؤال غبي
    بس ابي له جواب وأكون شاكره لكم

    • لا وش دعوة بالعكس سؤالك زين tch38
      اي تقدرين ترقين اصدارك الى آخر تحديث فيه مميزات كثيره حلوه ويستاهل التحديث , وتقدرين تركبين عليه جليبريك
      بس لاااااااااااتنسين سوي ( باك أب ) احتياطاً لأي مشكله مستقبلياً لاسمح الله , والعفو نعيماً مقدماً tch26 tch34

  13. اهلالا .. لو سمحت انا عندي ايفون 4 .. بس لما احط اعدادات يطلع لي …

    Show preview
    tone alert
    MMS messages ..

    يعني مافيه اي شي من اللي فوق .. مع ان عندي حساب بالايتونز .. tch10

    tch37

    وما اقدر احمل iMessage .. :/

    هيلبببب .. ؟! tch30

    • انت وشو اصدارك ؟
      لان الاي مسج يجي مدمج مع الرسائل اذا كان اصدارك ios5
      اما اذا كان اصدارك ( أقدم ) فما تقدر تستخدم هالخدمه ولا راح تطلع لك اعدادات الاي مسج الجديد
      tch36

    • وعليكم السلام ورحمة الله،
      الخدمة مجانية بس لازم يكون عندك انترنت في الجهاز سواء واي فاي أو باقة على الشريحة

  14. السلام عليكم. اولاشكرالصاحب الموضوع الرائع شرح واضح لكني واجهتني مشكله ان الاي مسج مافتح معاي يمشي تمام الايميل والباسوودواخل افعله من الايميل me @ع ابل اي دي وارجع للاي مسج ويرجعني لاول صفحه (قم بدخول ابل اي دي لتنشيط الاي مسج)رغم اني ادخل وافعله وتظهرعلامه الصح بابل اي دي ولمجردعودتي للاي مسج يرجعني لهالعباره تعبت تعبت بدون وجودالحل ارجوكم ساعدوني وشكرا

    • وعليكم السلام والرحمه
      العفو اختي أم محمد ،
      ودي أسألك : ايميل حسابك حق الآي دي اللي فعلتيه تقدرين تحملين منه برامج عن طريق متجر الاب ستور أو لا ؟
      ياليت تعلميني عشان اشوف المشكله هل هي من الحساب نفسه أو فقط من الآي مسج .

  15. نعم استطيع التحميل منه بدون اي صعوبه فقط المشكله في الاي مسج مع انه نفس الحساب وللمعلوميه جهازي ايباد وشغاله ع واي فاي ومااستخدمت 3g اثناء تفعيل الاي مسج

    • انتي محدثه الايباد لـ ios 6 ?
      اذا لا .. اكتبي لي كم اصدار جهازك حالياً عن طريق الاعدادات > عام > حول .. وشوفي كم الاصدار

      طيب ودي تجربين وتفتحين حساب iD آخر غير الأول ، وحاولي تفعلينه بالآي مسج ، هي تطلع لك نفس المشكله او لا ..

      ومو شرط انه يكون 3G مشتغل يكفي الواي فاي ، لان الايبود يشغل الاي مسج بدونه

  16. مومحدثه اصداري 5.1.1. بفتح لعل المشكله تنحل اهم شي تنحل لأني تعبت ماوجدت حل وعذراع التعب شكراحقاقليلون امثالك من يقدمون الخدمه دون مقابل لكنه يستحقون الشكروالثناء.

    • شكرا اختي ام محمد ، ماسويت شي وان شاء الله تنحل مشكلتك ، لانه سبق وواجهتني نفس مشكلتك بالضبط بنفس هالاصدار 5.1.1. رغم اني فتحت حساب iD ثاني ونفس المشكله الاي مسج رافض التفعيل واضطريت اني أحدث اصدار جهازي للي أعلى منه .
      /
      لكن بجرب معك حل واحد قبل التحديث يمكن تنحل المشكله
      ادخلي على اعدادات شبكة الواي فاي
      ومن عند اسم شبكتكم في علامة صغيره لونها أزرق اضغطيها وبتنفتح لي صفحة ثانيه
      روحي لم DNS ( وانسخي العنوان الاصلي واحفظيه بالملاحظات عشان لو بغينا نسترجعه ) ، وغيري عنوانه الى 8.8.8.8,8.8.4.4
      بعده أعيدي تشغيل جهاز الايباد وروحي فعلي الآي مسج ، وعلمين وش يصير معك .

    • مالك حل الا بالتحديث لـ ios 6 🙁
      وانا واثقه انه بيشتغل ان شاء الله ، لان الخلل باصدار 5.1.1
      لان آبل ماتسوي تحديثات الا اذا فيه مشاكل لبرامجها باصدارها القديم
      بس لاتنسين تاخذين نسخة احتياطيه ( باك اب ) عن طريق الايتونز او الاي كلاود من نفس الايباد
      بعدين روحي للإعدادات > عام > تحديث البرامج > تنزيل وتحديث

    • انا جوالي بلاك كيرف كـْـْْـْْْـْْـْـHOWـْـْْـْيـْْف استخدم خدمه قروبي م̷ـــِْט يعرف يقولي معليكم امر

  17. امم انا ضيعت الباسوورد تبع الاي مسج tch9
    وحاولت استرجعه م قدرت والاهم انو كمان رغض يسوي حساب جديد مو عارفة ايش المشكلة بالضبط
    مع العلم انو ايبادي3G ولا عندي واي فاي

    • أهلين .. حساب الاي مسج هو نفسه حساب الابستور .. لذا اذا الحساب بأيميلك الشخصي تقدر تدخل هالرابط وتسوي استعادة لكلمة المرور على ايميلك
      https://iforgot.apple.com

  18. انا عندي مشكله ابي اختار الدوله م طلع لي السعوديه و مو موجوده ايشششش الحل بليييييببببببز tch9 tch15

    • أهلين .. ايه لازم يكون فيه انترنت للطرفين لكن مو لازم يكون انترنت من الشريحة ( ثري جي ) .. ممكن يكون بالواي فاي بس.
      يعني مثلاً لو كنت في البيت وعندك واي فاي وارسلت لزميلك رسالة وهو ماعنده نت على الشريحه .. إذا وصلت هو لبيتهم وشبك على الواي فاي بتوصله الرسالة tch34

  19. السلام عليكم
    انا اوقات لمن ارسل لصديقتي يجيني اعلام بقراءه الرساله واوقات لا بس يقولي تم التسليم ماعرف ليش

    • وعليكم السلام ورحمة الله وبركاته،
      قد تكون لم تقرأ الرسالة، أو قد يكون الانترنت لديها بطيء، أو انها قد اوقفت خاصية الإعلام بقراءة الرسالة من الإعدادات لديها

  20. لمن يكون النت بطي اللي اعرفه لمن ترسل مايقولك تم التسليم مايظهر شي تحت الرساله انا امس ارسلت بان عندي تمت القراءه لكن اليوم لا مدري ليش ماعتقد انها ماقراتها

  21. شكرا على المجهود
    بس كل اللي ابي اعرفه لمن يقولي تم التسليم يعني كذا الرساله تكون وصلت

    • اهلين
      اذا قالك تم التسليم ، معناته ان الرساله خلاص اكيد انرسلت لكن مابعد تمت قراءتها
      واذا كتب بعدها تم القراءة ، معناته هذا تأكيد ان مستلم الرساله شافها وقراها

  22. طيب انا ابي اعرف اذا الرسائل تجي ع نفس الايميل اللي مسجل او لا ؟ اقصد الايميل اللي مضاف بالاي مسج ممكن اني افتح البريد مثلا واحصل كل المسجات فيه او لا

  23. لوسمحت اذا كان ايفوني وايفون ولدي نفس الحساب والايميل وكمت ارسلت اي مسج لصديقتي وهو كان ما عنده شبكه وبعدين مسحت المسجات بسرعه
    هل راح تظهر عنده المسجات لما يفتح جهازه وتكون عنده واي فاي؟؟؟؟؟ ارجو سرعه الرد

  24. انا يطلع عندي لما ارسل مسج عادي او اي مسج شكل زي الهلال هل يعني هذا ان صاحب الرقم المرسل له حاضري… ولكم جزيل الشكر

اترك تعليق

اكتب تعليقك
اكتب اسمك هنا