شرح طريقة إستعادة / تغيير كلمة المرور لحساب الابستور بالصور
في حال نسيت كلمة المرور الخاصة بحسابك الابستور فلا تخف الطريقة سهلة لتغييرها ، في البداية اذهب إلى هذه الصفحة الموجودة على موقع ابل
بعد ذلك اكتب بريدك الإلكتروني الذي تستخدمة في حسابك الابستور بعدين تضغط Next
بعد كذا تختار طريقة تغيير كلمة المرور، بيكون قدامك خيارين ..
الأول: هل تبيها عن طريق إرسال رسالة على بريدك الإلكتروني .
الثاني: عن طريق الإجابة على الأسئلة السرية وبعض المعلومات اللي الخاصة في حسابك ( مثل تاريخ الميلاد على سبيل المثال )
بالنسبة لي اخترت الخيار الاول .. التغيير عن طريق إرسال رسالة على بريدي الإلكتروني
بعد ماتختار الخيار الاول وتضغط Next بيتطلع لك صفحة تبين لك أن عملية إرسال الرسالة تمت بنجاح
بعد كذا تروح لبريدك الإلكتروني وتفتحه وبتحصل رسالة من ابل
تفتح الايميل وتضغط على الرابط الموجود الموضح في الصورة
بعدين بتفتح لك صفحة تطلب منك تكتب كلمة المرور الجديدة مرتين، ولازم طبعاً تكون مكونة من 8 خانات كـ حد أدنى وتكون مكونة من حروف ( كابيتل وسمول ) وأرقام ( هذا مثال على كلمة المرور Aa123456 ).. ولازم ماتكون الكلمة مستخدمة من قبل لحسابك خلال السنة الماضية
وبكذا تكون أنتهيت 
تابع ايضاً مواضيع مشابهه بخصوص حساب الآبستور:
انا مثل المشكلة
أهلين .. أي مشكلة بالضبط؟
انا كل ما اسوي خساب يقول الاتصال مدري وش
أهلين .. سكري برنامج الأبستور من شريط المهم ( اضغطي ضغطتين على زر الهوم وبيطلع لك شريط المهام بالبرامج اللي تشتغل وقفليها ) بعد كذا تأكدي من اتصالك بالانترنت وجربي افتحي الابستور ان شاء الله يضبط معك
هلا فيكم تسلم اخوي بِــ̯͡سّ** ايش اسوي ٱنـِْ♡̨̐ـِْا* مثل المشكله بِــ̯͡سّ** مو راضي يسوي
وش المشكلة بالضبط عندك؟
انا في الايباد كلمة المرور غلط
أي كلمة مرور قصدك؟ كلمة مرور الابستور أو كلمة مرور الجهاز نفسه؟
سويت كل شي باقي يرسلون لي رساله على الاميل بس ما رسلو شي
جربي مره ثانية
انا سويت نفس الخطوات وطلعت لي وكل شي كويس يقول لي انه ارسل الرساله بس افتح الرسايل ما جا شي ؟!؟!؟!؟
أهلين .. بحثتي في الجنك ميل ( البريد الغير هام )؟
متأكدة كتبتي ايميلك بشكل صحيح وقت التسجيل؟
جرب افتحي الابستور واكتبي ايميلك وكلمة المرور، بتطلع لك صفحة تقول لك ان حسابك غير مفعل بتحصلين تحت خيار ( Resend verification ) اضغطي عليها وبيرسلون لك رسالة التفعيل.
انا عندي مشكله ابي اغير الحساب مو عارفه كييف
أهلين .. ادخلي على الإعدادات ثم اختاري كلمة Appstore .. بيطلع قدامك ايميلك القديم موجود .. اضغطي عليه ثم اختاري الخيار Sign out – تسجيل الخروج.
بعد كذا افتحي هالموضوع وتابعي خطوات فتح الحساب:
https://www.tichno.com/apple/iphone/how-to-creat-free-app-store-account
انا انقفل اميلي و بدي عيد الباسورد و بحط كل الخطوات بس ما بيص بني رسالة التأكيد
مرحباً،
إذا ماوصلتك رسالة تغيير كلمة المرور أكثر من مره سو إيميل جديد أفضل وأسهل لك
انا الايميل اللي ف جهازي الإبل أستور مو ايميلي والمشكله كل ما ودي انزل برنامج يقولوا لي هاتي البسورد للايميل كيف الغي الايميل الموجود في الإبل أستور
مرحباً،
الإعدادات >> store >> بعدين بتحصل ايميل الحساب الموجود .. اضغط عليه بعدين اختر تسجيل خروج
السلام عليكم كيفكم الله يسعدكممممم أنا عندي ايميل وكلمه سر وكل ما أحط كلمه سر ه يرفض تعرفون
وعليكم السلام ورحمة الله وبركاته،
سو استعادة لكلمة المرور عن طريق ايميلك
مشكلة ابعتت اكتر من 20 رسالة للايميل بس ما وصلت ولاشئ
مرحباً، الحل الاسهل بالنسبة لك تسوي حساب جديد بإيميل جديد
فتحت عده حساب مجاني كيف الغي الحسابات كامل
مرحباً .. سؤالك غير واضح للاسف tch34
السلام عليكم
ساعدوني يا اخواني
نسيت كلمة المرور الخاصة بتلفوني Apple ID شو اسوي ما بعرف
ساعدوني لأنه تلفوني قفل
التلفون 4s iPhone
ولكم جزيل الشكر
وعليكم السلام ورحمة الله وبركاته
مرحباً .. تحتاج تطبق الشرح الموجود في الموضوع وراح يرسلون لك رسالة تغيير كلمة المرور على ايميلك
لو سمحتي ابي حل للمشكله سويت حساب فالابل ستور لجوال ايفون بس اذاجيت ابي افتح الايميل من خلال الابتوب عشان الهوتميل [افعل الحساب] يقول الرقم السري خطا وانا متاكدة من صحته الرقم السري الي سويته فيه حروف صغيره وكبيره وارقام اخاف تتعارض مع الابتوب حاولت اغير الرقم السري من الابتوب بس مهو راضي يتغير
مرحباً، الايميل اللي سويت فيه الحساب هو ايميلك اساساً؟ والا ايميل حديث سويته وقت ماسويت الحساب؟
بس معليش انا وحده غبيه شكلي ما اعرف افتح الرسائل اللي بالايميل أو أن الرسالة
ماجاتني من جد ابتلشت تكفون ساعدوني
مرحباً،
الان انتي سجلتي بالإيميل حقك في الابستور صحيح؟
طيب ادخلي على موقع الايميل سواء هوتميل او جيميل او ياهو وافتحي ايميلك وان شاء الله راح تحصلين الرسالة.
قسماً بالله مليييييييت
الرساله ماجتني مادري وش المشكلة
مع أني دخلت ايميلي الصحيح
ساعدوووووووووووووووووووني……وشكراً
مرحباً،
ادخل على الابستور وسجل دخول بايميلك، راح تظهر لك رسالة ان حسابك غير مفعل وتحت فيه ايقونة لإعادة ارسال رسالة التفعيل .. اضغط عليها ثم ارجع شيك على ايمييلك ان شاء الله تكون وصلتك.
اناعندي مشكله اني ضيعنسيت كلمة المرور لAppue lD
والاميل الي مسجل فيه مواناالي سويته الي سواه ليه صاحب محل قبل سنه تقريباً وانادحينه ابغى منكم الحل ؟
مرحباً،
للاسف لايوجد حل الا عن طريق عمل استعادة لكلمة المرور والدخول على نفس الايميل لكي تستطيع الحصول على الرابط المرسل لك.
لوسمحت انا طلع أني اذهب لبريدي الالكتروني ولاكن كيف تكفئ
tch32 tch32
مرحباً،
عندك ايميل؟ تعرف كيف تفتحه؟
ممساء الخير حبيبي
انا اول مره نسيته سويت استعاده قبل شهر وجاء الرمز في الايميل وسويت استعاده وضبطته والحين نسيته ومن امس وانا احاول لكن مايرسلون شيء الى الايميل واسوف الردود تقول ادخل الاب ستور وسو تسجيل الدخول سويت طلعلي كلام انقليزي مكتوب فيه هذا الحساب غير صالح او عاطل او زي كذا فهمت ومكتب تحت كنسل او ريست حطيت ريست جاني ادخل ايميلك دخلته جاني تم الارسال الى بريدك الاكتروني وكالعاده مارسل شيء تكفى والي يرحم والديك ساعدني ❌
مساء النور،
مرحباً .. للاسف اذا هم ما ارسلوا لك ايميل مافيه حل اخر غير المحاولة مره ثانية والتاكد من كتابة الايميل .. هل تعرف بيانات الحساب الاخرى؟ الأسئلة السرية وتاريخ الميلاد؟
سلام وعليكم
اخوي انا قبل فتره نسيت الرمز ورحت سويت استعاده عن طريق البريدالاكتروني وارسلولي رساله وضبطته وامس نسيت الرمز اسوي استعادة بالبريد الاكتروني مايرسلون شيء ليهههه صارلي من امس احاول
وعليكم السلام ورحمة الله،
مرحباً .. تاكدت ان البريد الغير هام ( الجنك ميل ) ماوصله شيء؟
تأكد من كتابة ايميلك بشكل صحيح يمكن فيه غلط في الكتابة؟
انا عندي نفس المشكله وانا حسابي مال الابستور على الياهو وانا ما ادري شنو السري ف الياهو يبي احط السري عشان توصل لي الرساله واشوفها بس انا ما اقدر اشوفها لاني ما اعرف السري
لازم تكون قادر على فتح ايميلك عشان توصلك الرسالة للاسف.
السلام عليكم ورحمة الله وبركاته
انا عندي ايباد ميني عندما أكتب كلمه السر forأبل ستور وانزل شي مايستوي الرجاء حل هذه المشكلة
وعليكم السلام ورحمة الله وبركاته،
كلمة السر يجب ان تكون مكونة من 8 خانات ما بين حروف كابيتل وسمول وارقام، على سبيل المثال: Aa124578aA
أنا نسيت بريدي الإلكتروني الدي أستخدمه في حسابي الأب ستور
السلام عليكم ، اخوي العزيز انا شريت ايباد وسويت حساب جديد للآي كلود وعملت كل الخطوات من اسئله امان وباسوورد الخ. الين طلع لي انهم ارسلو رساله للأميل عشان التفعيل ولكن للاسف يوم جيت بدخل للأميل لقيت اني غلطان بكتابة ال gmail وانا حطيت gmeil وبلشت الحين كيف ادخل ولا ادري كيف قبل الاي كلود الاميل مع ان الصيغة غلط وصفحة الآي كلود عندي بالآيباد ظاهر لي الأميل الغلط حاولت بشتئ الطرق تغييرة مو راضي يقبل معي وحتى اجوبة الامان نسيتها فاذا عندك لي طريقة ياليت تعطيني مع العلم ان حساب الابل ايتونز للتطبيقات حساب ثاني مختلف وشغال تمام واسف ع الاطالة وشكرآ.
وعليكم السلام ورحمة الله وبركاته،
للاسف ماعندي حل لمشكلتك .. ممكن تجرب تتواصل مع ابل لعلى وعسى يفيدونكم، هذا رقمهم في السعودية:
8008449724
السلام عليكم
انا اتبعت كل خطواتك بشكل صحيح وغيرت كلمه السر
بس لما اجي افتح الايفون واحط الايميل وكلمه السر الجديده برضو بيعطيني انه غير صحيحه ؟
وعشان اتأكد من شغلي فتحت حساب الاي كلاود من اللابتوب بشكل طبيعي !
بس من الايفون ما برضى ؟
انا مش عارف الرقم السرى المفروض بيحتوى ع ايه وعمال اكتب الباسورد مش راضى يقبل ممكن تفيدونى افادكم الله
مرحباً،
الرقم يكون ٨ خانات. عبارة عن حروف كبيل وسمول ( كبيرة وصغيرة ) وارقام.
مثال: AsD234AsD
السلام عليكم
انا عندي حساب بلأب ستور بس ما اعرف ارمز
ولأيميل مو على البريد حقي وش نتيجه الي عنده الحل يعلمن
السلام عليكم الله يعطيكم العافيه صارت لي مشكله مع الأب ستور انا جهازي ايباد ميني ٣ اذا جيت انزل تطبيق على الايباد اكتب كلمه المرور حقت الأب ستور يطّلع لي كلمه المرور خاطئة مع أني متأكده انا كلمه المرور صح ابي حل ضروري. للمشكلة ذي الله يعافيكم
وعليكم السلام ورحمة الله وبركاته
لازم تسوي استعادة لكلمة المرور:
https://iforgot.apple.com
يعطيك العافيه
السلام عليكم
انا نسيت اسئله الامان الاب ستور
ماهوالحل؟
وعليكم السلام ورحمة الله وبركاته
تواصل مع هاتف ابل للدعم الفني في السعودية:
السعودية: 8008449724 لـ STC
السعودية: 8008500032 لـ زين وموبايلي
السلام عليكم ورحمة الله وبركاته
نسيت كلمة الاب ستور ولا يمكنني إعادتها رغم اتباعي كل الخطوات أرسل لي من اب ستور رسالة الا انه دائماً يعيدني الى نفس النقطة لا يعطيني المرحلة الاخيرة لتعيين كلمة السر ؟؟؟؟ ماذا افعل من فضلك ان ترد علي رسالتي في اقرب وقت وشكرا.
وعليكم السلام ورحمة الله وبركاته
ممكن تجربين من هالرابط:
https://iforgot.apple.com
وممكن من نفس الجهاز، الدخول على الاعدادات ثم app store
والضغط على الايميل وستظهر لك الخيارات، من ضمنها خيار forgot password.