تعرفنا على الآب ستور في موضوع سابق ( اضغط هنا )

وذكرنا بأنك بحاجة إلى التسجيل في المتجر لكي تستطيع التحميل من خلاله

نستعرض اليوم معاً طريقة كيفية التسجيل بحساب في الآب ستور app store

في البداية دعونا نوضح أنه يوجد عدة متاجر .. متجر للسعودية , متجر لكندا , متجر لبريطانيا , متجر أمريكا .. الخ

ماهو الفرق بين هذه المتاجر؟
 

الفروق هي أنه يوجد لكل متجر إحصائيات معينة للبلد اللي أنت مختاره .. يعني مثلاً لو أفتح لي حساب وأختار المتجر السعودي خلاص بيصير المتجر يعرض لي أكثر البرامج اللي محملينها السعوديين وكذا .. وبرضو الأمريكي لما يفتح حساب في متجر أمريكي بيطلع له البرامج اللي يحملونها الأمريكان وهكذا

شلون تدفع مبلغ التطبيقات في المتجر؟

عندك خيارين , إما أنك تربط حسابك ببطاقتك الإتمانية ( فيزا أو ماستر كارد ) أو تشتري بطاقة أسمها ( apple gift card ) وهالبطاقة زي بطاقة الشحن .. تشتريها ويكون فيها مبلغ مثلاً 50 دولار وتصير مربوطه بحسابك وكلما تشتري تخصم منها القيمة لحد ما يخلص الرصيد .. وفيه طريقة ثالثة وهي الجيلبريك لكن يقولون أن ستيف جوبز الرئيس التنفيذي لشركة آبل يقول أنه ما راح يحلل أي شخص يركبه

والأن نبدأ بشرح فتح الحساب

أولاً: نعرض لكم شرح فيديو لكيفية فتح حساب في الابستور من خلال برنامج الايتونز في اللاب توب

* * * *

ثانياً: نجي الحين لكيفية فتح الحساب المجاني في الآب ستور بالصور، أول شيء نفتح عليه ثم نروح لأي لعبة أو تطبيق ” مجاني “

شرح فتح حساب في الآي تونز

نضغط على كلمة ( free ) ثم بعدها على كلمة ( install app )

creat a user in app store -تسجل حساب مجاني في متجر ابل

لازم تضغط على اللعبة المجانية وتحاول تحملها عشان تطلع لك الخيارات، لو ماسويت هالطريقة ما راح تقدر تسجل بدون بطاقة الفيزا

* الكلمة الأولى تضغط عليها لو عندك حساب وتبي تسوي تسجيل دخول مباشرة

نضغط على الكلمة الثاني عشان نبدأ عملية التسجيل في المتجر

طريقة التسجيل بحساب مجاني في الاب ستور

 

هنا تختار متجر البلد اللي حاب تسجل فيه .. أنا عن نفسي أخترت أمريكا لأنك اذا تفكر بعدين تشتري بطاقة وتبي تربطها بالحساب ماتقدر اذا اخترت السعودية

فتح حساب في متجر ابل app store

هذي هي شروط المتجر .. اضغط على ” agree ” بعد ما تقراها طبعاً

شرح التسجيل في الآي تونز

 

تكتب الإيميل اللي تبي تسجل فيه , وتكتب لك سؤال سري وتضيف له جواب , وفي الأخير تاريخ ميلادك ولازم يكون صحيح وتحفظه لأنك بعدين إذا بتعدل على حسابك شيء أو اذا نسيت باسوردك بيسألونك عن التاريخ

طبعاً هذي الصورة قديمة شوي، حالياً ابل غيرت في السؤال السري وحولتها إلى ثلاث أسئلة سرية بدلاً من واحد ! وضروي تجاوب عليها كلها.

وبالنسبة للباسورد فهو معقد شوي الصراحة .. لازم يكون مكون من 8 احرف على الأقل .. ولازم يكون فيه حرف كابيتل وفيه ارقام بعد , وبرضو ما تكرر حرف أو رقم ثلاث مرات ورى بعض

وعلى سبيل المثال ممكن تستخدم أول حرف من أسمك وتسوي باسورد سهل زي كذا

أمثلة على باسوردات الآبستور:

Bb123456

b123456B

S123123s

E123e123

فتح حساب في الاب ستور

الخيارين اللي في النهاية هذي تسألك إذا تبي تشترك في الموقع عشان توصلك العروض والأخبار على إيميلك .. حط اللي يناسبك بعدين بنروح للصفحه اللي بعدها

apple store - متجر ابل

في الخانة الأولى نختار طريقة الدفع ( فيزا – ماستر كارد .. ) بالنسبة للي يبي الحساب يكون بدون بطاقة أو وسيلة دفع أخرى يختار كلمة ( none ) اللي هي الأخيره ..

– ملاحظة : كلمة  ( none ) طلعت لنا لأننا كنا جالسين نحاول نحمل تطبيق مجاني .. إذا ما طلعت لك من ضمن الخيارات تأكد أنك ما اخترت برنامج مجاني أو أنك جالس تحاول تفتح حساب مباشرة من مكان ثاني

app store - التسجيل في متجر ابل بدون بطاقة

تعبيء بياناتك باللي يناسبك .. انا عن نفسي سميت نفسي عبدالعزيز جون

الخانة ( code ) هي الخانة اللي تضيف فيها الرقم التسلسلي حق البطاقة إذا عندك بطاقة وتبي تربطها بحسابك

التسجيل في متجر ابل وربط بطاقة الاي تونز بالحساب

 

نكمل البيانات ومن ثم ننتقل للصفحه اللي بعدها

التسجيل في متجر ابل بدون بطاقة ( مجانا )

إذا بياناتك كلها سليمه ومافيه شيء غلط بتطلع لك هالصفحه واللي توضح لك أنك خلاص سجلت في المتجر الأن وفيه إيميل أنرسل على إيميلك عشان إكمال عملية التسجيل والتحقق من ملكية الإيميل

 

التسجيل في الابل ستور والايتونز

 

بتحصل هالرسالة في إيميلك .. ببساطة اضغط على كلمة : Verify Now

 

app store - ابل ستور

وبعدين بيفتح لك صفحه في موقع ابل تطلب منك تكتب الإيميل والباسورد اللي أخترتهم

وبكذا تكون خلاص سجلت بسلام

*  *  *  *

– لكل متجر بطاقته الخاصه .. يعني فيه بطاقة بريطانية وفيه بطاقة امريكية .. وعلى حد علمي لو تشتري بطاقة أمريكية ما تنربط بالحساب البريطاني والعكس

– في بعض الأحيان يكون فيه تخفيض للعبة أو تطبيق معين ويكون السعر خفض من ” دولارين ” مثلاً إلى ” تطبيق مجاني ” , ولكن لما تحاول تحمله ما يضبط معك ويطلب منك الشراء .. هنا يكون بس التخفيض يشمل مستخدمين المتاجر الأجنبية ( مثل : الأمريكي والبريطاني ) لأنهم في الغالب يحصلون على عروض تحميل اللعبة المدفوعة بشكل مجاني لفترة محدودة ( يوم أو يومين مجاناً مثلاً ) .

تابع ايضاً مواضيع مشابهه بخصوص حساب الآبستور:

مواضيع ذات صلةمواضيع اخرى للكاتب

506 تعليقات

  1. لو سمحت :/ انا ايفوني 4 بس مابعد حدثت للـ ios 5

    tch2

    مالقيت تويتر بالاعدادات لان نظامي قديم :/

  2. يعطيك العافيه….
    سويت الخطوات كلها وتوصل لي رساله ع الايميل وتفتح معي صفحه واحط الحساب اللي سويته
    وطلع صح وبالاخر لادخلت يطلع
    your have not verified your account
    كيف لم يتم التحقق من الحساب؟ tch9

    • أهلين .. سوي تسجيل خروج من الحساب ثم حاولي تدخلين فيه مرة ثانية، لو ماضبط جرب افتحي الايميل حق التفعيل مرة ثانية واضغطي الرابط وحاولي تفعلينه من جديد .. يمكن يضبط معك إن شاء الله tch34 tch26

  3. انا سويتكل شي بس ب النهايه ماطلعت لي الصفحه الاخيره اللي فيها تكتب الايميل والبارسود عشان يكون عندك حساب مالعت لي tch9

  4. أهلين .. أغلب مواقع التواصل الإجتماعي تقدم خدمة البحث بالإيميل .. يعني أنا لما أسجل في التويتر وإلا الفيس بوك والا الانستاقرام في الغالب بيقولون لي اكتب ايميلك وبنبحث لك في اللسته حقتك عن ناس يستخدمون هالموقع من زملائك .. لذا أنصحك إذا تبين تسوين لك حسابات ماتبين احد يطلع عليها تكون بإيميلات ما يعرفها أحد يعني خاصة فيك وما سبق واستخدمتيها كـ إيميل ومراسلات وكذا tch34 tch26

    إن شاء الله أكون أفدتك tch20

  5. هههههه مو لازم اسوي له تحديث؟؟ ولا هم بيجبروني كيفهم خخ

    :/ سؤال ايتونزي خرب بالجهاز اللابتوب يعني بيضيع الميوزك والشوز اللي عندي؟ ولا لا؟

    لازم اسوي له اعادة تحميل ولا تنصحني بـ ios 5 🙁 اخاف يضيعون -مشكلة اللي مايحب المغامرات!! tch13

    tch30

    • اهلين، بالنسبة للميوزك والشوز اللي في الايتونز فـ اذا هي محملة عن طريق الحساب حقك فـ تقدرين ترجعين تحملينها من جديد، واذا هي موجودة على جهازك والايتونز مجرد يعرضها لك فـ عطل الايتونز ما يأثر عليها ان شاء الله.
      بالنسبة للتحديث هو افضل اكيد، واذا حابة ممكن نسويه لك لو كنتي من سكان الرياض tch34

  7. اهلا .. لو سمحت مافهمت ” بالنسبة للميوزك والشوز اللي في الايتونز فـ اذا هي محملة عن طريق الحساب حقك فـ تقدرين ترجعين تحملينها من جديد ” يعني شلون؟
    انا طبعا محملتهم بحسابي بس فيه ميوزك gifted to me ..
    وفيه كم شي انا حملتهم بفلوس .. بيضيع شي من هالحاله؟

    خخ -وانتم ساعدتوني قبل اشتري الايتونز كارد- :”) ثانكيو!!!!!

    اوك بحدث الايتونز باللاب بس ،
    هل هو يمسح الصور بعد , للايفون هذا السؤال!!

    شلون تسسون لي لو اجي الرياض؟ tch29

    tch30

    الله يوفقكم يارب .. ويحقق لكم اللي تتمنون .. tch26

    • أهلين .. الأن لما تفتحين الآيتونز صح بيطلب منك الحساب حقك عشان التحميل والشراء وكذا؟؟ .. اوك بعد ماتدخلين الحساب حقك بتقدرين تسترجعين أي شيء حملتيه عن طريق حسابك، سواء كنتي شاريته أو محملته فري أو غيره .. على يسار الشاشة في برنامج الآيتونز فيه خيارات من ضمنها خيار اسمه ( itunes Store ) بعد ما تضغطين عليه بتحصلين على اليمين قائمة من ضمنها خانة اسمها ( purchased ) واللي هي المشتريات اللي تمت بهذا الحساب .. بتطلع لك جميع الأشياء اللي حملتيها وتقدرين ترجعينها مجاناً tch33
      *
      بالنسبة للصور فـ مافهمت سؤالك؟ قصدك يحذف الصور اللي في الايفون حقك؟ لا ما له دخل فيها المفترض tch7
      *
      اما بالنسبة للرياض فـ حنا عندنا محل لصيانة وبيع منتجات وإكسسوارات أبل، ممكن نساعدك في صيانة وتحديث جهازك tch34 .. هذا الموقع الخاص بالمحل:
      store.tichno.com

      • أهلا 🙂

        اوك … هذي الخطوة اعرفها .. من قبل! بس ماكنت ادري اذا بسوي ديليت لايتونزي واحدثه تكون اغراضي موجوده :””) شكرأ!!

        لان مره اختي قاعده تحدث ايفونها وطفى الجوال قبل مايكمل التحديث :/ وانمسح صور كثير صار كانه جهاز جديد –هذا كان قصدي. ماودي اغلط زيها!!

        شكرأأأأأ .. tch5 الموقع بالمفضله الحين!! انضم الى هذا! :”)
        tch3

        • أهلين،
          بالنسبة لمشكلتك أختك فـ لو كانت مأخذة باك أب قبل ماتبدأ التحديث ووقت التحديث أنمسح عليها ملفات تقدر بعد ماتخلص تسترجع الباك اب القديم وترجع لها ملفاتها كاملة tch17
          ،
          العفو ويشرفنا ننضم لمفضلتك tch3

  8. السلام عليكم
    انا ابي اسوي حساب جديد وفي الخطوة الاولى:المملكة العربية السعوديه واحط نكست يحمل شوي ويقول:your session has timed out.try again
    والخيار الوحيد مكتوب done
    وشكراً مقدماً tch28

    • وعليكم السلام ورحمة الله وبركاته،
      أهلين .. العفو وحياك ربي مقدماً tch26 tch3
      بالنسبة للي صاير لك فهو في الغالب بسبب التأخر في الأختيار في نفس الصفحة، حاول مره ثانية تجرب تسوي الحساب وهالمرة حاول تكون سريع شوي وما تتأخر في نفس الصفحة وإن شاء الله يضبط معك tch34

  9. طيب ممكن سؤؤؤؤالل
    اي متجر اختارو
    يكون الاحسن
    وبرامجو حلوه
    بليز…^_^ tch37 tch37 tch32 tch3 tch23 tch23 tch17 tch3 tch11 tch40 tch22 tch41 tch14

  10. السلام عليكم ورحمة الله وبركاته مره ثانيه tch27
    ايه الحمدالله ضبطت معي مشكورة اختي tch28
    بس عندي سؤالين:

    س1-الاي كلاود اللحين بالضبط هو أيش ومافي فوائده؟! tch32
    ويقولون انه يقدر يخترق وش اأسباب اللي تسمح له يخترق الأي باد؟!

    س2-انا عندي برامج ابي احملها ع الاي باد بس السؤال هل أغلب البرامج تحتاج للجيلبريك؟!
    وهل فوائده اكثر من اضراره؟!
    وبعد أن الجيلبريك فيه إختراق متى يصير هالشيء؟!

    +في استفسار صغنون

    tch27
    فجأه ع الاي باد طلع هل تريد تحميل ios نسيت الرقم اللي معه tch23
    وحطيت التفاصيل وبعدين تحمل معي بس ليش كذا فجأة طلع للمعلومة ما كانت اول مره استخدم الآي باد فيها!! tch13
    واللي اعرفه انه نظام المفروض يكون موجود اساسي ولا؟! tch32

    وادري ازعجتك بكثر اسألتي 🙁 tch38

    • وعليكم السلام ورحمة الله وبركاته
      اهلين .. العفو حياك ربي tch26 tch34 .. صحيح أنا البس لون وردي كثير بس ما توصل اني اصير بنت عاد tch38
      بالنسبة لأستفساراتك، الاي كلاود هو عبارة عن هارديسك أون لاين ( يعني مساحة تخزينية في الانترنت ) تدخلين لها عن طريق الحساب الخاص فيك في الابستور ( ايميلك + كلمة المرور اللي اخترتيها للحساب ). اذا دخلتي حسابك في الاي كلاود بتكون عندك عدة خيارات، انك تاخذين نسخة من الاسماء والصور والمعلومات والتطبيقات .. الخ.
      وش فايدته؟ لنفرض ان ايبادك ضاع او انسرق او انفجر او خرب فجأة او صار له اي شيء واختفى قبل لا تأخذين له باك اب من الايتونز وش بتسوين؟ بمجرد ماتستخدمين ايباد جديد او تسوين لايبادك ( فورمات / ريستور ) بتقدرين ترجعين جميع بياناتك وكل شيء كان في الجهاز بيرجع زي ما كان .. كنه ما صار له شيء! .. هذا هو الاي كلاود بكل بساطة، مافيه اي اختراق ولا غيره لكن حنا عشاننا شعب نؤمن بنظرية المؤامرة والاختراق وكأن الشركة يهمها تأخذ مننا معلومات صنع الذرة من اجهزتنا انتشرت هالسالفة tch3
      طالما الحساب الموجود في الاي كلاود هو حسابك الشخصي وماعطتيه اي احد، ماعليك خوف ان شاء الله tch20
      *
      سؤالك الثاني مافهمته، تقدر تحمل اي برنامج تبيه من الابستور، الجيلبريك فيه برامج بسيطه اللي تعتبر غير موجودة على الابستور .. الا اذا قصدك البرامج المكركة في الجيلبريك؟
      *
      الجيلبريك مايضر اذا انخلط معه مويه ان شاء الله tch3 .. الجيلبريك يعتبر كسر لحماية الجهاز، واي شيء يكسر حماية الجهاز يعتبر خطر عليه والجيلبريك يخلي جهازك غير مستقر وممكن في اي لحظه تركبين سورس ويتعارض مع سورس ثاني ويوقف الجهاز ويصير يحتاج ريستور tch29 .. ما انصح فيه اذا الشخص اللي بيركبه ما راح يستفيد منه tch34
      *
      الاصدار اللي تطلع لك هو تحديث جديد، اللي هو الاصدار ( ٥.١.١ ) وهالشيء طبيعي وعادي تحدثينه ما راح يضر ولا شيء ان شاء الله. الا لو كان جهازك عليه جيلبريك او لو سويتي له جيلبريك في المستقبل بيكون ما ينفع تسوين له تحديث زي كذا!

  11. شههد قل خيرا او اصمممت

    شكراااااااااا ع الشرح

    يعطيك الف عافيه
    tch26 tch26

  12. السلام عليكم ورحمة الله وبركاته
    من زود الحماس الرد انكتب مرتين tch31
    ههههههههههه آسفين وحقك علينا كانت زله كيبورديه tch3
    جد جد مشكور والله يعطيك ألف عافيه tch28
    سلام tch28

  13. السلام عليكم ورحمة الله وبركاته
    شرح جميل مشكور اخوي tch28

    عندي استفسار بسيط
    س1-بالنسبه لبرنامج(لاين) الصور ما تطلع لي ولا تنحفظ ليش؟!

    تحياتي tch27

    • وعليكم السلام ورحمة الله وبركاته،
      ماتطلع لك الصور وين؟ في المحادثه يعني والا كيف؟
      – جرب تحذفه وتركبه من جديد طيب؟ tch3

  14. وعليكم السلام
    ايه في المحادثه لما احط الصور ما تطلع لي !!!
    حتى لما تنرسل ما نتحفظ ولا تتكبر!!
    وحذفته, بس لما اجي عند التسجيل يحمل ولا يصير شيء ونوعت في إعدادت التسجل بس نفس الحاله!
    لما احاول مره ثانيه يوقف احياناً عند خيار قبل! tch7
    مع العلم حذفته وحاولت فيه مره ثانيه بس نفس الحاله!! tch13
    وشكراً tch21

    • أهلين .. للأسف مالي خبرة في هالبرنامج صراحة 🙁
      يا اما انك تحاول في إعدادته وتحوس فيها أو تغير البرنامج بكبره tch3

    • مرحباً، أفتح الايتونز واضغط على الاستور الخاص بالبرامج وبعدين اختر لك شيء مجاني وحاول تحمله .. بعدين أتبع الشرح الموجود في الموضوع .. بيكون قريب منه tch40

  16. السلام عليكم ورحمة الله وبركاته
    هذا اللي بحاول اسويه إن شاء الله
    مشكور أخوي
    تحياتي tch28

  17. قل آمين عساااااااااااااك بالجنه على هالشرح
    فكيت لي آزمه ميب هينه
    > مشكله الي مايعرف الا بالصور

    مشكووووووووور tch28 😀

  21. يسسسسسسلموووا خيوووو
    مرررره استفدت بصرااااحه وادعي لك
    يعطيييك العاافيه ..لما احتاااج حاجه حرجع لك. tch28

  22. يعطيك العافية بس والله العظيم ما فيه none جربت كلش امريكي سعودي لازم احط بطاقة ائتمانيه

    • أهلين .. الله يعافيك، مايفرق أمريكي أو سعودي أهم شيء هل كنت تحاول تحمل برنامج مجاني لما بديت عملية التسجيل؟؟

  23. السلام عليكم
    سويت كل الخطوات وطلع لي كل شي صح بس ماوصلني عالبريد شي tch9

    • وعليكم السلام ورحمة الله،
      أهلين .. جرب أفتح الحساب حقك وحاول تحمل أي تطبيق، بتطلع لك رسالة خطأ أن حسابك لسى ما تفعل .. بتحصل تحت ايقونة مكتوب فيها إعادة إرسال رسالة التفعيل ( Resend verification )

  26. وديت الايباد لمحل , وسجل لي بإيميل زوجي , وعندي 39 اب دايت يبيلها تنزيل , وإذا بغيت أحملها يطلب كلمة سر ابل اي دي وادخلها متأكدة منها يطلع لي غلط tch10

    • أهلين .. لما تحاولين تسوين آب ديت للتطبيقات ويطلع لك خانة يطلب فيها كلمة السر حقت الابل اي دي .. يكون مكتوب فوق الخانة الخاصة بكلمة المرور ايميل.. هذا الايميل المكتوب هو نفسه حق زوجك ؟ والا ايميل ثاني؟

    • أهلين .. افتحي حسابك وحاولي تحملين اي تطبيق، بتطلع لك رسالة تنبيه أن حسابك لسى ماتفعل وبتحصلين تحت خانة اسمها ( resend verification ) اضغطي عليها وان شاء الله بيرسلون لك الرسالة على ايميلك.
      * لما سويتي الحساب وخلصتي وكتبوا لك تم الإنتهاء، هل شفتي الايميل اللي كتبتيه؟ يمكن يكون كتبتي ايميلك خطأ أو اخطيتي في شيء ثاني؟

    • أهلين .. في الكيبورد موجود ايقونة عليها صورة سهم على فوق .. لما تضغط عليه يكون بإمكانك الكتابة بالحروف الكابيتل tch20

  29. بالنسبة للصورة السابعة ف الشرح عند كلمة
    card number اش نكتب ؟
    security code ?
    😀

    • أهلين .. افتحي حسابك وحاولي تحملين اي تطبيق، بتطلع لك رسالة تنبيه أن حسابك لسى ماتفعل وبتحصلين تحت خانة اسمها ( resend verification ) اضغطي عليها وان شاء الله بيرسلون لك الرسالة على ايميلك.

    • أهلين، مكتوب لك الرجاء التواصل مع قسم الدعم الفني الخاص بالايتونز لإتمام العملية .. عن نفسي أنا أفضل اسوي حساب جديد بإيميل ثاني أسرع وأريح tch34 tch3

  36. انا عملت الخطوات كلها و صار عندي حساب بس التحميل عم يعطيني رسالة خطا ١٠٠٩

  39. ماقصرت اخوي سويت الخطوات وضبط معاااي وانتهت مشكله الحسسساب
    الف شكرر tch17 tch5

  40. السلام عليكم أنا فتحت حساب في المتجر ثم نسيت كلمة السر ورحت وفتحت حساب ثاني واذا نزلت برنامج من المتجر يقول كلمة السر غلط وانا اذكر كلمة السر مع العلم أني ام فتحت حساب اكتب على كيفي في العنوان والاسم ساعدوني ابي احمل برنامج مهم ولا قدرت وشكرا

    • وعليكم السلام ورحمة الله وبركاته،
      أهلين .. ممكن تدخل على هالرابط ( https://iforgot.apple.com/ ) وتسوي استعادة لكلمة المرور الخاصة فيك .. بعد ما تدخل الرابط اكتب ايميلك وبعدين أختر الخيار الأول ( Email authentication / Reset by Email ) عشان يرسلون لك ايميل فيه رابط لما تضغطه بيطلبون منك تختار كلمة سر جديدة للحساب وخلاص ان شاء الله يضبط معك tch40

  42. سلام أنا عندي مشكلة لمن اخلص من كل شي تجئني الرسالة أني خلصت وبعدين اروح المسن واسوي زي ما قلت وبعدين لمن ابغا احمل يجيني زي كدا
    tch4 tch2

  43. عجزت حااولت اكثر من مره
    بس كلام انجيزي و م افهم؟؟ تكفون عطوون جااهز ومضموون tch2 tch1 tch9

  44. السلام عليكم

    انا سويت كل شي وارسلولي في البريد دا الكلام

    Dear Soso Alharbi,
    To reset your Apple ID password, simply click the link below. That will take you to a web page where you can create a new password.
    Please note that the link will expire three hours after this email was sent.
    Reset your Apple ID password >
     
    Questions? There are lots of answers on our Apple ID support page >
    If you weren’t trying to reset your password, don’t worry — still secure and no one has been given access to it. Most likely, someone just mistyped their email address while trying to reset their own password.
    Thanks,
    Apple Customer Support

    وقسسم ابلشني وانا احااول فيه tch3

    • وعليكم السلام ورحمة الله وبركاته،
      أهلين .. الرسالة اللي وصلتك هذي حقت إعادة تعيين كلمة المرور .. غريبة مو رسالة لتفعيل الحساب .. حسابك متفعل والا لسى جديد؟

    • أهلين .. افتحي الابستور وحاولي تحملين اي حساب بيطلع لك خيار التسجيل دخول .. اكتبي ايميلك والباسورد حقك وبعدين بتطلع لك رسالة خطأ يقولون لك فيها ان حسابك لسى ماتفعل .. بحصلين تحت ايقونة ( resend verification ) اضغطي عليها عشان يرسلون لك الرسالة مره ثانية .. وتأكدي من الجنك ميل ( البريد الغير هام ) يمكن تكون هناك

  46. كيف اسوي رقم حساب الاب ستور ممكن احد يساعدني ارجوووووووووووووكم
    وشكرا

    • الباسورد لازم يكون من احرف كابتال سمول ارقام رموز زي
      =Aa098765= tch36 tch36 tch36

  49. السلام عليكم ورحمة الله … اخي العزيز مشكووووور وجزاك الله خير
    بس يا اخي انا من العراق وعدنا في العراق كميات هائلة من الاي فون ولكن !!!
    لا احد يستطيع استخدام ابل ستور ولا نستطيع تحميل اي تطبيق مجاني الا عند اصحاب المكاتب لأنهم يملكون بطاقات خارجية مثل بطاقة سعودية وغيرها اما المواطن العادي لايستطيع فما العمل وماذا افعل لأن حسب ما افتهمت من كلامك المشكور انو لازم يدخل كود واحنه ما عدنا غير كود الدولة الي هو 00964 فما العمل جزاك الله خير

    • وعليكم السلام ورحمة الله وبركاته،
      معليش مافهمت وش دخل بطاقة السعودية في الموضوع؟ tch3
      إذا بتطبق الشرح الموجود ما تحتاج بطاقات لأي شيء .. بيكون الحساب مجاني وبيضبط معك التحميل ان شاء الله بدون ماترجع لأي محل او غيره

  50. وواو مليون مره أحاول وتو تابعت خطواتك وفتحت واااااخخخخخيرررااااا ثانكس ألوت
    tch1 tch1 tch1 tch1

Newer Comments »

اترك تعليق

اكتب تعليقك
اكتب اسمك هنا