طريقة تفعيل شريحة موبايلي والاتصالات وزين على الايباد

171 ردود

  1. "
    Mr. A
    26 أغسطس 2011

    ما شاء الله، وش هالموضوع الكامل والشامل
    المفروض موضوع مثل هذا يطبع ويوزع في كل محلات الأجهزة الألكترونية .. وبالمره يرسلون منه نسخة لهيئة الإتصالات

    يعطيك العافية، عطيتني أمل في تجديد وشحن رصيدي بدون ما اطلع الشريحة وأشبكها على الجوال كالعادة .. وحتى الإعدادات جداً مفيدة وتساعد الناس اللي ماتعرف .. الناس اللي غيري طبعاً لاني اساساً عارفها < <-- هين بس

    يا مال الثنيكو .. وتستاهلين من يعطيك هديه برج جوال .. قولي تم

    • "
      مسك
      2 نوفمبر 2011

      ياحلوة بغيت اسألك
      انا عندي ايباد ومشغلته ع الشريحة وابي اوصله في اللاب توب
      ويصير بمثابة لواير لس لللاب توب واصير ادخل ع النت وانا موصلته في الايباد
      ابي الطريقة شلون اسويها
      والف شكر لك

      • "
        مسك
        2 نوفمبر 2011

        انا دورت البرنامج swilry sms free في الأب ستور مالقيته وماعندي سيديا لأن ايبادي2
        وابي احمله شلووون!!!

      • "
        Omer fagir
        13 سبتمبر 2013

        البرنامج ماراح تلقاه إلا على سيديا

      • "
        Mr. A
        3 نوفمبر 2011

        اهلين، بالنسبة للبرنامج ( SwirlySMS free ) فهو ما يتحمل الا عن طريق الجيلبريك، مهوب موجود في الابستور .. وبالنسبة لتحويل اللايباد إلى مودم عشان تخلين اللاب توب يشبك عليه يحتاج برضو جيلبريك للاسف !

        وش الإصدار حق ايبادك؟

    • "
      ابراهيم غرم الله
      26 مارس 2012

      ابغى طريقة تفعيل شرحة موبايلي وشكراَ

      • "
        Pixel Des
        28 مارس 2012

        اخوي ابراهيم ، شرح الطريقه موجودة بالموضوع
        ادخل على موقع موبايلي
        http://www.mobily.com.sa/wps/portal
        واختار الباقه المناسبه لك
        /
        بعدها ارسل رمز تفعيل الباقة المختاره الى 1100
        راح يجيك بعدها رسالة انه تم التفعيل
        والعفو حياك الله

  2. "
    Pixel Des
    26 أغسطس 2011

    ايه قلهم قلهم دام اننا على اقبالية عيد والناس ضاربه بالأسعار غدين أرفع سعر هالنسخه واستغل الفرصة من صالحي هذا غير اني باخذ عموله من كل شركه على كل نسخة اعلانية لتسويق شرايحهم ايييييييييه ياسلام <- الحلم ببلاش ياميي

    يامال العافيه يامستر اي .. ودامك تعرف للاعدادات فأكيد ان برنامج الرسايل ماعندك علم فيه فاستفيد منه <- غصب هو هههههه
    تم

  3. "
    [ مالك عذر ]
    27 أغسطس 2011

    يسسس أخييرن

    ماشاء الله عليتس .. كفيتي و وفيتي .. لو إني دآري من مُبطي !

    تسان مارحت أعني نفسي لشركة موبايلي واقعد أتشحذهم عشان يشحنون لي خخخ

    الله ميير يعطيتس العافيه .. لآآآهنتي يابعد خرآطيش تسسبدي

    عافاتس الله

  4. "
    Rawan
    27 أغسطس 2011

    السسسلام عليكم

    الصراححه الشررح بطل مرررا

    عرفت اشياء كثير

    بس بسالك عن برنامج اللي يركب ع الايباد حق ارسايل الرسايل

    ممالقيته ودورته بعد بالاب ستور مافي

    بليز بليز اذا في غيره حططي لنا اسمه

    نحتاجه كثير حنا الابادييين :d

    وتششكرات ياقميله ق2

  5. "
    Pixel Des
    28 أغسطس 2011

    اهلن اهلن مالك عذر
    الله مير يسلمك وحنا بخدمة الأبليون يمديك تطلب برجين جوال مع هدية شحن بـ 10 ريال ولا منة موبايلي نرسلهم لك عن طريق البرنامج بس ايه لاتصدق <- خافت تتوهق
    يمال العافية نورت
    .
    .

  6. "
    Pixel Des
    28 أغسطس 2011

    .
    Rawan
    وعليكم السلام والرحمه
    أهلين روان تقدرين تنزلين البرنامج من الـ Installous

    واذا مالقيتيه
    الخطوات كالتالي :
    -- اول شيء افتحي السيديا.
    -- اختاري كلمة ( Sources ) من الخيارات اللي تحت.
    -- اضغطي على كلمة ( Edit ) اللي فوق على اليمين.
    -- اضغطي على كلمة ( Add ) اللي بتكون فوق على اليسار.
    -- بيطلع لك مربع في وسط الشاشة، اكتبي فيه (http://apt.thebigboss.org/repfiles/cydia/ ) وبعدين اضغطي Add Source
    -- بتحصلين من ضمن السورسات الموجودة سورس اسمه ( BigBoss )
    -- اضغطي على السورس وبعدين دوري على التطبيق هذا ( Swirly sms free )، اضغطي عليه وبعدين بتفتح لك صفحه .. فوق على اليمين فيه كلمة Install
    اضغطيه وراح يتثبت عندك البرنامج ان شاء الله
    .
    .
    واذا كان السورس من أساسه موجود عندك روحي لخانة البحث واكتبي Swirly sms free اذا حصلتيه ثبتيه

    ^
    مستر أوص

    • "
      Mr. A
      28 أغسطس 2011

      مهيب مشكلة ازرفي ردي محللك .. لكن المره الجايه غيري القلم بليز

    • "
      رغد
      30 سبتمبر 2011

      اول شي كاااااااااامساميدا ع الشرح الحلو 감사합니다
      ثاني شي ايش السيديا ^^’ ؟؟؟ 

    • "
      Mr. A
      30 سبتمبر 2011

      اهلين، السيديا تجي مع الجيلبريك : )

  7. "
    ..
    6 سبتمبر 2011

    انا حملت برنامج الرسايل وكتبت الرقم بس يطلع جنبه ساعه زرقه

    • "
      Pixel Des
      7 سبتمبر 2011

      <- تدخل ومعها قلم ناشف

      أبو نقطتين ..
      اذا كتبت الرقم بمفتاح المنطقه +966 واتبعته برقمك بدون صفر البداية وطلع عنده ساعه زرقاء معناته انه قبل الرقم ..
      وأنت جرب ترسل على الايباد بعد ماتشغل البيانات الخلوية من عند الاعدادات

  8. "
    ..
    7 سبتمبر 2011

    مششششششكوره بس كيف اعرف كم رصيدي ؟

    • "
      Pixel Des
      7 سبتمبر 2011

      العفووو اخوي
      اذا كانت شريحتك موبايلي ارسل رساله فارغه الى الرقم 1411 وياصلك الرد
      بس تاكد من اتصالك انه يكون من الشريحه ،، مو من الواي فاي لانه ماراح تنرسل فيه  

    • "
      Pixel Des
      7 سبتمبر 2011

      العفووو اخوي
      اذا كانت شريحتك موبايلي ارسل رساله فارغه الى الرقم 1411 وياصلك الرد
      بس تاكد من اتصالك انه يكون من الشريحه ،، مو مالواي فاي لانه ماراح تنرسل فيه  

  9. "
    ..
    8 سبتمبر 2011

    انا سويت كل شي في الاعدادات و البرنامج بس لما ارسل الى ١٤١١ يقول خطا وانا مقفله الواي فاي

  10. "
    Pixel Des
    8 سبتمبر 2011

    بس متأكد انك مشغل الـ 3G للشريحه ؟
    لان الخطأ غالباً يطلع اذا كانت اعدادات البيانات الخلويه على وضع ” ايقاف ”

    أنت جرب اتشغلهن كلهن الـ 3G والواي فاي وأرسل
    لاني قبل شوي جربت وضبط معي ..

  11. "
    Fatimah
    9 سبتمبر 2011

    السلام عليكم
    مشكووووووووووورة بصرااااحة ابداااااااااع وشرح وافي وكافي
    أنا عملت الطريقة الأخيرة ة شحنتها من الجوال و بعدها رجعة الشريحة لآيباد و عملت إعادة تعيين لكن ما في فايدة ما يشبك بالنت و شبكة البيانات الخلوية 0 م.ب
    ايـــــش الحل ؟؟؟

    • "
      Pixel Des
      9 سبتمبر 2011

      وعليكم السلام فاطمه
      العفو ياعزيزتي تسلمين ،،
      شكلك اساسا مافعلتي شريحتك روحي لاعدادات البيانات الخلويه
      وبعدين اتبعي الاتي اذا كانت شريحتك تبع

      -- شركة الاتصالات السعودية (STC)
      اكتبي لإعدادات APN

      jawalnet.com.sa

      او اذا كانت تبع

      -- شركة موبايلي

      اكتبي لإعدادات APN
      للشريحه المفوترة web1 و للشريحه مسبقة الدفع web2

      -- واذا شركة زين
      اكتبيلإعدادات APN

      zain

      * اسم المستخدم وكلمة السر غير مطلوبات فاتركيهن فارغات …

      وبعدين شغلي شريحتك وجربي اشبكي للنت

      • "
        Fatimah
        9 سبتمبر 2011

        أختي سويت الاعدادات و ما في نتيجة
        آسفة أزعجتك معي

  12. "
    Pixel Des
    10 سبتمبر 2011

    لاعادي وش ازعاجه العين ماتعلى الحاجب <- مكانه غلط أدري بس ودي أقوله
    اول شي قولي لي أنتي وش نوع شريحتك موبايلي والا الاتصالات ؟
    اذا ماعليك أمر صوري لي اعدادات الـ APN وحطي رابط الصورة هنا عشان اشوف وين المشكله
    ثانياً : تأكدي من الرصيد يمكن انها مانشحنت أو مافيه رصيد كافي للتصفح أو مشتركه بباقه وازرفوها
    جميع هالاحتمالات وارده

  13. "
    MoOOn
    10 سبتمبر 2011

    السسلام عليكم …
    ابي اسألك اذا كنتي تعرفين الشرائح اللي يجن مع المودم ٣شرائح. تبع العروض اللي كأنه وايرلس انا فعلته عندي بالايباد و مشتغل عندي النت بس اللي يبون يتصلون معاي بالنت من الشريحه اللي معي ما يقدرون و هذا بسبب الاعدادت يقلون يبيله تضبيط من اللي عندهم خبره بالجهاز يعني اضبط الاعدادت و يتصلون معاي اللي حولي و يا ليت تساعدني اكون ممنونه لك …..
    و عساه ان شاء الله في موزين اعمالك. :)

  14. "
    س ح ابه
    10 سبتمبر 2011

    السسلام عليكم …
    ابي اسألك اذا كنتي تعرفين الشرائح اللي يجن مع المودم ٣شرائح. تبع العروض اللي كأنه وايرلس انا فعلته عندي بالايباد و مشتغل عندي النت بس اللي يبون يتصلون معاي بالنت من الشريحه اللي معي ما يقدرون و هذا بسبب الاعدادت يقلون يبيله تضبيط من اللي عندهم خبره بالجهاز يعني اضبط الاعدادت و يتصلون معاي اللي حولي و يا ليت تساعدني اكون ممنونه لك …..
    و عساه ان شاء الله في موزين اعمالك. :)

  15. "
    Pixel Des
    10 سبتمبر 2011

    وعليكم السلام اهلين
    اي فهمت عليك أنتي تبين تستخدمين الايباد كويرلس عن طريق هالشريحه
    صحيح ان هالميزه مهيب موجودة الا بالايفون عن طريق ان شاء الله شبكة شخصية مثل ماشرحها الاخ مستر أي هنا
    http://www.tichno.com/?p=777#more-777

    /
    لكن بامكانك تنشئين شبكة بالايباد اذا كنتي مسوية جليبريك عن طريق برنامج MyWi وتقدرين تشبكين جميع الأجهزة فيه
    الطريقة سهله مره
    1-أدخلي لـ للسيديا
    2- دخلي على sections واضيفي السورس هذا
    http://www.sinfuliphonerepo.com/
    3- ثم ادخلي على السورس نفسه وابحثي عن برنامج اسمه MyWi 4 Cracked ادخلي عليه
    4- ثم اضغطي install ثم confirm
    /
    بعد التثبيت الجهاز بيعيد التشغيل .. فاول مايتفتحينه بتحصلين البرنامج على سطح الايباد
    ادخلي للبرنامج بتحصلين صورة لابراج الواي فاي وحطي خيار On لـ WEP Secuity بعد ماتدخلين شبكتك ورقمك السري فيه
    ثم اضغطي تشغيل على WiFi Hotspot

    ومبروووووووك عليك بتحصلين شبكة باسم الايباد حقك
    ان شاء الله لو حصلي اشرح بالصور راح انزله هنا بموضوع عشان يكون أوضح

  16. "
    سوما حامد
    14 سبتمبر 2011

    مرحباا ..

    لو سمحتي اناا شريحتي زين فعلتها وكل شي بس لمن ابغى ادخل نت او مسن على الايباد يقولي تاكد من اعدادات الاتصال ..
    وكلمت الموظف وقالي انو الشريحة مفعلة وكل شي ؟

    بس مو راضي يدخل نت مدري ليش ؟

    وكتبتت بالاعدادات zain بس ما في فايدة ..

    بليز ادا تعرفي قولي لياا ..
    اول مرة ادخل فيه شريحة ..

    وشكراا مقدماا ..

    • "
      Pixel Des
      14 سبتمبر 2011

      اهلين ..
      انا والله ماقد جربت شريحه زين شخصيا لكن تأكد من تشغيل البيانات الخلويه من عند الاعدادات
      وثانيا من تشغيل ال 3G
      وادخل على اعدادات شركة الاتصالات وتأكد من انك مختار شركة زين 

  17. "
    عبدالله البليهد
    20 سبتمبر 2011

    شرح كافي ووافي يعطيك الف عافيه يارب …

  18. "
    7sptk li
    21 سبتمبر 2011

    السلام علييكم
    طيب ابغى اعرف كيف اتصل من الايباد وارسل رسايل اذا ممكن

    • "
      Mr. A
      21 سبتمبر 2011

      وعليكم السلام ورحمة الله، بالنسبة للرسايل موجود الشرح الخاص فيها في نهاية الموضوع .. اما بالنسبة انك تخيل الايباد يتصل هذي الميزة سبق وأعلن عنها موقع ايفون اسلام لكن كانت بشكل تجريبي وما ادري طبقت الان او لا

  19. "
    7sptk li
    22 سبتمبر 2011

    طيب اضفت سورس ايفون اسلام بس لمن اجي ابغى احمل مو راضي
    شو المشكله

    • "
      Mr. A
      22 سبتمبر 2011

      أهلين اخوي، بعض السورسات لما تحاول تحملها ماتضبط لكن لما تكرر المحاولة تتحمل معك ان شاء الله، وبالنسبة لسورس ايفون اسلام لو ترجع لموقعهم ممكن يفيدونك فيه اكثر مني

  20. "
    7sptk li
    22 سبتمبر 2011

    طيب سؤال اخيير اسفه على ازعاجك
    ابغى برنامج رسائل مو بس يرسل للايفون يعني لكول الجولات

    • "
      Mr. A
      22 سبتمبر 2011

      أهلين، لا عادي مافيه إزعاج ولا حاجه
      بالنسبة لسؤالك فـ الصراحه ما فهمته زين، قصدك برنامج رسايل يعني برنامج محادثه زي الوتس اب وكذا؟ .. إذا هذا قصدك فـ فيه برامج كثيره ترسل لأكثر من جهاز لكن ضروري يكون مركب لكل الطرفين .. يعني مثلاً الوتس اب ممكن يخليك تكلمين شخص معه جوال نوكيا او بلاك بيري وأنتي معك ايفون، لكن ضروي يكونون هم مركبين البرنامج بعد .. بالنسبة للبرامج الخاصة بالمحادثه ممكن تطلعين على هالموضوع ويفيدك ان شاء الله

      http://www.tichno.com/?p=470

  21. "
    Pixel Des
    23 سبتمبر 2011

    اختي حسبتك،،
    برنامج swirly sms free اللي مشروح هنا حق الرسايل يرسل لكل الجوالات حتى لو كان الطرف الثاني مهوب عنده هالبرنامج عادي .. وطبعا يطلع عندهم رقمك حق الايباد
    بس طبعا مايرسل الا اذا كان الايباد فيه شريحه لانه يعتمد على الرصيد الموجود فيه فلازم تشغلينه عند الارسال
    لانه مستحيل يرسل عن طريق الواي فاي

  22. "
    7sptk li
    24 سبتمبر 2011

    طيب انا ارسل للايفون تجيلو الرساله ولمن ارسل لجوال نوكيا ماتجيلو الرساله
    وكمان لمن يرسلو على الايباد مابتجي الرساله

  23. "
    7sptk li
    24 سبتمبر 2011

    معليييش على الازعاج
    بس ابغى اسوي تحديث للاصدار 4.3.3
    الله يخليكم الي يعرف يقولي

    • "
      Mr. A
      24 سبتمبر 2011

      اهلين، ما تقدرين تسوين تحديث لإصدار معين .. لازم تسوين تحديث لأخر اصدار واللي هو ٤.٣.٥ حالياً

  24. "
    فهد
    24 سبتمبر 2011

    والله ماعرفت له

    يالربع تكفووون افزعووو لي

  25. "
    7sptk li
    24 سبتمبر 2011

    لااااااااطيب دحين كيف اقدر احمل من ايفون اسلام لازم يكون اصدار4.3.3
    يعني مافي امل احمل من ايفون اسلام
    طيب ممكن تقولي كيف اسوي تحديث
    سوري تعبتك معايا
    هاذي الكيكه هديه لك على مساعدتك ليا

    • "
      Mr. A
      24 سبتمبر 2011

      الايباد اللي معك ايباد ٢؟ وتبين تسوين له جيلبريك يعني ؟ اذا كذا فما لك حل حالياً، عشان تسوين جيلبريك لازم يكون الاصدار حقك ٤.٣.٣ وما تقدرين تسوين تحديث لها الاصدار .. لازم تسوين تحديث لاخر اصدار نزل اللي هو ٤.٣.٥

      بالنسبة للتحديث فـ طريقته عن طريق شبك الجهاز باللاب توب وبعدين فتح برنامج الايتونز .. هو من نفسه بيقول لك ان اصدارك قديم وبيطلب منك التحديث .. اضغطي موافق وبيحمل الاصدار الجديد وبيركبه لك ان شاء الله .. وهالموضوع بيفيدك اكثر مني بخصوص الايتونز :
      http://www.tichno.com/?p=699

  26. "
    Pixel Des
    24 سبتمبر 2011

    فهد
    وشي اللي ماعرفت له .. ياليت اتحدد لنا وين المشكله اللي علقت فيها وحنا انطلعت منها لو بالملاس اقصد نحلها لك
    حدد مشكلتك

    • "
      Darzan
      30 سبتمبر 2011

      هل يعمل الاي باد ٢ مثل الموبايل يعني تتصل منه وتستقبل عليه مكالمات ؟ واذا كان يعمل كييييف؟

    • "
      Mr. A
      30 سبتمبر 2011

      اهلين، سبق واعلن موقع ايفون اسلام عن امكانية تحويل الايفون الى جوال .. لكن ما عندي معلومات عن الكيفية .. اطلعي على موقعهم ويفيدونك اكثر مني

  27. "
    7sptk li
    25 سبتمبر 2011

    اووكي شوكرا لكم
    تعبتكم كتيير معايا
    يالله باايوو

  28. "
    Amal
    3 أكتوبر 2011

    شكرًا على الموضوع بس أنا عندي مشكله

    أنا شريحتي موبايلي وناسيه رقمها والبطاقه حقتها ضايعه ولا عارفه أجيب الرقم عشان احطو فموقع الرسائل وش الحل كيف اعرف رقمي من إعدادات الايباد

  29. "
    Amal
    3 أكتوبر 2011

    عرفت كيف :d

    طلعت شريحتي ودخلتها قام طلع لي رقم جوالي

    بس توهقت كيف اشحن جوالي

    أنا شرين بطاقة شحن موبايلي ١٠٠ بس معرف كيف اشحنها في رساله

    • "
      Pixel Des
      3 أكتوبر 2011

      زين الحمد لله عرفتي رقمك
      بالنسبه للشحن دام اللي معك بطاقه ماراح تقدرين تشحنينها لان الايباد مافيه اتصال عشان تضغطين نجمه ومربع وبرنامج الرسايل ماينفع للبطاقه
      ولكن ماعندك الا حل واحد وهو انك تفكين الشريحه وتدخلينها بالايفون واذا ماكان عندك دخليها بالجوال العادي واذا ماعندك وصله صغيره للشريحه حاولي تخلين الشريحه ملامسه لمكان الشريحه بالجوال وامسكيها باصبعك عشان ماتطيح وشغلي الجوال عادي
      بعدين اضغطي على
      # رقم البطاقه*١٤٠٠*
      من اليسار لليمين وارسال .. وان شاء الله ينشحن

  30. "
    قدوتي محمد
    5 أكتوبر 2011

    مشكورين على الشرح الوافي بس عندي سؤال اذا انا مركب شريحه وما أبي استعملها في البيت لأن عندي انترنت ثابت وما أبي أخلاص الشحن وش اسوي

    • "
      Pixel Des
      5 أكتوبر 2011

      رح ادخل على الاعدادات -- البيانات الخلويه -- ( إيقاف )
      وراح تشتغل على الواي فاي فقط .. دون تشغيل الشريحه

  31. "
    سآرونة
    6 أكتوبر 2011

    انا سويت الي قلت\ي عليه بس لم افتح النت يقول انت لست مشترك في خدمة البيانات الخلوية
    مع اني اتأكدت من كل شي
    شريحتي موبايلي

    • "
      Pixel Des
      7 أكتوبر 2011

      قصدك يطلع لك انه ( لايمكن تنشيط شبكة البيانات الخلوية )
      والسبب لانك مافعلتي شريحتك
      روحي للاعدادات وادخلي على البيانات الخلويه
      واكتبي عند اعدادات الـ APN
      اذا كان موبايلي [ مفوتر ] :web1
      أو اذا كان موبايلي [ مسبقة الدفع ] : web2

  32. "
    سآرونة
    7 أكتوبر 2011

    كتبتها بس برضوا ما نفع

  33. "
    Pixel Des
    7 أكتوبر 2011

    غريبه
    يعني كتبتيها زي هاللي بالصوره http://dc11.arabsh.com/i/02085/enysgzggi8je.png
    طيب مالك الا تجربين تتصلين بموبايلي على رقم 1100
    وتقولين لهم فعلوا الشريحه
    بس لازم وضروري تخلين الاعدادات على اللي قلت لك بالضبط

  34. "
    Bader
    12 أكتوبر 2011

    عندي سؤال

    قبل فترة كانت البيانات الخلوية شغالة مضبوط

    والحين دمااااااار

    والمشكلة apn مختفي مو محصله

    هل فيه حل

    او فيه اداة من السيديا تحل محله

    ايباد ثري جي

    • "
      Pixel Des
      14 أكتوبر 2011

      والله مشكلتك أول مره تمر علي
      لكن جرب تطلع شريحتك من الاي باد ودخلها من جديد
      اذا مانفع حمل هالسورس
      apt.macosmovil.com/
      ونزل منه هالبرامج
      tetheMe
      tetheMe apn editing
      tetheMe preferences

      وان شاء الله يضبط معك

  35. "
    محسن
    11 نوفمبر 2011

    اذا كان عندي شريحة سوا اشتركت في باقه 1 جيجا مثلا وانتهت الـ 1 جيجا قبل ينتهي الشهر أو انتهى الشهر وانا ما ادري

    هل يبدا يخصم من الرصيد ؟؟؟؟؟

    • "
      Pixel Des
      11 نوفمبر 2011

      على حسب كلام موبايلي اذا كان مايتوفر بشريحتك رصيد كافي لاعادة شحن الباقه فانهم بيرسلون لك رساله تخبرك بهالشي .. وفي حالة انك شحنت رصيدك وطلبت تفعيل الخدمة راح يسحبونها منك بالشهر الثاني ماراح يسحبونها بنفس الشهر اللي انتهت باقتك فيه .. لانك مشترك بشكل شهري
      هذا بالنسبه للاشتراك
      اما في حالة استخدامك للنت والباقه مخلصه اي أكيد يخصمون من رصيدك لانك حالياً ماتستخدم الباقه ..

      وهنا بتلقى جميع الاجوبه على الاسئلة اللي تخص الاشتراك بباقات موبايلي
      http://www.mobily.com.sa/wps/portal/!ut/p/c5/04_SB8K8xLLM9MSSzPy8xBz9CP0os_gQQ2cvL2OLALNAJ1djA08jRzcDHzdPQwMTA6B8pFm8gb-xgZFLmIGRs0GooZuHt7GbqQEEEKPb0N3A3cnQINDQ1cDbw8nR0NXSgDjdfh75uan6BbmhEeWOiooA-OM5TA!!/dl3/d3/L2dJQSEvUUt3QS9ZQnZ3LzZfME8zMDJEVjAyQzBLSFI5NDcySTAwMDAwMDA!/?resetPortlet=true

      • "
        مسك :)
        11 نوفمبر 2011

        :) يعطيك العافيه على هالشرح طيب لو كانت بطاقة مسبقة الدفع من سواء ايهم افضل الاشتراك في باقة او على الرصيد ؟ انا موعارفه اذا كانت شريحتي شريحة اتصال عادي مسبقة الدفع او شريحة بيانات كيف اعرف نوع الشريحة ؟! وبناء علية انا مو عارفه هل اختار من باقات شرائح البيانات او باقات الجوال :/ واذا عندك خلفيه عن الفروق بين الباقات يالبيت تفيديني :$
        وشكرا جزيلا لك استفدت من موضوعك كثير ,الله لا يحرمك الاجر

      • "
        Pixel Des
        11 نوفمبر 2011

        اهلين اخت مسك = )
        لا طبعا الاشتراك من باقه أفضل لانه يعتمد على حجم الميقا أو القيقا على حسب نوعية استخدمك للنت 
        بينما لو تدخلين النت من رصيدك وبمجرد ماتفتحين صفحه وحده راح ياكلك ويجحدك ويصفر الرصيد  :p
        فاشتركي بباقه أحسن وأوفر لك
        اما من ناحيه كيف اعرف اذا هذي شريحه بيانات او شريحه عاديه
        دخلي الشريحه بالجوال وجربي تتصلين منها اذا اتصلت معناته انها شريحه اتصالات عاديه
        اما اذا رفض فهي شريحه بيانات 
        وعليها اشتركي بالباقات اللي هم مقترحينها لك يعني اذا هي شريحه بيانات اشتركي بوحده من الباقات اللي خاصه بالبيانات
        واذا هي شريحه عاديه خلك على باقات هالشريحه لانهم محددين أسعار كل باقه على حسب النوعيه ..
        العفو وحياك الله اي سؤال مستقبلاً لايردك الا الكيبورد = )

      • "
        Pixel Des
        11 نوفمبر 2011

        ايه بالنسبه انك تقولين وش الفروق بين الباقات!
        حجم باقات القيقا أكبر من باقات الميقا
        واشتراكك لحداهن يعتمد على حسب نوعية استخدامك للنت
        يعني اذا كان استخدامك هو تصفح وقراءة وتحميل فاختاري من باقات القيقا شهرياً
        اما اذا كان استخدامك للنت هو عشان برامج المحادثات زي الوتس أب أو البلارينقو أو المسن وغيرها فباقات الميقا تكفي شهرياً

    • "
      Pixel Des
      11 نوفمبر 2011

      عفوا توي انتبه ان سؤالك عن شريحه سوا مو موبايلي
      لكن انا قد جربت الاشتراك بباقات سوا ونفس الشي لما تنتهي الباقه قبل نهاية الشهر يسحبون من رصيدك العادي اثناء استخدامك للنت
      بشكل أكبر من الباقه ويمكن يخلونك على الحديده = )
      فلذلك جدد اشتراكك بالشهر الثاني أو الغي الاشتراك في حالة انك بتغيير نوع الباقه لباقة أخرى ..

      • "
        محسن
        27 نوفمبر 2011

        شكرا جزيلا وجزاك الله خير

  36. "
    مسك :)
    12 نوفمبر 2011

    حاولت افعل باقات كويك نت اكشن 1 قيقا ارسللو لي مسج برابط لازك ادخل منه من الشريحة نفسها طبعا دخلت من الايباد بالشريحة لكن الصفحه الي فتحت لي مافيه اشتراك في باقات ولا شي وشلون افعل النت على الايباد <<مليت

    • "
      Pixel Des
      13 نوفمبر 2011

      اولا ماقلتي لي وش نوع شريحتك هي شريحة بيانات انترنت والا شريحه اتصال عاديه ؟
      اذا هي شريحه اتصال ادخلي على هالصفحه
      http://www.stc.com.sa/cws/portal/ar/individual/ind-internet/ind-int-start/ind-intr-str-intrntonmov/ind-intr-str-quicknet-allowance
       ولاتختارين من باقات كويك نت اختاري من باقات كويك نت الجوال اللي تجيك تحتها 
      مثلا اخترتي 1 قيقا  ارسلي ” رمز التفعيل ” الى 902 
      فيه برنامج بالاب ستور لموقع stc أعتقد تقدرين تستخدمينه لشحن الايباد حمليه بجهازك
      لكن اذا مانفع مالك الا تدخلين الشريحه بالجوال وترسلين لهم رمز تفعيل الباقه لـ 902
      هو صحيح بتحوم كبدك بس ميخالف حاولي وان شاء الله يضبط معك

  37. "
    razan
    17 نوفمبر 2011

    اول شي اموآآآآهـ عَ شرحك الوافي ..
    وثأأني شي .. انا شتريت آآي بآآد 2 قبل اسبووع اصدآآره 4.3.5
    تعالي للأ سئله اللي مشغلتني ..
    1. يصير اركب الجيلبريك ع اصداري .؟ وتراني خايفه انه يخرب جهازي تهئ بس ابي برآآمج مثل الواتس اب وشلته << طفشت من الآلعاااب حسيت اني ورعه ^_^
    2. انا مآآعرف رقم شريحتي اللي مركبتها بالآيباد شلون اعرفه << بتقولين طعسه عاارفه ^_^
    ..
    وبث … واذا جاء اسئله في بالي عااارفه مارااح تقصرين ..^_^
    انتظر ردك ع اسآلتي ..

  38. "
    Pixel Des
    17 نوفمبر 2011

    هاه < تمسح السعابيل
    اولا مبرووك الايباد تقطعينه بالعافيه وتسلمين ياحلوه  
    1 -- لا للاسف اصدارك مايركب عليه الجليبريك .. اخر جلبريك نزل للايباد كان للاصدار القديم 4.3.3 وعقبه مانزل شي 
    واذا تبين برامج مثل الواتس اب .. ادخلي على الاب ستور وابحث عن هذي البرامج ..
    Line
     kakaotalk messenger
    viber -- free phone calls & text
    مره حلوات مشابهات للواتس اب

    2- ودك تعرفين رقم شريحتك للايباد .. مالك الا تفكين الشريحه وتدخلينها بالجوال وتدقين منها على جوال أمك واحفظي الرقم لاطلع لك ^_^

    وحياك الله باي وقت

  39. "
    razan
    18 نوفمبر 2011


    ليه مايركب .. مالهم داعي آآبل مايعرفون اني شريت آآيبااد ..
    تيب البرامج اللي قلتيها شلون نظامها .. اللي ابي اسولف معهم لازم يكون البرنامج عندهم .. يعني مثل نظام الواتس آآب ولا غيير ..؟
    .. اتصلت ع جوال امممي طلعلي ..
    ” sorry are not allowed to use this service ”
    وـش الحــل ..
    ع َ فكره انا شريحتي بيآآنات .. وابي برنامج الرسآآيل اللي فوووق ابي ارسل ^_^..

    انتظر ردك ..

    • "
      Pixel Des
      18 نوفمبر 2011

      لا مايعرفون انك شريتي بس برسلهم بالفاكس
      المشكله انك صرتي معلقه مابين الاصدارين الحديث والأحدث لو حدثتي اصدارك لـ 5.0.1 احتمال مايركب عليه الجلبيريك الجديد لو نزل .. ولكن نقول ان شاء الله يركب لكل حادثٍ حديث
      /
      والبرامج اللي عطيتك اياهن ايه مثل الواتس اب بالضبط يعني لازم تدخلين رقم الجوال فيه ولازم يكون اللي تسولفين معهم عندهم نفس البرنامج
      /
      شريحتك بيانات ؟
      اكتبي الرقم #99* واضغطي اتصال … بيطلع لك رقم الشريحه

      وبرنامج الرسايل اللي فوق للاسف ماتقدرين تنزلينه لانه بالجليبريك ^_~
      .
      .

  40. "
    razan
    18 نوفمبر 2011

    امممممم ..

    تيب والحل

    وربي قفلت معي ابي الجلبريك ..
    وكمان الشريحه موب طالع لها رقم تعبت وانا اطلعها وادخلها مره ثانيه ..
    سويت اللي قلتي عليه يطلع نفس اللي طلعلي قبل ..
    sorry are not allowed to use this service

    اتصلت ع موبآآيلي 1100 .. قلتله عندي شريحه بيانات وموب عارفه رقمها .. جلس يضحك وقال هاتي رقمها التسلسلي واعطيته الرقم التسلسلي .. وعطاني 12 رقم قال هاذا رقم الشريحه بدايت الارقام اللي قالي عليها 200911 .. انا قلت انه يستهبل علي قفلت في وجهه ^_^.. <~~ موب ناقص غير كوفي وعلبه جواهر وتحلى السالفه ..

    بليز شوفولي حل تهئ تهئ

    • "
      Pixel Des
      18 نوفمبر 2011

      الحل انك تصبرين معنا وتصفين طابور مع اللي يحترون الجلبيريك .. الشكوى لله مابعد نزل للاصدار الجديد
      /
      بالنسبه لرقم الشريحه ..
      دام شريحتك تبع موبايلي .. فالرقم اللي عطاك اياه الموظف صحيح هذا هو رقمك لأن معروف رقم شريحة البيانات تبدأ بـ 200
      احفظي الرقم عندك ولاتنسيته عشان لو بغيتي تشحنين الرصيد

  41. "
    razan
    18 نوفمبر 2011

    امممممم تيب مطولين يعني ولا شلون ^_^

    تيب شلون اشغل البرامج اللي مثل الواتس اب ..

    احط الرقم اللي قاله الموظف .. ولا شلون

    ادري ازعجتك بس اتحمليني شوي

    • "
      Pixel Des
      18 نوفمبر 2011

      والله مادري كل يوم نسمع اخبار مره يقولون بعد اسبوعين ينزل ومره بعد شهر والله أعلم ..
      وطريقة تشغيل البرنامج
      حطي رقم أي جوال عندك لكن مو حقت البيانات .. وراح يرسلون لك كود التفعيل برسالة على الجوال
      اكتبي الكود بالبرنامج وراح يتفعل عندك
      وأبد لاازعاج ولا شي حياك الله بأي وقت

  42. "
    razan
    18 نوفمبر 2011

    اهااا .. يارب ينزل قريب ..

    ميرسي ع الطريقه راح اسويهاا ..

    مشكوره ع طيبة قلبك وع كل ابو شي ..

  43. "
    عيودي
    28 نوفمبر 2011

    شرح وافي وكافي سلمت يمناك

    طريقة معرفة رقم التسلسلي من موبايلي
    توضع الشريحة في جوال ثم #222*

    يطلع الرقم التسلسلي
    وبعض موضفين موبايلي مايدرون بالمعلومة هذي

    • "
      Pixel Des
      29 نوفمبر 2011

      الله يسلمك
      ويمال العافيه والله ، ليت من قشع موظفين موبايلي قشع وحطوك بدالهم
      اشكرك جداً على هالمعلومة المهمه

  44. "
    Lol0
    29 نوفمبر 2011

    السلام عليكم
    لوسمحتي انا حملت البرنامج swirly sms free بعدين ماعرفت افعل الشريحه مع البرنامج
    يعن ماعرفت ايش اكتب في الرساله اللي المفروض ارسلها للرقم 1100 او ارسل رساله فاضيه عشان تتفعل الخدمه في الشرح مكتوب ادخل رمز التفعيل ايش هوا رمز التفعيل
    ارجو اعاده شرح هدي النقطه مافهمتها وشكرا لك

  45. "
    Pixel Des
    30 نوفمبر 2011

    وعليكم السلام والرحمه
    رمز تفعيل الباقات مكتوبه بصورة موبايلي اللي انا حطيتها بالموضوع تلقين رمز التفعيل مكتوب باخر الجدول
    وتقدرين تدخلين على موقع موبايلي وتشوفين الباقات وبنهايتها رمز التفعيل
    http://www.mobily.com.sa/wps/portal/!ut/p/c5/04_SB8K8xLLM9MSSzPy8xBz9CP0os3gDCxNHi1CPwBAng1BDr2BDY0NzAwjQ9_PIz03VL8h2VAQAszzhOg!!/dl3/d3/L2dJQSEvUUt3QS9ZQnZ3LzZfME8zMDJEVjAyQzBLSFI5NDcySTAwMDAwMDA!/?resetPortlet=true

    اكتبي بالرساله رمز التفعيل وارسليها على رقم 1100

  46. "
    محمد الهيتي
    6 ديسمبر 2011

    السلام عليكم ورحمة الله
    اني عندي مشكلة مع الاي باد
    كونه لاتوجد لدي خانة ANP
    توجد فقط vpn ولا اعرف كيف يعمل علما ان الشريحة زين وتعمل على الاجهزة الاخرى وتشبك مع الانترنت بدون مشاكل لكن في الاي باد لا تعمل

    • "
      Pixel Des
      6 ديسمبر 2011

      وعليكم السلام والرحمة
      شف أخوي .. ادخل على الإعدادات ثم البيانات الخلوية .. بعدها راح تلقى إعدادت الـ APN وأكتب عندها كلمة zain
      وعلمني وش يطلع معك ..

  47. "
    محمد بن فهد
    8 يناير 2012

    عزيزتي حبيت اسالك بخصوص اذا شريحتي عاديه للاتصال مافيها اشتراك انترنت وابي احطها في الايباد اقدر انزل هالبرنامج واستقبل مسجات عليه وارسل منه ولافي برنامج ثاني

  48. "
    Pixel Des
    9 يناير 2012

    اي تقدر عن طريق هالبرنامج ترسل مسجات وتستقبل عليه .. كأنك ترسل من الجوال الصراحه جداً ممتاز
    بس طبعا لازم تكون شابك على الشريحه نفسها يعني فعل البيانات الخلويه من الاعدادات بالجهاز
    لانه اذا كنت متصل على الواي فاي فقط ماراح تقدر ترسل ..

  49. "
    محمد بن فهد
    9 يناير 2012

    مشكوره بس معليش عندي سوال ثاني انا انحذفت من عندي ايقونت الكميرا بالغلط كيف ارجعها على الشاشه الرئيسيه واكون شاكرلك ..

    • "
      Pixel Des
      9 يناير 2012

      العفو وعادي أسأل ماوراي شي = )
      شف جرب هالحل .. اذا كان جهاز بالانجليزي
      Settings >> General >> Restriction >> Camera ON

      يعني ادخل من الاعدادات >> عام >> القيود ( تقييد كاميرا ) >> ON
      .
      .
      وعلمني اذا ضبط معك أو لا

      • "
        محمد بن فهد
        10 يناير 2012

        مشكوره وماقصرتي ضبط معايا مثل ما قلتي .. الف شكر لك

  50. "
    aisha
    18 يناير 2012

    السلام عليكم
    انا عندي شريحة بيانات مسبقة الدفع من موبايلي وشحنت الايباد تاريخ25/1/2012 وانتهي رصيد البيانات قبل اكمل الشهر وجاءت صفحه من موبايلي وفيها عدد من الخيارات ومن ضمنها استخدام النت مجانا ولكن بسرعه اقل
    واخترات هذا الخيار واليوم ابغي اشحن الايباد هل ياخذوا من رصيد البيانات الكميه المستهلكه من استخدام النت مجانا
    وشكرا

    • "
      Pixel Des
      19 يناير 2012

      وعليكم السلام والرحمه
      والله انا ماقد استخدمت شريحة البيانات لكن اعتقد هنا راح تلاقين الحل
      http://www.mobily.com.sa/portalu/jforum/posts/list/29046.page

      من كلام الشخص المساعد ان خدمة النت مجانا غير مطبقه وغير موجودة
      يعني احتمال ياخذون رصيد البيانات اذا شحنتي الايباد
      /
      وطبعا ممكن تتواصلين مع موبايلي عن طريق تويتر وتتأكدين وتسألينهم وهم راح يجاوبونك ان شاء الله
      https://mobile.twitter.com/#!/mobily

  51. تحميل المزيد من التعليقات…

كتابة رد

 

 

 

العودة للأعلى
هاتف محمول سطح المكتب