شرح: كيفية الشراء من موقع امازون بالصور

100365

شرح كيفية التسوق من موقع أمازون الشهير

امازون amazon

يعتبر موقع امازون من اشهر مواقع التسوق الإلكتروني، ومثل ما نلاحظ من فكرة شعاره البسيطة ان الموقع شامل كل شيء من A إلى Z . وفعلاً لما تدخله تنفتح نفسك، لانك بتلقى فيه كل شيء .. تحس ودك تشتري مقاضي البيت كلها عن طريقه

عشان تقدر تشتري من موقع امازون تحتاج يكون عندك صندوق بريد امريكي، وشرح كيفية الحصول على صندوق البريد تم شرحها قبل كذا في هالموضوع ( امتلك صندوق بريد امريكي الآن! – شرح موقع ورلد شيب بالصور )، وعشان تستمر سلسلة مواضيع التسوق الإلكتروني بنكمل الشرح على صندوق البريد الخاص بشركة ورلد شيب ( WorldShip1.com)

في البداية نفتح الموقع : www.amazon.com

how to buy from amazon - شرح واجهة موقع امازون وكيفية الشراء منه

نشاهد في الصورة شرح مختصر لواجهة الموقع، تقدر تكتب اي شيء تحتاجه في مستطيل البحث الموجود في الآعلى أو تتصفح الموقع حسب الأقسام المناسبه لميولك ( العاب، كتب، اكسسوارات .. الخ ). بالنسبة لي أكملت الشرح بالبحث عن كوب كانون ( Canon Coffee Mug )

amazon - كيفية شراء من موقع امازون

اضغط على الصورة لرؤيتها بحجمها الطبيعي

بعد البحث بنشوف النتائج بهالشكل، فيه اقتراحات للبحث في الآعلى بعدين تحتها المنتجات مصفوفه، يجي دورك عاد تتفرج وتدور المنتج المناسب لك من ناحية السعر والموصفات والتقييم .. أنا اخترت اول خيار في البحث، لاني حسيته مناسب لي فعلاً 😀

شرح كيفية الشراء من الانترنت موقع امازون - how to buy from amazon

اضغط على الصورة لرؤيتها بحجمها الطبيعي

بعد الاختيار بتفتح لنا الصفحه الخاصة بالمنتج، نشوف على اليسار صور المنتج وبجانبها البيانات الاساسية ( السعر الاساسي، السعر بعد الخصم، مبلغ التوفير، اسم المتجر اللي يبيع المنتج، العدد المتبقي ” مهيب تطلع الا اذا كان المنتج حول مايخلص “، وعدد المتاجر اللي تبيع نفس المنتج وبكم يبدأ سعرهم ) بعدين على اليمين بنشوف سعر المنتج + سعر الشحن وفوقة خيار الكمية ( في حال تبي تطلب خمسة اكواب وتصير تحطهم مع القهوة المغرب )

لو ننزل لتحت في نفس الصفحه بنشوف معلومات اضافية للمنتج ..

شرح كيفية الشراد من موقع امازون بالصور

مميزات المنتج، هل هو مصنوع من حديد، المنيوم، أو خشب مثلاً؟.. يفتح ويتسكر وإلا بس حاطين الغطاء معه زينه ؟ .. الخ

شرح كيفية الشراء من موقع امازون

تفاصيل المنتج، توضح لك وزنه ( تفيدك في الشحن ) والتقييم ولو فيه معلومات ثانية عنه بتنذكر هنا مثل الحجم على سبيل المثال ( ممكن يكون منتج بثر، وزنه خفيف لكن كرتونه كبير )

شرح كيفية الشراء من موقع امازون الامريكي بالصور

اراء الزبائن حول المنتج، يعرض لك تقييمهم والتعليق على المنتج .. هل هو زين؟ هل واجهوا مشاكل؟ وما إلى ذلك

بعد الإطلاع على جميع التفاصيل والتأكد بأن هذا المنتج هو المناسب لنا، نضغط على ( Add to Cart ) الموجودة فوق على اليمين عشان نضيف المنتج لسلة التسوق

الشراء من موقع امازون

اضغط على الصورة لرؤيتها بحجمها الطبيعي

بتطلع لنا صفحه تبين لنا ان المنتج تمت إضافته للسلة، بعد كذا تقدر تستمر في التسوق لو تبي تكمل المقاضي حقتك يعني  .. او تختار كلمة ( Proceed to checkout )

امازون - amazon

بتفتح لك صفحه تسجيل الدخول / التسجيل في الموقع .. لو كان عندك حساب مسبق تختار الخيار الثاني، او تختار الخيار الثاني عشان تسجل عضوية جديدة ..

امازون

تعبي البيانات المطلوبة ( اسمك، بريدك الألكتروني مرتين، رقم جوالك ” اختياري “، كلمة المرور مرتين )

بعدين بيطلب منك بيانات الشحن، اللي هي عنوانك في امريكا .. لذا تفتح حسابك في موقع الورلدشيب وتنقل البيانات كما هي

شرح استخدام الورلد شيب للشراء من موقع امازون

تنسخها من الورلد شيب للامازون زي كذا

الشراء من موقع امازون

بعدين تضغط على كلمة Continue

تعبية بيانات عنوان الشحن لموقع امازون

اضغط على الصورة لرؤيتها بحجمها الطبيعي

بعد ماتدخل عنوانك الخاص بالورلدشيب بيطلع لك موقع امازون اقتراح لتعديل عنوانك اللي دخلته، واللي هو عبارة عن اربعة ارقام في الرمز البريدي، وتعديل في ترتيب العنوان .. التعديل مايضرك بشيء بالعكس يساعد موقع امازون في التوصيل .. لذا اختر العنوان الخاص فيهم بعد التعديل وبعدين اختر Ship to this address

amazon

بعد ما تختار العنوان المعدل بيرجعك لنفس الصفحه الأولى لكنه بيعرض لك العنوان بعد التعديل .. اضغط على  Ship to this address

امازون

هنا الموقع بيشاورك في الشحن .. اذا ما كان المنتج معه عرض التوصيل مجاناً، فـ في الغالب الاستاندر ارخص

امازون

اضغط على الصورة لرؤيتها بحجها الطبيعي

وفي الاخير بيطلب منك بياناتك المالية، تضغط على الايقونة المحددة في الصورة عشان تضيف بيانات بطاقتك الفيزا او الماستر كارد ..

amazon - امازون

بعد ماتضيف البيانات بتطلع لك البطاقة فوق عشان يعلمك انها انضافة لحسابك في الموقع، اضغط Continue

امازون

وفي الاخير بيعرض لك ملخص طلبك وبيكتب لك عنوانك فوق وبيانات البطاقة اللي بتدفع فيها وطريقة الشحن وكل شيء .. خلاص كل شيء زين وتبي تسوي الطلب ؟ .. اضغط على Place your order

وخلاص مبروك عليك .. بكذا تصير اشتريت من موقع امازون * * * *

لنفترض انك ماتبي تشتري كوب وتبي جهاز الكتروني زي الايبود على سبيل المثال .. بكل بساطة تكتب في مستطيل البحث كلمة iPod وبتطلع لك نتائج البحث

ipod in amazon

اضغط على الصورة لرؤيتها بحجمها الطبيعي

بتشوف تحت الجهاز مختصر للمعلومات ، سعره قبل وبعد الخصم، سعر المستخدم “في حالت كان فيه مستخدم للبيع” وتقييمه … وفيه على يسار الموقع مستطيل فيه خيارات تساعدك في البحث

amazon searching option

تحدد الجهاز اللي تبحث عنه جديد والا لا؟ وكم السعر اللي حاطه في بالك؟ حالة الجهاز جديد والا مستخدم والا مجدد؟ وتبحث برضو بالتقييم لو تبي

124 COMMENTS

  1. لو سمحت انا مشتركه في أرامكس وعاوزه اطلب طلبيه فيها كذا غرض وتواريخ الاستلام مختلفه ومش عارفه بتوصل ازاي يعني كل غرض لوحدو ولا كل الأغراض مع بعض وانا سمعت ان أرامكس ما في تجميع والورلد شيب هوا اللي عندو تجميع طيب انا اشتركت بالفعل في أرامكس ما الحل

    • نعم ارامكس لايتوفر لديهم دعم تجميع الشحنات، كل شحنه ستصل بشكل منفصل.
      لايوجد حل سوا الاشتراك في الورلدشيب.

  2. السلام عليكم طيب اقدر ارجع المنتج اللي اخذتوه وكم المده اللي تقعد عندي واقدر ارجعه

  3. ماشاء الله شرح كافي ووافي
    ماقصرت الله يجزاك الجنه
    لسى ماجربت بس متفائله انه بكون كلشي تمام لان شرحك واضح وبالتفصيل وماخليت شي ماشاء الله وانا قريت اسئلة الاصحاب واستفدت من اجوبتك عليهم ،
    لكن عندي سؤال بسيط
    بخصوص كلامك هذا
    بعد ماتدخل عنوانك الخاص بالورلدشيب بيطلع لك موقع امازون اقتراح لتعديل عنوانك اللي دخلته، واللي هو عبارة عن اربعة ارقام في الرمز البريدي، وتعديل في ترتيب العنوان .. التعديل مايضرك بشيء بالعكس يساعد موقع امازون في التوصيل .. لذا اختر العنوان الخاص فيهم بعد التعديل وبعدين اختر Ship to this address

    مافهمت على اي اساس اعدله شلون يعني احط من كيفي او احط عنواني بالسعوديه ياريت تشرح لي بالتفصيل عن هالشي لان جد مو فاهمه فيه واخاف اجيب العيد معه ،
    وشي ثاني قلت انه امازون عندهم سلع مستخدمه وجديده طيب انا مابي شي مستخدم كيف اعرف واطمن ان اللي ابغاه جديد مو مستعمل ؟
    واخر سؤال ?انا عندي بريد واصل بالسعوديه هل اقدر استفيد منه وتنصحني استخدمه ولا اخليه بس على الورلد شيب؟

    • مرحباً،
      بالنسبة للسؤال الاول فهو بخصوص اقتراح امازون لتعديل الرمز البريدي وهذا يكون بعد ماتكتبين عنوانك الامريكي الخاص بالورلدشيب. يعني الورلدشيب بيعطونك عنوان وانتي بتسجلينه في امازون، امازون بعدها بيقترح عليك هالاضافة فقط.
      – اما السؤال الثاني السلع يكتب عليها new او used اذا هي مستعملة. والمستعمل غالباً مايكون معروض بشكل اساسي ولكن لما تحصلين اي منتج تحصلين تحت خانة ان هذا المنتج يتوفر منه شيء مستعمل معروض للبيع.
      – واخيراً، البريد السعودي صراحه ماجربتهم لكني كل تجاربي الشخصية ” السابقة ” كـ بريد داخلي سيئة، لذا ما اتوقع بيكونون محترفين عالمياً : )

  4. اذا سمحت أنا طلبت من امازون ب ” ماستر كارد ” لكن كيف اعرف انهم خلاص سحبوا منه المبلغ المطلوب ؟

  5. يعطيكم العافيه بالنسبه لشركة دي اتش ال هل هي مجانيه الاشتراك بموقعهم وبخدمتهم لاني سجلت وارسلولي صندوق بريد امريكي وبيانات ولا دفعت شي هل هي مجانيه الان

    • ماعندي خبر للاسف.
      تقدر تدخل موقعهم وتشوف اذا مجاني بيكتب لك الاشتراك مجاني واذا بفلوس بيطلب فلوس.

  6. تم التسجيل ب موقع WS1

    ثم تم الدخول على موقع امازون و الطلب منه وادراج البريد الالكتروني الامريكي

    وتم الخصم المالي من حسابي ..

    مع العلم بأن الشحنه تحتاج مايقارب 4 الى 6 ايام للإرسال .

    هل اتابع الشحنه بنفس موقع التسجيل ws1 ؟

    أو شالطريقه عشان اضمن اني عارفه الخطوه القادمه.

    • بمجرد ماتوصل لموقع الورلدشيب بيوصلك رسالة على ايميلك تفيدك بانهم استلموا اغراضك.

  7. وكيف الطريقه اني اقدر اخلي المنتجات تنرسل كلها مره وحده مو كل منتج لحاله ؟

    • الشحن من موقع الورلدشيب يدوي. يعني لما توصل اغراضك عندهم ما راح يرسلونها لك وبينتظرونك تدخلين على حسابك وتختارين الاشياء اللي تبين ترسلينها ( او كل الاغراض ) وتسوين لها طلب شحن.

  8. طلبت من امازون وحطيت عنواني الامريكي وعبيت كل البيانات وحطيت الفيزا ولاخصم منها كيف )!

  9. انا عملت الغاء لطلب معين بعد فتره رجعت فلوسي لاكن الضرايب مارجعو لي ابا اعرف ليش وهل فيه طريقه لارجاعها

    • مرحباً .. تاكد من حسابك البنكي كم انحسب منك بالضبط وكم رجع احياناُ يرجع بدون مايوصلك تنبيه .. اذا لا تزال ما رجعت ممكن ترسل ايميل لهذا الايميل الخاص بالضرايب تبع امازون
      tax-exempt@amazon.com
      وتضع فيه رقم الطلب وانه تم الغاءه .. وان شاء الله يردون عليك

LEAVE A REPLY

Please enter your comment!
Please enter your name here