Oplayer HD
في الأونة الأخيرة أنتشرت أجهزة شركة أبل إنتشار قوي جداً ( ايباد، ايفون، ايبود توتتش ) والكثير منا صار ما عاد يستخدم اللاب توب كثير، وصار حاطه في البيت مجرد هارديسك يرجع له عشان يشوف الملفات اللي يحتاجها وبعدين يرجع يسكره ويحطه فوق الدولاب عشان مايلعبون فيه البزران <<– مايقيس على نفسه أبد 😀
تطبيق أوبلير فيه ميزة رهيبة شدتني كثير، وهي نقل الملفات عن طريق الواي فاي .. ليه هالطريقة مفيدة ؟ .. أولاً تريحك من تعقيد الايتونز والنقل عن طريقة، ثانياً بدون أسلاك ولا حوسه .. ممكن وأنت طالع في كوفي وتحصل واحد من زملائك معه لاب توب وفيه مقاطع فيديو تهمك وتبي تأخذها منه تقدر نقلها بسهولة وبسرعة عن طريق الواي فاي ( لازم كلكم متصلين بشكبة وحدة )
وفيه مميزات ثانية مثل دعم أغلب صيغ الفديو والصوت ( موجودة تحت )، دعم تشغيل الترجمة لو كانت في ملف منفصل ( ملف srt ) وفيه متصفح ممكن يسمح لك تدخل على مواقع تحميل الفديو وتحمل مباشرة عن طريق البرنامج، لو وصلك مقطع فيديوعلى الايميل (في الايباد والا الايفون ) في المرفقات ممكن تحفظه في البرنامج، وغير هالمميزات فيه كثير لكن بنتركها لضيق الوقت
صيغ الفيديو المدعومة
WMV / AVI / MKV / RM / RMVB / XVID / MP4 / MOV / 3GP / MPG
صيغ الصوت المدعومة
MP3 / WMA / RM / AAC / OGG / APE / FLAC
نجي أولاً للصفحة الرئيسية
الخانة اللي محدده بالأحمر عن طريقها تقدر تدخل على ملفاتك اللي أنت حافظها أو ناقلها للجهاز .. الخانة الثانية تسمح لك تحط رابط مباشر جاهز عشان تحمل الفيديو مباشرة، والخانة الثالثة خاصة بالمتصفح اللي قلنا موجود في البرنامج
نجي لطريقة نقل الملفات بالواي فاي
مثل ماهو موجود في الصورة، نروح أول شيء لكلمة ( More ) ثم نضغط على كلمة ( WIFI Transfer ) وبيطلع لنا في الوسط شاشة صغيره فيها رقم اي بي ، نخلي الجهاز زي ما هو كذا ( ما تسكر الصفحه هذي الا لما تخلص ) ونروح للاب توب الحين
تكتب رقم الاي بي اللي عطاك اياه الجهاز في المتصفح حق اللاب توب ( وضروري يكون اللاب توب والايباد أو الايفون أو الايبود توتتش متصلين على شبكة واي فاي وحدة ) وبعدين تضغط على رقم واحد زي ما هو في الصورة وتختار الفيديو اللي تبي وبعدين تضغط على رقم اثنين
* الرقم اللي في الصورة يختلف عن الرقم اللي قبل شوي لأن الشرح ما كان في وقت واحد
ممكن النقل يأخذ وقت، على حسب حجم الملف وكذا .. بعد النقل بيكون قدامك الملف زي الصورة اللي فوق .. لو حاب تنقل ملف ترجمة للمقطع تقدر ، كل اللي عليك تعيد خطوات ون تو اللي قبل شوي
بعد ما تخلص نقل خلاص، تروح للأيباد أو الايفون ثم تسكر الشاشة الصغيرة حقت نقل الواي فاي ثم ترجع للصفحة الرئيسية وتدخل على المجلد الاول حق ملفاتك
بتحصل الملفات قدامك زي كذا .. طبعاً ضروري يكون اسم ملف الترجمة زي اسم ملف الفيديو عشان تطلع لك الترجمة ( للمزيد اضغط هنا : شرح تشغيل الترجمة على الأفلام ) ولو كنت ناقل الملفين بأسمين مختلفين تقدر تعدلهم عن طريق البرنامج، أضغط على Edit من فوق ثم أختر rename من تحت، وتقدر برضو ترتب الملفات بحيث تضيف كل فلم مع ترجمته في مجلد خاص فيه
مثل على ترجمة أنجليزية
مثال للترجمة العربية
ممكن يصير لك أنك تنقل ملف الترجمة ولما تشغله يطلع لك رموز وطلاسم، في هالحالة تروح للإعدادات
تروح للإعدادات وتعدل (الترميز – Encoding) وتخليه (ويندوز عربي – Windows Arabic) وتضبط معك إن شاء الله
مشاهدة ممتعة 
للمعلومية يوجد إصدار مجاني وإصدار مدفوع من البرنامج
السلام عليكم tch30
كيف الحال ؟
انا وصلت للمرحله 3 وماضغط ع الرابط
وش السالفه اقصد وش اسوي ؟
وعليكم السلام،
الرابط ماينضغط .. اكتبي نفس الارقام الموجودة في المتصفح حق اللاب توب .. ويضبط ان شاء الله tch33
السلام عليكم ،،
انا عندي افلام كثيرة فاللاب واغلبهم بصيغة rmvb وطبعا ما اقدر انقلهم للايفون ..
انا نزلت برنامج vlc player من الابستور وما اعرف كيف استخدمه ( هذا اذا له فايدة اصلن)
في طريقة سهلة عشان انقل الافلام ؟؟!!
ملاحظة : انا جربت برامج تحويل الفيديو لصيغة mp4 بس المشكلة ياخذ وقت طوووويييييييييييل وانا عندي تقريبا 500 فيلم .. مش معقولة احول كل الافلام !!
وعليكم السلام ورحمة الله،
أهلين أخوي .. ما شاء الله عليك 500 فلم؟ وشلون بتشوفها tch38
مثل ما ذكرت يا اخوي، تحويلها شيء صعب ومقرف وبيأخذ وقت .. عندك خيار أنك تحمل البرنامج اللي في هالموضوع وتصير تنقل الافلام واير لس زي ماذكرنا .. أو تجرب تنقل الافلام عن طريق الايتونز لبرنامج الـ vlc player
هالصورة يمكن تساعدك شوي لكيفية نقل الافلام للبرنامج .
http://www.blogcdn.com/www.engadget.com/media/2010/09/vlcipad2010-09-20-5.jpg
حصلتها في النت بس مدري عن مدى فعاليتها، ماجربتها .. جرب وعلمني وش يصير معك، بالتوفيق tch20
ابداع ابداع في الشرح اشكرك اخوي على شرحك الوافي
البرنامج عندي معرب ويوم سويت نقل بواسطه الواي فاي ما جاني الاي بي جاني مكتوب متوقف
ياليت تقولي لو سمحت
تحياتي
اهلين اخوي، تأكد أن الواي فاي شغال في جهازك tch37
يالبى قلببببك يا شيخ
والله البرنامج من زمان عندي وولا عرفتله
وطنشته خخخ
لكن إنت بطل وربي وشرحك روعه
أشكرك tch40
برنامج رووووووووعه
الله يعطيك العافيه ع الشرح و ع البرنامج الرائع
بجد ريجتني كثييير الحين ب هالبرنامج
مشكووووور يا استاذ كويس
البرنامج حاولت انزله بس مافي نزلت كذا برنامج اوك تمام بس داء موب راضي ينزل tch32
اهلين، حاولتي تحملينه على اي جهاز بالضبط؟ ايفون والا ايباد والا ايبود؟ ووش كان المتجر اللي انتي تستخدمينة، امريكي والا سعودي؟ وهل طلعت لك رسالة لما حاولتي تحملينه ورفض؟ لو فيه ياليت تكتبينها هنا tch33
ايباد. مدري حمله من اب ستور من نفس المكان الي انزل منوه الألعاب .امريكي .لا مجاء شي بس الي صار المربع صاير رمادي المفروض يكون مكتوب تم التثبيت او جاري التنزيل شي زي كذا المهم انو الحين مني قادره حتى اضغط على نفس المربع tch32
اهلين، المشكلة عندك ان النت بطيء والا معلق وعلق التحميل، جربي علقي على الايقونة لحد ما تبدأ البرامج كلها تهتز ( نفس الطريقة اللي تخليك تحذفين البرامج ) وشوفي هل تقدرين تسوين له حذف والا لا ؟ لو ماضبط معك .. طفي الايباد ثم شغليه من جديد وان شاء الله يضبط معك ويصير يحمل، او على الاقل يختفي البرنامج من الشاشة وتقدرين تحملينه من جديد tch17
يمكن بس هو معلق من نفس صفحه الاب ستور يعني هو موموجود عندي ومعلق لو كذا كان قدرت احذفه …….مدري موب عارفه اوضحلك بس انشاءالله فهمت علي . حاولت اطفي الجهاز بس كمان مافي فايده . معليش تعبتك معي tch23
أمم .. شلون معلق في نفس الابستور؟ يعني مثلاً هذي هي الصفحة حقت الابستور
https://www.tichno.com/wp-content/uploads/app-store-account3.jpg
وين اللي معلق في الصفحه بالضبط؟
– هل جربتي تسوين تسجيل خروج من الحساب حقك وبعدين ترجعين تسوين تسجيل دخول tch23؟ (ولو عندك احد عنده حساب غير حقك جربيه يمكن يضبط)
ايوه بالضبط من هنا معلق ، في مكان الي انت ماشر عليه . حاولت سجلت خروج ورجعت فتحته مره ثانيه بس نفس الحكايه . لا معندي احد . tch13
للاسف ما مرت علي مشكلتك صراحة، لو تقدرين تصورين الشاشة اللي معلق فيها البرنامج عشان اشوف كيف معلق ممكن يطلع معي شيء tch34 .. ولو ماقدرتي جربي تطفين الواير ليس وتشغلينه، اضغطي علي التطبيق مره ثانية كأنك بتحملينه من جديد وشوفي وش يصير، سوي تسجيل خروج من الحساب حقك وادخلي على البرنامج .. هل يكون معلق والا كيف ؟ tch23
الله لا يحرمنا من ابداعك ,, والله نستفيد منكم الشي الكثير
يَ آآني شششوي وآصصيح وقسمن قسمــآت
وقسمن آريح من آلآيتونز بكثثثثثثثثير
هذآ آلبرنــآمج يوم شفت عنده نجمــآت كثـآر قلت شكلة زين وحملتهه ويوم فتحته آدربي رآسي مدري وش آلسسـآلفة tch32
بسسس فجـأهـ آحوس بـآلنت طلعت صفحتك وآقرآ وقسسمن لو آنت قدآمي آتوآقع آحب رآآسك من آلونــآسة
ولآ بعد شرحححك مررهـ خخخطير وهيه بسسسس
لآخــلآ ولآ عددمم ,,<– وآلله آلآيبـآد 2 جـآيني هدية ولا مـآفكرت آشرية لآني آنـآ حدي بلآلآك ويخب مَ آعرف له آبد
وكنت محتــآججة آشيــآء زي كذآ يعني برآمج حلوة ويجي آلشرح مع آلصصور
زين مير ربي رآيدن بي خخخير دخلت عليك ولآ كنت نــآوية آبيعه لآنه له تقريبـآ شهر طفيت بوه آسبوع آحوس به وآخرته رجعته لكرتونة قلت آبيعة وآستفيد من فلوسة ولا يقعد بالكرتون كذآ
بسسس وآلله من جد مَ تسسوى فرحتي … tch9
قوووووووووووووة شكككرآ (تقولة بحمــآس ) tch31
أهلين، العفو ما سويت شيء tch34 .. كلها كم صورة وكم سطر بس tch3
مبروك الايباد .. ما شاء الله طلع فيه صدق ناس تجيها هدايا ايباد 2 .. انا على بالي اللي يكتبون كذا في المنتديات يصيرون هم شارينه بس يتميلحون tch38 .. يالله وش نسوي .. الله يرزقنا 🙁 <<-- يكفي إلى هنا التلميح والا اكمل tch3؟ حياك ربي وإن شاء الله يكون فيه مواضيع وشروحات لبرامج تهمك وتفيدك tch36
اخوي اانا سويت زيك بس الترجمه طلعت طلاسم و فالسيتنق ماطلع لي الا خيارين لترجمه الي هم تغيير اللون بس ماطلع لي ترميز وكذا وانا ايباد 1 و الـ او بلاير حقي اتش دي مدري اذا له دخل , ابي اعرف وش المشكله من وين 🙁 tch10
أهلين أختي، فعلاً كلامك صحيح .. بعد التحديث الأخير للبرنامج ما حصلت الخيار حق الترميز في التطبيق .. حالياً ارسلت إيميل للمبرمجين حقين البرنامج وسألتهم عن سبب الإزالة وعن الحل البديل، وهل بترجع هالميزة مره ثانية والا نغير التطبيق tch3؟
برد لك اول ما يوصلني الرد ان شاء الله tch40
طيب يمديني احمل النسخه القديمه عششان يطلع لي 🙁 ؟
حصلته اخوي لمى تشغل الفديو تضغط على الشاشه و يطلع لك خيار تحت زي البالون وتختار الترميز الي تبغاه
لو سمحت سؤااااال محيرني وقاهرني كيف ارفع ملفات مع بعض لان عندي مسلسل انمي عدد حلقاتة ٣١٥ تقريبا والله مدري المهم كيف ارفع مع بعض تكفون ان جاوبت ولو بمعلومة تلميح بنجن من الفرحة
اهلين، اشبكي الجهاز في اللاب توب .. وبعدين لما تفتحين الايتونز اضغطي على اسم الايباد من الخيارات اللي على اليسار .. بعدين من الخيارات اللي فوق اضغط على كلمة App وبعدين انزل تحت لنهاية الصفحه بتلقى مربع زي اللي في الصورة :
http://www.blogcdn.com/www.engadget.com/media/2010/09/vlcipad2010-09-20-5.jpg
بتحصلين البرامج اللي عندك واللي تقبل نقل الملفات ومن ضمنها بتحصلين الـ Oplayer اختاري البرنامج وبعدين اضيفي الملفات من هنا .. تقدرين تحددين اكثر من ملف وقت الاضافه.. اذا جهازك ماك اضغطي زر الكوماند وانتي تحددين الملفات بالماوس، واذا جهازك ويندوز اضغطي زر كنترول وقت التحديد .. وان شاء الله يضبط معك tch17
الحين انا حملت التطبيق وشبكة الإيباد ع الايتونز ونزلت الفلم مع ترجمته
ودخلت ع ملفاتي ولقيتهم … الفلم يشتغل بس بدون ترجمه ;(
arw-diary.dvdrip.xvid.avi هذا الفلم
arw-diary.dvdrip.xvid.srt وهذي اسم الترجمه
وحاولت اخلي اسم الترجمه نفس الفلم بس اختفى الفلم ;””(
والله يعطيك العافيه
اهلين، طيب جربي الفلم وترجمته على اللاب توب، يشتغل كويس بالترجمة؟
جربي عدلي الاسم لكل الملفين لها الاسم :
arw-diray.avi
arw-diray.srt
وجربي يشتغل في اللاب توب والا لا؟ لو ضبط خلاص انقليه للايباد
بالنسبة لـ ( srt. ) و ( avi. ) فهذي هي صيغ الملفات .. وحده صغية ملف الترجمة والثانية صيغة ملف الفيديو، يعني عادي يكونون مو زي بعض في هالنقطة بس tch34
اخوي الله لايهينك
انا عندي ايباد2 وحملت البرنامج وضبط معي ونقلت افلامي كلها
بس انا حاب استفسر هل اقدر انزل من نفس البرنامج افلام
ادا ايه اتمنى تشرح لي الطريقه اذا الا اوك
ومعليش تعبتك معايه
كل الشكر لك حبيبي tch27
أهلين اخوي،
لو تلاحظ في الصورة هذي
https://www.tichno.com/wp-content/uploads/Oplayer-main.jpg
فيه خياراين ( Open URL ) , ( web Browser ) واحد منهم تكتب فيه الرابط مباشرة ويحمله لك ( مثلاً رابط فيديو معين أو فلم .. والثاني يخليك تتصفح النت زي متصفح سفاري .. لكن لما تحصل رابط تحميل تضغط عليه وتعلق بأصبعك يطلع لك خيار التحميل في البرنامج tch36
انا ماني عارف كيف أشكرك فعلا أنت استاذ لاني نجحت في عمل حساب على الايتون مجاني – انت فعلا بارع جدا في توصيل المعلومة وفي الشرح أيضا
أشكرك جدا جدا جدا
وفعلا الموقع هذا مدرسة
بس باقي اتصفع واعلم نفسي بدروسك على طريقة تحميل نغمات للايفون وتنزيل النغمات واذا مافي رجاء تنزيل برامج لعمل نغمات الايفون وطريقة تنزيلها
أخوك أبو سلطان الطيب
أهلين، حياك ربي أخوي tch26 tch27
نتشرف بمتابعتك وبتواجدك tch1
اولا اشكرك من اعماق قلبي على مجهودك
ودي اسالك اذا فتحت ايميلي وكان موجود اتتاتش لفيديو معين وابي احمله ب oplayer كيف الطريقة
اهلين اخوي، جرب اضغط عليه باصبعك وعلق شوي .. بتطلع لك خيارات الفتح
أنا ما طلع لي “more” ايش اسوي
يمكن سوو للبرنامج تحديث وغيروا فيه شوي .. اذا تبي تعدل الترميز حق الترجمة فـ من نفس الفيديو لما تضغط على الشاشة بتطلع لك خيارات، مثل ماتقول الاخت هنا:
https://www.tichno.com/apple/iphone/oplayer-app-review/comment-page-1#comment-726
طيب واللي ما عنده جهاز !! -_-
مافيه بديل ؟ ابغى اشوف افلام مترجمة عربي طبعاً عالايباد 🙁 كيف 🙁 ؟؟ اليوتيوب مافيه الا افلام مصرية خخخخخخخخ ثانكيو عالشرح اللي يفتح النفس 🙂
ممكن تتفرجين عن طريق مواقع المشاهدة المباشرة، مثل موقع الدار دراكم فيه افلام مترجمة وتشتغل على الايباد برضو tch37
الاون لاين كلها بالفلاش والفلاش ما يشتغل عالايباد ، اذا لقيتلي موقع بطييييييييير من الفرحه >.<
اي عارف انها فلاش عشان كذا حددت لك وقلت لك موقع الدار داركم، لأن عنده اشياء تشتغل على الايباد .. اذا اخترتي فلم معين يطلع لك من ضمن الخيارات مشغلات تفتح على الايباد tch40
طيب اسفه شكلك عصبت هههه ، شكرا من القلب
لا أبداً، يمكن عشاني كنت متحمس tch3
اخوي حدثت الايباد وحملت اخر اصدار لـ اوبلير ..
بس مالقيت الواي فاي
اهلين اخوي .. من الصفحه الرئيسية للبرنامج بتحصل علامة ( + ) فوق على اليسار، اضغط عليها وبعدين بتحصل الواي فاي موجود تحت اخر خيار
ايوه لقيتها ^^
الله يوفقك يارب ..مشكور وماقصرت
السلام عليكم
مشكور على الموضوع
عندي استفسار. هل استطيع ان احمل من الايبد مباشر بستخدام البرنامج واذا كنت استطيع كيف احمل مسلسلات من موقع الدار داركم بلأيبدً؟. وشكراً لمجهودكم
وعليكم السلام ورحمة الله وبركاته،
البرنامج فيه خاصية للتحميل لكن مدري يحمل من الدار دراكم والا لا .. ممكن يحمل من مواقع الرفع زي الميديا فاير مثلاً. لكن بكل صراحه ما سبق لي وجربت tch3
اخي الكريم . . اشكرك على الشرح المفصل
بس انا جربت دخلت الاي بي بمتصفح الفايرفوكس ومتصفح الاكسبلورار . .
لكن ما تفتح الصفحه . .
أهلين .. العفو ياعزيزي tch34 tch26
كتبت رقم الاي بي زي ماهو بالضبط وما ضبط؟ طيب لما كتبت الرقم كنت مسكر الصفحه حقت الايباد في البرنامج والا كانت لسى مفتوحه؟
انا بنت صدقني :$ ّ
كررت الخطوات مره ثاآنيه بآحكآم وضبطت الحركه بحم ـد الله . .
تسسّلملي آإخويه . . .
السلام عليكم كيف حالك اخوي …
بصراحة ما انكر اني بالبداية ضاق صدري مو فاهمه شي ..tch32
حملته و شكل البررنامج عندك يختلف عندي .. بس لما ركزت و طبقت الخطوات ضبط و قاعدة احمل دكستر الحين .. tch5
الله يعطيك الف عافية … tch28 tch28
اقدر احمل من موقع دار داركوم افلام ومسلسلات ؟ tch32
أهلين .. لا للاسف ماتقدر tch41
ممكن سوال !!
طيب اقدر اترجم فيديوهات عليه وانزلها باليوتيوب !!
زي برنامج aegisub الي بالاب توبات =”(
أهلين .. لا للاسف ماتضبط .. البرنامج فقط يقرأ الترجمة ولايدمجها مع الفيديو
ممممم
اخوي ابي أشاهد أفلام مثل منتدى عناكب
ما ابي احمل
المقصد هو:: ابي برنامج حق افلام ادخل عليه واكتب اسم الفلم واشاهده فديتكم لو ترد
ع ايميلي لاني صدفة دخلت هنا
أخوك :/ سيف
أهلين .. للاسف مااعرف برنامج محدد للافلام، مالك الا تدخل مواقع زي الدار داركم وتكون مشغلاتهم تدعم الـ HTML 5 وليس الفلاش .. وراح تشتغل على الايباد ان شاء الله
طيب هي مترجهة
مثل منتدى عناكب
ادري أزعجتك سوري
أيه نعم
ممكن طلب وارجووووووووووووووك ترد بأسرع ما يمكن! tch2
منييييين بالضبط أقدر احمل البرنامج؟؟؟
أنا عارف انه من App Store بس النسخة إيه بالضبط؟ tch37 يعني الأمريكية ولا …..
لأني عامله بالايميل (Egypt) وأيضاً اسم البرنامج .. عاوزه كامل!
أرجوك رد بسرعه!
مرحباً،
متوفر على الابستور وهذا اسم التطبيق ( OPlayer Lite ) المفترض موجود في كل المتاجر الامريكي والمصري وغيره.
طيب مؤ راضي يشتغل عندي
فديتك رد
شيك على هذي الصفحة:
http://www.dardarkom.com/Vip/index.html
دخلت بس ما ادري وش السالفه tch13
عشان تتفرج على الافلام من الايباد او الايفون لازم تشترك عندهم في العضوية vip .. ورسومها موجودة في نفس الصفحة
اها
شكرًا اخوي فديتك بس شي يقهر
انا حدثت البرنامج آخر تحديث، ودورت ع “النقل بالواي فاي” ولقيتو الحمدلله بس مالقيت الاي بي 🙂 في HTTP وBonjour وFTP
ايش اسوي؟ :'(
مرحباً، استخدمي الموجود في الخانة HTTP واكتبيه في المتصفح حق جهازك اللاب توب وبيضبط ان شاء الله
يعطيك العافية ضبط معاي وكل شيء واشتغل هو والترجمة
بس مايطلع صوت!! يعني الفلم اشوفه عالسايلنت
مرحبا،ً وش صيغة الفلم؟
فيه صيغ غير مدعومة وتشتغل بدون صوت.
انا ابي انزل برنامج هذا Oplayer HDبس يوم ابي انزل يطلعلي غير كيف اسوي وشكرا
مرحباً،
هو نفس البرنامج لكن نزل له تحديث جديد وتغير شكله شوي
انا حملت المقطع
بس اذا جئت اشغله يصير بدون صوت
وش أسوي tch9
اهلين ..صيغة المقطع غير متوافقة مع البرنامج
طيب ممكن تسوي شرح جديد لان يوم حملته جديد طلع مختلف tch34 tch10
مرحباً، صحيح تغير الشكل لكن المفهوم العام لازال واضح tch34<< قل متعيجز اسوي شرح جديد وخلاص tch38
انا ما فهمت الشرح ذاه ع التحديث الجديد
بس متى ماروقت سو الشرح
والله يعطيك العافية tch28
البدنامج بفلوس ولا متهيألي .. ؟ tch9
مرحباً،
فيه منه نسخة مدفوعة وفيه نسخة مجانية.
البرنامج قصدي**
في احد عندو فكرة كيف افك الملفات المضغوطة… نزلت WinZip Mac Edition وماعرفت حاجة.
وكمان كيف انزل Microsoft Office على Mac Pro
مرحباً،
الملفات المضغوطة تنفك بالبرنامج اللي حملته، اما بالنسبة للاوفيس تحتاج تشتريه من موقع الشركة ( مايكروسوفت )، او من التورنت tch3
شكرا استاذي على ردك السريع .. حاولت افتح الملفات المضغوطة ماعرفت اذا عندك امكانية تشرحلي فضلا لا امرا.. وبالنسبة للأوفيس حروح اشتريه بس اذا في فكرة تنزيل مجاني بالتورنت قلي عليها tch3 علما التورنت موجود عندي…
واشكركم على مجهودكم موقعكم فادني كثير يسعدكم كلكم 😀
مرحباً،
ممكن تدخل على الابستور وتحمل برنامج the unarchiver .. او من هالرابط تحمله:
https://itunes.apple.com/us/app/the-unarchiver/id425424353?mt=12
.
بعدين بمجرد ماتحمله تضغط مرتين على اي ملف مضغوط وبيفك عنه الضغط مباشرة.
اما بالنسبة للاوفيس موجود في التورنت ممكن تبحث عن الاوفيس ماك مع الكراك وبتحصله موجود