أشهر برامج الماك

كثير ناس ما يقدرون يحولون اجهزتهم للماك عشان البرامج الي تعودو عليها في الويندوز  ، ومن هنا اقولكم ان اغلب البرامج المشهورة لها اصدار خاص للماك  بدون ما تختلف طريقة استخدام البرنامج كثير

في بالبداية راح نذكر برامج الماك الي تجي مع الجهاز بدون ما تشتريها 

iPhoto

برنامج رائع ، يحفظ كل صورك بطريقة منظمة و ومرتبه ، سهل انك توصل للصوره الي تبيها
واذا شبكت كامرتك بالجهاز اوتوماتيكي بيفتح

 الـ iPhoto

  ويفتح كل الصور الي بكامرتك و تختار الصور اللي تبي تحفظها بجهازك
بالاضافة انه يسوي تعديل او تحرير للصور من خلال البرنامج
تقدر تنشآ البومات و تطبعها
تقدر تسوي للصورslide show
تقدر تشارك بالصور في المواقع الاجتماعية من خلال البرنامج -الاصدار الجديد-

الشكل العام للبرنامج

 

هذا الجدول يوضح الصيغ الي تتوافق مع البرنامج

 

iMovie

برنامج صناعه الافلام ، سهل و يقدم خدمات كثيره للي يحبون يسون افلام قصيره او دعايات
تشبك كاميره الفديو  وتختار المقاطع الي تبيها و تشتغل وتسويلها تاثير سينمائي
تقدر تضيف صور من الـ iPhoto أو تضيف صوت من الايتونز

فيه مؤثرات جاهزه ، + تقدر تكتب نص في الفلم
ممكن تشارك بافلامك في المواقع الاجتماعية من خلال البرنامج (الاصدار الجديد)
يشبه عمل برنامج الموفي ميكر في الويندوز

الواجهة الرئيسية للبرنامج 

 

iTunes

برنامج غني عن التعريف
يشغل ملفات قران – اغاني و ينظمها بالبومات
يشغل افلام و كتب الكترونية مقروؤة
او محاضرات – دروس وكذا..

ويستخدم لنقل الملفات وللتحكم بأجهزة الآبل ( الايفون والايبود تتوتش والايباد )

ping

شبكة اجتماعيه للاغاني ممكن تتابع المغني الي تحبه وتشوف اجدد الاغاني له وتحملها
تشوف الناس الي يشاركونك نفس نوع الاغاني  وكذا

 

Garageband

 هذا برنامج للمهتمين بالالات الموسيقية و الملحنين ، تقدر من خلاله  تسوي لك لحن
ممكن تدخل اغنية و تكمل عليها بلحن من عندك
ممكن تشبك مثلا بيانو صدقي و تضيف معها الات الموجوده بالبرنامج
فيه دروس كيف تستخدم بعض الالات مثل البيانو و القيتار

رأيي انه البرنامج فيه صعوبة بالاستخدام ومو سهل

الشكل العام

وتقدر تكون فرقة مع نفسك

*iDVD

شفت الفلم الي سويته بالاي موفي قبل شوي ؟  هذا البرنامج يحولك اياه إلى ” دي في دي ” وتقدر تشغله بأي مشغل DVD player

حتى الصور بالاي فوتو تقدر تحطها بسي دي وتعرضها باغلب مشغلات الدي في دي

الشكل العام

  ما ينصح انك تسوي باك اب فيه

واللي عندهم جهازMacBook Air

او اللي ناوي يشتريه، ترى مافيه فتحه للسي دي لكن شركة ابل اصدرت

external USB DVD
burner

وتشبكه بالجهاز و يمشي الحال

*iWeb   

برنامج يخليك تبني موقع لك بطريقة سهله و قوالب جاهزه انت تختار الي يناسبك و تنشره
البرنامج سهل تقدر تضيف صور -مقاطع تعدل بالخط و تضيف
وفيه خيارات للتنسيق
حتى لو نشرته وطلع فيه خطآ بالكتابة او تبي تحذف صورة تقدر ترجع للبرنامج و تعدل و وتحذف و تسوي نشر مره اخرى

الشكل العام 

كل البرامج الي ذكرتهم فوق تسمى مجموعة iLife .. بإستثناء iTunes

*الي عليهم نجمة موجودين بالجهاز ويشتغلون بس عشان تحصل على كامل الميزات يفضل تشتريهم ومو خساره (لو هي من اهتماماتك)

ممكن تشتري باقة iLife

من اي موزع ابل بالسعودية و الاحسن تشتريها اون لاين ارخص سعرها بالانترنت ٤٩ دولار 

iChat   

برنامج  تتواصل فيه مع الناس صوت و صورة و مسجات
وممكن تسوي دعوة لاكثر من ٣ اشخاص و تتكلمون مع بعض بصوت و صوره
وممكن تفتح فلم و تشوفونه سوا عن بعد
تقدر تشارك سطح المكتب حقك مع الناس
برنامج مميز
ويدعم yahoo massenger
google talk
ICQ 

صورة توضح كيف تشارك باعمالك مع احد

 

وممكن بس تكون المحادثة مسجات

 

وفيه برامج بسيطة تجي مع الجهاز مثل

iCal 

ينظم المواعيد ، امتحانات حسب الشغل الي عندك بطريقة سهله و اضحة

 

address book

 

تحط فيه ارقام الناس ، ايميلاتهم، مكان عملهم ، عناوينهم

 

مجموعة  iWork

 

من افضل المجموعات في الماك و استخدمها كثيير
المجموعة تنقسم ل ٣ اقسام
Keynote مثل البور بوينت في الويندوز تسوي عروض لكن اكثر احترافية و مرونة  و فيه قوالب مميزة

Pages برنامج تحرير النصوص ممتاز و خياراته كثيره

Numbers برنامج يتعامل مع الاحصائيات و الارقام و الحسابات ، سهلة الاستخدام

مجموعة iwork

مميزة جدا و تدعم اللغة العربية بس عيبها اذا جيبت تشغلها علي الويندوز ما تفتح !
pages ملفات الوورد تفتح في

*سعره ٧٩ دولار

 

جدول فيه بعض برامج الماك تقدر تحملها من اي موقع يحمل برامج او تشتريها والافضل تجيبها بالتورنت

البرامج الي في الجدول فوق كلهم يدعم اللغة العربية ماعدا

Microsoft Office 

 

*فيه برامج اكثر من كذا بكثير بس هذه الي انا مجربهم وواثق منهم

 

جدول يبين بعض البرامج المشتركه بين الوندوز والماك

بالنسبة للـ Adobe collection فهي مكونه من :

reader ، dreamweaver ، flash ، photoshop،
acrobat ، light room ، illustrator ، indesign

 

الي ذكرتهم ممكن تحملهم تجريبي من الموقع الرسمي , أو تشتريهم .. و فيه بعضهم تقدر تحمله كامل إذا كان مجاني

والاسهل والاحلى تحملهم كلهم تورنت

مو بس هذه البرامج الموجودة طبعاً .. فييه كثيير برامج مميزه ولكن اللي موجود بالموضوع هو الي انا جربته وتأكدت من عمله بشكل فعال بدون مشاكل.