شرح تركيب الاي مسج messages على الماك

 messages for mac -الاي مسج للماك

لا يخفى على الجميع برنامج الاي مسج، والذي ظهر مع الاصدار 5 لجميع اجهزة الاي او اس ( iOS 5 ). اليوم شركة ابل توسع النطاق وتجعل التواصل ممكن مابين اجهزة الماك ( ماك بوك وايت، برو، اير، اي ماك ) وأجهزة الاي او اس ( الايباد، الايفون، الايبود توتش ) التي تعمل على الاصدار الخامس فما فوق. للمزيد عن الاي مسج ” اضغط هنا “ 

البرنامج اعلن عنه كـ ميزه ستكون في الاصدار الجديد من نظام الماك ( mountain lion ) والذي سيطرح في صيف ٢٠١٢ بالإضافة إلى ١٠٠ ميزة اخرى عن سلفه الـ Lion. حالياً البرنامج متوفر بنسخة تجريبية ( بيتا ) ويمكن تحمليه من الموقع الرسمي للشركة

http://www.apple.com/macosx/mountain-lion/messages-beta/

 messages on mac - الاي مسج للماك

تحميل البرنامج كما نشاهد في الصورة من خلال الضغط على المستطيل الازرق.

لكي يعمل لديك الاي مسج يجب ان يكون جهازك الماك يعمل على الأصدار التالي ( OS X Lion v10.7.3 ). اذا كان لديك نظام الليون كل ماعليك فعله هو تحديث الجهاز إلى اخر نسخه من خلال الضغط على شعار ابل الموجود في اليسار اعلى الشاشة ومن ثم اختيار Software Update.

طريقة تحديث الماك

بعد ذلك سيحمل الماك التحديثات اللازمة للجهاز

updating mac ox lion

وبعد الإنتهاء من التحديث سيطلب منك الجهاز إعادة التشغيل لكي يتم تثبيت التحديثات، بعد ذلك شغل برنامج الاي مسج الذي تم تحميله من الرابط في الأعلى.

تحميل البرامج على الماك

مثل طريقة تثبيت باقي البرامج، تعلق على كلمة Continue الين يخلص التثبيت ويشتغل البرنامج

بعد مايخلص الثبيت بيسوي الجهاز اعادة تشغيل، وبعدين بيشتغل لك البرامج

الاي مسج للماك

طبعاً هو تم دمجه مع البرنامج القديم iChat, وما راح يتضرر البرنامج السابق يعني تقدر تستخدمهم كلهم ( تضيف حساب الاي مسج مع حساباتك القديمة وتسولف طبيعي )

تضغط الكلمة المحددة بالاحمر، بعدين بيطلب منك تكتب حسابك الخاص بالاي مسج ( حسابك في الابستور )

الاي مسج للماك

بعد كذا بينضاف قدامك، ولو حاب تضيف حسابات زيادة تقدر من تحت، او تضغط المربع الاحمر وتنتهي من هالخطوة

imessage for mac - الاي مسج للماك

 بعد كذا بتقدر تسولف مع زملائك زي ماتبي، لكن طبعاً لازم يكونون منضافين عندك في الـ Address Book عشان تشوف اسمائهم ومعلوماتهم ( زي الايفون والايباد يعني ).

بعد كذا بالرفاه والبنين

* ملاحظه : اللي كان يستخدم الـ iChat قبل وحاب يوقف الحسابات القديمة عشان مايتلخبط، بكل بساطة يتبع المسار التالي

Messages > Accounts

وبعدين تختار تفعيل الخدمة اللي تبي

الاعدادات الخاصة بالاي مسج

13 تعليقات

  1. الميزة الوحيدة اللي ودي أجربها بالآيفون هي الآي مسج ، فقط لا غير .. tch3

    يعطيك العافية ما قصرت tch1

    • عاد تصدق الميزة ما تسوى! <<-- يبي يلهيك عن الايفون tch38 طبي ليه ما عجبك ميزة الاي كلاود؟ تقدر تمسح جهازك او تشتري جديد وتسترجع الباك اب حقك كامل ( بالبرامج وبنفس توصيلك للألعاب وكل شيء ) بكل سهولة tch31

    • لما حملته وش طلع لك؟ الان البرنامج زي ما هو ( اي شات ) والا ( اي مسج ) والا وش صار بالضبط؟
      ادخل على هالمسار ( Messages > Preferences ) بعدين اختار كلمة ( Accounts ) من فوق، ومن ثم بتشوف الحسابات الموجودة قدامك .. تقدر تضيف حسابك من هنا لو تبي

  2. السلام عليكم

    عندي مشكلة

    سويت تحديث للماك والامور تمام

    ولكن عند ما اسوي تنزيل برنامج اي مسج يطلع مسج حاول في وقت لاحق

    https://www.tichno.com/wp-content/uploads/imessage-on-mac9.png

    • وعليكم السلام ورحمة الله وبركاته،
      جرب حمله من جديد، وتأكد برضو ان الجهاز مايحتاج تحديثات ثانية، وجرب تسوي للجهاز ريستار ثم حاول مره ثانية وشف وش يصير معك

  3. شــــكراً جزيلاً على الشرح المفصل ،الله يعطيكم العافيه
    لدي مشكلتين فيه أتمنى أن أجد لها حل :
    1/عندما أضيف إيميل لدفتر العنواين وأود التراسل مع على الآي مسج تخرج رسالة تنبيه (غير متوفر على الآي مسج)«رغم أن الإيميل المضاف لديه آي مسج .

    2/لاأستطيع إضافة الأرقام ،ولابد أن يضيفوني أصحاب الأرقام ؟!
    مع أن الرقم متواجد في دفتر العنواين ،ومبدؤ بـ+966

    جزاكم الله خيراً ،وبوركت جهودكم
    tch28

    • أهلين .. العفو وعذراً على التأخر في الرد .. اضطريت اجرب كلامك على جهازي وخبرك الماك موزينه فوق الدولاب وغثى على بال ما نطلعه tch3

      جربت على جهاز وما صارت لي نفس المشكلة اللي عندك .. الأسماء والإيميلات كلها تبين لي انها اي مسج واقدر اكلمهم طبيعي .. طبعاً البرنامج حالياً بوضعه التجريبي ( بيتا ) يعني قد يكون فيه مشاكل.

      أنصحك لو عندك ايفون تسوين تزامن مع الايتونز وتنقلين الاسماء والإيميلات اللي عندك للأدريس بوك حقت الماك .. بكذا تسهل عليك عملية الاسماء وممكن برضو تنحل مشكلتك منها، والله اعلم tch34

  4. أنا سويت الحساب بس البريد عندي مو مستوي ويجيني كلام verify your account

Leave a Reply to ebtesam الغاء التعليق

اكتب تعليقك
اكتب اسمك هنا