شرح طريقة تثبيت برنامج الواتس اب على الايباد والايبود بدون جيلبريك

الموضوع واضح من عنوانه 😀 .. في السابق ذكرنا ( شرح تثبيت الواتس اب على الايباد والايبود بالصور ) لكن هالطريقة تحتاج جيلبريك والأن الأغلبية ماعندهم جيلبريك خصوصاً مستخدمين الإصدار 6

أولاً: تحتاج يكون عندك برنامج آي تولز ( اضغط هنا لمعرفة طريقة استخدام البرنامج )

برنامج اي تولز itools

تحميل البرنامج:  نسخة ويندوزنسخة ماك

 

ثانياً: تثبت برنامج الواتس اب على الايفون وتسوي تفعيل للرقم اللي راح تستخدمه على الايباد

بعد ماتسوي عملية التفعيل اشبك جهازك الايفون على الكمبيوتر وافتح الآي تولز .. اضغط على الخيار الموجود على اليسار Applications وبتطلع قدامك قائمة بالبرامج الموجودة على الايفون حقك .. اختر برنامج الواتس اب

شرح طريقة تثبيت وتركيب برنامج الواتس اب على الايباد والايبود بدون جيلبريك

 

بعد ماتختار برنامج الواتس اب تختار الخيار المحدد في الصورة وتضغط على كلمة Backup program and document واحفظ البرنامج في مكان واضح عشان ترجع تحمله بعد شوي ( على سبيل المثال سطح المكتب )

شرح طريقة تثبيت وتركيب برنامج الواتس اب على الايباد والايبود بدون جيلبريك

بعد ماتخلص حفظ الملف على جهازك اضغط على زر الحذف ( الموجود على يسار زر الحفظ ) واحذف برنامج الواتس اب من جهازك الايفون.

بعد كذا افتح افصل الايفون واشبك الايباد بداله .. اختر الخيار Applications الموجود على اليسار ومن ثم اختر الخيار المحدد في الصورة عشان تثبت البرنامج

شرح طريقة تثبيت وتركيب برنامج الواتس اب على الايباد والايبود بدون جيلبريك

بعد الضغط على الزر Install بتفتح لك نافذة تطلب منك تحديد البرنامج المطلوب تثبيته من جهازك .. تروح للمكان اللي حفظت فيه برنامج الواتس اب قبل وتختاره 

بعد كذا تنتظر البرنامج الين يثبت الواتس اب على ايبادك ويرفع جميع الملفات

شرح طريقة تثبيت وتركيب برنامج الواتس اب على الايباد والايبود بدون جيلبريك

بعد ماينتهي التثبيت على ايبادك .. افتح البرنامج

وإذا طلعت لك رسالة تسألك هل تبي تغير رقم جوالك الموجود على برنامج الواتس اب اضغط لا!

 شرح طريقة تثبيت وتركيب برنامج الواتس اب على الايباد والايبود بدون جيلبريك

شرح طريقة تثبيت وتركيب برنامج الواتس اب على الايباد والايبود بدون جيلبريك

وبكذا تكون أنتهيت خلاص 

*  *  *  *  *  *

ملاحظة: تمت تجربة الطريقة على (ايفون 4 اس إصدار 6.0.1 ) و ( ايباد ميني إصدار 6.0.2 ) وإصدار برنامج الواتس اب المستخدم في التجربة هو 2.8.7.

ملاحظة: لازم يكون حساب الأبستور موحد في الجهازين .. عشان اذا نقلت الواتس اب للايباد ماتواجه مشاكل.

207 تعليقات

  1. طريقه حلوه لكن مشكلتها ماتقدر تضيف الاداه اللي تكبّر الشاشه للبرامج المخصصه للايفون .. سويتها وتوهقت D: الحين اذا كبرت الشاشه يمديني اعد كم بكسل فيها

  2. طيب الواتس اب كدا بيشتغل على الايباد والايفون
    بنفس رقم الجوال في نفس الوقت؟؟؟

    • أهلين .. لا مايشتغل على الاثنين .. عشان كذا قلنا بعد ماتفعل الواتس اب على الايفون وتسوي منه نسخة على الكمبيوتر عن طريق برنامج اي تولز لازم تحذفه من الايفون .. لانه مايشتغل على جهازين في نفس الوقت.
      بعد ماتخلص تثبيت الواتس على الايباد ممكن ترجع تحمل الواتس على الايفون من جديد من الابستور وتفعل البرنامج بـ رقم ثاني غير الاول طبعاً tch6

      • أهلين..لا مايشتغل على الاثنين..عشان كذا قلنا بعد منفعل الوتس اب على الايفون وتسوي منه نسخة على الكمبيوتر عن الطريق برنامج اي تولز لازم تحذفه من الايفون ..لانه ما يشتغل على جهازين في نفس الوقت. tch9

      • طيب انا حملت الواتس اب بس يدخل ويطلع بسرعه بس انا حملته من موقع الصيني tch27

    • فعلت البرمامج الوتس اب بس نفس شي مشتفل عندي تجيني رسالة عذرا جهازك غير مدعوم

  3. حلو ياحلو اقوى شي tch40
    الطريقه تفك ازمة مهزلة الجلبريك مع الايباد و الوتسب

  4. ✌✌✌
    اوك فهمنا بس انا بنزله على الايباد والايفون بس الرقم يختلف هذا رقم والايباد رقم

    بدون ما احذفه من الايفون

    • أهلين .. بعد ماتسوي الطريقة اللي فوق وتحذف الواتس اب من الايفون وتركبه على الايباد وكل شيء يشتغل معك تمام .. تروح تحمل الواتس من الابستور حق الايفون وتركب عليه رقمك tch3

  5. الله يعطيك ألف عافيه، بس لو أبي اخليه بالايفون واللي بالايباد أحط رقم ثاني اقدر؟؟؟

    • أهلين .. الله يعافيك،
      بعد ماتسوين الشرح الموجود فوق .. تقدرين ترجعين تحملين تطبيق الواتس اب من جديد من الابستور وتركبين عليه رقمك الخاص بالايفون.

  6. ممم طيب انا ابغى احملو على الايبود تتش {{ يعني ينحذف الواتس من الايفون }} ويتحمل في الايبود

  7. طيب واللي عنده ايبود تتش وماعنده ايفون هل في امكانية انه ينزل الواتس عليه
    يعني ماينفع استخدم الواتس حق النوكيا وانزله عاللابتوب وبعدين انزله عالايبود وشكراً

  8. للأسف جميع الطرق سلكتها .. والنتيجة وحدة

    ظهور ( عذراً جهازك الحالي غير مدعوم )

    • مرحباً .. هل حذفتي الواتس اب من الايفون عن طريق البرنامج؟
      هل تركتي الواتس اب يكمل تحميل جميع الملفات على الايباد من البرنامج اي تولز؟

      • في شي لازم تسويه
        لما تاخذ نسخه من الواتس للحاسب لازم تضغط زر الملف اللي بجنبه وتنسخ الملفات الموجوده بعدين لصقها في الجهاز الحاسب
        ولما تنسخ الواتس للايباد تروح تاخذ الملفات اللي نسختها وتلصقها بملف الواتس في الايباد وتحط موافق للاستبدال
        ومبروووك

  9. شباب لما انقل الواتساب للايباد ميني يقول infield بليز أبي حل tch10 tch10

  10. يا اخوي انا سويت كل الخطوات بس لما احمله على الايباد ويخلص تحميل ما احصله في الايباد

    • روح للصفحة الأولى في الايباد بعدين اسحب باتجاه اليسار واكتب whatsapp في خانة البحث .. تأكد هل هو موجود على الجهاز او لا؟!

  11. لو سمحت/ي
    انا سويت نفسك طريقتك وكل شي
    وحذفت الواتس اب من الايفون
    وانا جهازي ايبود ولما حملته يطلع من نفسه بالايبود
    اتمنى الرد تكفى/ين

  12. طلع لي كذا
    http://img534.imageshack.us/img534/674/imagezlcp.jpg
    وكتبت الايميل والباسورد الي احمل منه وطلع بنفسه 🙁

    • أهلين .. كتبتي أي ايميل؟ نفس الايميل اللي محمله فيه الواتس ( في الايفون )؟
      جربي ادخلي الاعدادات وروحي لكلمة store وحطي حسابك اللي تستخدمينه في الايفون واللي حملتي منه الواتس اب .. وجربي تفتحينه ولازم يكون عندك نت طبعاً
      لو ماضبط .. جربي ارجعي حمليه على الايباد من جديد بعد ماتسوين الخطوات اللي فوق

  13. شوف/ ي لما كتبت الايميل والباسورد
    طلع لي كذا
    http://img834.imageshack.us/img834/6299/imagedpo.jpg
    وبعدين طلع بنفسه

    • أهلين .. جربي سكري البرنامج من تحت ( شريط المهام ) وبعدين افتحيه من جديد .. لو ماضبط جربي تحذفينه وتثبتينه مره ثانية ان شاء الله يضبط

        • أهلين .. وش إصدار ايبودك؟
          طيب اجعي ثبتي الواتس على الايفون ( نفس النسخة اللي حفظتيها عندك ) من خلال الاي تولز وشوفي يفتح معك والا لا؟

  14. أقدر اعمل من آيبود الى آيباد ؟؟؟؟؟؟؟؟؟؟؟؟؟؟؟؟ tch23 tch23 tch23 tch23 tch23 tch23 tch23 tch23 tch23

  15. طيب كيف افعل الرقم ؟
    وحق ال UDID
    كيف انسخو او اسوي ؟
    م زبط معايا كل م جيت بحفظ الواتس من الايفون يجيني فوق كلام
    وجمب الوواتس خطأ 🙁 🙁

    • أهلين .. تفعيل الرقم يكون من الايفون .. تكتبين الرقم اللي تبينه في الايفون وبيرسلون لك رسالة على نفس الرقم فيها رقم تفعيل .. تكتبين الرقم اللي يوصلك في الواتس وبكذا يكون تفعل!
      بالنسبة للـ UDID هذي غير مطلوبة هنا وما نحتاجها في هالشرح

  16. اتحمل معي على الايباد بس لما اضغط البرنامج مايفتح نهائياً يطلع خروج على طوول
    جهازي ايباد 1 الاصدار 5.1.1 وعليه جلبريك
    والايفون 4 الاصدار 5.1.1 بدون جلبريك
    ساعدوووني

    • أهلين .. طالما عندك جيلبريك خلاص فيه طريقة أسهل لك من هذي ..
      https://www.tichno.com/apple/ipad/installing-whatsapp-on-ipad-and-ipod

  17. السلام اتمنى تساعدوني انا ابي احمل واتس اب للايباد ومااعرف يليت احد يعلمني

  18. يسلمووووووووو حبيبي افدتني كثير وضبطت الطريقة ١٠٠ في ١٠٠ ،، ماتوقعت اني الاقي كذل طريقة سهله وشرح رائع .. عاد كنت بسوي جليبريك عشان اوقعه بس الحمدلله

  19. السلام عليكم
    لو سمحت عندي ايتونز علي الويندوز وماعرفت اعمل بكب للوتساب فقط
    انت مستخدم ايتونز ماك ويختلف ألواجه
    اذ ممكن شرح علي ايتونز ويندز
    وشكرا

    • وعليكم السلام ورحمة الله.
      البرنامج المستخدم ليس الآيتونز .. اسمه آي تولز ( iTools ) برنامج ثاني مختلف عن الايتونز .. ممكن تحمله من هنا:
      https://www.tichno.com/apple/iphone/itools-download-links-and-review

  20. ابي اعرف كيف انزل الواتس اب ع ايفون فور اس /iOs6
    بدون جل بريك وبدون شرا
    وساكون شاكراً لكم

    • أهلين .. طبق الشرح الموجود / أو نزل البرنامج إذا صار مجاني / أو استخدم حساب احد من زملائك يكون محمله من قبل

    • أهلين .. تابعي الشرح في هالموضوع واضيفي البرامج اللي تسمح لك بالتحميل على الايباد بشكل مجاني:
      https://www.tichno.com/apple/iphone/vshare-and-appcake-installous-alternative

  21. انا عندي ايباد يقولك بالوتساب عذرآ جهازك الحالي غير مدعوم ابي حل بس ماعندي نت سريع يصير من الابستور

  22. بليز الواتس اب مش بيظهرلي لما احمله علي الايباد ديريكت نزلته علي الكمبيوتر بس مش ععارفه احمله من الكمبيوتر الي الايباد دايما يقول فيه غلط

    • مرحباً .. وش الخطأ اللي يطلع لك بالضبط؟
      جرب تستخدم هذه الطريقة إذا عندك جيلبريك:
      https://www.tichno.com/apple/ipad/installing-whatsapp-on-ipad-and-ipod

    • أهلين .. جرب تعيدين التجربة مره ثانية ان شاء الله يضبط معك.
      أو سوي جيلبريك وطبقي هذا الشرح أسهل:
      https://www.tichno.com/apple/ipad/installing-whatsapp-on-ipad-and-ipod

  23. يعني لازم احمل برنامج الجلبريك من الاب توب ابل ولا اي الاب وشيء ثاني تعب اني افتح الاب طيب هل الجلبريك يتحمل في الايباد؟!! ارجوا الججواب

    • أهلين .. البرنامج اللي تحمله على اللاب توب هوعبارة عن أداة عشان تثبت السيديا ( الجيلبريك ) على ايبادك.. بدونها ماتقدر تركب جيلبريك على ايبادك مباشرة، لازم كمبيوتر.

      الملف يتحمل على اي كمبيوتر سواء كان يعمل بنظام ابل او بالويندوز

  24. مشكور جداً عزيزي على الشرح ولكن عندي مشكلة و هي أنه لما أجي اسوي حفظ ( بكب) لبرنامج الواتس من الأيفون عن طريق itools حاولت اسويه عن طريق الخيار الثاني زي الصورة الي في الشرح ( Backup program and document ) يطلع لي خطاء فوق ( Error ) على ما فهمت أنه مافية مساحه خالية فسويت الخيار الي فوقه الي هو ( Backup program ) و كملت الطريقة الي بالشرح وفي النهاية طلع لي ( عذرآ جهازك الحالي غير مدعوم )
    بالله ايش الحل بليززز المساعدة وشكراً ،،،

    • أهلين .. الواتس اب عندك جديد؟ لسى محمله ومفعل عليه الرقم والا فيه محادثات قديمة وقروبات وكذا؟ ممكن هذا هو السبب في الخطأ.
      إذا ما تسوي باك اب كامل مع الملفات بتطلع لك رسالة عذراً جهازك غير مدعوم .. ممكن تحلها عن طريق الجيلبريك لو حاب
      https://www.tichno.com/apple/ipad/installing-whatsapp-on-ipad-and-ipod

  25. لو سمحتو انا سويت الحركة 5 مرات وضابطه كلها
    بس في مشلكه في كل التجارب
    الميني ايباد بعد تحميل المسنجر وتشغيلوا عالكممبيوتر يرفض يكمل نقل المعلومات
    صرت م ا اقدر انزل برامجي من ايتونز للميني مباشرة
    لازمليلي حل ؟
    افيدونا

    • أهلين .. ممكن بسبب أن الايتونز يكتشف الواتس اب عندك ويكون فيه خلل ما! الافضل تركب برامجك من الاي تولز أو تركبها من الايتونز ثم تركب الواتس اب .. لو تركبها يدوي والشكوى على الله tch29

    • صح والله تنزيل الواتس اب صعب بس أوديه لمحل التلفونات أحسن وأسهل طريقه صح 😀 tch35 tch29

  26. تسلم على الرد
    بس الواتس مو جديد فيه قروبات بس مو راضي يعمل باك اب مع الملفات ايش الحل عزيزي .
    ابعدني عن موضوع الجلبريك الله يرضى عليك .

    • أهلين .. المشكلة عندك في محتوى البرنامج، جرب تمسح جميع المحادثات اللي فيه من الإعدادات وبعدين جرب ثانية يمكن يضبط معك ان شاء الله

  27. انا عندي ايباد 3 الواتس اب لحد امس كان شغال و مافيه اي مشاكل , يوم قفلت الايباد و شغلته دخلت علي الواتس كتب لي خطاء جهازك الحالي غير مدعوم رغم اني مركبه الجلبريك و حملت اداة واتس باد ايش الححل tch9 tch10

    • أهلين .. جرب تحذف الواتس اب وتركب إصدار جديد إذا الاصدار اللي عندك مو الاخير .. أو جرب تروح للسيديا وتعيد تحميل الأداة WhatsPad

  28. انزين انا سويت مثلك لكن لما حملته طلعلي مكتوب عذرا جهازك الحالي غير مدعوم شنو اسوي

  29. ثبت الواتساب بنفس الطريقة الي وصفتها لكن تظهر رسالة (جهازك الحالي غير مدعوم) بعدها حذفته من الايباد ورجعته للأيفون وضبط بعدها رجعته للايباد والرسالة طلعت مرة ثانية !!

    • أهلين .. وش صار معك بالضبط؟ ياليت توضحين وش المشكلة اللي صايره عندك عشان نشوف لك حل tch34

  30. جزاك الله الف خير انا عندي ايباد وصلحت الطريقه ماشاء الله جزيت الفردوس tch17 tch31

  31. انا عندي ايبود بس موراضي يتحمل
    الواتس اب ايش الحل
    ان شالله تساعدوني

    • طبق الشرح الموجود في الموضوع، أو هذا الشرح لو عندك جيلبريك:
      https://www.tichno.com/apple/ipad/installing-whatsapp-on-ipad-and-ipod

  32. انا كل شيء سويته بس الواتس اب مو راضي يتحمل على سطح المكتب ؟ جربت برنامج ثاني غيره ظبط هل عشاني محملته بحساب مختلف طيب وش اسوي ابي احمل الواتس اب على حسابي عشات تتم العمليه بس ماعندي بطاقة اي تونز 🙁 انا حزينه

    • أهلين .. إذا الواتس اب ماسبق لك وحملتيه لما كان مجاني أو اشتريتيه بفلوس ماراح تقدرين تحملينه، الا لو عندك جيلبريك .. للاسف مافيه غير هالحلول : /

  33. الله يجزاكم خير عندي ايفون 4 اصدار 6.1.3 وعندما اسوي باك اب للوتس اب مع الديكومنتس حقة يطلع لي بالاخير فشل الحفظ كيف اسوي عشان اركبة للايباد
    تكفى ردو عليا ياشباب

    • أهلين .. افتح الواتس اب وبعدين روح للإعدادات واختر الخيار ( مسح جميع المحادثات ) الموجودة عندك في البرنامج .

  34. السلام عليكم

    هل استطيع تركيب الواتساب في ايباد واي فاي فقط ؟
    او لازم يكون الايباد 3G

    شكرا ويعطيك العافيه

    • وعليكم السلام ورحمة الله وبركاته،
      ممكن يركب على الواي فاي والثري جي ( الاثنين كلهم ) مايفرق هل تكون موجودة شريحة داخل الايباد او لا. أهم شيء الشريح تكون تشتغل على أي جهاز جوال عشان إذا ارسلوا لك كود التفعيل حق الواتس اب تقدر تدخل في الايباد ويتفعل معك الرقم tch34

  35. السلام عليكم ورحمة الله

    شكرا شكرا اخوي
    سويتها وضبطت 🙂

    بس عندي سؤال اخر اذا تكرمت … هل بيظل الواتساب يشتغل عندي على الايباد لو تم تحديث النظام للايباد ؟
    او لو تم تحديث الواتساب؟
    لاني مابقدر احدث الواتساب وهو موجود على الايباد … صح؟

    شاكره لك اخوي ويعطيك العافيه…

    • وعليكم السلام ورحمة الله وبركاته،
      أهلين .. العفو حياك ربي tch34
      بالنسبة للتحديث ما راح تقدرين تحدثين الواتس اب من الايباد نفسه، لكن طالما هو شغال لاتحاولين تحدثينه الا لما يوقف عليك أضمن tch3
      بالنسبة لتحديث نظام الايباد فـ ماعندي معلومة الصراحه ماجربت tch27

اترك تعليق

اكتب تعليقك
اكتب اسمك هنا