مع توجه الشركات للشحن اللاسلكي ( الواير لس ) تحولت خلفية أغلب الاجهزة الحديثة إلى خلفية زجاج وبالنسبة للايفون هذا التحول بدأ من الايفون ٨ ومابعده ( ايفون اكس، اكس ار، اكس اس ماكس … الخ ). طبعاً الفكرة الأساسية من الزجاج هي إتاحة الشحن اللاسكلي لكن المشكلة اللي تصير هي أن الخلفية الزجاج كسرها سهل. 

انكسرت الزجاجة الخلفية لجوالك وش الحل؟ وش تسوي؟

من وجهة نظري اشوف أن الجهاز يترك بنفس حالته ومايتم إصلاحه، ليه ؟

  • الخلفية ما لها أي تأثير على النظر ولا الاستخدام لأنها ببساطة مجرد زجاجة!
  • الجهاز غير مخصص لفك أو تغيير الخلفية بسهولة، على عكس الشاشة الأمامية اللي ممكن تنفك بسهولة. ولو دخلت على موقع ابل بتحصل أن الشاشة الأمامية لها إصلاح لو كانت مكسورة اما الخلفية لو انكسرت مالها تغيير عندهم ولابد من استبدال الجهاز بالكامل من عندهم!.
  • تغيير الزجاج الخلفي ( احياناً ) يسبب مشاكل. لأن ببساطة الزجاج الخلفية متصل بالإيطار بنوع من الصمغ وفكه يتطلب تحمية الجهاز من خلف بالحرارة ونزع الزجاج بشكل بدائي، وما انصح بهالشيء لان اسفل الزجاج موجودة جميع قطع الجهاز ( الشحن اللاسكلي، البطارية، المذربورد، منفذ الشحن … ).
  • ببساطة، ركب أي كفر ملون وبيختفي الكسر 🙂 بس أهم شيء إذا جهازك مكسور لاتقرب من المويه!

(وإذا ماتبي تركب كفر فيه استيكرات زجاج متينه وملونه للخلفية ممكن تركبها بحيث تخفي الكسر)


ما اقتنعت بكلامي وتبي تغيير الزجاج الخلفي؟

فيه طريقتين تقريباً للتغيير، الأولى تغيير الزجاج الخلفي لوحدة.

وفي حال كانت هذه الطريقة اللي راح تستخدمها أنت ( أو المحل اللي بتودي له الجهاز يصلحه )، لازم تنتبه لجميع القطع لأنك عشان تفصل الزجاج القديم عن الجهاز لازم تستخدم جهاز حرارة ( زي الاستشوار ) بحيث يسهل فصل الزجاج عن الصمغ اللي تم تثبيتها فيه من المصنع. طبعاً سعر القطعة الزجاج لحالها بدون تركيب منخفض لكن التركيب صعب ويحتاج دقة.

 

الطريقة الثانية هي عن طريق شراء إيطار كامل ( فريم ).

 

هذا الخيار هو الأسهل في نظري لأنك راح تشتري الإيطار الخاص بالايفون كامل ويكون مع الخلفية الزجاج راكبه مكانها وجاهزة، سعر القطعة اعلى شوي من أنك تشتري الزجاج لحاله لكن التركيب بيكون أسهل والمشاكل إن شاء الله اقل لانك ما يحتاج تستخدم حرارة وتكسر الزجاج الخلفي، لكن طبعاً يحتاج شخص متمرس في الصيانة لأنك راح تحتاج تفكك جهازك من الإيطار السابق وترجع تركبه داخل الإيطار الجديد قطعة قطعة، وبعدها تركب الشاشة وبيكون جهازك جديد…. تقريباً : )

 

7 تعليقات

  1. سلام عليكم ورحمة الله وبركاته انا عندي ايفون اكس ماكس هل تنصحني اني اغير زجاج الخلفي بل ليزر او طريقه ثانيه

  2. السلام عليكم اخي الكريم لقد استبدلك الزجاج الخلفي للايفون اكس اس ماكس وتمت العملية بنجاح ولاكن حصلت مشكلة بعد ما انتهيت الجهاز يعيد تشغل نفسه كل دقيقة ما هي المشكلة برايك وشكراً

    • اعتقد وقت الفك والتركيب قد يكون حدث ضرر بالشاحن الواي الس

      لو انا مكانك اجرب اشغل الجهاز وجميع الكيابل مفصولة ( كيبل الشحن – كيبل الكاميرا الامامية والسماعة ….) اذا ضبط بيكون احدها متضرر وتجربهم واحد واحد لين تعرف المشكلة في ايهم

  3. سلام عليكم انا غيرت الشاشه الخلفيه ل ايفون اكس وعندي مشكله بالشبكه ماتسحب حتى لو كان الشبكه قريب

  4. سلام عليكم انا غيرت الشاشه الخلفيه ل ايفون اكس
    وصار عندي مشكله بالشبكه
    ماتسحب الشبكه حتى لو الواي فاي قريب

اترك تعليق

اكتب تعليقك
اكتب اسمك هنا