الرئيسية آبل شرح مبسط لطريقة التسجيل في برنامج Nimbuzz

شرح مبسط لطريقة التسجيل في برنامج Nimbuzz

بواسطة
Nouf AlQahtani
-

 السلام عليكم ورحمة الله وبركاته

 شرح مبسط لطريقة التسجيل في برنامج Nimbuzz بالصور

كتبت مسبقاً موضوع عن أفضل برامج المحادثة على الآي فون

وذكرت من ضمنها برنامج

Nimbuzz

وردني سؤال من أحد الأخوة يسأل عن طريقة التسجيل في البرنامج وأنا الحين بشرح لكم بالصور

 

أول شي

راح يطلع عندك مثل هالصورة

اختار الخيار الأول اللي هو مستخدم جديد


بعدين هنا تختار لك أي يوزر وبتجلس تجرب لين يطلع لك واحد مو مستعمل من قبل

وتحط لك اي باسوود تبيه وايميلك مو شرط الايميل اللي يكلمونك عليه الناس بس ايميل تسجل فيه للبرنامج

وتدخل الكود اللي يطلع لك بالصورة اللي تحت

هنا تحط لك النك نيم اللي بيطلع للناس وتختار الدولة وتحط رقم جوالك

ورقم الجوال شي اختياري اذا تبي تحطه أو لا

بعدين راح تطلع عندك هالصفحة

اللي فوق هو بروفايلك

واللي تحت عشان تسوي اختبار او تست للبرنامج

زي التست اللي موجود في سكايب

اذا ضغطت فوق على اشارة + من هنا تقدر تضيف أي اكاونت تبيه أو اي جهة اتصال تبيها

نختار المسنجر ونبدى نسجل فيه

بعدين بيرجعك عالصفحة الرئيسية وتضيف اكاونت ثاني

مثلا الفيس بوك

وبعدين بيطلع لك صفحة السماح تبع الفيس بوك وتحط

allow

 

من الصفحة الرئيسية اذا دخلنا عالبروفايل نقدر نعدل فيه

نغير الحالة والرسالة الشخصية

او اذا ضغطنا عالمربع اللي فوق نغير الصورة

او نقدر نغير المعلومات الشخصية


الصراحة ماتعمقت في البرنامج كثير في الاي فون يادوب شفت طريقة التسجيل وتسجيل البرنامج

انا مثل ماذكرت في موضوعي الاول كنت اجربه عالنوكيا وكان برنامج مره رائع


أتمنى إن الطريقة واضحه واسمحو لي إذا فيه اي تقصير 

مواضيع ذات صلة

51 تعليقات

  1. ما شاء الله، منزل مبارك tch1 <<-- فاهم غلط tch3 يعطيك العافية على هالشرح الجميل .. الصراحه يقنع الواحد يحمل البرنامج ويجربه .. خصوصاً الرجل الآلي اللي يجي معك البرنامج .. ياحليله حبيته احس ودي اربيه عندنا tch35 <<-- برضو لازال فاهم غلط tch38 شكراً لجهودك tch26 tch34 .. وسلمي لي على الآلي بالله 😀

    • هههههههههه الله يبارك فيك ايه البيت بيتي حياك حياك tch3

      الله يعافيك ويسلمك يا”مدير” tch17 ايه ايه الرجال هذا اجودي بيصير صديقك على طول

      العفو عزوز ويبلغ ان شالله tch3

  2. مشكوووره ع الشرح البسيط والجميل ..

    وبرنامج رائع .. كنت محمّله على أيام النوكيا .. ومَ قصر طال عمررره معااي ..tch17

    بس الحين أعتقد أن البالرينقو أفضل وأسرع في التصفح وأسهل ..

    سلمت يداااك .. ودمتي بود .. أخ ـوووك .

  4. وش هالشرح وش هالزين يانوف بعلق خمس نجوم بـ سقف تكنو tch3
    البرنامج جميل جداً من ناحية فتح حسابات الهوتميل والياهو ومشاركه الفيس بوك والتويتر عن طريقه و……. الخ من المميزات tch1
    بس مشكلة هالبرنامج هو حساب النيمبيز نفسه .. أسهل برنامج يتم عن طريقة الاختراق بسبب الغرف الموجوده فيه tch3
    هو يشبة البلارينقو باضافة الغرف لكن الفرق ان البلارينقو أكثر أمان للحسابات الأخرى من النيمبيز
    لاني قد مره حملت النيمبيز على جوالي ماصار لي يومين أدخله الا ونطت بوجهي بنت تقولي رقم جوالك كذا وحساباتك للايميل كذا وكذا وجهات اتصالك علان وفلان مابقى الا تجيب أمي وتجدعها علي من ورى الشاشه tch3
    أثاريها مخترقه حسابي وجايه تنبهني وتقولي هالمره ماسويت لك شي لأني بنت وحليله لكن لو اني ولد كان علووم tch3
    قلت لها أهم شي مادخلتي على الصور بالجوال ؟ tch3 قالت لا توي هكر صغير واللي سويته مهوب شي أقدر اعلمك عليها لكن مابعد وصلت لصور الجوال بس كل شي جايز .. قلت زين اللي ماتعبتي نفسك لانه مابه الا صور قراطيس tch3
    —— تسجيل خروج + حذفت البرنامج والى يومك وأنا لاشفت هالبرتقالي تصافقت سنوني tch3
    قلت هالشي من باب التحذير انه أسهل برنامج يتم عن طريقه اختراق الحسابات ..
    لكن أعتقد لو الشخص مايدخل هالغرف اللي عن طريق حساب النيمبيز .. واكتفي فقط باستخدام الحسابات الأخرى مثل الماسنجر كان أفضل له للحفاظ على حسابه وبياناته .. tch15
    يمال العافيه يانوف tch26

    • الله يعافيك tch1
      مدري بالنسبى للاختراق وهالخرابيط اول مره اسمع فيها والبالرينقو ماخش مزاجي

      اصلا يوزر الـ nimbuzz احلى مافيه يجمع لك كل حساباتك بدون حوسه ماقد جربت اليوزر نفسه مع يوزرات ثانية من البرنامج

      وشكراً عالمعلومة هذي وان شالله الكل يقرا التنبيه tch26 tch34

      • انا بشتري ايباد حبيت اتعرف على كل شي فيه وشكراا على المموضوع بس عندي سواااال tch3…….
        السؤال هو/كيف احمل البرامج ذي على الجهاز tch9……
        تكفييييييييين قولي لي ….

        • لازم يكون عندك حساب وبعدها تقدرين تحملين، شوفي هالبرنامج:
          https://www.tichno.com/iphone/how-to-creat-free-app-store-account

  6. اُلُـُ♡̨̐ـُلُـُ♡̨̐ـُهُ يعطيع ألف عافيه بــََـسَْ حبيت أسأل فِـےِ اضافة حساب الماسنجر فِـےِ برنامج يعطيني علامة ! ولاإعرف گيْـِ�ـفً انشئ حساب هل هو علشان رقم السري الايمل لازم يتكون ‏​​مٍْْـٍْْ♡̷̴̬̩̃̊ـٍْْنٍْْ 11 رقم أو الايميل نفسه حاب انك تجاوبني ومشكور tch17

    • خدمة المسنجر الحين خلاص الغوها
      بس جهات الاتصال اللي في الفيس بوك والسكايب وغيره يجون في الاكاونت تلقائي

  9. السسلام علييكمُ tch9 tch9 tch9 tch9
    كيف ابدأ tch9
    الزبده>>امي حلفت عليّ م اشتري هالبلاك لو تطلع بروسي قرون tch10
    >>طيب وش السالفه ؟! tch3
    المهم سمعت ان فيه برنامج اسمه نبمز فيه برامج >>مسن و… وفيه برنامج لوونه بنفسجي زي شكل الورده يخليك تتواصل من الايفون للبي بي بدون البي بي ما يحمل البرنامج
    هل الكلام صحيح ؟؟
    والله الي يرد لي لادعي له
    tch9 tch9

    • هههههههههههه فيه برامج كثير بين الاي فون والبلاك بيري والاندرويد بس لازم الجهازين يحملونها
      مثل الواتساب وغيره

  14. حياتي أنا من الايباد ٢ المشكله لاجيت اسجل يقول لازم كلمه المرور يتراوح طولها. من ٦ الى ٣٦ وتحتوي على علامات وخرابيط من هال كلام الززبده ما فهمت ايش اكتب من كلمه مرور كككذا tch10 tch14 tch23 tch23

    • مو فاهم شيء من أي ناحيه؟
      الموضوع شرح لبرنامج إضافي للجهاز إذا ماتعرف له وماتحتاجه عادي ماتركبه ترى tch3

  23. ماعرفت اضيف الاشخاص بس حملته وعدلت البروفايل واضفت اشخاص من البحث وبعدين شنو كيف اعرف اذا قبلو او لا

  25. برنامج جميل وشكرا على ألمععلوماات بسس ممكن تعيدين الشرح بس على جوال البلاك ﻻنو انا ما يجيني مثل الشرح الي شرحتيه وشكرن تقيمك 10

  28. مرحبا
    سجلت بالبرنامج ومشي الحال تقريباً سنه وفجأه لاجيت ادخل ع البرنامج يغطيني عباره اضغط مره اخري للاتصال
    حاولت مراراً وتكرا ا دون فايده ….ارجو الافاده ولكي منك الشكر والتقدير

    • أهلين
      الصراحه مدري عن الموضوع هذا بس بحثت لك بموقعهم
      Please remove Nimbuzz application from the device and re-install the latest version for your device.

      You can download the updated version of Nimbuzz from the attached link:
      http://itunes.apple.com/app/nimbuzz-messenger/id297574648?mt=8

      يقول احذفي البرنامج وارجعي حمليه من جديد وهذا الرابط اذا جهازك كان أي فون

  32. يرجي الرد بسرعه أنا لما أدخل رقم هاتفي بقول لي رقم هاتف غير صالح ما عارف أعمل شنو tch10

Leave a Reply to Nouf AlQahtani الغاء التعليق

اكتب تعليقك
اكتب اسمك هنا

© تكنو 2024
Exit mobile version