خلونا نكون صريحين مع بعض شوي

الصفه الوحيدة المشتركة فينا حنا يالسعوديين هي الرفاله وفي رواية ( الطفاقة )

  وبما أننا جبنا طاري الرفالة خلونا نكون صريحين أكثر ونسأل أنفسنا .. كم مره يطيح الجوال منا ؟

أنا عن نفسي .. ما يطيح الجوال مني أبد , اصلاً انا كاتب الموضوع عشانكم بس   :mrgreen: 

 

   الحاصل هو أني سبق طاح مني الجوال ( آي فون 3 جي اس ) وأنكسرت الشاشة الداخلية ورحت لسوق الاتصالات الموجود في تقاطع طريق العروبة مع طريق التخصصي ( بجوار اليورمارشيه ) وبديت أدور محل يغير لي الشاشة الين ماطحت في محل زحممممه ..

 broken iPhone - آي فون مكسورة شاشته

عطيته الجهاز اللي معي وقال لي بدون مقدامات وملامح وجهه تحسسك أنه مهوب فاضي لك وأنه متصدق عليك انه بيصلح جهازك : تصليح الشاشة بـ 450 ريال .. انا هنا سويت حسبه سريعة مع نفسي ( أتمنى ما أحد يسويها ) وقلت : طالما سعر الجهاز الفين وشوي أكيد بيكون تصليحه غالي خصوصاً أن آبل غالين شويتين

 

توكلت على الله وقلت له يصلحه وجيته من بكره وبرضو مثل أمس صاحب المحل كانت نفسه في خشمه ورمى علي الجهاز رمي .. ابتسمت وقلت له ببرائه وانا اطلع محفظتي : ما تراعينا شوي ؟  .. رد علي بنفس الملامح المعدومة من الأنسانية وقال بمامعنا كلامه : احمد ربك لقيت احد يصلحه لك اصلاً !!! .. عاد هنا أنا أنقهرت وعلى بالي عصبت عليه وقلت له : لو سمحت عطني الشاشة القديمة <<– يعنني بخسره الحين

broken iphone screen - آي فون مكسورة شاشته

 

الحاصل هو اني لقيت واحد من زملائي كان عنده نفس المشكلة اللي عندي .. فسألته بكم صلحتها ؟ .. ووين عند أي محل ؟؟ .. عند هذاك اللي نفسه في خشمة ؟! <<– على نياتي أنا توقعته بيوصف لي نفس المحل اللي صلحته عنده .. كنت مصدق انه ما يصلحه الا هو على ذيك الثقة

قالي شريت الشاشة بـ 65 ريال .. ولا بعد غيرت القزازة الخارجية ( شاشة اللمس ) بـ 40 ريال وبالمره بعد غيرت الغطى الخلفي وحطيته أبيض اممم  بحوالي 70 ريال.. وتقريباً كلهم مع التركيب كلفوني حوالي 300 ريال ..  تباً !! <<– شات الكيبورد من القهر

 

انا مصلح شاشة لحالها بـ 450 ريال !! 

بالنسبة لي , أشوف أن فيه تلاعب كثير في السوق بحكم أن شركة آبل مزلبه وما فتحت عندنا وكالة رسمية , وبما أن كل الموجودين حالياً محلات اجتهادية وغالبيتها تطلب الأجهزه من برى وتدبل اسعارها علينا .. صرنا فريسة سهلة وضحية لكل طماع .. وبصراحة ما ننلام لأن إلى الأن ثقافة صيانه أجهزة آبل ومشتقاتها تعتبر جديدة علينا

– المكان اللي صلح فيه زميلي هو في : الرياض – شارع المرسلات – بالقرب من مقر شركة الإتصالات السعودية , هذا الوصف بالنسبة للرجال أما بالنسبة للحريم فـ هو بقرب حياة مول .. تكون متجه شرق لحد ما يتسكر الطريق ويكون قدامك شركة الأتصالات السعودية وتكون مجبر أنك تديور ( تسوي يو تيرن ) بتحصل كذا محل للبيع بالجمله على يمينك , أسعارها منافسة جداً وعلى ما أعتقد عندهم بعد قطع للآي بود توتش , سعر عند كذا محل الشيء اللي تبي تشتريه .. وبعد كذا سو أهم شيء الأ وهو المكاسرة .. وعلى حد علمي وأعتقادي حط في بالك أن جميع القطع الموجودة في السوق غير أصلية!

آي فون 3 جي اس - iPhone 3Gs

– بعض الأحيان ينكب شوي مويه على جهازك الآي فون وتطفى الشاشة حقته ..  لكن لما تقرب من الشاشة وتدقق تكتشف أنك تشوف الجهاز شغال تمام وتشوف الخلفية حقتك وكل شيء حلو لكن مافيه إناره في الشاشة ( النجفة خربانه  ) .. مبدئياً تعتبر هذي المشكلة بسيطة وإن شاء الله تكون بس تحتاج أنك تغيير الشاشة الداخلية .

*  *  *  *

نصيحة أخوية : إذا بيتكم بعيد عن هالمكان أنصحك لا تروح له , لأنه ممكن تروح هناك وأنت في نيتك توفر خمسين ريال وما تدري الا صايدك ساهر ومدفعك 500 ريال  😀 

167 تعليقات

  1. ياناس جهازي ايفون فور صار طحين لما اشغله في الابتوب يتعرف عليه عاجى ويشحن اسمع صوت (:
    بس ماتولع غير لمبة بيضا النكبه انه من الخلف والامام انكسر كم تتوقعو بيصلحونه لى وكم ياخذ وقت في الرياض وشكرن

  2. السلام عليكم
    انا الايفون طاح مني بس ماانكسرت الشاشة ولا شي
    الي صار انه طلعت لي ع جنب خطوط ملونة و خطوط لونهم اسود ومااقدر اشوف الي تحتهم
    الشاشة سليمة بس هذا الي صار
    الي يعرف شي بليز يساعدني tch10 tch10 tch10

    • وعليكم السلام ورحمة الله وبركاته،
      تحتاج الشاشة للتغيير .. شوف هالموضوع:
      https://www.tichno.com/apple/iphone/special-promotion-on-ipad-iphone-ipod-maintenance

      • شكراً بس انا شاشتي مافيها كسر ولا حتى خدش مجرد
        خطوط ملونة من الداخل هل احتاج تغير الشاشة مثل الي انكسرت شاشته ؟

        • أهلين .. اذا فيها خطوط فـ الشاشة الداخلية عندك فيها مشكلة، تحتاج تغييرها. إذا جهازك ايفون 4 أو ايفون 4 اس لازم تغيير الشاشة الداخلية والخارجية مع بعض لأنهم متصلين ماتجي الداخليه لحالها!
          هالموضوع بيفيدك:
          https://www.tichno.com/apple/iphone/special-promotion-on-ipad-iphone-ipod-maintenance

  3. سلاام .. tch28
    جهازي القديم ايبود توتش رحمه الله .. اختربت الشاشه الداخليه وصار اسود باسود
    مااابيه .. ابغي الصور اللي فيه مادري شلون اخذهم .. المشكله بيني وبينك وبين السامعين ان الصور مايصير احد يشوفها وماعندي محل ثقه 🙁 .. اخاف اوديه اي محل .. حااولت بس هو عليه باسوورد ولازم افتح البااس عشان اشوف الصور tch10 tch10 tch10

    هل هناك حل ؟ tch6

    • وعليكم السلام ورحمة الله وبركاته،
      مرحباً .. جهازك ايبود أي إصدار؟ ايبود 4 ( اللي فيه كاميرا )؟ أو ايبود 3 القديم ( اللي بدون كاميرا )؟
      إذا شاشته متعطله وعليه باسورد ماله حل إلا تتغير شاشته عشان تقدرين تسحبين البيانات اللي فيه .. ممكن تزورينا في محلنا تكنو ستور وإن شاء الله نساعدك باللي نقدر عليه tch34 tch26
      أعرفي عننا أكثر من هنا:
      https://www.tichno.com/apple/iphone/special-promotion-on-ipad-iphone-ipod-maintenance

      أو هنا:
      https://www.tichno.com/store

  4. السلام عليكم
    ابغاء محل يصلح شاشة تابلت صيني بس مايكون غاليه
    في مكه وكم سعر شاشة اللمس وحجمه7انش
    اتمنى تفيدوني tch2

    • وعليكم السلام ورحمة الله،
      للاسف الأجهزة الصينية مالها قطع غيار. أرجع للوكيل الخاص بالجهاز يمكن عنده قطع له.

        • مرحباً،
          يعتمد .. ما اقدر احكم لازم الجهاز يشوفه فني، يمكن يكون كيبل الشاشة مثلاً مفصول ويمكن يتصلح .. لكن لو كان مثلاً الكيبل حق الشاشة مقطوع قطع فـ هنا مايتصلح ولازم تستبدل الشاشة كاملة

    • مرحباً،
      إذا يقولون لك موجودة شاشته تأكد منهم وين تنباع واشترها. بالنسبة لي اللي أعرفه أنه لا يوجد قطع غيار للأجهزة الصينية

  5. السلام عليكم
    طاح جهازي ونوعه htc احس مافي مثله بمكه مرره مااحد يعررف لتصليحه ويوم شفت تركيبه باليوتيوب احس التركيب صعب شوي ولما طاح الشاشه موراضيه تشتغل بس اضغط ويطلع صوت الارقام والنور اللي تحت شغال رحت لكذا محل قالوا مانصلحه مالت عليهم واخر محل رحت له قال لي وديه عند نفس الشركه او الحداد للاتصالات المشكله انو الشاشه مكسوره من قبل والحمدلله كان يشتغل وعاد وثاني مره طاح مااشتغلت الشاشه ابد وش السوات وانا من اهل مكه وبعد ماابيه يفرمت الجهاز ابد لان فيه اشياء مهمه بالواتس وتسذا ارجو الرد وجزاكم الله جنة الفردوس 🙁 tch23

    • وعليكم السلام ورحمة الله وبركاته،
      مرحباً .. بما ان شاشة جهازك الداخلية لاتعمل فهذا في الغالب يدل على ان الشاشة الداخلية متضررة، للاسف على حد علمي لايوجد للجهاز قطع غيار ولا اعرف شخص معين يوفر صيانه للجهاز 🙁

  6. يعني مره مافي امل فيه حرام والله وش ذنبه ماتوفروا له قطع غيار دام مافي له ليه يعرضونه للبيع
    طيب وش الحل يااخوي عسى ربي يفرج همك وهم من يرد علي
    انا ابيه يصلح ولا بجلس ابكي لمااقول امين tch10 tch10 tch10

    • مرحباً،
      للاسف توفر القطع مو راجع لنا، يرجع للوكيل ولمحلات قطع الغيار .. انا عن نفسي ما اعرف حد معين يصلحه لكن حاولي تتواصلين مع الوكيل لعلى وعسى يكون عندهم حل ان شاء الله

    • ما اعرفه للاسف، لما اشتريتي الجهاز هل كان عليه ضمان؟ ولو كان عليه ضمان قالوا لك مين اللي يضمنه؟

    • السلام عليكم
      أنا جوالي آيفون 6 طاح وأنفكت شاشته وما صار يشتغل ايش الحل؟

      • وعليكم السلام ورحمة الله وبركاته
        غالباً يحتاج شاشة لكن بعد مايتم فحصه للتأكد

  7. انا نحرقت الشاشه متعي ومشيت صلحتها وكان في تليفوني صور بعد لتصليح معاش لقيت ولا صور بليز الي يعرف يجوبني خيفه يكون أخد الصور

    • مرحباً،
      ادخلي على الاعدادات > عام > الاستعمال
      انتظري شوي لين يظهر لك استخدام الذاكرة وشوفي هل الصور ماخذه حيز من الجهاز والا لا؟

    • مرحباً،
      شاشة الايفون ٤ اس سعرها ١٥٠ ريال .. تفضل:
      https://www.tichno.com/apple/iphone/special-promotion-on-ipad-iphone-ipod-maintenance

  8. جوالي ايفون5 فجئه علق وصارت شاشه سوداء والجهاز شغال إذ وديتو للمحل وصلحو يروح رمز القفل لانو في صور خاصه وعامله عليه رمز سري للجهاز بلييييييييييييييييييز ابي رد

    • اهلين ..
      لا تغيير الشاشة ماله دخل في الرقم السري، اذا الجهاز عليه رمز دخول مايقدر يفتحه ولا تنلغي بتغيير الشاشة ان شاء الله

  9. السلام عليكم انا جوالي ايفون 5اس طاح مني وتقفل اشحنه تظلعلي التفاحه وبعدها شاشه سوداء تماما وعلى هالحال ماذا افعل ابي جوااااالي tch10 tch10 tch10 tch10 tch10 tch10 tch10 tch10 tch10 tch10 tch10 tch10 tch10 tch10 tch10 tch10 tch10 tch10 tch10 tch10 tch10 tch10

    • وعليكم السلا ورحمة الله
      غالباً يحتاج تغيير بطارية او فيه مشكلة تابعه للبطارية، او ممكن يحتاج سوفت وير ( ريستور ) بس يروح كل شيء فيه.

  10. أنا عندي جوال أيفون ٥اس طاح وانكسرت الشاشه لكن عادها تشتغل رحت محل من محلات الجوال يقول التصليح ب ٨٠٠ ريال

  11. لو سمحت انا الايفون طاح و صار على الجنب فيه خطوط بالشاشه لكن اللمس يشتغل بنص الشاشه و نصها ما يشتغل ايش الحل

  12. السلام عليكم انا جوالي ايفون اس فور طاح ع السراميك وصار الشاشه الوان بدون كسر اسمع الرسايل بس ماشوفها وش الحل مابي اوديها محل عشان في صور خاصه هل في حل غير المحل وشاكره لك

    • وعليكم السلام ورحمة الله،
      للاسف لازم محل يبدل شاشة مافيه حل ثاني، هل الجهاز عليه رقم سري؟
      إذا عليه رقم سري إن شاء الله ماعليه خوف مايقدر احد يطلع على البيانات اللي فيه.

  13. اخوي انا عندي أيفون فايف اس طاح وصارت الشاشه نصها به خطوط ملونه ونصه ماله والجزء الي به خطوط ملونه مايلمس والي ماله يلمس ،ووديته للصلاح ورجعه لي وهو مايشتغل بس تجي الامه التفاحة وتتطفي ،هل في طريقه يتصلح به

    • مرحباً،
      ممكن بس لازم ينفحص ونشوف وش المشكلة بالضبط؟ ممكن يحتاج سوفت وير وممكن بطارية …

  14. السلام عليكم ورحمة الله وبركاته
    انا معي جوال ايفون 5 يا جماعة الخير حملت برنامج mp3 على ما اعتقد اول ما تثبت البرنامج على الجهاز ومن بعدها اللمس ما يشتغل. أتمنى تفيدوني وجزاكم الله خير

    • وعليكم السلام ورحمة الله وبركاته
      جرب تعلق على زر الهوم والباور مع بعض لمدة ١٠ ثواني لحد ما يطفى تماماً.

  15. انا جهازي ايفون ٦ احتتتررر مره من نفسه كذا حتى م كان مشبوك بالشاحن و الشاشه سوداء م يشتغل ابدا بس لما اشحنه و اضغط الشاشه تصير كحليه بس مب سوداء يعني فيه نقطة نور وديته كذا مصلح يقولون خلاص هذا م يصلح ف ارجوكم الله يعرف بالموضوع يكلمني على ايميلي و ارسل لك فديو اوضح فيه مشكلة الايفون

  16. عندي ايفون 6 الذهبي طاح والشاشه ما جاها شي بس عند الكميرى الاماميه في كسر بسيط والشاشة جزاء منها راح الوان

  17. انا جوالي ايفون ٦ بلس طاح ع الارض والشاشه م صار فيها شي مررا بس م بعد م طاح صارت تطلع لي خطوط بيضاء م فوق ويعلق مررررررا وديته للمحل قالي الشاشه مافيها شي بس باغيرها واشوف اذا صار تمام كان خير ??ايش الحل

    • مرحباً،
      المشكلة عندك هي ” اي سي اللمس ” وهذي مشكلة منتشرة في الايفون ٦ بلس. حتى لو غيرتي الشاشة ما راح يضبط.
      لازم تودينه لمحل يبدل الاي سي.

  18. جوالي ايفون 6sجا عليه شوييية مويه من جهة زرار الصامت عالجنب والشاشه سارت تغمّز زي اللمبه لما بتتحرق ايش اسويلو وهل تصليحو مُكلف لان بالقوهاشتريتو ماحقدر اجيب غيرو ???

  19. انا جوالي ايفون 5 طاح وصارت الشاشة سوداء اذا حطيتيه في الشاحن يشحن ( يطلع صوت الشحن ) توصلني اشعارات مع انه الشاشه سوداء كيف اصلحه

  20. مرحبا .. شاشة تلفوني ايفون ٦ بلاس انكسرت وغيرتها والحين الكاميرا الاماميه ماتشتغل !! من شنو هالخلل ؟! فيدوني بليز

    • مرحباً،
      اذا السماعة ايضاً ماتشتغل وقت الاتصال فيكون عندك خلل في كيبل الكاميرا الامامية ( السماعة مرتبطة فيه ) وقد يكون ماركب بشكل صحيح وقت التركيب مثلاً.
      اما اذا السماعة تشتغل تمام وقت الاتصال فيكون عندك خلل في الكاميرا ولازم تبدلها.

  21. السلام عليكم
    انا تلفوني 5c وطاح من مسافة متر تقريباً وصارت الشاشه سوداء واذا حطيته على الشحن يطلع صوت الشاحن بس باستمرار يعني طول ماهو على الشحن يطلع صوت الشحن وبعد شبكته على الابتوب ابي احمل الصور بالفلاش يقولون ان الايفون لا يحتوي على صور او فيديوهات شالحل☹️!!

  22. انا عندي الجهاز من فتره صار يلقط الواي فاي ضعيف يا يكون بنفس الغرفه يا يكون ضعيف وبعدها بمده صار تجي خطوط سماويه شفافه من اعلى الشاشه وديت صيانه معفنه وفتحت الجهاز وضغطت على الكيابل وسكرت الجهاز وبعدها طلعت خطوط بيضاء وقامت الشاشه تعلق والحين الجهاز خلص شحنه وبعدها اشبكه بشاحن بتطلع لي علامة الابل اشيل الشاحن بتكون الشاشه سودا وش الحل ابي ضروري

  23. ..السلام عليكم .
    لو سمحتو انا تلفوني ايفون 6
    لما شريته كان فيه عيوب مصنعيه
    الي هي ” لاش ما يشتغل . والصوت حق الفيديو ما يشتغل ” لما ابي اسوي فيديو ”
    و ازره صعب اني اضغط عليها .
    فتلفوني مره وانا نايمه صحيت وطاح مسافه قصيره و انفك الشاشه الي فوق ” صار في فتحه فوق و صارت الشاشه سودا و يشتغل التنبيه وكل شيء ”
    فانا ضغطت بور وهوم قلت بتطلع الشاشه بيضا الا يطفي التلفون كليا !
    حاولت اني اضغط مره ثانيه ما اشتغل كليا .رحت شحنته ايام ما اطلعت التفاحه .
    حملت الايتونز و بالحيل تعرف عليه الكمبيوتر لما اضغط بور وهوم لكن لما يطلع مجلد الايفون يطلع فاضي والايتونز سويت كل شيء فيه استعاده + تححديث .
    لكن مع ذلك ما اشتغل .
    فايش المشكله ؟
    ( ليه يطلع المجلد فاضي ؟ )
    ( والايفون ينفع اوديه بضمان يبدلونه لي وهل عليه تكاليف الضمان والا مجاني يبدلوه ؟ )
    ( و اذا غيرت الشاشه يتفرمت الجوال تلقائي ؟ )

    شريته من الرياض بشهر 6 2016


    انتظر ردك ضروري منغبن حالي ::(((((((

    • وعليكم السلام ورحمة الله،
      بالنسبة لجهازك ممكن تجيبينه لنا نفحصه في تكنو ستور ونتاكد لك وش المشكلة بالضبط.
      الضمان ما يقبل الجهاز اذا كان مفكوكة الشاشة، بيعتبر سوء استخدام ومايتصلح على الضمان.

  24. في جدة محل في حي السلامة 1 شارع نهضة الشرق صيانة نسائية وعندهم امانة في الشغل صلحت عندهم ميني باد وكنت افتكر الشاشة خربانة طلع زر الهوم بس يحتاج تنظيف واخذوا مني 50 ريال كانوا صادقين في النصيحة ماضحكوا علي زي اللي يحصل عند الفني الاجنبي
    اسم المحل SG للاتصالات

  25. الآن عندي جوال ايفون 6 اس انكسرت شاشته ويقولوا في شاشات اصلية معاد تصنيعها من الشاشات المكسرة
    ياريت تنصحوني هل هذا صحيح ؟
    وكم اسعارها

    • نعم الشاشة يجي منها نوع معاد تصنيعة، الفرق يكون في الشاشة الداخلية اصلية والالوان مثل الاصلية.
      لكن بالنسبة للزجاج الخارجي فهو اضعف من الشاشة الاصلية الموجودة سابقاً على الجهاز.

  26. اسلام عليكم ارجو ارد انا معي اليفون 6 وقع من ايدي ما صلو شي وقعا خفيفا بس صار في زقزقا بل شاشة عادي ارجو رد وشكرا كثيررر

    • وعليكم السلام ورحمة الله وبركاته
      غالبًا المشكلة في الشاشة وتحتاج تبديل.

اترك تعليق

اكتب تعليقك
اكتب اسمك هنا