غالباً ماتواجهنا تقارير بالأخطاء عند تحديث الايفون أو الايباد بالإيتونز 

لكن أن تواجهك مثل هالمشكله وتصير معلق لا تقدر تسوي ريستور ولا أبديت  ، وترفض سيرفرات ابل تحديث الجهاز بهذه الرساله بأنه هذا الجهاز غير مؤهل للحصول على بناء طلب التحديث ، وغالبا ماتظهر هالمشكله لأصحاب الجليبريك

 

حل مشكلة رفض تحديث الايباد

لدرجه انه لما تدخل على الايباد تبي تحدث من الاعدادات راح تلقى الزر ( مو مفعل ) ولا تقدر تضغط عليه  ، فهذا اللي صار لي يوم جيت بحدث اصدار جهازي من 5.0.1 الى  5.1.1  
 

/

 

حل المشكله بسيط جداً 

 

بس بالأول لازم تلتزم بمتطلبات التحديث تجنب للأخطاء :

١- تحديث الايتونز الى آخر اصدار .
٢- تحميل يدوي لـ فريم وير آخر تحديث 5.1.1 من هنا ( iSO  )

٣- التأكد من أن جدار الحماية يسمح بالاتصالات الواردة من الايتونز

 

حل مشاكل تحديث الايفون والايباد عن طريق الايتونز

/

لكن هالشي مايحل كامل المشكله فالحل : 

هو بتعديل ملف الهوست ( hosts ) الموجود بجهاز الكمبيوتر لان هالرساله ناتجه عن أخطآء في عناوين الـ iP المتصله بالشركه

.

.
 

طريقة الدخول على ملف الهوست ( للويندوز ) اتبع هالمسار :

C:\WINDOWS\system32\drivers\etc\hosts 
 

أما في ( الماك ) اتبع هالمسار  : 

كليك يمين على finder واختار انتقال الى مجلد واكتب بخانة البحث  etc\   

راح تلقى الملف فيه

 
.
.
 

١-خذ لك نسختين من ملف الهوست  .
 

واحد حطه بالمستندات ولا تجيه ابد ( كاحتياط لابلشت وبغيت ترجعه لوضعه الأول  ) 

والثاني خذه لسطح المكتب وافتح الملف سواء بمفكرة Notepad للويندوز أو برنامج xCode للماك .. واحذف آخر سطرين  ( احيانا يطلع عندك سطر واحد والبعض اكثر ) مايهم احذف جميع الاشياء اللي متعلقه بالايتونز واللي تكون رابطها gs.apple.com
 

 



٢- احفظ ملف الهوست ولا تغير صيغته 

٣- خذ هالملف واجدعه بمسار ملف الهوست الأصلي ووافق على الاستبدال 

اذا رفض الاستبدال ( احذف ملف الهوست الاصلي ) وحط اللي عدلنا عليه
 

وعقبها تقدر تسوي ريستور ولا راح تطلع لك هالرساله باذن الله 

 

/

على فكرة أثناء التحديث أنا مكعت السلك لقافه بشوف وش يصير :   

فلما جيت بسوي ريستور 

واجهتني بعض الأخطاء مثل ( ١١ – ٣٠١٤ – ٢١ )

 

والحل هو نفسه ارجع وعدل على ( ملف الهوست ) وعقبها سوي ريستور .

20 تعليقات

  1. سلام عليكم

    يعطيك العافيه على الموضوع

    بس انا عندي مشكله بالايفةن اذا جيه احدثه من تحديث البرامج يوصل الين قبل النهاايه ثما يفصل مايكمل ماا ادري وش المشكله

    اذا عندك طريقه تفيدنا فيها عشان نحدث

    اصداري5.0.1

  2. وعليكم السلام والرحمه
    اي فيه الطريقه العاديه الأولى ، بس بالاول لازم تحمل برنامج الايتونز على كمبيوترك، واشبك السلك بالأيفون
    وراح يتفعل جهازك ويتعرف عليه ، بعدها بتجيك رساله من الايتونز انه فيه تحديث أعلى
    أنت اضغط اوك ووافق ، وبيتم التحديث

  3. أهنيك على شرحك الوافي الكافي … فديت خشمك .. وساعد عيالنا فديتك اللي يسألون لات خليهم … ” شايب ” ههههههه

    لاهنت ياعاشق البنت tch31

    • عاشق البنت tch16
      تراي بنت الله يصلح حال سّرك 🙁 والعشق بين البنات حلالُ tch24
      أبشر بساعدهم على هالخشم ، شكراً شكراً tch3

  4. عارفة موب مكانه لكن م عرفت وين اسدح سؤالي ^^
    ي ليييييت تساعدوني عندي مشكلة في الآيباد3 في النستولز وهيا انه لما احمل البرامج تتحمل تمااااام لكن لما اسوي تثبيت يكتب invalied IPA وخاصة لما تكون البرامج او الالعاب سعتها كبيره مع العلم انو عندي
    الانستولز5 و
    +.app synce for ios 5
    وحملت الانستولز من سورس cydia.hackulo.us
    وكمان ال app sync من نفس السورس ..
    والاصدار 5.1.1

    ساعدوووني هاج قولوني بسسببه :(:( tch9 tch10 tch37 tch23

    • أهلين .. بالنسبة لمشكلتك فـ الغالب أن التطبيق مايكون تحمل بشكل كامل .. يعني مثلاً اللعبة اللي تحملينها حجمها 1 قيقا .. يمكن يكون في الداون لود تحمل 800 ميقا ووقف التحميل .. عشان كذا لما تحاولين تثبتينها مايضبط .. لذا جربي تشوفين حجم التطبيق الأساسي وحجم الملف اللي تحمل عندك tch20

  5. مرحبا .. شكرا عالشرح السهل والواضح والممتع .. طبقت الشرح تمام لكن لما جيت اسوي ريستور مانفع معي
    ايفون 4s , 5.1.1
    ابغا نفس الفريموير مابغا احدثه للاصدار السادس لانه يجبرني عليه

    • أهلين .. بالنسبة للتحديث فـ أنت مجبر تحدث للإصدار السادس .. ماتقدر تبقى على الإصدار 5.1.1 .. لو عندك جيلبريك حالياً وملف الـ SHSH ممكن تحصل طريقة أنك ماتسوي ترقية وتبقى على نفس الإصدار، للاسف ما اعرفها ومنيب متأكد منها، لازم تبحث في النت عشان تتأكد 🙁

  6. السلام عليكم
    يا خويا نبر ون ومستر ون
    اخوك احمد وقع في مشكلة والله تعبتني وكملت على مايقارب 5 قيقا وما انحلت
    وهي مشكلة وجهاز ايباد2 wifi نسى صاحب الجهاز الباسورد وتطلع رسالة في اتقول تم ايقاف الايباد اتصل بي itunes عملت له ريستوري 4 مرات وكل مرة عندما يصل
    الى الاخير والله مرة وصل انه مزا واحد كيلو بايت واحد ثانية وفشل في الستوري
    قلت يا بطل نزلو من النت وبعدين اعمل shift and restor ونزلت ios5.0.1
    ونزلت 5.1.1 ونزلت 6.0.1 ولكن لايقبله ابدا ابدا ترى اخوك واقع في مشكلة
    يا ريت اتسعدنا يا نبرtch36 ومستر ونtch36 ………. اخوك احمد tch2

    • وعليكم السلام ورحمة الله وبركاته،
      أهلين .. بالنسبة لمشكلتك فـ لازم تحمل أخر أصدار للايباد 2 ( واللي هو حالياً 6.1 ) .. الافضل انك تضغط على زر ريستور من الايتونز وتنتظره لحد مايحمل الفريموير وبعدين تسوي التحديث .

  7. السلام عليكم
    اصدار الايتونز 11.1
    اما الفريم حملت اكتر من واحد لحد ما اقبل وهو iPad2,4_7.0_11A465_Restore.ipsw
    وجربت انى اوقف برنامج الفايوسات وما ضبط معى .

    • وعليكم السلام ورحمة الله وبركاته،
      مرحباً .. المشكلة عندك حالياً من الفريم .. قبل هذا لأنه هو الوحيد المخصص للايباد حقك لكن المشكلة عندك هي انه هو الإصدار الاخير .. هذا الاصدار ٧ .. المفترض تحمل الاصدار ٧.٠.٤
      جرب هالرابط:
      http://appldnld.apple.com/iOS7/031-1843.20131114.P3wE4/iPad2,4_7.0.4_11B554a_Restore.ipsw

      • السلام عليكم
        تم التحميل وتنفيذ الخطوات وطلع معى رساله خطأ 3004
        ومعلشى غلبتك معى رى يؤجرك خير

        • وعليكم السلام ورحمة الله وبركاته،
          غالباً المشكلة عندك من ملف الهوست .. حذفتي منه شيء؟
          جربي تسوين الريستور وجهازك في وضع الريكفوري .. ان شاء الله بيضبط.

  8. الفيرموير الي احمله لازم اكون مماثل لاصدار الايباد قبل لايقفل ولا احمل آخر اصدار للفيرموير

  9. السلام عليكم انا جهازي آيباد ١ وإصداره ٥.١.١ هل اقدر اني احدثه على ios 8.1.2 ؟! وممكن الطريقه لان ماتطلع معي ايقونت التحديث 🙁

  10. السلام عليكمـء

    اخوي انا عندي ايفون 5s بس مدري هو cdm او مدري وش tch32 المهم

    عندي اصدار 8.1.3 وعندي جلبريك وسويت اعادة تعيين و الحين الايفون وقف على التفاحه وتحته خط بس موقف صار له يوم وانا مدري اذا عندي جلبريك مايصير اسوي اعادة تعيين والحين وش الحل لاتقوول زر الباور والهوم اسويه تكريفي والله مدري وش اسمه لاني جرب واسوي بالايتون استعاده يجيني خطأ 3005 والحمدلله حليته عقبه جاني خطأ 17 ومدري وش لون ؟؟؟؟؟؟؟؟ اتمنى الرد السريع ومشكور

    tch1 tch1 tch1 tch1

Leave a Reply to ZeeZoo الغاء التعليق

اكتب تعليقك
اكتب اسمك هنا