وصلة نقل الصور من الكاميرا أو الذاكرة إلى الايباد – Camera Connection Kit

نقل الصور من الكاميرا أو الذاكرة إلى الايباد مباشرة

في الأونة الأخيرة إنتشرت ثقافة التصوير عندنا بشكل كبير، ولحسن حظنا أن تكنولوجيا العدسات الضوئية تتطور بشكل سريع وملحوظ واللي بدورها سببت إنخفاض كبير في أسعار الكاميرات .. لدرجة أن الكاميرات في البيوت صارت أكثر من الريموتات حقت التلفزيون  😀 

عموماً، من المعروف أن الأيتونز هو البرنامج الوحيد اللي يسمح لك بإضافة الملفات على الأيباد سواء كانت صور أو ملفات صوتيه أو غيره، وأكيد الكثير قد يرغب في نقل الصور على الايباد لوضعها كـ خلفية أو جمعها في إلبوم أو حتى مشاركتها عبر البرامج الإجتماعية مثل الفيس بوك وتويتر والإنستقرام من دون عمل هذه الخطوة والرجوع إلى الكمبيوتر في كل مره.

وصلة نقل الصور من الكاميرا والذاكرة إلى الايباد

الوصلة اللي معنا اليوم هي وصلة رسمية من شركة أبل، وأعتقد أن هالنقطة واضحه بسبب لونها الأبيض
.. لما تشتري الوصلة بتحصل داخل العلبة قطعتين، وحده عبارة عن وصلة لإدخال الذاكرة ( الميموري الخاص بالكاميرا )

نقل الصور من الذاكرة ( الميموري ) إلى الايباد

وبمجرد ما تدخل الميموري الخاصة بالكاميرا وتدخل على مجلد الصور بتحصل الصور الموجودة على الميموري قدامك، وتقدر تحدد أي منها تبي تحفظة على الجهاز، أو لو تبي تسوي لها حفظ كلها مره وحده

أما بالنسبة للوصلة الثانية فهي بيكون فيها مدخل يو اس بي ( USB ) ومن خلاله بتوصل الكاميرا مع الايباد بواسطة الوصلة اللي تكون موجودة مع الكاميرا.

نقل الصور من الكاميرا الى الايباد

وبكذا تكون قادر على التصوير ونقل صورك ومشاركتها إلى الايباد بدون الحاجة إلى الرجوع للكمبيوتر كل مره

تمنياتي لكم بتصوير رائع


مواضيع ذات صلة :

إكسسوارات: عرض شاشة الايفون والايباد على التلفاز

إكسسوارات : عرض شاشة الايباد على البروجيكتر

95 تعليقات

  1. السلام عليكم ..،

    اعتذر ان كان الاستفسار مو بمكانه .. بس حابه اسأل: قمت بحذف الصور  المكرره لما تكررت في مكتبة الصور بعد عمل ابديت مفاجيء و تفاجئت بعدها ان جميع الصور انحذفت!! و حابه استفسر اذا فيه طريقه استطيع من خلالها استرجاع الصور دون اللجوء الى المحلات .. علماً بأني لم اقم بعمل باك اب من فتره طويله ..

    • وعليكم السلام ورحمة الله وبركاته،
      بالنسبة لمشكلتك مع الصور فـ كما اعتقد بان الصور لما تنمسح من المجلدات تنحذف الصور الاصلية معها ( هذا عيب من التحديث الجديد للان ماله حل ) فـ مالك الا ترجعين الباك اب القديم حقك عشان الصور .. او تسترجعينه من الآي كلاود لو كنتي تستخدمينه ..

  2. الله يجزاك خير .، بس انا الڤيرجن ماحدثته ولا مره من شريت الجهاز .. رقمه ٤.٣.٣

    وقريت كذا موضوع بالمواقع انه فيه برامج ممكن تسترجع بس ما أدري اذا آمنه او لا ..

    • أمين واياك وكل مسلم يارب .. بصراحه ما مر علي برنامج يرجع الصور واللي أعرفه أنه مافيه .. لكن لو حابه تجربين جربي ووافينا بالنتائج tch3

  3. السلام عليكم ..
    انا عندي زي كذا بس في قطعة وحدة واذا شبكتها عالايباد ما يطلع لي شي ..وش المشكلة الله يعافيك؟

    • وعليكم السلام ورحمة الله .. بالنسبة للوصلة اللي عندك فهي مهيب اصلية .. جربي تشبكينها على ايباد ثاني ولو ما اشتغلت عليه فـ اتوقع انها عطلانه، والله اعلم : )

  4. السلام عليكم ورحمه الله وبركاته
    مشكور اخوي بس انا عندي مشكلة
    اذا شبكتها على الايباد ما يقرا الصور تلقائي هل في سوس معي او برنامج
    مع العلم اني مسوي جلبريك للجهاز

    • وعليكم السلام ورحمة الله وبركاته
      أهلين .. بالنسبة للوصلة فـ المفترض ماتحتاج أي شيء، لما تدخل على الأبليكيشن الخاص بالصور مايطلع لك الصور اللي في الوصلة؟ وهل الوصلة اللي عندك أصلية زي هذا والا تختلف؟

  5. الله يعطيك العافية اخوي
    اكيد اصليه ان شاء الله
    لاني اجرب الوصله على ايباد ثاني وثالث وتشتغل تلقائي ماشاء الله
    الا ايباد مدري وش العله حاولت اقفله واشغله واسويله استعادة افتراضيه مو راضي قلت بس اكيد فيه حاجه كذا بس مدري ايش هيا
    افيدوني جزاكم الله خير
    وشكرا

  6. عندي سؤال ؟
    هل إذا نقلت الصور الى الآيباد ينقص من حجم الصورة ”

    ” مثلاً حجم الصورة في الكاميرا ٦ ميجا بايت هل إذا نقلتها تصبح ٣ او ٤ ميجا بايت؟؟

  7. على العموم بيض الله وجهك وما قصرت على سعت صدرك وردودك
    الله يجزاك كل خير
    تمنياتي لك بدوام الصحه والعافية
    ودمتوم

  8. السسلام عليككم و رحمة الله وَ بركاته

    طب هل تناسسب مع الايباد 1 و الإصدار 5.0.1 tch23

  9. عندي ممري كبير وداخله ممري صغير وصورت فيها وطلعت الممري الصغير وحطيته ف التلفون ولا طلعت لي الصور ارجو الرد ب اسرع وقت ممكن tch31 tch35

  10. السلام عليكم
    لوسمحتوا وين ألقى للوصله هاذي في جده ضروووري tch10
    ربي يسعد اللي يرد tch9

  11. السلام عليكم.
    الوصلة هذي القاها في جرير واصلية ؟ يعني مضمونة tch7

    وبكم سعرها اجمالي مع التوصيل إلى الخبر .. وكم المدة تاخذ؟
    شكرًا. tch26

    • وعليكم السلام ورحمة الله وبركاته،
      أهلين .. ايه نعم ممكن تحصلينها في جرير وعندهم أصلية، اعتقد سعرها عندهم 199 ريال
      بالنسبة لنا الكميات اللي عندنا كلها خلصت، وحالياً مافيه شيء قريب بيوصلنا 🙁

  12. مشكور على مجهودك
    بس أخوي عندي استفسار هل هذي الوصله خاصه بشركة معينه للكاميرا لأن كامرتي نيكون

    وشكرا

  13. اهلاً ،
    معليش مستر أ . هل توجد في محافظة الخرج هالوصله ؟
    وهل ايضاً تشبك على اي كاميرا ..؟؟
    tch23

    .. ويعطيك العافيه .. tch36 tch17

    • أهلين .. تضبط على أي كاميرا المفترض ولو ماضبطت على الكاميرا نفسها تقدر تستخدم ذاكرة الأس دي مباشرة. بالنسبة للخرج فـ للاسف ماعندي معلومة عنها صراحه tch27

  14. ممكن اعرف لو اقدر انزل الصور من الايباد على الهارد ولا ماينفع

    وشككككرا

  15. السلام عليكم

    اخوي انا اشتريت الوصله من جرير وسعرها 200 , بس شكلها غير هذي , ولما ركبتها عالأيباد يقول هذا الملحق ليس مدعوماً

    ضنك المشكله بالوصله نفسها او الأيباد ؟

    • وعليكم السلام ورحمة الله وبركاته،
      أهلين .. ممكن تصور القطعة اللي عندك أو تدور صور لها من النت عشان أشوف كيف شكلها لو تكرمت؟ tch34

  16. كانت عندي الوصله هذي واشتريت حقت الايباد ميني وتشتغل مضبوط بس ماتسترد الصور الطولية إيش المشكلة !! حتى الوصله الأولى مو على أي آيباد تسوي إستيراد للصور الطولية tch9

    • مرحباً، لا الصورة فقط تنقل الصور زي ماهي، بعد عملية النقل تقدر تحررها من خلال تطبيق الصور أو من خلال اي تطبيق ثاني في الايباد

  17. السلام عليكم و رحمه الله و بركاته

    انا عندي هالوصله بس بغيت اركبها على الايفون ٥ ركبتها طلع لي الملف غير مدعوما و شي من هالكلام بس يوم ركبتها على الايباد ميني اشتغلت

    بغيت اعرف شالمشكله لما اركب الوصله حق الايفون ٥ و مايشتغل

    رد سرييييع اذا ممكن

  18. السلام عليكم و رحمه الله و بركاته

    انا عندي هالوصله ركبتها على الايباد ميني اشتغلت يوم جيت ابي اركبها على الايفون ٥ ماشتغلت شالمشكله ؟؟؟

    • وعليكم السلام ورحمة الله وبركاته،
      لن تعمل على الايفون لأنها مخصصة للايباد فقط tch34

    • مرحباً،
      حالياً ممكن تحصلينها في جرير أو آي ستور أو قلوبل ستور .. المشكلة أن الايباد 2 خلاص صار قديم واللي يجي الان للوصلة الجديدة ( اللايتنينق كايبل ) الخاص بالايباد ميني والايفون 5.

  19. السلام عليكم ؛’)
    القى الوصله هاذي بجرير او اكسترا ؟؟
    بالدمام : ) ؟
    وتصلح لايباد 3 اصدار 6.0.1
    وكم سعرها !
    لأني جداً محتاجتها 🙁
    وشكراً مقدما ♡ .

    • وعليكم السلام ورحمة الله وبركاته،
      مرحباً .. ممكن تحصلينها هناك إذا ماخلصت، ايه تصلح للايباد 3
      بالنسبة لسعرها فـ من 150 إلى 199 تقريباً .. على حسب المحل اللي يبيعها tch20

  20. السلام عليكم
    الوصله هذي تركب على ايباد 3 السوفت 6.0.1 بدون جلبريك لاني سمعت انو لازم جلبريك .. والسؤال الثاني الكاميرا حقتي ديجتال تركب الذاكره ع الوصله ولالا .. وكم سعره مع التوصيل للخبر

    • وعليكم السلام ورحمة الله،
      نعم تركب على الايباد 3 بدون جيلبريك .. بالنسبة للكاميرا، فـ بحسب الوصف الموجود في موقع ابل فهي تدعم الكاميرا الديجيتال

      http://store.apple.com/us/product/MC531ZM/A/apple-ipad-camera-connection-kit?fnode=3a

      ..
      مانبيعها للاسف tch20

      • طيب اخوي وين احصلها بالخبر بسعر كويس غير جرير لانهم مبالغين بسعره لان سعره ب موقع ابل حول 110 .. تنصحني اشتري من عندهم ؟! وشكككراً

        • مرحباً،
          للاسف هي غير منتشره حالياً لأن القطعة تعتبر قديمة، سعرها في موقع ابل 115 ريال تقريباً من غير الضريبة ( حوالي 10% ) وسعر الشحن من امريكا إلى السعودية .. يعني نصيحه لو حصلتها في جرير اشترها tch3

  21. السلام عليكم
    حدثت جهازي الاصدار الجديد وماصار ينقل الصور من الوصله
    وش حل لهذي المشكله ؟

    • وعليكم السلام ورحمة الله وبركاته
      ايش جهازك؟ وهل جربت الوصلة على جهاز ثاني واشتغلت عليه؟

  22. عندي وصلة تشبه هذي الوصله بس المشكلة لما اوصلها بالايباد يطلع لي : هذا الملحق ليس مدعوما بواسطة الايباد tch10

  23. اسمي حليم اشتريت القطعة لاكنها لم تشتغل ولما ركبتها على الايباد تقول ان هدا الملحق غير مدعوم للايباد

    اشتريت قطعة لاكن عند تركيبها في الايباد لا تشتغل وتصدر كتابة في الايباد تقول(ان هدا الملحق غير مدعوم في الايباد)

  24. اشتريت الوصلة هذي من جرير واشتغلت بعدها حدثت الايباد ما عاد اشتغلت للعلم أيبادي 3 وجربت الوصلة على أيباد2 اشتغلت مادري وين المشكلة ليت إذا فيه حل تفيدني للعلم عندي جلبريك tch10

  25. كانت تشتغل واشتريتها ب١٤٩ من جرير بعد تحديث الايباد ما اشتغلت ينكتب غير مدعوم بواسطة الايباد وقالو احتمال من الجلبريك وكنت اعتقد أنها خربانه ولما شغلتها على إيباد2 اشتغلت

    • مرحباً،
      بعض الاجهزة ماتوافقت معها القطعه بعد التحديث للاصدار السابع، قد يكون هو السبب .. وقد يكون السبب هو الجيلبريك

    • مرحباً .. قصدك برنامج الايتونز الموجود في الكمبيوتر نفسه مو موجود في الايباد والا كيف؟ مافهمت استفسارك عذراً tch34

    • مرحباً،
      نعم الوصلة حالياً متوفرة .. للاسف لايوجد لدينا توصل فقط الاستلام من المحل مباشرة. نعتذر منك tch34

  26. السلام عليكم
    الوصله هذي تحتاج الى برنامج في الايباد والا ماتحتاج
    وشكراً

  27. السلام عليكم ،
    انا شريت هذي الوصله لي كم سنه عندي وكانت تشتغل ومره جميله ،
    بس هذي الايام مادري وش فيها اذا شبكتها ع الاي باد ميني بنزل الصور يقول ( هذا الملحق ليس مدعوماً بواسطة الـ ipad. ) مادري ايش القصه ،
    وقلت يمكن من التحديث وحدثت اخر اصدار برضو المشكله لازالت.
    مادري ايش اسوي
    حتى امس مريت على جرير بشتري غيرها
    قالو ماتجي الحين بعد شهر كذا تنزل ??
    مشكلتي ابغاها الاسبوع الجاي ضروري ،
    عطوني حل ايش اسوي ربي يسعدكم ؟

    • وعليكم السلام،
      قد تكون الوصلة الموجودة لديك غير اصلية لذا تظهر لك هذه المشكلة. للاسف لايوجد حل سواء شراء وصلة جديدة. اعتقد هي متوفرة في قلوبل ستور، فيا ستور … والعديد من المتاجر غير جرير.

Leave a Reply to Y الغاء التعليق

اكتب تعليقك
اكتب اسمك هنا