WhatsApp | واتس اب

whatsapp icon وتس ابwhatsapp - وتس اب

تحديث: يوجد الآن طريقة لتركيب الواتس اب على الايباد بدون جيلبريك .. اضغط هنا لمتابعة الشرح.

تحديث: بما أن برنامج الانستولس تقفل .. اضغط هنا لمتابعة شرح بدائل الانستولس.

واخيراً صار من الممكن تثبيت واستخدام برنامج المحادثه الشهير ” وتس اب ” على الايباد، طبعاً لازم الايباد يكون عليه جيلبريك، لانك ما راح تقدر تحمله من الابستور حتى لو كنت شاري التطبيق بالحساب حقك في الايفون .. بالاضافة الى انك بتحتاج تحمل ملف من السيديا عشان يضبط التطبيق .. لذا تعوذ من الشيطان وركب الجيلبريك وكمل الشرح

أول شيء تحتاج تدخل على الـ installous وتحمل تطبيق ( الوتس اب – WhatsApp )

 WhatsApp on ipad - تحميل الوتس اب على الايباد

بعد ما يتحمل التطبيق عندنا على الجهاز ندخل على السيديا ونروح للسورس BigBoss ونبحث فيه عن WhatsPad

Cydia > Source > BigBoss > WhatsPad

installing whatspad on ipad تثبيت الوتس اب على الايباد

WhatsApp on iPad - تركيب الوتس اب على الايباد

whatsApp on Ipad 2 - استخدام الوتس اب على الايباد ٢

اضغط على الصورة لرؤيتها بحجمها الطبيعي

بعد ما ندخل عليه ونسوي له تثبيت في الجهاز نروح للوتس اب ونسوي اعدادات التطبيق، نختار المملكة العربية السعودية وبعدين نحط الرقم اللي نبيه وبعدين راح ينرسل لنا رسالة تفعيل فيها رقم مكون من ثلاث ارقام نحطها في التطبيق وبيشتغل معنا على طول

WhatsApp working for ipad - الوتس اب على الايباد

WhatsApp on iPad 2 - الوتس اب يعمل على الايباد ٢

وبكذا يكون عندنا الوتس اب على الايباد مثبت ويشتغل تمام التمام

دمتم كما تحبون ودندره سعيدة للجميع

 

* ملاحظة : الفريموير الخاص بالايباد المستخدم في الشرح هو ٤.٣.٣ والجيلبريك من موقع Jailbreakme.com

ملاحظة ثانية : لمعرفة طريقة ملء شاشة تطبيق الوتس اب ( اضغط هنا)

ملاحظة أخيرة: نفس الطريقة المذكورة تنفع لجهاز الايبود برضو

394 تعليقات

  1. tch5 tch3ابشركم اشتغل كلووووووووووووووووووش بس في مشكله بسيطة
    tch11كيف ارسل رابط مثلا من الواتس اب الى اختي ابيها تشوف معي جريدة الرياض مثلا tch35ماعرفت انا اعرف النسخ واللصق ولكن يوم افتح الجريده مايطلع لي فوق بالسيرش رابط ولا شي عشان انسخه والصقه بليز جاوبنوني الله يعطيكم العافيه وه بس فديتكم tch40

    • مبروك tch40 .. بالنسبة للرابط، فـ بعد ما تفتحين المتصفح سفاري بتحصلين فوق مستطيلين .. واحد على اليسار اللي هو خاص بالبحث مثل ماقلتي .. والثاني اللي على اليسار هو المستطيل الخاص بالروابط .. مثل ماتشوفين في الصورة هنا:
      http://erwanmace.files.wordpress.com/2010/03/screen-shot-2010-03-06-at-21-24-33.png

      • كيف احمله على الايبود لازم يعني كسر الحمايه مره حملت وقالو غير مدعوم طيب كيف اكسر الحمايه

        • مرحباً،
          كسر الحمايه هو الجيلبريك .. اذا تعرف كيف تسويه والا ممكن توديه لمحل يسويه لك.

  2. اسفه احس اني قلق هههه بس ابي اسال عن البرنامج الي يصور شاشة جهازي
    مثلا ابي اصور برامجي على جهازي نفسه وارسله على الواتس اب او الفايبر او شي مثل كذا وش هو البرنامج الله يسعدك يارب معليش على كثرة الاسئله tch10

    • اهلين، التصوير بدون برامج ولاحاجه .. تضغطين زر الهوم ( السفلي ) مع زر السليب ( العلوي ) في نفس الوقت وتتصور الشاشة، وبعد كذا تحصلين الصورة مع الصور tch17

  3. السلام عليكم
    انا مشكلتي نفس مشكلة الاخت ساره كل مافتحت الواتس اب قفل معاي سويته باكثر من طريقه بس مو راضي يستوي معاي وسويت اللي قلتيه اللي من السيديا بس مانفع وحملته من رابط ثاني بس هم مانفع فياليت تلاقي لي حل لهالبرنامج …… وشكراً

    • وعليكم السلام ورحمة الله، اهلين .. ممكن اعرف متى يقفل البرنامج معك؟ لما تحاولين تكتبين الرقم والا مباشرة ؟

  4. tch40شكرا شكرا الله يوفقك يارب روووعه صراحه انت وموقعك هذا وه بس
    يعني اي شي ابيه على الايباد2 تقدر تقوله لي احس اني غشيمه tch30الله يعينك علينا حدي جوال الكشاف
    المهم عندي استفسار بنتي مقلقتني على الايباد وابي احمل لها مقاطع فيديوطيور الجنه مع العلم اني لما افتح اليوتوب مايطلع لي اي زر للحفظ ولا شي
    بليز اذا عندك حل لتحميل الاناشيدوالاشعار وشي مثل كذا علمني الله يوفقك يارب
    واتمنى فهمت علي لاني كثرت الحتسي وشكرا tch5

    • اهلين، فيه برامج في السيديا تخليك تحملين من اليوتيوب ( YourTube HD ) لكن لازم يكون عندك جيلبريك .. وفيه برنامج في الابستور اسمه ( SpeedBit ) يخليك تحملين مقاطع اليوتيوب لكن سمعت حتى ان التحديث الاخير حق البرنامج الغوا منه التحميل بس منيب متأكد tch27

    • طيب جربتي كل النسخ الموجودة والروابط؟ يعني حملتي كذا نسخه وما فيه نتيجه؟
      وبرضو ياليت تقولين لي وش السورسات اللي ضايفتها على السيديا؟

  5. اي جربت كل النسخ وكل الروابط كل نفس النتيجه ويش الحل …..
    السورسات فهم كالتالي:
    Big boss
    Cybroly-MyRepoSpace.com
    Hackulo.us
    ModMyi.com
    Paarthdesai-MyRepoSpace.com
    Repo666.ultrasn0w.com
    Telesphoreo Tangelo
    ZodTTD&MacCiti
    هذول كل اللي عندي وبس تعبت وانا اكتب

    • يعطيك العافية تعبتك معي tch27 .. معليش بس عشان الجهاز مهوب قدامي صعبه اعرف وش السبب، عموماً .. لما تدخلين الـ Installous ابحثي عن الـ WhatsApp وبعدين اضغطي على كلمة Download زي العادة .. انتظري لمدة ٢٠ ثانية تقريباً وبتطلع لك الروابط .. بيكون اول رابط هو رابط البرنامج في الابستور .. وتحت على طول بيكون مكتوب رقم الإصدار حق البرنامج واللي هو ( 2.6.6 ) وتحت هالرقم فيه الروابط اللي انتي جربتيها .. انزلي تحت لحد ما تخلص الروابط حقت الأصدار هذا .. يعني لما تشوفين الرقم ( 2.6.5 ) وبعدين جربي حمليه .. ولو ما ضبط معك انزلي زيادة وجربي اصدار اللي اقدم من هذا ( 2.6.4 ) وان شاء الله بيضبط معك tch17

    • حملتي الإصدارات كلها وما ضبط؟ tch41 .. والله بالضبط ما ادري وش الحل لأن الجهاز مهوب قدامي، اللي اعرفه ان الاصدارات حقت البرنامج لما تغيرها تتفادى مشكلة تسكير البرنامج في بداية تشغيله ..

    • اهلين، لا ما اتوقع المشكلة من الجهاز .. ممكن البرنامج اصداره ما يتوافق معك أو فيه شيء متعارض معه، قد يكون تطبيق ثاني أو سورس .. ما اعرف بالضبط

      اذكر سبق وقريت ان تطبيق الفيسبوك فيه مشكلة تتعارض مع الوتس اب، لكن هالمشكلة تصير وقت لما تحاول تكلم احد في الوتس اب .. اما بالنسبة لمشكلتك فهي تصير وقت التشغيل .. يعني تختلف!

      جربتي كم إصدار من البرنامج؟ والحين ركبتي أي اصدار بالضبط؟

  6. لو سمحت اخوي الواتس اب رااافض يفتح وياي
    دخلت الايميل والباسوورد وكل شي صح ومتأأأأكده منه 100%
    بس يقول فيه غلط يا اما بكتابه الايميل او الباسوورد
    وش الحل ؟.؟؟؟؟؟
    tch2 tch9

  7. سوري يالأخووو
    موب الايميل توي قريته واستووووعبت السالفه يقول رقمك او اسمك في الخانه الاولى والثانيه يبي الباسوورد tch35
    طيب من وين اجيب هالشغلاااااااات الرقم مو مشكله بحط رقمي بس الباسوورد من وين اجيبه؟؟؟؟؟؟tch32
    ع العمووووم مششششكوؤوؤوؤور اخوي ان شاء الله تلاقي لي حل
    يعطيكـ العآآآآفيه tch27

    • أهلين، وضعك صعب أنتي tch3 .. الحين تعانين الإيميل والا رقم الجوال .. أصملي tch38

      بالنسبة للتفعيل .. فـ بعد ما تفتحين البرنامج لأول مره بيكون قدامك خانتين، الأول فيها فتح الدولة ( بالنسبة لنا بيكون 966 ) والخانة الثانية تكتبين فيها رقم جوال، ويكتب مباشرة بدون الـ ( صفر ) اللي في البداية .. يعني كذا على سبيل المثال ( 55123456 ) .. وبعدها بتطلع لك صفحها فيها خانة صغيره يقول لك فيها اكتبي الرقم السري الخاص بالتفعيل، واللي تكون الشركة ارسلته كـ رسالة نصية للرقم اللي انتي كتبتيه في البداية.. اكتبي رقم التفعيل وخلاص tch34

  8. لا مو خلااااص
    tch9
    اصلن هو رافض يفتح وياي بالمرررررره سويت اللي قلت لي عليه بس يجي تحت(966) كلام بالاحمر ورموز مافهمت شي>>> الززززبده انه رفض يفتح وانا صار لي اسبوع وانا احاول فيه
    ع العموم انت ماقصرت ويعطيك 1000 عاااافيه
    tch2

    • وش الكلام اللي مكتوب بالاحمر؟ انسخيه لي هنا والا صوري الشاشة عشان اعرف وش المشكلة بالضبط

  9. The user name contains invalid characters e.g./*\ 

    هذا هو الكلام جاااي تحت خانة (966)
    وررررررفض يفتح>>>>فيس معصصصصصب tch9

  10. سوري E7
    والله مو مني الا من القعده ع هالجوال اللي دوووووخني tch14
    وانت يالطيب اذا مالك حيله خلاص مشششششكور والله انك ماقصصصصصرت بجد tch28 tch1

    • لا عادي مافيها مشكلة، انا على بالي اللي معك ايفون .. بالنسبة للنوكيا ما سبق وجربت اركب عليه الواتس اب .. عموماً ممكن الخانة اللي تطلع لك فيها رسالة الخطأ هي خانة تسجيل الاسم ( اليوزر نيم ) عشان كذا جربي تكتبين اسم لو قدرتي tch26

  11. انا عندي مشكله اصداري 2.6.6 ولما احمله يطلع لي بعدين يطلع لي ايقونه وينحذف ايش اسوي وربي خاطري بالواتس اب في الايباد

  12. جعل والديك في الجنة ان حاولت تعثرت في تنزيل وتس باد من السيديا والغريب أنه يجي بس لمن اسوي تنزيل يقول لي انه في تعارض وانا حقيقة على قد حالي يا دوب افهم  والسورسات كثير عندي والبج بوس مو في بس نزلت اللي انت أعطيته فوق ولا زبد انقذني

    • اهلين .. أمين ووالديك يارب tch26 tch34، طيب وش يطلع لك رسالة خطأ؟ جرب تحمله مره ثانية، ترى بعض الأحيان السورسات والسيديا ماتضبط من اول مره

      • جربت مرات كثيره للأسف انا حملت وتس باد عن طريق اي فايل واشتغل معاي الواتس اب بس ما يرسل لس كود لمن ارسل الطود يقول لي حدث الاصدار

        لمن احمل الاصدار الأحدث ما يقبل يقول لي انه ما يتوافق مع الايباد

      • اهلين،طيب جربتي تحملين الملف من السيديا؟ جربي ركبي الوتس باد من السيديا والوتس اب الاصدار الاخير من الانستولس، وان شاء الله بيضبط معك  

        • اول حاجة انا جربت اركب وتس باد من السيديا عي والحين جربت ما رضي نهائياً ما اعرف أش المشكلة تعبت والله من الموضوع هذا هو يرسلوا الشركة رسالة بس يقولوا حدث الاصدار وللعلم انا رجعت البرج بووس وحذفت الوتس باد وما رضي برضوا يتحمل من السيديا

      • طيب مو مشكلة، حمل الوتس باد من الاي فايل .. وبعدين حمل الوتس اب من الانستلوس، واذا جيت تحمله ابحث عن الاصدار ٢.٦.٢ وجرب يضبط على الايباد والا لا، ولو ما ضبط جرب الاصدار اللي بعده ٢.٦.٣ وهكذا .. اعتقد احد الاصدارات كان يركب بدون مشاكل tch17

  13. سلااام لو سمحت خييو انا جهازي نوكيا e63وحملت البرناامج وكلو تماام بس عندي استفساار بخصووص اني اقدر ارسل رساله للاشخاص اللي ماعندهم البرنامج بدوون تكلفه لانو صحبتي تسوي دي الحركه بس ماني عاارفه الطريققه فياريييت احد يشرحها بالتفصييييل وكمان عندي سوال لو انا قفلت البرنامج عند عدم توفر الوايرلس هل يسحب من الرصيد ولا ؟؟ومشكوور مقدما

    • وعليكم السلام، بالنسبة للرسالة اتوقع انها ترسل رسالة دعوة للي ماعندهم وتس اب، واللي اعرفه ان الرسالة عليها رسوم مهيب مجانية بس منيب متأكد .. اما بالنسبة للتقفيل، فـ حسب كلام الشركة في موقعهم الرسمي ان النوكيا مايتوقف الاتصال فيه، يعني لو ما عندك واي فاي يشبك على الشبكة ويسحب رصيد .

      http://www.whatsapp.com/faq/#nokia

  14. السلام عليكم
    انا جربت نفس هذي الطريقة واشتغل معي
    بس المشكلة الي صارت عندي انو مافيه احد عندي بالـcontacts
    جهازي ايباد 2

    • وعليكم السلام ورحمة الله، عندك حلين .. يا تضيف الاسماء للكونتكتس بشكل يدوي او تنقل الاسماء للايباد عن طريق الايتونز tch34

    • في الايباد عندك فيه برنامج منفصل ويجي افتراضي في الجهاز، اسمه Contacts

      http://maciverse.mangoco.netdna-cdn.com/wp-content/uploads/2010/04/iPad-Contacts.png

      http://ipadhelp.com/wp-content/uploads/2011/06/contacts_icon.jpeg

      بعد ماتفتح الكونتكتس، بتحصل تحت علامة زائد تقدر تضيف عن طريقها الاسماء

  15. شكرا اخوي ضبطت معاي
    سؤال اخير ادري زودتها
    انا ضفت الاشخاص بس الي صار عندي انو لما اكتب زر send ماينضغط عليه هل هو من الشبكة لانها ضعيفة ولا في سبب ثاني وشكرا وربي يوفقك

  16. كيف حالك فرصة انك موجود يا اخي انا تعبت ما يرضى معاي المشكلة انه يتحمل واحد من الإصدارات بدون مشاكل تمام ويفتح بس لمن اخليه يرسل عشان الكود الرسالة يجي فيها يقول حدث الاصدار وما يفتح !

    • انا الحمد الله تمام، وش الإصدار اللي انت مركبه بالضبط؟ وانسخ لي الرسالة اللي تطلع لك بالانجليزي لو سمحت tch34

      • Your WhatsApp version is old please upgrade
        هذي الرسالة اللي تجئني لمن أحط جوالي عشان الكود يقوموا يرسوا ليةهالكلام على جوالي

        وترى أنا استخدم اصدار ٢.٤.٦ لان اللي بعده ما يقبل تجئني رسالة الخطأ اللي كانت قبل تركيب أداة وتس باد

        بعدين تحملني عاد لمن قلت لك أنا هنا من كثر ما جلطني البرنامج 

      • اهلين، متأكد من رقم الاصدار كذا؟ شكلك قالب الرقمين اللي في الوسط tch3 .. عموماً، انت الان مركب الوتس اب من وين؟ الاي فايل والا الانستولس؟ والوتس باد من وين مركبه بعد؟ ووش رسالة الخطأ اللي تعاني منها؟

        انا حالياً مركب الاصدار الاخير عندي ومافيه مشكلة، تحتاج تطبق الشرح زي ماهو في الموضوع، انت ممكن مستخدم شرح ثاني وبعدين دخلت على الشرح هذا وتلخبط الوضع، والا؟

        وعادي معذور مقدر شعورك tch3

      • السلام عليكم. اخوي. بصراحه شفت مساعدتك للكل. ماقصرت معهم. بس حبيت اسئلك عن الايبود ٥
        سويت الخطوات الي مكتوبه. حق الجيل بريك للايبود عشان احمل الواتساب.
        بس المشكله عندي اني. اخط الرقم الي ابيه في الواتس. بس مايرسلون لي الكود. والجوال الي فيه الرقم موجود عندي. جربته على رقمين. مايرسلون لا على الاول ولا الثاني

        • وعليكم السلام ورحمة الله وبركاته،
          متأكد من كتابة رقمك بشكل صحيح؟ اذا فيه ٩٦٦ يكون الرقم بدون صفر في البداية .. انتبهت لهالنقطة؟
          هل الواتس اب اللي ركبته هو النسخة الاخيرة؟

  17. صباح الخير tch30

    عندي مشكله وغاثتني مليت وانا ارسل رسايل لكل شخص فرد فرد ! ابي ارسل رسالة جماعيه للي عندي كلهم .. وشلون ؟ tch23

    • صباح النور، فيه خاصية اسمها Broadcast .. بتحصلينها فوق

      https://www.tichno.com/wp-content/uploads/whatsapp-on-ipad1.jpg

      اضغطي عليها وبعدين اختاري الاسماء اللي تبينهم وبعدين ارسلي لهم الرسالة اللي تبين tch34

  18. لو سمحت
    ممكن طلب انا سويت تحديث للوات ساب اوكي يعدين انحذف ورحت احمله من جديد وثبته بس يطلع lnvalid lpa

    • اهلين، بالنسبة للخطأ هذا فهو يكون بسبب النت بعض الأحيان، ممكن تجربين في وقت ثاني ويضبط .. أو .. تسوين شيء ثاني وهو انك تسكرين البرنامج وترجعين للصفحه الرئيسية، بعدين تضغطين دبل كليك على زر الهوم ( السفلي )، وبعد ما يفتح لك شريط المهام بتحصلين الانستولس تحت من ضمن البرامج اللي تشتغل .. اضغطي باصبعك عليه وعلقي شوي لحد ما يطلع لك جمبه العلامة الحمراء وبعدين سكري البرنامج من شريط المهام .. بعدين افتحيه من جديد وجربي مره ثانية tch34

      • اهلين، اذا يقول فشل في التثبيت قد يكون البرنامج ما تحمل كامل، شوفي تحت اسم البرنامج مكتوب حجمه .. قارني الحجم المحمل بالحجم الموجود في صفحه البرنامج ، قد يكون فصل النت والا شيء وهو يحمل ..

        – هل تأكدتي ان البرنامج محذوف من جهازك؟ افتحه الصفحه الرئيسية للجهاز وبعدين اسحب الشاشة لجهت اليسار، بتطلع لك صفحه البحث .. اكتبي اسم البرنامج فوق وتأكدي انه غير موجود عندك

        – افتحي الانستولس، وبعدين اضغطي على كلمة Download وبتحصلين البرنامج اللي حملتيه قدامك، اضغطي عليه وبعدين اختاري كلمة Install من الخيارات اللي بتطلع لك، جربي اكثر من مره لو ماضبط tch34

    • معليش تحملي هذي الدنيا، وش نسوي tch3
      في حال لا قدر الله ماضبط معك، فـ ان شاء الله بيجيك شيء افضل منه ، وهو برنامج ( iMessage ) بيكون متوفر من أبل بشكل مجاني لكل اجهزتهم ( الايباد – الايفون – الايبود تتوتش ) وسمعت ان الماك بيكون معهم بعد .. وهالبرنامج بيكون موجود ان شاء الله مع الاصدار ( iOS5 ) واللي متوقع بينزل اليوم مع اطلاق الايفون 5 الجديد .. هذي نقطة tch3

      النقطة الثانية، أفتحي السيديا وبعدين روحي لأخر خانه على اليمين ( البحث ) وبعدين أكتبي في البحث ( appSync ) وشوفي في النتائج حقت البحث، هل انتي مثبته الإصدار (+ appSync for 4.0 ) والإ لا؟ قد تكونين محلمه واحد قديم ( مايكون جمبه رقم اربعة وعلامة الزائد مثلاً ) .. ولو كنتي مركبته نفسه، احذفيه وثبتيه من جديد .. وان شاء الله بيضبط معك tch17

  19. سوري اني تركتك فتره ما رديت بس انا من كثر ماحاولت ملييت

    جربت كل الاصدارات ولا ركب ولا اصدار يعني احذف الفيسبوك واحط الواتس اب
    تتوقع يضبط

    • اهلين، لا عادي حصل خير tch34
      جربي ما راح تخسرين شيء .. تقدرين ترجعين الفيس بوك من الابستور بسهولة .. ولو ماضبط معك كلها اسبوع تقريباً وينزل الاصدار الجديد ( iOS5 ) بشكل رسمي وبيكون فيه برنامج iMessage وبيكون افضل من الوتس اب، لانه يركب على كل اجهزة ابل ( الايباد، الايفون، الايبود تتوتش ) ومجاني tch34 tch1

  20. السلام عليكم
    مشكور على الشرح الوافي
    مشكلتي انني ما حصلت الواتسباد في bigboss ولما اذهب للسريش تحت واحط اسمه يطلع وعندي تحت ب changes يطع الواتس باد وقدامه علامة صح اضغط فوق يسار علىupgrade ويعمل تحديث ويحط اعادة تشغيل واسويها ويطلع نفس المشكله الواتسباد مو موجود والتحديت يطلع مرة اخرى يقول عندك تحديث الواتس باد

    • وعليكم السلام،
      مرحبا اخوي .. مشكلتك مدري شلون جايه الصراحه .. انا اللي صار معي وقت التثبيت اني فتحت الـ bigboss وما حصلت الـ whatspad ، رحت لـ change وطلب مني اسوي تحديث للسورس bigboss .. بعد ماسويته رجعت بحثت في السورس حصلته على طول .. سويت له تثبيت وخلاص

      عموماً، جرب تلغي تثبيت الـ whatspad من السيديا وبعدين شيك على الـ change وش اذا فيه سورسات تحتاج تحديث .. بعدين شيك على الـ bigboss وابحث في حرف w وشوف هل بتحصل الـ whatspad والا لا؟

      اذا حصلته سو له تثبيت وبعدين جرب افتح الواتس اب وشف يشتغل معك والا لا؟ tch34

    • اخوي شلون حذفت الجيلبريك؟ الجيلبريك ما ينحذف الا لما تسوي للجهاز ريستور وينمسح بالكامل .. وش حذفت ووش صاير بالضبط؟ ياليت تعطينا معلومات اكثر، اذا بتكتب كل مره سطر واحد ما راح احد يقدر يساعدك لاننا ما نعرف وش المشكلة اللي عندك بالضبط! tch20

  21. اولا دخلت ع السيديا وبعدين خذفته
    وبعدين رحت بحمله من جديد مو راضي

    • اهلين، دخلت على السيديا وحذفت ايش بالضبط؟ الـ Whatspad ؟
      اذا كذا وش الرسالة اللي تطلع لك في الخطأ؟ يعني لما تحاول ويرفض وش ينكتب لك على الشاشة؟ فضلاً لا امراً حاول مره ثانية وشف تطلع رسالة الخطأ والا لا ..
      ،
      * الجيلبريك هو السيديا.

  22. السلام انا عندي مشكله
    الايباد مالي صاير شوي بطيء
    ولما احمل من انستول
    يطلع لي مربعات بيض حوالي خمسه ولما اطفي الجهاز واشغله يختفن
    ونفس المشكله تتكرر
    وابي طريقه مثل الفورمات للتسريع الايباد

  23. السلام
    الانستول مالي مو راضي يحمل كل ما ابي احمل فيه قال فشل او خطا ip
    والمشكله كل شيء ابي احمله نفس المشكه حتي الابلكيشن الي نحمل ونمسحه ونلقاه في dawnload
    لما اسوي عليه انستول نفس المشكله وسوي رستور لجهازي وما ضبط. بليز ابي مساعده لاني مسحت برامج كثيره ولما رجعت اسوي انستول ما نجح ويقول فشل بلييز راح اكون شاكره 

    • وعليكم السلام
      يعني الحين هو مايحمل؟ يعني لما تحاولين تحملين برنامج يرفض وتطلع لك رسالة خطأ؟ والا يتحمل البرنامج وما يتثبت معك؟ ياليت تحددين لي اكثر ولو كان فيه رسالة خطأ تطلع لك ياليت تذكرينها لو تكرمتي tch34

      • الصراحه تطلع هاذا الكلام لما احمل من الانستول حتي التحميلات القديمه الي محملتها ومسحتها القاهافي قائمه dawnload بس ما يرضي يتحمل علي العلم انها كانت شغاله
        وذا الكلام Installation Failed:Invalid IPA
        وعلي العلم ان الانستول مالي من الجيل الرابع انستول ٤ وحاولت اغير الاصدارات البرامج وايضا ما رضى

        وشكرا جزيلا اخوي وانت مبدع وما شاء الله عليج 

      • ^
        شرايك فيني؟ tch34 << صدق عمره خلاص tch38 العفو ماسويت شيء tch26 .. بالنسبة لمشكلتك، شوفي هالفيديو اظنه يحل المشكلة اللي صايره عندك: http://www.youtube.com/watch?v=jnPaXVUxct0 اي خدمة حنا حاظرين tch34

        • مشكور اخوي بس مانجح معاي يمكن الي عندي ايباد ٢ اصدار ٤.٣.٣
          الصراحه عرضت مشكلتي حتي علي المحلات بس نفس الكلام ما نعرف خاصتن المربعات البيض الي يطلعن قبل لايوقف الانستول والحين كلش ما يحمل 
          تعبتك معاي اذا في حل ثاني قوللل بليز

  24. السلام عليكم
    الله يعطيك العافيه على الشرح
    أنا معي ايباد 1 ومن زمان وانا احاول بالواتس اب ويتحمل عندي وكل شي واذا فتحته
    يطلعلي Error
    Sorry, your device is currently not supported
    وجربت الطريقه هذي اللي قلت عليها وبعد نفس الشي
    ماعندك حل الله يخليك؟؟

    • وعليكم السلام، اهلين اخوي
      ايه اذا حملت الواتس اب من الانستلوس بيصير مايفتح معك لازم تحمل الـ Whatspad من السيديا عشان يفتح .. تأكد انك حملته من السيديا

      • ايه انا حملت whatsapp من الانستولس وحملت اداة الـ whatspad من السيديا اكيد
        بس تطلع لي رساله الخطأ هذي
        مع العلم ايبادي 1 اصدار 4.2.1
        وتعبت لي اشهر وانا احاول فيه tch9

        • اهلين، اذا متأكدة انك ركبتي الـ Whatspad في السيديا وما زالت الرسالة تطلع لك، فـ سوي هالطريقة .. احذفي الواتس اب من الجهاز وبعدين من الانستلوس ركبي الاصدار اللي قبل اللي حملتيه .. يعني على سبيل المثال لو انتي محمله الاصدار ( 2.6.6 ) حملي بداله ( 2.6.5 ) .. طبعاً في صفحه التحميل في الانستلوس فيه اصدارات كثيره : )

  25. تشكراات ع الشرح المررتب 

    نزلت WhatsPad من السيديا ,, وبالانستولز لقيت WhatsApp بس عياا ينزل
    وش الحل   

    • العفو tch34
      طيب ليه عيا ينزل الواتس اب؟ طلعت لك رسالة خطأ والا ايش بالضبط؟ حاولي مره ثانية تراه بعض الاحيان يصير دلوع وما يضبط من اول مره tch3

  26. سسلام

    حبيت اقولك ان عندي مشكله في الواتس مآ يضبط معي انا حملة الجلبريك وحملة السيديا اذا حملته من الرابط يطلع لي

    هكآ. sorry your device is currently not supported

    وش السوآت

    tch32

    • وعليكم السلام، تأكدتي انك حملتي الـ WhatsPad من السيديا ؟ اذا كذا جربي تحذفين الواتس اب وبعدين من الانستلوس ركبي اصدار غير اللي ركبتيه قبل .. الاصدار اللي قبله على سبيل المثال tch34

  27. طيب انا اذكر مره من الف مره حمل الواتس اب بذيك الطريقه اللي تحمل الاصدار 2.5.1 بعدين تفعله وتحمل أخر اصدار ولان هذا الاصدار مو موجود بالانستولس حملته من سفاري عادي وببرنامج ifile نقلته لمسار الانستولس ورحت وثبته واشتغل وضبط معي بس ماكنت اقدر ابدا اراسل احد وياست وحذفته بعدين رجعت وحملته ثاني وفعلته برقم ثاني لاكن بس يجي كونكت ومايتصل ابد
    وحذفته وقبل فتره قريت انو ما اقدر اكلم احد بالواتس الا لازم اكون كاتبه الارقام بالانجليزي واعتقد هذا كان السبب بالواتس الاول
    والحين رجعت احمله بنفس ذيط الطريقه لكن الـ ifile ابد ابد موراضي ينقل معي ويغير المسار لمسار التحميل من الانستولس ماعندك طريقه او شي اسويه..؟
    وبرايك احذفه واركبه من جديد واشوف ينقل او لا؟؟
    وشي ثاني انا جربت بعد اليوم وحملت اصدار قبل اللي حملته قبل وبعد ماضبط
    وانا مسكت معي الا اركب الواتس والا اركبه ماعلي ابييييييه بالايباد

    الله يخليك لعين ترجيك دبرني وكانك مليت قلي عشان اوقف ازعاج

    • اهلين، الصراحه مدري عن طريقتك .. لكن سمعت عن طريقة مدري هي نفس اللي ذكرتيها والا لا .. اللي هي انك تثبتينه على جوالك وتسوين له تفعيل وبعدين عن طريق برنامج في اللاب توب ( مثلاً PC suite ) تسوين نقل للملف اللي فيه المعلومات وبعدين تنقلينه للايباد بحيث تلعبين على البرنامج ويصير يشتغل tch17

      لكني ماجربتها، اللي انا مجربه وضابط معي ماتحتاج نقل ملفات ولا شيء، الواتس اب ما يتحمل على الايباد من الابستور .. لازم بطرق ملتويه مثل الانستلوس على سبيل المثال .. وبعدين لما تحملينه وتفتحينه ما راح يشتغل وبيقول لك الجملة اللي ذكريتها قبل، ان البرنامج لا يدعم هذا الجهاز .. الحل هو بتركيب الـ Whatspad واللي بدوه يلعب على البرنامج ويحسسه انه عايش في ايفون tch3 .. هالطريقة سويتها لكذا ايباد ولا شفت فيها مشاكل .. وكانت تكلم الاسماء اللي بالعربي واللي بالانجليزي عادي ..

      قبل كم يوم نازل تحديث جديد للوتس اب .. قد يكونون قدروا يسكرون هالثغره وصار ما يضبط عليه.. عشان كذا قلت لك حملي الاصدار اللي قبله .. لاني كنت استخدمه وان شاء الله بيضبط معك ..

      لذا جربي تحملين التالي :
      – الواتس اب من الانستولس بشكل مباشر ( لا تحملين الاصدار الاخير، حملي اللي قبله ).
      – افتحي السيديا وثبتي الـ whatsapad على الجهاز.
      وجربي وش يصير معك، لو صار لك مشكلة في هالنقطة اذكريها لي بالتفصيل لو تكرمتي .. ولو تبين برامج محادثة على الايباد ممكن تجربين الـ Viber والا الـ line .. كلهم برامج محادثه يركبون على الايباد وبشكل مجاني .. او تستخدمين الاي مسج لو كنتي بتسوين تحديث للاي او اس ٥ tch34

      وابد خذي راحتك الموضوع مافيه ازعاج ولا حاجه tch17

  28. مزعجه ادري
    بس الصراحه النستول مالي للحين ما اشتغل قالولي يمكن الشركه تبي تسوي تحديث اصبري
    يعني الشركه بس تبي تسوي تحديث علي بس انا 
    الزبده
    مستر A تعبتك معاي بس الصراحه كل الطرق جربتها
    وحتى الطريقه الي الي قلتها لي
    بلييز حلوا مشكلتي

    • اهلين، لا عادي مافيه ازعاج ولا حاجه tch34
      معليش مافهمتك، كيف الانستولس مايشتغل ويسوون له تحديث؟ عطلان نهائي عندك يعني؟ مايفتح معك نهائي والا كيف؟ معليش ترى نسيت مشكلتك وشهي بالضبط tch3 .. خبرك الموضوع ذا نحس وكله مشاكل واعطال 😀

      في الغالب مشاكل الانستولس تجي اذا كنتي ماركبتيه عن طريق السورس ( cydia.hackulo.us ) ولازم يكون متوافق مع الاصدار حق جهازك .. يعني اذا اصدارك جديد ( 4.1.0 ) فما فوق لازم تكونين محمله من السورس نفسه الـ ( +appsync 4.x ) علامة الزائد يعني الاصدار اربعه فما فوق tch34

      شيكي من وين مثبته الانستولس من اي سورس وشيكي على الابسينك ، ولو فيه ملاحظات او رسائل خطأ تطلع لك علميني عشان ابحث لك عن حل لها ان شاء الله .. حياك tch15

      • والله كان شغال و يهبل بس فجاء خرب واصداري 4.3.3
        وايضا مسويه app sync+4
        فجاء تحطمت لما حاولت احمل يقول
        Installation Faild:invalid ipa
        وكل ما حمل يطلع جذي ولما اطلع من الانستول يطلعلي مربعات بيض
        ومو مثل اسماء الابلكيشن الي أحاول انزله في واحد من المربعات اسمه
        Adsheet
        Iso
        Failed test
        وفي بعد كم مربع وهاذي مشكلتي  وانا مركبته من السورس الي حاطه
        وشكرا

      • اهلين،
        هذي المشكلة اللي عندك صح؟
        http://farm5.static.flickr.com/4077/4819000387_ea8bd47081_o.jpg

        تحتاجين تسوين لجهازك respring، افتحي السيديا ومن السورس BigBoss ابحثي عن SBSettings ( اللي تطلع لك خيارات لما تسحبين يدك على الشاشة من فوق لتحت ) وبعدين لما تثبتينه اسحبي الشاشة عشان تطلع لك الخيارات اللي زي هالصورة:
        http://www.theiphoneblogging.com/wp-content/uploads/2009/08/sbsettings.jpg

        بعدين شوفي من ضمنهم فيه كلمة respring، اضغطي عليها وان شاء الله يضبط tch40

        • اوكيه بس عندي سؤال
          راح يمسح شيء لاني خايف يمسح البرامج اللي عندي ولا عادي ما يمسح
          وشكرا 

          • اوكيه اخوي مشكور حيل بس الصراحه حيلت المشكله الاولى
            الحين مشكلة الانستول والله عله 

          • معليش يا اختي، كل عضو له مشكلة وحده في اليوم .. مانقدر نساعدك الحين tch34 << ماتوهق ابد tch38 ابشري، بس ياليت تطرحين مشكلتك في تعليق منفصل عشان نتابعها من جديد، هنا ماعاد فيه مكان لنا tch3

          • اوكيه اخوي انا سويت resping ومانجح ومشكور على جهدك فحبيت احد يستفيد انا ذهبت الى ifile ولقيت الملفات على نفس اسم المربعات ومسحتهن وما طلعن لي مره ثانيه وشكرا

  29. يعطيك العافيه جهود جباره باسلوب سهل وسلسل

    السؤال
    عندي اي باد2
    وفيه شريحة بيانات فقط اشبك منها
    وساعات في البيت اشبك على الوير لس الي عندي في البيت

    وعندي جوالي نوكيا فيه شريحتي اس تي اس الاتصالات السعوديه وفاتوره

    الي ابيه انقل الاسماء الي ابي من جوالي إلى الايباد وهي ماهي كثيره تقريباً عشرين رقم ونقلهم سهل يطويا يتم ولا ياخذ وقت

    وجميعهم مركبين اللوتس اب عندهم

    السؤال/ هل بعد عمل كل شي اعلاه اقدر اتواصل معهم
    وكيف يعرفون انه انا صديقهم< خخخخ ابوك يالتعبير
    لان مابي افعل اللوتس اب عن طريق شريحتى الخاصه الي في جوالي النوكيا
    ابي يكون التفعيل عن طريق شريحة الايباد بينات فقط ورقمها لدي اعرفه بس قالوا لي موظف الاتصالات انها انترنت فقط ماتقدر تتصل منها او تكلم منها؟
     هذا والسلام عليكم ورحمة الله وبركاتة
    اهم شي انتم فهمتو مني شي ههههه

    • اهلين، يعافيك ربي .. شكراً tch34
      بالنسبة للتفعيل على شريحه بيانات ما اعتقد ينفع، لانها ما تعتبر كـ رقم جوال، والرقم اللي عطوك اياه هذا ينفعك بس اذا بغيتي تشحنينها وكذا ..

      تقدرين تسوين الشرح اعلاه، واذا جاء وقت التفعيل تكتبين رقمك اللي في النوكيا ( ابو فاتورة ) وبتوصلك رسالة هناك في النوكيا فيها رقم التفعيل، خذي الرقم الخاص بالتفعيل وبعدين اكتبيه في الواتس اب حق الايباد عشان يسوي تفعيل للرقم، بكذا يكون اسمك طالع عندهم لانك استخدمتي الرقم حقك الرسمي .. على قولتك بيعرفون انك صديقتهم tch3 .. وفي نفس الوقت ممكن يكون في الايباد شريحه بيانات وما راح يأثر على الواتس اب، لانه ما يسوي التفعيل على الشريحه الموجودة في الجهاز ولا يهمه في الايباد شريحه وإلا لا ( بدليل انه يتفعل على الايباد الواي فاي فقط ) .. التفعيل يتم عن طريق ارسال رسالة فقط tch40

  30. سسلام اخخوي
    اول ششيء ماششاء الله عليك شرحك وافي

    بس انا عندي ايباد ٢ واخر اصدار طييب وماعندي جليبريك ومماابي اركبه لا اكثر من وحده قالت انه يضر للايباد
    فهل اذا شريت شريحه يمكن اني اركب الواتس اب بدون جلبريك بس بالشريحه يعني

    ومشششششكور

    • وعليكم السلام ورحمة الله، تسلمين tch34
      بالنسبة للايباد مايركب عليه الواتس اب بدون جيلبريك، ومالها دخل الشريحه في موضوع التفعيل لان الشركه اللي مسويه البرنامج محتكرته للجوال فقط ( ايفون – نوكيا – اندرويد )، لكن تقدرين تستخدمين برنامج الاي مسج في الايباد او الفايبر او اللاين، شبيهه للواتس اب وتركب على الايباد بدون جيلبريك tch17

  31. يعطيك العافيه جهود جباره باسلوب سهل وسلسل

    السؤال
    عندي اي باد2
    وفيه شريحة بيانات فقط اشبك منها
    وساعات في البيت اشبك على الوير لس الي عندي في البيت

    وعندي جوالي نوكيا فيه شريحتي اس تي اس الاتصالات السعوديه وفاتوره

    الي ابيه انقل الاسماء الي ابي من جوالي إلى الايباد وهي ماهي كثيره تقريباً عشرين رقم ونقلهم سهل يطويا يتم ولا ياخذ وقت 

    وجميعهم مركبين اللوتس اب عندهم

    السؤال/ هل بعد عمل كل شي اعلاه اقدر اتواصل معهم
    وكيف يعرفون انه انا صديقهم< خخخخ ابوك يالتعبير 
      لان مابي افعل اللوتس اب عن طريق شريحتى الخاصه الي في جوالي النوكيا
    ابي يكون التفعيل عن طريق شريحة الايباد بينات فقط ورقمها لدي اعرفه بس قالوا لي موظف الاتصالات انها انترنت فقط ماتقدر تتصل منها او تكلم منها؟
     هذا والسلام عليكم ورحمة الله وبركاتة
    اهم شي انتم فهمتو مني شي ههههه

    • اهلين، للاسف ماتركب هالطريقة على الايبود 🙁
      ممكن تستخدمين برنامج الفايبر او اللاين .. مجانيات وشبيه للواتس اب

  32. حملت الواتس اب وحمل لكن اذا بدخل وادخل رقم جوالي يقول تعذر في الاتصال بالخادم انا جوالي c3

    • اهلين، الصراحه مامرت علي المشكلة ذي وما معي نوكيا عشان اجرب … لكن بحثت لك عن المشكلة وحصلت اكثرهم يقولون تأكد من التاريخ والوقت tch34

  33. اقدر احمله من هذاك البرنامج اللي لونه سماوي ض1
    وابي طريقة تثبيتوه كيفف ؟؟؟؟؟؟؟؟؟؟؟؟؟؟؟
    همآك تققول بعد مانثبتوه ومدري وش انا اصلا مَ ادري كيف اثبتوه عشان اروح للخطوه اللي بعدوه
    كيف اثبتوه طيبب ؟؟؟؟؟؟؟؟؟ tch32

    • أهلين،
      تقدرين تثبتين البرنامج من خلال الأنستلوس .. اللي ايقونته عليها سهم اخضر .. افتحي البرنامج وابحثي بالاسم عن الوتس اب وثبتيه tch34

  34. السلام عليكم

    البرنامج اشتغل عندي تمااام

    بس المشكلة لما اشبك الايباد بالايتيونز ينحذف الواتساب وارجع اثبته من جديد
    في حل لهذي المشكلة ولا لا tch23 tch23

  35. انا مشكلتي حملت البرنامج واضفت الاسماء من خلال جهات الاتصال في الايباد وكل شي تمام لكن ماتظهر الايقونات والاسماء بالواتس اب tch9 ..! للعلم انه مسجله برقم شريحة جوالي برضه مقدر اضيف قروب لان الاسماء ماتظهر برضوه مقدر اطلع على الرسائل الشخصيه تبع الموجودين عندي بالوا تس ولا اقدر اكلم احد لحد مايكلمني tch7 tch20

    • اهلين، انتي تأكدتي ان الاسماء موجودة في جهات الاتصال صح؟ طيب افتحي الواتس اب بعدين اختاري اخر خيار تحت على اليسار ( Settings ) انزلي تحت وبتحصلين من ضمن الخيارات خيار اسمه ( Favorites ) كم العدد الموجود امام هالكلمة عندك؟

      تحتها فيه كلمة ( Refresh Favorites ) اضغطي عليها وان شاء الله يطلع لك الاسماء الموجودة في جهات الاتصال .. ولو ماضبط سكري البرنامج بشكل نهائي ( بعد ما تطلعين منه اضغطي دبل كليك على زر الهوم السفلي بعدين قفليه من الشريط السفلي ) وجربي مره ثانية tch20

اترك تعليق

اكتب تعليقك
اكتب اسمك هنا