معلومات شاملة عن موقع World Ship
ما هو صندوق البريد الأمريكي ؟
يعنى بذلك حصولك على صندوق بريد في إحدى ولايات أمريكا، يستخدم هذا الصندوق عند شرائك من المواقع الأجنبية ( كـ موقع أمازون على سبيل المثال ) والشحن إليه ومن ثم شحن المشتريات إلى السعودية، لأن غالبية المواقع الأمريكية ليس لديها خدمات توصيل عالمية، وهذا هو السبب الرئيسي لجعلكم تحتاجون إلى صندوق!
كيف أحصل على صندوق بريد امريكي ؟
الكثير يتسأل عن كيفية إمتلاك صندوق بريد في امريكا .. والكثر يعتقد بأن متطلباته صعبه ( بطاقة فيزا امريكية – قرين كارد – واسطة في البيت الأبيض 😀 )، هذي كلها اشياء لا تمت للواقع بصله .. الأشياء المطلوبة هي مجرد معلوماتك الشخصية ( اسمك – عنوانك – رقم جوالك ) ودفع الرسوم الرمزية لمرة واحدة فقط .. وبعدها يكون لديك صندوق بريد امريكي دائم .
معنا اليوم موقع ممتاز جداً، جربته كثير وفعلاً فيه مميزات رائعة وتفرق عن كثير من مواقع الشحن
في البداية نفتح موقع الشركة
نختار التسجيل في الموقع الموجودة فوق على اليسار
بعدين نعبي البيانات الأساسية .. الاسم والعمر والجنس والإيميل وكلمة المرور
بعدين ننزل تحت ونكمل باقي البيانات واللي هي بيانات الشحن ( عنوانك اللي تبي تستلم عليه المشتريات الجايه من امريكا )، والموقع يدعم التوصيل للمملكة العربية السعودية والامارات والكويت وقطر والبحرين وعمان والاردن
تنتقل بعد كذا لدفع رسوم الصندوق .. وفيه خيارين قدامك .. خيار Plus أو Basic
بالنسبة للفروقات بين الباقتين فهم كثيرة .. تقدر تطلع عليها من خلال الضغط هنا او الإطلاع على الصورة اللي تحت
الفرق الأساسي بينهم هو رسوم التسجيل .. البيسك سعرها 24 دولار يعني تقريباً 90 ريال تدفع مره واحدة، مافيه رسوم تجديد ولا حاجه ! ، وطبعاً فيه فروقات ثانية مثل رسوم التصوير وسعر الشحن .. وعلى حد علمي البلس ارخص بحوالي 15% من البيسك، لذا هي تناسب اللي يطلبون بشكل دوري ومتكرر
طريقة دفع الرسوم
بالإمكان دفع الرسوم إما بالبي بال أو عن طريق الحوالة البنكية، تحول المبلغ للأرقام الموجودة بعدين تذكر لهم بيانات الحوالة
ماذا بعد التسجيل ؟
بعد التسجيل بيكون لك لوحة تحكم خاصة فيك، من خلالها تقدر تطلع على جميع الشحنات اللي توصلك .. وتقدر برضو تحدد وش ترسل ووش تترك، بالإضافة إلى أنك تقدر تصور الشحنة بسعر رمزي لو حبيت تتأكد منها .. وهذي الميزة مهمه للي يشتري من موقع زي eBay بحيث تقدر تطلع على المنتج هو نفس اللي طلبته وإلا لا .. عشان يمدي تتهاوش معهم بدري بدال ما تنتظر مدة طويلة لحد ما توصلك الأغراض
هذي مثال على لوحة تحكم الموقع
في الأعلى على اليمين تشوف العنوان البريدي الخاص فيك .. تحتها تحصل الشحنات اللي وصلت لصندوقك
ممكن تحدد الشحنات اللي تبي منها
بعد التحديد ممكن تطلب صورة للشحنة أو تطلب شحنها لك من خلال الاختيار من الخيارات الموجودة في الصورة
لو أخترت شحنها بتطلع لك خيارات الشحن واللي من خلالها تقدر تحدد سرعة الشحن ( سريع / إقتصادي ) وتختار من بين خيارات ثانية مثل التغليف الإضافي أو وضع ملصق ” معرض للكسر ” أو التخلص من صنادق الأحذية من أجل التوفير في سعر الشحنة
بعدين بيطلع لك خيار التأكيد على الشحن ومن ثم ملخص الشحنة
خيارات دفع الشحنات
تستطيع الدفع اما عن طريق الحوالة البنكية، أو الدفع عن طريق الفيزا
لو كنت حاب تستخدم الفيزا ممكن تضيف بياناتها وبعدين تختار هل تبي الموقع يحسم المبلغ مباشرة والا تحتاج الدفعات تكون يدوية .. أو تختار خيار الحوالة البنكية من الاسفل .. لو اخترت الدفعات تكون يدوية من خلال الفيزا هذي هي الطريقة لإضافة رصيد لحسابك ( طبعاً لازم تكون بيانات بطاقتك محفوظة في حسابك )
خدمات آخرى في الموقع
– بإمكانك متابعة شحناتك بالصوت والصورة
– المتسوق الشخصي
هذي الميزة تسمح لك الشراء من بعض المواقع التي لا تقبل الفيزا السعودية أو التي تشترط فيزا أمريكية .. خلوا تشرطهم ينفعهم، لكن طبعاً هالميزة غير مجانية وعليها رسوم تختلف على حسب الباقة اللي أنت تستخدمها
– حساب قيمة الشحن
هذي الميزة تعطيك فكرة عن أسعار الشحنات لبلدك قبل لا تفكر تشتري شيء وتتوهق
خلاصة مميزات الموقع
– إمكانية تجميع الشحنات لمدة 45 يوم
( هالميزة مفيدة جداً، لأن في الغالب اننا نطلب اكثر من غرض ومهوب بالضرورة ترسل الشركة الأغراض في وقت واحد! لذا قد تشحن الأغراض مفرقة وهذي تكون مكلفة عليك لأنه من المعروف أن تجميع الأغراض يوفر عليك )
– إمكانية تصوير الشحنات
– بعد كل شحنه تحصل على نقاط يمكن استخدامها كـ رصيد لك لاحقاً
– المتسوق الشخصي
فيديو يعرض كيفية عمل الموقع
بعد الإنتهاء من كتابة الموضوع، تواصلت مع إدارة الورلد شيب وماقصروا الشباب وعطونا كوبون خصم 5$ على كلاً من الباقة البيسك والباقة البلس .. ليصبح السعر كتالي
كان BASIC 24$ – الآن 19$
استخدم الكوبون التالي أو اضغط هنا
tichno-5
كان PLUS 99$ – الآن 94$
استخدم الكوبون التالي أو اضغط هنا
tichno-5-plus
وختاماً هذي هي صفحه الموقع في الفيس بوك، ممكن تتابعونها عشان تشوفون كوبونات الخصم اللي تنضاف مابين فترة والثانية .. وعاد لا أوصيكم لو شفتوا خصم وإلا شيء علموني عاد 😀
تسلم هلانامل على هذا الشرح الرائع والمميز
و الله يعطيك الف عافيه يالغلا tch1
جزاك الله خير الجزاء , على هذا الشرح الوافي الكافي !
..
لكن إذا فتحنا حساب في هذا البريد , هل يغنينا عن الأبردة الموجود في السعودية المملة في روتينها ؟؟؟
..
أرجو الإجابة لأنه سؤال يهمني !!
امين واياك .. بالنسبة لإستفسارك فهو ما راح يغنيك عن البريد السعودي .. هذا البريد للاستخدامات الامريكية، يعني اي شيء تشتريه ترسله على هالعنوان على اساس انك من سكان امريكا، بعدين الموقع بيرسلها لك هنا للسعودية .. وطريقة الاستلام بتكون عن طريق الفرق حقهم او يوصلونها لك للبيت
شرح جميييل جدا لكن عندي مشكله انا ساكنه بمدينه نجران والموقع مو راضي يطلع المدينه ,,
عندي استفسارات واستحملني شوي,,^^
الان اذا اشتركت بهذا الموقع وامتلكت لي صندوق على قولتك ^^ ابقدر اشتري اي شيء من الامازون الامريكي او موقع asos وغيرها بدون واسطات ..
لاني كنت اول اطلب من هذي المواقع وغيرها لكن عن طريق تجار لهم صندوق وياخذوون مني عموله على شان يطلبون لي من المواقع اللي ابي اشتري منها … وبعضهم ياخ
اهلين وسهلين، حياك ..
ايه تقدرين تشترين مباشرة من موقع الامازون ببطاقتك الفيزا السعودية وترسلين الشحنات إلى عنوانك اللي بيعطونك اياه في الموقع .. وبدون اي وساطه ولا غيره tch40
السلام عليكم
شكرا جزيلا ..
لي فترة وأنا ودي أعرف وشلون أسوي حساب 😀
لكن فيه سؤال ! يمقن يصير غبي بس سلكوا وقولوا وش الجواب ! tch34
الحين لو شريت من امازون او اي موقع ثاني وشلون اضيف اللي شريته لهالموقع ؟؟؟
وعليكم السلام ورحمة الله وبركاته،
اذا اشتركت في هالموقع بيعطونك عنوان امريكي خاص فيك، بعدين تروح لموقع امازون وتختار الاشياء اللي تبيها وتتمم عملية الشراء، بيطلبون منك بيانات الدفع ( فيزا – ماستر كارد .. ) ثم بيطلبون عنوانك، انسخ الحقوق الموجودة في الموقع هذا ( عنوانك يعني ) وبعدين الصقها في الامازون .. وخلاص tch40
جزاك الله خير على التوضيح الحلو|..^^
طيب لازم يكون عندي بطاقه فيزا ..انا ماعندي الا بطاقه البنك العاديه بطاقه الصراف يعني ^^ماعندي بطاقة ائتمانيه tch27 tch20
امين واياك tch26 tch34
ممكن تطلبين بطاقة فيزا من البنك، او لو حابه تأخذين لك بطاقة فيزا ( شحن ) بحيث تحولين فيها الرصيد اللي تبين وغيره ماتعطيك .. فيه كذا بنك مسويها من بينهم الاهلي والراجحي واظن بس منيب متأكد بنك الرياض
والله موقع بطل مسهل جميع امكانيات الشحن وأحسن شي انه مترجم للعربي للناس اللي مثلي عندهم عقب من الانقلش tch15
طبعا مايحتاج اقولك شرحك كافي ووافي يكفي اني قاصة الشريط لافتتاح قسم الشحن بتكنو tch38
وشسمه معليش عندي سؤال غبي شوي لاني الصدق ماقد جربت اطلب من الخارج
هالحين طلبات الشحن تاصل لصندوق البريد حقنا والا يوصلونه لحد باب البيت ؟
< لاتقول وشو صندوكم المهم سلك لاني اسألك ببراءة منقطعة النظير 🙁
اهلين، حياك tch26 .. شرايك في الديكور حق القسم؟ منور ومافيه كلافه 😀
بالنسبة للتوصيل فهو يوصل من امريكا لشركة الشحن الموجودة هنا ( شركة يو بي اس / أو / دي اتش ال ) وبعدين يكلمونك هل تبين يوصلونها لبيتكم والا تستلمينها من اقرب فرع لك؟ tch20
السلام عليكم
شكراً سبعين مره
انا وقفت عند هالمرحله دفع رسوم الصندوق
https://www.tichno.com/wp-content/uploads/9(2).png
اخترت باسيك
لكن وش اكتب بهذا الكوبون كود ؟
وش الفرق
بين التحويل البنكي والبايبال
وتحملنا مبتدأين ..
وعليكم السلام ورحمة الله، العفو tch26 tch34
كتبت امس رد واكتشفت انه مااكتمل بسبب النت، فعذراً على التآخير tch27
بالنسبة للكوبون، اضيفي هذا الكوبون ( tichno-5 ) عشان يخصم لك ٥ دولار من سعر اشتراك البيسك .. بالنسبة للفرق بين التحويل والبي بال ، فـ البي بال موقع تسجلين فيه بيانات بطاقتك الفيزا وتسوين العمليات الشرائية عن طريقة بحيث يكون لك كـ ضمان ما تنسرق معلومات بطاقتك ( الفيزا ) وكثير ناس يستخدمونه، طبعاً له سياسة حماية وتقدر ترجع فلوسك لو لعبوا عليك وكذا، لكن ماعندي عنها تفاصيل كاملة ممكن تحصلين موضوع مشروحه فيه فوائد البي بال يفيدك اكثر مني tch8
بالنسبة للتحويل فهو تحويل من حسابك البنكي إلى حساب الشركة، زيه زي اي حوالة بنكية عادية تتم بدون بطاقة فيزا ولا غيرها.. بس tch20
اتمنى اكون افدتك، وحياك اي وقت tch28
بصراحة شرح وافي
وانا من زمان ابحث عن شركة تجمع الشحنات
وانا عاشق للشراء من المواقع بالذات امازون
يعطيك العافية على الموضوع الرائع
مشكوووووووور ويعطيك الف عافيه ..
فيه كم سؤال عالطاير 😀
اذا طلبت مثلا من امازون .. الفلوس تؤخذ من امازون ولا من موقعي ؟ .. وهل لازم اروح لصفحتي في “الوورد شب” أأكد الطلب ولا لأ ..
tch23
أهلين، إذا انت دخلت موقع امازون بنفسك واشتريت بحسابك من هناك الفلوس تأخذها امازون مباشرة من بطاقتك المربوطة بحسابهم، بعد ما تتم عملية السحب تشحن البضاعة إلى صندوقك في الورلدشيب وبمجرد وصولها للصندوق توصلك رسالة على بريدك tch34 .. ولا ما يحتاج تأكد للورلد شيب أي شيء tch20
خدمه مميزه مشكور على الشرح الوافي و التغطيه المميزه
بديت اشك ان لك سهم في الشركه <<< عطني خصم ولا علمت خخخخخخ
ارشح للموضوع عنوان
كيف تمتلك صندوق شاهي يجي ويروح من امريكا بكل امان tch13
<<<< برا
الله يعطيك العافيه على الشرح الوافي ،،،
عندي سزال هل تخصم القيمه عند طلب السلعه او بعد مايستلمها الموقع ؟؟
– فيه طريقه في الموقع اشتري منه بدون ماادخل على الامازون مثلا؟
الله يعافيك ياعزيزي ..
انت تقصد اي سلعة؟ يعني اذا شريت شيء من امازون قصدك؟ اذا قصدك كذا فهم مالهم دخل .. انت تدفع لأمازون والامازون يشحن السلعه للورلدشيب .. بعد كذا تكون السلعة موجودة قدامك في لوحه التحكم .. اذا طلبت شحنها وقتها يعطونك السعر ويقولون لك ادفع فقط tch34
– ممكن تشتري من موقع الورلد شيب مباشرة، عن طريق المتسوق الشخصي، لنفرض انك شفت سلعه في امازون او موقع ثاني مايبيع للسعوديين .. ببساطة تاخذ رابط الصفحه والمعلومات حقت السلعه ومن خلال المستوق الشخصي يشتريها لك موقع الورلدشيب ويرسلها لصندوقك مباشرة. tch36
مشكور اخوي عى الشرح الرائع وعندي بعض الاستفسارات
اذا اشتركت معهم,, فقط يعطوني عنوان للشحن بامريكا و مايفتحون لي عنوان شحن في الرياض ؟ اذا لا ,,ممكن تفيدني كم ياخذون رسوم هالشركتين يو بي اي ودي اتشل وايهم افضل وطريقة فتح البريد عندهم
اهلين اخوي .. بالنسبة للشركة فهي تفتح لك عنوان امريكي فقط، اما بالنسبة للسعودية فبمجرد ماتوصل اغراضك للمدينة اللي انت محددها بيتصلون عليك وبيكون لك الخيار اما توصيلها لمنزلك او استلامها من اقرب فرع يناسبك.
وين موقعكم بالتفصيل بالاردن
وبالضبط في عمان
ياريت تردو خبر باسرع وقت
اهلين، من هنا تقدر تتواصل مع الشركة:
http://www.worldship1.com/ar/contact_us/
الله يجزااك خير بصراااحه شرح رااائع
اخوي لو سمحت سؤال بس .. هل في كل شحن يسحبوون من الرصيد والتسوق من المواقع الاجنبية وشحنها هل هو باهض التكاليف كما نسمع ام انه تقريبا مثل اسعار البضائع لدينا.. وشكرا لك tch28 tch28 tch26 tch26
امين واياك يارب ..
بالنسبة لسؤال الشحن فما فهمته زين الصراحه، لكن عموماً الصندوق رسومه مره وحده مدى الحياة يعني مافيه رسوم شهرية، ما راح تدفعين اي شيء الا لما تبغين تشحنين اشياء من الصندوق حقك .. اما بالنسبة للفروقات بين البضائع عندنا وبرا فهي تختلف من مجال لمجال.. يعني الاشياء الإلكترونية تختلف عن ادوات التجميل تختلف عن ماركات الملابس .. لكن بشكل عام يعتبر فيه فرق ملحوظ وبرا ارخص بكثير خصوصاً للماركات tch25
الله يجزاك خير..
أنا فتحت حساب..واشتريت من امازون ..وتم شحنة وشيكت على موقع ورلد شيب..و وصلت الشحنة..وعملت طلب شحن للسعودية…الى هنا انا تمام
ولكن صادفتني أشكاليتين.. الولى: لما تعمل طلب الشحن ..توقعت انه راح يقول بعد حسبة الطلبات تغليف واعادة تغليف..الخ..أن الحساب : كذا ( يذكر المبلغ) ولكن اظهر انه لايوجد N/A
عملية شحن رصيدي ..الى الان مو عارف وش الحل..مو راضي يشحن.. أو بالأحرى مو راضي لي الموقع اني أحط خاصية الربط مع بطاقة الفيزا..ومصر اني أعمل حوالة مالية..
وش الحل؟
أمين واياك وكل مسلم يارب ..
بالنسبة للحساب يطلع بعد ما يتم التغليف .. لما تسوي طلب التغليف ما ينكتب لك المبلغ، بعد ما تخلص عملية التغليف يرسلون لك ايميل وبعدها تدخل على حسابك وتشوف المبلغ ..
بالنسبة لعملية شحن الرصيد .. اول شيء تروح لخانة ( رصيدك في الموقع ) تعبي بيانات الفيزا وتسوي تحديث للمعلومات، بعدها تنزل تحت بتحصل خانة الحوالة والفيزا .. تكتب اول شيء المبلغ، بعدها تختار طريقة الشحن ( واللي هي الفيزا ) وبتطلع لك تحتها كلمة إضافة المبلغ للرصيد .. وخلاص tch20
معليش ع الازعاج
طيب فرضنا فتحت الحساب واشتريت وسويت كل شي
الشحنه هل تسلم من الجمارك هذا اولا
ثانيا لما ارسلها لفيدكس او ارمكس هل لازم يكون عندي حساب بارمكس عشان التوصيل
ثالث شي تشحن مكياج وسوائل
ويعطيك الف عافيه
مرحباً، بالنسبة للجمرك فهو يعتمد على حسب الشركة اللي بتختارها عشان تشحن اغراضك، غالباً شركة DHL يطلبون جمرك على الاغراض.
لا ماتحتاج حساب في ارامكس او غيره، الورلدشيب هم اللي بيعطون بياناتك لشركات الشحن.
بالنسبة للأغراض الممنوعة الأفضل تتواصل معهم وتتأكد من المنتج اللي تحتاجه هل ينشحن أو لا. هذا حسابهم على التويتر:
https://twitter.com/WorldShip1
تسلم لي ياشبدي
انا لما أجي أشيك على الطلب في الموقع للأوردر تبعي يعني في : STATUS
يقول ان الشحنة في مرحلة PREPARING U ORDER
هل هذه هي المرحلة اللي تقصدها انت بكلامك انهم يغلفون الشحنة وبعدين يقولون لك؟
وجزاك الله خير
والله انك أبرك من صديقي محيسن ..أدق علية يعلمني ولا يرد هالتعبان..وهو اللي جر رجلي لطريق الأمازون والأدمان tch17
أهلين .. ايه صحيح هذه هي الحالة، إن شاء الله بمجرد ما يخلص التغليف يرسلون لك الإيميل وتطلع لك تفاصيل الشحنة كاملة tch20
ولا يهمك محسين ترا هذي حركاته دايم <<-- قام يفتن بينكم tch38
صبحك بالخير..
الله يجزاك خير.. الأمور مشت مثل ماقلت لي.. وتم شحن الاكاونت حقي عن طريق الكرديت كارد..وارسلوا لي انهم أستلموها..
حبيت اشكرك على اللي مساعدتك..
تصدق أن محيسن للحين مارد علي
ارسلت له مسج اني لقيت اللي اطلق منه..قام رد علي وقال..خل خويك الجديد ينفعك.
تتوقع زعل… عاد هو مامنه حسوفة..بس ميزتة الوحيدة أنه يسلف
تسلف انت؟؟ tch29
صبحك بالنور .. الحمد الله تسهلت امورك tch34 tch26
سلف؟ .. لا اجل دام كذا أنا اقول نعطي محسين فرصه .. حرام مسكين tch38
مساء الخير خيوو
الله يعطيك العافيه شرح وافي وكافي ، والله لايحححرمك الأجر
عندي سؤال يمكنك جاوبت عليه لكن مو قادره توصل المعلومه لمخي : /
الحين سويت حساب وكلش واشتريت وحبيت انقل البضاعه من الوورلد شيب للسعوديه كيف الطريقه ؟
هل لازم يكون عندي صندوق بريد فالسعوديه ؟ طيب اللي ماعنده صندوق بريد سعودي وش الحل بالنسبه له ؟
أهلين .. مساء النور
الله يعافيك يارب .. بخصوص إستفسارك فـ ما يحتاج يكون عندك صندوق بريد سعودي .. أهم شيء تكتب اسم المدينة واسمك ورقم جوالك، ولما توصلك الشحنه بيتصلون عليك ووقتها تستلمها من أي فرع يناسبك.
مشكورين على الموضوع الرائع
إلا أن الموقع لدول محددة فقط زيما هو واضح في التسجيل
كيف إذا كان عنواني في غير هذه الدول؟
أنا أقيم في اليمن حالياً .. هل هناك طريقة مشابهة لطريقة WorldShip
أكرر شكري لكاتب الموضوع.. وللموقع..
تحياتي tch21
أهلين، العفو tch34 tch26
للأسف لا أعرف شركات أخرى ..
مشكور أخي عبدالعزيز على سرعة ردك وتفاعلك
من خلال البحث وجدت عدد من الشركات يمكنها تقديم نفس الخدمة.
وستكون قيد التجربة.
تحياتي لك.
السلام عليكم
انا ايضاً من اليمن و عندي رغبه بالتسوق من النت ممكن تقولي ماهي الشركات المشابهه ل worldship والتي قد تشحن سلعي لليمن
السلام عليكم ورحمة الله
الله يسلمك انا جمعوا لي الشحنات وخلصوا وابي احول عن طريق حواله بنكيه بس ماعرفت
هل لازم يكون عندي بطاقه ائتمانيه؟ والا احول ل شركة المتاجره الرقميه ؟؟ لأن يوم اسوي الحساب حولت لها
وعليكم السلام ورحمة الله وبركاته،
بالنسبة للدفع فـ تقدر عن طريق البطاقة الإئتمانية أو عن طريق الحوالة البنكية .. لو تلاحظ في هالصورة :
https://www.tichno.com/wp-content/uploads/worldship-pic2.png
فيه خيار التحويل البنكي .. تختاره وتعبي البيانات اللي بتطلع لك ( معلومات عن الحوالة اللي سويتها ) وبعد كذا الفلوس اللي حولتها بتنضاف للحساب حقك .. وتقدر تدفع بعدها شحناتك tch17
جميل ,,
طيب سؤال آخر الحين هم اعادوا تغليف شحناتي و ابي اطلب زياده
هل بيفكونها ويضيفون الجديده والا راحت علي ولازم اشحن الزايد لحاله؟
مرحباً .. إذا أنت طلبت تغليفها خلاص ما تقدر تضيف لها شحنات إضافية .. أي شيء جديد بيكون في شحنه مستقلة tch36
الله يعطيك العافيه ويجزاك خير على دقة و سرعة الاجابه tch28
مرحبا اخوي
عندي سؤال
لو كان عندي حساب ببنك امريكي هل هو نفس الشي ؟
أهلين. لو كان عندك حساب في بنك أمريكي بيسهل عليك عملية الدفع لكن المشكلة بتكون عند إستلام الأغراض! وين بتكون؟ ومن بيستلمها؟ ما أعتقد البنك بيستلم أغراضك وبيرسلها لك للسعودية tch3
السلام عليكم
اشكرك على شرحك وتعاونك معي
انا سويت كل شئ انت قلتوا , وضوعوا المبلغ في الحساب وسدت قيمة الشحنة
وش بيسير بعدين؟ وفهمت انو الشحنة بتيجي قريبا وش بسوا؟؟؟؟؟؟؟؟؟؟
وكيف اتابع الشحنة بالصوت و الصورة؟
ومشكوووور لو رديت علي
😀 😀
وعليكم السلام ورحمة الله وبركاته،
أهلين .. العفو حياك ربي أي وقت tch34 tch26
بالنسبة لمتابعة الشحنة صوت وصورة tch3 .. ادخل على حسابك في الموقع ثم أختر الخانة ( الطلبات السابقة ) ثم بعد كذا أختر كلمة ( عرض التفاصيل ) الموجودة أمام الشحنة اللي تبي تتابعها وبتفتح لك صفحة متابعة للشحنة، وعلى فكرة ترى الشحنات الإقتصادية تنشحن من أمريكا للسعودية يومين الخميس والأثنين .. يعني مثلاً لو تجهز شحنه وتدفع قيمتها يوم السبت بتنتظر لين يوم الأثنين عشان تنشحن من هناك للسعودية، بينما الشحن السريع ينشحن كل يوم بيومه tch8
السلام عليكم ,
بالنسبه للتسجيل بالموقع
انا سجلت وحولت لهم الفلوس , لكن احاول ادخل حسابي يقول البريد / الرقم السري خاطئ
هل يلزم تفعيل من عندهم ؟ اقصد حتى يتأكدون اني ارسلت رسوم الاشتراك ؟
وكيف اعرف ان حسابي تفعل ؟
وعليكم السلام ورحمة الله وبركاته،
أهلين أخوي .. أعتقد إذا كانت الحوالة بنكية قد يستغرق الموضوع 24 ساعة كـ حد أقصى، أتوقع مثل ما ذكرت التفعيل يدوي أو شيء من هالقبيل tch3 .. عموماً لو تجاوز موضوعك 24 ساعة وحسابك ماتفعل، أفتح الموقع وتواصل مع الدعم الفني وإن شاء الله تنحل المشكلة بسهولة tch17
يعطيك العافيه
اريد ان استفسر اخي ازا طلبت لابتوب مثلا من ابل مع ملحقاته ماوس وشنطه و نفذت كل الخطوات فهل الشركه تعتبر مبلغ فتح الحساب هو قيمة الشحن ؟
ولا قيمة الشحن لوحدها ؟
وعلى فرض هذه الشحنه للرياض – السعوديه فكم ستكلف تقريبا ؟ يعني حتى اضع في الاعتبار مبلغ الشحن ؟ يتراوح بين كم وكم ؟
يعطيك العافيه
أهلين،
قيمة فتح الحساب مستقلة وهي رسوم ثابته وليس لها علاقة بالشحن، مثلها مثل لما تروح للمستشفى ويطلبون منك رسوم لفتح الملف .. مالها دخل في رسوم الكشف عند الطبيب tch3
بالنسبة لقيمة الشحن فـ أول شيء تحتاج تعرف الوزن اللي راح تشحنه، في حالتك تحتاج تدخل موقع أبل وتشوف وصف المنتج اللي تبي تطلبه، بتحصل من ضمن المعلومات وزن المنتج . اجمع الأوزان بشكل تقريبي وبعدين أدخل موقع الورلدشيب
https://www.worldship1.com/Rates.aspx?lang=ar
اكتب الوزن وبتطلع لك قيمة الشحن كم بالضبط tch20
شكرا جزيلا لك … سؤال ثاني واسف عالازعاج في موقع ابل كاتبين بانهم لا يقومون بالشحن ل (صناديق البريد)… هل عندك معلومه بهذا الخصوص ..؟
يعني بعد اشتراكي بالموقع ازا وضعت العنوان هل رح تعتبره ابل عنوان وتقوم بالتوصيل له او تعتبره صندوق بريد وترفض ارسال الطلب له وشكرا لك
العفو tch34
فعلاً ابل كاتبين مايشحنون للصناديق لكن عنوان الورلدشيب يعتبر عنوان ( Street Address ) يشحنون له عادي، أنا مجربة معهم أكثر من مرة tch20
اخوي انا سويت خطوات التسجيل
وحولت المبلغ
وقالوا سوف يتم ارسال رسالة تاكيد
استلمت رسالة التاكيد وفيها رابط مطلوب الدخول عليه
المشكلة الرابط ما يفتح معي
يعطيني حاول مرة اخرى او اتصلوا بنا
وكلهم لما اضغط عليهم ما يشتغلوا الروابط
وش الحل الحين انا فلوسي راحت
يعني معقولة شركة عالمية والسرقة عيني عينك
مرحباً،
حياك أخوي .. لو سمحت جرب هذا الرابط :
https://www.worldship1.com/Member/Login.aspx?lang=ar
مبروك عليك الشهر
و شكرا على هذا الشرح
عندي استفسارين اذا ممكن
1- احس ان قيمة الشحن عندهم اغلى من غيرهم اللي يقدمون نفس الخدمة. شرايك انت؟
2- كيف اقدر افعل خاصية استخدام بطاقة الأئتمان من أمريكا حيث ان بعض المواقع تطلب بطاقة ائتمان امريكية المنشأ لشراء المواد؟
و شكرا مقدما على الأجابة
أهلين .. علينا وعليك يارب tch26 tch34
بخصوص استفسارك عن السعر، اذكر شفت موضوع على السريع في موقع البوابة الرقمية كان يقارن فيه بين اسعار شركات الشحن، وكانوا الورلدشيب هم الأرخص .. منيب متأكد من طريقة حسبته وهل هي صحيحة أو لا لكن عن نفسي مقتنع أنهم الأرخص لأن عندهم تجميع شحنات وهذي بتوفر عليك شيء كثير ومافيه رسوم سنوية أو غيرها. مجرد رسوم فتح الحساب.
بالنسبة لإستخدام البطاقة الأمريكية فهذا مالها دخل في الورلدشيب .. هذي بينك وبين الموقع اللي تشتري منه .. يعني لما تشتري من موقع امازون مثلاً بيطلب منك تعبي بيانات الدفع .. لو بطاقتك امريكية وعندك جميع البيانات تعبي البيانات بناءاً على بطاقتك .. ولو بطاقتك سعودية تعبي البيانات بناءاً عليها.. شركة الشحن مالها دخل .. وأما المواقع اللي تطلب بطاقات امريكية فهي قليلة، وأذكر اشهرها هو رالف لورين .. والان سمحوا ببطاقات الفيزا الخاصة بالخليج أبشرك tch3
السلام عليكم
شكرا على هذا الشرح الاكثر من رائع
حبيت استفسر الحين انا ودي اطلب من شركة امازون ويكون توصيل الطلبيه لاخوي في امريكا
يعني شسوي اكتب عنوانه ويوصلونه له او هو يروح لمهم ؟
شكراً لك
وعليكم السلام ورحمة الله وبركاته
أهلين وسهلين .. أيه ممكن تشتري الأغراض وترسلها لأخوك وهم بيوصلونها لحد بيته أو شقته، لكن لازم تأخذ منه العنوان الكامل وخلاص tch17
السلام عليكم
الله يجزاك خير عالشرح , واافي .
بس بسأل سؤال غبي معليش بس توني مبتدئة ..
الحين في التسجيل يطلب مني , عنوان 1
عنوان 2
وش أكتب هنا ؟
يعني أكتب المدينة ؟
والا عنوان وشو ؟
وإذا كان عنوان بيتي أكتب الشارع وكذا ؟
ياليت توضح لي الله يعافيك 🙁 tch28
وعليكم السلام ورحمة الله وبركاته،
أهلين .. أمين واياك وكل مسلم يارب tch34 tch26
ممكن تكتبين اسم المدينة والحي واسم الشارع مثلاً .. أهم شيء المدينة ورقم الجوال لانهم بيتصلون عليك اذا وصلت الشحنة.
اخوي انا سجلت عن طريق التحويل وحطيت تحويل عن طريق النت حكيت حسابي واسم صاحب الحساب وش المطلوب مني الحين ؟
أهلين .. بعد التحويل تنتظر فترة مابين 24 إلى 48 ساعة كـ حد أقصى وإن شاء الله يتفعل حسابك وتوصلك رسالة على ايميلك أنه تم التفعيل ..
ما عرفت اسجل tch14
والله ان موقع ورلد شيب آنه tch17
بس ماعرفت اسسجل 🙁
اللي ماعرفتله هو مكتوب عنوان 1 tch32
و
عنوان 2 tch32
يعني اكتب اسم الشآآرع اللي انا فيه ولا كييف tch23
و يَ شباب اللي يعرف يسدح المعلوومه هنا tch19
,
وسلامتكم tch28 tch27
أهلين .. بالنسبة للعنوان رقم 1 ورقم 2 فهي تكون اسم الحي والشارع أو المنطقة .. شيء زي كذا tch34
أولا السلام عليكم
أود أن أشكر المبدع صاحب الشرح tch19
صراحتا شرح مدمر .
المفروض بعد هذا الشرح ممنوع أي واحد بالعالم يحط سؤال عن World Ship
tch37
مع ألف شكر
(M070RK)
ياشباب اراميكس أرخص سويت مقارنة نص كيلو طلع ٣٥ دولار شحن سريع من ثلاث الا خمس ايام وشوب اند شيب طلع الفرق ٦٠ ريال ؟؟؟؟؟؟؟؟؟؟؟ وشحن اراميكس ثلاث ايام
أهلين .. يعطيك العافية على الحسبه السريعة tch3
بالنسبة لشوب أند شيب فـ عندهم عيب أنهم مايجمعون الشحنات .. يعني لو مثلاً دخلت موقع أبل وطلبت ايباد وكفر له بيرسلون لك ابل الاغراض على شحنتين .. الكفر لحال والايباد لحال .. وطبعاً شوب أند شيب بيشحن أي شيء يجيه .. يعني بيطلع لك الكفر بـ 100 ريال والايباد شحنه بـ 135 ريال .. يعني دفعت الأن 235 ريال على شحن أغراض مايتجاوز وزنها كلها 2 كيلو .. ( وأنا مجرب هالنقطة على فكرة ) .. طبعاً لو بتجرب تشتري أغراض من أمازون بيكون لها سالفة ثانية لان حتى لو طلبت الأغراض كلها في طلب واحد بيختلف مواعيد الشحن لأن مو كلها من بائع واحد وبرضو قد يتأخر شيء عن شيء لأنه غير متوفر أو كذا .. وبتكون أنت ضحية الشحن tch25
*
نرجع لحسبتك اللي سويتها .. أنا الأن دخلت موقع شوب أند شيب
http://www.shopandship.com/ship/countries-rates.aspx
بتحصل على اليسار خانة ( Rates Calculator ) اضغط عليها وأختر السعودية واكتب الوزن مثلاً ( lb 5 ) وشف الحسبه كم بتصير ؟ انا طلعت لي 205 ريال.
بعد كذا أدخل على الورلدشيب
https://www.worldship1.com/Rates.aspx?lang=ar
وأختر الخطة Basic (واللي تعتبر أقل الفئة سعر وأغلاهم سعر في الشحن ) وبعد كذا اختر الوزن ( 5 lb ) زي مااخترنا في الشوب اند شيب .. كم بيطلع لك السعر؟ انا طلع لي سعر الشحن الأقتصادي ( واللي يكون عن طريق شركة اراميكس ) بـ $48.99 يعني تقريباً بالريال السعودي 184 ريال .. هذا لو كانت خطتك بايسك .. بينما لو كانت الخطة بلس بيكون سعر الشحن عليك بـ $43.99 يعني تقريباً 167 ريال tch20
السلام عليكم ورحمة الله وبركاته
عندي استفسار ……… هل صندوقي في الورلد شيب يفضل ولا يتلغي ؟؟؟؟؟؟؟؟؟
(انا سجلت ب 24$)
وعليكم السلام ورحمة الله وبركاته
أهلين .. لا ياعزيزي الصندوق لك مدى الحياة ولن يتم إغلاقة أو غلقة ولا يوجد رسوم تجديد أو غيرها .. فقط قيمة الاشتراك التي تم دفعها مسبقاً ( الـ 24 دولار)
من جد استعجلت اعلن الانسحاب tch3 بس تدري ليه قلت كذا لاني طلبت شي وزنه 1 Lb وطلع بالوورلد Economy : $16.9
والشوب اند شيب ٦٥ ريال والوورلد تقريبا ٦٤ ريال بس لو تلاحظ الوورلد بين ٧-١٠ ايام اما الشوب عن تجربة ٣-٤ ايام وهي عندك بفارق بسيط
أهلين .. لا شدعوه الموضوع مهوب مسألة أنسحاب ولا شيء tch38، إذا أنت مقتنع بالشوب أند شيب أو غيرهم تعامل معهم لأنه في الأول والاخير الموضوع لك وأنت اللي بتدفع وتبي تختار الخدمات اللي تناسبك tch8 .. بالنسبة للسعر فـ مثل ماذكرت لك لا تقارن في الأوزان البسيطة وركز على فكرة تجميع الشحنات لأنها هي الميزة الأهم بالنسبة لي tch1
بالنسبة للوقت فـ الشحن الأقتصادي مثل ما ذكرت أنت مكتوب من 7 إلى 10 لكن ما عمرها وصلت 7 ايام معي .. أتوقع يكتبون كذا بس من باب الإحتياط .. أنا شاحن أغراض يوم الخميس واليوم وصلت ( اليوم الأحد ) يعني تقريباً 4 ايام .. وإلا؟ tch23 <<-- جالس يعد الأيام بأصابعة tch38
ادري طلعت عيونك وغثيتك بس استحملنا tch3
اللحين حاطيلي يوم قلت طلب شحن رسوم تغليف ٤$ ليش؟ وانا ماطلبت تغليف ولاشي الشي الثاني مكتوب الوزن٠.٩ والوزن الحجمي ٣ lb وش ياخذون الحجمي ولا العادي ومتى يجهز الطلب عشان ارسله tch3
أهلين .. بالنسبة لرسوم التغليف فيختلف مبلغه بحسب الخطة حقتك .. سببها أنه لو كان عندك عشر شحنات في حسابك وحبيت تشحنهم ما راح يشحنون لك هالشحنات في عشر كراتين زي ماوصلتهم .. لا! راح يتم جمعها وتغليفها في كرتون واحد عشان يكون سعر الشحن بالنسبة لك أرخص .. وهذي هي ميزة تجميع الشحنات اللي ذكرتها، بالنسبة للوزن اللي يتم اختياره فـ هذي ما أدري عنها صراحة ممكن تجرب تتواصل معهم هم راح يفيدونك أكثر مني tch20
اما بالنسبة لمتى يتم التجهيز فـ غالباً بعد ماتسوي طلب الشحن تجلس كذا ساعة وينتهي التجميع، كـ حد أقصى 24 ساعة وبعدها يوصلك إيميل أنه شحنتك جاهزه ووزنها كذا وسعرها كذا
السلام عليكم انا عندي ؟
ايش معنى الولاية\المنطقة
وعليكم السلام ورحمة الله وبركاته،
ممكن تكتب فيها اسم المدينة واسم الحي
السلام عليكم ورحمة الله
العنوان الامريكي من الورلد شب المعلومات التي تنكتب مثل اسم المدينة والدولة والشارع . لازم يكون عنوني الحقيقي في السعودية ولا اكتب اي عنوان
وعليكم السلام ورحمة الله وبركاته،
ايه نعم لازم يكون عنوانك الحقيقي عشان يقدرون يوصلون لك الاغراض
` انا عندي ؟
ذحين مافي تحول لما تسجل مافي ماستر كاد و فيزا ليه ما في تحويل زي الصورة اللي
شفتها
مرحباً، ممكن الموقع حدث طريقة التسجيل.
انا مبتدئة tch30
الحين اسألتي متأكدة بتصدمك –> ذكية مارا tch31
لما جيت اسجل مكتوب العنوان عنوان بيتنا ولا وش ههههههههههههه
ترا مااستهبل والله جد —> بسم الله علي من العين
ومكتوب الرمز البريدي : ماعندي وش اكتب
والي تحتة
ماقطعه الدولة
متنقل
(وش اكتب فيهم )..
انا الحين في التسجيل البداية tch5 –> يافرحتك tch27
أهلين .. بالنسبة للعنوان فـ تكتبين عنوان بيتكم لأن هذا هو العنوان اللي بيرسلون عليه البضايع من أمريكا .. يعني مثلاً لو حطيتي عنوان وهمي او حطيتي عنوان بيتنا مثلاً tch3 .. بتوصلني اغراضك 😀
بالنسبة للرمز البريدي هذا أكيد موجود عندكم، ولو ماتعرفينه أسألي أبوك أو اي احد من اخوانك اكيد بيعرفه tch40
مافهمت وش قصدك بقطعة الدولة؟ المفترض تكتبين عنوانك الحالي عشان توصلك الاغراض عليه .. يعني السعودية، الرياض، حي كذا وكذا، شارع كذا، واهم شيء رقم الجوال لان توصلك رسالة عليه إذا وصلت اغراضك tch40
ياخي الفيس هذا يعجبني لدرجة إنّي أردّ عشانه tch24
بس والله الموضوع جاااامد ماشاء الله دمتم لنا سالمين tch31 tch28
السلام عليكم
كل ما ادخل باسوورد يطلع لي غلط، و يقول لازم أقل شيء 6 حروف/ أرقام ، و بالفعل دخلت باسوورد أكثر من 6 حروف ، و فيه 6 أرقام و لكن برضه ماسك معاي غلط ، ايش ممكن تكون المشكلة
السلام عليكم ..
تجيني هذي الرسالة..
Please enter your information in English. Your name must exactly match the name on your identification (ID)
حاولت يمين يسار ماضبط معي ..
وش الحل
وعليكم السلام ورحمة الله وبركاته،
أهلين .. لازم تكتب بياناتك باللغة الأنجليزية ( الاسم والحي والعنوان .. )
السلام عليكم
بسأل هم يتعاملون بالوزن وكم اقصى وزن ممكن
وعليكم السلام ورحمة الله.
أيه نعم يتعاملون بالوزن، من هنا تقدر تشوف الاوزان والاسعار التقريبية
http://www.ws1.com/Rates.aspx?lang=ar
الحين انا عندي سؤال بخصوص اسعار الشحن
هي كذا طبيعي غالية؟ tch9
احس اني سجلت وتوهقت tch41
أهلين .. لا هذي هي الأسعار المتعارف عليها.
بالنسبة لك بتكون أرخص إذا ارسلتي مجموعة اشياء مع بعض .. يعني لو بترسلين مثلاً كوب بتدفعين الحد الأدنى للشحن واللي هو ما يقارب 65 ريال مثلاً .. ( يعني تكلفة الكوب الواحد 65 ريال! ) .. بينما لو ارسلتي ثلاث اكواب يمكن تدفعين 100 ريال مثلاً ( يعني تكلفة شحن الكوب بدال ماهي 65 ريال بتكون 30 ريال وشوي!) وهكذا .. يعني هم عندهم ميزة التجميع واللي توفر لك شيء كثير tch34
وإذا انتي متوهقه مره مره عادي اشتري منك حسابك ترى tch38
فيه شي ثاني بعد.. الشراء عن طريق الموقع مو موجود tch32
أهلين .. ايه خدمة المتسوق الشخصي حالياً موقفة
يا اخوي انا طلبت طلبيه من الامازون و أتممت اجراءات التسجيل تمام في الوورلد شب , وصلتني رساله من الامازون ان شحنتي وصلت من يوم 2/مارس
و دحينا كل ما ادخل حسابي علي الوورلد شب ما احصل شحنه واصله عليه ,
اتصلت علي الرقم المجاني في السعوديه و ما بردو
ايشس ممكن يكون الغلط ؟!! tch32
أهلين .. بالنسبة لشحنتك فـ هي وصلة على الويك أند، عشان كذا تأخروا في إضافتها اعتقد .. لأن السبت والاحد اجازة هناك. اما بالنسبة للإتصال فـ تأكدي أن اتصالك يكون في اوقات دوامهم ( من الساعة 4 العصر إلى الساعة 12 الليل ).
الله يجزاك الجنة ياااارب
الله يسعدك دنيا و اخره
ويني انا عن الموقع هذا , الله يعزك يا قوقل
والله لي فوق الشهرين تتقوطر عيوني على اغراض الامازون و غيرها و مانيب عارفه كيف اشتري
يافرحتااااه جعل ايدياتك تحرم على النار ووالدينك يارب tch1 tch3 tch9 tch5
طيب عندك فكره عن امازون بريطانيا ؟
أهلين .. بالنسبة لأمازون بريطانيا تحتاج يكون عندك صندوق بريد بريطاني، ممكن تشوف شركة شوب أند شيب Shop And Ship هم اللي عندهم صنادق بريطانية، لكن ما أنصح في الامازون البريطاني لأنه اغلى، ولأن الشوب اند شيب ماعندهم خدمة تجميع الشحنات، يعني بمجرد مايوصلهم اي غرض لك بيرسلونه لحاله!
السلام عليكم
اخي والله شكلك تعبت كثير بس جعله في ميزان حسناتك
بس اخي معي استفسار انا من اليمن ولا يوجود لليمن هل في حل ثاني
ويا ريت تجاوب tch28 tch28 tch28
وعليكم السلام ورحمة الله وبركاته،
أهلين .. حياك ربي
للاسف ما اعرف حل ثاني لليمن 🙁
الآن أبي أسجل لكن مو عارفة كيف أسجل العنوان الأول ، والعنوان الثاني ..
وبرضو الرمز البريدي اللي هو للمدينه نفسه صح ؟
وحاجة ثاني أقدر أغير العنوان بعدين ؟ عشان اذا نقلنا
وشكراً ع الموضوع الجميل . جُزيت خيراً tch28
مرحباً،
العنوان الأول والثاني تكون خاصة بسكنك .. مثلاً:
العنوان الأول: اسم الحي
العنوان الثاني: اسم الشارع + رقم البيت أو الشقة
بالنسبة للرمز البريدي فهو للمدينة نفسها نعم .. ويتغير العنوان في أي وقت بكل سهولة من لوحة التحكم الخاصة فيك.
العفو حياك tch26 tch34
لو سمحت اخوي
انا اتنقل بين جدة والرياض … هل اقدر اغير عنوان المدينة قبل لا اطلب تغليفها وارسالها .. وكيف؟
او لازم اسجل بحساب اخر؟
السؤال الثاني:
هل الافضل تسجيل العنوان كامل من شارع ورقم البيت ومدينة
او تكفي المدينة بس ..
وشكرا
مرحباً،
ممكن تضيف عنوانين، وختار وقت الارسال ايهم ترسل له.
الافضل العنوان كامل.