معلومات شاملة عن موقع World Ship

شعار موقع ورلدشيب worlship logo

ما هو صندوق البريد الأمريكي ؟

يعنى بذلك حصولك على صندوق بريد في إحدى ولايات أمريكا، يستخدم هذا الصندوق عند شرائك من المواقع الأجنبية ( كـ موقع أمازون على سبيل المثال ) والشحن إليه ومن ثم شحن المشتريات إلى السعودية، لأن غالبية المواقع الأمريكية ليس لديها خدمات توصيل عالمية، وهذا هو السبب الرئيسي لجعلكم تحتاجون إلى صندوق!

كيف أحصل على صندوق بريد امريكي ؟

الكثير يتسأل عن كيفية إمتلاك صندوق بريد في امريكا .. والكثر يعتقد بأن متطلباته صعبه ( بطاقة فيزا امريكية – قرين كارد – واسطة في البيت الأبيض 😀 )، هذي كلها اشياء لا تمت للواقع بصله .. الأشياء المطلوبة هي مجرد معلوماتك الشخصية ( اسمك – عنوانك – رقم جوالك ) ودفع الرسوم الرمزية لمرة واحدة فقط .. وبعدها يكون لديك صندوق بريد امريكي دائم .

معنا اليوم موقع ممتاز جداً، جربته كثير وفعلاً فيه مميزات رائعة وتفرق عن كثير من مواقع الشحن 

في البداية نفتح موقع الشركة

www.ws1.com

worldship طريقة التسجيل في موقع ورلد شيب بالصور

نختار التسجيل في الموقع الموجودة فوق على اليسار

بعدين نعبي البيانات الأساسية .. الاسم والعمر والجنس والإيميل وكلمة المرور

worldship التسجيل في موقع ورلد شيب

بعدين ننزل تحت ونكمل باقي البيانات واللي هي بيانات الشحن ( عنوانك اللي تبي تستلم عليه المشتريات الجايه من امريكا )، والموقع يدعم التوصيل للمملكة العربية السعودية والامارات والكويت وقطر والبحرين وعمان والاردن

الحصول على صندوق بريد امريكي في موقع ورلد شيب

تنتقل بعد كذا لدفع رسوم الصندوق .. وفيه خيارين قدامك .. خيار Plus أو Basic

world ship موقع ورلد شيب

بالنسبة للفروقات بين الباقتين فهم كثيرة .. تقدر تطلع عليها من خلال الضغط هنا او الإطلاع على الصورة اللي تحت

الفرق بين باقات موقع ورلد شيب

الفرق الأساسي بينهم هو رسوم التسجيل .. البيسك سعرها 24 دولار يعني تقريباً 90 ريال تدفع مره واحدة، مافيه رسوم تجديد ولا حاجه ! ، وطبعاً فيه فروقات ثانية مثل رسوم التصوير وسعر الشحن .. وعلى حد علمي البلس ارخص بحوالي 15% من البيسك، لذا هي تناسب اللي يطلبون بشكل دوري ومتكرر

طريقة دفع الرسوم

بالإمكان دفع الرسوم إما بالبي بال أو عن طريق الحوالة البنكية، تحول المبلغ للأرقام الموجودة بعدين تذكر لهم بيانات الحوالة

طريقة دفع رسوم ورلدشيب worldship

ماذا بعد التسجيل ؟

بعد التسجيل بيكون لك لوحة تحكم خاصة فيك، من خلالها تقدر تطلع على جميع الشحنات اللي توصلك .. وتقدر برضو تحدد وش ترسل ووش تترك، بالإضافة إلى أنك تقدر تصور الشحنة بسعر رمزي لو حبيت تتأكد منها .. وهذي الميزة مهمه للي يشتري من موقع زي eBay بحيث تقدر تطلع على المنتج هو نفس اللي طلبته وإلا لا .. عشان يمدي تتهاوش معهم بدري بدال ما تنتظر مدة طويلة لحد ما توصلك الأغراض

هذي مثال على لوحة تحكم الموقع


في الأعلى على اليمين تشوف العنوان البريدي الخاص فيك .. تحتها تحصل الشحنات اللي وصلت لصندوقك

ممكن تحدد الشحنات اللي تبي منها

ورلد شيب صندوق بريد امريكي

بعد التحديد ممكن تطلب صورة للشحنة أو تطلب شحنها لك من خلال الاختيار من الخيارات الموجودة في الصورة

لو أخترت شحنها بتطلع لك خيارات الشحن واللي من خلالها تقدر تحدد سرعة الشحن ( سريع / إقتصادي ) وتختار من بين خيارات ثانية مثل التغليف الإضافي أو وضع ملصق ” معرض للكسر ” أو التخلص من صنادق الأحذية من أجل التوفير في سعر الشحنة

كيفية طلب الشحنات من موقع ورد شيب

بعدين بيطلع لك خيار التأكيد على الشحن ومن ثم ملخص الشحنة

ورلد شيب

ورلد شيب

 

خيارات دفع الشحنات

تستطيع الدفع اما عن طريق الحوالة البنكية، أو الدفع عن طريق الفيزا

كيفية الدفع في موقع ورلدشيب

لو كنت حاب تستخدم الفيزا ممكن تضيف بياناتها وبعدين تختار هل تبي الموقع يحسم المبلغ مباشرة والا تحتاج الدفعات تكون يدوية .. أو تختار خيار الحوالة البنكية من الاسفل .. لو اخترت الدفعات تكون يدوية من خلال الفيزا هذي هي الطريقة لإضافة رصيد لحسابك ( طبعاً لازم تكون بيانات بطاقتك محفوظة في حسابك )

ورلد شيب world ship

خدمات آخرى في الموقع

– بإمكانك متابعة شحناتك بالصوت والصورة

متابعة الشحنات على موقع الورلد شيب

– المتسوق الشخصي

المتسوق الشخصي في الورلد شيب

هذي الميزة تسمح لك الشراء من بعض المواقع التي لا تقبل الفيزا السعودية أو التي تشترط فيزا أمريكية .. خلوا تشرطهم ينفعهم، لكن طبعاً هالميزة غير مجانية وعليها رسوم تختلف على حسب الباقة اللي أنت تستخدمها

حساب قيمة الشحن

هذي الميزة تعطيك فكرة عن أسعار الشحنات لبلدك قبل لا تفكر تشتري شيء وتتوهق

خلاصة مميزات الموقع

– إمكانية تجميع الشحنات لمدة 45 يوم

( هالميزة مفيدة جداً، لأن في الغالب اننا نطلب اكثر من غرض ومهوب بالضرورة ترسل الشركة الأغراض في وقت واحد! لذا قد تشحن الأغراض مفرقة وهذي تكون مكلفة عليك لأنه من المعروف أن تجميع الأغراض يوفر عليك )

– إمكانية تصوير الشحنات

– بعد كل شحنه تحصل على نقاط يمكن استخدامها كـ رصيد لك لاحقاً

– المتسوق الشخصي

فيديو يعرض كيفية عمل الموقع

 

بعد الإنتهاء من كتابة الموضوع، تواصلت مع إدارة الورلد شيب وماقصروا الشباب وعطونا كوبون خصم 5$ على كلاً من الباقة البيسك والباقة البلس .. ليصبح السعر كتالي

كان BASIC 24$ – الآن 19$

استخدم الكوبون التالي أو اضغط هنا

tichno-5

كان PLUS 99$ – الآن 94$

استخدم الكوبون التالي أو اضغط هنا

tichno-5-plus

وختاماً هذي هي صفحه الموقع في الفيس بوك، ممكن تتابعونها عشان تشوفون كوبونات الخصم اللي تنضاف مابين فترة والثانية .. وعاد لا أوصيكم لو شفتوا خصم وإلا شيء علموني عاد 😀

http://www.facebook.com/worldship1/

211 تعليقات

  1. هلا اخي انا من اليمن كيف ممكن توصل الشحنة علما ان في عنوان الشحن دولة اليمن غير موجودة في الWorld Ship ارجو الرد لو تكرمت

  2. اول شي شكرا عالشرح المفصل والبسيط…
    ثاني شي عندي بعض الاستفسارات ياليت لو تجاوبني عليها…
    1- هل هذه الشركه من افضل وارخص شركات الشحن؟!!
    2- في حالة ماعندي اكاونت في شركات شحن ثانيه زي fedex مثلا ، كيف رح توصل شحنتي؟!!
    3- هذا السؤال خارج الموضوع شوي، بما ان عندك خبره فحبيت استشيرك بشغله.اذا حبيت استلم شي او ارسل شي داخل السعوديه او دول الخليج سواءً كانت الكميه كبيره او بسيطه ، ايش افضل وارخص شركة شحن داخل السعوديه ودول الخليج؟!!!
    وشكراً جزيلاً مقدماً …

    • مرحباً، العفو
      1- بالنسبة للأسعار فـ الورلدشيب مايعتبر شركة شحن، هو يعطيك صندوق بريد امريكي ووقت الشحن يكون وسيط بينك وبين شركات الشحن، انت تختار الشركة اللي تناسبك ( ارامكس، دي اتش ال، فيديكس ).
      2- مايحتاج يكون عندك أي حساب اخر غير حساب الورلدشيب، بمجرد ماتطلب شحن اغراضك من امريكا وتختار الشركة اللي تبيها الورلدشيب راح يزودون شركة الشحن بعنوانك اللي انت سجلت فيه عندهم، وبكذا يوصلون لك إن شاء الله.
      3- للاسف ماعندي معلومة تفيدك بهالخصوص، شركات الشحن لها اسعار متفاوته وتتغير بين فترة والثانية، الأرخص حسب علمي سابقاً ( ارامكس أو فيديكس ). وطبعاً مايمنع تتواصل معهم وتسعر الشحن وتعلمهم بالشيء اللي راح يتم شحنه ووزنه لأن نوع الأغراض ووزنها يأثر على السعر، واما لو كان عندك مشروع مثلاً وحاب تستخدم شركات الشحن في شحن اغراضك بشكل مستمر ممكن تتواصل مع الإدارة لأي شركة شحن وراح يعطونك اسعار ارخص بكثير لكن بشرط انك تشتري بوليصات الشحن مسبقاً، يعني على سبيل المثال لو كان ارامكس يشحن بـ 100 ريال، راح يحسبونها لك بـ 65 ريال مثلاً، لكن بيكون مشروط عليك تشتري 100 بوليصة شحن مسبقاً.

      العفو حياك ربي tch28 tch34

  3. يعطيك العافيه اخي
    سؤال بسيط الحين ادا طلبت الاغراض بالنسبه حق العنوان يوصلونها الى البيت او اكتب عنوان حق شركه شحن؟

    • مرحباً، الله يعافيك
      بالنسبة للاغراض على حد علمي بمجرد ماتوصل يتواصلون معك شركة الشحن ويوفرونها لك في أقرب فرع لبيتكم وتقدر تستلمها متى ماتبي .. المفترض يكون التوصيل للبيت لكن مرات يوافقون ومرات يرفضون مدري وش مشكلتهم الصراحه tch3
      مايحتاج تكتب عنوان شركة شحن، فقط عنوانك ورقم جوالك وبيتواصلون معك ان شاء الله

  4. السلام عليكم 🙂

    الف شكر على الشرح المفصل..

    هل السوائل من الأشياء الممنوعة عند الشحن ؟
    لأن shop&ship ما يشحنون السوائل
    ولو عندك قائمة بالأشياء الممنوعة ياليت تكتبها

    أكرر شكري 🙂

    • وعليكم السلام ورحمة الله وبركاته،
      العفو حياك ربي ياعزيزي tch34
      بالنسبة للاشياء الممنوعة تقدر تطلع عليها من هنا:
      http://www.ws1.com/en/prohibited_items/

    • مرحباً،
      التأمين يكون عن طريق شركة تأمين على شحنتك بحسب قيمة البضاعة، أظن ياخذون ٢.٥٪ من قيمة البضاعة كاملة .. يعني لو بتشحن شيء قيمته الف ريال بياخذون عليك ٢٥ ريال وفي حال تضررت الشحنه او ماوصلتك لاقدر الله يتم تعويضك عنها.

  5. سلام عليكم

    جزاك الله خير ع الشرح الكافي

    عندي سؤال : انا طلبت شحنه من موقع فلنفترض امازون وحطيت عنوان قريبي في امريكا

    البضاعه وصلت لقريبي اقدر اخلي قريبي يرسلي هيا السعوديه عن طريق الورد شيب و كيف يسلمهم الشحنه عن. طريق اي بريد ؟؟

    • وعليكم السلام ورحمة الله وبركاته،
      اذا عندك حساب عندهم نعم تقدر .. بدون ماتكون مشترك ماتقدر.
      بالنسبة للطريقة فـ قريبك لازم ياخذ عنوانك اللي بيعطونك اياه الورلدشيب وراح يرسل له الاغراض من مكانه إلى الصندوق ( شاحن داخلي في امريكا ) عن طريق اي شركة، ولما يوصلهم انت ترسله للسعودية عن طريق اي شركة تعجبك tch34

  6. بصراحة شرح وافي
    ولك دعوة بظهر الغيب

    سؤالي لك عزيزي
    لوكانت مشترياتي مثلا من كوريا وانا بالسعودية
    هل تكون التكاليف اكثر في قيمة الشحن
    وهل تكون مدة الشحن أكثر من اللازم
    تقبل تحياتي

    • مرحباً،
      بالنسبة للمشتريات اذا كانت من كوريا او من الصين فالتكلفة تكون واضحه قبل الشحن، لأن في موقع إي باي او امازون او غيره يكتب لك سعر الشحن إلى صندوقك الامريكي .. اذا كانوا يقدمون شحن مجاني فـ التكلفة لن تتغير وفقط سوف تدفع سعر السلعه + سعر شحنها من صندوقك إلى السعودية.
      بالنسبة للوقت فـ وقت التوصيل من الصندوق إلى السعودية ثابت تقريباً، يتراوح بين ٤ ايام إلى اسبوع .. اما التوصيل من كوريا إلى صندوقك فـ المفترض ان تعطى تاريخ توصيل قبل ان تتم عملية الشراء ( توضح لك مدة الشحن كم يوم بالضبط واقصى مدة لكي تصلك ).

  7. الطلبات من موقع ايباي لكن البائع من كوريا
    للتوضيح فقط
    وماهي نصيحتك في هذه الحاله

    • حقيقة ً لايوجد لدي نصائح كثيرة بهذا الخصوص لكن دائماً ابحث عن البائع ذو التقييم العالي واللذي يقبل الدفع عن طريق الباي بال.

  8. ماقصرت
    بعض طلباتي من ايباي يكون الشحن فيها مجاني للسعودية من البائعين
    وهذا مالاحظتة
    القصد في هذه الحالة الشحن المباشر من كوريا للسعودية
    أو الشحن لبريدي بأمريكا ثم للسعودية
    لأنه لو راح طلبي لبريدي بأمريكا سيكلفني ذلك قيمة الشحن للسعودية
    هل توافقني بالرأي

    • مرحباً،
      هذي النقطة تعتمد عليك، اغراضك اللي طالبه شخصية او تجارية .. لان اذا بترسل لك بتكون غالباً عن طريق البريد السعودي ونسبة المخاطرة في الوصول تكون اعلى مايحتاج اعلمك اتوقع tch3

  9. (: أكيد مايحتاج
    عموماً
    تم ارسال الطلبات لـ World Ship
    الله يجزاك خير ويرحم والديك
    وسعدت بالتواصل معك
    تحياتي

  10. السلام عليكم اخويانالسا مابديت بمسلسل الشراء من النت لكن ناويه ومتخوووفه انه يكون مكلف الحين انا عندي بريد سعودي و بريد امريكي اقدر اني اشحن الاغراض على امريكا وبعدها اشحنها على بريدي السعودي بدون ما احتاج لل دي اتش ال و ارامكس والشركات اللي تتعامل بالاوزان ؟ و سؤال ثاني فبداية التسجيل في الايباي يقول هوية اسم المستخدم عند تسجيل الدخول .. ايش يعني مافهمته ؟

    • وعليكم السلام ورحمة الله وبركاته،
      مرحباً .. بالنسبة للشحن من امريكا ماتحتاج الا صندوق بريد امريكي فقط، والصندوق راح يرسل لك الاغراض على اي شركة تناسبك ( فيديكس / ارامكس / دي اتش ال ) وما تحتاج صندوق بريد في السعودية.
      بالنسبة للسؤال الثاني، فـ اسم المستخدم هو اليوزر نيم Username وهو بديل للايميل وقت التسجيل الدخول، لما تسوي لك حساب تختاره طبعاً.

  11. مشكور ع الموضوع والشرح بس ممكن طلب ابي حساب لك ع تويتر او انستغرام او رقم واتس او بي بي للتواصل لان ماعرف بهالموقع اي شي وعندي اسئله كثيير وشكرا اخوي

    • مرحباً،
      بالامكان التواصل معنا على الايميل :
      info@tichno.com

      او التواصل عبر الواتس اب على رقم تكنو ستور للصيانة:
      0537609060

  12. السلام عليكم ورحمة الله وبركاته
    عندي سلعة (ملابس) شريتها من امازون بقيمة 65.98 دولار
    ووصلت الشحنة الى صندوقي في الورد شيب
    ولكن عن الدخول على عرض التفاصيل
    تظهر لي
    RETAIL VALUE 199.99$
    DECLARED VALUE 199.99$

    مال المقصود فيها ؟
    انا فهمتها على انها تكاليف اضافيه فوق تكاليف السعر! (هل يعقل ان ادفع 200 دولار فوق سلعه قيمتها 66 دولار)؟

    أرجو أن تصحح لي إن كنت مخطىئ

    • وعليكم السلام ورحمة الله وبركاته،
      الكلام الموجود في التفاصيل هو سعر السلعه، غالباً قد يكون هو سعر السلعه قبل الخصم .. وهي لا تعني انك سوف تدفع تكاليف اضافية او غيره ولكن الجمارك السعودية تطالب اي سلعه تدخل ان يكون معها فاتورة وفيها سعر السلعه. وفي حال طلب منك دفع رسوم جمارك سوف تحتسب النسبة بناءاً على الاسعار الموجودة في الفاتورة .. والله اعلم tch34

  13. السﻻم عليكم ورحمة الله وبركاته
    رمضان المبارك

    لى كم سؤال ويارب ماتتعب

    لو احط بنك راجي أو أهلي الرياض
    ﻻزم فيزا أمريكي تحولها واﻻ ﻻزم أكلم للبنك نفسه وحدد المبلغ المطلوبه

    ثاني شي لو حط صندوق بريد يحطونه ويرون واﻻ ﻻزم ينتظرون وندفع؟

    ثالثا اذا طلبت توصيل البيت أوصندوق يكلمنى أمريكي واﻻ عربي ﻻنى مافهم انقلش بالمرره
    وجزاك الله خير

    • وعليكم السلام ورحمة الله وبركاته،
      مرحباً .. بالنسبة للشراء من امريكا ما ينفع الحسابات العادية من البنوك حقتنا .. لازم يصدرون لك بطاقة فيزا عشان تقدرين تشترين .. اما بالنسبة للورلدشيب فـ هم يقبلون الفيزا والتحويل من الحسابات المحليه الراجحي وغيره.
      ماينفتح لك الصندوق باسمك الا لما تندفع رسوم التسجيل في موقع الورلدشيب على حد علمي.
      بالنسبة للتوصيل فـ اللي يكلمك غالباً هندي tch3 .. نفس الموظفين المعتادين التابعين لشركات الشحن الموجودة عندنا هنا ( ارامكس وغيرها ) يعني.
      وبالنسبة للورلدشيب فهي شركة سعودية يعني لو احتاجوا يكلمونك هم راح يكلمونك بالعربي tch17
      واياك وكل مسلم يارب tch26

  14. السلام عليكم
    يا جماعة الخير الشرح جدا مفيد و وافي و عندي إضافة
    انا تواصلت مع الشركة و عطوني كوبون تسجيل مجاني 100%
    و هذا الكوبون TechPills
    و أرجو إضافة الكوبون الی الموضوع و ادعولي الله يوفقكم

  15. والله يا جماعة هذي الشركة افشل شركة شفتها …

    معقدين وجننوني طيروا علي اغراض اشتريتها .. وحجزوا علي اغراض

    والاسباب تافهه …

    ومختصر الكلام لا انصح فيها …

    والله على ما اقول شهيد …

    اخوكم سعود

    • مرحباً ..
      شاكرين لك مشاركتك لنا رأيك، ارجوا ذكر النقاط السلبيه للشركه وتوضيح المشاكل التي واجهتك معهم بشكل اوضح للفائدة العامة ولتجنب الوقوع فيها مستقبلاً.

  16. الله يجزاك خير
    سؤالي اخي الفاضل انا اشتريت من امازون وايباي لي ثلاثه ايام تقريبا ، وما ادري كم تجلس المنتجات الي شريتها عشان تضاف بحسابي بالورد شيب ، ممكن تفيدني

    • مرحباً،
      من خلال حسابك في امازون تقدر تدخل على قائمة طلباتك السابقة ( account > orders ) وبيكتب لك وقت وصولها التقريبي .

    • مرحباً،
      الغالب الارخص ارامكس، لكن هذا مهوب شيء ثابت لان كل فترة تكون فيه عروض على الشحن بشركات معينة، والان ممكن تشوفين جميع التسعيرات لكل الشركات قبل ماتشحنين الاغراض.

  17. جزاك الله خيرا وجعله في ميزان حسناتك tch17
    سؤالى الغبي هو مادا تقصد بالدفع عند أقرب فرع يعني الفرع الخاص بالشركة التي قامت بشحن السلعة ك دي اش ال أو أرامكس … وكم تستغرق المدة لتحويل بضاعتي من مقرهم الى اقرب فرع بالنسبة لي وشكراا tch38

    • مرحباً،
      واياك يارب tch20 tch28
      بالنسبة للدفع فهو يتم من خلال موقع الورلدشيب مباشرة قبل لا يشحتوت اغراضك لك. اما بالنسبة لوقت فهو يكون مكتوب امام كل شركة، غالباً يتراوح مابين ٣ إلى ٦ ايام ممكن.

  18. السلام عليكم اخوي آذري الموضوع قديم بس شسوي الحين طلعت تم تحديث الموقع ولدفع ويوم الصندوق فقط بالبطاقة الائتمانية حطيت فوق الخمسًمرات كل شي مثل ما انت ذاكر يطلعلي انه البطاقة الائتمانية مرفوضه لييش حطيت فيزا حطيت ماستر أبد مو راضي شسوي الحين خاف اني من كثر ما طقطقت وحطيت سحبو مني فوق الخمسًمرات وانا للحين انتظر الرد ولا جاني لا رد ولا قبول لعملية السحب الصندوق ؟؟!! tch10 tch23

    • وعليكم السلام ورحمة الله،
      مرحباً .. الان فيه عرض على التسجيل بشكل مجاني وباقي عليه 3 ايام تقريباً.
      جربي هذا الكوبون: blog.ws1.com

  19. السلام عليكم
    الف شكر لصاحب الشرح بصراحه شرح متعوب عليه
    عندي استفسار لو تكرمت الحين لو اخترت الشحن الى dhl عن طريق شركه ورلد شيب من امريكا قيمه الشحن اللي بتنسحب من الفيزا هي قيمه الشحن كامله يعني استلمها من dhl من غير ما ادفع شي او هده فقط قيمه الشحن حقت الورلد شيب ؟
    وسؤال ثاني بالنسبه لعنواني بالسعو\ديه انا رحت لشركه dhl وعطوني عنوانهم والرمز البريدي حقهم اكتب عنوان الشحن حق الدي اتش ال او عنوان بيتنا ؟
    وبالنسبه للشركات اللي تطلب كتابه العنوان الشحن والدفع عن طريق الباي بال هل اذا كتبت عنوان شحن الورلد شيب بتروح للورلد شيب حتى لو كان عنواني في الباي بال مختلف ؟
    او بياخدون عنوان الباي بال ؟
    وشكرا 😀 😀

    • وعليكم السلام ورحمة الله وبركاته،
      مرحباً .. بخصوص الاستفسار عن الدفع للدي اتش ال، المفترض أنك اذا دفعت من خلال موقع الورلدشيب ماتحتاج تدفع شيء لهم هنا إلا في حال طلب دفع رسوم جمرك على اغراضك اللي شحنتها فقط.
      بالنسبة لعنوانك في السعودية فما تحتاج تروح للدي اتش ال، الورلد شيب مسجل عنوانك عنده وجميع بياناتك في السعودية، الاسم، المكان، المدينة، رقم الجوال .. بمجرد تطلب شحنتك وتختار الشركة اللي تناسبك ( ارامكس، فيديكس … ) هم راح يسلمون الشركة شحنتك + عنوانك اللي انت مسجلة عندهم.
      بالنسبة للشراء فـ المفترض اذا انك تكون معبي بيانات الشحن في الموقع قبل لا تدفع عن طريق البي بال، لذا فهي موجودة عندهم، واظن بس منيب متاكد وقت الدفع من الباي بال ممكن تختار اضافة العنوان للشحن وممكن لا فهو موضوع اختياري.
      العفو حياك ربي tch20 tch28

  20. يعطيك العافية
    اقدر ادفع حق الشحن من حساب البايبال ولا لازم بطاقة فيزا كارد

    • مرحباً،
      بالنسبة للدفع حق الشحن فهو عن طريق الفيزا مباشرة أو التحويل البنكي على حد علمي.

  21. يعطيك العافيه ع الشرح وتحاوبك مع الكل وبالذات المبتدئن اللي انا منهم

  22. سلام عليكم
    اخوي لاهنت
    انا وصلت الشحنه وسويت لها طلب شحن
    ولما اروح للطلبات السابقه احصل حالة الشحنه Assigned to Agent
    مادري شو المشكله ولما ادخل ع التفاصيل احصل كل شي اصفار المجموع والوزن

    ممكن تفيدني لاهنت

    • وعليكم السلام ورحمة الله وبركاته
      مرحباً .. بخصوص استفسارك فـ حالياً شحنتك تم توكيلها لموظف لكي يجمع الشحنات الموجودة في صندوقك في شحنة واحدة وفور انتهائه منها سوف يصلك إيميل بالتكلفة.

  23. السلام عليكم بدخل بالموضوع الي مضيق صدري tch9 tch9 tch9 tch9

    سجلت في امازون وسويت بريد امريكي وورلد شيب وكل شي تمام ودخلت امازون سجلت وشريت سلع اضفتهم للسلة وسجلت رقم الفيزا ودخلت عنوان البريد وسحبوا من الفيزا المبلغ لكن جيت بكرا بدخل الموقع رافض يدخل ادخل يقول الباسوورد غلط وانا متاكدة مسجلتها عندي بورقة tch9 وادخل من الجوال يدخل لكن بدخل اشوف الشحنة لان ماكملت البيانات بس دخلت رقم الفيزا بدون العنوان واحاول اغير الباسوورد يرفض يقول مشكلة في حسابك الباسوورد غلط tch9 tch9 وش معنى ذا فلوسي راحت ولاادري كيف بتجي الشحنة فكرت اسوي حساب وبريد امريكي جديد بس والسلع والمبلغ اللي راحو كيف ارجعها tch9 tch9

    • وعليكم السلام ورحمة الله،
      مرحباً.. إذا انت مسجل ببريدك الإلكتروني تقدر تسوي استعادة لكلمة المرور، وراح يرسلون لك رابط تغيير فيه كلمة السر وتختار وحده جديدة وبعدها تختار اللي تبي. إلا اذا كنت مسجل من البداية بإيميل خطأ فهذي مالها حل الا تتواصل مع الدعم الفني في امازون.

  24. كل ما اجي افتح الموقع يقول لي صفحة الويب هذه غير متوفره جربت بالأب توب والايباد وما ظبط ليه؟

  25. اذا سمحت لما اجي اكتب السنه حقت عمري مافيه ألفين واثنين وش الحل احط بيانات امي او ابوي مثلا؟

  26. من فضلك في بداية التسجيل كيف يكون دفع رسوم الاشتراك؟ يعني اقدر ادفعها عن طريق الفيزا؟ولا لازم تحويل من البنك وأي رقم مرجع احصل عليه .وشكرا

  27. السلام عليكم ورحمة الله وبركاته
    اخوي استفساري هو .. في التسجيل عنواني وبأحد الأسئلة حصلت إجابة لك إنه شركة World Ship يوصلونها واستلمها عن طريق احد مكاتب DHL أو UPS.. سؤالي هو:
    ما الغرض من كتابة عنواني بالتحديد إذا كانت الشحنة اللي تخصني بتوصل لأحد مكاتب DHL أو UPS؟
    السؤال الثاني : هل شركة World Ship لديها تعامل مع aramex بالسعودية؟
    السؤال الثالث : حين إستلام الشحنة من أحد مكاتب DHL أو UPS أو aramex .. هل سأقوم بدفع رسوم علاوة على الرسوم اللي دفعتها بموقع World Ship ؟
    أعتذر منك على كثرة اسئلتي واستفساراتي 😀

    • وعليكم السلام ورحمة الله وبركاته،
      ١- بالنسبة للعنوان فهو لتحديد عدة اشياء من ضمنها مكان اقرب فرع لك وايضاً بعض الشركات لديها مندوب يوصلها لك بالسيارة لنفس الحي المحدد في العنوان. هذا اللي اعرفه وممكن تتواصل مع الورلدشيب وتسالهم ليه يطلبون عنوانك tch3
      ٢- الورلدشيب تعطيك الخيار بين ثلاث شركات شحن ( ارامكس، دي اتش ال، فيديكس ) وفيديكس الان شبه موقفه بسبب ان وكالتها في السعودية الغيت. ممكن تختار اي شركة تناسبك وقت ماتبي تشحن اغراضك.
      ٣- سعر الشحنة مدفوع بالكامل من موقع الورلدشيب ولن تقوم بدفع اي مبلغ للشحن وقت الاستلام إلا في حال وجود رسوم جمرك تم اخذتها وقت دخول شحنتك فهنا سوف تطلب منك الشركة الناقلة دفع رسوم الجمرك التي تم دفعها وسوف تزود بالفاتورة التي قامو هم بدفعها عن شحنتك.

  28. السلام عليكم
    عندي استفسار بسيط او مشكلة صراحة tch9
    سجلت في الورلد شب وحصلت على بريد امريكي ي فرحة ما تمت
    نجي للمشكلة رحت اطلب من ebye
    وقالوا لازم حساب في الPayPal
    طيب رحنا وعملنا حساب وتفعل وطلبت من الموقع وجاتني رسالة انه تم خصم مبلغ كبير عن قيمة السلعة التي طلبتها ليش ما ادري tch9 tch9 🙁 tch2 tch31
    شسالفة فلوسي وين راحو tch31 tch31 tch31

    • وعليكم السلام،
      مرحباً .. غالباً المشكلة لديك في طلبك، قد تكون حددت اكثر من حبه من نفس المنتج او فيه رسوم شحن مثلاً .. ارجع للايميل اللي وصلك منهم وتاكد من تفاصيل الفاتورة.

  29. السلام عليكم أنا من الجزائر وحبا أسال أن لازمة أفتح بريد أمريكي ولا لا، لانو حبيت اشتري وفي خانة التوصيل مكتوب انهم يبعت شحن على الجزائر أو أن رغم انهم كاتبين ولزمني بريد أمريكي وشكراً جزيلا tch27

    • وعليكم السلام،
      اذا عندهم توصيل للجزائر مباشرة ما تحتاج صندوق امريكي. اكتب عنوانك في الجزائر وتوصلك الشحنه هناك ان شاء الله.

  30. اخوي ابي اعرف لو شريت من أمازون مكملات غذائية الويت ممكن يكون ٥ كيلو او اكثر كم يحسبون الويت ؟!

  31. هل يصلح التسوق من ebay
    وكم يوم تقريبا من لحظة التسوق ولنفترض من الصين عن طريق موقع EBAY
    الى حد وصوله عندي

  32. الله يسعدك سعادة لاتشفى بعدها أبدا
    قريت كللل الموضوع ? بس عندي استفسارين لاهنت
    انا عندي باي بال اقدر احاسبهم فيه ؟وأطلب من المواقع اللي تسمح؟ لاني قريت بالردود حواله مدري وشو والا هذي لغير البال باليين؟
    الثاني انا بطلب من رالف ومثلا امازون خل تجميع الشحن بيجمع لي من الموقعين او كل موقع شحنه لحاله؟
    واذا صرت باشحن دايم وكذا ايش افضل غئة اسجل فيها
    والله يعطيك العافية خير الناس انفعهم لاناس???

  33. مرا موضوعك جميل ?
    بس انا ماطلع معي الدفع عن طريق التحويل
    بس بطاقه ائتمانيه ?
    هيلب مي بليز

  34. صراحة ماقصرت بالشرح كفيت ووفيت واستغرب من الناس اللي للحين تسأل!!
    لكن عندي استفسار>>فرقت؟؟:)!
    المهم اني قريت في موقع ان فيه مواقع تسوق ترفض الشحن لعناوين شركات اعادة توجية الشحنات زي ارامكس و ورلدشيب بسبب انه المنتجات مخصصة للبيع داخل امريكا!
    لكن انت قلت ان ورلدشيب يعتبر عنوان ( Street Address ) !!ويشحنون له عادي!
    ممكن توضح شالسالفة؟

    • مرحباً،
      نعم صحيح كلامك. الورلدشيب يعتبر street address لكن كل فترة الشركات تتوسع وتعرف اكثر عن شركات الشحن وتبدأ تقفل عليها الطلب. على سبيل المثال موقع ابل احياناً يقبل الطلب واحياناً يرفضه بنفس العنوان.

  35. السلام عليكم

    طيب يالغالي لو بطلب من امريكيا ذا البريد كم بياخذ بالكيلو من شان يرسلها لسعوديه ؟

    • وعليكم السلام ورحمة الله،
      هالرابط في موقعهم :
      http://secure.ws1.com/Rates.aspx?lang=ar
      فيه حساب جميع الاسعار لجميع الدول، فقط اختر مكانك والوزن وسيعرض لك السعر.

  36. السلام عليكم اخوي

    انا بطلب من امازون اكثر من شغله وابيها توصلني بشركة شحن وحده بدون ما اتبهذل واشحن كل وحده لحالها بالعلم ان عندي بريد بامريكا.. وش اسوي وهل اذا بشحن الشحنه من بريدي بامريكا الى السعودية بتكون تكلفته اعلى اذا كان من الممكن اني اقدر اجمع الاشياء اللي شريتها من امازون؟؟

    • وعليكم السلام ورحمة الله،
      غالباً مواقع صناديق البريد تكون عندها صفحة حساب الشحنات، ممكن تشوفين التسعيرة للوزن اللي بتطلبينه من امازون وتقارنين وش الارخص بالنسبة لك. وطبعاً تجميع الشحنات افضل واوفر.

  37. شكرا اخي ع الشرح الوافي
    ولكن سؤالي..!

    أيهما أفضل هو أم واصل عالمي؟
    وكم تقريبا يكلف شحن الكيلو الواحد وماهي أقصى مده للتوصيل؟

    • مرحباً،
      العفو حياك ربي .. بالنسبة لي لايوجد جواب لسؤالك، قد يناسبك احدهم ولا يناسبني والعكس ..
      بالنسبة للاسعار فهي موجودة في موقعهم:
      http://secure.ws1.com/Rates.aspx?lang=ar

  38. جزاك الله خير اخوي
    انا سجلت وكل شي ويوم جيت عند طريقة الدفع اخترت فيزا وخليت خانة الكوبون فاضيه ولما ضغطت على زر المتابعة انخصم المبلغ من الفيزا لكن في الصفحة طلع انه لم يكتمل
    ولما حاولت ادخل الكود الي انت اعطيتنا اياه انخصم المبلغ مره ثانيه ونفس المشكله طلع عندي خطأ
    الحين انخصم المبلغ مرتين 🙁

    والمشكله اني احاول الدخول يقول كلمة المرور غلط
    ش الحل الحين 🙁

    • مرحباً،
      هل سجلت بإيميلين مختلفين او ايميل واحد؟
      جرب تسوي استعادة لكلمة المرور من هنا:
      https://secure.ws1.com/Member/Login.aspx?lang=ar

  39. لا والله ي الغالي نفس الايميل واليوم تواصلت معاهم الصباح وارسلت لهم ايميل بالمشكلة ولم يتم الرد الى الان ولم يتم استرداد المبلغ

  40. سجلت ب الموقع الموقع تغير موا مثل صورك تكفى استعجل ابي اطلب قبل البرد وذا ملابس شتويه ?? الله يجزاك خير والله الشرح بطل بس الموقع تغير حدث المعلومات الله يعافيك ?

  41. اللي فهمته من شرح الشراء من امازون او ايباي .. انه اسوي بريد امريكي من الموقع اللي تكرمت وحطيته ولمن حاولت اسجل طلب العنوان والبريد اللي بيشحن له بس ايش المفروض احط له بريد سعودي ولا اسجل في ارامكس ويعطوني هوا واحطه ؟

    • قصدك لما حاولت تسجل في الورلد شيب صح؟
      تكتب عنوانك في السعودية عشان لما يستلمون اغراضك في امريكا يكون عندهم عنوانك هنا ويقدرون يرسلونها لك.

  42. السلام عليكم ..

    اول شي اشكرك ع سعة صدرك وردودك على جميع الاستفسارات
    .
    .
    فتحت حساب بالورد شيب وكل شي تمام لكن كيف اخليهم يشحنوها لي للسعودية بواسطة ارامكس ،، لاني شفت مكتوب عندهم يشحنوها على شركة UPS ؟

    – يعني فين الخيار اللي اخليهم يشحنوها لي على ارامكس

    كل الشكر ‘

    • وعليكم السلام ورحمة الله وبركاته،
      لما تبي تطلب شحنه من الورلدشيب يكون قدامك ثلاث خيارات: DHL – Aramex – Fedex وانت تختار منها اللي يناسبك. واضن UPS معهم

  43. السلام عليكم ورحمة الله وبركاته
    مشكور جدا على الموضوع الجميل و ادخالك للبعض الفكاهة فيها و جزاك الله خيرا
    عندي بعض الاستفسار
    1 اذا فتحت الحساب بيكون مدى الحياة و لا له مدة معينة و ترجع تجدد اشتراكك
    2 الحين اذا اشتريت اي شئ من امازون او المواقع المعروفة لازم تنشحن على هذا البريد الامريكي و بعدين تترسل للبلدك
    3 عند شراء سلعة معينة من امازون سوف يكون دفع كالتالي سعر السلعة و سعر الشحن و ثم الارسال و الاستلام صحيح.
    وسامحنا على كثر الاسئلة
    مشكورين مقدما

    • وعليكم السلام ورحمة الله وبركاته،
      ١- نعم الحساب مدى الحياة لايوجد رسوم تجديد او تاريخ انتهاء.
      ٢- نعم اي مشتريات لك في امريكا تنرسل لعنوانك الامريكي اللي سجلت فيه بعدين من هناك ترسل لك في بلدك.
      ٣- عند شراء اي سلعة بيكون عليك دفع قيمتها + قيمة شحنها داخلياً في امريكا الى ان تصل الى الصندوق ( في اغلب الاحيان يكون الشحن الداخلي مجاناً ) + شحنها دولياً من صندوقك الامريكي الى بلدك.
      حياك ربي.

  44. يعطيك العافية عالشرح بس سؤال: دحين لما أسوي حساب ويصير عندي بريد أمريكي وكل شي تمام وطلبت منتجات خلاص؟ لما توصل لبريدي الأمريكي وأبغا أوصلها لهنا السعودية ، على فين توصل؟ هل لازم يكون عندي بريد هنا برضو ولا؟ وكمام لو مو لازم بريد هنا إنو يكون في شركات تشحن لهنا يكون بفلوس؟ يعني من الآخر معليش تشرحلي نقطة التوصيل من أمريكا لهنا بالتفصيل وشكراً مقدماً ..

    • الشحن من امريكا للسعودية لايحتاج صندوق بريد هنا. كل المطلوب منك هو بياناتك فقط.
      اسم المدينة والحي والشارع ورقم الجوال. ولما توصلك شحنتك يتواصلون معك الشركة اللي اخترتها للتوصيل للسعودية ويسلمون لك الاغراض.
      طبعاً التوصيل بفلوس، لما يكون عندك اغراض في موقع الورلدشيب تحددها وتختار شركة التوصيل المناسبة لك لتوصلها للسعودية ( ارامكس، دي اتش ال … )
      وبناءاً على وزن اغراضك يظهر لك سعر التوصيل.

  45. انا يالله اضفت لك تعليق من باب الشكر والعرفان لك كيف اجل ابسوي اللي قلت مع اني مابحثت الا اني بامس الحاجه للموضوع
    الله ياشيخ يفتحلك باب جنته قبل رزقه ويحسن اليك ويجعل كل رد وحرف فيه لك حسنه الله يكثر من امثالك
    ماتتخيل عملك هذا بيفتح للناس باب رزق بكل صغيره وكبيره بيدعولك
    يارب ادرس الموضوع واحاول اطبقه صح
    الشكر لك

Leave a Reply to Mr. A الغاء التعليق

اكتب تعليقك
اكتب اسمك هنا