شرح: كيفية التسجيل والشراء من موقع رالف لورين Ralph Lauren

شرح: كيفية التسجيل والشراء من موقع رالف لورين Ralph Lauren

راح نشرح اليوم طريقة الشراء من موقع رالف لورين واللي على فكرة قبل فترة بسيطة بس بدأ بقبول بطاقات الخليج الإئتمانية (بطاقات الفيزا والماستر كارد). طبعاً الميزة في الشراء من الموقع هي أنك بتحصل أسعار ممتازة جداً وبتلقى موديلات جديدة، مهوب الكولكشن حق السنة اللي فاتت زي مايبيعون اللي عندنا 🙂

في البداية لازم يكون عندك صندوق بريد أمريكي، في هذا الشرح استخدمت موقع الورلد شيب ( اضغط هنا لمشاهدة شرح كيفية الحصول على بريد أمريكي ).

أولاً : ندخل على الموقع 

www.ralphlauren.com

شرح طريقة التسجيل في موقع رالف لورين للشراء من امريكا

نستعرض بعض السلع الموجودة على المتجر ( رجالي / نسائي / أطفال ..)

ونقوم باختيار السلعة المطلوبة

شرح طريقة التسجيل في موقع رالف لورين للشراء من امريكا

ثانياً : راح يظهر لك سعر المنتج ومعلوماته 

نختار اللون ونختار المقاس وعدد الكمية المطلوبة

ونضغط على ايقونة Add to shopping bag لإضافاتها الى سلة الشراء

طريقة الطلب من موقع رالف لورين الامريكي

 ثم نضغط على Proceed to checkout

للانتقال الى صفحة ادخال البيانات ومعلومات الشحن

 تجربة الشراء من موقع رالف لورين امريكا

عنوان الشحن اللي راح نستخدمه هو نفسه العنوان الامريكي اللي امتلكناه سابق من موقع الورلدشيب اضغط هنا لمشاهدة شرح كيفية الحصول على بريد أمريكي ).

أو ممكن تحط أي عنوان داخل امريكا تكون أنت تملكه

 

تجربة الشراء من موقع رالف لورين الامريكي

داخل المربع الموجود على اليمين هي بيانات الصندوق من موقع الورلد شيب وقد تم إضافتها للصورة لتوضيح كيفية تعبئة الخانات.

والآن واخيراً ننتقل الى عملية الدفع راح تظهر لنا صفحة تحصي لنا مجموع السلعة مع الشحن وقيمة الضريبة

ونتابع بالضغط على  continue checkout

 شرح الشراء من موقع رالف لورين امريكا واستخدام صندوق الورلدشيب

* ملاحظة: بالنسبة لقيمة الشحن 8 دولار تم خصمها لأن الموقع يقدم خدمة التوصيل مجاناً إذا كانت مشترياتك أكثر من 195 دولار

خيارات الدفع :

١- اما عن طريق الدفع بالبطاقة الإئتمانية

٢- او الدفع عن طريق الباي بال مع انه مايخدم الدفع عن طريق الباي بال السعودي

 

فالأفضل تختار الدفع بالبطاقة الإئتمانية وقم بتعبئة بياناتها

 

مع إدخال كربون الخصم إن وجد ..

ونتابع continue checkout

 

ralph lauren

 مراجعة الطلب :

نضغط على Submit order لتقديم طلب الشراء



وتمت عملية الشراء بنجاح 

51 تعليقات

  1. طيب وش الفايدة؟ tch23
    بيوصله للعنوان الامريكي اللي مسجل.. شلون بيوصله للسعودية؟ tch32

    • أهلين .. صندوق البريد اللي حصلت عليه من موقع الورلدشيب يعتبر صندوق يسوي فورورد .. يعني بمجرد وصول الاغراض له بترسلها لك للسعودية tch34

  2. شكرا لك فعلا مواضيع نادرة ومميزة جدا الله يبارك فيك
    تجربة عربية مميزة

  3. السلام عليكم ابي استفسر لزم في رالف لورين يكون لك بريد في امريكا ولا لا

    • وعليكم السلام ورحمة الله وبركاته،
      اي موقع أمريكي ماعنده توصيل ( عالمي ) يحتاج يكون عندك صندوق بريد في امريكا عشان هو يوصل له وبالتالي الصندق يوصل لك الأغراض ( وسيط ) .. وبالنسبة إلى رالف لورين على حد علمي يحتاج صندوق بريد نعم tch34

  4. لو سمحت أبي بس أعرف طريقة التسجيل ف جميع المواقع وهل هي وحدة وكيف أعرف وقت التخفيضات والبلاك فرايدي

    • مرحباً، طريقة التسجيل تقريباً متشابهه لكن يوجد اختلافات بسيطه بينها.
      بالنسبة للتخفيضات فـ ممكن تبحثين عنها في النت بالاسم او تتابعين منتديات المشتريات، بالنسبة للبلاك فرايدي راح يكون هالسنة في :
      November 29, 2013

  5. أهلين تحملونا شوي مبتدئين بالشغلة ولغتنا ع قدها
    في معلومات البريد
    ١- العنوان الأول هو بريدنا الأمريكي صح
    العنوان الثاني بريدنا السعودي آرامكس بالنسبة لي
    Cityهي الولاية الأمريكية اللي فيها بريدنا الأمريكي
    الخانة اللي بعدها مافهمتها
    ويعني أيش البوستال كود هل هو الرمز البريدي لنفس الولاية الأمريكية وهذا يعطونا أياه لما نسوي البريد
    شكرا عزيز

    • مرحباً، حياك ربي .. لا عادي الموضوع مطرح للفائدة tch34
      بالنسبة لإستفسارك عن العنوان قصدك العنوان اللي في الصورة الخامسة في الموضوع؟
      إذا قصدك العنوان اللي هناك فـ خطأ عليك، العنوان الأول والثاني كلها لصندوق البريد الأمريكي .. جميع المعلومات اللي تعطينها اي موقع بتشترين منه تكون معلوماتك حقت الصندوق الامريكي ( على اساس انك ساكنه هناك ) وبعدين لما توصل هناك للصندوق هم بيرسلونها لعنوانك في السعودية من خلال ارامكس.
      *
      بالنسبة لـ City فهي المدينة .. State هي الولاية .. طبعاً جميع هالبيانات بتكون مكتوبة عندك بشكل واضح في موقع الورلدشيب ( الصندوق الامريكي).
      *
      البوستال كود هو الرمز البريدي .. نعم مكتوب في المعلومات اللي بتاخذينها من الورلدشيب.
      العفو حياك tch26 tch34

  6. بالنسبة لمعلومات الفيزا
    الكارد تيب هذا رقم الفيزا صح وإلا لا
    إكسبريس ماذا تعني
    ومقابلهم خانتين بعد ماذا تعني كل واحدة منهما
    بعد هذي الخانات الأربع فيه خيارين قلت نختار الأول بل مي ليتر
    سامحني وتحملني بالفعل محتاجة إتعلم عشان أعتمد ع نفسي ف الطلب بدل من الإعتماد ع التاجرات المستغلات

    • مرحباً
      الكرديت كارد هي البطاقة الائتمانية.
      تختارين نوع بطاقتك ( سواء فيزا او ماستر كارد ).
      بالنسبة لـ expires فهي تاريخ الإنتهاء لبطاقتك .. السنة والشهر
      والخانة اللي بعدها ID# هي الثلاثة ارقام السرية الموجودة خلف بطاقتك.
      القصد بأختيار الاول هو اختيار ( الكارد ) لأن فيه ثلاث خيارات، كارد وبيل مي ليتر وباي بال .. بيل مي ليتر هذي خدمة للأمريكان وهي شبيها بالأقساط تقريباً. ماتنطبق علينا.

  7. شكرا عزيز
    ماقصرت بصراحة ع الشرح
    والتحمل حاسة أني بديت أفهم وأفتح شوي شوي
    تقييمك أكثر من سبع نجوم لو فيه

  8. عفوا عزيز
    في جملة أنت كاتبها في ردك ع سؤالي عن الفيزا
    القصد باختيار الأول هو أختيار الكارد تقصد اللي فوق ال ID
    وبعدين نختار الدفع ب الباي بال
    أرجو توضيح هذي النقطة
    وآسفة جد أزعجتك

  9. أهلين عزيز مشكوور جدا
    طبعا بفضل الله وفضلك قدرت أشتري من كذا موقع مو بس من رالف
    ماقصرت والله
    بس الحين قاعدة أحاول أطلب من موقع كوتش بس المنتج صار مايفتح فكيف ممكن أطلب
    ياريت تساعدني

    • مرحباً،
      العفو حياك ربي .. بخصوص مشكلتك فـ غالباً ترجع للنت او بسبب المتصفح حقك .. اذا تتصفحين من الايباد جربي تستخدمين تطبيق ثاني غير تطبيق سفاري ( Chrome على سبيل المثال ) .. واذا من اللاب توب ايضاً نفس الطريقة جربي متصفح ثاني Firefox, Chrome …
      لان جربت الموقع ويفتح عندي تماماً، هذا مثال:
      http://www.coach.com/online/handbags/Product-madison_slim_envelope_wallet_in_leather-10551-10051-51968-en?cs=lid0c

      وممكن ايضاً تطلعين على منتجات كوتش في موقع Amazon أو 6pm ( اعتقد ارخص من موقعهم الرسمي غالباً ).

      http://www.6pm.com/

  10. شريت عن طريق الباي بال هل فيه مشكله ؟ وهل بيتمم لي الشراء أم ماذا ؟ ساعدوني !! خفففففففففففت … tch10

  11. أهلا عزيز
    شكرا ألف على مساعداتك للجميع وما قصرت بصراحة
    بالنسبة لموقع تومي
    كيف ممكن أحمل التطبيق حق الموقع عشان أطلب ياريت تساعدني
    وآسفييين على تعبك معانا

    • مرحباً،
      العفو حياك ربي .. مافهمت وش قصدك بتومي؟ قصدك ماركة تومي هيلفقر؟

      ما اعرف تطبيق لهم الصراحه وما انصح بموقعهم الرسمي، موقع امازون يقدم اسعار افضل وايضاً موقع 6pm .. اسعارها جداً مناسبه عندهم.

      www.6pm.com
      www.amazon.com

  12. شكرا عزيز
    بس هل هذي المواقع
    أمازون و6pm تقدم ماركة تومي هيليفقر
    ممكن تضيف رابط هذي الماركة في الموقعين

    • مرحباً،
      تفضلي:

      http://www.6pm.com/tommy-hilfiger

      http://www.amazon.com/Tommy-Hilfiger/b/ref=dp_apparel_byline_ety?ie=UTF8&node=2602437011&field-lbr_brands_browse-bin=Tommy+Hilfiger

  13. أهلين عزيز
    يمكن أنا مصرة على موقع تومي هيليفقر الأمريكي
    الأصلي ليش ما يفتح
    فتح عندي البريطاني بس أنا أبي الأمريكي لأنه أرخص
    ومشكووور مقدما

    • مرحباً،
      احياناً تكون الشركة حاجبه الموقع الامريكي عن الموجودين خارج امريكا عشان ما تتعارض الاسعار والعروض الامريكية ( الرخيصة نوعاً ما ) مع غيرها من الدول.

    • مرحباً، العفو حياك.
      للاسف ماسبق وجربته، لكن غالباً ايه tch3!
      لكن لازم يكون عندك صندوق بريد بريطاني عشان ترسلين الاغراض عليه.

  14. شكرا على الشرح الوافي الله يجعله ف ميزان حسناتك يارب
    عندي استفسار بسيط عن معلومات
    shipping address
    billing address
    بموقع رالف لورين الامريكي
    لازم يكونون متطابقين والا اكتب معلومات الشيبينق امريكي والبيلينق سعودي ؟
    وضح لي هالنقطه لو سمحت ❤️

  15. مرحبا اختي حبيت اسئلك اذا شريت وخلصت يطلع لي رقم الطلب صح هو نفسه اعطيه الدي اتش ال والا بيعطوني رقم ثاني

    • مرحباً،
      الرقم اللي يظهر لك نهاية طلبك من الموقع ماله دخل في الدي اتش ال. هذا رقم الطلب في الموقع وهم بدوهم راح يوصلونه للصندوق الامريكي حقك ( اذا كان الورلدشيب مثلاً ) ولما يوصل هناك الورلدشيب بيعطونك خبر. بعدين انتي من هناك ترسلينه للسعودية بالشركة اللي تناسبك سواء ارامكس او دي اتش ال.

  16. حاولت اطلب من موقع رالف على واصل الامريكي لكنه يرفض الرمز البريدي وش الحل المدينه new castle والرمز 19720

  17. السلام عليكم ..

    في موقع رالف لورين لما اعبي بيانات الحساب الامريكي تبع شوب اند شيب يقولي ان المدينه مو متطابقه مع zip code وش الحل?? ابغى اطلب قبل ينتهي الخصم

  18. السلام عليكم
    صارت المشكله من الجوال ضبطت من الكمبيوتر ..شكرا لك
    وصلت بس الشحن غاالي ..مادري وش الشركات المتوفره وشحنها معقول

      • مرحباً ..
        ممكن من خلال مواقع الشحن للسعودية الاطلاع على اسعار الشحن واختيار مقاسات و أوزان الشحن المتوقعه.
        من هنا مثلاً:
        https://secure2.ws1.com/shipping/rate?lang=ar

  19. طلبت من موقع رالف رولين وحطيت بيانات لي وبيانات للبريد الامريكي من ماي يوس ، البيانات اخذتها من موقع يعلمني طريقة الشراء ويوم خلصت واتميت طلبي دخلت حسابي وفيه معلومات الشحن تختلف شوي بالماي يوس ، هل اقدر اعدله او بتروح لهم الشحنة او لا؟ ردد الله يخليك

Leave a Reply to Faisal الغاء التعليق

اكتب تعليقك
اكتب اسمك هنا