شرح كيفية التسوق من موقع أمازون الشهير

امازون amazon

يعتبر موقع امازون من اشهر مواقع التسوق الإلكتروني، ومثل ما نلاحظ من فكرة شعاره البسيطة ان الموقع شامل كل شيء من A إلى Z . وفعلاً لما تدخله تنفتح نفسك، لانك بتلقى فيه كل شيء .. تحس ودك تشتري مقاضي البيت كلها عن طريقه

عشان تقدر تشتري من موقع امازون تحتاج يكون عندك صندوق بريد امريكي، وشرح كيفية الحصول على صندوق البريد تم شرحها قبل كذا في هالموضوع ( امتلك صندوق بريد امريكي الآن! – شرح موقع ورلد شيب بالصور )، وعشان تستمر سلسلة مواضيع التسوق الإلكتروني بنكمل الشرح على صندوق البريد الخاص بشركة ورلد شيب ( WorldShip1.com)

في البداية نفتح الموقع : www.amazon.com

how to buy from amazon - شرح واجهة موقع امازون وكيفية الشراء منه

نشاهد في الصورة شرح مختصر لواجهة الموقع، تقدر تكتب اي شيء تحتاجه في مستطيل البحث الموجود في الآعلى أو تتصفح الموقع حسب الأقسام المناسبه لميولك ( العاب، كتب، اكسسوارات .. الخ ). بالنسبة لي أكملت الشرح بالبحث عن كوب كانون ( Canon Coffee Mug )

amazon - كيفية شراء من موقع امازون

اضغط على الصورة لرؤيتها بحجمها الطبيعي

بعد البحث بنشوف النتائج بهالشكل، فيه اقتراحات للبحث في الآعلى بعدين تحتها المنتجات مصفوفه، يجي دورك عاد تتفرج وتدور المنتج المناسب لك من ناحية السعر والموصفات والتقييم .. أنا اخترت اول خيار في البحث، لاني حسيته مناسب لي فعلاً 😀

شرح كيفية الشراء من الانترنت موقع امازون - how to buy from amazon

اضغط على الصورة لرؤيتها بحجمها الطبيعي

بعد الاختيار بتفتح لنا الصفحه الخاصة بالمنتج، نشوف على اليسار صور المنتج وبجانبها البيانات الاساسية ( السعر الاساسي، السعر بعد الخصم، مبلغ التوفير، اسم المتجر اللي يبيع المنتج، العدد المتبقي ” مهيب تطلع الا اذا كان المنتج حول مايخلص “، وعدد المتاجر اللي تبيع نفس المنتج وبكم يبدأ سعرهم ) بعدين على اليمين بنشوف سعر المنتج + سعر الشحن وفوقة خيار الكمية ( في حال تبي تطلب خمسة اكواب وتصير تحطهم مع القهوة المغرب )

لو ننزل لتحت في نفس الصفحه بنشوف معلومات اضافية للمنتج ..

شرح كيفية الشراد من موقع امازون بالصور

مميزات المنتج، هل هو مصنوع من حديد، المنيوم، أو خشب مثلاً؟.. يفتح ويتسكر وإلا بس حاطين الغطاء معه زينه ؟ .. الخ

شرح كيفية الشراء من موقع امازون

تفاصيل المنتج، توضح لك وزنه ( تفيدك في الشحن ) والتقييم ولو فيه معلومات ثانية عنه بتنذكر هنا مثل الحجم على سبيل المثال ( ممكن يكون منتج بثر، وزنه خفيف لكن كرتونه كبير )

شرح كيفية الشراء من موقع امازون الامريكي بالصور

اراء الزبائن حول المنتج، يعرض لك تقييمهم والتعليق على المنتج .. هل هو زين؟ هل واجهوا مشاكل؟ وما إلى ذلك

بعد الإطلاع على جميع التفاصيل والتأكد بأن هذا المنتج هو المناسب لنا، نضغط على ( Add to Cart ) الموجودة فوق على اليمين عشان نضيف المنتج لسلة التسوق

الشراء من موقع امازون

اضغط على الصورة لرؤيتها بحجمها الطبيعي

بتطلع لنا صفحه تبين لنا ان المنتج تمت إضافته للسلة، بعد كذا تقدر تستمر في التسوق لو تبي تكمل المقاضي حقتك يعني  .. او تختار كلمة ( Proceed to checkout )

امازون - amazon

بتفتح لك صفحه تسجيل الدخول / التسجيل في الموقع .. لو كان عندك حساب مسبق تختار الخيار الثاني، او تختار الخيار الثاني عشان تسجل عضوية جديدة ..

امازون

تعبي البيانات المطلوبة ( اسمك، بريدك الألكتروني مرتين، رقم جوالك ” اختياري “، كلمة المرور مرتين )

بعدين بيطلب منك بيانات الشحن، اللي هي عنوانك في امريكا .. لذا تفتح حسابك في موقع الورلدشيب وتنقل البيانات كما هي

شرح استخدام الورلد شيب للشراء من موقع امازون

تنسخها من الورلد شيب للامازون زي كذا

الشراء من موقع امازون

بعدين تضغط على كلمة Continue

تعبية بيانات عنوان الشحن لموقع امازون

اضغط على الصورة لرؤيتها بحجمها الطبيعي

بعد ماتدخل عنوانك الخاص بالورلدشيب بيطلع لك موقع امازون اقتراح لتعديل عنوانك اللي دخلته، واللي هو عبارة عن اربعة ارقام في الرمز البريدي، وتعديل في ترتيب العنوان .. التعديل مايضرك بشيء بالعكس يساعد موقع امازون في التوصيل .. لذا اختر العنوان الخاص فيهم بعد التعديل وبعدين اختر Ship to this address

amazon

بعد ما تختار العنوان المعدل بيرجعك لنفس الصفحه الأولى لكنه بيعرض لك العنوان بعد التعديل .. اضغط على  Ship to this address

امازون

هنا الموقع بيشاورك في الشحن .. اذا ما كان المنتج معه عرض التوصيل مجاناً، فـ في الغالب الاستاندر ارخص

امازون

اضغط على الصورة لرؤيتها بحجها الطبيعي

وفي الاخير بيطلب منك بياناتك المالية، تضغط على الايقونة المحددة في الصورة عشان تضيف بيانات بطاقتك الفيزا او الماستر كارد ..

amazon - امازون

بعد ماتضيف البيانات بتطلع لك البطاقة فوق عشان يعلمك انها انضافة لحسابك في الموقع، اضغط Continue

امازون

وفي الاخير بيعرض لك ملخص طلبك وبيكتب لك عنوانك فوق وبيانات البطاقة اللي بتدفع فيها وطريقة الشحن وكل شيء .. خلاص كل شيء زين وتبي تسوي الطلب ؟ .. اضغط على Place your order

وخلاص مبروك عليك .. بكذا تصير اشتريت من موقع امازون * * * *

لنفترض انك ماتبي تشتري كوب وتبي جهاز الكتروني زي الايبود على سبيل المثال .. بكل بساطة تكتب في مستطيل البحث كلمة iPod وبتطلع لك نتائج البحث

ipod in amazon

اضغط على الصورة لرؤيتها بحجمها الطبيعي

بتشوف تحت الجهاز مختصر للمعلومات ، سعره قبل وبعد الخصم، سعر المستخدم “في حالت كان فيه مستخدم للبيع” وتقييمه … وفيه على يسار الموقع مستطيل فيه خيارات تساعدك في البحث

amazon searching option

تحدد الجهاز اللي تبحث عنه جديد والا لا؟ وكم السعر اللي حاطه في بالك؟ حالة الجهاز جديد والا مستخدم والا مجدد؟ وتبحث برضو بالتقييم لو تبي

124 تعليقات

  1. المدونه روعه والله يعطيك العافيه
    بس عندي ملاحظه لو تشيل الايميل عند التعليق عشان يسهل علميه التعليق
    الا لمن يريد ان تتواصل معاه من خلال البريد
    يعني ياليت تخليه اختياري وليس الزامي

    • اهلين، حياك ربي اخوي محمد
      شاكر لك تعليقك وأقتراحك .. بخصوص البريد الإلزامي فهو من المدونة نفسها يكون إلزامي .. وسببه تجنب تعليقات السبام اللي تكون مبرمجة انها تمشي وتعلق على المواقع بتعليقات وهميه كلها روابط .. لكن ان شاء الله نقدر نحل هالنقطة .. لو حاب تسهل عليك عملية التعليق بالإمكان التسجيل في الموقع وبتكون بياناتك موجودة ومايحتاج تكتبها مره ثانية tch26 tch34

  2. ماقصرت ياعبد العزيز لكن وش الافضل بين شركات الشحن الناس تمدح ارمكس لرخصها وورلد شيب لتجميعها

    نبغى منك موضوع مفصل لجميع الشركات واسعاره ومميزاتها

    • اهلين اخوي، بالنسبة للأفضل فهم يختلفون بصراحه .. يعني ارامكس عندها ميزة الصندوق البريطاني والصيني كـ اضافة .. بينما الورلد شيب فقط في امريكا، هذي الميزة الوحيدة اللي اشوفها في ارامكس ( اللي هم شوب اند شيب ). اما من ناحية السعر فـ الورلدشيب ارخص منهم كـ سعر .. وحالياً الورلدشيب سوو عقد مع ارامكس بحيث يكون هو المسؤول عن الشحن الإقتصادي . يعني لو تحب ارامكس بيجتمعون الاثنين مع بعض خلاص tch3

  3. أجمل مدونة ,’,
    ولي الشرف بالمشاركة
    أكيد لأني قربت أنهي معاملاتي مع شركة مايكروسوفت والتوجه إلى عالم أبل tch3:)
    الله يسعدك

  4. عزيزي
    أنت الان ضفت بياناتك أو عنوانك كما هو في امريكيا….وتقول أنك عدلت البيانات يعني أنك عدلتها إلى بياناتك بالسعودية…صحصح..؟

    الف شكر….

    • أهلين،
      لا ياعزيزي ما حطيت البيانات حقت الحساب السعودي، لأن قليل تحصل شيء توصيل دولي ومجاني، لذا لازم تكتب حسابك الامريكي ومن هناك تشحنه انت مع شركة الشحن اللي انت تتعامل معها.

      – وللتوضيح التعديل اللي ذكر في الموضوع تم لنفس البيانات ( الخاصة بالعنوان الامريكي ) وسوينا كذا عشان تتوافق البيانات مع متطلبات موقع امازون .. بس : )

  5. اخى انا سويت كل الى فى الشرح وبعد ذلك وصلتلى رساله على الميل بالمعلومات الشراء
    لكن اتصلت بالبنك وقال لى ان المبلغ لم يسحب هل هذا يعنى ان الطلب رفض
    ام ان الشركه تاخذ 12 ساعه على ما يتم سحب المبلغ
    ارجو الافاده
    وشكرا على مجهودك الرائع tch34

    • اهلين أخوي .. حياك ربي
      بعض الأحيان الشركة تتأخر في الشحن بحسب البائع، وبعض الأحيان تسحب وقت الشحن .. فـ عادي الوضع طبيعي طالما هم ما ارسلوا لك إيميل وقالوا ان عملية السحب ماتمت فـ وضعك سليم إن شاء الله tch20

  6. شكرا اخى على ردك مشكور كتير حاليا تحدثت الى خدمه العملاء الخاصه بالبنك وقالو لى ان المبلغ تم سحبه شكرا جززيلا لك بدى سؤال بالنسبه لموقع ابل بعد ما اتم نفس الخطوات وادخل معلومات الفيززا يرفض الطلب واتصلت بالبنك قال ان الموقع يسحب الحركه اوف لين اما الفيزا فهى اون لاين

    ارجو الافاده ولك جزيل الشكر
    حياك الله

    • أهلين .. حياك
      بالنسبة لأبل فـ ايش هي الفيزا حقتك ؟ تبع اي بنك ووش تكون ؟ هل هي شحن أو لها مسمى معين؟

      أنا بالنسبة لي اطلب من ابل دايم وبأكثر من فيزا وما واجهتني مشاكل .. العنوان اللي تكتبه لوين ؟ تبع مين يعني اراميكس والا ورلد شيب؟

  7. لى حساب فى ارامكس
    وافيزا تتبع بنك مصر واشتريت بيها قبل كده من الاب ستور وعادى تعمل معى
    هيا فيزا خاصه بالانترنت
    اخى ارجو الافاده لانى ابى اشترى الايباد الجديد وما استطيع
    العنوان تبع ارامكس ويعمل وجربت من امازون واشتريت كاميرره
    لكن ابل يقول
    Your payment authorization failed. Please verify your information and try again, or try another payment method.
    ارجو افادتى لانى لا استطيع ان افعل شئ وجزاك الله خيرا ويا ليت لو عندك ايميل يا ليت لو تضفينى عندك لانى اريد ان اطلب الجهاز باقصى وقت وشكرا
    amrarab2@yahoo.com

    • مرحباً، بالنسبة للمشكلة اللي عندك ممكن عشان الرصيد مايغطي الجهاز؟ متأكد الفيزا تقدر تغطي نفس المبلغ اللي انت طلبته؟

      جرب تطلب مره ثانية قد يكون هناك مشكلة وقت طلبك في المره السابقة.

  8. شكرا اخى على ردك

    هل فعلا استطيع بحساب ارمكس الشراء من الستور الامريكى ام لا
    لانه اتصلت بخدمه العملاء الشوب اند شيب قالوا انه الستور الامريكى لابل لاتستطيع و

    وسالت بعض الاصدقاء على تويتر قالو لى لا تدخل رقم الهاتف الى ارامكس تعطيهولك
    ولكن استدخدم اى رقم اخر
    وهل ان استخدمت اى رقم اخر سيوافق على الطلب
    ارجو مساعدتى احتاج ان اشترى الايباد
    الفيزا بها رصيد كافى
    لكن الستور البريطانى وافق على الطلب لكنه لم يكمل لان رصيد الفيزا لم يكفى حيث انه الستور البريطانى اغلى من الامريكى فلم يكفى الرصيد

    وشكرا لك اخى ارجو المتابعه ومساعدتى

    • أهلين .. نعم يا اخي ممكن الطلب من الابستور الرسمي من خلال ارامكس
      ممكن تسوي للصفحه اللي عبية فيها بيانات الشحن الخاصة بأرامكس برنت سكرين وترسلها للإيميل ( info@tichno.com ). قد تكون اخطأت في تعبية الخانات.

      بالنسبة لرصيد الفيزا فهل احتسبت سعر الايباد مع الضريبة؟ يضاف على السعر ضريبة تعادل 7% تقريباً ..

  9. اسف خبط الكمبيوتر هههه
    اذا وضعت عنوانك بامريكا الشحنه تجيني كيف؟ tch40
    على كذا الشحنه تستلمها انت ؟ tch25
    ما تشحن على السعوديه مباشره ليش ؟ tch13

    • أهلين،
      أمازون أغلب الأشياء اللي عندهم تكون مافيها توصيل دولي، فـ بالتالي تحتاج يكون عندك صندوق بريد أمريكي ( هذا الموضوع بيفيدك عن طريقة الحصول على عنوان امريكي : https://www.tichno.com/shipping/world-ship-review ). بعد كذا أنت تشحن بضاعتك للصندوق ومن الصندوق تشحنها للسعودية.

  10. أبغى أشتري من أمازون الأمريكي ، وتجيني السلع في كندا .

    ماهي الطريقة ، هل عن طريق صندوقي في أرامكس ، أو عن طريق عنوان سكني المباشر ، أو ماذا .. سؤال أوجهه لأصحاب الخبرة .

    الالكترونيات عندنا في كندا غالية جدا ، وتفوق أسعارها ثلاثة أضعاف سعر أمازون الأمريكي أحيانا ..

    ( طبعا الأمازون الكندي ضعيف جدا سلع قليلة جدا وأسعار غالية وأغلب البضائع ماهي موجودة فيه )

    بانتظار خبراتكم ودعمكم .. حفظكم الله ورعاكم .

    • اهلين .. بحسب ما اعرف ان امازون يقدم خدمة الشحن الدولي .. مهيب مجانية اكيد لكنها بتكون ارخص لك من الاسعار عندكم .
      طريقتها كيف بالضبط مدري والله، لكن ممكن تكون متاحه لبعض البائعين او اذا كانت السلعه اللي بتشتريها من امازون نفسهم .

  11. اقدر اشتري بطاقه اي تونز من امازون ويعطوني الكود اونلاين ؟ ولا لازم يشحنوها ؟

  12. السلام عليكم ورحمة الله ,,
    انا طلبت من موقع امازون واتبعت طريقتك وسجلت بالورلدشيب ..
    بس الحين حسابي بالورلدشيب هو 0 .السؤال كم احتاج اني اشحنه عشان توصل الشحنه للسعوديه ؟؟ هل الموقع بيحدد اذا وصلت الشحنه والا كيف؟

    • وعليكم السلام ورحمة الله وبركاته،
      ممتاز .. بعد ما توصلك الأغراض على الصندوق حقك وتسوي لها امر شحن للسعودية بتختار وش نوع الشحن ( اقتصادي والا سريع ) وبعدها بيسوون الورلدشيب تجميع لاغراضك وبيرسلون لك ان شحنتك جهزة وان هذا وزنها وسعرها كذا وكذا .. بعد كذا تدخل انت حسابك وتحول المبلغ المطلوب وخلاص يتم الشحن ان شاء الله tch37

      • سؤال آخر طال عمرك
        الحين لو بطلب نظارة شمسيه من امازون , اول شي امازون هو موقع يبيع بضائع جديده صح؟
        ثاني شي ماتنكسر النظاره من امريكا الى بيتنا ؟؟ tch31

        • اهلين،
          امازون فيه بيع اشياء جديدة وأشياء مستخدمة .. وان شاء الله لو تشحن نظارة مايجيها شيء tch34 tch26

  13. مشكور ويعطيك العافيه الله يجعله في ميزان أعمالك

    حبيت أسأل سؤال هو كثير انسأل بس عجزت افهم tch34

    اذا وصل الطلب لبريدي الامريكي في الورلد شيب وطلبت شحنه للسعودية

    بيوصل على أي بريد ؟ هل لازم أشترك في بريد معين مثل ارامكس والا DHL وهم يوصلون لي الطلب أو تلقائي يرسلونه لهم مع معلوماتي وهم يتصلون علي اذا وصل الطلب ؟

    وشكرا جزيلا tch26

    • أهلين .. العفو tch34 tch26
      إذا وصل الطلب السعودية بيتصلون عليك شركة الشحن اللي أنت أخترتها تشحن طلبك من الصندوق الامريكي ( حالياً يا أرامكس للشحن الإقتصادي / أو دي اتش ال للشحن السريع ) ولما يتصلون عليك بينسقون معك وين تبي تستلم الشحنه، أي فرع قريب منك؟ وبعدها تروح لهم وتسلمه .. ما تحتاج يكون عندك صندوق بريد هنا أو غيره tch5

    • أيه نعم لازم فيزا أو أي بطاقة إئتمانية ( ماستر كارد / أمريكين أكسبريس .. ).
      وبالنسبة للشحن لازم يكون عندك صندوق أمريكي. فيه بعض المنتجات يكون عليها عرض شحن دولي لكن قليلة.

  14. سلام عليكم اخوي
    انا سويت تجميع الادوات PS3 ولجهاز في بالي شي راجعت الملف مالهم في شحن للعراق
    يعني هم يشحنونه يعني مو كثير بس فهمت منهم انو في شحن للعراق لكن ماعرف كيف اسوي العنوان والباقي
    طبعا انا من العراق
    اتمنى تساعدني

    • وعليكم السلام ورحمة الله وبركاته،
      بالنسبة لامازون ففيه بعض المنتجات يكون لها شحن دولي ( طبعاً مو مجاني ) لكن بالنسبة للطريقة كيف بالضبط فانا مااعرفها لاني ماجربتها صراحه.
      بخصوص العنوان فـ المفترض تكتب عنوانك الحالي في العراق. اسم المدينة / صندوق البريد / رقم الهاتف / اسم الحي والشارع .. الخ من المعلومات.

      • تقدر تشوفلي؟
        انا حرت سويت قوائم بكل المواقع وللحين ماعرفت اي موقع بوصل للعراق

  15. السلام عليكم

    انا بهنيك على شرحك….. وانا عملت كل شئ
    بس ابغة اتاكد من شئ؟ الفاتورة بدفعها من الامازون ولا من ورلد شيب ؟
    انا دفعت وحطيت الفيزا في الامازون ولكن حطيت الفاتورة على عنواني في ورلد شيب والشحن في ورلد شيب …… وهل لازم اضع فلوس في حسابي( ورلد شيب) ؟؟؟

    ممكن اتفهمني السالفة حقت الفاتورة 😀

    من السعودية (الرياض)

    • وعليكم السلام ورحمة الله وبركاته، أهلين وسهلين tch34 tch26
      بالنسبة للدفع فـ أي منتج تشتريه بتدفع سعره للشركة اللي أشتريت منها، مثلاً اشتريت أشياء من أمازون بتدفع مباشرة للأمازون وإلا ما راح تنشحن أغراضك للصندوق أساساً .. أشتريت من موقع ثاني غيره برضو الدفع بيكون مباشرة لهم والورلدشيب بيكون بالنسبة لهم هو أنت! .. لأنهم في أعتقداهم أن هذا هو عنوانك وعلى بالهم أنك أنت بتنتظر الأغراض عند الباب tch3
      لذا بمجرد ماتشتري أشياء من أمازون بيخذون فلوسهم وبيرسلون لك الأغراض على الورلدشيب. واما بالنسبة لشحن رصيدك في الورلدشيب فـ هذا مو ضروري مبدئياً .. بعد ماتوصل جميع أغراضك وتسوي لها طلب شحن للسعودية، بيجمعون كل أغراضك في شحنة وحدة وبيرسلون لك إيميل بسعر الشحنة. وقتها بتدخل على الموقع وتشحن رصيدك بالسعر المطلوب .. وبس tch17

  16. سلام عليكم
    بكم بصير تكاليف الاغراض ماعرف اجمعهم معا كم وزنهم كلهم ماعرفت اطلع اي شي ابد
    اكون شاكر لكم
    http://www.amazon.com/gp/product/B007U5MEH0/ref=ox_sc_act_title_4?ie=UTF8&m=A1QNBY8CONX05H
    http://www.amazon.com/gp/product/B003WY86L6/ref=ox_sc_act_title_3?ie=UTF8&m=APTTFM1G1FSJ9
    http://www.amazon.com/gp/product/B005D7G3LA/ref=ox_sc_act_title_7?ie=UTF8&m=ATVPDKIKX0DER
    http://www.amazon.com/gp/product/B004T7IRS2/ref=ox_sc_act_title_7?ie=UTF8&m=ATVPDKIKX0DER
    http://www.amazon.com/gp/product/B0042R81XU/ref=ox_sc_act_title_9?ie=UTF8&m=ATVPDKIKX0DER
    http://www.amazon.com/gp/product/B003L1ZYYW/ref=ox_sc_act_title_10?ie=UTF8&m=ATVPDKIKX0DER
    http://www.amazon.com/gp/product/B0038KMNDQ/ref=ox_sc_act_title_1?ie=UTF8&m=ATVPDKIKX0DER
    http://www.amazon.com/gp/product/B003JZ45DG/ref=ox_sc_act_title_2?ie=UTF8&m=ATVPDKIKX0DER
    http://www.amazon.com/gp/product/B004UD0CSI/ref=ox_sc_act_title_8?ie=UTF8&m=A4D5YUCGK9W9X
    http://www.amazon.com/gp/product/B0045U01OG/ref=ox_sc_act_title_6?ie=UTF8&m=ATVPDKIKX0DER
    http://www.amazon.com/gp/product/B002I0J82G/ref=ox_sc_act_title_2?ie=UTF8&m=ATVPDKIKX0DER
    http://www.amazon.com/gp/product/B0050SXJXW/ref=ox_sc_act_title_1?ie=UTF8&m=ATVPDKIKX0DER
    ثالث حاجه ابي منها قطعتين
    اتمنى تساعدوني tch21

    • وعليكم السلام ورحمة الله وبركاته .. أهلين وسهلين أخوي
      حياك ربي tch26 tch34 .. بالنسبة لأستفسارك فـ للأسف يا أخوي ما نقدر نحسبها لك .. الأغراض ما شاء الله كثيرة tch3 .. عموماً الطريقة سهلة وهي أنك بعد ما تفتح الصفحه الخاصة بالمنتج اللي تبيه .. انزل شوي تحت لحد ما تحصل عنوان باللون البرتقالي ( Product Details ). إذا حصلت هالكلمة بتحصل تحتها معلومات باللون الاسود ومقاس الخط بيكون أصغر شوي من الكلمة البرتقالية طبعاً .. من ضمن هالمعلومات فيه كلمة ( Item Weight ) واللي تعني وزن السلعة. وهذا مثال ( Item Weight: 8.3 ounces ) بتحسب الوزن لكل الأغراض وبعدين تروح لموقع الورلدشيب وتحط المجموع وتشوف السعر التقريبي للشحن.
      * * *
      وأنا عن نفسي أنصحك قبل لا تشتري شيء تمر فرع سوني وتسعر الأشياء الموجودة وتقارن الأسعار وتشوف هل بتفرق الدعوة وإلا لا؟

      • يالغلا مو هنا المشكله بالعراق السوني لحاله 650 دولار بيفرق كثير تقريب سعره بيطلع 2000 ريال
        وما بتوقع عندنا وكيل بالعراق 🙁 ياليت عندنا
        في سؤال اخر كيف اعرف ان العاب نظامها اوربي او امريكي وPS3 كمان 🙁

        • أها، عذراً أعتقد أن الوكيل متوفر عندكم.. عموماً بالنسبة لمعرفة نظام الألعاب أعتقد أن البلايستيشين الموجودة على أمازون الأمريكي بتكون بنظام أمريكي، والموجودة على أمازون البريطاني ( Amazon UK ) بتكون بالنظام الأوربي. طبعاً أنا ما أعرف لكن هذا مجرد توقع والأفضل لك تستشير خبراء الالعاب عشان تتأكد، أرشح لك موقع سعودي قيمر أو البوابة الرقمية tch26 tch34

  17. شكرا على المعلومات هذي tch21

    بس عندي استفسار بسيط tch32

    انا وضعت في مكان دفع الفاتورة عنواني في الورلد شب.. هل بيبعتو الفاتورة عليه ولا مافي اي مشكلة (عادي يعني) ولا لازم يكن مكان دفع الفاتورة فاضي ؟؟؟؟

    ارجوا يكون الرد بسرعة عشان الحق اعدل 😀

  18. ياخي جزاك الله خير
    اولا معليش تحملني لاني جديد بالشغله هذي
    اسجل اول مره بالامازون في اميلي العادي مثل ال hotmail او بالحساب ألامريكي مثل الولرد شب
    ثانياُ التواصل مع الامازون عن طريق الاميل او الولرد شب
    وشكرأً مقدماً

    • أمين واياك وكل مسلم يارب.
      بالنسبة لإستفسارك فـ التسجيل يكون بالاثنين .. تحتاج ايميلك عشان التسجيل، وتحتاج تكتب عنوانك الامريكي الخاص بالورلدشيب عشان يرسلون لك الاغراض عليه.
      بالنسبة للتواصل يكون عن طريق الايميل.
      العفو tch26

  19. السلام عليكم ورحمة الله وبركاتة
    انا اسجل بالورلد شب عنون امريكي من اين اتي بــــ address ) ( city phone ( zip )لازم تكون حقيقي او افتراضي
    ارجو الرد
    😀

    • وعليكم السلام ورحمة الله وبركاته،
      بالنسبة للـ zip فهو الرمز البريدي .. اما city phone ممكن تكتب تلفونك tch3
      والـ Address تكتب عنوانك ( المدينة، الحي، الشارع) عشان توصيل الشحنة بعدين

  20. أخي جزاك الله خير
    لم تفهمني سوالي : انا أخد عنوان امريكي من الورلد شب والعناوين التي اسلها في الورلدشب عناويني في امريكا ولا هنا في السعودية ؟
    طيب انا ما عندي عنوان في امريكا ولا عمري جيتها !!!!!!!!!!!!!!
    انا ما عندي صندوق بريد لازم اخذ ؟ tch2

    • مرحباً، بالنسبة للورلدشيب فهو يعطيك عنوان امريكي بحيث تقدر تستلم من خلاله اي منتجات تشتريها من امريكا، ومن ثم يرسلها لك للسعودية. مايحتاج لك عنوان في امريكا ولا يحتاج تروح لها ولا شيء tch3
      صندوق البريد بيجيك بمجرد ماتسجل في الوردشيب tch40

  21. السلام عليكم الله يجزاكم خير
    عندما اطلب بضاعتي واحملها بالسلة ترسل الى الصندوق بالولد شب كيف يرسلها الورلد شب الى عنوني في السعودية هل عندهم شركاتهم في جميع الدول والمدن مثل (المدينة المنورة عنواني ) او اني انا ادخل موقع الورلد شب وفيه اختيار الناقل واختار انا مثلاً ارامكس

    • وعليكم السلام ورحمة الله وبركاته،
      لما تشترك في الورلدشيب بيعطونك صندوق بريد امريكي، هالصندق راح تستخدمه في مواقع الشراء ( مثل امازون على سبيل المثال) لما تشتري وتوصل الاغراض لحسابك في الورلدشيب بتطلب توصيلها لك للسعودية . بيكون قدامك خيارين، شحن سريع من خلال شركة DHL أو شحن اقتصادي عن طريق شركة ارامكس .. تختار اللي يناسبك وتطلبها لك .. وبعدها توصلك الشحنة في مدينتك

  22. السلام عليكم

    انا كنت عاوزة اعرف ازاى اعرف حساب حاجتى هيبقى بكيلو ولا بتحاسب علية بالقطعة يعنى مثلا كل قطعة عليها تلاتة او اربعة دولار

    ولو بالوزن الحتة اللى تحت مكتوب عليها (shipping weight:3 pounds)
    ده مثال انا اعرف الوزن ازاى ده مش مدينى وزن اصلا؟؟

    • وعليكم السلام ورحمة الله وبركاته،
      بالنسبة للحساب فـ بيكون بالوزن .. الأوزان انواع من ضمنها ( الكيلو – الباوند ) الباوند مستخدم بكثرة في الدول الأجنبية والكيلو يعادل 2.2 باوند .. يعني لو فيه شحنه وزنها 22 باوند بتكون تعادل 10 كيلو تقريباً .. اما بالنسبة للمثال المذكور ( 3 باوند ) فهو يساوي كيلو وشوي tch34

  23. السلام عليكم ، وجدت لكم أفضل شركة للشحن و طبعا بعد تجربتها مرتين كانت في المستوى ، الشركة غير مكلفة و بدون اشتراك شهري ، فقط لحجز العنوان يكلف 5$ تدفع مرة واحدة فقط ، الشرح طويل شوية و اليكم احدى المدونات مشروحة عليها الشركة ب 4 لغات و من بينها العربية .
    http://www.adresse-usa.1s.fr

  24. موضوع مفيد جدا , مشكور

    كم يحتاج وقت الي ما يظهر في صفحة حسابي الشخصيه انه الشحنه وصلت عندي في الورلد شب ؟ tch15

    • أهلين .. تعتمد على حسب وقت وصولها، لو كانت في الويك أند ( السبت والاحد ) تتأخر لحد يوم الاثنين لان عندهم اجازة .. وبرضو بحسب الزحمه اللي عندهم أعتقد tch34

  25. السلام عليكم . هل الورد شيب يوصل البضائع إلى المغرب . وهل حتى بعد ان ادفع لهم
    مصاريف الشحن هناك مصاريف اخرى سادفعها عند إستلامي للبضاعة /الجمارك) وهل ساتسلم البضاعة في منزلي اينما كان او عن طريق بريد او شيء اخر وشكرا. tch28

  26. الله ينور عليك
    ممكن تطلعني من الحيرة والاقي جواب لسؤالي
    شلون ارسل الشحنه لصديقتي بمدينه ثانية وانا مشتركه بالورلدشيب

    هل بالشيبنق ادريس احط عنوانها ؟!!!!

    اكون ممتنه لو اجبتني وشكرا مقدما

    • اهلين .. يعني انتي تبين تشترين اغراض من امازون وتروح مباشرة لصديقتك كـ هديه مثلاً ؟
      إذا هذا قصدك فـ صحيح تحطين عنوانها في الشيبنق ادريس والبيلينق ادريس يكون عنوانك انتي .. وبكذا يوصل لها الغرض tch34

  27. السلام عليكم
    البيانات في الحساب الامريكي من فين اجيبها
    والا اضع ارقام وهميه والا كيف الله يعافيك
    واسفه ع الاطاله

    • وعليكم السلام ورحمة الله،
      اي بيانات في الحساب الامريكي قصدك؟ تقصد صندوق البريد الأمريكي؟!

  28. مرحبا اخوي
    انا اسفه ع كثرة الاسئلة
    ايواا اقصد الورلد شوب من فين اجيب البيانات
    علماً باني جديدة ع هالسوالف
    الشوبينق ١ والشوبينق ٢ في خانه الحساب الامريكي الورلد شوب انا اسجلها ؟
    ماعرف عناوين امريكا
    وبالنسبة لرقم الموبايل اكتب السعودي والا امريكي وانا ماعندي امريكي

    • مرحباً،
      لا عادي كثرة الأسئلة مو مشكلة لكن ياليت إذا عندك سؤال في الورلدشيب يكون في موضوع الورلدشيب وإذا عندك في الأمازون يكون هنا في موضوع الأمازون عشان افهم قصدك ومانتلخبط وبعدين تروح أغراضك الضحية tch3
      *
      بالنسبة لسؤالك فـ بعد التسجيل في الورلدشيب راح يعطونك عنوانك البريدي .. بيكون مسجل فوق في أعلى الصفحة .. زي هذا :
      http://1-ps.googleusercontent.com/h/www.tichno.com/wp-content/uploads/505x134xhow-to-buy-from-amazon8.jpg.pagespeed.ic.44O-8hFyzX.jpg

      وبالنسبة لرقم الجوال فهي اختيارية في موقع امازون وممكن تترك فارغة

  29. معليش اخوي ع الازعاج
    احس اني تنحت م عاد اقدر استوعب تقفل مخي من الفرحة اني بفتح حساب امريكي
    ادرس ١ وادرس ٢ اكتب فيه عنواني السعودي ؟!!
    والا عنواني الامريكي ؟!!
    والجوال اكتب السعودي في ال ٢ ؟!!
    tch27

    • مرحباً،
      بالنسبة للأدريس 1 و 2 فـ قصدك الموجودة في موقع الورلدشيب أو في امازون؟؟!
      اللي في الورلدشيب لازم تكون عنوانك السعودي لأن الورلدشيب راح يرسلون لك اغراضك للسعودية، اما العنوان اللي وقت التسجيل في امازون فـ راح تكتبين الادريس الامريكي اللي بيعطونك اياه الورلدشيب لأنك بترسلين اغراضك من امازون لعنوانك الأمريكي ومن هناك الورلدشيب راح يرسلها لك tch34
      الجوال نفس الكلام ايضاً، في امازون جميع البيانات امريكية ( الخاصة بالورلدشيب ) وفي الورلدشيب تكتبين بياناتك السعودية ( عنوانك وجوالك .. ) tch34

  30. مرحبا
    اخر سؤال اخوي
    لو باخذ اغراض من بريطانيا لازم يكون عندي حساب بريطاني ؟
    الحساب البريطاني نفس طريقة الحساب الامريكي ؟
    من الامازون لبريطانيا من بريطانياا لسعوديه ؟!

    • مرحباً،
      ايه نعم لو بتأخذين اغراض من بريطانيا والموقع اللي بتشترين منه مايوصل للسعودية مباشرة لازم يكون عندك صندوق بريطاني وبعدين من بريطاني تنرسل لك الأغراض .
      الصندوق البريطاني تحصلين عليه من شركة شوب أند شيب ( Shop and Ship )

  31. السلام عليكم

    اخوي عنواني اللي بالسعوديه
    اكتب مثلاً المملكة العربية السعودية – الرياض
    بس كذا عنواني
    علماً بان شركة ارامكس هي اللي بتسلملي اياها
    يعني م يحتاج دقه بالعنوان مثل الرمز البريدي والصندوق البريدي

    • وعليكم السلام ورحمة الله وبركاته،
      مرحباً .. الأفضل تكتبه كامل لأنه ما راح يضرك شيء، كيف عرفت ان ارامكس بتوصل لك الشحنات؟ هل عندك حساب شوب أند شيب يعني أو من خلال الورلدشيب بتختار الشحن على ارامكس؟

  32. اهلين اخوي
    ي ليت تكتب لي العنوان كمثال علشان افهم المثال
    بالنسبة لشحنه الورد شوب بشحن ارامكس ان شاء الله
    لانه اقل تكلفه من الدي اتش ال صح
    انا ما جربت

  33. مرحباً،
    بالنسبة للعنوان يكون اسم المدينة واسم الحي والشارع والرمز البريدي ورقم الجوال اهم شيء إذا بيكون عن طريق ارامكس، ولما توصل راح يتوصلون معك إن شاء الله.

  34. السلام عليكم أنا من المغرب عملت كل هذه الخطوات عندي حساب في أمزون و حصلت أيضا على كرت بيونير ولازلت أبحث عن طريقة للتسجيل في أرامكس دون الحاجة للسفر إلى مدينة أخرى،بالنسبة لكرت بيونير هل يمكن أن أستخدمه في مثل هذه العمليات لأن كرتي لم يُقبل في الباي بال، و هل هناك ضريبة في الجمارك يجب أن أدفعها أم أن أرامكس تتكلف بكل الإجرءآت

    • وعليكم السلام ورحمة الله وبركاته،
      للاسف ماعندي معلومات عن المغرب .. أنا استخدمها حالياً من السعودية ولو طلب جمارك راح يدفعونها شركة الشحن بعدين انت تدفعها لهم. الأفضل لك تتواصل مع ارامكس او شركة شحن اخرى موجودة عندكم في المغرب وتسألهم وإن شاء الله يكون عندهم كامل المعلومات اللي تحتاجها.

  35. عند التسجيل رقم الماستر كارد نحط مسافة عند كتابة الرقم والاسم لو كان فيه مسافة نكتبها ؟؟؟؟
    لان عندي خطاء بمعلومات البطاقة وما ادري ايش هو ع العلم اني كتبت الرقم بدون اي مسافة

    • مرحباً،
      لا ارقام البطاقة تكتب بدون مسافات .. الاسم نعم تكتب فيه المسافة لو موجودة مسافة على البطاقة

  36. السلام عليكم طيب اقدر ارجع المنتج اللي اخذتوه وكم المده اللي تقعد عندي واقدر ارجعه

    • وعليكم السلام ورحمة الله وبركاته،
      مرحباً .. على حد علمي لايوجد وقت معين .. لكل سلعه حاله مختلفه، ادخل على طلباتك وبتحصل من ضمن خيارات الطلب خيار ترجيع المنتج. اذا مو موجود ما اضن يمكن يرجع الا اذا فيه مشكلة.

  37. عملت لي فيزا احسب الموضوع سهل، جاني اكتئاب من طول اللفة.. ساعة بولر في السعودية ب ٥٣٠ وهي في امازون ب ٢٥٠ الشحن مجاني والفرق بين في كل موديل تقريبا ٢٥٠-٣٠٠ كنت مبسوطة قبل اقرأ مواضيعيك tch9، الشحن الاقتصادي كم يصير تقريبا؟ ارامكس داخليا تشحن العشرة كيلو ب ١٢٠ كيف دوليا!!
    والعنوان المطلوب في الورلدشيب عنوان البيت او شركة الشحن؟
    أدري الموضوع قديم بس يارب ما يكون فات الاوان على ردك tch9

    • مرحباً،
      هنا فيه جميع التفاصيل بخصوص شركة الشحن ( ورلد شيب ):

      https://www.tichno.com/e-shoping/shipping/world-ship-review

      انا بصراحه فضلتها على ارامكس ( شوب اند شيب ) لان عندهم خاصية تجميع الشحنات وفيه خيار انك تشحن من اكثر من شركة شحن ( ارامكس – دي اتش ال – فيديكس ).

      * * *

      بخصوص استفسارك عن الشحن كم تكلفته فـ دايماً اذا شفت لك سلعه عجبتك في موقع امازون مثلاً تشوف وزنها كم ( تحصله ضمن الوصف الخاص بالمنتج )، مثل كذا:

      https://www.tichno.com/wp-content/uploads/how-to-buy-from-amazon7.jpg

      موجود عندك خانه اسمها Shipping Weight. بعد ماتشوف الوزن تروح لموقع شركة الشحن ( ورلد شيب) وبتحصل خانه حساب الشحن، تكتب الوزن وبيعطونك سعر شحنها من صندوقك لحد عندك. طبعاً في كل شركات الشحن عندهم حد ادنى في سعر الشحن واللي غالباً يبدأ من ٧٠ ريال تقريباً. مثلاً لو بتشحن قلم رصاص من امريكا بيكلفك ٧٠ ريال ( لانها هي الحد الادنى للشحن ). بينما لو تشحن كرتون اقلام رصاص بتكلفك ممكن ٧٠ ريال او اكثر شوي لان وزنها بسيط وما زالت ضمن الحد الادنى للشحن .. اتمنى اكون افدتك ولو بالشيء القليل .. لاني يوم رجعت قريت الكلام حسيتني حستك اكثر مدري ليه tch3

  38. هلا اخوي انا شريت من قبل من امازون اوصلني طلبي لكن مشكلتي في ان الطلبيه جت منفرده ودفعت عليها سعر الشحن في ارمكس اضعاف سعرها برغم من انها اشياء بسيطه جدا جدا الحل هو اني انجمع الطلبيه او نشتري من بائع واحد وحابه اشتري من امازون نفس بس بدي اعرف انه يبعت الطلبيه متفرقه او يجمعها في كرتونه وحده ويوفر عليا كثيييييير من المصاريف انا بغينه عنها ياريت اتفيدني في اقرب وقت وانا من ليبيا للعلم tch9

    • مرحباً،
      الحل بسيط وسهل وشركة ورلدشيب موفرته لك .. افتحي صندوق امريكي في موقع ورلدشيب وهم يعطونك خاصية تجميع الشحنات عندهم قبل شحنها لمدة ٤٥ يوم مجاناً .. هنا الشرح لكيفية التسجيل معهم وعرض لجميع مميزاتهم:

      https://www.tichno.com/e-shoping/shipping/world-ship-review

      • يعني ورلدشيب يشتغل عندنا في ليبيا وشي تاني شريت من امازون نفسه 9 اشياء بس ايقولي 4 يتم الشحن والباقي لا وبكدا ما رح توصلني الطلبه مع بعض يعني مالي حل الا الورلدشيب صح
        tch10

        • مرحباً،
          عذراً كنت أعتقد أنك من السعودية .. بالنسبة لتعامل الورلدشيب مع ليبا ماعندي معلومة عنه لازم تتواصلين معهم وتتأكدين، اما بخصوص مشكلتك مع امازون فـ الحل لك هو استخدام موقع ورلدشيب أو المواقع الشبيه له والتي تقدم لك صندوق بريد امريكي tch17

  39. انا ماعدلت البريد الامريكي لمن طلب مني خليته زي ماهو في مشكله ؟ tch16

  40. انا دلوقتي في السعودية مكة
    انا الموقع خلاص سهل اقدر اعملو بسهوله
    الي مش فاهمه في امازون هحط ايه
    لو كل المعلومات بتاعتهم هل احط رقم جوالي ولا رقمهم
    ولو كدة هتتبعت ليهم هيعرفو انها بتاعتي ازاي
    معليش الموضوع انقرض بس انا عايز اشتري

    • مرحباً،
      في امازون تكتب بيانات موقع الورلد شيب ( اللي بيعطونك صندوق بريد امريكي). ولما توصل للصندوق ترسلها لعنوانك في الرياض.

  41. لو سمحت حابه اسالك عن منتجات امازون صحبتي قالتلي لازم تختاري اشياء تكون مكتوب عليها sold buy amazon ولو كان البائع غير امازون ممكن ماتوصلك او تاخذ شهرين او ممكن تكون مقلده صحيح كلامها ولا لا لانه بصراحة كنت بشتري اغراض كثيييير ب ٣٥٠٠ ويال من امازون ولما اتاكدت من المنتجات طلع اغلبها مكتوب تحت من بائعين محتلفين رحت كنسلت معظم الطلبات واتشائمت و بطلت اطلب بالمره

    • مرحباً،
      بالنسبة لمعنى كلام صديقتك فـ الفكرة في امازون ان فيه سلع تباع عن طريق بائعين مختلفين وفيه سلع امازون نفسه يبيعها، لما يكون مكتوب sold buy amazon يعني امازون نفسه اللي يبيعك مباشرة ولو مكتوب اسم متجر ثاني يعني هذا بائع متعاقد مع امازون بالبيع في موقعهم. لاتعني بان السلع تتاخر وليس بالضرورة كونها تقليد. اللي يحكم التقليد السعر اولاً ( يعني مثلاً ساعة يد بخمسة دولار مثلاً مستحيل تكون ماركة). والشيء الثاني اللي هو التقييم على نفس المنتج. والتقييم فيه تفصيلات كثيرة ورآي الناس موثق بالصور احياناً.
      اما بالنسبة للتاخير ف قبل اي طلب يكتب لك المدة المتوقعة للتوصيل ومستحيل يتاخرون بالوقت اللي تقوله صاحبتك الا اذا هو مكتوب بس هي ما اطلعت على التاريخ. وغالباً التاخير يصير من البائعين الصينيين اللي يبيعون اشياء رخيصة لكن تاخذ وقت لانها يتم شحنها من الصين لامريكا ومثل ماقلت لك التاريخ يكون مذكور قبل اتمام عملية الشراء.

  42. شكرررررررا الله يطمنك و يعطيك العافيه ان شاء الله راج اجرب و ادعيلك

  43. السلام عليكم .. انا بسالك بما انك ملم بهذا الموضوع الشراء عن طريق الانترنت والشحن وكذا .. انا طلبت من موقع جولي شيك الصيني و دفعت عن طريق الفيزا بس طلع العنوان انا ملخبطه فيه كتبت مدينتي و الدولة والشارع و وكذا بس رمز صندوق البريد حطيت من راسي لان مادري إِيش هو اصلا ههههه و ارسلولي ان فيه خطاء بالعنوان .. مع العلم ان الموقع يشحن دايركت للسعوديه وعن طريق ارامكس .. ف إذا عندك شي تفيدني فيه خبرني الله يعافيك

    • وعليكم السلام،
      تحتاجين فقط تكتبين معلوماتك صحيحه، بالنسبة للرمز البريدي وصندوق البريد يطلبونها غالباً، ممكن تسألين احد من اهلك اكيد بيعرف المعلومات هذي.

  44. السلام عليكم
    عندي كم سؤال ان شائ الله خفيفين 🙂

    1-هل صحيح اقدر اطلب من امزون بدون حساب امريكي سمعت في ناس مسوينها !! عن طريق شركه يتعاملون معها يعطونها كل معلومات ! مدري صحيح او لا ؟

    2-الشحن على كل قطه او افضل اجمع كل الاغراض مع بعض؟

    3 ماهي اوفر شركه لشحن ؟!

    شاكره لك 🙂

    tch28

    • وعليكم السلام ورحمة الله وبركاته،
      ١- ممكن بدون صندوق بريد لكن افضل طريقة هي بالصندوق بالنسبة لي.
      ٢- تجميع الشحنات افضل لان الشحن له قيمة يبدأ منها وهي ٧٠ ريال تقريباً. يعني مثلاً لو طلبت خاتمين بيكون توصيلهم ب ٧٠ ريال، بينما لو طلبتي كل خاتم لحاله بيكون ٧٠ لكل واحد فيهم. طبعاً هذا مثال فقط.
      ٣- الشركات تختلف موسمياً وتقدم عروض مافيه شركة ثابته، واذا كان عندك صندوق ورلدشيب قبل لا تشحن اي شحنه يعرض لك اسعار جميع الشركات اللي عندهم وانت تختار السعر اللي يناسبك.
      العفو حياك ربي tch20

  45. ما هو الفرق بين امازون الامريكي وامازون الكندي

    اذا كان لدي عنوان بريدي وحساب بنكي في كندا هل استطيع اعرض بضاعتي في امازون الامريكي
    ام يجب ان اسجل في امازون امريكا ايضا

    • مرحباً،
      امازون الامريكي للامريكيين وامازون كندا للكنديين tch7
      لا اعرف كيفية عرض المنتجات في امازون للاسف.

اترك تعليق

اكتب تعليقك
اكتب اسمك هنا