أدري اني طولت عليكم والمفروض اني استحي على وجهي وابثركم بكذا موضوع بس مثل ماتعرفون العين بصيره واليد قصيرة ليت كل شي ننجزه بالنظر 😀
حبيت اطرح لكم كيفية عمل بنر اعلاني بجميع خطواته .. راح يكون تركيزنا اكثر شي على برنامج الأميج ردي وخصوصاً الانميشين .. لعمل حركات نصوصيه كانت او صوريه .. والراعي الرسمي هو شركه موبايلي 😛 <- صحيح انك مادريت عن هوى داري بس هنك عاد تجحدها ! 😀
بدايةً لابد اننا نعرف جميع المقاسات للبنرات المستخدمه والمتداوله عبر النت ..
راح نطبق الشرح على المقاس الاكبر
نفتح مقاس عمل 728 × 90 بيكسل
طبعاً [ بعد مانضبط الخلفيه ونختار الصور المناسبه ونكتب الاعلان المطلوب ونحط الحدود مع الحقوق .. وكل شغلنا هذا يكون بالفوتوشوب عقبها ننتقل لبرنامج الايمج ردي اذا كان
الاصدار الثامن .. بخلاف الاصدار العاشر فننتقل له عن طريق القائمه الرئيسية window –> Animation ]
مثل مانتم شايفين البنر يتكون من عندة حركات نصوصيه للاعلان وعلى كذا راح ناخذ كل جزئيه ونشرح فيه خطواته
أولاً :
نبدأ بحركه كلمة ( متوفر الآن )
نلاحظ ان حركتها هو الظهور ثم الاختفاء !
نفتح صندوق الانميشين
ونظهر العين على كلمة متوفر الآن .. ونضيف 2 فريم
الفريم [ 1 ] راح نخلي اعداد الـ Opacity على 0 %
الفريم [ 2 ] راح نخلي اعداد الـ Opacity على 100 %
ونحط اعدادت الوقت على 0.1 sec
ونضغط على ( Tween ) اشرت عليها باللون الأورانج ..
تطلع لنا هالقائمه ونخلي الاعدادات كما هي بالصورة .. وموافق
بعد مانضغط على ( Tween ) بيكون عندنا 7 فيرمات عقب أول فرمين .. ولاحظوا حركه اظهار الحركه بعد ماكانت مختفيه ..
عقبه نضيف فيرم 8 ونخلي اعداد الـ Opacity على 0 % ونضغط على ( Tween ) مره آخرى
عشان تختفي لنا الكلمه من جديد .
ثانياً :
حركه شعار موبايلي [ 1 ]
راح نستخدم بهالحركه ايقونه الممحاة .. فنشتغل على الليرات هنا فخلوا صندوق الانميشن والفيرمات على جنب
راح نبدأ بالشعار كامل ونسوي له نسخ للير 2 ونمسح جزء منه – نسخه لير 3 ونمسح جزء منه – نسخه لير 4 ونمسح جزء منه
وهكذا لمين نخلص من الشعار كله ويختفي عنا كلياً .. فـ تقريبا يطلع لنا 14 لير
عقبه نروح لصندوق الانميشن ونضيف 14 فيرم
ونحط اعدادت الوقت على 0 sec
ونخفي جميع الأعين ..
أول فيرم : وراح يبدأ لنا طبعاً من عند رقم [ 9 ] نظهر لير العين على أول لير للشعار الممسوح رقم [ 1 ]
ثاني فيرم : نظهر لير العين على ثاني لير للشعار الممسوح رقم [ 2 ]
ثالث فيرم : نظهر لير العين على ثالث لير للشعار الممسوح رقم [ 3 ]
رابع فيرم : نظهر لير العين على رابع لير للشعار الممسوح رقم [ 4 ]
الـــــــــــخ الفيرم [ 14 ] يظهر لنا الشعار كامل
ثالثاً :
حركه شعار موبايلي [ 2 ]
وهي حركه سريعه يجيك الشعار راكض من اليسار لليمين 😀
مهوب حنا وقفنا عند آخر فيرم رقمه لير [ 14 ] اللي يظهر لنا الشعار كامل ! هذا انخليه كما هو
ونضيف فيرم ثاني ونظهر عين الشعار الرقم نفسه [ 14 ] ونمشي به بالماوس لجهة اليسار
ونضبط اعدادت الوقت على 0 sec
ثمن نضغط على ( Tween )
ونلاحظ ان كلمة موبايلي تحركت معه على شكل حركه اظهار بسبب اننا اظهرنا العين يوم حركنا الشعار
رابعاً :
حركه صورة ( الأيفون )
وهي حركه اظهار الصوره .. والخطوات فيها مثل حركه كلمه ( متوفر الآن ) السابق شرحه أعلاه ..
نضبط اعدادت الوقت على 0 sec
خامساً :
حركه iPhone 4 in white
وهي حركه تجيك نازله من فوق وترتطم على سطح الارض وتنقز مرتن ثانيه وترجع للقاع مثل لاجدعت لك كأس وقام يناقز بالارض <- لاعاد تشرحين تكفين 😳 !
نظهر العين على كلمة ايفون
الفيرم الأول : نسحب الكلمه بالماوس لـ فوووق لمين تختفي
نضيف فيرم ثاني : ونسحب الكلمة بالماوس لـ تحت ونحطه بالوسط
ونضبط اعدادت الوقت على 0 sec
ثمن نضغط على ( Tween )
بعدها نضيف 4 فيرمات
الفيرم الأول نرفع الكلمه لفوق بضغطتين بالماوس
الفيرم الثاني : ننزل الكلمه بضغطتين بالماوس
الفيرم الثالث : نرفع الكلمه لفوق بضغطه بالماوس
الفيرم الرابع : ننزل الكلمه بضغطه بالماوس
عشان تطلع لنا حركه المناقز 😀
.
.
سادساً :
حركه الـ Avilable
ننسخ لير الكلمة مرتين بحيث يطلع لنا ليرين ..
اللير الأول : نطبق عليه من قائمة فلتـر Blur –-> Motion Blur ونحط اعداداته على 50 %
بالفيرم الأول : نظهر عين اللير الأول اللي سوينا عليه الفلتر .. ونخفي عين اللير الثاني اللي هي كلمه Avilable
ونسوي عليه حركه الإخفاء ثم الاظهار كما شُرح سابقاً .. بالـضغط على ( Tween )
الفيرم الثاني : اللير الثاني لـ كلمه Avilable نخليه كما هو + نخفي عين اللير الأول
سابعاً :
حركه iPhone 4 in white
وهي حركة ( التلاشي )
مثل حركه االظهور ثم الاختفاء للكلمه بس باختلاف نقطه بسيطه
وهو انه نحط اعدادات الدمج لكلا الليرين Dissolve بعد مانظهر العين على الكل
ونضبط التالي :
الفريم [ 1 ] راح نخلي اعداد الـ Opacity على 100 %
الفريم [ 2 ] راح نخلي اعداد الـ Opacity على 0 %
وناقف على الفيرم الثاني ونضغط على ( Tween )
وبكذا نكون انتهينا من عمل البنر عسى بس فهمتوا 😎
.
.
يبقى نقطه أخيره وهي كيف نصغر البنر !
وخل نقول التصغير بمقاس 468×60 <- مافيه طريقه خاصه للتصغير لازم تعيد جميع الخطوات من جديد فقط الاختلاف انه بيوفر لك التصميم و الفكره والاخراج .. لكن الخطوات هي نفسها بتسويها بنفس البنر للصغير
عشان كذا المصممين يطلبون سعر خاص للبنر الكبير و سعر آخر للبنر الصغير .. حنا نقدر نصغير البنر هما هو لكن بيطلع مقاسات مختلفه عن المقاس المطلوب !
عشان كذا نظراً لاختلاف مقاسات البنر ( المحدده المطلوبه من قبل الشخص ) نضطر انه نعيد التطبيق والخطوات من جديد < طبت من السطح 😀
بخلاف لو بنصغره على المقاس اللي يحافظ فيه على النسبه والتناسب لحجم البنر .. مع الاحتفاظ بجميع الخطوات ..!
فيعطينا هالمقاسات
نلقاكم بدورس آخرى
Pixel Des
لو سمحتي يا أختي، عندي الكونكت له اسبوع ما يشبك .. وحاولت اضبط الإعدادات وماضبط معي .. ظنك شسوي فيه :(؟
<<-- لا تلوميني، حسيتك مديرة موبايلي خلاص tch38 شرح خطير ومميز، على فكرة مدري ليه جاني الإحساس إنك زي الخباز .. تلعبين بالفوتوشوب لعب بيدينك tch3 شاكرين لك هذه الدرس، ولا تنسين تردين علي بخصوص الكونكت tch38
بالله نبي واحد بيتزا وثلاثه فطاير لبنه سامع انك خبازه على كلام مستري <<<< يسمع شطف tch13 <<< ياقرب pixel واطيتني ومستر بشيول tch3
الله يعطيك العافيه على الشرح الوافي بصراحه درس مهم ورائع يستاهل المفضله
وانا والله مايحوم تسبدي فيه الا حاجه وحده اذا سويت المشروع وخمتك تغيرين كلمه في نص العمل تحصلينها رقت فوق ولا تحت ياكود وزنتها
اشكرك بعنف على جهودك الجباره التي تثمر عقولنا وتنقلنا من غياهب الجهل الى نور التصميم 😀
بنتظار جديدك tch17
ماشالله تبارك الله
انتي بجد موهوبه و محترفه وتسوين شغلك برهى
انا لو منك و اعرف اسوي بس خط بالفوتوشوب او اي برنامج على طول فتحت بزنس وبزنس كارد بعد tch33
انتي امكانياتك كبيره بس مااستغليتها كلها ،
في موقعك اعرضي خدماتك و اقضي على البطاله
وقولي للناس انا موظفه tch30
موفقه
tch28
ماشاء الله .. ابدآآآآع ..
اتعب وانا اقول مبدعه tch27
جزاك الله خير tch1 tch28
tch28 🙁
درس طيب .ٌ .مع اني مافهمت شي لكن من طولة حسيت انك تعبتي ٌ. فيييه
ي الله ارزقنآ الاخلاص .. في القول والعمممممل .
Mr.A
تعال خذ الكونكت حقي متبرعتن به لك لانه شرهتك على اللي عرف وشلون يشحن به ولاتسالن من وين لتس لأني ماني قايلتن لك هديه من موبايلي هومن مادري الا وصاكن بعين < والله طل بوجهتس يعطونتس يابنت خيخي 🙁 tch38
الله مير يسلمك ويعافيك ماسوينا الا المفيد tch3 tch28
كفووو والله
بس اخوي الفوتوشوب ميشتغل عندي يطلعلي هل الكلام
هذآـ
شوف
Errror Number:0×80040303 Description
setuo will now terminate
Unhandled Exception
أهلين أخوي، حياك ربي
المشكلة عندك أنوقع من نفس الفوتوشوب اللي أنت محمله، يمكن تحتاج تحمله مره ثانية أو تحمل نسخة ثانية من موقع ثاني .. ان شاء الله يضبط معك بعدها، تحياتي tch20
هع والله يالذيب حملته
من كل منتدى عياء نفس المشكله
تكفى دورلي حل
وش الويندوز حقك؟ يمكن الإصدار اللي تحمله يكون مايتوافق مع نوع الويندوز مثلاً؟ ما تأكدت بس مجرد توقع tch3
الوندوز سفن
وندوز 7
حملت لين قلت بس والله
عياء تكفى ساعدني
أنا جالس أحاول أساعدك tch3، للأسف ما عندي حل لمشكلتك .. جرب مر محل صيانة وشف وش المشكلة tch37
ammar
يالله انه اتحييك سكرنا المحل ومعروض للتقبيل tch38
الله مير يسلمك .. وبالنسبه لمشكلتك اذا جيت اتغير الكلمه ” فهي نقطه مهمه بقولها لك ”
لازم تنتبه اذا جيت بتغير كلمة أو بتغير صورة لمكان ثاني لازم تروح لصندوق ” الإنميشين ” وتاقف على أول فريم
بحيث اذا حركت اي كلمه فيها تتحرك نفس هالكلمه بالفريمات الأخرى وتكون على مستوى واحد
أما اذا وقفت على ثاني فريم .. وحركت الكلمه معناته انك ” فقط حركة الكلمه من الفريم الثاني ” أما الفريم الثالث و…. والخ ماراح تتحرك الكلمه وراح يختلف التوازن الكلمة وتتغير أماكنهن مثل ماحصل معك
العفووو وحياك الله .. ولو ان الرد كان تأخر لكن السموحه
tch27
tch26
[ CISٍ ]
الله مير يسلمك على هالثناء جدا اخجلني وانا للاسف مااستحي tch35
وهذا الحاصل ان شاء الله بفتح لي متجر للفوتوشوب <- ذي اللي متأثره باالإبُل
الله يعطيك العافيه tch28
[ refiah ]
مشكوره يابعدي شرفتينا والله
واياك ان شاء الله وجميع المسلمين tch1
[ بقآيآ آنسآن ]
يمكنك مو راعي فوتوشوب عشان كذا مافهمت بس صدقني لو بتدخل هالمجال بتفهم عليه ان شاء الله 🙁
الله يعطيك العافيه ويجزااااك خير يارب
tch28
والله كذا الوضع مايخارج
لابد من الشرح بالفديوا غير كذا بالمره ماينفع
ع العموم تسلم دياتك خيتي
Edge
أخوي كلن له وجهة نظر في ناس ماتفهم الا بالصور وفيه ناس ماتفهم الا بشرح الفيديو وأنا معك بهالشي ..
فاذا كنت من النوع الثاني ان شاء الله بالمستقبل راح تكون هناك شروحات بالفيديو على حسب نوع الدرس
عاد أنت الله يصلحك اذا جيت تفتح الكتاب لاتقلب الصفحات فيه بسرعه وتشطف الصور بطرف عينك ! لان كذا أنا أقول برضوا ماينفع tch27
افتح الفوتو واتبع خطوات الشرح وباذن الله راح تفهم tch26
.
.
إبــــــــــــــــــداع قليله بحقــــــك
يا بخت اللي أنت له tch27
شرح رائع وجميل ويعطيك الف عافيه واستمري على ابداعك tch17