نظام التشغيل ليون | OS X Lion

OS X Lion - نظام التشغيل ليون

نظام ليون هو أحدث نظام تشغيل لأجهزت الماكنتوش ( اي ماك – ماك بوك برو – ماك بوك وايت – أير )، واللي شمل حوالي ٢٥٠ ميزة اضافية عن النظام السابق .. وهو متوفر للتحميل من نهاية شهر سبعة ميلادي، يعني تقريباً قبل حوالي العشرين يوم .. وطبعاً كل الفترة اللي راحت كنت اجربه قبل ما اقول لكم، عشان كذا تأخرت 😀 

بعض أهم مميزاته

–  اضافة اللغة العربية لواجهت المستخدم

– التطبيقات والمتصفح يدعم عرض الشاشة كاملة

– Launchpad تعرض لك كل برامج الجهاز بشكل قريب من الايفون والايباد

– Mission Control يعرض لك كل البرامج اللي تشتغل في الجهاز ويتيح لك التحكم بها

– تحديثات لمتصفح سفاري ( التنقل بين الصفحات، صفحة التحميل … )

-Air Drop خاصة نقل الملفات بين أجهزت الماك 

– الحفظ التلقائي

وتعديلات اخرى على iCal, Mail, Photo Booth .. وغيرها

يمكنك الإطلاع على كافة التحديثات والمميزات ( من هنا )

متطلبات التثبيت

لا يمكن تثبيت نظام الليون بشكل رسمي الا عن طريق الابستور، وعشان تقدر تسوي ترقية لازم جهازك تستوفيه شروط محدده، يكون جهازك يعمل على اخر نظام تشغيل ( سنو ليوبرد ) ويكون المعالج الخاص بالجهاز (  Core 2 Duo, Core i3, Core i5, Core i7, or Xeon processor ) ( اضغط هنا للإطلاع عليها في الموقع الرسمي )

snow leopard os سنوليوبارد

اما الانظمه حقتهم، الواحد يحس انه فيه حديقة حيوان وهو جالس يقرأ عنها  😀 

طريقة التثبيت

ببساطة أدخل على الابستور من جهاز الماك وابحث عن النظام ( أو اضغط على الرابط في الأسفل) ثم تابع الشرح

http://itunes.apple.com/us/app/os-x-lion/id444303913?mt=12

OS X Lion - تثبيت نظام ليون للماك

تثبيت نظام ليون للماك - OS X Lion upgrade

OS X Lion installation - الترقية لنظام ليون في الماك

تترقية السنوليوبرة لليون في الماك

تثبيت نظام الاسد في الماك

وبعد مايخلص التثبيت اللي في اخر صورة بيسوي الجهاز إعادة تشغيل وبيثبت النظام، عملية التثبيت بتجلس نص ساعة يمكن أو اكثر بعد .. بعدها بيشتغل الجهاز بالنظام الجديد وملفاتك كلها بتكون زي ماهي ان شاء الله، ما راح ينحذف شيء واللي حاب يضمن ملفات يقدر يسوي لها باك اب

رأيي في النظام انه ممتاز، عدلوا متصفح السفاري واضافوا له كذا حركه حلوه وشكله وتصفحه صار يفتح النفس اكثر من اول، والمتصفح والجهاز بشكل عام يدعم خاصية حفظ الصفحات الموجودة وشكلها، وبشكل عام فيه اقتباسات كثيره من نظام الـ iOS الخاص بالايفون والايباد

عيوبه اللي لاحظتها انه في البداية كان بطيء، بعدين حسيت صار عادي، مدري عاد هو رجع زي ما كان والا انا تعودت عليه كذا

– اللي اشترى الجهاز بعد تاريخ ٥\٦\٢٠١١  يقدر يحصل على النظام مجاني، اضغط على الرابط للمزيد

http://www.apple.com/macosx/uptodate/

فرصة المطالبة بالنظام المجاني قائمة لتاريخ ١٩ اغسطس

– النظام تنطبق عليه شروط الشراء المعروفة من الابستور، يعني تقدر تحمله مره ثانية على جهازي ثاني

– سعره ٢٩،٩٩ $ .. وبينضاف له تقريباً دولار وشوي ضريبة

17 تعليقات

  1. النظام من جد خووورافي 🙂 يعطيك العافيه كفيت ووفيت tch17 ..

    وبالنسبه للفيزا .. بالضبط ماتقدر تستخدمها الا في السعودي وبعدييين الايتونز كارد ولا أحلى منها أفضل ملجأ tch3 ..

    شكراً لك tch28 ..

  2. يا زين الزين .. الماك أو اس من يوم أطلقتها آبل للعالم وهو نظام تشغيل ذكي بمعنى الكلمة و الآن نقول عن لايون أنه نظام التشغيل الذكي الأذكى بهالوجود الآن ..

    حقيقة: نظام تشغيل الماك يغيّر في تفكيرك tch29

  3. أووه أنت مستر A 😀 اللي إبـ بونواف
    tch3

    يعطيك العافية على الشرح و المعلومات

    بس عندي سؤال طال عمرك و لو سمحت و لاهنت

    تقدر تغير أسم الأكاونت أو اليوسر , بدون ما تسوي أكاونت جديد ؟

    بنظام السنوليبارد لازم تسوي أكاونت جديد عشان تغير الأسم tch14

    • اهلين، ايه انا مستر اي اللي في ابونواف .. تحسني صاير حلو، صح tch8؟ << تشقق tch38 بالنسبة لي انا جربت في الليون وتغير معي اسم الحساب، دخلت على System Preferences وبعدين Users & Groups وحصلت الاسم وغيرته tch34

  4. tch16 tch16 tch13 tch7 tch7 tch7

    مثلث هناااا
    شرقت يوم شفتك ياحليلك وياقدمك
    tch30 ادري مانت عارفني < اكبر همه عاد
    tch41

    يارب اني طقيتها سوالف
    tch24

    بس موضووووعك خطنطيييير وان شا الله باسويه للابي واكشخ معكم tch36 tch8 tch8

    tch28هذي لكم كلكم تقاسموها

    • هذي لكم كلكم؟ هالبخل مار علي قبل كذا!! << بيتصفق هههههه ماتشوفين الموقع رهيب وكشخه ويلق لق، ما سألتي نفسك من اللي مسويه : ) حياك ربي :$

  5. يعطيك العافيه ..

    طيب بسآلك الحين انا شريته برمضان الي طاف من اكسترآ ..

    تهقى لو ارح لهم ينزلونه لي مجآني؟

  6. لقيته فري بتورنت بس شسمه مدري ثقه ولالا؟؟

    اخاف يخرب علي الجههآز :=(

    شرآييك ؟ tch33

  7. شرح وافي ورائع
    لدي مشكلة أن جهاز 10.8 ولتحميل ليون لابد يكون الجهاز 10.6 وأكثر

    كيف أقوم بالترقية ؟؟

    وعذرا للإزعاج tch27

    • تصير بس في الحقيقة ماجربتها، هالفيديو يشرح الطريقة كيف :
      http://www.youtube.com/watch?v=0lZ-iaNpLAk&feature=youtube_gdata_player

  8. السلام عليكم هذا انا نفسي اللي هذاك اليوم tch30 tch3
    شالاخبار شالعلوم ؟
    عندي استفسارين .. tch33

    اولا : ايش المميزات اللي واضحه بين النظامين ؟ ماحس في شي مميز
    ول احتى احس في اشياء مثل مايقولوا الاخوان اللي فوق يغير تفكيرك ويطير بك للعالم الخارجي tch13

    ثانيا : مستنداتي وصوري وفايلاتي المهمه بتظل موجوده في الجهاز بعد تثبيت نظام التشغيل الجديد ولا لا ؟؟ tch27

    يسلمو كثيرا tch28 tch27

    • وعليكم السلام ورحمة الله وبركاته
      أهلين وسهلين .. حياك ربي tch34 tch26

      المميزات كثيرة موجودة في الفيديو أغلبها، منها اللغة العربية، اللنش باد ( صفحة فيها البرامج زي الايباد والايفون)، المشن كنترول، فل سكرين لأغلب برامج الماك الأساسية، والأهم أنك تحتاجينه عشان تسوين تحديث للنظام اللي بعده الماونت ليون ( أسد الجبل ) tch3

Leave a Reply to kashoo5 الغاء التعليق

اكتب تعليقك
اكتب اسمك هنا