أشهر برامج الماك

كتب بواسطة أبريل - 08 - 2011   |  ضمن قسم آبل, برامج, ماك

 

كثير ناس ما يقدرون يحولون اجهزتهم للماك عشان البرامج الي تعودو عليها في الويندوز  ، ومن هنا اقولكم ان اغلب البرامج المشهورة لها اصدار خاص للماك  بدون ما تختلف طريقة استخدام البرنامج كثير

في بالبداية راح نذكر برامج الماك الي تجي مع الجهاز بدون ما تشتريها

 

البرامج الاساسية مع جهاز الماك 

 

iPhoto

 

 

 

شعار برنامج iphoto

برنامج رائع ، يحفظ كل صورك بطريقة منظمة و ومرتبه ، سهل انك توصل للصوره الي تبيها
واذا شبكت كامرتك بالجهاز اوتوماتيكي بيفتح

 الـ iPhoto

  ويفتح كل الصور الي بكامرتك و تختار الصور اللي تبي تحفظها بجهازك
بالاضافة انه يسوي تعديل او تحرير للصور من خلال البرنامج
تقدر تنشآ البومات و تطبعها
 تقدر تسوي للصور
slide show
تقدر تشارك بالصور في المواقع الاجتماعية من خلال البرنامج -الاصدار الجديد-

 

الشكل العام للبرنامج

الصفحه الرئيسية لبرنامج اي فوتو في الماك

 

هذا الجدول يوضح الصيغ الي تتوافق مع البرنامج

الصيغ المتوافقة مع برنامج اي فوتو للماك

 

iMovie

 

شعار برنامج اي موفي للماك

برنامج صناعه الافلام ، سهل و يقدم خدمات كثيره للي يحبون يسون افلام قصيره او دعايات
تشبك كاميره الفديو  وتختار المقاطع الي تبيها و تشتغل وتسويلها تاثير سينمائي
تقدر تضيف صور من الـ
iPhoto أو تضيف صوت من الايتونز


فيه مؤثرات جاهزه ، + تقدر تكتب نص في الفلم
ممكن تشارك بافلامك في المواقع الاجتماعية من خلال البرنامج (الاصدار الجديد)
 يشبه عمل برنامج الموفي ميكر في الويندوز

 

الواجهة الرئيسية للبرنامج 

الصفحه الرئيسية لبرنامج اي فوتو الموجود في جهاز الماك

 

iTunes

 

شعار برنامج ايتونز

برنامج غني عن التعريف
  يشغل ملفات قران – اغاني و ينظمها بالبومات
يشغل افلام و كتب الكترونية مقروؤة
او محاضرات – دروس وكذا..

ويستخدم لنقل الملفات وللتحكم بأجهزة الآبل ( الايفون والايبود تتوتش والايباد )

 

 

ping

شبكة اجتماعيه للاغاني ممكن تتابع المغني الي تحبه وتشوف اجدد الاغاني له وتحملها
تشوف الناس الي يشاركونك نفس نوع الاغاني  وكذا

 

 

Garageband

 

شعار برنامج قراج باند الخاص بالماك 

هذا برنامج للمهتمين بالالات الموسيقية و الملحنين ، تقدر من خلاله  تسوي لك لحن
ممكن تدخل اغنية و تكمل عليها بلحن من عندك
ممكن تشبك مثلا بيانو صدقي و تضيف معها الات الموجوده بالبرنامج
فيه دروس كيف تستخدم بعض الالات مثل البيانو و القيتار

رأيي انه البرنامج فيه صعوبة بالاستخدام ومو سهل

 

الشكل العام

الصفحه الرئيسية لبرنامج قراج باند الخاص بالماك

وتقدر تكون فرقة مع نفسك

فرقتك الموسيقية الخاصة بك , مع برنامج قراج الباند الخاص بالماك

 

*iDVD

 

شعار برنامج اي دي في دي

شفت الفلم الي سويته بالاي موفي قبل شوي ؟  هذا البرنامج يحولك اياه إلى " دي في دي " وتقدر تشغله بأي مشغل DVD player

حتى الصور بالاي فوتو تقدر تحطها بسي دي وتعرضها باغلب مشغلات الدي في دي

 

الشكل العام

الصفحه الرئيسية لبرنامج اي دي في دي الخاص بالماك

  ما ينصح انك تسوي باك اب فيه


  واللي عندهم جهازMacBook Air

او اللي ناوي يشتريه، ترى مافيه فتحه للسي دي لكن شركة ابل اصدرت

external USB DVD
  burner

وتشبكه بالجهاز و يمشي الحال

 

*iWeb 

 

شعار برنامج اي ويب الخاص بالماك

 

برنامج يخليك تبني موقع لك بطريقة سهله و قوالب جاهزه انت تختار الي يناسبك و تنشره
البرنامج سهل تقدر تضيف صور -مقاطع تعدل بالخط و تضيف
  وفيه خيارات للتنسيق
حتى لو نشرته وطلع فيه خطآ بالكتابة او تبي تحذف صورة تقدر ترجع للبرنامج و تعدل و وتحذف و تسوي نشر مره اخرى

 

الشكل العام 

 الصفحه الرئيسية لبرنامج اي ويب للماك

 

كل البرامج الي ذكرتهم فوق تسمى مجموعة iLife .. بإستثناء iTunes


*الي عليهم نجمة موجودين بالجهاز ويشتغلون بس عشان تحصل على كامل الميزات يفضل تشتريهم ومو خساره (لو هي من اهتماماتك)

ممكن تشتري باقة iLife

من اي موزع ابل بالسعودية و الاحسن تشتريها اون لاين ارخص سعرها بالانترنت ٤٩ دولار

 

شعار مجموعة ilife الخاصه بالماك

 

iChat 

 

شعار اي تشات للماك

 

برنامج  تتواصل فيه مع الناس صوت و صورة و مسجات
وممكن تسوي دعوة لاكثر من ٣ اشخاص و تتكلمون مع بعض بصوت و صوره
وممكن تفتح فلم و تشوفونه سوا عن بعد
تقدر تشارك سطح المكتب حقك مع الناس
برنامج مميز
ويدعم yahoo massenger
google talk
ICQ

 

صورة توضح كيف تشارك باعمالك مع احد

مثال على برنامج اي تشات للماك

 

وممكن بس تكون المحادثة مسجات

مثال على برنامج اي تشات للماك

 

وفيه برامج بسيطة تجي مع الجهاز مثل

 

iCal 

 

ينظم المواعيد ، امتحانات حسب الشغل الي عندك بطريقة سهله و اضحة

برنامج اي كال للماك

 

 

address book

 

شعار برنامج اي ادريس للماك

 

تحط فيه ارقام الناس ، ايميلاتهم، مكان عملهم ، عناوينهم

 

 

مجموعة  iWork

 

شعار برنامج اي وورك للماك

 

من افضل المجموعات في الماك و استخدمها كثيير
المجموعة تنقسم ل ٣ اقسام
Keynote مثل البور بوينت في الويندوز تسوي عروض لكن اكثر احترافية و مرونة  و فيه قوالب مميزة

Pages برنامج تحرير النصوص ممتاز و خياراته كثيره

Numbers برنامج يتعامل مع الاحصائيات و الارقام و الحسابات ، سهلة الاستخدام

مجموعة iwork

مميزة جدا و تدعم اللغة العربية بس عيبها اذا جيبت تشغلها علي الويندوز ما تفتح !
pages ملفات الوورد تفتح في

*سعره ٧٩ دولار

 

جدول فيه بعض برامج الماك تقدر تحملها من اي موقع يحمل برامج او تشتريها والافضل تجيبها بالتورنت

برامج تحرير النصوص والعروض لأجهزة الماك

البرامج الي في الجدول فوق كلهم يدعم اللغة العربية ماعدا

Microsoft Office

 

 

برامج عرض وتحرير الصور والتصميم

 

*فيه برامج اكثر من كذا بكثير بس هذه الي انا مجربهم وواثق منهم

 

جدول يبين بعض البرامج المشتركه بين الوندوز والماك

البرامج المشتركه بين الماك واليندوز

بالنسبة للـ Adobe collection فهي مكونه من :

reader ، dreamweaver ، flash ، photoshop،
acrobat ، light room ، illustrator ، indesign

 

الي ذكرتهم ممكن تحملهم تجريبي من الموقع الرسمي , أو تشتريهم .. و فيه بعضهم تقدر تحمله كامل إذا كان مجاني

والاسهل والاحلى تحملهم كلهم تورنت

 

مو بس هذه البرامج الموجودة طبعاً .. فييه كثيير برامج مميزه ولكن اللي موجود بالموضوع هو الي انا جربته وتأكدت من عمله بشكل فعال بدون مشاكل


42984 زيارة  | 

الكلمات الدليلة : , , , , , ,

 

لمحة عن CIS

Computer Information System
  • RSS

مواضيع عشوائية :

17 تعليق حتى الأن.

  1. عبدالله قال:

    ماشالله شرحك واضح و سهل
    ليتك استغليته بشرح الايات و التفسير

    وانت نوعا ما حرضت الناس على سماع الاغاني و صناعه الافلام

    وماذكرت كيف لو ملتزم مثلي يستفيد من االاجهزه الجباره

  2. CIS قال:

    انا سعيد ان الشرح كان واضح و سهل

    وياخوي انا شرحت كل برنامج ووظائفة فقط بس ماحطيت روابط لاغاني او افلام ،

    خلتي اقولك كيف تقدر تستخدم الماك لصالحك

    الايتونز ،، حط فيه القران -- كتب مسوعة ، تقد تشترك من البودكاست لاي شخص ينشر شروحات دينيه او فقهيه

    الايفوتو -- مافيه شي -- بس اذا جيت تسوي slide showشيل المسيقى الي تجي معه

    القراج باند ، لا تقرب عنده واصلا صعب

    اي موفي -- تقدر تسوي فيه افلام توعوية او فلم قصير لمؤسسة خيرية او دعاية

    ا ويب — تقدر تسوي موقع و توظفه حسب احتياجك ،

    شفت كيف تقدر تستخدم هذه البرامج لصالحك و تناسب ميولك
    واكرر ان الاشياء الي ذكرتها موجودة باي جهاز ماك وكلن مسؤول عن استخدامه انا ما احرض ولا اشجع على شي بس اشرح الفكره العامه

    هاا عسى رااضي ؟

  3. Mr. A قال:

    انما الاعمال بالنيات وانما لكل امرئ ما نوى
    ,
    في البداية تمنيتك ما تزكي نفسك .. وإذا بنسمع كلامك جزاك الله خير معناها أننا لازم نسكر الموقع ونسكر أقسام الهندسه والإدارة واللغات من الكليات .. ونروح كلنا نشرح آيات وتفسير .. وبرضو بالمره نكسر الفيديو والمسجل والتلفزيون , لأن يمكن واحد يسمع فيها اغاني مثلاً tch3 ؟

  4. Jojo قال:

    السلام عليكم tch26

    موضوعك كامل و ممتاز، الله يعطيك ألف عافيه.. tch17
    ,
    بالاضافه للبرامج المذكوره، نقدربعد نحمل تطبيقات ترفيهيه Games، للي يحب الالعاب، سواء كتطبيق منفصل أو يكون ضمن الـ Dashboard..
    ,
    ,
    ,
    ملاحظه:
    لابد للانسان المسلم أن يكون ملم بمجريات العصر و ما وصلت اليه التقنيه و بذلك يستطيع أن يستفيد منها هو أولاً و بالتالي يفيد الاخرين. الرابط التالي عباره عن تلخيص لاحدى محاضرات الشيخ د. سلمان العوده التي قد تعود لنا بالفائده، و قد لمح فيها عن ضرورة استخدام التكنلوجيا. اترككم مع المقال:
    http://www.el-awael.com/news/article/8214.html

  5. CIS قال:

    وعليكم السلام

    الله يعافيك يارب ،،
    كلامك صحيح على dashboard تقدرين تضيفين العاب او تطبيق وحلو انه سهل توصلين له بالكيبورد

    *جزاك الله خير عالاضافة tch28

  6. عبدالله قال:

    اشكرك يا cis على سعة صدرك و اسلوبك الراقي

    ان شالله بستفيد من الرد الي قلته لي

    عدا ذلك من اراء عني فهو غير ضروري

  7. AMR قال:

    بسم الله الرحمن الرحيم

    السلام عليكم ورحمة الله تعالى وبركاته

    يعطيك ربي العوافي وجزاك ربي الجنه

    ع الشرح الوافي والرائع صراحة حمستني اكتتر اني اشتري الجهاز

    ليه سنه يلف في راسي ودحين لقيت معايا فلوسوو قلت خليني اشوف

    بس ابغا اسأل الله يسلمك

    دحين تعرف الطلاب يحتاجو برامج الاوفس والوورد والبوربوينت كتييييير

    بس مادري يعني انا دحين لو سويت اشغالي على حق الماك حقدر اشغلو على الويندوز ولا لالا؟؟

    وتعرف في بعض الاحيان نرسلها على الايميل عشان الدكتور يشوفها

    بس حتشتغل ولالا لالا ولو احد رسلي حيشتغل عندي ولا لالا

    صراحة هدا اللي موقفني دحين وما اشتري الجهاز فياريت الاقي جواب عندك

    طبت وطابت ايامك

    • Mr. A قال:

      وعليكم السلام ورحمة الله وبركاته
      اهلين وسهلين، حياك ربي .. بالنسبة لملفات الاوفيس فهي تشتغل في الماك وممكن تسوين ملفات بصيغ تدعمها الويندوز او بالصيغ الخاصة بالماك نفسه .. يعني مهيب مشكلة تقدر تسوي ملف ( ورد ) وتحفظه بصيغة doc بعد ماتخلص ويصير ينفتح على الويندوز اوفيس، وهلم جره لكل انواع ملفات الاوفيس tch17

  8. ابو طلال قال:

    اخي الكريم ارجو إعطائي برنامج الوورد

    مواصفات جهازي هو الايباد ٢

    لانه اساسي عندي مايخفك يود برنامج الوورد لكن تعليمي

    تحياتي لك

  9. ابو طلال قال:

    يعطيك العافيه ياغالي وجهد تشكر عليه واستفدت منه صراحه اخي الكريم

    لكن انا مصدع برنامج الوورد ( رز ابو كاس هههه ) قصدي ضروري في الايباد

    لانه برنامج اساسي من ناحية رسم جدول اعداد خطابات لان شغلي كله عقود وجداول وخطابات ….

    ارجو الاهتمام في رسالتي حتى يستفيد الغير

    الله يوفقك يا غالي  

  10. كمال قال:

    السلام عليكم و رحمة الله و بركاته

    تم و بحمد الله إفتتاح موقع لتنزيل برامج الماكنتوش (App Store Mac)

    لزيارة الموقع من هنــــــــــــــــــــــــــــا http://www.downappstore.com/

  11. Dan قال:

    لوسمحت اريد انزال على جهازي الماك-بوك اير الفوتشوب SC5 ولا اعرف كيف ؟
    واذا اردت شراء النسخه من اين؟
    وشكرا

  12. لؤي قال:

    هل يوجد برنامج iMovie بجميع اجهزة ابل مثلا آبل ماك برو وآبل ماك أير ؟


صفحة جديدة 2