TICHNO STORE – تكنو ستور العقيق

 

أعزائي المتابعين
، نؤمن تماماً بأن دائرة التقنية تتسع كل يوم .. فحرصاً منا بالمباردة باللحاق بهذه الدائرة .. يسعدنا نحن أسرة موقع تكنو أن نزف إليكم خبر إفتتاح متجرنا الجديد ( تكنو ستور )

ببساطة وبعيداً عن التكلف، تكنو ستور هو معرض لبيع اكسسوارات أجهزة آبل من مختلف الماركات الشهيرة، بالإضافة إلى تقديم خدمة الصيانة ( سوفت وير / هاردوير ) مثل تغيير الشاشات والبطاريات ..

 .. يسرنا أن نعرض لكم الموقع الإلكتروني الخاص بالمتجر، والذي يمكنك من خلاله الإطلاع على جميع اسعار الصيانة وجميع المعلومات الخاصة به..

store.tichno.com

 

وآخيراً، موقع المتجر

الرياض – حي العقيق – شارع التحلية

اضغط هنا لرؤية الكروكي )

33 تعليقات

  1. ماشاء الله تبارك الله الف مبروووووك الافتتاح والله يطعمك خيره ويكفيك شره tch26
    ماركات واسعار تجمد على الشارب ولو ان ماعندي شارب بس تجمد تجمد tch31 tch38
    جداً اسعدني اني اخذت من عندكم الماك برو بهالسعر وهالمواصفات وطلع مثل ماتمنيت tch1
    شدني بالحيل حامي الكيبورد الشفاف رهيب والله tch19

    بالتوفيق ان شاء الله tch26

    • الله يبارك فيك ويسلمك tch26 tch34
      اذا عاجبك نشحنه لك، عندنا العنوان حقكم بس ناقص تسوين التحويل tch38

  2. tch33
    ابي ابل تي في الجديد الي امس نزل آخر شي
    متى يتوفر عندكم وكيف اعرف انه الجديد آخر واحد اذا جيت اشتري منكم ؟

    • الابل تي في الجديد بيوصلنا نهاية الاسبوع ان شاء الله، وبيكون مكتوب عليه ١٠٨٠ fullHD

  3. انا احبكم ولا اعرف سبب محبتي لكم مع اني ثاني مره ادخل الموقع tch1 tch1

  4. هوو!! tch9 ، شفت الخريطه بس استغربت شارع التحليه ، اسامي الشوارع اللي جنبه ما عرفتها tch32 بس عرفت السليمانيه!! … لا يكوووون انتو بجدة tch16 tch10 tch10 tch10 tch10 tch23

    • ههههههه لا في الرياض حنا tch3
      حق العقيق في شمال الرياض، قريب من حي الملقا والصحافة وحطين .
      هل تعرفين أماكن في شمال الرياض؟

  5. اي انا بالشمال و استغربت انو في حي العقيق في التحليه tch32 ، طيب كيف في التحليه بالشمال؟ اعرف طريق القصيم اللي بين العقيق و الصحافه… طيب ايش في محلات جمبكم؟ tch41

    • ممتاز .. شارع التحلية اساساً في العقيق .. الموجود في العليا هذاك مجرد إعلام tch3 .. بالنسبة للمكان فـ إحنا قريبين من جامع الفدا وحديقة العقيق .. هذولي أشهر معالم أقدر احددهم بصراحه tch3

  6. ماشاء الله تبارك الله. مبروك عليكم افتتاح متجركم عسى أبواب الرزق تنفجر بوجيهكم ان شاء الله.

    لكن لي ملاحظة بسيطة وهي لا تعيب مجهودكم ولا جمال عروضكم. لكني راجعت الاسعار ونسبة الربح والله مرتفعة يالغالي.

    عسى الله يرزقكم ويلين روسكم وتراعون هالعالم. اخاف تصيرون تحار همن تصيرون زي هذولا الي يدبلون الاسعار. عاد نلقى عندكم الايباد ب ٥٠٠٠. الله يستر tch3

    • أمين .. الله يبارك فيك tch26 tch34
      فعلاً شلون دريت الايباد عندنا بـ 5000 tch3 .. أمزح أمزح .. الايباد الجديد يبدأ عندنا من 2399 ريال tch31
      بالنسبة للأسعار فـ أعتقد أنك تقارن أسعار الكفرات الموجودة بـ أسعار الكفرات الموجودة في الكشكات واللي أسعارها ما بين الـ 15 والـ 60 ريال .. المعروضه هنا تختلف وأسعارها غالية لأنها ماركات .. أكيد جهازك الجوال من الأجهزة الذكية .. ممكن تروح لجرير أو لـ أي ستور وتفتح الاسعار وتقارن بنفسك .. لو لقيت شيء ارخص بنعطيك الفرق وفوقه بوسه tch35 <<-- أتوقع بتكنسل الموضوع بعد البوسه tch38 حياك الله، وشكراً لمرورك tch34

  7. ههههههه موضوع البوسة يخوف. راضي باسعاركم بس بعدونا عن الـ +١٨ تكفون.

    طيب بغيت أسألك الآيباد الجديد ثري جي واي فاي ٦٤ جيجا بكم؟
    لاني ناوي اطلبه من برى فاذا السعر عندكم نفسه او قريب منه فانفع عيال ديرتي.

    وترى يمكن كذا يشع النور من محلكم الليلة بما اني جاي العقيق.

    • يا هلا والله .. بخصوص الأيباد الـ 64 ثري جي للحين ما أعتمدت تسعيرة له، لكنها بتكون 3650 ريال تقريباً tch29

  8. ٣٦٥٠ . الوضع ما يطمن ههههههه.

    لو انه بـ ٣٦٠٠ كان طييب بالحيل. << هذا الي بيتصفق.

    الله يفتحها بوحيهكم ان شاء الله.

  9. ماشاء الله تبارك الله

    سعدت بزيارة المحل و شراء آخر حبة من الأي باد الجديد بسعر مميز الصراحة ، أتذكر عطيتك 2500 و الظاهر إنك نسيت ترد لي ريال بس تراك مسامح tch3

    إن شاء الله أبزوركم مرات و مرات لكن بدون العيال ، أخاف يشوفون هالأكسسوارات الزينة و لا اطلع من عندكم إلا و أنا محمل بهالأكياس

    الله يوفقك و يرزقك

    • أمين واياك وكل مسلم يارب ..
      الله يحيك يا أبو عبدالله، نورتنا بقدومك .. بس قهر ليتك جايب العيال معك tch3
      المره الجايه بنرسل السواق يجيبهم tch38

      بالنسبة للريال فـ حنا زي هايبر بنده عندنا نظام ( تبرع بالباقي ) tch3
      حياك tch36

  10. تراي أمزح ما عطيتك 2500 عطيتك 2400 … بس حبيت أمازحك و أخليك توسوس شوي tch3

  11. طيب في جده الحييين كم سعر الاي باد2 والآي بود آتمنى الرد

    سريع tch3 tch23

    • اهلين .. بالنسبة للايباد ٢ سعره حالياً يبدأ من ١٦٠٠ ريال .. والايبود ٧٧٠ ريال تقريباً tch34

  12. لو سمحتم هل هم يصلحون الشاشة الخارجية للجوال htc one
    ضروري الي يعرف لا يبخل علي هل هم يصلحون جوال htc one tch2

    • أهلين .. للاسف ماعندنا قطع متوفرة للجهاز.
      إذا انتي من سكان الرياض ممكن تحصلين له قطع في المرسلات.

    • للاسف الكفر ماعاد يوفره الوكيل حالياً ( وكيل شركة سبيك ).. الموجود والمنتشر في السوق تقليد عليه، وبنص سعر الأصلي tch3

  13. الســـلآم عليكم .. ممكن اعرف اذا ممكن اختار الاشياء اللي حابه اشتريها وتوصلونهاا لي .. اذا فيه ايميل او طريقه للتواصل ي ليت توضحهاا ؟!
    مع العلم اني ب الريـــاض ..,
    وشكـــــــــراا tch1 tch1

  14.  •• آلسَـِْ♡̨̐ـِْلامَ علـِْ♡̨̐ـِْيگمَ •• 
    اخباركم الف مبروك المحل بس عندي قطعة اتمني احصلها عندكم هي للايفون فايف اس اي سي بور انتظر ردكم ☺️

اترك تعليق

اكتب تعليقك
اكتب اسمك هنا

*