لمحة عامة على نظام الماك

كتب بواسطة أبريل - 01 - 2011   |  ضمن قسم آبل, شروحات, ماك

 

موضوع اليوم لمحة عامة على نظام الماك + طريقة تحميل اي برنامج

الموضوع مو شامل لان نظام الماكنتوش واسع و فيه ميزات كثيره صعب تغطيتها في موضوع واحد  

بس فيه الفكره الاساسية الي يحتاجها كل مبتدأ في نظام الماك

نظام الماكنتوش سهل جدا ، و مو صعب مثل ما يقولون الناس والي يتعود عليه مايستخدم غيره

 

لاب توب ماك

 

بسم الله نبدأ بالواجة الرئيسية

لمحة عامة على نظام الماك

اضغط على الصورة لرؤيتها بحجمها الطبيعي

 

١-spot light هذا يسوي بحث في كامل جهازك ممتاز و قوي جدا يسوي بحث حتى للأشياء المحذوفة و يسوي بحث في الإيميل حتى

 

٢-macintosh HD مثل " جهاز الكمبيوتر " في نظام الويندوز فيه ملفات النظام و المصادر وتنحظ البرامج فيه

 

٣-Air port يسوي لك سكان للوايرلس و بالاصح هو الي يدور لك شبكة عشان تتصل بالانترنت سواء كنت في البيت او خارجه

 

٤-Bluetooth ينقل الملفات و الصور من الجوال الى جهازك و ان شالله بيجيله شرح لحاله

 

٥-Spaces هذا من مزايا ماك انه يقسم شغلك لنوافذ وتحط كل مجموعه اعمال في سبايس لحاله ، تابع الموضوع بيجي شرح عليه

 

٦-ichat برنامج يتيح لكل الي عنده جهاز ماك انه يتواصل صوت و صوره وهذا جاي بشريط الادوات اختصار فقط

 

٧- Time machineبرنامج يسوي باك اب او نسخ احتياطي لكل الاشياء الموجوده بجهازك من برامج و تطبيقات و ملفات و كلللل شي بس تحتاج انك تركب هارد دسك اول

 

٨-Finder في الماك يوصلك لاي مكان  تبيه بجهازك اذا تبي تشوف التطبيقات او ملفاتك بجميع انواعها تروح للفايندر بس الفكره انه الشريط الي في ٨ يتغير حسب البرنامج الي انت فاتحه مثلا لو فتحت السكايب بيتغير القائمة و بيصير بدال شريط الفايندر – سكايب

 

تعودنا في الوندوز لما تنفتح اي برنامج كل اعدادات و شريط المهام موجود داخل البرنامج ، في الماك يصير هذا الشريط في اقصى الشاشة خارج البرنامج ويؤدي نفس الوظائف اللهم اختلف المكان بس

 

٩-Dockمنصة قابلة للتغير تحط فيها البرامج الي تبي تظهرها في الواجهة

 

الاشياء الي ماذكرتها واضحه الي هي الساعة و اللغة  و الصوت و الشحن و كلهم قابلين للتغير

 

System preference

لمحة لنظام الماك

 

 

 

 

 

هذا قلب الماك ، فيه تقدر تشوف كل شي متعلق بهازك و تغير او تعدل عليه بالضبط مثل control panel في الوندوز

شرح لبعض خصائص الماك

اضغط على الصورة لرؤيتها بحجمها الطبيعي

 

مثل ماتشوفون بالصورة يتحكم بجهازك من جميع النواحي نشوف وحده وحدة باختصار

Appearance :يتحكم بمظهر النظام مثلا لو تبي تحدد على شي اختر لو التحديد ، كم تبي حجم الخط و كذا

 

Desktop and screen saver تقدر تغير من خلفية سطح المكتب و تحط شاشة التوقف -اتوقع اسمها كذا- الي هي لما تترك جهازك فتره يطلع لك اشياء تتحرك وفيها اشيآ كثيره حلوه و تعليميه

 

شرح بعض خصائص

اضغط على الصورة لرؤيتها بحجمها الطبيعي

 

هنا تقدر تختار الخلفيه الي تبغاها ، في خلفيات من عندهم و في انت تحط خلفيه على كيفك

تغيير الخلفية في الماك

 

شاشة التوقف بعد تقدر تحط الي انت تبيه ، من الاشياء الحلوه الي عندهم شاشة توقف  تطلع لك كلمه بالانجليزي و معناها مره مفيدة

 

Dock : اللي عرفناه في أول الموضوع ، هنا تقدر تحدد مكانه تبي بالبسار و الا اليمين ولا بالنص ، تبيه مخفي ولا ظاهر و كذا

 

spaces and expose المساحات الي تكلمت عنها باول الموضوع تابع بيجي شرح عليها ، بس من هنا تقدر تضيف و تحذف من المساحات

 

international تغير لغة النظام حسب قوائم الغات الموجوده ، يقال ان الاجهزه الجديدة في ماك تدعم العربي اما في جهازي الي انا استخدمة يدعم الكتابه فقط و ليس النظام ككل

 

Security تقدر من هنا تحط كلمه سر في جهازك قبل ما يفتح او قبل ما يعدل على سستم الجهاز

 

spot light ذكرناه قبل و من قبل بس من هنا تقدر تحصر البحث و تختار عند اي جهة في الجهاز تبي تبحث و الافضل تختار البحث في الجهاز كله

 

bluetooth بيصير له موضوع مستقل

 

cd and dvd هنا ببساطة خيارات عن البرامج الي تبيها تفتح اول ما تدخل السي دي او دي في دي مثلا تبي برنامج الريل بلابر الي يفتح و لا كويك تايم

 

Display وضوح الصوره – البكسلز ونصيحه لا تحارش هذا الخيار خله على الاعدادات الافتراضية

 

Energy saver خيار ممتاز تقدر تحفظ طاقة جهازك و تحد متى تسوي له سليب او ايقف تشغيل تقدر تحط وقت او ساعة يشتغل او يطفا

مثلا يوم الجمعه الساعه ١ ابي الجهاز يطفا و يطفا

 

keyboard and mouse هنا تقدر تشوف كل اختصارات لوحة المفاتيح و تقدر تخترع اختصار الي تبيه

ولو تبي تحط ماوس بلوتوث تقدر من هنا تسوي له تعريف

 

Track pad معاه الحياه اسهل بهذا المربع تقدر تسوي كثير اوامر باصابعك و اذا دخلت عليه في فيديو يعلمك على كل الحركات بس بجد مرييح

 

Print and fax عندك فاكس او طابعه تبي تسوي له تعريف من هنا

 

sound يتحكم بالصوت و بصوت المنبه

 

Mobile me هذه خدمة في ابل تحفظ شغلك في السحابه الالكترونيه يعني تحفظ شغلك اون لاين وتقدر تفتحها من اي جهاز في ابل سواء كان ايباد او ماك بوك او اي ماك بس يبلها اشتراك و عليها رسوم و في تجريب مجاني ، لي نيه اشرحها بالتفصيل في موضوع مستقل

 

network شبكة تقد من خلالها تحدد اي شبكة تتصل فيها بالانترنت سواء كان ايثر نت ولا وايرلس

 

sharing تقدر من خلالها تشارك الاجهزه الثانيه بمجلدات ولا ملفات و لا صور و انت تحدد وش الاشياء الي تبيها تكون مشتركة

 

account عندك اسرار بجهازك وماتبي احد ينبش بلاب توبك هنا الحل تقدر تسوي اكانت  اضافي يدخله اي احد ويصير

كان له سطح مكتب جديد مافي ولا شي من اشيائك

 

date and time هنا تغير الوقت و التاريخ

 

personal control هنا يفيد اولياء الامور اذا يبون يتحكمون بمدة الوقت الي عيالهم يستخدمون فيها الجهاز

مثلا الأجانب بيخلون الجهاز يطفى على عيالهم الساعة ٨

بينما بالنسبة لنا يالسعوديين بنخلي عيالينا مدهرين عليه وبنحط لهم إعدادات خاصة فيهم 

 

software update يعلمك باي تحديث ممكن في جهازك و الافضل أنك تطيعه وكلما قالك سو ابديت سوه

 

speech هنا وشلون اقولكم عنه ، ممم يخلي الجهاز يتكلم مثلا اذا سويت تحديد لاي نص يتكلم و تقدر تختار بنت  ولا لد يتكلم ، رايي جدا مزعج

 

time machine ان شالله بسوي له شرح بالتفصيل و فكرته ذكرتها فوق انه يسوي حفظ نسخ احتياطي لكل شي بجهازك شرط يكون فيه هارد دسك خارجي

 

universal access هذا الي عنده مشاكل في السمع او البصر عافانا الله وإياكم , ممكن يستخدمة و يساعده في تكبير الخط و يطلع انوار له دلالات اذا كان الشخص ما يسمع .. باختصار للحالات الخاصة

 

الي عليهم دوائر حمر يبيلها بالتفصيل ان شالله في مراضيع قادمة ان الله احيانا

 

Spaces and Expose

 

عرفناه فوق نجي نشوف طريقته

شرح استخدام جهاز الماك

شرح استخدام جهاز الماكشرح بعض خصاص الماكشرح بعض خصاص الماك

 

اضغط على الصورة لرؤيتها بحجمها الطبيعي

*  *  *  *

 

طريقة تحميل البرامج إلى نظام الماك

 

 

 

 

راح نشوف مثال سريع نوضح فيه كيفية تحميل برنامج مايكروسوفت مسنجر على جهاز الماك

 

 

شرح كيفية تحميل برنامج المسن للماك

 

 

 

شرح طريقة تحميل المسن للماك

شرح كيفية تحميل برنامج المسن على الماك

15,270 زيارة  | 

الكلمات الدليلة : , , , , ,

 

لمحة عن CIS

Computer Information System
  • RSS

الأكثر مبيعاً في تكنو ستور

كفر ايباد 2 iGuy من شركة Speck

كفر iGuy للايباد 1,2,3

180 ريال 150 ريال

بطاقة شراء من متجر ايتونز 15$

iTunes 15$

75 ريال

وصلة نقل الصور للايباد Camera connection kit

وصلة نقل الصور للايباد

150 ريال 135 ريال

16Gb Wi-Fi New iPad 3

New iPad 16GB

2199 ريال 1900 ريال

مواضيع عشوائية :

22 تعليقات حتى الأن.

  1. Mr. A قال:

    يا مال العافية
    الله يعطيك العافية على هاللمحة الرائعة .. حسيت اني لو بشتري جهاز ماك ما راح احس اني في مكان غريب زي ما كان يتهيء لي .. عموماً الماك جهاز لا يشق له غبار وهو الحين واقف سرى ضمن قائمة الاشياء اللي بشتريها اذا صرف لنا القطاع الخاص راتبين < <-- لا زال مأمل
    ,
    شكراً جزيلاً

    تقييمك : Thumb up 2 Thumb down 1

  2. Jojo قال:

    موضوعك مرررره كامل و رهيب و كل شي :$

    عندي سؤال مأرقني جداً > مهيب ذيك الجداً بس انه يعني افكر فيه و ادخل احيانا في مرحلة الهواجيس بسببه > من المقدمه غاسله يدي.. المهم:
    كما هو معروف في أجهزة الونودز البطاريه تتلف عند وصل الشاحن باستمرار او بمنعى اخر تقل فاعليتها مع الوقت. السؤال: هل تعتقد ان الماك بوك برو عنده خاصيه سويتش من البطاريه للشاحن عند وصل الشاحن بالجهاز؟

    بالمناسبه… ” يا رب يعني يااا رب انك تنزل موضوع جديد يا مستر اي في http://www.mr-azoz.com ( يا حلو يا رهيب يا شجاع >> دهن سير بس )”
    ترا دااايم ادعي لك بالدوام لما اقرا اشيائك ههههههههههههههه
    الله يوفئك يخويا و متشوفشي وحش ابداً

    شكراً شكراً

    تقييمك : Thumb up 2 Thumb down 0

    • Mr. A قال:

      أهلين .. أن شاء الله في القريب العاجل بيكون فيه موضوع هناك .. خليك في القرب بين الموقعين .. أما بالنسبة لسؤالك فتراني اعرف الجواب حقه بس بترك صاحب الموضوع يرد عليك < <-- هين بس

      تقييمك : Thumb up 1 Thumb down 1

      • Jojo قال:

        ابددد واقفه انا عالحدود بين البلدين أقصد الويباسيتين
        ,
        معليش اعتذر اشد الاعتذار من كاتب الموضوع لأني ما انتبهت احسب انه بس post من مستر اي:\
        يا اني انا فاهيه و الا انك يا مستر اي قلبت راسي
        ,
        يلا باقي خمس دقايق اند اي ول قو تو هومي العزيز

        تقييمك : Thumb up 1 Thumb down 0

    • CIS قال:

      شكرا على كلامك الحلو

      بالنسبة للبطارية ، اي بطارية تضعف فاعليتها مع السنوات
      في الماك بوك (برو) الي قياساتهم ١٥ و ١٧ انش هي الي فيها خاصية السويتش و تدوم البطارية وقت اطول من ١٣ انش

      وحتى اجهزة الماك تتلف مع السنوات اذا وصلت الشاحن دايم << عن تجربة
      قد وصلت لمرحلة انه ما يشتغل الا بشاحن

      Mr.A : عادي لو عندك جواب قوله ،الموضوع للجميع

      تقييمك : Thumb up 1 Thumb down 0

      • Jojo قال:

        طيب ممتاز، شكراً جزيلاً على المعلومه
        ,
        شكلي بسوي بروجت تصنيع بطاريات ما تخلص ابد ^_^ >> لحد يقول بيشاركني “مافيه مشاركه البتة البته, جدتي تقول قدر الشراكه ما يفوح ”

        تقييمك : Thumb up 2 Thumb down 0

  3. mlla7 قال:

    إنت كذا

    موضوع رائع تشكر عليه وفعلا مفيد جدا للمستجدين في عالم Apple Mac Book

    يعطيك العافية وبإنتظار مواضيعك اللي وعدتنا بها

    الله يوفقك بدراستك

    تقييمك : Thumb up 1 Thumb down 0

  4. rf3h . . قال:

    مشكَــور أخوي والله يعطــيك العــآفيه . .
    مجهــــووود جبااار

    بس عني سؤآل >> وضوح الصوره – البكسلز ونصيحه لا تحارش هذا الخيار خله على الاعدادات الافتراضية << يعني ممكن تدبر لي حل .. وسوف اكون شآكرةٌ لكَ

    تقييمك : Thumb up 1 Thumb down 0

    • Mr. A قال:

      مرحبا أختي، معليش مافهمت سؤالك ترى .. البكسلز شفيها ؟ وهل كلامك سؤال فعلاً وإلا نصيحه .. تراني لخبطت .. بإنتظارك

      تقييمك : Thumb up 0 Thumb down 1

      • rf3h . . قال:

        آسفه سؤالي ناقص .. البكسلز انا غيرت فيها يعني مو ع الاعدادات الافتراضيه وش اسوي الحين والوضوح عندي مو زين .. هذي مو نصيحه انا نسخت الكلام الي فوق .. وشُكراً ..

        تقييمك : Thumb up 2 Thumb down 0

      • Mr. A قال:

        أهلين، اها الحين فهمتك
        قصدك غيرتي خصائص عرض الشاشة، صح؟ صارت كبيره او شاطحه يعني .. عموماً الحين ماتقدرين تستخدمين الجهاز والا كيف؟ ماتقدرين ترجعين الخيار لمكانه الاول ؟ الخيار الافتراضي عندي هو ( 1280x800 ) انتي حطيتها كم؟ ووش صاير في الجهاز الان ؟ .. بإنتظارك

        تقييمك : Thumb up 0 Thumb down 1

        • rf3h . . قال:

          شكراً لك .. أفدتني كثيراً.. سؤال ثاني وآسفه ع الأسئله الي مالها نهايه .. بس الماك يبيله نظام حمايه ناس تقول ايه وناس لا وانا للحين ما ركبت حمايه ..؟؟ وشكراً

          تقييمك : Thumb up 0 Thumb down 1

        • Mr. A قال:

          أهلين، الحمد الله انحلت المشكلة
          لا عادي اختي مافيه ازعاج ولا حاجه .. الغرض من الموقع الإستفاده للجميع .. بالنسبة للحمايه فـ ممكن يتركب للماك حمايه لكن انا عن نفسي ما ركبت الصراحه، لأن حالياً مافيه فيروسات منتشره للماك .. يعني مثلاً الفيروسات اللي تجي في الويندوز واللي تجي في الفلاش ميموري وكذا ما تنفع على الماك ولا تضره .. لازم يكون فيروس خاص فيه .. لذا حالياً مافيه حاجه تذكر .. لكن لو حصل لك برنامج كويس ومجاني او مكسور ( بالكراك حقه) ما يمنع تركبينه

          تقييمك : Thumb up 0 Thumb down 1

  5. rf3h . . قال:

    مسآاء /صبآآح الخير …عيدك مباارك إن شاءالله
    آبغي برناامج حق الملفات المضغوطه للماك .. وياليت مع طريقه الاستخداام

    تقييمك : Thumb up 1 Thumb down 0

    • Mr. A قال:

      مساء النور، علينا وعليك يتبارك
      بالنسبة لبرنامج الملفات المضغوطة تقدرين تحصلينه في صفحه مكتبة البرامج :
      http://www.tichno.com/?page_id=273

      بتحصلينه من ضمن برامج الماك، ابو ايقونه خضراء .. اسمه WinZip مثل الموجود في الويندوز .. اما بالنسبة للاستعمال مافيه طريقه له لأنه سهل جداً، بمجرد ما تحملينه بيشتغل مباشرة .. فرقه عن الويندوز انه اذا حصلتي ملف مضغوط وفتحتيه ما ينفتح لك نافذه خارجيه .. لا ! في الماك على طول يفك لك المجلد المضغوط في نفس المكان .. بالتوفيق

      تقييمك : Thumb up 0 Thumb down 1

  6. rf3h . . قال:

    شكراً لأنك جاوبتني بسرعه . . بس الحين انا حملت الفوتوشوب والكراك مو ظابط معي >> حل الله يعافيك
    بعدين احس اني اسأل واستفسر بالمكان الخطأ >> علمني وين اكتب استفسارآتــي  

    تقييمك : Thumb up 1 Thumb down 0

    • Mr. A قال:

      العفو .. حالياً مافيه موضوع معين لمثل هالاستفسارات، لكن ان شاء الله بيكون فيه قريب .. لكن تقدرين في اي وقت تراسليننا بأي مشكلة عندك عن طريق صفحه اتصل بنا، او على الايميل مباشرة
      info@tichno.com
      بالتوفيق

      تقييمك : Thumb up 1 Thumb down 0

  7. Nader قال:

    السلام عليكم ورحمته الله وبركاته

    بدوون مقدامت

    انا صارلي مشكله بالماك الجهاز قام يعلق حييل

    و اذا طفيته و شغلته يفتح برنامج googl chrome
    و يعلق او احس الن في فايروس

    و ماادري شنو الحل..؟؟ فيدوني جزاكم الله خيير

    تقييمك : Thumb up 0 Thumb down 0

    • Mr. A قال:

      وعليكم السلام ورحمة الله وبركاته
      أهلين .. لو أنت من سكان الرياض ممكن تزورنا في المعرض حقنا ونشوف لك وش مشكلته بالضبط .. ولو بعيد جرب تركب برنامج ( ccleaner ) بتحصله في الابستور مجاني .. البرنامج يحذف لك الكوكيز وبرضو يعطيك الصلاحية انك تشوف البرامج اللي تشتغل وقت تشغيل الجهاز ( برامج بدأ التشغيل ) .. جرب وعطنا وش يصير معك

      تقييمك : Thumb up 0 Thumb down 0

  8. maryam قال:

    السلام عليكم
    يعطيك العافية ع الموضوع بصراحة افادني كثير
    بس حبيت استفسر انا ناوية اشتري جهاز كمبيوتر
    وابغى اخذ من اجهزة ابل ف ابغاك تفيدني وين الاحسن
    ماك بوك ولا ماك بوك برو ولا اير
    يعطيك العافية

    تقييمك : Thumb up 0 Thumb down 0

    • Mr. A قال:

      وعليكم السلام ورحمة الله وبركاته،
      الله يحيك .. بخصوص إستفسارك عن الماك فـ يعتمد على أستخدامك للجهاز .. البرو للكرف والاير يعتبر افضل شكل واخف وزن لكنه اقل موصفات .. يعني اذا كل وقتك طلعت وتصفح بسيط واستخدام حشمه بيكفيك الاير .. اما اذا تستخدمينه وقت كثير وبتحتاجين برامج كثيرة ( تصميم وغيره ) فـ أنصحك بالبرو .. لأن الاير يبدا بمواصفات بسيطة جداً ( مثلاً اللي سعره 4300 ريال تقريباً يجي 64 قيقا الهارديسك حقه والشاشة 11 انش بس ! ) .. بينما البرو يبدأ بموصفات اقوى.

      وأكيد أنصحك تمرين أي فرع من جرير أو غيرها وتشوفين الجهازين قدامك وتقارنين من ناحية الموصفات والاسعار .. وبالتوفيق يارب

      تقييمك : Thumb up 0 Thumb down 0


                                          

أخبرني بوجود تعليقات جديدة .

صفحة جديدة 2