شرح طريقة تثبيت ويندوز 7 على جهاز يعمل بنظام الماكنتوش

شرح تركيب الويندوز على الماك - installing windows on mac

في الأونة الأخيرة انتشرت ظاهره شراء "الكب كيك" و أجهزة "الماك" بشكل كبير ..  وكمستخدمين عرب نحتاج إلى دعم كامل للغة العربية (وخصوصاً في برامج الأوفيس)  أو إلى بعض البرامج الغير موجودة  .. راح نقدم شرح سريع وسهل لكيفية تركيب نظام الويندوز على جهازك الماكنتوش كـ نظام مستقل بحيث يكون عندك الخيار إذا شغلت الجهاز هل تستخدم الويندوز أو الماك
 

تركيب الويندوز ممكن تكون بأكثر من طريقة، ممكن تكون بإستخدام برامج تشغل لك الويندوز داخل نظام الماك ( نظام داخل نظام) وهذي تكون للناس اللي تبي تستخدم الويندوز للتجارب أو الاشياء الخفيفة لأن الجهاز بيكون فعلياً يستخدم نظامين في نفس الوقت! .. والطريقة الثانية ( اللي هي هذي الطريقة) وهي تركيب نظام ويندوز كامل ومنفصل عن الماك.

 

ملاحظة: في البداية ننوه أنه عشان تطبق الشرح لازم يكون عندك سي دي موجود عليه الويندوز

 

افتح جهازك الماك وأبحث عن برنامج بوت كامب

Applications -> Utilities  -> Boot Camp Assistant

شرح طريقة تركيب الويندوز وتعريفاته على الماك وتوزيع الكيبورد

 

بعد ما تفتح البرنامج بتطلع لك صفحه زي كذا

 شرح تركيب الويندوز على الماك

الخيار الأول تضع عليه علامة صح لكي يتم إنشاء مساحة للويندوز على جهازك. اما بالنسبة للخيار الثاني فهو لتثبيت جميع تعاريف الويندوز الخاص بجهازك الماك ( تعريفات الشاشة – تعريف الكاميرا – تعريف الواير لس … )

 

في حال وضعت علامة صح على الخيار الثاني ( الخاص بالتعريفات ) ستظهر لك هذه الصفحة

شرح تركيب تعريفات الويندوز على الماك

في الخيار الأول يسألك البرنامج إذا تبي تحمل التعريفات وتحرقها على سيدي. وفي الخيار الثاني يسألك إذا تبي تحملها على هارديسك خارجي أو فلاش ميموري.

 

بعد تحميل التعريفات بتظهر كل هالصفحة

شرح تثبيت الويندوز 7 والويندوز 8 على الماك بوك برو

تسحب الشريط الموجود في الوسط وتتحكم بالمساحة الخاصة بالويندوز زي ماتبي ( ما راح تقدر تعدلها بعدين! ).

 

بعدين بيسوي الجهاز عملية تقسيم للهارديسك

شرح تثبيت الويندوز على اجهزة الماكنتوش بالصور

بعدين بتظهر لك صفحة تطلب منك تدخل السي دي الخاص بالويندوز عشان تبدأ عملية التثبيت

installing windows 7 on mac

تضغط رز Start Installation

والجهاز من نفسه راح يسوي عملية إعادة تشغيل وبتظهر لك صفحة التثبيت الخاصة بالويندوز

شرح تثبيت الويندوز 7

هنا في الصورة امامنا الهارديسك مقسوم إلى نصفين .. القسم الأول وهو الخاص في الماك ( انتبه تجيه ثم تتوهق ) والقسم الثاني اللي انشأناه للويندوز .. تختار القسم الثاني ثم تضغط على الخيار Drive options ( Advanced )

 

تثبيت Windows 7 على ماكنتوش الخاص بك

بعدين تضغط على كلمة ( Format ) ومن ثم تضغط Next

بتطلع لك رسالة تنبيه بأنك راح تمسح جميع المعلومات في القسم اللي حددته .. تضغط موافق

تركيب الويندوز على الماك بالصور

 

بعدين بتبدأ عملية تثبيت الويندوز على القسم المحدد

شرح تركيب الويندوز على نظام الماك لايون 10.7

بعد كذا بتطلع لك عدة صفحات، تختار منها اللي يناسبك ( اللي هي: أختيار اللغة والكيبورد واسم المستخدم .. )

 

بعدين بيشتغل عندك الويندوز خلاص .. لكن يبقى التعريفات الخاصة بالماك. عشان تجيب التعريفات عندك عدة خيارات:

 

الخيار الأول: تستخدم السيدي اللي جاي مع جهازك الماك ( اللي هو Installation Disk) بعدين تضغط RunSetup.exe زي الصور

طريقة تركيب التعريفات الخاصة بالماك على الويندوز

 

الخيار الثاني: تحمل الملف من موقع الشركة مباشرة

اضغط هنا

 

الخيار الثالث: تكون أنت سبق وحملتها لما بديت تطبق الشرح ( سواء على سي دي أو على فلاش )

 

بعد ما تختار الخيار اللي يناسبك من الخيارات اللي فوق، تبدأ تثبيت BootCamp

طريقة تثبيت تعريفات الويندوز على الماك boot camp

تضغط Next

 

تثبيت البوت كامب على الويندوز لضبط تعريفات الماك

توافق على الشروط ثم تضغط Next

 

تركيب تعريفات الواي فاي والشاشة للويندوز على الماك

تضع علامة صح على الخيار الموجود في الصورة ثم تختار Next

 

windows 7

بعد الإنتهاء من التثبيت بيطلب منك الجهاز إعادة التشغيل

 

وبعدها بتكون جميع تعريفات الويندوز راكبة تمام على جهازك الماك

*  *  *  *

 

ملاحظة: كيبورد الماك العربي يختلف عن كيبورد الويندوز لذا عشان تضبط عندك هالمشكلة تحتاج تحمل البرنامج هذا عشان يضيف لك التوزيعة الصحيحة لكيبورد الماك على الويندوز 7

<اضغط هنا لتحميل توزيعة كيبورد الماك العربية للويندوز>

 

ملاحظة: أول ما تشغل جهازك الماك اضغط على زر ( ALT ) عشان تختار نظام التشغيل اللي تبيه سواء ماك او ويندوز

طريقة الاختيار بين الماك والويندوز عند تشغيل الجهاز

 

30274 زيارة  | 

الكلمات الدليلة : , , , , ,

 

لمحة عن Mr. A

مهذب وخلوق واقطر ملح .. طبعاً ما يحتاج أقول لكم أن هذي مهيب صفاتي .. لا بس هذي هي الصفات اللي أحلم فيها : )
  • RSS

مواضيع عشوائية :

44 تعليق حتى الأن.

  1. يقول غيد:

    عوافي أخوي .. ناوية إن شاء الله ع شراء جهاز ماك وتثبيت الويندوز بس أخاف يصير له تأثير ع الجهاز بشكل عام أو مايسمح لي باستخدام الويندوز بكل مميزاته ف وش رايك أتوكل ع الله وإلا أشري سوني وبس ؟؟؟ ماااقصرت شرحك جداّ واضح ومميز

    • يقول Mr. A:

      أهلين .. ما راح يتغير شيء في جهازك، اللي بيتغير هو أنك مساحة الهارديسك راح تنقسم على نظامين، اما بالنسبة للويندوز فـ هو نفسه الليي في كل الاجهزة ماتنقصه اي ميزة ثانية tch34

  2. يقول suze:

    طيب يمديني احمل الويندوز من ملف مو من سيدي ؟
    وشكراً tch28

  3. يقول suze:

    السلام عليكم
    انا جربت طريقتك واول شي يجيني كذا
    http://im32.gulfup.com/335nB.jpg

    بعدين اضغط نكسست وتجي هاذي الصوره وتطوووول tch10

    http://im32.gulfup.com/qmn5Z.jpg

    انا محتاجه احمله ضروووري لانه السبت عندي اختبار ع الفرونت بيج ومايتحمل ع الماك
    🙁
    انتظر ردك جزاك الله خير tch28 tch28

  4. يقول بروف:

    السلام عليكم ..

    طيب أخوي مستر tch28 ..

    أنا مستخدم لويندوز وأبغى أثبت معاه الماك tch19 ..

    وش الطريقة ؟

    • يقول Mr. A:

      وعليكم السلام ورحمة الله وبركاته،
      فيه طريقة بس ما اعرف لها الصراحه، أسمها ( هاكنتوش ) ممكن تبحث عنها في قوقل وبتطلع لك معلومات تفيدك أكثر مني ان شاء الله tch34

  5. يقول Suze:

    جزاااك الله الف خير مستر اي مااقصرت ، الحمدلله حست بجهازي لين ثبتت الوندوز من برنامج البرللس مشكووور
    كنت اتمنى اني بالرياض عشان تثبتونه لي ، موفقين 🙂

  6. يقول سالم اليوسي:

    اخوي لاهنت انا جهازي ٢٠١٢ بدون سي دي دخلت موقع الشركة على شان احمل التعريفات وما ادري وش الي احمله tch32 😀

  7. يقول Mr. A:

    مرحباً، وش الجهاز ؟!
    ممكن من تحملها مباشرة من البوت كامب في الماك حقك، لما بديت خطوات تثبيت الويندوز طلعت لك هالصورة:
    http://www.tichno.com/wp-content/uploads/boot-camp-assistant-usb.jpg

    لو تلاحظة الخانة الثانية هي المسؤولة عن تعريفات جهازك، ممكن تحط عليها علامة صح وتشبك فلاش ميموري أو هارديسك وتحملها عليه وبعدين بعد تثبيت الويندوز تركبها عليه.

  8. يقول soso:

    صباح الخير يعطيك العافيه بس بسال ينفع استغني عن الويندوز يعني لو شريت
    ماك بوك برو يغنيني عنها والا لا وخاصه
    برامج المايكروسفت وشكراا

    • يقول Mr. A:

      صباح النور،
      مرحباً .. يغنيك عنه من أي ناحيه؟ يعتمد على حسب استخدامك للجهاز؟
      إذا تصفح نت ما راح يتغير عليك شيء .. إذا تستخدمين الاوفيس كثير بتحصلين اوفيس للماك لكنه لازال دعمه للعربي سيء والاوفيس حق الويندوز افضل منه حالياً.

  9. يقول suze:

    السلام عليكم
    اخوي انا حاولت اسوي مثل ماقلت واختار الخيار الثاني بس تطلع لي ذي الصوره ولا ادري وش معناها tch10

    http://im42.gulfup.com/7S6z1.png
    زمان اخذت لابتوب صاحبتي عشان اختبر والحين لازم اسوي جهازي<<بدري tch13 عشان اشغل ملفات البوربوينت للاسف انا مو من الرياض لو اني بالرياض ارسله لكم
    اعتذر للازعاج واتمنى تساعدني شكرررررا tch28 tch28 tch28

    • يقول Mr. A:

      وعليكم السلام ورحمة الله،
      بالنسبة للمشكلتك اللي عندك فـ الكلام اللي في الصورة يفيد بأن لديك مشكلة في تقسيم الهارديسك، لازم يسوى لجهازك فورمات كامل، بعدين تسوين تقسيم للجهاز وتضيفين الويندوز عليه.

  10. يقول suze:

    ايه صح بالنسبه للسيديهات معاه سيديهين اثنين tch38 واحد مكتوب عليه applications install DVD
    والثاني mac OS X install DVD
    مدري اي واحد احطه . وبالنسبه لبرنامج البريلليسلر مدري وشفيه مايشتغل ابد واضطريت احذفه عيال اللذين يبون الاكتفتي كود والمده منتهيه tch9
    عارفه تعبتكم الله يسعدكم

  11. يقول suze:

    شكراا شكراا شكراااا ربي يسعدكم دنيا واخره والله يجزاكم خير ، جاري التجربه وان شالله يضبط tch28

  12. يقول Suze:

    السلام معليش اخوي ابثرتك tch27 سويت الطريقه وفجأه طفا الجهاز وتجيني كذا tch10
    http://img809.imageshack.us/img809/3842/ysah.jpg
    مو بس هنا المشكله المشكله السيدي ناشب بالجهاز وضغطت كل الازرار ولا يطلع
    سي دي ماك اكس اوس انستال
    اعتذر لك بس ياليت لو عندك خبره تعطيني الحل

    • يقول Mr. A:

      وعليكم السلام،
      طفي الجهاز تمام ( علقي على زر التشغيل لين بطفى ) بعدين ارجعي شغليه من جديد واضغطي بأستمرار على زر الـ option الموجود في الكيبورد. بتطلع لك صورة هارديسك ومكتوب تحتها ماكنتوش او ماك. اضغطي عليها وبيشتغل طبيعي ان شاء الله. بعد مايشتغل بيطلع السيدي.

  13. يقول NAYEF:

    الحمد عليكم
    ياغالي جهازي ماك بوك برو شريته 2009 كان إصداره 10.5 وحدثته في محل ل10.8 وخايف لايكون مو اصلي لأني رايح لأمريكا ويرضوه رفع لي الرام من 2 قيقا الا 5 قيقا
    ومحتاج لنظام الوندز وبرامج الاوفس للوندز ولا ادري وش الافضل وندز 7 ولا وندز 8
    عندكم النظامين واصلي ولاتقدرون تحملونها من موقع مايكروسوفت
    مامعي وقت
    او اشتري الونذز واجيكم تحملونه

    • يقول Mr. A:

      مرحباً،
      بالنسبة للويندوز 7 والويندوز 8 فهم قريبين من بعض ويبقى الخيار لك وش تفضل منهم و وش اللي انت متعود عليه؟
      بالنسبة للنظام 10.8 تقدر تشتريه من الابستور الموجود عندك في الماك، سعره تقريباً 19 دولار. اما الويندوز فهو غير موجود لدينا الأصلي، ممكن تحصله في أماكن زي مكتبة جرير، وتقريباً سعر النسخة مابين 400 إلى 700 ريال. وايضاً ممكن بعد ماتروح أمريكا تمر أقرب فرع آبل ستور لك وتشتري منهم الويندوز ويساعدونك في تثبيته على جهازك.

  14. يقول Abdullrhman:

    معليش اخوي بس بسآلك انا يوم دخلت الموقع بحمل التعريفات شفت تعريفات كثير بس ما اعرف وش احمل .. كيف اعرف ايت تعريف المناسب لجهازي ؟ مع العلم انه ماجاني سي دي التعريفات مع الاب توب : (

  15. يقول Abdullrhman:

    طيب اخوي انا سويت كل شي وحطيت التعريفات والويندوز شغال تمام .. بس عندي مشكلة في الماوس لما اجي اضغط الزر اليمين ماتجيني الخيارات يعني اللي شغال الزر اليسار بس ممكن تشوف لي حل الله لا يهينك tch21

    • يقول Mr. A:

      مرحباً،
      في الشريط السفلي بجانب الساعة ايقونة خاصة بالبوت كامب .. اضغط عليها وادخل في الاعدادات الخاصه بها. ستجد خيار الضغط بزر الماوس الايمن.

  16. يقول سارا:

    اخوي كيف احط الويندوز على فلاش؟ هل في رابط تحميل ؟

    • يقول Mr. A:

      مرحباً،
      ممكن تبحثين في التورنت اعتقد بيكون فيه روابط .. ولو فتحتي اليوتيوب بيكون فيه اكيد شرح كيفية وضع الويندوز على فلاش ايضاً.

  17. يقول Ilham:

    السلام عليكم اخي عندي سوال اذا سامحت لي .. انا نزلت الويندوز علي سي دي ودرت بس ماشغلت ألبوت عليه .. بس السي دي قاعد ف جهاز طفئت الجهاز وفتحته مايبي يفتح وتظهر علامة الويندوز عليه

    • يقول Mr. A:

      وعليكم السلام ورحمة الله،
      معليش مافهمت عليك زين tch3 .. قصدك انك ما تبي تحمل الويندوز على جهازك وبس كنت بتنزل الويندوز على سيدي والحين موب قادر تشغل جهازك ويظهر لك شعار ويندوز عند تشغيل الجهاز؟

  18. يقول ali:

    السلام عليكم …اسعد الله صباحكم

    بالنسبة لتعريفات الويندوز 8 تجي مع سي دي الوندوز(النسخة الاصلية) يعني بس اركب الوندوز وتنزل التعريفات مباشرة؟ واتابع التنزيل؟ او كيف الطريقة للتعريفات ؟

  19. يقول salama mohamed:

    اخى الكريم انا سويت ويندوز 7 32بايت والكيب ورد ماهو شغال على الويندوز وهل هناك طريقه لتغير الويندوز من جديد الى ويندوز 7 64 بايت
    وشكرا

    • يقول Mr. A:

      مرحباً،
      بالنسبة للويندوز على حد علمي مايركب الويندوز 32 على الماك. ولو كان ركب ماتقدر تحوله إلى 64 لازم تعيد تركيب الويندوز من جديد بنسخة 64.
      بالنسبة للكيبورد فما ادري وش المشكلة عندك بالضبط؟ هل الكيبورد كامل مايشتغل او الحروف غير مطابقة؟

  20. يقول محمد:

    الله يعافيك يالطيب وشاكر لك مقدمآ على موضوعك الرائع

    انا عندي ماك بوك اير مافيه سيدي ينفع بالفلاش ميموري وياريت الطريقه الله يوفقك ويسعدك

  21. يقول Mohammad:

    شكرا لك يا عزيزي ، سؤالي هو :

    هل هنالك امكانه تنزيل الويندوز علي هاردسك خارجي حجمه ٥٠٠ قيقا او واحد تيرا ومن ثم تشغيله على الماك
    حتى يكون مستقل نوعاً ما عن المساحة التخزينية الخاصة بالماك

    لا اريد العبث في مساحة هادرسك الماك والسبب قلة الحجم ٥٠٠ قيقا وهي غير كافيه لنظامين ، فلو هنالك طريقة لتنزيل الويندوز على هاردسك وتشغيله عبر الماك اتمنى الافادة

    جهازي ماك بوك برو ٢٠١٥

  22. يقول سلطان القحطاني:

    السلام عليكم .. يعطيك العافيه على الشرح .. انا حاليا اكلمك من جهاز ماك بنظام ويندوز 7 لكن عندي بعض الاستفسارات واتمنى احصل الاجابة عندكـ ..
    بالنسبه لعملية بدء التشغيل .. اذا ماضغطت على alt اثناء تشغيل الجهاز يشتغل نظام الويندوز وهذا الشي قاهرني صراحة .. حاليا هذي المشكله الي موترتني .. صراحة ما ادري اذا هالموضوع قديم او لا لكن ان شاء الله ترد علي وتفيدني .. واتمنى تتواصل معي اذا حاب طبعاً على BBM :D187C050 .. اعذرني على الازعاج لكن جد اتمنى انك تجاوبني وتساعدني .. شكراً مقدماً

    • يقول Mr. A:

      وعليكم السلام ورحمة الله وبركاته،
      بالنسبة لهالمشكلة فحلها سهل .. افتح جهازك الماك وبعدين روح للاعدادات ( system preferences )
      بعدين startup disk
      بتحصل التحديد على ملف الويندوز .. انقل التحديد للماك وخلاص بيصير هو الافتراضي.

  23. يقول Mustafa ALsaediy:

    السلام عليكم اخي الكريم
    تم تنصيب تنصيب نظام الويندوز 10 iOS على جهاز الماك وتم اجراء التعاريف من خلال السيدي تبع الحاسبة وفعلاً الجهاز يعمل بصورة جيدة.
    ولكن واجهتني مشكلة هي ان الماوس تبع الحاسبة لا يعمل عند الضغط على الزر الأيمن ولكن في الماوس الخارجي يعمل وفِي نظام الماك كذلك يعمل المشكلة أين اخي الكريم ممكن مساعدتك لحل هذه المشكلة.
    مع خالص ودي لكم

    • يقول Mr. A:

      وعليكم السلام ورحمة الله وبركاته
      هل تم تركيب ملف البوت كامب الخاص بالتعاريف على الجهاز؟
      اذا تم تثبيته تحتاج تدخل عليه وتشوف الاعدادات الخاصة فيه ( غالباً في اصدارات ويندوز السابقة يكون له ايقونة صغيرة في الاسفل بجانب الساعة والواي فاي)، ستجد خيارات الماوس والنقر هناك.


*

صفحة جديدة 2