تجربة تغيير رام الماك بوك برو إلى ثمانية قيقا

Learn how to remove or install memory in your MacBook portable computer.

بعد ترقية الماك بوك برو إلى نظام الأسد ( ليون ) حسيت ببطئ ملحوظ في الجهاز، الكثير نصحني أسوي للجهاز ريستور ومدري أيش لكني بصراحة تعيجزت أسوي للجهاز باك أب كامل ونقل ملفات .. الخ، لأني عارف كثير من ترتيب الملفات بيتغير علي وبتضيع علي معلومات كثيرة، والأهم اني أساساً ما أحب الفرومات لأنه يحسسني أننا تونا ناقلين لبيت جديد وكل شيء محيوس وأغراضك تكون كلها قدامك في كراتين لكن ما تقدر تستخدم ولا شيء منها بسبب الحوسه

 

عموماً، بالصدفة حصلت رام على موقع أمازون بسعر مغري وحمسني للتجربة صراحة، ما كنت متأكد من مدى التغيير اللي بيسويه لكن الأكيد أنه كان بالنسبة لي حل أفضل من الفرومات ومشتقاته  .. هذي صفحة المنتج على موقع امازون ( اضغط هنا ) سعره تقريباً 50 دولار .. يعني مايقارب 200 ريال، بالنسبة لأسعار الرامات حقت الماك في السعودية أعتقد هالسعر بيكون أرخص بكثير

 

تغيير رام الماك بوك إلى 8 قيقا

وصلني بعد أسبوع تقريباً .. وطبعاً هو مكون من قطعتين كل وحده منهم 4 قيقا

 

 

التركيب

تحتاج أول شيء تطفي الجهاز وبعدين تفك المسامير الموجودة أسفل الماك

تركيب الرام على الماك بوك برو 8 قيقا

بعدين تفتح الكبوت .. الجزء المحدد بالأحمر هو الرام، بكل بساطة تبعد الأطراف البلاستيكية الموجودة في أطرافه ويطلع لك مباشرة .. تبدل القديمات بالجديدة الموجودة عندك وخلاص تمت العملية بسلام

 

macbook ram - ترقية رام الماك بوك برو

 

صور تشرح عملية الفك

المصدر : اضغط هنا

 

النتيجة: بعد الترقية حسيت سرعة الجهاز صارت اسرع وأوقات الإنتظار صارت أقل، إستخدام الفوتوشوب وبرامج تحرير الصور الثقيلة صار أفضل بكثير

 

هذي الأشياء اللي لاحظتها، يمكن الرام مالها دخل فيها لكني حسيتها وبس

 

*  *  *  *

ملاحظة: الرام ليس له علاقة بالهارديسك ولا يزيد من سعة تحميل الجهاز

ملاحظة أخرى : من المفترض أن ترقية الرام لا تلغي ضمان الجهاز، لكن من الأفضل تتواصل مع الوكيل ( في السعودية حاسبات العرب ) وتتأكد منهم عشان لا يطلعون لك بطلعات مالها سنع

ملاحظة أخيرة: قبل لا تشتري أي رام لازم تتأكد وش موصفات الرام الموجود في جهازك عشان تشتري مثله، هل هو ( 1333 أو 1067 أو 1066 ) من خلال الضغط على علامة آبل الموجودة في أعلى الشاشة جهة اليسار، ثم ( About this Mac ). أو من خلال الدخول لهذا الرابط والإطلاع على موصفات الرام اللي تنطبق على جهازك وأيضاً معرفة الحد الأعلى له!


مواضيع مفيدة:

اضغط هنا لمعرفة كيفية الطلب من موقع أمازون

اضغط هنا لمعرفة كيفية الحصول على صندوق بريد أمريكي

 

5 تعليقات

  1. يعطيك العافيه عالموضوع
    انا قبل فتره سويتها وفعلا حسيت بفرق
    معلومه بيسطه : الرام لها علاقه بسرعه الجهاز لان الرام هي الذاكرة الي لما تفتح اي تطبيق تتخرن عليها فكثره البرامج والتطبيقات والملفات تسبب ضغط وبالتالي بطئ و اول ما تسكر الجهاز كامل تنمسح الرام فرياده الرام مفيده لاداء الجهاز وليس التخزين
    شكرا مره ثانيه عالموضوع 🙂 واسفه عالكلام الطويل tch28

    • أهلين .. الله يعافيك tch26 tch34
      ايه فعلاً فيه فرق في الاستخدام بس ماحبيت اوضح هالشيء كثير في الموضوع عشان ما احد يشك اني اخذ عمولة من امازون والا شيء tch38 .. يعطيك العافية على المعلومة والعفو tch17

  2. السلام عليكم تجربتك رائعه ولكن تبي الجهاز يصير صاروخ غير الهارديسك الى ssd tch3

    انا غيرت الهارديسك للماك بوك برو صار يشتغل اسرع من الايفون tch36

    والاقلاع فرق ٢٠ ثانيه tch4

    اتمنى اخوي تجرب تغير الهارديسك حققك وتحوله الى ssd
    انا شريت من امازون من نوع سامسونغ سعته ٢٥٦ قيقا كلفني كله مع الشحن ١١٠٠ ريال
    والصراحه فررررق tch17

    بالتوفيق للجميع بس حبيت انقل تجربتي لكم tch39

    • وعليكم السلام ورحمة الله،
      اهلين .. حياك tch34 tch26
      يعطيك العافية على مشاركتنا بتجربتك tch31 .. انا مهوجس فيها صراحة لكني متحسف اشتري الهارديسك للبرو .. افكر اشتري آي ماك احس شاشته تبرد الكبد tch1 tch35
      شاكر لك تعليقك ومشاركتك tch20

  3. السلام عليكم … يا شباب لو سمحتو ارجو المساعدة بحاجة لاغير ssd لجهازي ماك بوك برو وما عندي خبرة كيف اشتريها من آمازون يا ريا اذا امكن اي حد من الشباب عنده حساب ويقدر يخدمني ويطلبها لي..
    مع كل الشكر

اترك تعليق

اكتب تعليقك
اكتب اسمك هنا