شرح طريقة تثبيت برنامج الواتس اب على الايباد والايبود بدون جيلبريك

الموضوع واضح من عنوانه .. في السابق ذكرنا ( شرح تثبيت الواتس اب على الايباد والايبود بالصور ) لكن هالطريقة تحتاج جيلبريك والأن الأغلبية ماعندهم جيلبريك خصوصاً مستخدمين الإصدار 6 

 

أولاً: تحتاج يكون عندك برنامج آي تولز ( اضغط هنا لمعرفة طريقة استخدام البرنامج )

برنامج اي تولز itools

تحميل البرنامج:  نسخة ويندوزنسخة ماك


ثانياً: تثبت برنامج الواتس اب على الايفون وتسوي تفعيل للرقم اللي راح تستخدمه على الايباد

بعد ماتسوي عملية التفعيل اشبك جهازك الايفون على الكمبيوتر وافتح الآي تولز .. اضغط على الخيار الموجود على اليسار Applications وبتطلع قدامك قائمة بالبرامج الموجودة على الايفون حقك .. اختر برنامج الواتس اب

شرح طريقة تثبيت وتركيب برنامج الواتس اب على الايباد والايبود بدون جيلبريك


بعد ماتختار برنامج الواتس اب تختار الخيار المحدد في الصورة وتضغط على كلمة Backup program and document واحفظ البرنامج في مكان واضح عشان ترجع تحمله بعد شوي ( على سبيل المثال سطح المكتب )

شرح طريقة تثبيت وتركيب برنامج الواتس اب على الايباد والايبود بدون جيلبريك

 

بعد ماتخلص حفظ الملف على جهازك اضغط على زر الحذف ( الموجود على يسار زر الحفظ ) واحذف برنامج الواتس اب من جهازك الايفون.

بعد كذا افتح افصل الايفون واشبك الايباد بداله .. اختر الخيار Applications الموجود على اليسار ومن ثم اختر الخيار المحدد في الصورة عشان تثبت البرنامج

 

شرح طريقة تثبيت وتركيب برنامج الواتس اب على الايباد والايبود بدون جيلبريك

 

بعد الضغط على الزر Install بتفتح لك نافذة تطلب منك تحديد البرنامج المطلوب تثبيته من جهازك .. تروح للمكان اللي حفظت فيه برنامج الواتس اب قبل وتختاره ( عشان كذا قلنا سطح المكتب عشان يكون واضح )

 

بعد كذا تنتظر البرنامج الين يثبت الواتس اب على ايبادك ويرفع جميع الملفات

شرح طريقة تثبيت وتركيب برنامج الواتس اب على الايباد والايبود بدون جيلبريك

بعد ماينتهي التثبيت على ايبادك .. افتح البرنامج

وإذا طلعت لك رسالة تسألك هل تبي تغير رقم جوالك الموجود على برنامج الواتس اب اضغط لا!

 شرح طريقة تثبيت وتركيب برنامج الواتس اب على الايباد والايبود بدون جيلبريك

شرح طريقة تثبيت وتركيب برنامج الواتس اب على الايباد والايبود بدون جيلبريك

وبكذا تكون أنتهيت خلاص 

 

*  *  *  *  *  *

ملاحظة: تمت تجربة الطريقة على (ايفون 4 اس إصدار 6.0.1 ) و ( ايباد ميني إصدار 6.0.2 ) وإصدار برنامج الواتس اب المستخدم في التجربة هو 2.8.7.

ملاحظة: لازم يكون حساب الأبستور موحد في الجهازين .. عشان اذا نقلت الواتس اب للايباد ماتواجه مشاكل.

 

146,450 زيارة  | 

الكلمات الدليلة : ,

 

لمحة عن Mr. A

مهذب وخلوق واقطر ملح .. طبعاً ما يحتاج أقول لكم أن هذي مهيب صفاتي .. لا بس هذي هي الصفات اللي أحلم فيها : )
  • RSS

مواضيع عشوائية :

195 تعليقات حتى الأن.

  1. محمد قال:

    طريقه حلوه لكن مشكلتها ماتقدر تضيف الاداه اللي تكبّر الشاشه للبرامج المخصصه للايفون .. سويتها وتوهقت D: الحين اذا كبرت الشاشه يمديني اعد كم بكسل فيها

  2. بسام قال:

    طيب الواتس اب كدا بيشتغل على الايباد والايفون
    بنفس رقم الجوال في نفس الوقت؟؟؟

  3. ammar قال:

    حلو ياحلو اقوى شي
    الطريقه تفك ازمة مهزلة الجلبريك مع الايباد و الوتسب

  4. Esam قال:

    ✌✌✌
    اوك فهمنا بس انا بنزله على الايباد والايفون بس الرقم يختلف هذا رقم والايباد رقم

    بدون ما احذفه من الايفون

    • Mr. A قال:

      أهلين .. بعد ماتسوي الطريقة اللي فوق وتحذف الواتس اب من الايفون وتركبه على الايباد وكل شيء يشتغل معك تمام .. تروح تحمل الواتس من الابستور حق الايفون وتركب عليه رقمك

  5. Norah قال:

    الله يعطيك ألف عافيه، بس لو أبي اخليه بالايفون واللي بالايباد أحط رقم ثاني اقدر؟؟؟

    • Mr. A قال:

      أهلين .. الله يعافيك،
      بعد ماتسوين الشرح الموجود فوق .. تقدرين ترجعين تحملين تطبيق الواتس اب من جديد من الابستور وتركبين عليه رقمك الخاص بالايفون.

  6. سيمو قال:

    ممم طيب انا ابغى احملو على الايبود تتش {{ يعني ينحذف الواتس من الايفون }} ويتحمل في الايبود

  7. ابو ياسر قال:

    فتحت لي باب رزق
    الله يفتح لك ابواب جنة الفردوس
    ويرحم والديك

  8. سلمى قال:

    طيب واللي عنده ايبود تتش وماعنده ايفون هل في امكانية انه ينزل الواتس عليه
    يعني ماينفع استخدم الواتس حق النوكيا وانزله عاللابتوب وبعدين انزله عالايبود وشكراً

  9. جوري قال:

    للأسف جميع الطرق سلكتها .. والنتيجة وحدة

    ظهور ( عذراً جهازك الحالي غير مدعوم )

    • Mr. A قال:

      مرحباً .. هل حذفتي الواتس اب من الايفون عن طريق البرنامج؟
      هل تركتي الواتس اب يكمل تحميل جميع الملفات على الايباد من البرنامج اي تولز؟

      • توتي قال:

        في شي لازم تسويه
        لما تاخذ نسخه من الواتس للحاسب لازم تضغط زر الملف اللي بجنبه وتنسخ الملفات الموجوده بعدين لصقها في الجهاز الحاسب
        ولما تنسخ الواتس للايباد تروح تاخذ الملفات اللي نسختها وتلصقها بملف الواتس في الايباد وتحط موافق للاستبدال
        ومبروووك

    • Mr. A قال:

      وهل كان مفعل على رقم جوال والا؟

  10. راكان المطيري قال:

    شباب لما انقل الواتساب للايباد ميني يقول infield بليز أبي حل

  11. علي قال:

    يا اخوي انا سويت كل الخطوات بس لما احمله على الايباد ويخلص تحميل ما احصله في الايباد

  12. غدير قال:

    لو سمحت/ي
    انا سويت نفسك طريقتك وكل شي
    وحذفت الواتس اب من الايفون
    وانا جهازي ايبود ولما حملته يطلع من نفسه بالايبود
    اتمنى الرد تكفى/ين

  13. غدير قال:

    طلع لي كذا
    http://img534.imageshack.us/img534/674/imagezlcp.jpg
    وكتبت الايميل والباسورد الي احمل منه وطلع بنفسه

    • Mr. A قال:

      أهلين .. كتبتي أي ايميل؟ نفس الايميل اللي محمله فيه الواتس ( في الايفون )؟
      جربي ادخلي الاعدادات وروحي لكلمة store وحطي حسابك اللي تستخدمينه في الايفون واللي حملتي منه الواتس اب .. وجربي تفتحينه ولازم يكون عندك نت طبعاً
      لو ماضبط .. جربي ارجعي حمليه على الايباد من جديد بعد ماتسوين الخطوات اللي فوق

  14. غدير قال:

    شوف/ ي لما كتبت الايميل والباسورد
    طلع لي كذا
    http://img834.imageshack.us/img834/6299/imagedpo.jpg
    وبعدين طلع بنفسه

  15. علي آل موسى قال:

    أقدر اعمل من آيبود الى آيباد ؟؟؟؟؟؟؟؟؟؟؟؟؟؟؟؟

  16. sumaya قال:

    طيب كيف افعل الرقم ؟
    وحق ال UDID
    كيف انسخو او اسوي ؟
    م زبط معايا كل م جيت بحفظ الواتس من الايفون يجيني فوق كلام
    وجمب الوواتس خطأ

  17. sumaya قال:

    ولازم عشان يشتغل الواتس عندي بالايباد ف امسحو من الاييفون ؟

  18. sumaya قال:

    لانو نزل عندي بس شسمو دا كل ماجيت اضغطو يقفل بدون م يفتح شي

  19. meme قال:

    اتحمل معي على الايباد بس لما اضغط البرنامج مايفتح نهائياً يطلع خروج على طوول
    جهازي ايباد 1 الاصدار 5.1.1 وعليه جلبريك
    والايفون 4 الاصدار 5.1.1 بدون جلبريك
    ساعدوووني

  20. رافعها حاجبها ومحد عاجبها قال:

    السلام اتمنى تساعدوني انا ابي احمل واتس اب للايباد ومااعرف يليت احد يعلمني

  21. فيصل قال:

    يسلمووووووووو حبيبي افدتني كثير وضبطت الطريقة ١٠٠ في ١٠٠ ،، ماتوقعت اني الاقي كذل طريقة سهله وشرح رائع .. عاد كنت بسوي جليبريك عشان اوقعه بس الحمدلله

  22. سعيد قال:

    السلام عليكم
    لو سمحت عندي ايتونز علي الويندوز وماعرفت اعمل بكب للوتساب فقط
    انت مستخدم ايتونز ماك ويختلف ألواجه
    اذ ممكن شرح علي ايتونز ويندز
    وشكرا

  23. طريقة حلوة … جزاك الله خيرا

  24. عبدالعزيز قال:

    شكرًا

  25. فاتن قال:

    أن شاء يحمل

  26. عيسئ قال:

    ابي اعرف كيف انزل الواتس اب ع ايفون فور اس /iOs6
    بدون جل بريك وبدون شرا
    وساكون شاكراً لكم

  27. رافعها حاجبها ومحد عاجبها قال:

    اي عندي جلربيك

  28. خالد قال:

    انا عندي ايباد يقولك بالوتساب عذرآ جهازك الحالي غير مدعوم ابي حل بس ماعندي نت سريع يصير من الابستور

  29. Marmar قال:

    بليز الواتس اب مش بيظهرلي لما احمله علي الايباد ديريكت نزلته علي الكمبيوتر بس مش ععارفه احمله من الكمبيوتر الي الايباد دايما يقول فيه غلط

  30. soso قال:

    طلع لي (جهازك غير مدعوم) حقي ايباد بدون جلبريك

  31. قمرهم مجوده قال:

    يعني لازم احمل برنامج الجلبريك من الاب توب ابل ولا اي الاب وشيء ثاني تعب اني افتح الاب طيب هل الجلبريك يتحمل في الايباد؟!! ارجوا الججواب

    • Mr. A قال:

      أهلين .. البرنامج اللي تحمله على اللاب توب هوعبارة عن أداة عشان تثبت السيديا ( الجيلبريك ) على ايبادك.. بدونها ماتقدر تركب جيلبريك على ايبادك مباشرة، لازم كمبيوتر.

      الملف يتحمل على اي كمبيوتر سواء كان يعمل بنظام ابل او بالويندوز

  32. Abu Rinad قال:

    مشكور جداً عزيزي على الشرح ولكن عندي مشكلة و هي أنه لما أجي اسوي حفظ ( بكب) لبرنامج الواتس من الأيفون عن طريق itools حاولت اسويه عن طريق الخيار الثاني زي الصورة الي في الشرح ( Backup program and document ) يطلع لي خطاء فوق ( Error ) على ما فهمت أنه مافية مساحه خالية فسويت الخيار الي فوقه الي هو ( Backup program ) و كملت الطريقة الي بالشرح وفي النهاية طلع لي ( عذرآ جهازك الحالي غير مدعوم )
    بالله ايش الحل بليززز المساعدة وشكراً ،،،

  33. manss قال:

    لو سمحتو انا سويت الحركة 5 مرات وضابطه كلها
    بس في مشلكه في كل التجارب
    الميني ايباد بعد تحميل المسنجر وتشغيلوا عالكممبيوتر يرفض يكمل نقل المعلومات
    صرت م ا اقدر انزل برامجي من ايتونز للميني مباشرة
    لازمليلي حل ؟
    افيدونا

    • Mr. A قال:

      أهلين .. ممكن بسبب أن الايتونز يكتشف الواتس اب عندك ويكون فيه خلل ما! الافضل تركب برامجك من الاي تولز أو تركبها من الايتونز ثم تركب الواتس اب .. لو تركبها يدوي والشكوى على الله

  34. ريم قال:

    اش مهزلة الجيلبيريك ودي انزلة

  35. Abu Rinad قال:

    تسلم على الرد
    بس الواتس مو جديد فيه قروبات بس مو راضي يعمل باك اب مع الملفات ايش الحل عزيزي .
    ابعدني عن موضوع الجلبريك الله يرضى عليك .

    • Mr. A قال:

      أهلين .. المشكلة عندك في محتوى البرنامج، جرب تمسح جميع المحادثات اللي فيه من الإعدادات وبعدين جرب ثانية يمكن يضبط معك ان شاء الله

  36. mooni قال:

    انا عندي ايباد 3 الواتس اب لحد امس كان شغال و مافيه اي مشاكل , يوم قفلت الايباد و شغلته دخلت علي الواتس كتب لي خطاء جهازك الحالي غير مدعوم رغم اني مركبه الجلبريك و حملت اداة واتس باد ايش الححل

    • Mr. A قال:

      أهلين .. جرب تحذف الواتس اب وتركب إصدار جديد إذا الاصدار اللي عندك مو الاخير .. أو جرب تروح للسيديا وتعيد تحميل الأداة WhatsPad

  37. وعد قال:

    انزين انا سويت مثلك لكن لما حملته طلعلي مكتوب عذرا جهازك الحالي غير مدعوم شنو اسوي

  38. منو قال:

    مشكووور أخوي جربته ونفعت معايا الله يجعله في موازين حسناتك

  39. لمياء قال:

    ثبت الواتساب بنفس الطريقة الي وصفتها لكن تظهر رسالة (جهازك الحالي غير مدعوم) بعدها حذفته من الايباد ورجعته للأيفون وضبط بعدها رجعته للايباد والرسالة طلعت مرة ثانية !!

  40. هديل قال:

    لماذا لم ينزل الوتس اب على الايبود

  41. جزاك الله الف خير انا عندي ايباد وصلحت الطريقه ماشاء الله جزيت الفردوس

  42. لولا قال:

    الله يوفقك الله يوفقك ويرزقك من حيث لا تحتسب

  43. S قال:

    انا عندي ايبود بس موراضي يتحمل
    الواتس اب ايش الحل
    ان شالله تساعدوني

  44. عبير قال:

    انا كل شيء سويته بس الواتس اب مو راضي يتحمل على سطح المكتب ؟ جربت برنامج ثاني غيره ظبط هل عشاني محملته بحساب مختلف طيب وش اسوي ابي احمل الواتس اب على حسابي عشات تتم العمليه بس ماعندي بطاقة اي تونز انا حزينه

    • Mr. A قال:

      أهلين .. إذا الواتس اب ماسبق لك وحملتيه لما كان مجاني أو اشتريتيه بفلوس ماراح تقدرين تحملينه، الا لو عندك جيلبريك .. للاسف مافيه غير هالحلول : /

  45. عبير قال:

    شكراً خلاص ظبط معاي حملته من حسابي

  46. salah alyousfi قال:

    الله يجزاكم خير عندي ايفون 4 اصدار 6.1.3 وعندما اسوي باك اب للوتس اب مع الديكومنتس حقة يطلع لي بالاخير فشل الحفظ كيف اسوي عشان اركبة للايباد
    تكفى ردو عليا ياشباب

  47. Y قال:

    السلام عليكم

    هل استطيع تركيب الواتساب في ايباد واي فاي فقط ؟
    او لازم يكون الايباد 3G

    شكرا ويعطيك العافيه

    • Mr. A قال:

      وعليكم السلام ورحمة الله وبركاته،
      ممكن يركب على الواي فاي والثري جي ( الاثنين كلهم ) مايفرق هل تكون موجودة شريحة داخل الايباد او لا. أهم شيء الشريح تكون تشتغل على أي جهاز جوال عشان إذا ارسلوا لك كود التفعيل حق الواتس اب تقدر تدخل في الايباد ويتفعل معك الرقم

  48. Y قال:

    السلام عليكم ورحمة الله

    شكرا شكرا اخوي
    سويتها وضبطت :)

    بس عندي سؤال اخر اذا تكرمت … هل بيظل الواتساب يشتغل عندي على الايباد لو تم تحديث النظام للايباد ؟
    او لو تم تحديث الواتساب؟
    لاني مابقدر احدث الواتساب وهو موجود على الايباد … صح؟

    شاكره لك اخوي ويعطيك العافيه…

    • Mr. A قال:

      وعليكم السلام ورحمة الله وبركاته،
      أهلين .. العفو حياك ربي
      بالنسبة للتحديث ما راح تقدرين تحدثين الواتس اب من الايباد نفسه، لكن طالما هو شغال لاتحاولين تحدثينه الا لما يوقف عليك أضمن
      بالنسبة لتحديث نظام الايباد فـ ماعندي معلومة الصراحه ماجربت

  49. وعد قال:

    شكرا ياخوي واسف ع ازعاجك


                                          

أخبرني بوجود تعليقات جديدة .

صفحة جديدة 2