كيفية التحكم بإعدادات التنبيهات في تطبيق الواتس اب

الواتس اب - whatsapp

خلونا نكون صريحين مع بعض شوي ، ما أعتقد فيه أحد يستخدم برنامج الواتس اب ما مرت عليه الحاله أن يفتح البرنامج ويلقى نفسه مضاف لقروب، قد يكون قروب زملاء عمل ( واحد منهم مسوي بيجمع شملكم 😀 ) أو أصدقائك أو أقاربك … ولسببٍ ما ماتقدر تطلع منه 

وأكيد مثل أي قروب الا ما تمر لحظات يكون فيه أثنين قاتلهم الفراغ وجالسين يسولفون عن شيء معين وأنت ماكلها وحاط جوالك على الصامت والا حاطه تحت المخدة 😯 .. أنا عن نفسي أعتبر القروبات شيء جانبي وممكن استغني عن تنبيهاتها لانه وبشكل عام المحتوى حقها غير ضروري وممكن اطلع عليه في أي وقت يناسبني وبدون أي إزعاج

عشان نتحكم بالأصوات والتنبيهات أول شيء نسويه نفتح الواتس اب وبعدين نختار الخيار الأول على اليمين تحت ( Settings )

whatsapp settings - إعدادات الواتس اب

بعدين نختار الكلمة المحددة بالأحمر ( Notifications )

تعديل الاصوات في برنامج الواتس اب

بتحصل هالخيارات قدامك .. بالنسبة للخانات العلوية اللي تحت العنوان ( Messages Notifications ) فهي خاصة بالرسائل الشخصية اللي توصلك مباشرة من دون قروبات، تحتها خيارين .. الأول يسمح لك بتعديل نغمة الرسالة بحيث تقدر تفرق بين اصوات القروب واصوات الرسائل الشخصية .. وأما الخيار الثاني فهو خاص بإيقاف التنبيهات بحيث ما يوصلك أي صوت!

اما القسم الثاني اللي تحت العنوان ( Group Notifications ) فهو خاص بالقروبات ونفس الكلام اللي فوق مكرر هنا .. تتحكم بالاصوات أو توقفها تماماً

طيب لنفرض أن عندك قروبات كثيرة لكن يهمك منها قروب معين؟ أو العكس عندك قروبات كثيرة وتهمك كلها ما عدى واحد

في هالحالة تفتح القروب اللي تبيه وبتحصل فوق على اليمين ( info ) اضغط عليها

التحكم باصوات القروب في الواتس اب

وبعد ماتضغط عليها بتفتح لك صفحه خيارات

اعدادات القروب

بالنسبة للخيار الأول المحدد باللون الأزرق فهو بيعطيك نفس الخيارات السابقة وهي تخصيص نغمة معينة للقروب أو إيقاف التنبيهات من هذا القروب بشكل دائم .. أو العكس لو كنت مسوي إيقاف للتنبيهات للقروبات كلها بتقدر تشغل التنبيهات لهذا القروب فقط من هالخيار!

اما الخيار الثاني فهو ( صامت ) وهو يعطيك الخيار أنك تسوي كتم الصوت للقروب بشكل مؤقت

اعدادات الواتس اب

لما تضغط عليه بيعطيك ثلاث خيارات، الخيار الأول ٨ ساعات .. والثاني لمدة يوم كامل .. والثالث لمدة أسبوع، وهالميزة مفيدة لو كان القروب يهمك لكنك ناوي تنام ولا تبي ازعاج من القروب ولا ودك تسوي للجهاز صامت، أو لو كان قريب لكم توه جاي من برا والموجودين فرحانين فيه وجالسين يسولفونه معه فـ هنا الخيار ( صامت لمدة اسبوع ) بيكون هو الحل الأنسب زي ما سويت أنا

تمنياتنا لكم بقروبات تقطر وناسه

24 تعليقات

  1. ثانكيو فري ماتش بس للحين مالقيت واتس اب مجاني

    واللحين عندي مشكلة ولاني عارف كيف احلها ووين احط المشكلة قلت احطها هنا

    (يطلع لي بالجهاز فوق يسار لاتوجد خدمة مع اني دخلت الرقم حق الشريحة وقبل
    بس ماني عارف وين المشكلة )
    3gs stc

    • اهلين، بالنسبة للواتس اب فهو بـ ٠.٩٩ دولار وبعض الاحيان يسوون عرض ويصير مجاني.
      بخصوص مشكلتك فجرب تغير الشريحه كـ حل اول، لو طلعت الشبكة فيمكن يكون الخلل عندك من الشريحه، ولو ماضبط جرب تسوي للجهاز ريستور.

  2. ‏​‏​​‏​‏​​ •• آلسَـِْ♡̨̐ـِْلامَ علـِْ♡̨̐ـِْيگمَ ••  عليكم
    شباب ابي مساعده عندي ايبود اصدار ٥.٠.١
    عليه جلبريك
    طبعا المجهله متعبثين فيه
    والحين لما ادخل السيديا يطلع (كرش)
    واي برنامج نزلته مٍْـٍْْ♡̬̩̃ـٍْْن السديا وحتى الانستول
    الحين الزبده
    ماابي اسويله ريستور علشان ما يتحدث النظاام
    اعييد الجلبريك عادي
    ماراح يصيير شيء للجهاز اذا عدت الجلبريك
    الفزعه باسرع وقت
    وشكرا

    • وعليكم السلام ورحمة الله وبركاته،
      إذا تطلع لك رسالة خطأ معين ممكن تبحث عنها في قووقل بحيث تحصل لها حلول ( يمكن يقولون لك استخدم برنامج تصفح ملفات الايبود عن طريق الكمبيوتر عشان تحذف ملف فيه خطأ مثلاً )

      الحل الثاني وهو غير مجرب انك تحاول تسوي جيلبريك من جديد يمكن ترجع ملفات السيديا من جديد، وطبعاً يمكن مايضبط لان مثل ماقلت لك الطريقة غير مجربة tch3

      الحل الوحيد المضمون واللي مااحب يبيه هو انك تسوي ريستور tch34

      • اوكــــــOkــــــيه مشكور ويعطيك العافيه
        شكلي راح اغامر واعيد الجلبريك

    • أهلين .. للاسف الشرح الموجود عن الايفون، بسأل لك عن الجالكسي وإن شاء الله يكون فيه موضوع خاص عنه tch26 tch34

  3. السلام عليكم
    هل يوجد اي طريقه او اي برنامج مساعد للواتس اب مثلا يجعلك تضع نغمه محدده لكل شخص معك بالواتس اب عشان اعرف من النغمه مثلا مين اللي ارسلي بدون ما اطالع الجوال في انتظار ردكم مع الشكر

    جوالي جالاكسي s2

    • وعليكم السلام ورحمة الله،
      بالنسبة للايفون موجود، اما بالنسبة للجالاكسي ليس لدي خبرة فيه للاسف 🙁

  4. عزوز فيه تصريفه بطله دايم اصرف اللي عندي فيها ههههههههههههههههههههه
    احذف القروب واقول جوالي علق من القروبات tch38 tch29 tch17

  5. السلام عليكم
    عندي استفسار , ممكن اعرف كيف اقدر اقراء رسائل الواتس اب ومحد يدري عني اني موجوده , جهازي جلاكسي , مشكورين tch27

  6. مساء الخير هل هناك برنامج مجاني لتنزيل الواتس أب على الأيفون خصوصاً الأصدار الجديد و طريقة التنزيل الصحيحة و أذا كان هناك صور لطريقة أنزال البرنامج يكون أفضل.
    ولكم الشكر و التقدير

    • مساء النور .. أهلين
      بالنسبة لتنزيل البرنامج بشكل مجاني فـ مافيه حالياً لأن الجهاز قبل اسبوع كان مجاني والان رجع بفلوس فما لك الا حل واحد وهو الجيلبريك أو أن أحد يحمله لك من خلال حسابه الخاص في الايتونز tch8

  7. مرحبا …
    انا بدي اغير نغمة النتبيه للواتس اب بس مو من الي عندي بالجلاجسي يعني بدي نغمات جديدة لأنو النغمة المشهورة تبعت الواتس اب مو موجودة عندي …. يعني اذا في موقع احمل منه نغمات بكون ممنونة الك .. شكرا :)) 

    • مرحباً، جهات الإتصال التي تظهر لديك في برنامج الواتس اب هي نفسها الموجودة لديك في جهات الإتصال الخاصة بجهازك. فإذا اردتي حذف جهات إتصال من الواتس اب قومي بتحرير جهات الإتصال لديك من الهاتف واحذفي التي لاتريدين ظهورها في الواتس اب.

  8. السلام عليكم اناعايز اخصص نغمه لكل شخص عنجى على الواتس اب علشان ابقي عارف مين اللى بعتلى انا جهازى اي فون 5 وشكرا

  9. السلام عليكم
    هل يوجد اي طريقه او اي برنامج مساعد للواتس اب مثلا يجعلك تضع نغمه محدده لكل شخص معك بالواتس اب عشان اعرف من النغمه مثلا مين اللي ارسلي بدون ما اطالع الجوال في انتظار ردكم مع الشكر

    مستعجل بسرع

Leave a Reply to Mr. A الغاء التعليق

اكتب تعليقك
اكتب اسمك هنا