التحويل من حساب سعودي إلى حساب امريكي من خلال الايتونز

حساب ابستور appstore account

 في الغالب نكون مسوين حساب الابستور في بداية تعاملنا مع شركة ابل، وشيء طبيعي اننا في البداية نكون نجهل الكثير من المميزات والعيوب .. لذا الحاصل هو ان الاغلبية مننا مايصدقون انهم يشوفون كلمة ” السعودية ” وقت التسجيل ويختارونها على طول  😀

عشان نختصر المقدمة الدرامية .. الحاصل ان البعض وده يحول حسابه من السعودي إلى الامريكي بدون ما يضطر انه يسوي حساب جديد، معنا اليوم هالشرح المصور واللي ان شاء الله بيسهل عليكم عملية التحويل

 نقطة مهمة: عشان تحول من حساب سعودي إلى امريكي بتحتاج واحد من اثنين .. يا يكون عندك بطاقة فيزا امريكية ( وهذا في الغالب صعب )، او بطاقة ايتونز قيفت كارد اللي هي بمثابة بطاقة الشحن وتعتبر رصيد مسبق الدفع يضاف للحساب. لذا لو ما عندك أحد هالاثنين بتضطر تسوي حساب جديد ( اضغط هنا للمزيد: شرح كيفية فتح حساب مجاني في الآب ستور بالصور )

في البداية نفتح الايتونز من الكمبيوتر

 switching app store account - تحويل حساب الابستور من سعودي الى امريكي

 مثل ماهو موضوح في الصورة تختار كلمة iTunes Store بعدين تختار كلمة Sign in الموجودة فوق على اليمين

تحويل الحساب السعودي إلى امريكي

تكتب بيانات حسابك، الايميل وكلمة المرور

 شرح تغيير الحساب السعودي الى امريكي في الابستور بالصور

بعد عملية التسجيل بيكون ايميلك موجود فوق، اضغط عليه عشان تفتح لك صفحه بياناتك

تغيير حساب الابستور من سعودي الى امريكي

بتكون بياناتك موجودة ومن ضمنها السطر اللي محدد بالاحمر، تختار الكلمة المحددة على اليمين

Change Country or Region

تحويل الحساب السعودي إلى امريكي

نغيير الخيار الموجود في الجهه اليسرى إلى امريكا ( الولايات المتحدة – United States )

تحويل الحساب السعودي إلى امريكي

بتطلع لك الشروط والأحكام، ممكن تأخذ وقتك وتقراهم .. او تنزل لنهاية الصفحه زيي وتختار Agree

حساب الابستور

هنا بتتجاهل البيانات الأولى اللي تطلب منك رقم البطاقة وتكتفي بتعبية الخانة الموجودة في السطر الثاني واللي هي خاصة ببطاقة الايتونز قيفت كارد .. تكتب الرقم وبعدين تعبي باقي البيانات.

هذي مثال لبيانات عنوان امريكي ممكن تستخدمها لو ما تعرف عنوان معين هناك:

Address: 5170 st.
Address: ste 430
City: Los Angeles
State: CA
Zip: 90001
Phone: 123-1234567

حساب الابستور

بعد كذا بتطلع لك رسالة تبشرك انك خلصت

app store account

مثل ما نلاحظ فيه تغيير في اعلى الشاشة، كان فيه بس:

App store – Books – Podcast – iTunes U

والان بعد التحويل صار فيه خيارات اكثر وهي:

Music – Movies – TV Shows – App store – Books – Podcast – iTunes U – Ping

يعني بالعربي كأنه كان عندك القناة الأولى والحين ركبت دش

طبعاً في بعض الاحيان تضبط معك عملية التحويل من الحساب السعودي للامريكي بدون ما تتم عملية شحن الرصيد ببطاقة الايتونز قيفت كارد، في هالحالة ممكن انك تتابع الشرح هذا ( كيفية استخدام بطاقة الآيتونز iTunes Gift Card ) لو حبيت تضيفها عن طريق الايفون مباشرة، او تكمل الموضوع ونضيفها عن طريق الايتونز

نختار الكلمة الموجودة على اليمين ( Redeem )

redeem itunes gift card

تكتب الرقم الموجود على البطاقة

Redeem itunes gift card

وبكذا تكون خلصت من عملية التحويل وإضافة بطاقة الايتونز قيفت كارد لحسابك

وبالرفاه والبنين


تابع ايضاً مواضيع مشابهه بخصوص حساب الآبستور:

99 تعليقات

  1. ليشصايرة مواضعيكم قليلة مرة يعني بالشهر مرة وين قاااعدين ههههههه
    حطيتكم عندي بالمفضلة بس للاسف خيبتوا املي
    واخر شيئ
    لاتهتموا بالناس او بالتعليقات المهم انشر موضوعك وسوي يلي عليك وشوف الشكر
    اذا تقول مافي مواضيع طيب:
    خبر الجلبريك
    خبر مؤتمر ابل للتعليم
    خبر تخفيضات اسعار التطبيقات
    خبر كل اسبوع عشر تطبيقات
    خبر ثلاث مليار متصفح لليوتيوب
    الله يوفقكم يارب بس لاتزعل بس لخوفي عالموقع تكنو

    • هاه؟ tch3 .. أهلين اخوي حياك ربي .. شاكرين لك تعليقك وحرصك وتشرهك علينا tch38 .. في البداية المواضيع مهيب مره في الشهر .. مرتين او ثلاث حتى شف << يوريك التواريخ tch38 النقطة الثانية، هي انك ربطت بيننا وبين مواقع الاخبار، احنا موقع شروحات واشياء تفيد المستخدم .. يعني في الغالب ماراح تقرأ موضوع الا والايباد في يدك عشان تسوي التطبيق tch38 .. يعني مثلاً على سبيل المثال لو تأخرنا في مؤتمر ابل عن التعليم بيكون الموضوع اسخف من السخيف لانه مجرد خبر مايفيد .. بينما مثلاً فتح الحساب في الابستور ممكن تسويه الحين وممكن بكره تشتري جديد وترجع له وممكن واحد يسألك بعد سنة وتقول له ادخل تكنو .. لانها اشياء تستمر او على الاقل ما تعتمد على نقطة انك تكون اول واحد tch3 بالنسبة للجيلبريك والتطبيقات اللي تكون مجانية لوقت معين هذي تنشر في الفيس بوك وتويتر، واما خبر اليوتيوب فهذا مثل ماقلنا مهوب من تواجهات الموقع، ومثل ماقلنا انها مجرد اخبار وماتفيد .. الا اذا ان لك اسهم في اليوتيوب tch3 شاكرين لك واتمنى تتفهم وجهت نظرنا بخصوص " الكم والكيف " tch26 tch34 ** شطحه: نسيت تكتب في نهاية تعليقك ( وإذا مالقيتوا مواضيع اكتبوا اي اشاعة عن الايباد ٣ زي الباقين ) tch38

    • السلام عليكم
      انا حولت من السعودي للامريكي من اعدادات الجوال
      الاعدادات
      بعدين app stor و itunes store
      بعدين ضغطت ع App ID
      واخترت عرض
      بعدين طلع لي اني ادخل كلمه السر حقت الحساب
      بعدين يطلع لي خيارات ضغطت على country/Region بجنبها علم السعودي
      بعدين تضغط ع change country or Region بعدين تطلع كلمه store وتغير
      من السعوديه الى united states
      بعدها تضغط next
      بعدها Agree
      وتخليه بدون فيزا ع none
      وتضغط ع نكست يقولك بعدها لازم تختار كلمه ل state تختار CA
      وبعدها تضغط next و Done وبكذا غيرت الحساب من السعودي الى الامريكي عن طريق الجوال بدون لاب توب انا سويتها شخصيا وضبطت معي

      حبيت اشارك هنا لاني من متابعينك في تويتر
      دمتم بود ، ♡♪

      • ممتاز جداً يعطيك الف عافية ياعزيزي tch34 tch1
        اعتقد الان ممكن تحول بين الحساب السعودي والامريكي بدون بطاقة آيتونز كارد، قبل كم يوم سويت الطريقة بدون بطاقة ومشت الامور تمام tch3

        • الغوث 🙁 https://www.tichno.com/wp-includes/images/yahoo/a84.gif
          حولت حسابي من أمريكي إلى سعودي لأني اضطريت أشتري شي بلعبه واستخدمت فيزتي السعودية للأسف
          يوم جيت أبرجعه للأمريكي عيا
          يقول طريقة الدفع ملغية .. شحنت فيزتي قلت يمكن ودهم يشفطون دراهم وماش ..
          كل شوي تجيني رساله يقول لتجاوزك الحد الإئتماني
          وعيوا يعطوني خيار التحويل من السعودية لأمريكا عشان أضبط باقي أموري
          البلا مهب هنا .. البلا لا جيت أحمل أي تطبيق مجاني يقول لي نفس الرساله .. أشغل أهلي .. والحين جيت أبحدث لعبة وعيا .. وصعبه أحذف حسابي أخاف تطير علي وأموت عاد
          وش الحل 🙁 ؟ tch30 tch30 tch30

          • مرحباً،
            تاكدي من بيانات بطاقتك، قد تكونين الغيتها او الغيتي رقم منها. او احذفي الفيزا وضيفيها مره ثانية ويضبط ان شاء الله.

    • مشكور مشكور مشكور يا الاخو الغالي
      عملت مثل ما قلت و زبط و اتغير هستور اخيرا
      اشكرك

  2. ماعندك بطاقة ايتونز فاضيه نستخدم رقمها لتحويل الحساب بدال ماتجدعها بالزباله 😀
    ماش من تالي مانتب تضبط وضعنا زين ( ذي اللي تبي كل شي جاهز هههه )
    انا حاولت قبل افتح حساب امريكي جديد وبلشت برمزهم البريدي كل شوي يقولي خطأ
    ومن نسخت معلومات الحساب اللي حطيتهم ضبط الحمد لله tch40
    يامال العافيه والله  tch26

    • أهلين .. لا يغرك ترى صور البطاقات اجيبها من النت tch38
      الله يعافيك، اهم شيء يكون العنوان عجبك بس tch15

    • اختي بامكانك الحصول على عنوان خاص فيك بامريكا مجاناً وهالشئ يوفره لك مؤسسة البريد السعودي عن طريق خدمة واصل مجرد ماتسجل عنوان واصل يعطونك عنوانك في امريكا مجاناً ..

      اللي حاب يتعرف اكثر عن هالشئ او يبي اسجل له انا حاضر وهي خدمة لموقع تكنو المميز ..£  tch15

  3. اشكرك على صراحتك .. والحقيقة اني اعرف المشكلة وحلها .. وحبيت اتأكد من أن إدارة هذه المدونة تقديم شي فريد من نوعه ولديهم خبرة كبيرة في هذا المجال لكن الى الان لم ارى الا مواضيع مكررة لكن بطريقة اكاد اجزم انها فريدة من نوعها وهذا شي تشكرون عليه ..
    المشكلة ان أبل عند تفعيل الماستر كارد بدون عملية شراء تخصم مبلغ 1$ لتأكد من صحة هذه البطاقة .. من الممكن لم يلاحظ احد هذا الشي لأن الاغلب يفعل البطاقة عند شراء احد التطبيقات ويتم خصم قيمة التطبيق .. المبلغ المسحوب منك سوف يسترد في نفس البطاقة بعد مدة لانها عمليه تحققية من فعالية البطاقة ..
    اشكرك اخوي على تفاعلك بالموضوع .. واتمنى ان أرى هذه المدونة من أفضل المدونات على مستوى العالم في تقديم الشروح وكل مايفيد المستخدم ..

    • حياك الله اخوي عبدالرحمن .. مدري ليه حسيتني مطعم وطابه علي البلدية tch3
      شاكرين لك تعليقك وكلامك، ومثل ماذكرت الموقع حريص على تقديم الشروحات بطرق مبسطة وفي نفس الوقت شاملة، اما التكرار فهو طبيعي اذا انت تتابع مواقع ثانية بتتكرر عليك المواضيع، الا اذا ودك نكتشف جهاز جديد خاص فينا tch3
      – بالنسبة للبطاقة فـ مثل ماذكرتك لك قبل ماجربتها صراحه لكن شكراً لك على توضحيك وإضافتك للمعلومة وان شاء الله تنفع الزوار tch26 tch34
      يعطيك العافية tch28

      • السلام عليكم وحمة الله وبركاتة tch1 كل عام وانتم بخير tch28 tch27 حبايبي الكرام انا ابي اشحن بطاقة الايتون واستخدمها في لعبة السمكة السعيدة ابي الطريقة بتفصيل اذا ممكن تكفون حاولت بس ماعرف والله بليز ساعدوني ابي اشتري ظروري الله يعافيكم شاكر لكم tch1 tch21 tch17

        • وعليكم السلام ورحمة الله وبركاته،
          أهلين .. وأنت بخير وصحه وسلامة يارب ..

          عزيزي، بمجرد ماتشحن حسابك ببطاقة الايتونز وتفتح التطبيق ( السمكة السعيدة ) بتكون قادر تشتري اي شيء تبيه .. روح للصفحه اللي فيها خيارات الشراء وهو بيسحب من رصيدك مباشرة tch34

  4. اخي عملت كل الخطوات الي في هذا الفيديو
    http://www.youtube.com/watch?feature=player_embedded&v=6JIFZIf88s8#!
    بس يطلب مني رقم بطاقة اي تونز وانا ما عندي الا رقم كاش يو
    ايش الحل tch32

    • اشتري بطاقة ايتونز من جرير او من محلات الكمبيوتر وحطيها…

      فيه فئات كثيرة..

  5. سلاام سؤال سرريييع و ي ليت بسررعه الرد هع المهم
    انا عمي الملقوف سوا لي حساب وخلاه سعودي بس لماا جتني الرساله ع الايميل ما فتحتهاا يمديني الحق واغيره امريكي والا خلاص لازم بايميل ثاني ؟؟ي ليت تكون فهمت

    الله يخليك ي ليت تفيدني بسررعه ^^ tch29 😀 tch6 tch10

    • وعليكم السلام ورحمة الله،
      أهلين .. للأسف لا يمكن تعديل المتجر الأن، لازم تتبعين الطريقة الموجودة في الموضوع أو تسوين حساب جديد tch36

  6. ي ربي عارفه خلاص زودتها بس لازم اسأل خخ

    حملت الايتونز على جهازي بس مو راضي يشتغل اسوي فتح ويجيني تشغيل واضغط وبس ولا ينفتح البرنامج مدري وش بلاه …

    جهازي LG -ويندوز 7 (2,0) – نظام التشغيل 32-بت

    لا تسال ليش حطيت قلت يمكن تفيد هع … tch9 tch10 tch18

    • اهلين .. لا ابد عادي حياك tch26 tch34
      طيب جربي تحملينه وتثبتينه من جديد، هذا رابط التحميل من الموقع الرسمي
      http://www.apple.com/itunes/download/

  7. مشيت معاك حتى بعد تحويل الحساب وبعدها فتحت فمي مو عارف ايش الهرجه
    الي فهمته اني اشتري بطاقه وبعدين ادخلها في المربع الي قبل السكن والشرع ووو
    وسويت كل شي
    اظغط ع رديم وادخل رقم البطاقه نفسها الي فوق ولا كيف
    اعذرني مفهي شوي بس لازم افهم زيييين

  8. يعطيكم العافيه وبارك الله فيكم
    سويت نفس الخطوات وما نجحت الطريقة يكتبلي:
    the credit card number you entered is not a valid a valid number for the type of credit card you selected
    رقم بطاقة الائتمان التي أدخلتها غير صالحة رقم صالح لنوع من بطاقات الائتمان التي حددتها
    علما اني اشتريت ثلاث بطاقات عبر النت فئة 15 15 25
    وكلهم ما اشتغلو ممكن تفيدونا ولكم الشكر اخوكم ابو تركي

    • مرحباً، الله يعافيك tch26 tch34
      أعتقد أنك كتبت الكود في الخانة الخاطئة، لأن الكلام المكتوب يقول أنك كتبت رقم بطاقة ائتمانية خطأ، تأكد من المكان اللي كتبت فيه الكود:
      https://www.tichno.com/wp-content/uploads/how-to-switch-country-in-appstore-account8.jpg

      كتبته مثل الصورة والا في الخانة اللي فوق شوي؟

  9. اذا حولت حسابي من سعودي لامريكي
    وجيت احدث برامج كنت محملها عالحساب السعودي
    هل اقدر احدثها بالامريكي والا لازم اغير وحطه سعودي بعدين احمل؟!

  10. اخوي انا عندي مشكله ومو عارفه احلها انا عندي بطاقة فيزا بنك الراجحي ومسجله على الابل واشتريت منها والحين لما اجي اشتري تطلع لي عبارة .. Please contact itunse support to complete this transaction

    يرجى الاتصال بفريق الدعم لاتمام هذي الصفقه

    مع العلم ان فيها رصيد وسبق واني اشتريت منها من ابل ستور بس الحين مو راضيه ياليت لو تعرف الحل تفيدني الله يعطيك العافيه

  11. أهلين .. بالنسبة لمشكلتك فـ من هنا تقدرين تتواصلين مع الدعم الفني الخاص بـ أبل

    https://expresslane.apple.com/GetproductgroupList.action

    من هذي الصفحه أختاري ( itunes ) ثم اختاري ( itunes store ) ثم أختاري الموضوع اللي يناسب مشكلتك، ولو ماحصلتيه بتحصلين من ضمن الخيارات خيار اسمه ( The topic is not listed ) اضغطي عليه وأكتبي العنوان اللي تبينه وبعدها بيعطونك خيارات التواصل مع الدعم الفني الخاص بمشكلتك، بترسلين لهم ايميل بالمشكلة وخلال 48 ساعة كـ حد أقصى بيردون عليك إن شاء الله

    tch34

    • لوسمحت بالنسبه لكارد الكاشيو نفس الطريقه والا يختلف لاني سجلت وسويت كل شي بس ماعرفت كيف احول النقاط للاب ستوري ياليت تساعدوني واتمنى الرد يكون على التويتر لتواجدي الدائم tch28 ارجو الرد ضروري او اي احد يعرف يرد لي هنا http://twitter.com/HussaAbduallah

  12. مشكوووووووووووووووووووووووووووووووووووور .. و الله حليت لي مشكله أنا بفتش علي حلها منذ 9 شهور أو أكثر ..
    مشكور جدا جدا .. الحين الواحد يقدر يستمتع بالإستور الامريكي و مزاياه الكامله ..

  13. السلام عليكم

    انا سويت هالطريقة بس عن طريق الاب ستور فتحته ع الايباد
    بعدين رحت لبيانات الحساب حقي وغيرت من السعودية لامريكا وطلب مني معلومات ودخلت نفس اللي هنا انت حطيتها بالاضافة الى بدكود بطاقة الايتونز

    وتحول لي بس المشكلة كيف اعرف ان برامج الاب ستور الامريكية صارت عندي؟؟؟

    وشكراً

    • وعليكم السلام ورحمة الله وبركاته،
      أهلين .. تقدر تعرف من خلال أنك تشوف أفضل 25 برنامج ( Top25 ) بتشوفها تغيرت عن القديمة وما راح يكون فيها برامج عربية .. أو أنك تدخل على بيانات حسابك وتشوف وش مكتوب لك في خانة المنطقة tch20

  14. السلام عليكم أنا عندي بطاقات اى تيونز بالباوند ولدى حساب امريكى اريد أن اشحن رصيده لاكن مش راضى يقبل البطاقة ويش الحل طال عمركم

    • وعليكم السلام ورحمة الله،
      إذا البطاقة اللي عندك بالباوند لازم تحول حسابك لحساب بريطاني tch34

  15. بارك الله فيك آخى mr.A لأكن لو تكرمت نبى طريقة تغير الحساب من امريكى إلى بريطانيا وإذا لا توجد طريقة لتغير الحساب سوف أطر لفتح حساب جديد بريطانيا لأكن تواجهنى مشكلة عنوان بريطانيا مثل الشارع والرمز البريدي ارجوا ألمساعده وشكرا لك مقدما

    • مرحباً، طريقة التحويل واحده لأي متجر .. لكن يبقى العنوان مثل ما ذكرت أنت، وفي هذه الصورة مثال طريقة تعبئة العنوان البريطاني

      http://www.shopandship.com/images/shopandship-how-to-use-UK.jpg

  16. اخوي انا حولت للامريكي بس مختفيه مشترياتي من المتجر السعودي هل يوجد طريقه اشوف فيها مشترياتي من المتجر السعودي

    سؤال ثاني لو رجعت حولت من الامريكي للسعودي بتصير معي نفس الحركه يعني بتختفي معي مشترياتي من المتجر الامريكي

    ويعطيك الف عافيه

  17. السلام عليكم .. بسألك اخوي عندي بطاقة فيزا بنك الرياض تنفع في عملية تحويل الحساب الى الامريكي ولا لازم فيزا امريكية؟

    • وعليكم السلام ورحمة الله وبركاته،
      أهلين .. للاسف بطاقة الفيزا السعودية تضبط فقط مع الحساب السعودي

  18. اخوي ماقصرت ,, عندي استفسار انا حولت حسابي لامريكي نفس اللي قلت ولكن كل ماجي اشتري من لعبة هاي داي يطلع لي سؤالين امنيه ولابد من الاجوبه مع اني ماسويت للحساب اسئله امنيه ولاقدر اشتري شي من اللعبه ,
    ثانيا كل مابغيت احدث البرامج يقولي انت منزلها بالسعودي ولايمكن تحدثها بالامريكي يعني لازم ارجعه سعودي ., حاولت ارجعه سعودي برضوه رفض يرجعه سعودي مع اني قريت ان لازم تخلص الرصيد اللي فالامريكي عشان تقدر تحوله سعودي مدري المعلومه هذي صحيحه او لا ياليت تفيدني عاجلا تكفى يالذيب tch9

  19. اهلين .. بالنسبة لسؤالين الامان فـ ممكن اضفتيها قبل ونسيتي، عموماً تعديلها سهل .. افتحي هالرابط:
    https://appleid.apple.com/cgi-bin/WebObjects/MyAppleId.woa/

    اختاري Manage ID بعدين اكتبي حسابك، بعد كذا اختاري Password and Security بعدين بتحصلين تحت رابط صغير بالازرق مكتوب :
    Forgot your answers? Send reset security info email to

    اضغطي عليه وبيرسلون لك رابط على الايميل عشان تغييرين الأسئلة السرية.
    بالنسبة للشراء في لعبة لازم تكون من نفس المتجر، بالنسبة لوضعك إذا انت تستخدمين القيم سنتر ( Game Center ) بالحساب حقك، احذفي اللعبة وبعدين حمليها من جديد بالحساب الامريكي. وبعد كذا القيم سنتر بيرجع لك التوصيل حقك زي ما كان .. بعد كذا حاولي تشترين من اللعبة.
    بالنسبة للتحويل وفيه مبلغ، منيب متأكد لكن أعتقد بيروح الرصيد حقك. إذا بتحولين لازم يكون رصيدك فاضي احسن من باب الأحتياط .. لان المبلغ ماينتقل من متجر لمتجر tch33

    • انا بعد صارت لي هالمشكله ومو عارف وش الحل
      كنت من مستخدمين الايتونز كارد وبعد ما طلعت الفيزا كارد وبغيت احول المتجر من امريكي الا سعودي
      جتني مسج يقول فيها باقي لي 29 سنت يعني اقل من دولار في الحساب ولايمكن التحويل الا بعد تفريغ الحساب وزي منتو عارفين ما في شي بهالقيمه كلها 99 سنت ومافوق
      ارجو المساعده اذا امكن tch10

      • أهلين .. متأكد قالوا لك لازم تخلص الرصيد؟ اللي اعرفه انهم يقولون لك لو حولت ترى بيروح عليك الرصيد الموجود عندك .. تأكد اخاف ما انتبهت tch27

  20. نفس المشكلة عندى ارجوكم
    بالنهاية مايطلع رابط ازرق ( يبغون اتصال وانا حاط رقم خربوطي امريكي )
    وشلون اغير الرقم وش الحل
    _____
    اهلين .. بالنسبة لسؤالين الامان فـ ممكن اضفتيها قبل ونسيتي، عموماً تعديلها سهل .. افتحي هالرابط:
    https://appleid.apple.com/cgi-bin/WebObjects/MyAppleId.woa/
    اختاري Manage ID بعدين اكتبي حسابك، بعد كذا اختاري Password and Security بعدين بتحصلين تحت رابط صغير بالازرق مكتوب :
    Forgot your answers? Send reset security info email to
    اضغطي عليه وبيرسلون لك رابط على الايميل عشان تغييرين الأسئلة السرية.

    • أهلين .. هالموضوعين إن شاء الله يفيدونك:
      شرح طريقة تغيير كلمة مرور حساب الابستور بالصور
      https://www.tichno.com/apple/iphone/how-to-reset-your-apple-id-password
      *
      *
      شرح طريقة تغيير السؤال السري في حساب الابستور

      https://www.tichno.com/apple/iphone/how-to-change-apple-id-security-question

  21. السلام عليكم ورحمة الله

    حابة آستفسر عن شغلة ، أنا سويت لي حساب سعودي قبل أسبوع تقريباً وحملت عليه برامج كثير ، اليوم غيرت الحساب من سعودي لأمريكي ببطاقة آيتونز .. الستور تغير معاي وصار أمريكي بدليل أن التوب تشارتز تغيرت وغير كذا صار يعرض لي الأسعار بالدولار مو بالريال السعودي ،، المشكلة هي أني لما أروح للإعدادات واحط ڤيو أبل آي دي ما زال يطلع لي السعودية في خانة الكونتري .. ليش ؟

    الحاجة الثانية البرامج اللي حملتها بالستور السعودي هل راح أواجه مشاكل فيها من ناحية التحديث وغيره ؟ هل الأفضل لو حملتها من جديد بالستور الأمريكي ( عندي استعداد أسوي كذا تجنباً للمشاكل مستقبلاً ) ،، ولاّ ما راح تشكل أي فرق سواء حملتها بالسعودية أو الأمريكي كونها برامج مجانية كلها ؟

    جزاك الله ألف خير عالشرح أولاً والرد ثانياً مقدماً 🙂

    • تم حل المشكلة الأولى بنجاح الحمدلله .. ولا زلت انتظر الرد على الاستفسار 🙂

    • مرحباً .. وعليكم السلام ورحمة الله وبركاته،
      بالنسبة لمشكلتك الأولى الحمد الله انحلت tch3 .. المشكلة الثانية الصراحه ماجربتها، لكن أعتقد بتصير مشكلة إذا جيتي تسوين تحديث وبيقول انها محمله من متجر مختلف. لكن في كل الأحوال الحل هو انك تحذفينها وتركبينها من جديد بالمتجر الامريكي. لذا سواء حذفتيها الان كلها وحملتيها من جديد أو انتظرتي لحد مايجي تحديث ( عشان تتأكدين بتصير مشكلة أو لا ) كلها بتكون نفس الحل. انصح تنتظرين يمكن تتحدث التطبيقات بشكل طبيعي ومايصير شيء tch34

  22. مجهود رائع بس للأسف ماضبط معاي قاعدة احاول اضبطه من الايفون يطلع لي مسج انه انتهت المدة
    your session has timed out please try again code: 5107
    ايش الحل معاه؟!

    • أهلين .. عشان تحلين هذي المشكلة لازم تسوين عملية التحويل من جهاز الكمبيوتر بإستخدام برنامج الايتونز. بيضبط معك هناك إن شاء الله

  23. انا حطيت رقم بطاقه الايتونز ولكن وقت الي اضغط موافق يقلي ادخل رقم الفيزا ؟؟؟؟

    ايش الحل؟؟؟؟؟

  24. سؤال شاطح:| بس ممكن اعرف ياترى فيه امكانيه البطاقات تدعم ايتونز الياباني؟ << اتوقع لا بس محتاجه اشتري منه شي مهم ايش اسوي :\

    • مرحباً،
      اذا الشيء اللي تبغى تشتريه موجود فقط في المتجر الياباني فـ للاسف البطاقة اللي بالدولار ماتنفع لأنها للمتجر الامريكي فقط. لكن اذا حصلت اللي تبي في المتجر الامريكي تقدر تشتريه عادي.
      ما ادري اذا فيه بطاقات شحن بعملة اليابان او لا الصراحه لكن لو فيه موجود ممكن تشتريها وتشحن رصيدك.

  25. السلام عليكم اخ علي
    جزاك الله خير وبيض الله وجهك
    تواجهني مشكله عويصة من أشهر … حسابي حولته لأمريكي بواسطة بطاقة الايتونز
    واشتريت عدة برامج … والان باقي في حسابي ٢،٤٠ دولار للأسف لم اتمكن من الاستفادة بها وانا في اشد الحاجة لتحويل حسابي لستور مختلف
    هل هناك طريقة للتخلص من المبلغ هذا بالكامل او التبرع به او اي شي ؟؟ لاني اظطررت افتح عدة حسابات اخرى بسبب هذي المشكلة .. اكون لك من الشاكرين لو ساعدتني يالغالي

    • وعليكم السلام ورحمة الله وبركاته،
      مرحباً .. بحسب بحثي حصلت هذي الصفحه من شركة ابل:
      http://support.apple.com/kb/TS5375

      من ضمن الحلول المقترحه انك تضيف رصيد اضافي بعدين تستخدم الباقي ( وهذا احسه صعب لانك مهما حاولت راح يبقى رصيد tch41)، والحل الثاني انك تتواصل مع ابل ويصفرون لك الرصيد الباقي.

  26. السلام
    اذا حولت الستور من سعودي لامريكي هل تنحذف التطبيقات اللي حملتها من الستور السعودي ؟

  27. شكرا جدا الك على الشرح والطريقة الجميلة
    ولكن وجب التنبيه ان جميع البرامج المشتراة على المتجر القديم لن تتوفر لك على المتجر الجديد يجب اعادة شرائها من جديد
    يعني لو انت شاري برنامج من المتجر السعودي بفلوس لازم ترجع تشتريه من جديد بالمتجر الامريكي
    ولما ترجع حسابك للسعودي تلقى برامجك الي انت شاريهم
    اتمنى تكون وصلة الفكرة

  28. السلام عليكم ي شباب عندي مشكلة انا اشتريت رصيد قوقل فلاي بس مو راضي يتعبئة ايش الحل حسابي سعودي ممكن تشوفون حل ي شباب تكفون

    • وعليكم السلام ورحمة الله،
      المشكلة لديك في ان حسابك سعودي والرصيد بالدولار للحساب الامريكي. ابحث عن طريقة تحويل الحساب في اليوتيوب.

  29. رقم البطاقة وتكتفي بتعبية الخانة الموجودة في السطر الثاني واللي هي خاصة ببطاقة الايتونز قيفت كارد
    اذا ماعندي هالبطاقه لازم تصير عندي؟
    وهي بفلوس؟

  30. مرحباً .. حسابي كان أمريكي وحولته لسعودي ..والحين برجعه ل أمريكي مو راضي يكتب لي خطا عند zip code والحساب مجاني ماعندي بطاقه ولاشي ?

    • مرحباً،
      لازم الارقام اللي تكتبها في الرمز البريدي تكون مناسبة للولاية اللي تختارها. ممكن تبحث في قوقل عن ارقام رمز بريدي للولاية اللي تختارها.

  31. لو سمحت حسابي بالأبل كان امريكي مجاني بس حولته لبحريني لتحميل برنامج و الآن لا استطيع ارجاعه لانه يطلب مني حساب الفيزا

    وانا اريد ارجاعه ل none

  32. اخي سويت كل شي وضبط بس واجهتني مشكلة

    لما أجي اشتري اي شي يطّلع لي خيار الأسئلة السريه عالمان يكمل عملية الشراء

    وطبعا أنا ناسي الإجابة

    سويت تغيير للأسئلة السرية يقول تم إرسالها للبريد الاحتياط

    والبريد الاحتياط تابع صديق لي وطالع لي معلق البريد

    حاولة وتعبت الشراء ولا يوجد اي حل لذي

    طبعا طالع لي في البريد او حسابي 10 دولار قيمة كرة الأيتونز

    ويش الحل

    • تتواصل هاتفياً مع الدعم الفني:
      السعودية: 8008449724 لـ STC
      السعودية: 8008500032 لـ زين وموبايلي

  33. السلام✋
    ان شاءالله تقدر تحل مشكلتي كنت ابي احول حسابي في App Store من الكويتي الى الامريكي بس من غير فيزا ولا شي وفهمت منك ان اما يصير ولا زم اسوي واحد يديد واتبعت خطواتك وكل شي تمام الا الكود يقول لازم احط كود وانا ما عندي كود وانا محدده على none شالحل ان شاءالله فهمت علي ??

  34. اخي الغالي انا سويت نفس طريقتك بس قال لازم ادخل الفيزا !!
    لازم الفيزا مافيه حل ثاني بلييييييييييييييييز

Leave a Reply to Ado0o0o الغاء التعليق

اكتب تعليقك
اكتب اسمك هنا