نسخ جهات الإتصال من جهاز نوكيا للايفون

الأشياء المطلوبة لإتمام العملية بنجاح

1- جهازك النوكيا اللي تبين تنقل منه الأسماء حقتك

2- كيبل نوكيا – عشان توصل جهازك للاب توب

3- برنامج Nokia Ovi Suite

ويمكن تحمليه من موقع نوكيا الرسمي من هنا : حمل البرنامج

4- برنامج الأوت لوك Microsoft Office Outlook

5- آي تونز – iTunes

يمكن تحميله من موقع آبل الرسمي من هنا : حمل البرنامج

5- آيفونك والكيبل حقه طبعاً

في البداية نحمل برنامج الأوفي الخاص بنوكيا

 Nokia ovi suite

نشبك الجوال القديم في الجهاز ثم نفتح برنامج الـ ovi وبتطلع هالشاشة اللي هي الصفحه الرئيسية للبرنامج

واجهة برنامج ovi

بعدين اضغط من فوق على ( أدوات ) ثم  ( خيارات )

شرح كيفية نقل الاسماء من جهاز النوكيا إلى الايفون

بعد كذا نضغط على الاسماء الموجودة على اليمين ونختار المزامة مع الأوت لوك ونختار المكان اللي نبي ننقل فيه الاسماء

شرح نقل جهات الاتصال من النوكيا الى الايفون

أنا بالنسبة لي عندي كذا مجلد جهات اتصال في الأوت لوك , عشاني سبق ونقلت اسماء جهازي في البداية .. ثم بعدين نقلت اسماء جهاز اخوي .. ثم تطور الوضع وصرت أنقل أجهزت ناس ما أعرفهم 😀 

واللي يبي يسوي مجلد في الأوت لوك كل اللي عليه هو أنه يفتح البرنامج .. ثم يضغط على ( جهات الأتصال ) .. ويسوي زي ما في الصورة

نقل جهات الاتصال من نوكيا الى الايفون


.. بعد ما تختار المسار اللي تبي الاسماء تنتقل له تضغط موافق .. بعد كذا بيرجعك البرنامج للواجهه الرئيسية مره ثانية

شرح طريقة نقل جهات الاتصال من نوكيا للاي فون

اضغط على مزامنة الأسماء .. وبعد كذا نصبر لحد ما يخلص نسخ

بعد كذا خلاص نفصل جوال النوكيا  
.. وبعدين نشبك الآي فون ونفتح الآي تنونز

شرح نسخ جهات الاتصال عن طريق الاي تونز

مثل ما تشوفون في الصورة .. أول شيء نختار ( info ) ثم نحط علامة صح عند ( sync ) وبعدين في الأخير نختار اسم المجموعة اللي نبي ننسخها للايفون .. بعدين نضغط ( apply )

نروح نصلح شاهي على بال ما يخلص البرنامج من النسخ وبعدين وخلاص بكذا يصير نقلنا جهات الاتصال من جهاز النوكيا للايفون بنجاح ايها الرفاق

*  *  *  *

نسخ جهات الإتصال من الشريحة

هالطريقة تصلح للناس اللي مسجلين الاسماء حقهم على الشريحه ومهوب على الجهاز .. لكن عيوب هالحركه أنها تنسخ الاسم مهوب كامل .. يعني على ما أعتقد أول 16 حرف بس .. يعني بتطلع لكم الاسماء زي كذا .. ( عبدالعزيز عبدالر ) .. ( سلطان عبدالر ) .. وهلم جره

بنشرح هالطريقة لسهولتها ولأن البعض قد يكونون مزنوقين وما عندهم هالبرامج والكيابل وغير على أن عندهم القدرة وقاتلهم الفراغ ومستعدين يعدلون الأسماء اسم اسم

 طريقة نسخ الاسماء من الشريحه

نضغط على الإعدادات – settings

 نسخ الاسماء من الشريحه للايفون

ثم نروح لجهات الاتصال – contacts

 

شرح كيفية نسخ جهات الاتصال من الشريحه للايفون

وفي الاخير استيراد جهات الاتصال – Import SIM Contacts

والأن مافيه حجه لأي أحد

64 تعليقات

  1. انا صادفتني هذي المشكلة حقت نقل الاسماء بس انا بذكائي الخارق حليتها <<تكفين هع
    وقمت ا سجل الـ ارقام رقم رقم واسم اسم وهكذا لين انتهيت من نقل
    الاسماءمن جهازي الاولى الى الايفون
    لو دريت عن طريقتك سويتها بدال المشوار والتعب
    بس للأسف راحت علي 🙁

    • ماشاالله عليك قسم انك بطله tch17

      اقلها يومك فالحه كذا سويتي للاسماء نسخ من الشريحه tch38

      • مرحبا، عشان تركب السيديا تحتاج تسوي جيلبريك للايباد .. وكل اصدار ( فريموير ) له جلبريك مخصص او طريقة معينه، وش الإصدار حق جهازك؟ tch23

  2. عزيزي تقريبا نفس المشكله
    بس حملت كل البرامج المذكورة وبرنامج الوف نوكيا كل مافتحته يجي اصلاح او تثبيت
    في كل الحالتين اذا ظغطت عليهم مايعمل
    اتمنى تفيدني

    • أهلين , حياك
      وش الويندوز حقك ؟ .. ويندوز 7 ؟ .. ويندوز فيستا ؟ .. ولو كان ويندوز 7 فأي أصدار هو ؟ .. إذا ويندوز 7 ستارتر ما يشتغل عليه البرنامج اظن .. عموماً بتحصلين هنا معلومات اكثر بخصوص انظمة التشغيل ..

      http://www.nokia.com.sa/support/software/nokia-ovi-suite-ar/compatibility-download-ari

      بالتوفيق tch26

  3. سونيي W995
    وقطعت الشريحه بدون ما أنقل الأسماء
    الأسماء موجوده في الجوال لكن موب على الشريحه وشريحتي حاليا ميكرو
    موفق يارب tch28

    • أهلين , حياك ربي
      بصراحه ما اعرف لها الجهاز برنامج معين , لكن بقترح عليك اقتراح يدوي نوعاً ما tch3 .. الشريحه أنت قصيتها بنفسك صح ؟ .. يعني هي ما كانت مايكرو بس أنت حولتها لكذا ؟ .. طيب , وين الجزء الباقي من الشريحه ؟ إذا باقي عندك حلو .. رجع الشريحه المقصوصه لمكانها وبعدين ركبها على جهاز السوني .. وانقل الاسماء للشريحه .. وبعدين طلع الشريحه وركبها في الايفون .. وفي النهاية تسوي الخطوة الموجودة في الشرح ( الجزء الاخير ) .. اللي هي استيراد الاسماء من الشريحه .. وان شاء الله تضبط معك tch20
      ,
      * إذا الجزء المقصوص من الشريحه مهوب عندك .. تقدر تجيب اي شريحه مرميه مالها فايده وتقصها وتسوي هالحركه من خلالها أو تستفيد من الجزء حقتها إذا قصيته .. وبالتوفيق يارب tch26

  4. السلام عليكم
    عندي مشكلة في نقل الارقام إلى الأوت لوك حيث يتم نسخ بعض الاسماء بدون أرقام وش الحل ولوسمحت وشكراً

    • وعليكم السلام ورحمة الله
      أهلين أخوي، مدري وش المشكلة عندك بالضبط لكن جرب جهاز لاب توب ثاني .. يمكن يضبط معك، او استخدم الطريقة الثانيه اللي هي نسخ الاسماء من الشريحه وان شاء الله تضبط معك تمام .. بالتوفيق tch17

  5. اخوي انا عجزت احصل ال( info ) في الايستور
    لاني اشتغلت ع جهازين ايفون ببرنامج واحد وحاس لي الدنيا

    وش السوات ؟ tch9

    • أهلين، إذا شبكت جوالك في اللاب توب وفتح لك الايتونز .. بتحصل على اليسار خيارات كثير ( Music – Movies – TV Shows … ) بتحصل في الوسط اسم جهازك الايفون، بالتحديد بيكون تحت الخيار ( Devices ) .. اضغط على اسم جهازك وبعدين بتطلع لك الخيارات اللي في الصرة فوق، واللي من ضمنها الـ info
      ،
      لو سويت كذا ولا طلع لك جرب احذف الايتونز وحمله من جديد .. او اشبك جوالك في جهاز ثاني وريح نفسك tch31

  6. انت بطل
    شكرا جزيلا
    ضبط معي الموضوع بعد جهاد tch3
    انا كنت ازين جهاز امي
    تخيل يوم دخلت الاسماء والقاه ماخذ اسمائي واسماء امي وتطبيقاتي ودخلهن بجهاز امي tch13
    قلت ميخالف وراح واحذف واحد واحد واخلي اسمائها والتطبيقات اللي تناسبها
    بس المشكلة ان الابل ستور صار محتفظ بأيميلي عندها رحت للاعدادات ودخلت الحساب وضبطته مضبوط بس الابل ستور يطلع ايميلي tch13 tch18 tch18 tch23 tch16 tch14 tch41

    • العفو tch26
      أي ابستور ؟ اللي في الايتونز ؟ .. أكيد وأنتي تنقلين الأسماء وتشبكين الجهاز طلب منك تسوين تسجيل دخول بحسابك .. عموماً، معليش منيب متأكد مره من المكان لأن ما عندي الحين ايتونز في هالجهاز .. لكن تختارين من فوق ( Store ) وبعدين بتحصلين ( Sign out ) .. وإذا مهيب في ستور فـ هي حولها وحواليها .. دوري في اللي جمبها عاد tch3

  7. لا خلاص
    انتهيت من اللاب
    الكلام كله اللي تحت بالايفون

    الحين البلا بأيفون امي

    الابل ستور عندها محتفظ بأيميلي وانا مسوية لها حساب خاص
    رحت الاعدادات ودخلت الستور وحطيت ايميل امي tch3 >> وملح امي وايميله tch3
    وتأكدت من اعدادات الستور في الايفون تمام
    ومير اني اروح للأبل ستور وبحمل برنامج ولا بحدث يطلع ايميلي tch14 tch14 tch14 tch14

    اتمنى المشكلة وضحت tch28 tch26

    • إذا انتي محملها لها تطبيقات بحسابك الخاص بالايتونز بيصير يطلع لها ايميلك كل ماجت تسوي تحديث ( للتطبيقات اللي محمله بأسمك )، طيب تأكدتي انك مسويه تسجيل خروج من الاستور حق الايفون ؟ .. اذا جيتي تحملين برنامج جديد يطلع لك ايميلك والا يقول لك سوي تسجيل دخول ؟ .. إذا طلع لك إيميلك، هل جربتي تمسحينه وتكتبين إيميل أمك ؟

      بإنتظارك tch15

  8. انحلست مرة
    ماقدرت اسوي بالاسفون تسجيل خروج
    ع طول يطلع ايميلي ويقول يالله دخل الباسوورد

    ع العموم شف وانا اخوك تو اخوي الصغير اخذ ايفون امي بيحمل البسة المالصة اللي تقلد وانفتح له ايميل امي tch5 tch5 tch5 tch5 tch5

    ادري اوجعت راسك ع غير سنع
    الزبدة مبدئيا ان شاء الله المشكلة انحلت

    دوك tch26 tch28 tch17
    وعقبال tch36 tch3 tch30 >> ايقاله يعني عقبال العرس

    شكرن

  9. السلام عليكم لدي مشكلة

    عندي بعض الأسماء مخزن لهم اكثر من رقم

    المشكلة بعد ما اسوي مزامنة للأوت لوك مايظهر لي الا رقم واحد ما ادري وش الحل !!!؟؟

    • وعليكم السلام ورحمة الله وبركاته
      للأسف ماعندي معلومات عن هالنقطة .. انا عن نفسي نقلت الاسماء وأشوف فيه أسماء عندي موجود لها أكثر من اسم وما واجهتني هالنقطة.. يمكن أحد يقدر يفيدك فيها tch26

      • يسلمك ربي

        الموضوع انحل ودي 🙂

        عدلت بعض الأشياء بس مازلت ابحث عن الحل الممتاز

  10. السسلام عليكم ..
    بصراحه .. انا قهرني صديقي ويسوي انا اللي فاهم وانا اللي اسوي ..

    احس انه اذا سوى جلبريك او سوفت وير .. يعني محد قده .. قلت له تكفى علمني قال والله لو اخوي يجيني من سوريا ويقول علمني ما اعلمه . حسيت أن الشغله صعبة .. وآخرتها طلعت سهلة مع تكنو . وانا حاليا ناوي اتعلم لأصبح افلاطون في برمجة الايفون

    مع تكــنو .. مش حيقدر صديقك يذلك .. tch38 tch27 tch14 tch16

  11. أسهل طريقة يا أخوان: بتأخذ معاك 5 دقايق وببلاش
    سجل دخول على ايميلك (ويحبذ الجميل) من جهاز النوكيا، سوي سينك للجهات الاتصال
    اذا خلص از
    اشبك الايفون مع الايتيون، اذا بدأ المزامنه وقفه
    روح للصفحة اللي في صورة الجهاز والمساحة ..
    اختر في خياارات المزامنة، مزامنة البريد مع بيعطيك خيارين اكسشينج ولا جميل
    اختر الجيميل، بيطلبك ايميلك والباس(اول مرة فقط)، وزامن بعدها
    خيار آخر جهات الاتصال على هيئة ملف اكسل، مليانه برامج السمبيان اللي تسوي كذا
    بعدها حمل هذا البرنامج للآيفون
    http://apptrackr.org/?act=viewapp&appid=379262343
    واستورد الملف tch36
    tch39

    • يمال العافية والله، ياليت من يشرهك براتبين ياشيخ tch3
      يعطيك العافية على الاضافة الرائعة tch17

  12. يعـــطيك ألف عـآفية .,

    شرحــ وإضــح ., وتعليق جيد .,

    بس عــندي مشــكله .,

    آنــآ سويت كل الخطــوآت وضبطت معي لكن .,ّ!
    في نــوكيـآ عندي كذآ شخص مخزن له أكثر من رقم ع إسمه ؟

    في بعض الأسمــآء أنتقلت كلها وفي بعضهـآ مــآآشوف غير رقم وآحد بس . ؟

    وضحت ؟ tch9 tch35 tch11

    • أهلين .. والله مدري وش الحل في هالحالة بس كاني اتذكر اني سويت مثلك وكان عندي اسم فيه رقمين وبعد النقل لقيت الاسم مكرر مرتين وكل اسم له رقم مختلف .. مدري هل هو يسوي كذا دايم والا انا ملخبط .. الله اعلم tch3

  13. مشكور حبيبي الغالي جربت الطريقة ونجحت مية مية
    ولا يسعنا غير نتقدم لك بشكرنا وتقديرنا لمجهودك tch28 tch28 tch28 tch28

  14. بيض الله وجهك
    وجزاك الله خير اكفيتنا الحوسه

    الله يكفيك كل ماأهمك tch21

  15. جعلك بالجنه ووالديك
    جزاك الله الف خير
    افادني شرحك كثيييييييييييير وفك ازمه 600 اسم كنت راح انقلهم tch31 tch31 tch31

  16. الحمد لله تم إطلاق رصاصة الرحمة على آخر جوال نوكيا موجود في البيت بعد أن تم نقل الآسماء بسلامة و يسر إلى الآيفون الجديد

    ألف شكر لك tch28

  17. عندي سؤال جداً مهم وياريت الاقي الجواب عندكم يا خبراء

    اني كان عندي ايباد وسويت له باك اب في كمبيوتري هذا , واكيد الباك اب فيه قائمة الأسماء حقتي

    الحين ابي طريقة أنقل بها بس قائمة الأسماء من الباك أب
    إلى جهاز الأيبود بواسطة الواير طبعاً والآيتونز أو أي برنامج تخبروني عنه

    لأني أحتاج قائمة أسمائي والأيباد مو عندي

    ضرووووووري واللي يرحم والديكم tch35 tch35

    • أهلين .. صعبة جداً تقدر تتحكم بالباك اب وتختار وش تضيف منه ووش تخلي .. هل جربت تسوي ريستور للباك اب حق الايباد على الايبود؟ أتوقع بيرفض لكن جرب tch34

      – الحل الوحيد اللي أنا أعرفه، أنك تنقل الاسماء من الايباد إلى الأيبود، إما عن طريق أستخدام الآي كلاود أو تستخدم برنامج iTools بحيث ينسخ لك الأسماء بس .. أو تنسخ أسمائك من الايباد للأوت لوك tch33

  18. المشكلة انه الـاسماء العربية تظهر برموز غير مفهومة
    وش الحل ؟ tch10

  19. يا اخوي عندما اتبع الشرح ويكمل
    وادخل ع الايفون اشوف كل الاسماء بس قسم من الاسماء مافيها ارقام
    يعني بس الاسم بدون رقم
    وش الحل ؟؟؟؟
    ارجوا المساعدة tch10

      • اخي وش الحل اذا
        لان الاسماء كثيرة حوالي 1032 اسم !!!
        مامعقولة انقلهن وحدة وحدة tch9

        • أنا عندي حل سهل جداً و سريع
          حمل برنامج my contacts backup من الابستور
          راح ينسخ لك كل الاسماء في ملف و بعدين ترسل هذا الملف لايميل و تقترح الملف من الايبود حقك و اتوماتك راح ينقل لك الاسماء في الجهاز بس tch31 tch38 tch5

  20. الف الف شكر ياصاحب الموضوع والله هذا كان هم وانزاح من قلبي

    فديتك والله يوفقك بالدنيه والأخرى وكثر الله من امثالك تم تجربة الطريقه ونجحت معاي ميه بالميه تقبل مروري الخفيف وتحياتي الكم ياااحلى منتدى

  21. بارك الله فيك اخي العزيز على جهدك المبدول وجزاك الله عنا كل خير إنشاء الله tch5

  22. السلام عليكم ..أنا توني شريت آيفون 5 …و أول تجربة لي مع منتجات أبل..الصراحة التجربة محبطة!!
    عموما ..انا جربت الي قلت عليه لكن ما اشتغل عندي ..المزامنة اوكي..والارقام والمسجات انحفظت في برنامج نوكيا على اللابتوب..لكن لما فتحت اي تونز مالقيت الفولدر ..في سيلكت غروب الخطوة 3..ما اقدر اختار اي فولدر ..مافي خيارات..جربت اوت لوك اكسبرس نفس النتيجة ..هل في طريقة احفظ الارقام في سكاي درايف او هوتميل كونتكت و انزلها من هناك دون أن تختلط مع كونتاكت ليست الايميلات؟

    • وعليكم السلام ورحمة الله،
      اسف على خيبة املك tch28 🙁 <<-- مسوي عنده اسهم في الشركة tch38 الصراحه ناسي الطريقة، لكن لو تقدر تسوي تصدير للأسماء وترفعها على الجيميل بتقدر تربطها على الايفون مباشرة .

      • أبشرك حليت المشكلة لقيت أبليكيشن اسمه Read vCard
        نقل كل ارقام التلفونات بدقائق

  23. السلام عليكم
    انا حولت اسوي الطريقه بس يوم جيت اسوي المزامنه ما قدرت اختار اوت لوك بس كان جنب الخيار علمه اذا ضغطة عليه يطلع لي اني اشوف اعدادات المعرف لي اوت لوك .. فجربت التزامن عن طريق اوت لوك اكسبيرس وطلعت الاسماء عندي وحطيتها في الايفون 5 بس يوم فتحت جهات الاتصال في الايفون طلعت عندي الاسماء بدون ارقام ، وش الحل ؟
    انا اتوقع ان طريقتي فيها شي خط بس مدري وش هو بضبط ان كانك تعرف وش المشكله ياليت تعلمني ؟

      • الله يعافيك
        خالص حطيت الاسماء على الايفون 5 tch3
        حطيت شريحة الايفون ( النانو ) في الجوال القديم ونسخة الاسماء فيها بعدها دخلت الشريحه في الايفون 5 tch3 وكذا حلينا المشكله

  24. شكرا جزيلا على هاي المعلومة ,,, سويتها وتمت العملية بنجاح ,,, شكرا جزيلا tch28

  25. لوسمحت أرجو المساعدة انا عملت تحديث نسخة لموبايل ايفون 4gوبعدين وصلتو على الايتونزعلشان يكمل الاب ديت وطول الليل وهولسا ماخلص شوالحل الرجاءمساعدتي

    • أهلين .. ممكن تجرب تحمل له الفريموير الخاص فيه على جهازك وبعدين تثبت التحديث مباشرة عليه من الايتونز .. اسهل واسرع
      من هنا تحصل الفريموير الخاص بالجهاز:
      https://www.tichno.com/download-ios-6-0-1-for-iphone-ipad-ipod-touch-direct-links

      • اللهم يا حنان يا منان ياذا الجلال والإكرام احفظ أخي Mr.A واهله من كل سوء وارزقه من حيث لا يحتسب انك على كل شئ قدير وبالاجابة جدير .
        مشكور أخي العزيز وبارك الله فيك .

  26. شسمه لازم ذا اوت لوك tch9
    حاولت احمله بس الظاهر بفلوس tch10
    دورت بدون فلوس مالقيت 🙁
    اذا عندك رابط تحميل اوت لوك ببلاش عطني 🙁
    واذا يعني عندك طريقة ثانية اقدر انقل منها غير من الاوت لوك عطني اياها $:
    اذاا ممكن tch27

    • أهلين .. ممكن تحملينه نسخة تجريبية منه على جهازك ( تحصلينها في موقع مايكروسوفت ) .. او جربي هذا الرابط حصلته في النت بس مدري يشتغل والا لا صراحه tch3
      http://www.softpedia.com/dyn-postdownload.php?p=40&t=4&i=1
      .
      وش جهازك؟

  27. انا الاسماء مسويلها باكب عندي على اللابتوب ببرنامج nokia suite3.8 3.0
    والجوال تالف هل يحتاج أنزل برنامج ال OVI لنقل الأسماء

Leave a Reply to wardah الغاء التعليق

اكتب تعليقك
اكتب اسمك هنا