أقطع يدي أن ما كان نصكم مترددين يشترون آي فون عشان خوفهم من مشكلة نقل جهات الاتصال من الجوال القديم

افا عليكم بس .. كذا تزعلوني منكم ترى .. يا جماعة هالكلام قبل لا يجي تكنو على سطح الإنترنت  

 

نسخ جهات الإتصال من جهاز نوكيا للايفون

 

الأشياء المطلوبة لإتمام العملية بنجاح 

 

1- جهازك النوكيا اللي تبين تنقل منه الأسماء حقتك

2- كيبل نوكيا – عشان توصل جهازك للاب توب

3- برنامج Nokia Ovi Suite

ويمكن تحمليه من موقع نوكيا الرسمي من هنا : حمل البرنامج

4- برنامج الأوت لوك Microsoft Office Outlook

5- آي تونز – iTunes

يمكن تحميله من موقع آبل الرسمي من هنا : حمل البرنامج

5- آيفونك والكيبل حقه طبعاً

 

 

في البداية نحمل برنامج الأوفي الخاص بنوكيا

 Nokia ovi suite

 

نشبك الجوال القديم في الجهاز ثم نفتح برنامج الـ ovi وبتطلع هالشاشة اللي هي الصفحه الرئيسية للبرنامج

 

واجهة برنامج ovi

اضغط على الصورة لرؤيتها بحجمها الطبيعي

 

بعدين اضغط من فوق على ( أدوات ) ثم  ( خيارات ) 

شرح كيفية نقل الاسماء من جهاز النوكيا إلى الايفون

 

بعد كذا نضغط على الاسماء الموجودة على اليمين ونختار المزامة مع الأوت لوك ونختار المكان اللي نبي ننقل فيه الاسماء

شرح نقل جهات الاتصال من النوكيا الى الايفون

اضغط على الصورة لرؤيتها بحجمها الطبيعي

 

أنا بالنسبة لي عندي كذا مجلد جهات اتصال في الأوت لوك , عشاني سبق ونقلت اسماء جهازي في البداية .. ثم بعدين نقلت اسماء جهاز اخوي .. ثم تطور الوضع وصرت أنقل أجهزت ناس ما أعرفهم

 

واللي يبي يسوي مجلد في الأوت لوك كل اللي عليه هو أنه يفتح البرنامج .. ثم يضغط على ( جهات الأتصال ) .. ويسوي زي ما في الصورة

 

نقل جهات الاتصال من نوكيا الى الايفون

 

نرجع لموضوعنا .. بعد ما تختار المسار اللي تبي الاسماء تنتقل له تضغط موافق .. بعد كذا بيرجعك البرنامج للواجهه الرئيسية مره ثانية

 

شرح طريقة نقل جهات الاتصال من نوكيا للاي فون

 

اضغط على مزامنة الأسماء .. وبعد كذا نصبر لحد ما يخلص نسخ

 

بعد كذا خلاص نفصل جوال النوكيا ونرميه في كرتون ونحطه فوق الدولاب مع الملابس الشتوية .. وبعدين نشبك الآي فون ونفتح الآي تنونز

 

شرح نسخ جهات الاتصال عن طريق الاي تونز

اضغط على الصورة لرؤيتها بحجمها الطبيعي

 

مثل ما تشوفون في الصورة .. أول شيء نختار ( info ) ثم نحط علامة صح عند ( sync ) وبعدين في الأخير نختار اسم المجموعة اللي نبي ننسخها للايفون .. بعدين نضغط ( apply )

 

نروح نصلح شاهي على بال ما يخلص البرنامج من النسخ وبعدين وخلاص بكذا يصير نقلنا جهات الاتصال من جهاز النوكيا للايفون بنجاح ايها الرفاق

 

*  *  *  *

 

نسخ جهات الإتصال من الشريحة

 

هالطريقة تصلح للناس اللي مسجلين الاسماء حقهم على الشريحه ومهوب على الجهاز .. لكن عيوب هالحركه أنها تنسخ الاسم مهوب كامل .. يعني على ما أعتقد أول 16 حرف بس .. يعني بتطلع لكم الاسماء زي كذا .. ( عبدالعزيز عبدالر ) .. ( سلطان عبدالر ) .. وهلم جره

 

بنشرح هالطريقة لسهولتها ولأن البعض قد يكونون مزنوقين وما عندهم هالبرامج والكيابل وغير على أن عندهم القدرة وقاتلهم الفراغ ومستعدين يعدلون الأسماء اسم اسم

 

 

طريقة نسخ الاسماء من الشريحه

 

 

نضغط على الإعدادات – settings

 

نسخ الاسماء من الشريحه للايفون

ثم نروح لجهات الاتصال – contacts


شرح كيفية نسخ جهات الاتصال من الشريحه للايفون

وفي الاخير استيراد جهات الاتصال – Import SIM Contacts

 

والأن مافيه حجه لأي أحد

141,641 زيارة  | 

الكلمات الدليلة : , , , , ,

 

لمحة عن Mr. A

مهذب وخلوق واقطر ملح .. طبعاً ما يحتاج أقول لكم أن هذي مهيب صفاتي .. لا بس هذي هي الصفات اللي أحلم فيها : )
  • RSS

الأكثر مبيعاً في تكنو ستور

كفر ايباد 2 iGuy من شركة Speck

كفر iGuy للايباد 1,2,3

180 ريال 150 ريال

بطاقة شراء من متجر ايتونز 15$

iTunes 15$

75 ريال

وصلة نقل الصور للايباد Camera connection kit

وصلة نقل الصور للايباد

150 ريال 135 ريال

16Gb Wi-Fi New iPad 3

New iPad 16GB

2199 ريال 1900 ريال

مواضيع عشوائية :

60 تعليقات حتى الأن.

  1. Ice Age قال:

    انا صادفتني هذي المشكلة حقت نقل الاسماء بس انا بذكائي الخارق حليتها <<تكفين هع
    وقمت ا سجل الـ ارقام رقم رقم واسم اسم وهكذا لين انتهيت من نقل
    الاسماءمن جهازي الاولى الى الايفون
    لو دريت عن طريقتك سويتها بدال المشوار والتعب
    بس للأسف راحت علي

    تقييمك : Thumb up 18 Thumb down 4

  2. Walaa قال:

    هلا عبدالعزيز

    طيب والسوني الله لايهينك

    تقييمك : Thumb up 3 Thumb down 10

  3. beesho قال:

    عزيزي الأخ تكنو ،
    روح اقطع يدك لأني ماترددت عشان كذا (:
    وشكرا

    تقييمك : Thumb up 5 Thumb down 7

  4. joharah قال:

    عزيزي تقريبا نفس المشكله
    بس حملت كل البرامج المذكورة وبرنامج الوف نوكيا كل مافتحته يجي اصلاح او تثبيت
    في كل الحالتين اذا ظغطت عليهم مايعمل
    اتمنى تفيدني

    تقييمك : Thumb up 7 Thumb down 1

  5. Amal قال:

    شرح مية مية

    يعطيك العافية

    تقييمك : Thumb up 5 Thumb down 2

  6. Walaa قال:

    سونيي W995
    وقطعت الشريحه بدون ما أنقل الأسماء
    الأسماء موجوده في الجوال لكن موب على الشريحه وشريحتي حاليا ميكرو
    موفق يارب

    تقييمك : Thumb up 2 Thumb down 3

    • Mr. A قال:

      أهلين , حياك ربي
      بصراحه ما اعرف لها الجهاز برنامج معين , لكن بقترح عليك اقتراح يدوي نوعاً ما .. الشريحه أنت قصيتها بنفسك صح ؟ .. يعني هي ما كانت مايكرو بس أنت حولتها لكذا ؟ .. طيب , وين الجزء الباقي من الشريحه ؟ إذا باقي عندك حلو .. رجع الشريحه المقصوصه لمكانها وبعدين ركبها على جهاز السوني .. وانقل الاسماء للشريحه .. وبعدين طلع الشريحه وركبها في الايفون .. وفي النهاية تسوي الخطوة الموجودة في الشرح ( الجزء الاخير ) .. اللي هي استيراد الاسماء من الشريحه .. وان شاء الله تضبط معك
      ,
      * إذا الجزء المقصوص من الشريحه مهوب عندك .. تقدر تجيب اي شريحه مرميه مالها فايده وتقصها وتسوي هالحركه من خلالها أو تستفيد من الجزء حقتها إذا قصيته .. وبالتوفيق يارب

      تقييمك : Thumb up 6 Thumb down 3

  7. عبدالعزيز قال:

    السلام عليكم
    عندي مشكلة في نقل الارقام إلى الأوت لوك حيث يتم نسخ بعض الاسماء بدون أرقام وش الحل ولوسمحت وشكراً

    تقييمك : Thumb up 1 Thumb down 2

    • Mr. A قال:

      وعليكم السلام ورحمة الله
      أهلين أخوي، مدري وش المشكلة عندك بالضبط لكن جرب جهاز لاب توب ثاني .. يمكن يضبط معك، او استخدم الطريقة الثانيه اللي هي نسخ الاسماء من الشريحه وان شاء الله تضبط معك تمام .. بالتوفيق

      تقييمك : Thumb up 2 Thumb down 2

  8. TO0OP قال:

    اخوي انا عجزت احصل ال( info ) في الايستور
    لاني اشتغلت ع جهازين ايفون ببرنامج واحد وحاس لي الدنيا

    وش السوات ؟

    تقييمك : Thumb up 1 Thumb down 1

    • Mr. A قال:

      أهلين، إذا شبكت جوالك في اللاب توب وفتح لك الايتونز .. بتحصل على اليسار خيارات كثير ( Music -- Movies -- TV Shows … ) بتحصل في الوسط اسم جهازك الايفون، بالتحديد بيكون تحت الخيار ( Devices ) .. اضغط على اسم جهازك وبعدين بتطلع لك الخيارات اللي في الصرة فوق، واللي من ضمنها الـ info
      ،
      لو سويت كذا ولا طلع لك جرب احذف الايتونز وحمله من جديد .. او اشبك جوالك في جهاز ثاني وريح نفسك

      تقييمك : Thumb up 1 Thumb down 1

  9. TO0OP قال:

    انت بطل
    شكرا جزيلا
    ضبط معي الموضوع بعد جهاد
    انا كنت ازين جهاز امي
    تخيل يوم دخلت الاسماء والقاه ماخذ اسمائي واسماء امي وتطبيقاتي ودخلهن بجهاز امي
    قلت ميخالف وراح واحذف واحد واحد واخلي اسمائها والتطبيقات اللي تناسبها
    بس المشكلة ان الابل ستور صار محتفظ بأيميلي عندها رحت للاعدادات ودخلت الحساب وضبطته مضبوط بس الابل ستور يطلع ايميلي

    تقييمك : Thumb up 1 Thumb down 2

    • Mr. A قال:

      العفو
      أي ابستور ؟ اللي في الايتونز ؟ .. أكيد وأنتي تنقلين الأسماء وتشبكين الجهاز طلب منك تسوين تسجيل دخول بحسابك .. عموماً، معليش منيب متأكد مره من المكان لأن ما عندي الحين ايتونز في هالجهاز .. لكن تختارين من فوق ( Store ) وبعدين بتحصلين ( Sign out ) .. وإذا مهيب في ستور فـ هي حولها وحواليها .. دوري في اللي جمبها عاد

      تقييمك : Thumb up 1 Thumb down 2

  10. TO0OP قال:

    لا خلاص
    انتهيت من اللاب
    الكلام كله اللي تحت بالايفون

    الحين البلا بأيفون امي

    الابل ستور عندها محتفظ بأيميلي وانا مسوية لها حساب خاص
    رحت الاعدادات ودخلت الستور وحطيت ايميل امي >> وملح امي وايميله
    وتأكدت من اعدادات الستور في الايفون تمام
    ومير اني اروح للأبل ستور وبحمل برنامج ولا بحدث يطلع ايميلي

    اتمنى المشكلة وضحت

    تقييمك : Thumb up 1 Thumb down 1

    • Mr. A قال:

      إذا انتي محملها لها تطبيقات بحسابك الخاص بالايتونز بيصير يطلع لها ايميلك كل ماجت تسوي تحديث ( للتطبيقات اللي محمله بأسمك )، طيب تأكدتي انك مسويه تسجيل خروج من الاستور حق الايفون ؟ .. اذا جيتي تحملين برنامج جديد يطلع لك ايميلك والا يقول لك سوي تسجيل دخول ؟ .. إذا طلع لك إيميلك، هل جربتي تمسحينه وتكتبين إيميل أمك ؟

      بإنتظارك

      تقييمك : Thumb up 2 Thumb down 1

  11. TO0OP قال:

    انحلست مرة
    ماقدرت اسوي بالاسفون تسجيل خروج
    ع طول يطلع ايميلي ويقول يالله دخل الباسوورد

    ع العموم شف وانا اخوك تو اخوي الصغير اخذ ايفون امي بيحمل البسة المالصة اللي تقلد وانفتح له ايميل امي

    ادري اوجعت راسك ع غير سنع
    الزبدة مبدئيا ان شاء الله المشكلة انحلت

    دوك
    وعقبال >> ايقاله يعني عقبال العرس

    شكرن

    تقييمك : Thumb up 2 Thumb down 0

  12. عبد الله الناصر قال:

    السلام عليكم لدي مشكلة

    عندي بعض الأسماء مخزن لهم اكثر من رقم

    المشكلة بعد ما اسوي مزامنة للأوت لوك مايظهر لي الا رقم واحد ما ادري وش الحل !!!؟؟

    تقييمك : Thumb up 2 Thumb down 1

    • Mr. A قال:

      وعليكم السلام ورحمة الله وبركاته
      للأسف ماعندي معلومات عن هالنقطة .. انا عن نفسي نقلت الاسماء وأشوف فيه أسماء عندي موجود لها أكثر من اسم وما واجهتني هالنقطة.. يمكن أحد يقدر يفيدك فيها

      تقييمك : Thumb up 1 Thumb down 1

  13. السسلام عليكم ..
    بصراحه .. انا قهرني صديقي ويسوي انا اللي فاهم وانا اللي اسوي ..

    احس انه اذا سوى جلبريك او سوفت وير .. يعني محد قده .. قلت له تكفى علمني قال والله لو اخوي يجيني من سوريا ويقول علمني ما اعلمه . حسيت أن الشغله صعبة .. وآخرتها طلعت سهلة مع تكنو . وانا حاليا ناوي اتعلم لأصبح افلاطون في برمجة الايفون

    مع تكــنو .. مش حيقدر صديقك يذلك ..

    تقييمك : Thumb up 3 Thumb down 1

  14. Maldoro قال:

    أسهل طريقة يا أخوان: بتأخذ معاك 5 دقايق وببلاش
    سجل دخول على ايميلك (ويحبذ الجميل) من جهاز النوكيا، سوي سينك للجهات الاتصال
    اذا خلص از
    اشبك الايفون مع الايتيون، اذا بدأ المزامنه وقفه
    روح للصفحة اللي في صورة الجهاز والمساحة ..
    اختر في خياارات المزامنة، مزامنة البريد مع بيعطيك خيارين اكسشينج ولا جميل
    اختر الجيميل، بيطلبك ايميلك والباس(اول مرة فقط)، وزامن بعدها
    خيار آخر جهات الاتصال على هيئة ملف اكسل، مليانه برامج السمبيان اللي تسوي كذا
    بعدها حمل هذا البرنامج للآيفون
    http://apptrackr.org/?act=viewapp&appid=379262343
    واستورد الملف

    تقييمك : Thumb up 3 Thumb down 0

  15. doo albarq قال:

    جهد يستحق الشكر شكرا لكل من ابدا جهداا

    تقييمك : Thumb up 0 Thumb down 1

  16. nice 2 meet u قال:

    يعـــطيك ألف عـآفية .,

    شرحــ وإضــح ., وتعليق جيد .,

    بس عــندي مشــكله .,

    آنــآ سويت كل الخطــوآت وضبطت معي لكن .,ّ!
    في نــوكيـآ عندي كذآ شخص مخزن له أكثر من رقم ع إسمه ؟

    في بعض الأسمــآء أنتقلت كلها وفي بعضهـآ مــآآشوف غير رقم وآحد بس . ؟

    وضحت ؟

    تقييمك : Thumb up 1 Thumb down 1

    • Mr. A قال:

      أهلين .. والله مدري وش الحل في هالحالة بس كاني اتذكر اني سويت مثلك وكان عندي اسم فيه رقمين وبعد النقل لقيت الاسم مكرر مرتين وكل اسم له رقم مختلف .. مدري هل هو يسوي كذا دايم والا انا ملخبط .. الله اعلم

      تقييمك : Thumb up 0 Thumb down 1

  17. Mod قال:

    السلام عليكم..
    شرح واضح..
    طيب تعرف طريقة نقل الاسماء من الايفون للكمبيوتر، والعكس !

    عرفت انها عن طريق الآوت لوك ، مثل هذا الشرح :

    http://www.3rbco.com/vb/t17585.html

    بس للاسف ، ماضبط معي مايطلع لي اسم المجلد ضمن خيار :
    Add ….. etc

    اذا عندك خبر ياليت تدلني ، واكون لك من الشاكرين

    .

    تقييمك : Thumb up 0 Thumb down 1

    • Mr. A قال:

      وعليكم السلام، اهلين
      تقدر تحفظهم على الايتونز بمجرد ماتسوي باك اب .. لكن ماتقدر تشوف الاسماء لانها بتكون محفوظة في الايتونز، اما النقل للاوت لوك ما اعرفه للاسف

      تقييمك : Thumb up 1 Thumb down 2

  18. احمد العراقي قال:

    مشكور حبيبي الغالي جربت الطريقة ونجحت مية مية
    ولا يسعنا غير نتقدم لك بشكرنا وتقديرنا لمجهودك

    تقييمك : Thumb up 0 Thumb down 1

  19. hao0osa قال:

    بيض الله وجهك
    وجزاك الله خير اكفيتنا الحوسه

    الله يكفيك كل ماأهمك

    تقييمك : Thumb up 0 Thumb down 1

  20. loolyzh قال:

    جعلك بالجنه ووالديك
    جزاك الله الف خير
    افادني شرحك كثيييييييييييير وفك ازمه 600 اسم كنت راح انقلهم

    تقييمك : Thumb up 0 Thumb down 0

  21. الحمد لله تم إطلاق رصاصة الرحمة على آخر جوال نوكيا موجود في البيت بعد أن تم نقل الآسماء بسلامة و يسر إلى الآيفون الجديد

    ألف شكر لك

    تقييمك : Thumb up 0 Thumb down 1

  22. wardah قال:

    عندي سؤال جداً مهم وياريت الاقي الجواب عندكم يا خبراء

    اني كان عندي ايباد وسويت له باك اب في كمبيوتري هذا , واكيد الباك اب فيه قائمة الأسماء حقتي

    الحين ابي طريقة أنقل بها بس قائمة الأسماء من الباك أب
    إلى جهاز الأيبود بواسطة الواير طبعاً والآيتونز أو أي برنامج تخبروني عنه

    لأني أحتاج قائمة أسمائي والأيباد مو عندي

    ضرووووووري واللي يرحم والديكم

    تقييمك : Thumb up 0 Thumb down 1

    • Mr. A قال:

      أهلين .. صعبة جداً تقدر تتحكم بالباك اب وتختار وش تضيف منه ووش تخلي .. هل جربت تسوي ريستور للباك اب حق الايباد على الايبود؟ أتوقع بيرفض لكن جرب

      - الحل الوحيد اللي أنا أعرفه، أنك تنقل الاسماء من الايباد إلى الأيبود، إما عن طريق أستخدام الآي كلاود أو تستخدم برنامج iTools بحيث ينسخ لك الأسماء بس .. أو تنسخ أسمائك من الايباد للأوت لوك

      تقييمك : Thumb up 0 Thumb down 1

  23. ـآآـ قال:

    المشكلة انه الـاسماء العربية تظهر برموز غير مفهومة
    وش الحل ؟

    تقييمك : Thumb up 0 Thumb down 0

  24. يا اخوي عندما اتبع الشرح ويكمل
    وادخل ع الايفون اشوف كل الاسماء بس قسم من الاسماء مافيها ارقام
    يعني بس الاسم بدون رقم
    وش الحل ؟؟؟؟
    ارجوا المساعدة

    تقييمك : Thumb up 0 Thumb down 0

  25. الف الف شكر ياصاحب الموضوع والله هذا كان هم وانزاح من قلبي

    فديتك والله يوفقك بالدنيه والأخرى وكثر الله من امثالك تم تجربة الطريقه ونجحت معاي ميه بالميه تقبل مروري الخفيف وتحياتي الكم ياااحلى منتدى

    تقييمك : Thumb up 0 Thumb down 0

  26. المرشد قال:

    بارك الله فيك اخي العزيز على جهدك المبدول وجزاك الله عنا كل خير إنشاء الله

    تقييمك : Thumb up 0 Thumb down 0

  27. magician قال:

    مشكور جدا جدا جدا
    ريحتني من أنقل الاسماء يدويا

    تقييمك : Thumb up 0 Thumb down 0

  28. anwar قال:

    السلام عليكم ..أنا توني شريت آيفون 5 …و أول تجربة لي مع منتجات أبل..الصراحة التجربة محبطة!!
    عموما ..انا جربت الي قلت عليه لكن ما اشتغل عندي ..المزامنة اوكي..والارقام والمسجات انحفظت في برنامج نوكيا على اللابتوب..لكن لما فتحت اي تونز مالقيت الفولدر ..في سيلكت غروب الخطوة 3..ما اقدر اختار اي فولدر ..مافي خيارات..جربت اوت لوك اكسبرس نفس النتيجة ..هل في طريقة احفظ الارقام في سكاي درايف او هوتميل كونتكت و انزلها من هناك دون أن تختلط مع كونتاكت ليست الايميلات؟

    تقييمك : Thumb up 0 Thumb down 0

    • Mr. A قال:

      وعليكم السلام ورحمة الله،
      اسف على خيبة املك < <-- مسوي عنده اسهم في الشركة
      الصراحه ناسي الطريقة، لكن لو تقدر تسوي تصدير للأسماء وترفعها على الجيميل بتقدر تربطها على الايفون مباشرة .

      تقييمك : Thumb up 0 Thumb down 0

  29. Samor قال:

    السلام عليكم
    انا حولت اسوي الطريقه بس يوم جيت اسوي المزامنه ما قدرت اختار اوت لوك بس كان جنب الخيار علمه اذا ضغطة عليه يطلع لي اني اشوف اعدادات المعرف لي اوت لوك .. فجربت التزامن عن طريق اوت لوك اكسبيرس وطلعت الاسماء عندي وحطيتها في الايفون 5 بس يوم فتحت جهات الاتصال في الايفون طلعت عندي الاسماء بدون ارقام ، وش الحل ؟
    انا اتوقع ان طريقتي فيها شي خط بس مدري وش هو بضبط ان كانك تعرف وش المشكله ياليت تعلمني ؟

    تقييمك : Thumb up 0 Thumb down 0

    • Mr. A قال:

      وعليكم السلام ورحمة الله وبركاته،
      للاسف مامرت علي مشكلتك وما اعرف حلها

      تقييمك : Thumb up 0 Thumb down 0

      • Samor قال:

        الله يعافيك
        خالص حطيت الاسماء على الايفون 5
        حطيت شريحة الايفون ( النانو ) في الجوال القديم ونسخة الاسماء فيها بعدها دخلت الشريحه في الايفون 5 وكذا حلينا المشكله

        تقييمك : Thumb up 0 Thumb down 0

  30. عصام الربيعي قال:

    شكرا جزيلا على هاي المعلومة ,,, سويتها وتمت العملية بنجاح ,,, شكرا جزيلا

    تقييمك : Thumb up 0 Thumb down 0

  31. nano قال:

    لوسمحت أرجو المساعدة انا عملت تحديث نسخة لموبايل ايفون 4gوبعدين وصلتو على الايتونزعلشان يكمل الاب ديت وطول الليل وهولسا ماخلص شوالحل الرجاءمساعدتي

    تقييمك : Thumb up 0 Thumb down 0

  32. khalod قال:

    الف شكر يا بو الشباب اسلم سلمت العناء وبورك فيك وجزاك الله خير

    تقييمك : Thumb up 0 Thumb down 0

  33. Elannaz قال:

    شكرا لكن المشكل انه لا ينقل جاهت الاتصال كاملة

    تقييمك : Thumb up 0 Thumb down 0


                                          

أخبرني بوجود تعليقات جديدة .

صفحة جديدة 2