Oplayer HD

تطبيق اوبلير لمشاهدة الافلام بالترجمة -  oplayer app

في الأونة الأخيرة أنتشرت أجهزة شركة أبل إنتشار قوي جداً ( ايباد، ايفون، ايبود توتتش ) والكثير منا صار ما عاد يستخدم اللاب توب كثير، وصار حاطه في البيت مجرد هارديسك يرجع له عشان يشوف الملفات اللي يحتاجها وبعدين يرجع يسكره ويحطه فوق الدولاب عشان مايلعبون فيه البزران <<– مايقيس على نفسه أبد


تطبيق أوبلير فيه ميزة رهيبة شدتني كثير، وهي نقل الملفات عن طريق الواي فاي .. ليه هالطريقة مفيدة ؟ .. أولاً تريحك من تعقيد الايتونز والنقل عن طريقة، ثانياً بدون أسلاك ولا حوسه .. ممكن وأنت طالع في كوفي وتحصل واحد من زملائك معه لاب توب وفيه مقاطع فيديو تهمك وتبي تأخذها منه تقدر نقلها بسهولة وبسرعة عن طريق الواي فاي ( لازم كلكم متصلين بشكبة وحدة )

 

وفيه مميزات ثانية مثل دعم أغلب صيغ الفديو والصوت ( موجودة تحت )، دعم تشغيل الترجمة لو كانت في ملف منفصل (  ملف srt ) وفيه متصفح ممكن يسمح لك تدخل على مواقع تحميل الفديو وتحمل مباشرة عن طريق البرنامج، لو وصلك مقطع فيديوعلى الايميل (في الايباد والا الايفون ) في المرفقات ممكن تحفظه في البرنامج، وغير هالمميزات فيه كثير لكن بنتركها لضيق الوقت

 

صيغ الفيديو المدعومة

WMV / AVI / MKV / RM / RMVB / XVID / MP4 / MOV / 3GP / MPG

 

صيغ الصوت المدعومة

MP3 / WMA / RM / AAC / OGG / APE / FLAC


نجي أولاً للصفحة الرئيسية

Oplayer main - تطبيق اوبلير للايفون والايباد لمشاهدة الافلام بالترجمة

اضغط على الصورة لمشاهدتها بحجمها الطبيعي

الخانة اللي محدده بالأحمر عن طريقها تقدر تدخل على ملفاتك اللي أنت حافظها أو ناقلها للجهاز .. الخانة الثانية تسمح لك تحط رابط مباشر جاهز عشان تحمل الفيديو مباشرة، والخانة الثالثة خاصة بالمتصفح اللي قلنا موجود في البرنامج

 

نجي لطريقة نقل الملفات بالواي فاي

اوبلير نقل الافلام عن طريق الواي فاي للايباد والايفون - oplayer

اضغط على الصورة لرؤيتها بحجمها الطبيعي

مثل ماهو موجود في الصورة، نروح أول شيء لكلمة ( More ) ثم نضغط على كلمة ( WIFI Transfer ) وبيطلع لنا في الوسط شاشة صغيره فيها رقم اي بي ، نخلي الجهاز زي ما هو كذا ( ما تسكر الصفحه هذي الا لما تخلص ) ونروح للاب توب الحين

 

اوبلير نقل الافلام عن طريق الواي فاي للايباد والايفون - oplayer

اضغط على الصورة لرؤيتها بحجمها الطبيعي

تكتب رقم الاي بي اللي عطاك اياه الجهاز في المتصفح حق اللاب توب ( وضروري يكون اللاب توب والايباد أو الايفون أو الايبود توتتش متصلين على شبكة واي فاي وحدة ) وبعدين تضغط على رقم واحد زي ما هو في الصورة وتختار الفيديو اللي تبي وبعدين تضغط على رقم اثنين

* الرقم اللي في الصورة يختلف عن الرقم اللي قبل شوي لأن الشرح ما كان في وقت واحد

 

اوبلير نقل الافلام عن طريق الواي فاي بالترجمة

ممكن النقل يأخذ وقت، على حسب حجم الملف وكذا .. بعد النقل بيكون قدامك الملف زي الصورة اللي فوق .. لو حاب تنقل ملف ترجمة للمقطع تقدر ، كل اللي عليك تعيد خطوات ون تو اللي قبل شوي


بعد ما تخلص نقل خلاص، تروح للأيباد أو الايفون ثم تسكر الشاشة الصغيرة حقت نقل الواي فاي ثم ترجع للصفحة الرئيسية وتدخل على المجلد الاول حق ملفاتك

 

اوبلير تشغيل الترجمة على الافلام للايفون والايباد

بتحصل الملفات قدامك زي كذا .. طبعاً ضروري يكون اسم ملف الترجمة زي اسم ملف الفيديو عشان تطلع لك الترجمة  ( للمزيد اضغط هنا : شرح تشغيل الترجمة على الأفلام ) ولو كنت ناقل الملفين بأسمين مختلفين تقدر تعدلهم عن طريق البرنامج، أضغط على Edit من فوق ثم أختر rename من تحت، وتقدر برضو ترتب الملفات بحيث تضيف كل فلم مع ترجمته في مجلد خاص فيه

 

اوبلير تشغيل الترجمة على الافلام

مثل على ترجمة أنجليزية

 

اوبلير تشغيل الترجمة على الايباد والايفون 

مثال للترجمة العربية

 

ممكن يصير لك أنك تنقل ملف الترجمة ولما تشغله يطلع لك رموز وطلاسم، في هالحالة تروح للإعدادات

اوبلير تعديل ترميز الترجمة

اضغط على الصورة لرؤيتها بحجمها الطبيعي

تروح للإعدادات وتعدل (الترميز – Encoding) وتخليه (ويندوز عربي – Windows Arabic) وتضبط معك إن شاء الله 

مشاهدة ممتعة

 

للمعلومية يوجد إصدار مجاني وإصدار مدفوع من البرنامج

80855 زيارة  | 

الكلمات الدليلة : , , , , ,

 

لمحة عن Mr. A

مهذب وخلوق واقطر ملح .. طبعاً ما يحتاج أقول لكم أن هذي مهيب صفاتي .. لا بس هذي هي الصفات اللي أحلم فيها : )
  • RSS

مواضيع عشوائية :

83 تعليق حتى الأن.

  1. رجاوي قال:

    السلام عليكم tch30
    كيف الحال ؟
    انا وصلت للمرحله 3 وماضغط ع الرابط
    وش السالفه اقصد وش اسوي ؟

  2. محمد الخليفي قال:

    السلام عليكم ،،

    انا عندي افلام كثيرة فاللاب واغلبهم بصيغة rmvb وطبعا ما اقدر انقلهم للايفون ..
    انا نزلت برنامج vlc player من الابستور وما اعرف كيف استخدمه ( هذا اذا له فايدة اصلن)

    في طريقة سهلة عشان انقل الافلام ؟؟!!

    ملاحظة : انا جربت برامج تحويل الفيديو لصيغة mp4 بس المشكلة ياخذ وقت طوووويييييييييييل وانا عندي تقريبا 500 فيلم .. مش معقولة احول كل الافلام !!

    • Mr. A قال:

      وعليكم السلام ورحمة الله،
      أهلين أخوي .. ما شاء الله عليك 500 فلم؟ وشلون بتشوفها tch38
      مثل ما ذكرت يا اخوي، تحويلها شيء صعب ومقرف وبيأخذ وقت .. عندك خيار أنك تحمل البرنامج اللي في هالموضوع وتصير تنقل الافلام واير لس زي ماذكرنا .. أو تجرب تنقل الافلام عن طريق الايتونز لبرنامج الـ vlc player

      هالصورة يمكن تساعدك شوي لكيفية نقل الافلام للبرنامج .
      http://www.blogcdn.com/www.engadget.com/media/2010/09/vlcipad2010-09-20-5.jpg

      حصلتها في النت بس مدري عن مدى فعاليتها، ماجربتها .. جرب وعلمني وش يصير معك، بالتوفيق tch20

  3. ترووك قال:

    ابداع ابداع في الشرح اشكرك اخوي على شرحك الوافي

    البرنامج عندي معرب ويوم سويت نقل بواسطه الواي فاي ما جاني الاي بي جاني مكتوب متوقف

    ياليت تقولي لو سمحت

    تحياتي

  4. الحربي قال:

    يالبى قلببببك يا شيخ
    والله البرنامج من زمان عندي وولا عرفتله
    وطنشته خخخ

    لكن إنت بطل وربي وشرحك روعه

    أشكرك tch40

  5. Max قال:

    برنامج رووووووووعه

    الله يعطيك العافيه ع الشرح و ع البرنامج الرائع

    بجد ريجتني كثييير الحين ب هالبرنامج

    مشكووووور يا استاذ كويس 

  6. شدوا قال:

    البرنامج حاولت انزله بس مافي نزلت كذا برنامج اوك تمام بس داء موب راضي ينزل tch32

    • Mr. A قال:

      اهلين، حاولتي تحملينه على اي جهاز بالضبط؟ ايفون والا ايباد والا ايبود؟ ووش كان المتجر اللي انتي تستخدمينة، امريكي والا سعودي؟ وهل طلعت لك رسالة لما حاولتي تحملينه ورفض؟ لو فيه ياليت تكتبينها هنا tch33

  7. شدوا قال:

    ايباد. مدري حمله من اب ستور من نفس المكان الي انزل منوه الألعاب .امريكي .لا مجاء شي بس الي صار المربع صاير رمادي المفروض يكون مكتوب تم التثبيت او جاري التنزيل شي زي كذا المهم انو الحين مني قادره حتى اضغط على نفس المربع tch32

    • Mr. A قال:

      اهلين، المشكلة عندك ان النت بطيء والا معلق وعلق التحميل، جربي علقي على الايقونة لحد ما تبدأ البرامج كلها تهتز ( نفس الطريقة اللي تخليك تحذفين البرامج ) وشوفي هل تقدرين تسوين له حذف والا لا ؟ لو ماضبط معك .. طفي الايباد ثم شغليه من جديد وان شاء الله يضبط معك ويصير يحمل، او على الاقل يختفي البرنامج من الشاشة وتقدرين تحملينه من جديد tch17

  8. شدوا قال:

    يمكن بس هو معلق من نفس صفحه الاب ستور يعني هو موموجود عندي ومعلق لو كذا كان قدرت احذفه …….مدري موب عارفه اوضحلك بس انشاءالله فهمت علي . حاولت اطفي الجهاز بس كمان مافي فايده . معليش تعبتك معي tch23

  9. شدوا قال:

    ايوه بالضبط من هنا معلق ، في مكان الي انت ماشر عليه . حاولت سجلت خروج ورجعت فتحته مره ثانيه بس نفس الحكايه . لا معندي احد . tch13

    • Mr. A قال:

      للاسف ما مرت علي مشكلتك صراحة، لو تقدرين تصورين الشاشة اللي معلق فيها البرنامج عشان اشوف كيف معلق ممكن يطلع معي شيء tch34 .. ولو ماقدرتي جربي تطفين الواير ليس وتشغلينه، اضغطي علي التطبيق مره ثانية كأنك بتحملينه من جديد وشوفي وش يصير، سوي تسجيل خروج من الحساب حقك وادخلي على البرنامج .. هل يكون معلق والا كيف ؟ tch23

  10. i44m7md قال:

    الله لا يحرمنا من ابداعك ,, والله نستفيد منكم الشي الكثير

  11. غديش قال:

    يَ آآني شششوي وآصصيح وقسمن قسمــآت

    وقسمن آريح من آلآيتونز بكثثثثثثثثير

    هذآ آلبرنــآمج يوم شفت عنده نجمــآت كثـآر قلت شكلة زين وحملتهه ويوم فتحته آدربي رآسي مدري وش آلسسـآلفة tch32

    بسسس فجـأهـ آحوس بـآلنت طلعت صفحتك وآقرآ وقسسمن لو آنت قدآمي آتوآقع آحب رآآسك من آلونــآسة
    ولآ بعد شرحححك مررهـ خخخطير وهيه بسسسس

    لآخــلآ ولآ عددمم ,,<-- وآلله آلآيبـآد 2 جـآيني هدية ولا مـآفكرت آشرية لآني آنـآ حدي بلآلآك ويخب مَ آعرف له آبد
    وكنت محتــآججة آشيــآء زي كذآ يعني برآمج حلوة ويجي آلشرح مع آلصصور

    زين مير ربي رآيدن بي خخخير دخلت عليك ولآ كنت نــآوية آبيعه لآنه له تقريبـآ شهر طفيت بوه آسبوع آحوس به وآخرته رجعته لكرتونة قلت آبيعة وآستفيد من فلوسة ولا يقعد بالكرتون كذآ

    بسسس وآلله من جد مَ تسسوى فرحتي … tch9

    قوووووووووووووة شكككرآ (تقولة بحمــآس ) tch31

    • Mr. A قال:

      أهلين، العفو ما سويت شيء tch34 .. كلها كم صورة وكم سطر بس tch3
      مبروك الايباد .. ما شاء الله طلع فيه صدق ناس تجيها هدايا ايباد 2 .. انا على بالي اللي يكتبون كذا في المنتديات يصيرون هم شارينه بس يتميلحون tch38 .. يالله وش نسوي .. الله يرزقنا 🙁 <<-- يكفي إلى هنا التلميح والا اكمل tch3؟ حياك ربي وإن شاء الله يكون فيه مواضيع وشروحات لبرامج تهمك وتفيدك tch36

  12. عبير قال:

    اخوي اانا سويت زيك بس الترجمه طلعت طلاسم و فالسيتنق ماطلع لي الا خيارين لترجمه الي هم تغيير اللون بس ماطلع لي ترميز وكذا وانا ايباد 1 و الـ او بلاير حقي اتش دي مدري اذا له دخل , ابي اعرف وش المشكله من وين 🙁 tch10

    • Mr. A قال:

      أهلين أختي، فعلاً كلامك صحيح .. بعد التحديث الأخير للبرنامج ما حصلت الخيار حق الترميز في التطبيق .. حالياً ارسلت إيميل للمبرمجين حقين البرنامج وسألتهم عن سبب الإزالة وعن الحل البديل، وهل بترجع هالميزة مره ثانية والا نغير التطبيق tch3؟

      برد لك اول ما يوصلني الرد ان شاء الله tch40

  13. $@(lman قال:

    لو سمحت سؤااااال محيرني وقاهرني كيف ارفع ملفات مع بعض لان عندي مسلسل انمي عدد حلقاتة ٣١٥ تقريبا والله مدري المهم كيف ارفع مع بعض تكفون ان جاوبت ولو بمعلومة تلميح بنجن من الفرحة

    • Mr. A قال:

      اهلين، اشبكي الجهاز في اللاب توب .. وبعدين لما تفتحين الايتونز اضغطي على اسم الايباد من الخيارات اللي على اليسار .. بعدين من الخيارات اللي فوق اضغط على كلمة App وبعدين انزل تحت لنهاية الصفحه بتلقى مربع زي اللي في الصورة :
      http://www.blogcdn.com/www.engadget.com/media/2010/09/vlcipad2010-09-20-5.jpg

      بتحصلين البرامج اللي عندك واللي تقبل نقل الملفات ومن ضمنها بتحصلين الـ Oplayer اختاري البرنامج وبعدين اضيفي الملفات من هنا .. تقدرين تحددين اكثر من ملف وقت الاضافه.. اذا جهازك ماك اضغطي زر الكوماند وانتي تحددين الملفات بالماوس، واذا جهازك ويندوز اضغطي زر كنترول وقت التحديد .. وان شاء الله يضبط معك tch17

  14. Rween قال:

    الحين انا حملت التطبيق وشبكة الإيباد ع الايتونز ونزلت الفلم مع ترجمته
    ودخلت ع ملفاتي ولقيتهم … الفلم يشتغل بس بدون ترجمه ;(

    arw-diary.dvdrip.xvid.avi هذا الفلم
    arw-diary.dvdrip.xvid.srt وهذي اسم الترجمه

    وحاولت اخلي اسم الترجمه نفس الفلم بس اختفى الفلم ;””(

    والله يعطيك العافيه

    • Mr. A قال:

      اهلين، طيب جربي الفلم وترجمته على اللاب توب، يشتغل كويس بالترجمة؟
      جربي عدلي الاسم لكل الملفين لها الاسم :
      arw-diray.avi
      arw-diray.srt
      وجربي يشتغل في اللاب توب والا لا؟ لو ضبط خلاص انقليه للايباد

      بالنسبة لـ ( srt. ) و ( avi. ) فهذي هي صيغ الملفات .. وحده صغية ملف الترجمة والثانية صيغة ملف الفيديو، يعني عادي يكونون مو زي بعض في هالنقطة بس tch34

  15. عبووود قال:

    اخوي الله لايهينك
    انا عندي ايباد2 وحملت البرنامج وضبط معي ونقلت افلامي كلها
    بس انا حاب استفسر هل اقدر انزل من نفس البرنامج افلام
    ادا ايه اتمنى تشرح لي الطريقه اذا الا اوك

    ومعليش تعبتك معايه
    كل الشكر لك حبيبي tch27

    • Mr. A قال:

      أهلين اخوي،
      لو تلاحظ في الصورة هذي

      http://www.tichno.com/wp-content/uploads/Oplayer-main.jpg

      فيه خياراين ( Open URL ) , ( web Browser ) واحد منهم تكتب فيه الرابط مباشرة ويحمله لك ( مثلاً رابط فيديو معين أو فلم .. والثاني يخليك تتصفح النت زي متصفح سفاري .. لكن لما تحصل رابط تحميل تضغط عليه وتعلق بأصبعك يطلع لك خيار التحميل في البرنامج tch36

  16. sultaib قال:

    انا ماني عارف كيف أشكرك فعلا أنت استاذ لاني نجحت في عمل حساب على الايتون مجاني -- انت فعلا بارع جدا في توصيل المعلومة وفي الشرح أيضا
    أشكرك جدا جدا جدا
    وفعلا الموقع هذا مدرسة
    بس باقي اتصفع واعلم نفسي بدروسك على طريقة تحميل نغمات للايفون وتنزيل النغمات واذا مافي رجاء تنزيل برامج لعمل نغمات الايفون وطريقة تنزيلها

    أخوك أبو سلطان الطيب

  17. Aziz قال:

    اولا اشكرك من اعماق قلبي على مجهودك
    ودي اسالك اذا فتحت ايميلي وكان موجود اتتاتش لفيديو معين وابي احمله ب oplayer كيف الطريقة

  18. نوف قال:

    أنا ما طلع لي “more” ايش اسوي

  19. جوجو قال:

    طيب واللي ما عنده جهاز !! -_-
    مافيه بديل ؟ ابغى اشوف افلام مترجمة عربي طبعاً عالايباد 🙁 كيف 🙁 ؟؟ اليوتيوب مافيه الا افلام مصرية خخخخخخخخ ثانكيو عالشرح اللي يفتح النفس 🙂

  20. جوجو قال:

    الاون لاين كلها بالفلاش والفلاش ما يشتغل عالايباد ، اذا لقيتلي موقع بطييييييييير من الفرحه >.<

    • Mr. A قال:

      اي عارف انها فلاش عشان كذا حددت لك وقلت لك موقع الدار داركم، لأن عنده اشياء تشتغل على الايباد .. اذا اخترتي فلم معين يطلع لك من ضمن الخيارات مشغلات تفتح على الايباد tch40

  21. جوجو قال:

    طيب اسفه شكلك عصبت هههه ، شكرا من القلب

  22. Jorey قال:

    اخوي حدثت الايباد وحملت اخر اصدار لـ اوبلير ..
    بس مالقيت الواي فاي

    • Mr. A قال:

      اهلين اخوي .. من الصفحه الرئيسية للبرنامج بتحصل علامة ( + ) فوق على اليسار، اضغط عليها وبعدين بتحصل الواي فاي موجود تحت اخر خيار

  23. Jorey قال:

    ايوه لقيتها ^^
    الله يوفقك يارب ..مشكور وماقصرت

  24. منتظر قال:

    السلام عليكم
    مشكور على الموضوع

    عندي استفسار. هل استطيع ان احمل من الايبد مباشر بستخدام البرنامج واذا كنت استطيع كيف احمل مسلسلات من موقع الدار داركم بلأيبدً؟. وشكراً لمجهودكم

    • Mr. A قال:

      وعليكم السلام ورحمة الله وبركاته،
      البرنامج فيه خاصية للتحميل لكن مدري يحمل من الدار دراكم والا لا .. ممكن يحمل من مواقع الرفع زي الميديا فاير مثلاً. لكن بكل صراحه ما سبق لي وجربت tch3

  25. Mahra قال:

    اخي الكريم . . اشكرك على الشرح المفصل
    بس انا جربت دخلت الاي بي بمتصفح الفايرفوكس ومتصفح الاكسبلورار . .
    لكن ما تفتح الصفحه . .

    • Mr. A قال:

      أهلين .. العفو ياعزيزي tch34 tch26
      كتبت رقم الاي بي زي ماهو بالضبط وما ضبط؟ طيب لما كتبت الرقم كنت مسكر الصفحه حقت الايباد في البرنامج والا كانت لسى مفتوحه؟

  26. Mahra قال:

    انا بنت صدقني :$ ّ
    كررت الخطوات مره ثاآنيه بآحكآم وضبطت الحركه بحم ـد الله . .
    تسسّلملي آإخويه . . .

  27. Salwa قال:

    السلام عليكم كيف حالك اخوي …

    بصراحة ما انكر اني بالبداية ضاق صدري مو فاهمه شي ..tch32
    حملته و شكل البررنامج عندك يختلف عندي .. بس لما ركزت و طبقت الخطوات ضبط و قاعدة احمل دكستر الحين .. tch5

    الله يعطيك الف عافية … tch28 tch28

  28. بيشو قال:

    اقدر احمل من موقع دار داركوم افلام ومسلسلات ؟ tch32

  29. Fr7 قال:

    ممكن سوال !!

    طيب اقدر اترجم فيديوهات عليه وانزلها باليوتيوب !!

    زي برنامج aegisub الي بالاب توبات =”(

  30. سيف قال:

    ممممم
    اخوي ابي أشاهد أفلام مثل منتدى عناكب
    ما ابي احمل
    المقصد هو:: ابي برنامج حق افلام ادخل عليه واكتب اسم الفلم واشاهده فديتكم لو ترد
    ع ايميلي لاني صدفة دخلت هنا
    أخوك :/ سيف

  31. سيف قال:

    طيب مؤ راضي يشتغل عندي
    فديتك رد

  32. سيف قال:

    دخلت بس ما ادري وش السالفه tch13

  33. سيف قال:

    اها
    شكرًا اخوي فديتك بس شي يقهر

  34. leil قال:

    انا حدثت البرنامج آخر تحديث، ودورت ع “النقل بالواي فاي” ولقيتو الحمدلله بس مالقيت الاي بي 🙂 في HTTP وBonjour وFTP
    ايش اسوي؟ :'(

  35. Lama قال:

    يعطيك العافية ضبط معاي وكل شيء واشتغل هو والترجمة
    بس مايطلع صوت!! يعني الفلم اشوفه عالسايلنت

  36. سارة قال:

    انا ابي انزل برنامج هذا Oplayer HDبس يوم ابي انزل يطلعلي غير كيف اسوي وشكرا

  37. ليندا قال:

    انا حملت المقطع
    بس اذا جئت اشغله يصير بدون صوت
    وش أسوي tch9

  38. ليندا قال:

    طيب ممكن تسوي شرح جديد لان يوم حملته جديد طلع مختلف tch34 tch10

  39. ليندا قال:

    انا ما فهمت الشرح ذاه ع التحديث الجديد
    بس متى ماروقت سو الشرح
    والله يعطيك العافية tch28

  40. Jamel قال:

    البدنامج بفلوس ولا متهيألي .. ؟ tch9

  41. Jamel قال:

    البرنامج قصدي**

  42. Jamel قال:

    في احد عندو فكرة كيف افك الملفات المضغوطة… نزلت WinZip Mac Edition وماعرفت حاجة.
    وكمان كيف انزل Microsoft Office على Mac Pro

    • Mr. A قال:

      مرحباً،
      الملفات المضغوطة تنفك بالبرنامج اللي حملته، اما بالنسبة للاوفيس تحتاج تشتريه من موقع الشركة ( مايكروسوفت )، او من التورنت tch3

  43. Jamel قال:

    شكرا استاذي على ردك السريع .. حاولت افتح الملفات المضغوطة ماعرفت اذا عندك امكانية تشرحلي فضلا لا امرا.. وبالنسبة للأوفيس حروح اشتريه بس اذا في فكرة تنزيل مجاني بالتورنت قلي عليها tch3 علما التورنت موجود عندي…

    واشكركم على مجهودكم موقعكم فادني كثير يسعدكم كلكم 😀


صفحة جديدة 2