iPhone – آي فون

كتب بواسطة فبراير - 09 - 2011   |  ضمن قسم آبل, آي فون, مميز

 

معليش يا جماعة ..  بس فيه هنا أحد معه جائزة نوبل زايدة وما يبيها ؟ <<– المقدمة حواق كالعادة 

 آي فون | iPhone

 

بإختصار الآي فون هو الجهاز الذي غير مفهوم أجهزت الجوال من مجرد أداة للإتصال إلى كمبيوتر كفي يعمل بشاشة لمس تتفاعل مع حركة الأصبع بسلاسه ! هذا الجهاز مزود بمتصفح الويب وببرنامج خاص بالبريد الإلكتروني وسيجعلك تتابع إيميلاتك وترد عليها .. بالإضافة إلى العديد من الخصائص والبرامج الموجودة إفتراضياً في الجهاز ناهيك عن التطبيقات الموجودة في الآب ستور والتي يزيد عددها عن 300 الف تطبيق.

 

صدر إلى الآن أربعة أجيال من الآي فون .. الأول هو الآي فون 2 جي .. وهو بلاطة أو بلكة أن صح القول .. طبعاً اللي يشفع لهذا البلكة هو إمكانية تحديث نظام التشغيل حقه .. يعني اللي عنده آي فون 2 جي يقدر يركب عليه الآن التحديث حق آي فون 3 جي آس مثلاً ! ( مع فقدان بعض الخصائص أكيد ) , لكن الجهاز بيكون بطيء لان إمكانياته ما تتوافق ما تحديثات النظام

 

 iPhone 2g | آي فون 2 جي 

صورة للبلكة

 

بعد الآي فون 2 جي طلع الإصدار المطور منه ( آي فون 3 جي –  iPhone 3G ) , وكان أجمل من ناحية الشكل والمواصفات الخارجية وإيضاً زادت سرعة إستجابة الجهاز وأكيد مثل ما هو واضح صار يقدر يتصل بالشبكة عن طريق حزمة البيانات 3 جي .. كان متوفر بلونين ( أبيض – أسود ) وبسعات ( 8 – 16 – 32 قيقا ) .. لكن تصدقون على قد ما كان الآي فون نقلة نوعية وعلى قد ما غير مفهومنا للجوال , على قد ما كان فيه عيوب كثير فقدنها , خلونا نشوف المقارنات

 

iPhone 3g vs stone | مقارنة آي فون مع حصاة

 

في هالمقارنة قدرنا نشوف أن الحصاة باقي لها شوي وتتعادل مع الآي فون .. سبحان الله أكثر على أنه كان على وقت ظهوره أكثر جوال متطور وتحس لما تمسكه أن الشركات الثانية يبي لهم سنين ضوئية عشان يقلدونه , إلا انك تكتشف أن فيه عيوب من السهل تفاديها وما تدري ليه مهيب موجودة ! .. نتابع مقارنة ثانية برضو

 

مقارنة آي فون مع نوكيا 3310 | iPhone vs Nokia 3310

ماش شكلنا بنهون عن موضوع جائزة نوبل

 

عموماً الجيل اللي بعد هذا كان ( الآي فون 3 جي أس – iPhone 3Gs ) , تحسن أداء الجهاز وصار أسرع من اللي قبله ونظام التشغيل شمل عدة تعديلات من أهمها وضع أكثر من تطبيق في مجلد .. طرح الإصدار باللون الأبيض والأسود وبسعت 16 , 32 قيقا

 

* تعديل : وضع أكثر من تطبيق في مجلد واحد كانت في الإصدار 4.0 واللي صدر مع آي فون 4

 

وأخيراً وليس أخراً ( الآي فون 4 – iPhone 4 ) تغير شكله بالكامل وتطور الجهاز كثير عن اللي قبله , صار اسرع بكثير والشاشة زادت دقتها بشكل خطير وتحسنت البطارية والكاميرا الخلفية صارت ( أتش دي – HD )وأضيف له كاميرا أمامية وبرنامج الفيس تايم اللي يسمح لك بالإتصال على أي شخص عنده آي فون 4 ببلاش عن طريق إستخدام الإنترنت ( الواي فاي فقط على ما أظن )

 

ونظام التشغيل صار يدعم خاصية ( multitasking ) واللي تساعدك تشغيل أكثر من تطبيق والتنقل بينهم بكل سهولة .. على سبيل المثال صرت تقدر تتصفح المواقع أو الإيميل وأنت جالس تسمع موسيقى ! ( تحديث النظام هذا ممكن يتركب على الآي فون 3 جي أو غيره لكنه قد يكون بطيء شوي لأنه غير مهيء نفسياً لمثل هالتقنية  )

 

آي فون 4 | iPhone 4

من أهم عيوبه هو ضعف الشبكة ( الإرسال ) وأنقطاعتها تماماً إذا مسكته مسكه معينه مدري كيف أشرحها لكم .. وحساس الإستشعار صار أضعف من السابق !! ( الحساس الموجود بجانب السماعة واللي الغرض منه هو إقفال الشاشة في حال وضعت الجهاز على أذنك عشان ما تضغط شيء بخدودك ) , للمزيد عن هذه المعانات : تابع هنا

 

بالنسبة لمشكلة التغطية .. طرحت شركة آبل جراب  ( Bumpers ) فائدته تقليص مشكلة ضعف الشبكة .. لكن في نظري هذا مهوب حل  , لآني ما أبي ادفع ملبغ 3 الاف ريال تقريباً عشان جهاز يجبرني أركب عليه جراب !!

 

جراب الآي فون | iphone bumper

 

أما ذا الألون اللي هم حاطين .. كأنها وزرة هندي  .. عموماً أنا عن نفسي أستخدمت الثري جي وما جاز لي لأنه بطيء , والثري جي أس هو اللي حالياً معي وأشوفه معقول نسبياً , مو سريع ولا بطيء ولا سمين ولا رشيق .. مدري بس كذا يجنن ( عشانه معك يعني ؟ ) .. الآي فون 4 استخدامي له أستخدام خفيف ( إذا نام أخوي ) وأشوفه هو الأفضل بينهم لا من ناحية شكل ولا بطارية ولا صفاية شاشة

 

لكن تصدقون شيء ؟ .. العجيب هنا أنك بعد ما تقرأ هالكلام كله وتشوف العيوب ذي كلها .. يظل أنك بتمسك جوالك وبتشوف تاريخ اليوم كم عشان تبدأ تحسب كم باقي على الراتب وينزل وتشتري آي فون

 

في الختام أترككم مع مقطع بسيط فيه مقارنة لسرعة جميع أجيال الآي فون  ( اضغط هنا للمشاهدة

* عذراً يوجد موسيقى , الرجاء كتم الصوت

15271 زيارة  | 

الكلمات الدليلة : , , , , , ,

 

لمحة عن Mr. A

مهذب وخلوق واقطر ملح .. طبعاً ما يحتاج أقول لكم أن هذي مهيب صفاتي .. لا بس هذي هي الصفات اللي أحلم فيها : )
  • RSS

مواضيع عشوائية :

9 تعليقات حتى الأن.

  1. mlla7 قال:

    عزوز .. ملاحظة بسيطة
    الاي فون ٣ جي اس ما كان فيه ميزة اكثر من برنامج في مجلد
    هذي نزلت في السوفتير حق الفور

    وتم اضافتها في التحديث للثري جي اس
    موب عشان معك ثري جي اس تخليه ازين شي tch3

    ما كملت الموضوع لي رجعه ان شاء الله tch21

  2. Mr. A قال:

    اممم .. ظنك كذا ؟ tch23 <<-- لا واضح وجه تقنية tch38 بعد التحري والتمحص في الموضوع أكتشفت وللأسف أن كلامك صحيح .. فعلاً الآي فون الثري جي أس هو أحسن شيء tch20 <<-- بينطق هههههه - عذراً على الخطأ الغير مقصود لصالح جهازي tch3 , فعلاً خاصية المجلدات ( فولدرات ) بدأت في الآي فون 4 , مع الإصدار 4.0 وشكراً tch26

  3. Nowayer قال:

    اما مشكلة الإرسال ذي كلن يقول عنها وانا ما قد صارت لي tch7

    يعني صح تنقص الأبراج كذا وحدة بس ما ادري ما احسه يأثر احسه بس كذا شكل خخخخخ tch3

    iphon4 وبس والباقي خس tch27

    تهقا ابسوي زيك ان نزل iphon5 خخخخخخ tch38

  4. happy girl قال:

    اي حسآآس الاستشعار ذا ع بالي اكتشفته اذا قربته من اذني يطفى واذا بعدته ينورر ..اقولكم ذكي هالجهاز tch1

  5. aichia790 قال:

    الشاشة الايفون تكسرات ومكانش من يصلح في المكان الذي سكنها ماهو الاحل
    وشكر

    • Mr. A قال:

      اهلين اخوي، الشاشة تحتاج فني لتغييرها .. او تقدر تتابع طريقة فك الجهاز في اليوتيوب وتفكه انت بنفسك .. لكن بتحتاج تشتري الشاشة عشان تقدر تركبها ، واذا ما عندكم محل يبيعها حاول تبحث عنها اون لاين، موقع امزون على سبيل المثال tch34

  6. الحر قال:

    شباب اخواني عطوني رابط تحميل تحديث اي فون 3 جي الي بركب على اي فون 2 جي الي بفتح حزمة بيانات 3 جي


صفحة جديدة 2