طريقه الشراء من متجر سيديا سهله جداً مايكلف سوى دقائق مايلزمونك بفتح حساب مثل متجر الاب ستور 

لكن يشترط أنه يكون لك حساب في الأمازون أو حساب في الباي بال لإتمام عملية الشراء 
كلها بضع خطوات ويكون البرنامج عندك :


١- ندخل على سيديا ونختار اي برنامج نبغى نشتريه
بالضغط على ايقونة  Purchase
 أو   Purchase product

شرح كيفية الشراء من السيديا




٢- من هنا تسجل دخولك وأنت مخير أما انك تدخل عن طريق ( حسابك بالفيس بوك أو اذا لك حساب بقوقل )
وأنا اخترت حساب قوقل 

طريقة الدفع لبرامج السيديا من خلال البي بال او حساب الامازون


 


٣- بيحولك لصفحة الـ  Gmail وسجل دخولك بايميلك





 


٤- بيجيك بعدها صفحه تعرض لك اسم حسابك اللي دخلت منه ، اضغط على Link Device to Your Account






٥- من هنا تختار طريقة الدفع سواء من ( حسابك في الامازون ، أو حسابك بالباي بال ) 
وأنا اخترت عن طريق الباي بال أسهل وآسرع






٦- سجل دخولك بحساب الباي بال






٧- بتنفتح لك هالصفحه فيها سعر البرنامج بالدولار محولها لك سعرها بالريال السعودي
اضغط على Pay Now








٨- اذا ظهرت لك هالصفحه فمبرووك تمت عملية الشراء بنجاح



 



٩- هالحين ارجع ادخل على البرنامج من جديد من سيديا راح تلقي علامة صح بالاخضر يعني حلالٍ زلال 
واضغط على Install  لتثبيت البرنامج






وبكذا انتهينا 
اذا فيه سؤال للاستفسار أو صادفت مشكله أثناء عملية الشراء ان شاء الله نحلها 

.
.
وختاماً أترككم مع شرح فيديو لكيفية الشراء من متجر السيديا للناس اللي ماتحب تتابع الصور
 


مواضيع ذات صلة :

 

7587 زيارة  | 

الكلمات الدليلة : ,

 

مواضيع عشوائية :

16 تعليق حتى الأن.

  1. ياسر قال:

    انا ابي اشتري برنامج من السيديا الي هو حق الواتس اب
    لكن المشكلة ما يبيع الا من خلال الباي بالبال
    وانا فشلت في الاشتراك في الباي بال ولا قبلوا بطاقتي
    فهل تعرف حل عشان اشتري هذي الاداة

    • Pixel Des قال:

      أخوي ياسر أنت تقصد الأداة المساعده اللي اسمها whats pad لتثبيت الواتس أب ؟
      اذا هذي اللي انت تقصدها فمايحتاج الى شراء لأنه مجانيه على سيديا موجوده على سورس BigBoss
      ادخل على هالموضوع بفيدك كثير
      http://www.tichno.com/apple/ipad/installing-whatsapp-on-ipad-and-ipod

      /
      وبخصوص الاشتراك في الباي بال وانهم ماقبلوا بطاقتك
      يمكن لأنك مادخلت لهم الكود اللي ارسلوه لك على حسابك بالبنك اثناء ربط الفيزا بحساب الباي بال ..

  2. ياسر قال:

    اقصد هذي الاداة
    quick reply for whatsapp

    اما الباي بال ما قبلوا التفعيل لأني غلطت وحطيتلهم عنواني في ورد شيب امريكا

    • Pixel Des قال:

      اها قصدك أداة الرد السريع للواتس أب
      موجودة على سورس ihacksrepo.com مكركه حتى تاريخ 31 / 12 / 2030
      اذا كنت ماثبت الادآة قبل راح تضبط معك ان شاء الله ركبتها انا قبل شوي ..
      /
      اما اذا كنت مثبت هالاداة سابقاً وانتهت مدة الـ ٧ أيام المجانية
      فاحذفها من السيديا
      ثم ادخل على برنامج ifile
      واحذف الملفين اللي باخر هالمسار
      “/User/Library/.waqr” اذا كان موجود
      واحذف هذا
      “/User/Library/Preferences/com.delicious.waqr”
      وفرغ سلة المهملات منهم
      /
      وقفل الايفون وشغله مره ثانيه
      ورح لسيديا واكتب السورس اللي فوق ، ونزل منه الأداة
      واعمل ريسبرنغ
      ثم ادخل على الاعدادات فاذا شفت ان licence
      مكتوب جنبها paid until 12/31/30
      فان شاء الله انه ضبطت

      /
      كان ودي افيدك بمشكلتك باي بال ، لكن انت حاول وسجل مره ثانيه وان شاء الله تتفعل ..

  3. ياسر قال:

    انت اذا قالوا ذيبان فانت ذيبان
    الحمد الله زانت معي
    نزلت برنامج اي فايل لكن ما لقيت الملفات الي قلتها
    رحت للسيديا نزلت الاداة ونزلت معي وفعلا صالحة للتاريخ الي كتبته انت

    فالله يوفقك ولك مني الشكر والتقدير والمحبة علي ما بذلت من مساعدة

    فالله يكثر من امثالك tch1

  4. JOJO قال:

    لو سمحت كيف احمل جيل بريك 5.1.1 tch9

  5. mosa قال:

    السلام عليكم

    مسا الخير
    انا دخلت السيديا وسجلت بالباي بال ونجح التسجيل وخصمو مني

    لكن باقي ما اقدر احمل من السيديا يبدو فيه سالفة ربط ما ادري مع حساب قوقل او مع شي ثاني فياليت اعرف هل يلزم الربط وكيف طريقته

    • Pixel Des قال:

      وعليكم السلام ، مساء النور
      لا ماله دخل بسالفة ربط ، اهم شي لاجيت تشتري برنامج تسجل دخولك عن طريق حسابك بقوقل ، وتكمل الخطوات
      بس ممكن تقولي وشو البرنامج اللي شريته وماقدرت تحمله ؟
      لانه يمكن اصدار البرنامج مايتوافق مع اصدار الجليبريك الحالي لجهازك

  6. mosa قال:

    اهلا وسهلا اخي ومشكور على ردك السريع

    البرنامج برو تيوب وفوتوالبوم ولو اعرف ارسل لك الصورة اللي تطلع لي يمكن تفهمها اكثر بس للاسف مو عارف

    • Pixel Des قال:

      اذا صورت المشكله بالبرنت سكرين ، ارسل صورتها لجهازك الكمبيوتر
      وادخل على مركز التحميل من هنا
      http://www.9ndog.com/up/
      وحمل صورتك وانتظر اكتمال التحميل ….
      وانسخ لي الرابط المباشر للصورة اللي تطلع لك وحطه لي هنا اشوفها tch26

  7. system32 قال:

    روعه

    الله يعطيك العافيه يارب

  8. Rieo قال:

    طيب اقدر أشحن حسابي بالباي بال بهالطريقه


صفحة جديدة 2