تعرفنا على الآب ستور في موضوع سابق ( اضغط هنا )

وذكرنا بأنك بحاجة إلى التسجيل في المتجر لكي تستطيع التحميل من خلاله

نستعرض اليوم معاً طريقة كيفية التسجيل بحساب في الآب ستور app store

في البداية دعونا نوضح أنه يوجد عدة متاجر .. متجر للسعودية , متجر لكندا , متجر لبريطانيا , متجر أمريكا .. الخ

 

ماهو الفرق بين هذه المتاجر ؟ 

الفروق هي أنه يوجد لكل متجر إحصائيات معينة للبلد اللي أنت مختاره .. يعني مثلاً لو أفتح لي حساب وأختار المتجر السعودي خلاص بيصير المتجر يعرض لي أكثر البرامج اللي محملينها السعوديين وكذا .. وبرضو الأمريكي لما يفتح حساب في متجر أمريكي بيطلع له البرامج اللي يحملونها الأمريكان وهكذا

 

شلون تدفع مبلغ التطبيقات في المتجر ؟

عندك خيارين , إما أنك تربط حسابك ببطاقتك الإتمانية ( فيزا أو ماستر كارد ) أو تشتري بطاقة أسمها ( apple gift card ) وهالبطاقة زي بطاقة الشحن .. تشتريها ويكون فيها مبلغ مثلاً 50 دولار وتصير مربوطه بحسابك وكلما تشتري تخصم منها القيمة لحد ما يخلص الرصيد .. وفيه طريقة ثالثة وهي الجيلبريك لكن يقولون أن ستيف جوبز الرئيس التنفيذي لشركة آبل يقول أنه ما راح يحلل أي شخص يركبه

 

والأن نبدأ بشرح فتح الحساب

 

أولاً: نعرض لكم شرح فيديو لكيفية فتح حساب في الابستور من خلال برنامج الايتونز في اللاب توب

 

* * * *

ثانياً: نجي الحين لكيفية فتح الحساب المجاني في الآب ستور بالصور، أول شيء نفتح عليه ثم نروح لأي لعبة أو تطبيق " مجاني "

 

شرح فتح حساب في الآي تونز

 

نضغط على كلمة ( free ) ثم بعدها على كلمة ( install app )

 

creat a user in app store -تسجل حساب مجاني في متجر ابل

 

لازم تضغط على اللعبة المجانية وتحاول تحملها عشان تطلع لك الخيارات، لو ماسويت هالطريقة ما راح تقدر تسجل بدون بطاقة الفيزا

 

* الكلمة الأولى تضغط عليها لو عندك حساب وتبي تسوي تسجيل دخول مباشرة

نضغط على الكلمة الثاني عشان نبدأ عملية التسجيل في المتجر

 

طريقة التسجيل بحساب مجاني في الاب ستور 


هنا تختار متجر البلد اللي حاب تسجل فيه .. أنا عن نفسي أخترت أمريكا لأنك اذا تفكر بعدين تشتري بطاقة وتبي تربطها بالحساب ماتقدر اذا اخترت السعودية

 

فتح حساب في متجر ابل app store

 

هذي هي شروط المتجر .. اضغط على " agree " بعد ما تقراها طبعاً

 

شرح التسجيل في الآي تونز


تكتب الإيميل اللي تبي تسجل فيه , وتكتب لك سؤال سري وتضيف له جواب , وفي الأخير تاريخ ميلادك ولازم يكون صحيح وتحفظه لأنك بعدين إذا بتعدل على حسابك شيء أو اذا نسيت باسوردك بيسألونك عن التاريخ

 

طبعاً هذي الصورة قديمة شوي، حالياً ابل غيرت في السؤال السري وحولتها إلى ثلاث أسئلة سرية بدلاً من واحد ! وضروي تجاوب عليها كلها.

 

وبالنسبة للباسورد فهو معقد شوي الصراحة .. لازم يكون مكون من 8 احرف على الأقل .. ولازم يكون فيه حرف كابيتل وفيه ارقام بعد , وبرضو ما تكرر حرف أو رقم ثلاث مرات ورى بعض

وعلى سبيل المثال ممكن تستخدم أول حرف من أسمك وتسوي باسورد سهل زي كذا

أمثلة على باسوردات الآبستور:

Bb123456

b123456B

S123123s

E123e123

 

فتح حساب في الاب ستور

 

الخيارين اللي في النهاية هذي تسألك إذا تبي تشترك في الموقع عشان توصلك العروض والأخبار على إيميلك .. حط اللي يناسبك بعدين بنروح للصفحه اللي بعدها

apple store - متجر ابل

 

في الخانة الأولى نختار طريقة الدفع ( فيزا – ماستر كارد .. ) بالنسبة للي يبي الحساب يكون بدون بطاقة أو وسيلة دفع أخرى يختار كلمة ( none ) اللي هي الأخيره ..

 

- ملاحظة : كلمة  ( none ) طلعت لنا لأننا كنا جالسين نحاول نحمل تطبيق مجاني .. إذا ما طلعت لك من ضمن الخيارات تأكد أنك ما اخترت برنامج مجاني أو أنك جالس تحاول تفتح حساب مباشرة من مكان ثاني

 

app store - التسجيل في متجر ابل بدون بطاقة 

 

تعبيء بياناتك باللي يناسبك .. انا عن نفسي سميت نفسي عبدالعزيز جون

الخانة ( code ) هي الخانة اللي تضيف فيها الرقم التسلسلي حق البطاقة إذا عندك بطاقة وتبي تربطها بحسابك

 

التسجيل في متجر ابل وربط بطاقة الاي تونز بالحساب


نكمل البيانات ومن ثم ننتقل للصفحه اللي بعدها

 

التسجيل في متجر ابل بدون بطاقة ( مجانا )

 

إذا بياناتك كلها سليمه ومافيه شيء غلط بتطلع لك هالصفحه واللي توضح لك أنك خلاص سجلت في المتجر الأن وفيه إيميل أنرسل على إيميلك عشان إكمال عملية التسجيل والتحقق من ملكية الإيميل

 

التسجيل في الابل ستور والايتونز


بتحصل هالرسالة في إيميلك .. ببساطة اضغط على كلمة : Verify Now


app store - ابل ستور

 

وبعدين بيفتح لك صفحه في موقع ابل تطلب منك تكتب الإيميل والباسورد اللي أخترتهم

وبكذا تكون خلاص سجلت بسلام

 

*  *  *  *

 

- لكل متجر بطاقته الخاصه .. يعني فيه بطاقة بريطانية وفيه بطاقة امريكية .. وعلى حد علمي لو تشتري بطاقة أمريكية ما تنربط بالحساب البريطاني والعكس

 

- في بعض الأحيان يكون فيه تخفيض للعبة أو تطبيق معين ويكون السعر خفض من " دولارين " مثلاً إلى " تطبيق مجاني " , ولكن لما تحاول تحمله ما يضبط معك ويطلب منك الشراء .. هنا يكون بس التخفيض يشمل مستخدمين المتاجر الأجنبية ( مثل : الأمريكي والبريطاني ) لأنهم في الغالب يحصلون على عروض تحميل اللعبة المدفوعة بشكل مجاني لفترة محدودة ( يوم أو يومين مجاناً مثلاً ) .

 


تابع ايضاً مواضيع مشابهه بخصوص حساب الآبستور:

 

1,200,823 زيارة  | 

الكلمات الدليلة : , , , ,

 

لمحة عن Mr. A

مهذب وخلوق واقطر ملح .. طبعاً ما يحتاج أقول لكم أن هذي مهيب صفاتي .. لا بس هذي هي الصفات اللي أحلم فيها : )
  • RSS

مواضيع عشوائية :

1,239 تعليقات حتى الأن.

  1. ام ساره قال:

    مشكووور على الشرح الوافي بصرااااحو استفدنا جزاك الله خير

  2. خالد قال:

    هلا اخوي شرحك وافي وكافي بس عندي مشكله وحده بس انا اللي معي ipod

    المشكله بـ> http://www.tichno.com/wp-content/uploads/app-store-account7.jpg

    يطلعلي 3 بس فيزا مستر كاد amex
    وش اختار بس هذا اللي طلع لي ياليت الرد ضروري

    لاني ضبطت كل شي باقي لي بس(card number)

  3. Mr. A قال:

    هلا أخوي خالد .. حياك ربي
    المفروض ما يفرق إذا ( اي بود ) أو ( ايباد ) أو ( ايفون ) حتى !
    لما دخلت وسويت الشرح .. التطبيق اللي أخترته كان مجاني ؟ .. تأكد أنك تدخل تختار برنامج ” مجاني ” وتسوي الشرح .. وإن شاء الله يضبط وتطلع لك كلمة ( none )
    وشكراً

  4. Mr. M قال:

    السلام عليكم انا الاجراءات كلها سويا لما جيت عند البطاقة مهو راضي تتطلع لي كلمة NONEوش الحل

    • Mr. A قال:

      هلا أخوي .. دخلت عن طريق الأيفون أو الأيباد للأبستور وبعدين أخترت برنامج ” مجاني ” وجربت تحمله وسويت الإجراءات اللي فوق ولا ضبط معك ؟ .. متأكد أنك اخترت مجاني ؟ .. تأكد الله لا يهينك

      • حلا قال:

        اكلو *** انت والاب ستور

        إمضاء مجهول اتحداكم تعرفوني

      • Mr. A قال:

        مهوب لازم نعرفك، اهم شيء انك انت عارف نفسك وعارف الاشياء اللي تسويها

        • مسـك قال:

          الله يسعدددددك ماقصرت شرح وافي وواضح جدا بس عندي استفسار وياليت تفيدني
          انا اول مااشتريت الايباد ماكان عندي حساب في الاب ستور ووديته لمحل وضبط لي اياه وحط ايميله هو وعطاني باس وورد ادخله واحمل
          المشكلة ان وحدة قالت لي انه يقدر يشوف كل شي انا ادخل عليه ويقدر يشوف خصوصيات كلها اللي بالجهاز خصوصا لان كل برامجي محمله بإيميله
          هل هو صحيح الكلام هذا؟
          واذا بضبطه بايميلي انا لازم احذف البرامج اللي هو حملها لي ؟
          بس
          لك خاالص شكرري وتقديري

        • Mr. A قال:

          اهلين اخت مسك،
          بالنسبة للحساب فهو يقدر يعرف اي برنامج حملتيه .. ولو كنتي مسويه تحديث للنظام الجديد ( iOS 5 ) فهو يقدر يشوف اي صورة تتصور بالجهاز + الأسماء ( الكونتكتس ) + ممكن يحدد مكان الجهاز بالضبط .. وما الى ذلك

          لو نظام جهازك قديم ما يقدر يعرف الا التطبيقات فقط، فتح الحساب سهل جداً وأنصحك تسوين لك واحد لك لان اللي هم جالسين يسوونه الان انهم يطبقون خدمات كثيرة مبنية على الحساب، فلازم يكون شخصي.

          الان لو بتفتحين حساب ما يحتاج تمسحين تطبيقاته ولا شيء، سوي تسجيل خروج من الحساب حقه من الابستور وخلاص سجلي بالجديد وخلي كل تحميلك وتعاملك عليه، ومع الوقت بتصير كل تطبيقاتك وشغلك على حسابك الخاص

          • Miss. K قال:

            مشكور الله يعطيك العافيه يارب
            طيب انابسوي لي حساب جديد بإيميلي
            بس شلون اخلي الِsign in
            تطلع اذا دخلت الأب ستور لإني اذا دخلت الأب ستور
            وجيت بحمل عى طول يطلع لي الايميل ويطلب مني الباس
            مايطلع لي الخيارات الثلاث اللي من ضمنها تسجيل حساب جديد
            وبالنسبة للايباد انا ايباد2 يقدر يشوف خصوصياتي والاسماء؟!
            وجزاك الله خير 

          • Mr. A قال:

            العفو، واياك يارب
            بالنسبة لطريقة تسجيل الخروج، في البداية افتحي الابستور وبعدين اختاري الخيار الأول من تحت على اليسار ( Featured ) بعد ماتفتح لك الصفحه، انزلي تحت لنهاية الصفحه وبعدين بتحصلين الاحساب حقك قدامك، اضغطي على الإيميل وبتطلع لك خيارات من ضمنها خيار ( تسجيل الخروج -- Sign out )

            بعدين خلاص طبقي الشرح الموجود في الموضوع عشان تفتحين حساب جديد، اما بالنسبة للبيانات حقتك يعتمد الموضوع على الإصدار حق الجهاز، لو التحديث الأخير يقدر يشوف الأسماء والاشياء ذي، ولو كان الاصدار قديم يقدر يعرف التطبيقات اللي حملتيها كلها

          • الذيب قال:

            ياالسلام عليكم ورحمة الله وبركاته أنا نسيت ألباس مال الاب ستور شوو الحل؟؟

          • Mr. A قال:

            وعليكم السلام ورحمة الله وبركاته،
            اخوي تحتاج تدخل هالصفحه :
            https://iforgot.apple.com
            وتكتب الايميل حقك وبتوصلك رسالة فيها رقم جديد ان شاء الله

          • شيمو قال:

            جزاك الله خير بس انا لما اكتب ايميلي يطلع انه غلط وانا متأكده اني كتبته صح

      • Mr.W قال:

        طبب انا ابي اسوي حساب بريطاني وماعرفت الكلمه

        • مسك قال:

          اللــِه يسلمك من كل شر ويجزاك الخير
          الحمد لله سويت لي حساب بإيملي بفضل الله ثم مساعدتك وجهودك
          ماقصرت معني انا والاخوات والاخوان اللي استفسروا
          اسأل الله ان يجعله في موازين حساناتك يارب العالمين

          ملاحظه
          مسك=miss.k

      • Hadeel قال:

        بصراحه إبداااع مشكووور يعطيك العافية
        سويت فينا خير
        بس الله لايهينك عندي سؤال
        لما أجي بحمل البرنامج مايرضى يتحمل ويطلعلي مربع مكتوب فيه [لايمكن الاتصال بstore
        تعذر انشاء اتصال آمن الرجاء التاكد من إعدادات التاريخ والوقت]
        تكفووون وش اسوي ):
        وشكراً

      • Mr. A قال:

        اهلين اخت هديل،
        بالنسبة لمشكلتك .. ادخلي على : الاعدادات >> عام >> الوقت والتاريخ .. وبعدين تأكدي ان الوقت والتاريخ مضبوطين تمام وشغلي الخيار ( الضبط التلقائي )، وان شاء الله يضبط معك

      • سوسو الحلوة قال:

        انا والله يا اختي سويت وخلصت بس البطاقة ابدا ما طلعتلي وانا طبعا بنتي عمرها 12 سنه وكيف اسوي تكفين ساعديني

    • ام عبوود قال:

      جزيتم خيرا على الشرح بس عندي استفسار الايميل اللي اكتبه ايميلي الخاص ولا اصلح إيميل لأني ابي اصلح وشكررررررراااااالhل

    • Mr. A قال:

      ام عبود .. تقدرين تستخدمين اي ايميل لك، سواء جديد او قديم .. اهم شيء يكون شغال عشان تفتحينه لما توصلك رسالة التفعيل حقت الحساب : )

  5. حمزة قال:

    انا ابي افتح حساب بس لازم فيزا الخيار الرابع ما يطلع الي هو بدون بطاقه وانا احاول انزل تطبيق مجاني كيف الطريقه تكفى ساعدني وانا اخوك

    • Mr. A قال:

      هلا أخوي , ياليت توضح أكثر .. أخترت أي متجر ؟ أمريكي , سعودي .. ؟ كنت تستخدم الايفون والا ايباد والا ايش ؟ .. وهل متأكد اخترت تطبيق مجاني ؟ .. تأكد ورد لي الله لا يهينك

  6. Nowayer قال:

    السلام عليكم

    طيب انا سويت حسابي سعودي

    وابي اسوي لي حسابي اجنبي ثاني

    وش رايك اسوي حساب امريكي ولا بريطاني

    و البطاقات الي تنباع عندنا في جرير توافق اي حساب

    ويعني لازم اغير ايميلي اذا منت ابسوي لي حساب جديد -- -” <مشورة -- -"

    • Mr. A قال:

      وعليكم السلام , تقدرين تسألينهم قبل لا تشترين البطاقة .. وبعدين اذا شريتيها سوي حساب بحسب مصدر البطاقة ( بريطاني , امريكي .. ) , وعلى فكرة .. ترى اعتقد هالكروت تنباع على الانترنت بأقل فائدة من جرير بكثير
      ,
      وايه لازم تستخدمين إيميل ثاني وقت التسجيل بحساب جديد .. مشوره من جد

    • جلال الغنزي قال:

      والله انا سويتها وزبطتتتتتت معاااااااااااااااااااااااااااااااي

      الله يوفقك يارب ويعطيك العافيه يالغلا غلى كل شي وربي تبعت الشرح لين ما ززبطت معاي كل الود والورد

  7. مجود قال:

    سويت نفس هالخطوات بالزبط واشتغل معي .. لكن وقف اليوم ونشبلي يقول العنوان خاطئ .. هل لديك حل تسعفنا به او عنوان امريكي صالح ^_^

  8. فارس قال:

    يعطيك الف الف عافيه

  9. شواقة قال:

    بصراحة الموقع حدة سهل وروعة

  10. nony قال:

    مشكور اخووي الله يوفقك

  11. nony قال:

    مشكور اخوي
    الله يوفقكـ
    الحمد لله ضبط معااي

  12. سعد قال:

    سلام عليكم كيف يمكنني تحميل برامج

  13. العتيبي قال:

    السلام عليكم
    اخواني انا نسيت الباسوورد والتاريخ وابي اسوي حساب من جديد اقدر؟

  14. toofee قال:

    عندي استفسار
    لما احمل برنامج ايتنز ع اللاب توب
    مايرضى يفتح يكتب خطا توافق
    علما بان الاصدار ويندوز 7

    ياليت القي طريقه لانو احتاج انقل صةتيات وفيديو من اللاب للايفون

  15. ريحانة قال:

    السلام عليكم
    اخوووي ساعدني وربي ضاايعة في الايفووون ضياااع
    تووه من يومين صار عندي
    ابغى انزل برامج حالي حال الاوادم
    مااعرف شي من اول ماشريته وديته مكان ركب لي كم برنامج وكم لعبة بس
    اليوم خليت احد من المعارف يركب لي الجليبرك وصار الجهاز ماااااااااااافيه شي
    ابغى على الاقل انزل الواتس اب كييييييف؟
    وفيه شي اسمه Installous قالي تنزلي منه البرامج طيب موعارفة كيييييييف موعارفة شي
    تكفى ساعدني

    • Mr. A قال:

      وعليكم السلام ورحمة الله
      أهلين، حياك ربي
      الله يهديك بس، ضايعه في الايفون ؟ .. كلها ضغطت زر والبرامج تتحمل .. الجهاز أسهل من ماتتصورين، أول شيء تحتاجين تفتحين لك حساب في الأب ستور

      -- من هنا تقدرين تشوفين الشرح :
      http://www.tichno.com/?p=216

      بعدين بتسوين زي ماسويت في بداية الشرح .. تدخلين الاب ستور وتدورين لك البرنامج اللي يعجبك وبعدين تضغطين على كلمة free ثم install ( في الصور هناك موضحه الطريقة أكثر ) .. وخلاص يتحمل لك البرنامج

      بالنسبه للجيلبريك وبرنامج الـ Installous، فـ طريقته قريبة من طريقة إستخدام الأب ستور العادي .. إذا عرفتي تستخدمين الأول بتعرفين للثاني على طول .. بيفرق معك بس أن هذاك يحمل لك البرنامج مباشرة أما الجيلبريك أو بالأصح الـ Installous بيخليك تحملين البرنامج من موقع تحميل

  16. مشكله قال:

    ياليت تعطينا شرح بس فالـ none والله مررره ما يبغى يدخل مزاجي عشان افهمه

  17. Raed قال:

    لا شكرًا والله اي باد اشتغل ونزلت البرامج

  18. meemoo قال:

    اخوووي يعطيك العافيه
    شرحك مررره اووكي وسهل

    بس والله العظيم عيى يطلعلي none

    داخله من الايباد .. وعلى تجر امريكي وقسمن اخترت برنامج free << حتى كذا مكتوووب عنده

    وغيرت ايميل وخربطت كل ابو شي زي الشرررررح
    بس عيى يطلع نون

    معي apple gift card وكاشخه فيها ابي احمممل
    واصير انسانه نظاميه .. بس عيى
    وش اسووووووي
    :"""(

    • Mr. A قال:

      اهلين، والله مدري وش السالفة.. انا سويت كذا وضابط معي مثل ماهو موجود في الشرح .. جربي سوي الحساب من الايتونز حق اللاب توب يمكن يضبط من هناك .. وبعدها استخدمي البطاقة حقتك

  19. dr infairness قال:

    عماااار
    هل لديك اي معلومات عن الجالكسي تاب يا باشا والبرامج الي تشتغل عليه

  20. LOLY قال:

    السلام عليكم
    مشكور اخوي على الشرح الي أدورها من يومين بس عندي مشكلة انه ماعندي من ضمن البيانات الستيت و فيب ( state/VIP ) عندي البوست كود رمز البريد ماعرف شنو أحط فيه وحتى الكود من وين أجيبه ؟؟؟؟؟ بلييز جاوبوني  

    • Mr. A قال:

      وعليكم السلام، البوست كود ورمز البريد يعتمد على حسب المتجر اللي انتي اخترتيه، اذا المتجر سعودي حطي عنوانكم ( صندوق البريد + الرمز البريدي ) اذا العنوان امريكي تقدرين تدخلين على اي موقع جامعة والا شيء حكومي ( امريكي )، والا مثلاً تكتبين في قوقل كلمة ( post code usa ) وبيتطلع لك عنواين جربي منها

  21. asmaa قال:

    اهلا اخوي

    اولا اشكرك من اعماق اعماق قلبي عالطريقه ماتصدق اش كثر فرحت لما سويت الحساب

    جيت انزل العاب نزلتهم بس بعدين ماادري وين يروحون حتى لما ارجع على نفس اللعبه يكون كاتبلي تم التثبيت بس اللعبه ماادري وين القاها :/

  22. ريم قال:

    هلا سويته بالضبط بس بعدين لما جيت افتح الايميل يفتح لي الصفحة اكتب الApple id والباسوورد بعدين يطلع حقي Enter your Apple ID to get started احطه بعدين اضغط نكست بعدين يطلع لي Select your authentication method.

    Email authentication: To access your information, we will send an email to the address(es) on file for you.
    Answer security questions: To access your information, you will answer
    واختار مال الايميل بعدين اضغط نكست بعدين يطلع لي هذا Email has been
    sent.
    When you receive your sign in information, follow the directions in the email to reset your password.

    Return to DS Vetting Client
    اضغط
    Return to DS Vetting Client
    يوديني صفحة itunes ولا يصير حقي حساب ولا شيء شسالفة ؟
    آرجو الرد ضروري بليـز

  23. الكابتن قال:

    يعطييكـ العـآآفيــة
    كفييت ووفييت
    الحمد لله سويت الحساب أخيرا بعد عدة محاولـآت

    لاكن عندي الـآي باد إذا سويتلهـ إقتران ما يشتغل ولا تطلع حتى علامة آي باد في الآي تونز

    • Mr. A قال:

      أهلين، الله يعافيك يارب
      قصدك لما تشبكه في اللاب توب الايتونز مايتعرف عليه؟ طيب جرب تشبك الايباد في لاب توب ثاني .. ولو ماضبط تأكد من السلك حقك

  24. الخالدي قال:

    السلام عليكم
    مششكور على الشرح الوافي

    بس صارت لي مشكله

    اللحين لاحطيت بياناتي من ايميل والسوال السري والباسورد

    وضغطت next

    ترجع نفس الصفحه ويكون فوق
    الايميل باللون الاحمر
    هالعباره

    that email is already used as an apple id

    مافهمت وش السالفه

  25. pixel قال:

    وأخيرا تحقق الحلم عقبال الجنه ان شاء الله
    الصراحه اول ما شريت الإيباد نحرت موضوعك ودايركت جلست اطبق الخطوات وعلى الله ضبط معي الحمد لله بس تحسفت يوم اخترت السعوديه لأني مالقيت شي يستأهل فيه غدين افتح حساب امريكي يمكن يطلع شي جديد

    شرح كافي ووافي يامستر ماحنا بلاقين أزين منه

    الا سؤال ماعندكم شروح مستقبليه عن كيفية تشغيل البلوثوت لانه عالن امعيي يشتغل معي وقالوا لازم جليبريك بس كثيرين ماينصحون فيه رايكم يا اهل الخبره

    • Mr. A قال:

      مبروك الجهاز
      بالنسبة للبلوتوث فـ هو للي جديدين على الأبل يشوفونه مهم ولازم يتفعل وكيف يقدر يرسل ملفات وكذا .. لكن بمجرد ما تستخدمين الجهاز فترة بتنسين هالتقنية .. وش الهدف من البلوتوث بالنسبة لك ؟

      إذا اضافات ملفات ( مثل الاوفيس / ورد -- اكسيل -- بي دي اف ) ممكن تنقل بالواير لس وبدون كيابل .. إذا افلام تقدرين ترسلينها واير لس مباشرة من لاب توبك للايباد وبدون كيبل برضو .. واذا الصور وغيرها ممكن ترسلينها عن طريق الايميل مباشرة .. حددي الصورة المطلوبة واضغطي ارسال من خلال الايميل وتنرسل .. واذا تبين تضيفين مجموعات صور للايباد تقدرين عن طريق الايتونز المعقد < <-- القلب حب عشان ينسيك العقد اللي في البرامج

  26. Mr. A قال:

    بالنسبة للجيلبريك فهو سهل عمله لكن عيوبه وشهي بالضبط مادري .. فيه كلام كثير ينقال عنه لكن انا من وجهت نظري الشخصية أعتقد إذا الشخص مابربس في الثيمات وفي التطبيقات اللي تكون تأثر على أداء الجهاز ( مثل يخلي الصفحات تتحرك من فوق لتحت بدال ماهي من يمين ليسار ) وأقتصر شغله في الجيلبريك كله على تحميل نفس الالعاب والتطبيقات الموجودة في الاب ستور لكن بـ الكراك .. أعتقد كذا مافيه ضرر ان شاء الله .. ولو حصل اي لخبطة سوي ريستور للجهاز وخلاص ارجعي مواطنة شريفة

  27. ALaa قال:

    السسلآم عليكم

    معليش انا تقريباً سويت كل شيء صرت ب الصفخه الخآمسه
    آللي فيهآ العنوان والرقم وكذآ لما اضغط على نكست ما يصير شيء ليش
    جد قهرني وربي مو مصدقه خلصت فرحآنه آخر خطوه وما يضبط معآي ليش .؟؟!

    بليييز سآعدوني يمكن عشآن العنوآن أو كذآ مو عآرفه , سآعدوني نكفووون

    • Mr. A قال:

      وعليكم السلام ورحمة الله،
      المشكلة في هالحالة يا اختي تكون من النت، ممكن بطيء والا عليه ضغط .. تحتاجين تجربين من جديد وقت ثاني وان شاء الله يضبط معك

  28. لمو قال:

    السلام عليكم اخوي
    لمن اجي افتح واسوي ليه حساب مجانا عند كلمت code يجيي احمر مع العلم اني اخليها فارغه وش الحكايه وانا ماعندي رفم تسلسلي وشكرا ارجو الرد ضروررررري

    • Mr. A قال:

      وعليكم السلام ورحمة الله وبركاته،
      أهلين أختي .. الحساب وشو امريكي ايش؟ وهل حطيتي ( none ) والا كيف؟
      المفروض مايطلب خانة كود ( ابل قيفت كارد ) ممكن انتي حاولتي تكتبين في الخانة وبعدين هونتي وعشان كذا صار يطلبها .. جربي سوي الطريقة من جديد وعلمينا وش يصير معك

  29. abdallah قال:

    انا اكتب كل شي بعدين اظغط nextويطول مرره ساعدني تكفى

  30. soso قال:

    السلام عليكم
    لوسمحت انا سويت حساب امريكي من الايباد ونفس اللي بالشرح وتطلع لي كلمة none

    واكمل البيانات وبعدين اذا سوين نكست يرجعني نفس الصفحة ويحط لي كلام بالاحمر ع كلمة كودي وكذا مره اغير المعلومات واسجل من جديد بس نفس الشي

    انتظر ردك ضروري

  31. علي قال:

    هه
    ما ابي شيء ماعليكم زود بس أنا لتخطف مني حساب اب ستور سلون اسوي حساب جديد

  32. عبد العزيز جون قال:

    السلام عليكم
    اخوي الحين سويت كل شي بس يقلي
    لم نستطع التحقق من عنوانك. تأكد من أنك دخلت المدينة الشارع الصحيح الدولة والرمز البريدي
    والحل معاه الله يعطيك العافيه

  33. الله يوفقك دنيا واخرة سويت حساب الحمد لله بعد عناء طويييييييييييييل

  34. محمد قال:

    لمن اكتب كلمة السر تطلعلي غلط ليش ارجو الرد

    • Mr. A قال:

      أهلين أخوي محمد،
      أتمنى توضح مشكلتك أكثر .. كتبت كلمة السر وين وطلعت غلط؟ وأنت تسوي تسجيل لحساب جديد والا وانت عندك حساب والا كيف؟

      عموماً، إذا كنت جالس تسجل وما طاع يقبل الكلمة اللي انت تكتبها فـ أكيد ما طبقت الشروط حقتهم وهي أن الكلمة لازم تتكون من 8 خانات، ولازم تكون فيها حروف وأرقام وحرف واحد كابيتل .. بالتوفيق

  35. ALaa قال:

    السلآم عليكم
    اي مشششكور أخوي جربت ثآنيه وضبط معآي الحمدالله يعطسك العاآفيه
    بس معليش فيه مشكله بسيطه انا حذفت الواتس اب بالغلط
    ولما جيت احمله من الاب ستور بقيمه معينه
    اقدر احمله بطريقه ثانيه بدون ما ادفع هالقيمه ..؟!
    ممكن أوديه لمحل الاتصالات بضبطه لي بس مو قادره
    >> بشغلك معاي بس شوي درج بالجوالات ما اعرف لها كثير

    • Mr. A قال:

      وعليكم السلام ورحمة الله وبركاته،
      أهلين .. العفو أهم شيء يكون ضبط معك
      انت كيف كنت محمل الوتس اب؟ اذا كنت شاريه بحسابك أو محمله وقت ما كان مجاني عادي تقدر تحذفه وتحمله على كيفك وبدون رسوم، المبلغ يندفع مره وحده فقط .. إذا البرنامج كان عندك عن طريق حساب المحل وهو اللي مركبه لك فـ ماتقدر الا تشتريه أو تدور أحد شاريه بحسابه أو محمله وقت ما كان مجاني .. وبكذا يقدر يركبه لك بدون رسوم .. أو ريح نفسك وأشتره

  36. Hanosh قال:

    السلام
    مشكوور اخووي على الشرح وكان واضح بس اللي ما عرفته انا ما عندي كوود شسووي ؟؟ 

  37. Hanosh قال:

    We couldn’t verify your address. Make sure you’ve entered the correct Street, City, State and Postal Code.
    ويطلعلي هااذاا. 

    • Mr. A قال:

      أهلين، يقول لك العنوان اللي كتبتيه غلط، تأكدي من الولاية والمدينة وصندوق البريد.

      جربي هالبيانات :

      Address 1 : 5170 Hudson Drive
      City : Hudson
      State : OH
      Zip : 44236
      Phone : 440-339-2222

      ان شاء الله يضبط معك

  38. Hanosh قال:

    مشكوووووور وضبط معااي الحمدالله 

  39. وحيدة الدرب قال:

    السلام عليكم
    انا عندي حساب سعودي وودي بحساب امريكي علشان البرامج اللي بفلوس وعندي بطاقة شريتها ب 50 دولار وش اختار من البطاقات الموجودة

    • Mr. A قال:

      وعليكم السلام ورحمة الله،
      تحتاجين تفتحين حساب أمريكي من جديد بإيميل جديد غير القديم المستخدم طبعاً، وبعدها تضيفين البطاقة للحساب ويضبط معك ان شاء الله .. بالنسبة لسؤالك ( وش أختار من البطاقات الموجودة ) مافهمته بصراحة ! مو تقولين شريتي بطاقة ؟

      • وحيدة الدرب قال:

        بطاقة التي تباع بمبلغ معين انا اشتريت بطاقة ب 50 دولار لكن اذا جيت اختار البطاقة مثل الفيزا او الماستركارد بالنسبة لهذه البطاقة وش اختار انا تعبت وشوي اصيح

    • Mr. A قال:

      اهلين،
      مايحتاج تختارين نوع البطاقة .. اختاري ( none ) عادي وبعدها في الخانة اللي تحتها ( code ) هي اللي تضيفين فيها الرقم.

      شوفي هنا في الصورة

      http://www.tichno.com/wp-content/uploads/app-store-account8.jpg

      وفيه طريقة ثانية .. لو كان عندك حساب قائم يعني سويتيه وخلاص، تدخلين على الابستور وبعدين تختارين اول خانه تحت يسار ( Featured ) وبعدين تنزلين تحت لنهاية الصفحه وبتحصلين ( Redeem ) اضغطي عليها وبعدها بيطلع لك خانة تكتبين فيها الرقم .. وبالتوفيق

  40. w3d قال:

    لـو سمححت أخخوي ~
    أنـآ جرربت الطرريقة مآ نفعت معآأإي ><"
    شششششًلوووون تككفى علمنــيً

    • w3d قال:

      ضغطت ع كلمة Free ” و install , زي مآ قلت ,
      وجججآأإت لي صفححة Apple id
      وكآتب لي إميل فـوووق , و تحت كلمة السسسررر ,
      ><"

    • Mr. A قال:

      مرحبا،
      أختي .. انتي فيه ( حساب ) مسوي تسجيل دخول في الابستور حقك الأن .. يا أما يكون راعي المحل ركب لك برامج .. أو يكون أحد من الأهل.
      عموماً، الحل سهل .. أدخلي على الابستور ومن الخيارات اللي في المستطيل اللي تحت تختارين أول خيار يسار ( Featured )، وبعدين تنزلين تحت لنهاية الصفحة وبتحصلين ( Sign Out -- تسجيل الخروج )، وبعدها جربي تطبقين الشرح وأن شاء الله يضبط معك

  41. مطر صيف قال:

    طيب الطريقة أنا معاي فيزا تسوق الراجحي،أرجو التوضيح

    • Mr. A قال:

      مرحباً اخي، وين السؤال عشان نوضح ؟
      فيزا الراحجي مدري أساساً تقبل المشتريات من موقع أبل وإلا لا؟ تحتاج تتصل على الرقم المجاني الخاص فيهم وتسأل .. بالنسبة للطريقة كيف ، لازم تفتح لك حساب سعودي وبدال ما تختار كلمة ( none ) تختار ( visa ) وتعبي بيانات بطاقتك، وان شاء الله يضبط معك

  42. لتين قال:

    الله يجزاك بالجنة ويوفقك دنيا وآخره
    وأخيراً عرفت كيف افتح الحساب من أسبوعين وأنا أطوف المنتديات وما عرفت

    ومره ثانية نقول يسلمووووو

  43. Losha :) قال:

    الله يعطيك العافية ، أنا أمس أشتريت آي باد 2 :)
    سويت الخطوة الأولى دوبي ، وضغط نكست ( Next )
    وجالس يتحمل على كلمة نكست ( Next )
    يعني مررررة بطييييء والإنترنت حق بيت خالتي 4 GB >> كويس !
    بس مررررة مطوووووووووول

    • Mr. A قال:

      اهلين، مهوب شرط سرعة النت تفرق .. ممكن يكون عندهم ٤ ميقا لكنه مضغوط وبطيء .. عموماً توك شاري الجهاز وقدامك وقت تستكشف .. بربس فيه الين ما يضبط نتكم

  44. Losha :) قال:

    خلاص !
    بس الرمز البريدي ( Postcode ) إنتَ ما عندك !
    وأنا عندي ، إش أكتب؟

  45. رنو قال:

    ثاااااانكس مشكوووووور

  46. Soso قال:

    مرحباً
    والله سويت الخطوات يعطيك الغافيه
    وتم كل شي بس ما ارسلو رياله على الايميل متورطه
    بلييييييز أبغى حل
    علما انو صارت نفس الخطوات والصور للنهاية

    ارجو الرد لو سمحت شكرًا


                                          

أخبرني بوجود تعليقات جديدة .

صفحة جديدة 2