تعرفنا على الآب ستور في موضوع سابق ( اضغط هنا )

وذكرنا بأنك بحاجة إلى التسجيل في المتجر لكي تستطيع التحميل من خلاله

نستعرض اليوم معاً طريقة كيفية التسجيل بحساب في الآب ستور app store

في البداية دعونا نوضح أنه يوجد عدة متاجر .. متجر للسعودية , متجر لكندا , متجر لبريطانيا , متجر أمريكا .. الخ

 

ماهو الفرق بين هذه المتاجر ؟ 

الفروق هي أنه يوجد لكل متجر إحصائيات معينة للبلد اللي أنت مختاره .. يعني مثلاً لو أفتح لي حساب وأختار المتجر السعودي خلاص بيصير المتجر يعرض لي أكثر البرامج اللي محملينها السعوديين وكذا .. وبرضو الأمريكي لما يفتح حساب في متجر أمريكي بيطلع له البرامج اللي يحملونها الأمريكان وهكذا

 

شلون تدفع مبلغ التطبيقات في المتجر ؟

عندك خيارين , إما أنك تربط حسابك ببطاقتك الإتمانية ( فيزا أو ماستر كارد ) أو تشتري بطاقة أسمها ( apple gift card ) وهالبطاقة زي بطاقة الشحن .. تشتريها ويكون فيها مبلغ مثلاً 50 دولار وتصير مربوطه بحسابك وكلما تشتري تخصم منها القيمة لحد ما يخلص الرصيد .. وفيه طريقة ثالثة وهي الجيلبريك لكن يقولون أن ستيف جوبز الرئيس التنفيذي لشركة آبل يقول أنه ما راح يحلل أي شخص يركبه

 

والأن نبدأ بشرح فتح الحساب

 

أولاً: نعرض لكم شرح فيديو لكيفية فتح حساب في الابستور من خلال برنامج الايتونز في اللاب توب

 

* * * *

ثانياً: نجي الحين لكيفية فتح الحساب المجاني في الآب ستور بالصور، أول شيء نفتح عليه ثم نروح لأي لعبة أو تطبيق " مجاني "

 

شرح فتح حساب في الآي تونز

 

نضغط على كلمة ( free ) ثم بعدها على كلمة ( install app )

 

creat a user in app store -تسجل حساب مجاني في متجر ابل

 

لازم تضغط على اللعبة المجانية وتحاول تحملها عشان تطلع لك الخيارات، لو ماسويت هالطريقة ما راح تقدر تسجل بدون بطاقة الفيزا

 

* الكلمة الأولى تضغط عليها لو عندك حساب وتبي تسوي تسجيل دخول مباشرة

نضغط على الكلمة الثاني عشان نبدأ عملية التسجيل في المتجر

 

طريقة التسجيل بحساب مجاني في الاب ستور 


هنا تختار متجر البلد اللي حاب تسجل فيه .. أنا عن نفسي أخترت أمريكا لأنك اذا تفكر بعدين تشتري بطاقة وتبي تربطها بالحساب ماتقدر اذا اخترت السعودية

 

فتح حساب في متجر ابل app store

 

هذي هي شروط المتجر .. اضغط على " agree " بعد ما تقراها طبعاً

 

شرح التسجيل في الآي تونز


تكتب الإيميل اللي تبي تسجل فيه , وتكتب لك سؤال سري وتضيف له جواب , وفي الأخير تاريخ ميلادك ولازم يكون صحيح وتحفظه لأنك بعدين إذا بتعدل على حسابك شيء أو اذا نسيت باسوردك بيسألونك عن التاريخ

 

طبعاً هذي الصورة قديمة شوي، حالياً ابل غيرت في السؤال السري وحولتها إلى ثلاث أسئلة سرية بدلاً من واحد ! وضروي تجاوب عليها كلها.

 

وبالنسبة للباسورد فهو معقد شوي الصراحة .. لازم يكون مكون من 8 احرف على الأقل .. ولازم يكون فيه حرف كابيتل وفيه ارقام بعد , وبرضو ما تكرر حرف أو رقم ثلاث مرات ورى بعض

وعلى سبيل المثال ممكن تستخدم أول حرف من أسمك وتسوي باسورد سهل زي كذا

أمثلة على باسوردات الآبستور:

Bb123456

b123456B

S123123s

E123e123

 

فتح حساب في الاب ستور

 

الخيارين اللي في النهاية هذي تسألك إذا تبي تشترك في الموقع عشان توصلك العروض والأخبار على إيميلك .. حط اللي يناسبك بعدين بنروح للصفحه اللي بعدها

apple store - متجر ابل

 

في الخانة الأولى نختار طريقة الدفع ( فيزا – ماستر كارد .. ) بالنسبة للي يبي الحساب يكون بدون بطاقة أو وسيلة دفع أخرى يختار كلمة ( none ) اللي هي الأخيره ..

 

ملاحظة : كلمة  ( none ) طلعت لنا لأننا كنا جالسين نحاول نحمل تطبيق مجاني .. إذا ما طلعت لك من ضمن الخيارات تأكد أنك ما اخترت برنامج مجاني أو أنك جالس تحاول تفتح حساب مباشرة من مكان ثاني

 

app store - التسجيل في متجر ابل بدون بطاقة 

 

تعبيء بياناتك باللي يناسبك .. انا عن نفسي سميت نفسي عبدالعزيز جون

الخانة ( code ) هي الخانة اللي تضيف فيها الرقم التسلسلي حق البطاقة إذا عندك بطاقة وتبي تربطها بحسابك

 

التسجيل في متجر ابل وربط بطاقة الاي تونز بالحساب


نكمل البيانات ومن ثم ننتقل للصفحه اللي بعدها

 

التسجيل في متجر ابل بدون بطاقة ( مجانا )

 

إذا بياناتك كلها سليمه ومافيه شيء غلط بتطلع لك هالصفحه واللي توضح لك أنك خلاص سجلت في المتجر الأن وفيه إيميل أنرسل على إيميلك عشان إكمال عملية التسجيل والتحقق من ملكية الإيميل

 

التسجيل في الابل ستور والايتونز


بتحصل هالرسالة في إيميلك .. ببساطة اضغط على كلمة : Verify Now


app store - ابل ستور

 

وبعدين بيفتح لك صفحه في موقع ابل تطلب منك تكتب الإيميل والباسورد اللي أخترتهم

وبكذا تكون خلاص سجلت بسلام

 

*  *  *  *

 

لكل متجر بطاقته الخاصه .. يعني فيه بطاقة بريطانية وفيه بطاقة امريكية .. وعلى حد علمي لو تشتري بطاقة أمريكية ما تنربط بالحساب البريطاني والعكس

 

في بعض الأحيان يكون فيه تخفيض للعبة أو تطبيق معين ويكون السعر خفض من " دولارين " مثلاً إلى " تطبيق مجاني " , ولكن لما تحاول تحمله ما يضبط معك ويطلب منك الشراء .. هنا يكون بس التخفيض يشمل مستخدمين المتاجر الأجنبية ( مثل : الأمريكي والبريطاني ) لأنهم في الغالب يحصلون على عروض تحميل اللعبة المدفوعة بشكل مجاني لفترة محدودة ( يوم أو يومين مجاناً مثلاً ) .

 


تابع ايضاً مواضيع مشابهه بخصوص حساب الآبستور:

 

1,319,923 زيارة  | 

الكلمات الدليلة : , , , ,

 

لمحة عن Mr. A

مهذب وخلوق واقطر ملح .. طبعاً ما يحتاج أقول لكم أن هذي مهيب صفاتي .. لا بس هذي هي الصفات اللي أحلم فيها : )
  • RSS

مواضيع عشوائية :

783 تعليقات حتى الأن.

  1. soso قال:

    مراحب يعطيك العافيه خيو شيبت رموشي وجاني احباط بقوووهسوي لي ايميل هديه لوجه الله تكفى-كل ايميلاتي استهلكتها وحتى ايميلات اخواتي واوصل لمرحلة التفعيل في الايميل وتخرب كل حاجه وين الخلل مدري

  2. s7 قال:

    سؤال اخوى اذا كنت ابي احدث الى اصدار احدث ياخذ وقت كثير ولا لا
    لانى صرت ابي احدث وكتب لى 7 ساعات يحتاج ومدرى اذا طريقتى صح اصلا ولا لا
    ياليت تقدر تفيدنى خيو ^_^

    .

    ودى

    • Mr. A قال:

      اهلين، المفترض يجلس ساعه او ثنتين بالكثير .. قد تزيد لكن هذي تعتمد على سرعة النت عندك .. ممكن تحملينه من رابط مباشر خارج الايتونز وبعدين تسوين الريستور، اسرع لك

  3. مومو قال:

    مشكور
    بس انا عندي مشكلة في الباسورد
    مليت جربت كل شئ ما نفع
    بليز عطوني حل

  4. منال قال:

    السلام عليكم
    الف شكر ع الطريقة
    اتبعتها بس عندي مشكلة
    اذا جيت احمل لعبة من الاب ستورر يجي هذا الكلام
    YOU have not verified your applr iD

    tap ok to review the instructions on how to verify your apple iD

    يجي خيارين اوكي او كانسل
    ضغطت ع اوكي
    يجي كلام وتحته خيار [Resend Verification Email]
    اخترته و ع طول يرسل ع ايميلي رساله من ابل
    وبعد اخيار الخيار ما تتغير الصفحة بس يجي تحت الخيار
    your verification email will be resrnt
    ويعلق ع هالصفحة
    لما افتح رسالتهم تكون نفس الرسالة اللي فيها

    Verify Now >
    اضغطة وتستمر نفس الخطوات لحد
    ووووش الحل تعبت مرررره الله يجزاك الف خير

    • Mr. A قال:

      وعليكم السلام ورحمة الله وبركاته،
      بالنسبة لك فـ حسابك غير مفعل، يحتاج تسوين خطوة التفعيل عن طريق الايميل .. الايميل اللي وصلتك واللي فيه كلمة ( Verify Now ) بمجرد ماتضغطين عليه بيفتح لك صفحه فيها خانتين .. اكتبي الايميل حقك والباسورد وبيتفعل مباشرة ان شاء الله

  5. s7 قال:

    اخوى الريستور يطول معى ودى احدثه بسرع وقت بس شنو اسوى والله تعبت
    ياليت تقدر تفيدنى اخوى

    ومرسي ع كل شي تعبتك معى

    • Mr. A قال:

      اهلين، طيب فيه حل ان شاء الله يكون اسرع .. بس يفضل يكون عندك برنامج تحميل ( زي الداونلود مانيجر أو برامج التورنت ).

      هذا الرابط:
      http://appldnld.apple.com/iPhone4/041-3309.20111109.64rtg/iPhone3,1_5.0.1_9A405_Restore.ipsw

      هو رابط تحميل الملف حق التحديث .. حمليه عندك على الجهاز .. ولما يخلص افتحي الايتونز وسوي لجهازك باك اب وانقلي ملفاتك وبرامجك وكلي شيء وبعدين اضغطي زر الـ ( شيفت -- Shift ) الموجود في الكيبورد واضغطي في نفس الوقت على كلمة ريستور الموجودة في الايفون .. بتطلع لك نافذة تخليك تستعرضين جهازك عشان تختارين ملف التحديث .. وبعدها بيسوي التحديث مباشرة ان شاء الله

  6. ساره قال:

    السلام عليكم
    اللللللللف شششكر يااخووي ع الوصف الرررائع بس عندي مششكله م ل

    فتحت حساب وكللش تممام بس لمي جيت بحمل رجع لي لصفحه حقت الكارد والفيز وهالاشياء مافهمت تكككفى يخوي ساعدني بسسرعه

    • Mr. A قال:

      وعليكم السلام ورحمة الله وبركاته،
      للاسف ما مرت علي مشكلتك قبل كذا .. يعني انتي فتحتي الحساب وسويتي خطوات التفعيل عن طريق الايميل وكل شيء؟

  7. Toot قال:

    طيب ايش تنصحنا تطبي قات حلوه في الحساب الامريكي ويصيرعلى الاصدار الجديد5.0(9A334)

    • Mr. A قال:

      التطبيقات اللي في الحساب الامريكي تقريباً نفسها في الحسابات الثانية، يعني مافيه فرق يذكر .. لو عاجبك تطبيق في حساب سعودي او غيره دوريه في الحساب الامريكي وبتلقينه .. انا عن نفسي مافي بالي تطبيقات معينة .. واساساً يعتمد على استخدامك للجهاز .. تستخدمينه للافلام والا للالعاب والا ايش ؟ شوفي ميولك واطلعي على التطبيقات

  8. Toot قال:

    ما فهمت يعني اول شي ادخل احسابي القديم يعني
    مافهمت
    معليش تعبناك يامستر والله انك اجودي

  9. shosho قال:

    Mr.A
    الله يجزاك كل خير ويجعلها بموازين حسناتك ماقصرت ومشى معي مثل الحلآوه
    شكراً لك

  10. إسراء قال:

    اخوي
    انا سووويت نفس الخطوات الا فوق
    بس ما بتطلع لي الـ none
    في المعلومات البنكية
    و ما ني عارفة ايش اسوي
    و انا متأكده ان التطبيق مجاني

  11. لمى قال:

    يا اخي العزيز
    انا سويت اللي قلت عليه وضضبط وصلت عند
    card number
    security code
    وكل ماحطيت رقم يعيي بحثت عنها مالقيت

    مع العلم اني دبشه بالاي فون \

  12. يوسف العزيزي قال:

    السلام عليكم
    اخوي عبدالعزيز

    انا سجلت بالاب ستوور منذ مبطي 

    والحين جيت ابي اضيف رقم الفيزا حقتي
    بس يطلعلي السكيورتي كود ولا ادري وش سالفته

    ياليت تفيدني خيوو
    انتظرك

  13. ميمووو قال:

    بليززززززز
    نسيت الرقم السري حق الابل ستوري
    ابي الحلللللل

    ياليت احد يررررررررررررررررررررررررررررررررد علي ويكسب اجري

  14. ميمووو قال:

    ما اقول غير

    ((ربي يجزاك جنة عرضها السموات والارض ))
    حليت لي ازمممممممه

  15. مششكور آخووي..~
    آخوي آنآ آحممل الآلعآب من آيميل وحده من صديقآتي ..
    يحمل معي بس في الآيآم الآخييره مآ يحممل وآليوتيوب مآ يششتغل مآ آدري لييش
    آنآ لمآ آججي آفتح حسآب جدييد يطلع لي نفس آيميل صديقتي آنآ آبي آغييره

    • Mr. A قال:

      بالنسبة لوضعك فـ تحتاجين اول شيء انك تسوين تسجيل خروج من الحساب حقها، افتحي الابستور وبعدين روحي للخانة الأولى على اليسار تحت ( Featured ) بعدين انزلي تحت لنهاية الصفحه واضغطي على الايميل بعدين اختاري ( sign out — تسجيل خروج ) .. كذا تكونين طلعتي من الحساب القديم خلاص، بعد كذا طبقي الشرح الموجود في الموضوع ويضبط معك إن شاء الله

  16. عنددي سسؤآل …
    آنآ متآكده آنوو آيميل صآحبتي صحيح وآلكلمه آلسسريه كمآن صحيحه في الآب سستور
    بس لمآ آجي آحممل يكتب لي تعذذر آنششآء آتصصآل يجب آلتحققمن آعدآدآت آلتآرييخ وآلوقت لو سسمحت آخووي وش آللحل .؟

  17. رورو قال:

    هااي ممكن طلب انا سويت الي في الشرح بس دقيت ع نكست وطول معايا ايش اسوي ساعديني بليززز

  18. مها قال:

    سلام عليكم
    اخوي انا سويت الطريقه وطلعت صح لاكن ما عرفت ايش احط اذا جيت بحمل
    اقصد بخانة
    البريد والباسورد حطيت الباسورد الي زي الصوره والبريد انا سويته وكمان الباسودر مو نفسه لاكن ما صلح ممكن تفدني ؟؟؟

    • Mr. A قال:

      وعليكم السلام ورحمة الله وبركاته
      اهلين، بعد ما تسوين الحساب وتفعلينه وكل شيء، تكتبين البريد الإلكتروني في الخانة الأولى وفي الثانية تكتبين الباسورد اللي اخترتيه، وتأكدي انك تكتبينه زي ما اخترتي يعني لو الارقام بالانجليزي تكتبينها بالانجليزي مو بالعربي لانها تفرق بالنسبة لهم

  19. منووو قال:

    والله بصرااااااااااااااااااااحه الف الف الف شكر الله يعطيك العافيه بجد انسان صبور قواك الله انا كنت انزل من حساب صديقتي وتو صلحتلي حساب جديد بفضل الله ثم بفضلك

  20. فطوم قال:

    واللة مافهمت شي واللة مادري وينهي هابه

  21. سلطان قال:

    مشككور على جهدك في الكتابة و الوعمل منتدى مشكووووووووووووووووور

  22. محمد قال:

    السلام عليكم مشكور ماقصرت ولا كن وش اكتب في cope

    • Mr. A قال:

      وعليكم السلام ورحمة الله، قصدك كلمة code؟ هذي تكتب فيها الكود الخاص بالايتونز قيفت كارد لو كانت عندك .. لو ما عندك عادي تتركها فاضية

  23. جارين قال:

    لو سمحت انا سويت مثل ماقلت لاكن الي جاعدك صفحات مو نفس الللي عندي الشرح مو تمام الرجو التزبيط كلو جاني مو زي حقك

  24. نوني قال:

    لو تفهمني ميون مره ما افهم

  25. سمر من الخبر قال:

    تستحق الشكر والله انا كنت مضيعه بقوه بس مع شرحك الرائع ضبط معي

  26. 911 قال:

    صباح الخيرات والمسرات ان مسجل في الأبل استور ok بس لما ابغى انزل برامج جديده يطلعلي ايميل واحد ثاني كيف احذف ايمله
    وتحياتيييييييييييييييييييييييييييييييي

    • Mr. A قال:

      افتح الابستور بعدين اختر الخيار الاول تحت على اليسار ( Featured )، انزل لنهاية الصفحه بتحصل الايميل .. اضغط عليه بعدين اختر كلمة ( Sign out -- تسجيل خروج ) وخلاص

  27. jpjp قال:

    لوسحمتو كيف اجيب الكارد نمبرررررررررررررر
    وانا ماطلع الخيار الي مجاني

  28. دحووم قال:

    الواي فاي عياا ماايدوور

  29. احمد قال:

    مشكور جزاك الله خير

  30. فطوم قال:

    واللة اني مافهمت شي ماادري وينهي هابة بس اخوي سوووووالي

  31. نايف قال:

    سلام عليكم
    يعطيك الف عافيه

    حاولت انزل برامج بفلوس
    ويطلعي كوود سكرتي

    دخلته ورفض

    امااااااااااا وش نوع المتجر الي انا داخل فبه ماني ذاكر والله

    وش الحل

  32. نايف قال:

    اي بطاقه

    انا ادخل بطاقة البنك مادري تضبط او لا

    او فيه بطاقه معينه

    مشكووووووووووور اخوي

  33. لالااااالالا قال:

    انا عندي مشكلة في الايبود اذا جيت اسجل الدخول يطلع كلام انجليزي

  34. نايف قال:

    كيف اعرف حسابي سعودي او غيره

    اماا اذا بتقول عند تسجيلك يطلعلك ماني ذاكر

    كيف اعرف هل له طريقه لمعرفة الحساب وشو

    • Mr. A قال:

      اهلين، افتح الابستور .. اضغط كلمة feature وبعدين انزل لنهاية الصفحة ، بتحصل ايميلك اضغط عليه وبعدين اختر الخيار ( view account ) بتطلع لك بيانات حسابك ومن ضمنها بتشوف الحساب حقك وشهو من لحية :)

  35. نايف قال:

    طلع لحيه غانمه

    هههههههه

    بس حبيبي انا انلحس مخي

    اقدر اقابلك سمعت انك من رياض

    وانا في رياض

    من حي البديعه

  36. نايف قال:

    حاولت ارسلك عن طريق الهوت مايل ورفض

  37. لمى قال:

    ششكرن لك
    ضبط معاي بس الحين حملت برامج وكويس معاي بعدين خلص شحنه وتقفل شحنته ولما فتحته بفتح البرامجج ماقدرت

    لما افتح برنامج الواتس او اي برنامج محادثه
    يششوتني ويطلعني للصفحه الرئيسييه ؟؟؟
    ليه !!!

  38. لموـش قال:

    السلام عليكم

    انا سوويت كل الي قلت عليه وبالعذاااب بعديين وقفت عند الصفحه الثانيه
    اخترت None ويطلع لي فوق الخيارات كتابله بالون الاحمر مو عارفه وين الخطاء فيه ماوضح له بالضبط ولا كل شي صح الا هذاا
    وفي codeفاضي ماحطيت فيه شي شنو اعبيه
    وربي تعبت الله يجزاك خير قولي

    • Mr. A قال:

      وعليكم السلام ورحمة الله وبركاته،
      بالنسبة لكلمة code فـ مو لازم ينكتب فيها شيء .. اما بخصوص الكلام الاحمر لازم تشوفين وش الخانة المحدده بالاحمر عشان تعرفين وش الخطأ بالضبط .. ياليت لو تطلع لك رسالة خطأ تكتبينها عشان نعرف المشكلة

  39. jojo قال:

    السلام عليكم
    انا مشكلتي اني اسجل بالايباد نفسس الطريقه فوق
    لكن بعد ما اضغط نكست يطلع لي كلام بالانجليزي
    you cannot create an apple id because you do not meet the minimum age requirement
    وفي كل مره اسجل يطلع لي كذا مع اني اغير تاريخ الميلاد كل مره
    وش اسسوي ؟؟

    • Mr. A قال:

      وعليكم السلام ورحمة الله وبركاته،
      أهلين .. بالنسبة لمشكلتك فهي ان عمرك اقل من العمر المطلوب .. كم كتبتي عمرك؟ سنة كم تاريخ الميلاد؟

  40. 'مازن قال:

    انا ادخل على اب ستةر واحمل وكل شي بعدين ينزل علي شاشه ويقول(((Forhet Your Passwprd)))) وش الحل ارجو الرد باسرع وقت

    • Mr. A قال:

      أهلين .. أعتقد أنك دخلت كلمة المرور غلط أكثر من مرة والحين حسابك قفل .. لازم تسوي له تغيير لكلمة المرور، أدخل هالرابط :
      https://iforgot.apple.com
      واكتب ايميلك وكمل الخطوات وبيرسلون لك ايميل فيه رابط .. تدخله وتكتب كلمة المرور الجديدة .. طبعاً كلمة المرور لازم تكون اقل شيء مكونه من 8 خانات، وفيها ارقام وحروف ( كابيتل وسمول )

  41. مجرد خخقه قال:


    مشكور بس لو انه بالعربي >>هيا برااأإ

  42. سلمان الملحم قال:

    هلا والله وغلا ..

    اخووي انآ عندي حساب في الاب ستور ..

    لكن صارت لي مشكلــه .. وابي لهآآ حل ..

    انآ ابي اسوي ابديت للألعآآب يا الغالي

    وانآ ضغطت .. شفت اييمل غير ايميلي ..

    وش الحل ..؟

  43. ابو محمد قال:

    اخي الكريم انا اعمل كل الخطوات ولاكن لا تظهر لي ايقونه none الله يعطيك العافيه كيف الطريقه جهازي فور اس الله يكتب اجرك

  44. بو عبدالرحمن قال:

    أبوي طبقت الشرح اللي حطيته

    ولما ييت للفيزا

    ما ظهرت عندي كلمة Non

    ما فيه إلا فيزا وماستر ووحدة ثانية نسيت كلمة (Non) مو موجودة من ضمنهم

    مع أني حريص واخترت البرنامج مجاني

    شنو الدبرة الحين

    ردك ولد عمي

  45. بو عبدالرحمن قال:

    على فكرة عندي حساب ثاني مسجل فيه الفيزا مالي صادرة من الكويت

    وحبيت يكون لي حساب امريكي يقولون انه ازين بعض البرامج ما تطلع في الستور الكويتي

    ولكن للاسف كلمة Non ما ظهرت عندي لما ييت اسجل

  46. آمونا قال:

    مرحبآ آخوي ..

    آنا سؤالي شاطح شوي هل اقدر احمل الواتس اب عن طريق هالحساب مجاناً

    ولا الواتس ضروري جلبريك او من نفس المحل

    وشكرا

    • Mr. A قال:

      اهلين .. اذا بتسوي حساب جديد بتضطر تشتري الواتس اب لانه بفلوس .. ممكن تسوي حساب وتنتطر البرنامج لما يسوون عرض عليه ويكون مجاني ووقتها تحمله. او تحمله عن طريق حساب زميل لك وتريح نفسك

  47. آمونا قال:

    طيب شوكرن كثيرن

  48. عنــــــــــــــــــــودي قال:

    تكفا اعطيك ايميلي وتسويلي حساب لاني سويت الخطوات وما زاان ياليت تساعدني


                                          

صفحة جديدة 2