شرح طريقة تغيير الأسئلة السرية في حساب الابستور

الابستور - apple id - appstore

مؤخراً اضافت شركة ابل خانة جديدة ضمن خانات التسجيل لحساب الابستور، وهي خانة السؤال السري والغرض منها زيادة الحماية للحسابات وخصوصاً الحسابات المربوطة ببطاقات إئتمانية، طبعاً بالنسبة للناس اللي مسوين حسابات قبل لا تنضاف سالفة السؤال السري وقفت حساباتهم وطلبت ابل منهم اضافة أسئلة سرية عشان يقدرون يستخدمون الحساب، وطبعاً من باب التسليك أغلبنا ( وأولكم أنا ) كتب أسئلة وإجابات أي كلام وأكتشف بعدين انه ما يعرف الإجابات أو نساها

نسيت السؤال السري الخاص بحسابك في الابستور ؟ الحل سهل وهو أنك تدخل على صفحة حسابك وتعدل السؤال السري .. خلونا نشوف كيف الطريقة ..

اولاً تفتح هذا الرابط

https://appleid.apple.com

بعدين تختار كلمة Manage your apple ID

تغيير السؤال السري في حساب الابستور الخاص بتحميل البرامج

بعد كذا تكتب بيانات حسابك ( البريد الإلكتروني وكلمة المرور )

تغيير السؤال السري في الابل اي دي

بعدين تضغط على Password and Security

شرح كيفية تغيير السؤال السري في الابل ستور

الان تضغط على الرابط الموجود في الاسفل – Send reset security info email 

وطبعاً راح ينرسل لك إيميل على بريدك المسجل عندهم

how to change the security question is apple id

الان تفتح ايميلك وبتحصل رسالة من ابل، تفتحها وتضغط على الرابط الموجود

Reset your apple ID security questions and answers

تغيير السؤال السري في ابل

بعد ما تضغط على الرابط بتفتح لك هذي الصفحة

 

قدامك ثلاث خانات .. تختار لكل خانة سؤال يناسبك من الاسئلة الموجودة وتجاوب عليه، طبعاً لازم تجاوب عليها كلها

وبكذا تكون خلاص غيرت السؤال السري وإجابته لحسابك الابستور


تابع ايضاً مواضيع مشابهه بخصوص حساب الآبستور:

56 تعليقات

    • أهلين .. مافهمت يعني ماحصلت تحت خيار التغيير قصدك؟
      عموماً، جرب تفتح الصفحه الرئيسية لحسابك .. زي هالصورة
      https://www.tichno.com/wp-content/uploads/change-apple-id-security-question4.jpg

      بتحصل تحت على اليمين خيار إضافة إيميل إضافي .. اللي هو الايميل المنقذ في حال فقدت إيميلك الاساسي. جرب تضيف ايميل ثم حاول مره ثانية تغيير الأسئلة السرية. إن شاء الله يضبط معك tch40

  1. السلام عليكم

    عندي مشكلة في طلب إرسال الأسئلة السرية

    لا يتم إرساله أيش ممكن المشكلة

    وهل هناك خدمة عملاء

    بوركتم tch14

    • وعليكم السلام ورحمة الله وبركاته،
      أهلين .. لما تدخل وتضغط على رابط إرسال الإستعادة على ايميلك .. اللي في هالصورة

      https://www.tichno.com/wp-content/uploads/change-apple-id-security-question3.jpg

      ايميلك مكتوب تحت والا لا؟ وهل شيكت على الجنك ميل ( البريد الغير هام )؟

  2. السلام عليكم اخوي انا حاولة الف طريقه وطريقه ماضبط معاي بخصوص خيار استرجاع الاسأله مايطلع شنو الحل في ٣٠٠ دولار حتي مراسله راسلتهم ولا في فايده عطونا حل نفهم الخيار الي تحت الاسأله مايطلعبي

    • وعليكم السلام ورحمة الله وبركاته،
      أهلين .. بالنسبة للإيميل الخاص بالإستعادة اللي مايطلع لك جرب تفتح الصفحه الرئيسية لحسابك .. زي هالصورة
      https://www.tichno.com/wp-content/uploads/change-apple-id-security-question4.jpg

      بتحصل تحت على اليمين خيار إضافة إيميل إضافي .. اللي هو الايميل المنقذ في حال فقدت إيميلك الاساسي. جرب تضيف ايميل ثم حاول مره ثانية تغيير الأسئلة السرية. إن شاء الله يضبط معك

  3. السلام عليكم
    لوسمحت أخوي هذه الطريقة قديمة و ما اقدر أسوي reset for the security questions و أنا متوهق الحين تقدر أن ساعدني و تقولي إذا في حل و يعطيك العافية

    • وعليكم السلام ورحمة الله
      وش المشكلة عندك بالضبط؟ الطريقة جديدة واليوم انا مسويها

      عموماً، جرب تفتح الصفحه الرئيسية لحسابك .. زي هالصورة
      https://www.tichno.com/wp-content/uploads/change-apple-id-security-question4.jpg
      بتحصل تحت على اليمين خيار إضافة إيميل إضافي .. اللي هو الايميل المنقذ في حال فقدت إيميلك الاساسي. جرب تضيف ايميل ثم حاول مره ثانية تغيير الأسئلة السرية. إن شاء الله يضبط معك

  4. ياغالي معليش لا استطيع روئية خيار ارسال رسالة استعادة الاسئلة الخيار الي تحت السوالين لايوجد وانا حسابي فيه مبلغ ولا استطيع استعادة تقدرو تساعدوني

    • أهلين، جرب تفتح الصفحه الرئيسية لحسابك .. زي هالصورة
      https://www.tichno.com/wp-content/uploads/change-apple-id-security-question4.jpg
      بتحصل تحت على اليمين خيار إضافة إيميل إضافي .. اللي هو الايميل المنقذ في حال فقدت إيميلك الاساسي. جرب تضيف ايميل ثم حاول مره ثانية تغيير الأسئلة السرية. إن شاء الله يضبط معك

  5. لو سمحت أخوي
    عندي مشكلة إني ناسية من الأجوبة، وما يطلع لي خيار استعادة الاسئلة
    مع العلم إن عندي الايميل المنقذ؟

    ولا يوصلني فيه شي !

    والحين حسابي ما اقدر اشتري منه :/

  6. السلام عليكم اخوي بصراحة فرحت لما شفت الموضوع وتحمست لشرحك
    بس انا عندي نفس المشكلة اللي واجهة الجميع خيار ارسال رسالة بالريد ما ظهر معي
    حتى بعد اضافة البريد المنقذ
    تكفى الحل الله يسعدك ويرضى عليك tch10

    • وعليكم السلام ورحمة الله وبركاته،
      بعد إضافة الايميل المنقذ هل فتحته وسويت إثبات ملكية للإيميل؟ المفترض توصلك رسالة على ايميلك المنقذ اللي اضفته وفيها رابط Verify now .. تضغط عليه وبيطلبون منك تكتب ايميلك الاساسي ( حق الابستور ) وكلمة المرور حقته، عشان يرتبط معه.

      • السلام عليكم ورحمة الله اخي ما كنت مفعل البريد صح بس الحين فعلت الحساب وحط لي اشارة صح للبريد المنقذ
        اتبعت الخطوات المشروحة مرة ثانية بس نفس الشي خيار ارسل الجواب بالبريد غير موجود يعني المشكلة مثل ماهي
        لاتتضايق الله يفرج همك يارب ارجو منك الافادة الله لايحرمك جنته tch2

        • وعليكم السلام ورحمة الله وبركاته،
          للاسف مالك حل الا تتواصل مع دعم ابل الفني.
          http://www.apple.com/support/itunes/contact/

          .
          .
          هذي الصفحه فيها معلومات عن الموضوع :
          http://support.apple.com/kb/HT5312

  7. عزيزي انا مالقيت حل ومشكلتي

    ما اعرف انجليزي ولا اعرف كيف اتواصل معهم

  8. آلسـَلآم عليـڪـَـَم وَرَحْمــَـہ آللًـہْ
    انا نسيت اجوبة الامان حق الاب ستور هل من حل
    وشكرً

    • وعليكم السلام ورحمة الله .. طبق الشرح الموجود إذا ماضبط معك مالك الا تتواصل معهم او تسوي حساب جديد

  9. السلام عليكم انا فقت الايميل المنقذ واريد تغييير الايميل المنقذ من اجل ارسال الرساله

    • وعليكم السلام ورحمة الله وبركاته
      مرحباً، ادخل على حسابك واضغط على Add Email Address زي اللي في هالصورة تحت:

      http://1-ps.googleusercontent.com/h/www.tichno.com/wp-content/uploads/700x373xchange-apple-id-security-question4.jpg.pagespeed.ic.dNYT0FrX1_.jpg

      واضف ايميلك الجديد اللي تبيه وبعدين سو له تفعيل من ايميلك الجديد بعد ماتوصلك الرسالة عليه وخلاص

  10. السلام عليكم
    نسيت اجابة السوال لحساب الايتونز وجربت طريقتكم ما صارت لان ما يعطيني خيار تحت كلمه السر ويست ابل اي دي سيكرتي ماطلع هالخيار!!!
    ليش واذا ممكن تستعدوني
    وشكراًً

    • وعليكم السلام ورحمة الله وبركاته،
      مرحباً .. حاول تضيف إيميل منقذ لحسابك بحيث يكون يرسلون له رسالة الإستعادة عليه .. لو ماضبط معك مالك الا تتواصل مع ابل

  11. سلام عليكم

    والله جربت كل شي حتى الروابط الاخيره ولا في فايده شنو هم يبون يلطشون فلوسنا

    والشغله الثانيه جميع الاجهزه تشتري عادي الا جهازي الجديد نرجو المساعده وشكرا

    • وعليكم السلام ورحمة الله وبركاته،
      مرحباً .. اذا ماضبطت معك الطريقة مالك الا تتواصل مع ابل .. المشكلة في جهازك انه جديد وسياستهم التأكد بانك فعلاً صاحب الحساب وعشان يتأكدون لازم تجاوب على الاسئلة اللي انت اخترتها لحسابك tch34

  12. السلام عليكم
    لو سمحتم انا باسواردي وكل بقيه المعلومات مااعرفها
    لانه المحل اللي اشتريته منه هو اللي سواه لي
    وكل مايطلب مني الاسم اكتب اسمي يسير خطأ أو اي معلومه ثانيه تكفون ساعدوني

  13. السلام عليكم،
    اناشفت الاسئله المطروح من الاخوان بس مالقيت سوالي اللي بسالكم ويليت تفدوني فيه حاولت ادخل السوال السري اكثر من مره وقفل معي الحساب دخلت ع الابل اي دي وطلبت ارسال ع الايميل لتعديل الاسئله ولا وصل شي
    هل يطول البريد من الابل او فيه طريقه ثانيه..؟
    ارجوا الافاده لاهنتوا

    • وعليكم السلام ورحمة الله وبركاته،
      مرحباً .. لا الرسالة توصل مباشرة، إذا ماوصلتك فـ غالباً ما راح توصل للاسف .. الافضل تسوي لك حساب جديد.

  14. السلام عليكم انا شاريه بطاقه ايتونز. وواجد فيها فلوس ويوم جيت بشتري طلعلي السوال وانا متاكده انه الجواب صح ويطلع غلط وحاولت اغير الاساله ويدز مسج خق الايميل الي منقذ وكذا مره يدزه ولما احاول ادخل الايميل المنقذ عشان اغير السوال مايصير يقولي الرقم السري غلط مادري شفيه ممكن تساعدني ضروري

    • وعليكم السلام ورحمة الله وبركاته،
      مرحباً .. بالنسبة لمشكلتك ماتقدرين تعدلين الاسئلة الا لما تفتحين الايميل المنقذ وتضغطين على الرابط الموجود في الرسالة اللي ارسلوها لك آبل عشان تغيرين الأسئلة السرية .. او تتواصلين معهم عن طريق التلفون 🙁

  15. انا ادري انه ماقدر اعدل الاساله الا لما افتح الايميل هنا المشكله انه كل ماكتب الرقم السري حق الايميل يطلع غلط ومليون مره جربت كل الارقام الي اعرفها ولا نفع وبعدين قاللولي استرجعي معلومات وحطيها بكل فراغ عشان تقدرين تسترجعين ايميلج وانا اذكر اي شيء من ايميلي لانه قديم ابي حل ساعدني

    • مرحباً،
      للاسف ماعندي خبره في هالموضوع، مالك الا تبحث في النت عن مواضيع كيفية استعادة البريد ممكن تحصل شرح يفيدك او طريقة تساعدك ان شاء الله.

  16. السلام عليكم اخوي انا مشكلتي مثل الشباب

    البديل ما يطلع الرابط وللعلم اني فعلت البديل وصار موجود والبديل حطيته هوت ميل

    لاني حاولت احط جي ميل ماضبط

    ياليت فيه حل

  17. السلام عليكم اخوي انا سويت الاضافه لكن ما طلع لي رابط انك ترسل حق البديل

    • وعليكم السلام ورحمة الله وبركاته،
      للاسف مالك حل الا انك تتواصل مع ابل لحل هالمشكلة.

  18. اخوي
    الحين انا عندي رصيد بالحساب
    والمشكله مقدر استخدمه للاسباب المذكوره فوق
    الي ابي اعرفه اقدر احول الفلوس من حساب لحساب ثاني !؟

  19. السلام عليكم اخوي انا ناسيه الاجوبه وسويت نفس الطريقه بس ماضبط صارت لي نفس المشكله الي صارت لهم بلييز ايش الحل

    • وعليكم السلام ورحمة الله وبركاته،
      مرحباً .. للاسف اذا ما ضبطت معك هذي الطريقة لا اعرف طرق اخرى غير الاتصال على ابل كما سمعت.

  20. اخوي محتاجه مساعدتك انا مشكلتي نفس الكل الاجوبه ولما جيت ابي اسوي استعادة ماطلعلي الرابط ولما جيت اضيف ايميل ثاني رفض ومكتوب
    Email address is already verified for another Apple ID.

  21. السلام عليكم
    الرابط اللي يرسل للبريد الاكتروني مو موجود اضفت ايميل جديد ومع ذلك مو موجود
    ايش الحل؟

  22. سلام لو سمحت اخري كل مادخلت بحمل شي يجيني انو معطل لازم اغير رقمي السري لمن اغيره ويتم يرجع لي نفس الطريقه وش الحل؟؟

اترك تعليق

اكتب تعليقك
اكتب اسمك هنا