كيفية شراء الايفون ٤ اس من بريطانيا بالصور

how to buy iphone 4s uk - كيفية شراء الايفون ٤ اس من بريطانيا

بعد ان طرحت ابل جهاز الايفون ٤ اس الجديد في بداية شهر اكتوبر الحالي، انتشرت الكثير من الشائعات حول سعره وحول وقت وصوله للمملكة العربية السعودية .. والان قد يلاحظ البعض مدى المبالغة في اسعار عرضه في المواقع وبعض المحلات، يعني معليش ٤٢٠٠ .. ٤٠٠٠ وارخص شيء شفته ٣٦٠٠ ريال

رأيي الشخصي، أن الشيء الاسهل من هذا كله هو طلب الجهاز من موقع ابل الرسمي وخلاص .. طبعاً ماتقدر تطلب الجهاز من متجر ابل الامريكي لانه يحتاج عقد وبيكون مقفل، لذا راح نطلبه من المتجر البريطاني لانه مفتوح Sim Free, Unlocked

في البداية لازم يكون عندك صندوق بريد في بريطانيا عشان ابل تقدر توصل لك الجهاز، لذا بتفتح حساب في موقع شوب ان شيب  ( Shop & Ship ) التابع لشركة ارامكس للشحن

http://www.shopandship.com/

فتح حساب في موقع شوب ان شيب + كوبون خصم على الاشتراك ٨٥٪

تكلفت فتح الحساب هي ٤٥ دولار مدفوعة مره واحده فقط ..

لكن موجود معنا اليوم كود كوبون خصم بنسبة ٨٥٪ من قيمة الأشتراك، بحيث يكون فتح الصندوق بقيمة ٥ دولار فقط !!

AM8362EX

كوبون الخصم ساري إلى نهاية عام ٢٠١١

تعديل: بالنسبة للكوبون شركة ارامكس وقفته، وحسب كلامهم لي فيه خصم ٥٠٪ للي يستخدمون بطاقة فيزا وماستر كارد للتسديد.

بعد ماتنتهي عملية التسجيل في موقع شوب ان شيب بيعطونك بريدين، صندوق بريد في الصين والثاني في بريطانيا ( اظن تقدر تطلب منهم صندوق امريكي برضو لكن لازم ترسل لهم صورة من الهويه ومدري ايش!! )

حساب شوب ان شيب بعد خصم ٨٥٪

بعد مايكون عندك صندوق بريد تفتح متجر ابل البريطاني وبعدين تختار الايفون، اضغط على الرابط عشان تروح للصفحه مباشرة

Apple iPhone 4s UK store

عاد من هنا تابع الشرح بالصور، لانها ابلغ من الكلام .. ولاني انبح حلقي صراحة

اول ما تفتح الرابط بتختار اللون اللي تبي والسعه اللي تحتاجها وبعدين تضغط على المكان المحدد بالسهم الاحمر على اليمين

كيفية طلب الايفون ٤ اس من موقع ابل البريطاني

تضغط السهم الاحمر مره ثانيه عشان تتجاوز هالصفحه، واللي هي عبارة عن عرض اكسسورات خاصة بالجهاز وعرض لتمديد فترة الضمان

طريقة شراء الايفون ٤ اس الجديد من موقع ابل البزيطاني - how to buy iphone 4s from uk

buying iphone 4s from uk store, شراء الايفون ٤ اس من موقع ابل الرسمي بريطاني

بعدين بيطلب منك الموقع انك تسوي تسجيل دخول للحساب حقك ( حساب الابستور )، انا الحساب حقي امريكي وجربت شريت منهم وعادي، لكن مدري عن الحسابات الثانية صراحه

كيفية شراء الايفون ٤ اس من بريطاني للسعودية

بعد كذا بيطلب منك تعبي بياناتك، واللي هي صندوق البريد عشان يقدر يوصل لك الجهاز .. نكتب البيانات الموجودة في موقع شوب ان شيب مثل ماتشوفون في الصورة

شراء الايفون ٤ اس من موقع ابل الرسمي البريطاني بسعر ٣ الاف ريالبعدين بيطلب منك تدخل بيانات الدفع، فيزا – ماستر كارد …

اضغط على الكلمة المحددة في الصورة فوق عشان ينسخ لك بياناتك وعنوانك الموجود فوق

وبعدين تعبي بيانات بطاقتك الإئتمانية في الخانات الموجودة على اليمين

شرح كيفية شراء الايفون ٤ اس بالصور

بعدين بتوافق على الشروط والقوانين الخاصة بمتجر ابل وبتطلع لك صفحه تشكرك على عملية الشراء وبتوصلك رسالة على ايميلك اللي انت تستخدمة في الحساب حق الابستور اللي سوينا فيه تسجيل دخول قبل شوي

شرح كيفية شراء الايفون ٤ اس بالصور

بعدين مثل مانشوف في الرسالة فيه وقت الشحن من اسبوع إلى اسبوعين، وفي هالفترة ننجلس ننتظر لحد ما توصلنا رسالة من ابل تفيدنا ان الايفون تم شحنه للعنوان اللي حنا كتبناه

شرح كيفية شراء الايفون ٤ اس من موقع ابل الرسمي بالصور

ومثل ماتشوفون فيه تحت كلمة ( Track Shipment ) واللي تفيدنا بتعقب الجهاز لحد مايوصل لصندوق البريد

وبعدين لما يوصل للصندوق بيجلس عندهم لحد ماتجي مواعيد شحن شركة شوب ان شيب ( اظنها يوم الخميس والاثنين ) وبعدين بتوصلك هالرسالة

شرح كيفية شراء الايفون ٤ اس بالصور

واللي تفيدنا ان الشحنه تم شحنها من صندوق بريطاني إلى السعودية، وبتجلس تقريباً ثلاثة أيام وبعدها بيوصلك .. تروح لفرع اراميكس وتستلمه من هناك وخلاص مبروك عليك الايفون

*  *  *

$ التكاليف $

نجي لنقطة مهمة وهي التكاليف .. بالنسبة لسعر الجهاز، فـ المتجر البريطاني يبيعه بـ ٤٩٩ باوند ( السعر شامل للضرايب )، أنا اخذت أثنين يعني مجموعهم ٩٩٨ باوند .. وحسبهم البنك علي بالسعودي بـ ٥٩٠٠ ريال وفكه، اما بالنسبة للشحن فتكلفته هي ١٠٠ ريال تدفعها وقت استلامك للجهاز لشركة اراميكس ( ملاحظة : ١٠٠ ريال دفعتها مقابل شحن الجهازين، يمكن شحن الجهاز الواحد يكون بـ ٧٠ ريال مثلاً )

اما بالنسبة للوقت فهو مقبول نوعاً ما، طلبت الجهاز في اول يوم طرح فيه وهو يوم ٧ اكتوبر واستلمته في السعودية في يوم ٢٢ اكتوبر، يعني الموضوع كله اخذ اسبوعين تقريباً، والجهاز الواحد كلفني حدود ٣٠٠٠ ريال .. طبعاً هالطريقة تكون مجدية في الغالب مع بداية طرح الأجهزة الجديدة لان الشركات الكبيرة مثل الاتصالات السعودية وموبايلي يتأخرون لين ما يطرحونه بسعر مناسب .

* طبعاً لما تفتح حساب في موقع شوب ان شيب تقدر تستفيد منه في شحن اي شيء من بريطانيا وتقدر تشتري من الموقع البريطانية، مثل موقع امازون بريطانيا على سبيل المثال

92 تعليقات

  1. تسلم يا باشا والله انت فنان و مبروك عليك ال اي فون الجديد و جاري التجربه و ربك يسترها و اتمنالك التوفيق

  2. يعطيك العافيه وفرت علي مشوار البحث والحوسه وتطلب فلان وعلان عشان يجيبونه من برا tch40

    بس حبيت اسألك عن كوبون الخصم
    اذا سجلت قبل نهايه 2011 بـ 5 دولار
    بعد 2011 ادفع شي ؟ وكم فتره الحساب يعني إلى الأبد او لين تخلص فتره الكوبون ويقفلونه خلاص tch17

    • الله يعافيك ياعزيزي tch27
      رسوم التسجيل مره واحده، لو سجلت قبل نهاية السنة بـ ٥ دولار يستمر معك الصندوق مدى الحياة tch36

  3. مشكوور عالشرح .. يعطيك العافيه ..

    طيب انا عندي صندوق بريد امريكي .. ينفع tch3 ؟

    • العفو ياعزيزي tch34، للاسف الصندوق الامريكي ينفع تطلب فيه ايباد والا ايبود والا ماك .. بالعربي اي شيء غير الايفون tch3 .. لانه مقفل ولازم عقد tch20

  4. ليه ما اشتري الجهاز المقفل من ابل ستور .. واستخدم طرق فتح القفل الموجودة بكثرة في النت tch3

    ولا ايش رايك ؟؟

    ارخص واوفر واسهل << 3 في واحد tch17

    • اهلين اخوي كونان، الصراحه لك من اسمك نصيب tch3
      بالنسبة لكلامك فهو صحيح طرق فتح التقفيل منتشره وان كانت اغلبها تعتمد على الجيلبريك، لكن لاحظ اولاً انه مع كل تحديث بيقفل عليك الجهاز ولازم تعيد عملية الفتح من جديد، يعني الدعوة مهيب مره وحده

      لكن يظل ممكن يكون فيه شخص فاضي ومستعد يسوي طرق الفتح والسوالف اللي قلناها كلها، لكن المشكلة مهيب في انه مقفل بس، المشكلة في انه عقد يعني ما تقدر تشتريه اون لاين، مثله مثل العقد حق الاتصالات السعودية هنا مثلاً، لما يقولون لك خذ الجهاز بـ ١٥٠٠ مثلاً وتكون الباقة قيمتها ١٢٠ ريال مثلاً لمدة سنة .. يعني خلاصة الكلام عشان تشتريه تحتاج تحصل لك شخص هناك يشتريه ويرسله لك، او تدور في المواقع ممكن شخص يكون اشتراه وعرضه للبيع، amazon والا ebay tch15

    • الايفون المفتوح تم طرحه الان على الستور الامريكي وبامكانك شرائه بالحساب الامريكي .
      وتتوفر اللغة العربية في جميع اجهزة ابل.

  5. مشكوووووووور اخوي على الشرح
    بخصوص الجهاز هل اللغة العربيه متوفرة فيه ؟؟

    • العفو tch26، بالنسبة للجهاز فهو من الشركة الام يدعم اللغة العربية يعني لو تشتريه من اي مكان في العالم اللغة العربية متوفرة ضمن نظامه الأساسي، ولأن مافيه كيبورد بيكون وضعك في السليم وما يختلف عن السعودي او غيره بشيء .. بالعكس هذا يجي معه الفيس تايم حتى tch17

  6. طيب سؤال لو اطلب واشتري ٢
    ويوصلوني بالسلامه ان شاء الله
    يمديني اطلب ٢ ثانين ؟ ولا خلاص؟

    • اهلين، ايه عادي تقدرين تطلبين غيرهم، واحد من زملائي طلب حوالي ثمانية بعدين قالوا اه خلاص العنوان هذا شراء ايفونات كثيرة خلاص يكفي

  7. سلام شباب… هاي صبايا…

    اول شي اشكرك اخوي عبدالعزيز على المجهود الكبير…

    ثاني شي حاولت اسجل اليوم ووصلت كوبون الخصم. بس مازبط معايه … اش الهرجه؟؟

    يقولي … بليز انتر فايلد بورموشن كود…

    والحل؟؟؟

    • وعليكم السلام، اهلين اخوي
      والله مدري وش المشكلة بالضبط، ارسلت للشركة رسالة اسألهم عن الخصم وعن العروض الموجودة الان .. برد لك ان شاء الله اول ما يوصلني الرد tch34

  8. هل من طريقة اعرف ان الكوبون شغال يعني قبل ان تتم العملية يعطيني كم بالضبط احتاج ان ادفع
    اخاف احط الكوبون ويكون مش فعال ويسحب المبلغ كامل 45 دولار

    • اهلين اخوي، لما تحط الكوبون بيكون جمب الخانة زر ( Apply Promo ) وبعدها بيقول لك الكود شغال والا لا .. لو كان شغال بتشوف قدامك المجموع بيتغير بيكون مخصوم .. يعني لا تخاف من هالناحيه tch3

    • اهلين اخوي، بالنسبة لبطاقة البنك الاهلي الصراحه ما ادري عنها لاني ما سبقت وتعاملت معها، ممكن غيري يفيك في هالنقطة اكثر مني، أنا سبق وجربت سامبا وساب وكلهم اشتروا بدون مشاكل tch40

      • طيب بطاقة ساب مع سامبا نفس بطاقة الأهلي مسبقة الدفع أو لا
        يعني أشحنها بالمبلغ الذي أريد

        • لا البطاقات اللي استخدمتها مهيب شحن، بطاقات فيزا عادية .. لكن اتوقع انها نفسها ومافيه فرق طالما مسماها فيزا، اهم شيء يكون فيه رصيد : )

    • أهلين، هذي تعتمد على استخدامك انت، وش تضيف فيه اشياء وملفات واغاني وبرامج وغيرها؟ .. شف نفسك هل تحب تمسح والا تحمل اشياء وتحتفظ فيها ؟ .. وعموماً احس الـ 64 كبير مره ترى tch34

  9. حبيت أستفسر أيضاً سمعت من أحد من ربعي أنه تقدر تخليهم يكتبون أسمك من خلف الأيفون هل أحد جربها ومن أين تختار هذا الخيار من خلال موقعهم

  10. هلا اخوي عبدالعزيز

    جربت الكوبون ميه مره ما ضبط
    يقول:Please enter a valid promotion code

    الرقم غير صالح او زي كذا

    ياليت تعطينا حـل وآلله ان تفك ازمه

    مشكوور

    • اهلين اخوي، تواصلت مع الموقع وقالوا ان الكوبون توقف، حالياً العرض على التسجيل بـ بطاقة الماستر كارد .. خصم ٥٠٪ على كلامهم

  11. مساء الخير اخوي يعطيكـ العافية على الشرح الوافي .
    سبق واشتريت مكائن قهوة من بريطانيا وشحنتها عن طريق واصل البريد السعودي وجتني بمدة معقولة ..
    تنصحني اشحن الايفون عن طريق واصل ؟

    • مساء النور اخوي،
      قصدك ترسل الايفون مباشرة من الموقع للبريد السعودي؟ ما اظن هالطريقة تنفع لازم يكون عندك صندوق بريد بريطاني عشان يوصلون له الأغراض والا ماتقبل العملية، لذا اظن طريقتك ماتفنع 🙁

  12. حبيب قلبي والله ،،،، لوسمحت ابي اسال عن بطاقة الاهلي مسبوقة الدفع هل نستطيع من خلالها الشراء ؟

    • اهلين، على ما اظن انها مافيها شيء .. لانها مسمها فيزا ومافيه فرق بينها وبين غيرها ان شاء الله tch17

  13. اهب 3 الف من وين اجيبها ذي
    tch10

    يلا انتظركم تهدوني ايفوون tch3

  14. طيب بالنسبة للحساب الأمريكي أنا عندي حساب بس طبعاً مو مفعله عن طريق الفيزا

    فهل فيه مشكلة لو استخدمته

    • اهلين، اذا الحساب شغال عادي .. مو لازم يكون فيه فيزا مرتبطه فيه .. وقت الشراء بيقول لك اكتب بيانات الفيزا tch40

  15. عندي إستفسار الآن الموقع الأمريكي راح يفتح الطلب على المفتوح رسمي بتاريخ 15 هذا الشهر فهل فيه فرق بينه وبين البريطاني لأن السعر يختلف وتنصحني من أين أطلبه

  16. الآن سعر الأيفون 64 المفتوح رسمي من الموقع الأمريكي $849.00 يعني
    849.00 USD = 3,184.09 SAR

    أما سعره في الموقع البريطاني £699.00 يعني
    699.00 GBP = 4,175.65 SAR

    فما الفرق مع أن في الموقع البريطاني مكتوب Free Delivery

    أما الأمريكي مكتوب Free Shipping

    ممكن توضيح ليه السعر مختلف

    • أهلين، من وين جبت سعر الايفون الامريكي؟ الموقع ما كتب شيء! الموجوده في الاستور الامريكي كلها بعقود .. عموماً بالنسبة للاختلاف فـ الاستور البريطاني اغلى بشكل عام .. بالاضافة إلى أن الباوند يتغير سعر صرفه بالنسبة لنا .. يعني قبل سنة كان سعر الصرف 5.7 .. الان يوصل 6.2 .. والسلعه في موقعهم ما تغير سعرها لكن حنا اللي ندفع فروق التحويل .

      بالنسبة للفرق بين كلمة Free Delivery و Free Shipping .. فكلهم نفس المعنى وهو التوصيل الداخلي ..

      فـ إذا طرح رسمي الجهاز ومتأكد من كونه مفتوح قارن الاسعار واللي يناسبك تشتريه مافيه بينهم فرق tch36

  17. أهلين أخي إذا إخترت لون الجهاز تحت الثلاث عقود تحصل مكتوب

    or get iPhone unlocked and contract-free. coming in November

    موجوده الأسعار

    أنا الآن أستنى الفيزا لكي أطلب بس أبقى أتأكد إنه مافي فرق بينهم لأن السعر يختلف بكثير أرجوا النصيحة لكي أعرف من أين أطلبه وهل فترة إرساله إلى السعودية أيضاً نفس المدة

    • أهلين، اطلعت على الأسعار وهي بدون مقارنة أرخص من الاستور البريطاني .
      إذا عندك عنوان بريدي في امريكا اشتر الامريكي ارخص لك tch17

  18. الآن الموقع الأمريكي فتح الطلب على الأيفون المفتوح

    بس حبيت أستفسر هل يأخذون ضرايب مثل البريطاني لأنهم إذا مايخذون الأمريكي أفضل بس هل أكيد مثل الموجود في البريطاني أو لا

    • اهلين، هو نفس البريطاني مافيه فرق طالما مفتوح
      بالنسبة للضرايب البريطاني يكون السعر مشمول بالضرايب، اما بالنسبة للامريكي الضريبة تكون مفصولة عن سعره وتترواح مابين ٦ و ٨ ٪ .. على حسب الولايه اللي فيها عنوان البريد حقك tch17

  19. يعني كم راح يأخذون بالريال السعودي لأني ماأعرف أحسبها لأن إذا راح يصير قريب من سعر البريطاني خلاص راح أطلبه من بريطانيا وأريح بالي

    • سعر الايفون ٦٤ الامريكي : $849.00
      الضريبة (إذا بتطلب على صندوق اراميكس ٩٪ تقريباً ): $75.35
      يصير المجموع كله : $924.35

      طبعاً بتحتاج تضيف عليه سعر الشحن للسعودية .. لان الموقع يشحن لك مجاناً إلى عنوانك الامريكي، ومن هناك انت بتشحن الجهاز .. ممكن يكلف ١٠٠ ريال تقريباً

  20. السلام عليكم أخوي
    أولا حاب أشكرك على الشرح الأكثر من رائع
    أنا حاول ان اشتري الايفون عن طريق الستور الامريكي واتبعت الخطوات وكل شي تمام ولكن ثاني يوم وصلني ايميل يبلغني بأنه تعذر القيام بعملية البيع وجاني الايميل كالتالي:
    Order Date: Nov 11, 2011
    Customer Name: Mohammed AlKhalidi

    Dear Apple Customer,

    Thank you for your recent iPhone 4S purchase at the Apple Online Store.

    While we appreciate your interest in iPhone 4S, we are unable to process
    your order. Apple is unable to fulfill orders that exceed the quantity
    limit per customer, or that ship to an international, freight forwarder,
    or an APO/AFO address.

    Your iPhone 4S order has been cancelled, and you will not be charged.

    Thank you for shopping with Apple.

    Sincerely,
    Apple Online Store Team

    شو الحل برأيك وفي طريقة الواحد يشتري عن طريق الستور الامريكي
    وجزاك الله خيراً

  21. الله يسلمك أنا طلبت ايفون واحد
    و العنوان حسب المكتوب في موقع shop and ship

  22. الله يكرمك ممكن تشرح طريقة نقل العنوان في الستور الأمريكي
    وجزاك الله خيراً

    • اهلين اخوي، ياليت فضلاً لا أمراً تصور لي البيانات حقت عنوانك بعد ماعبيتها في خانات الاستور حق ابل .. ابي اشوف كيف كتبتها عشان اشوف المشكلة من وين الضبط .. لو تكرمت ارسلها على إيميل الموقع : info@tichno.com

      وان شاء الله بعد ما اشوفها بعدل لك الاخطأ لو حصلتها tch34

  23. سمعت ان الأستور الأمريكي مايشحنون على أرامكس يعني مايرسلون للدول العربية هل صحيح هذا الكلام

    أرجوا التوضيح أخي MR.A
    وهل طلبت من جديد أخي محمد الخالدي أو الطلب تكنسل

    • أهلين، الاستور الامريكي مايشحن لأي دولة غير امريكا .. ولازم العنوان المستخدم للاستور الامريكي يكون ( Street Address ). ما ادري وش يعتبر عنوان اراميكس بالضبط لكني أتذكر واحد من الزملاء طلب ايباد قبل فتره من أمريكا عن طريق اراميكس وما كان فيه مشكلة .. أنا عن نفسي أطلب من الاستور الامريكي على العنوان حق موقع World Ship .. ما جربت اراميكس الا للاستور البريطاني فقط tch34

  24. السلام عليكم أخوي
    لو سمحت سؤال مهم جداً
    هل أقدر أشحن هالايفون إلي حائل انا ماابغى الرياض أبغى حائل هل فيه من الخيارات إذا فتحت صندوق في ارامكس حائل مع العلم إنه فيه مكتب اراميكس بحائل

    الله يجزاك خير على موضوعك الرائع tch27

    • وعليكم السلام ورحمة الله وبركاته
      أهلين أخوي .. بالنسبة لسؤالك عن ارامكس فمدري والله بالضبط .. اتصل على رقمهم الموحد والا مر فرعهم واسألهم إذا يستقبلون شحنات ( Shop & Ship ) إذا يستقبلونها فـ عادي تقدر تطلب وتحط حايل بدال الرياض ان شاء الله tch34

  25. مرحبا .
    حبيت اسال ايش ارخص الكندي ولا الامريكي ؟ لما حولت للكندي طلع لي ارخص من الامريكي من موقع الراحجي !
    وايش ارخص لي اطلب , ولا اوصي احد يشتري لي من هناك ويرسله لي شحن ؟
    انا عندي بريد بـ امريكا اراميكس .
    وعندي كمان من البريد السعودي .

    بالاخير كم راح يطلع لي تكلفة 32 قيقا علشان اعرف كم احط بالفيزا حقتي .

    ويعطيك العافيه . tch1

    • أهلين،
      اللي اعرفه أن الامريكي ارخص من الكندي والله اعلم .. وبالنسبة للأفضل تطلبين والا توصين احد فـ الافضل تشحنينه عن طريق الصندوق لانهم اسعارهم افضل من لما يروح شخص ويشحنه من هناك .. هذا اللي اعرفه طبعاً لكن ما يمنع لو تعرفين شخص هناك تخلينه يسأل اي شركة شحن عن اسعار شحن الايفون ..
      بالاضافة إلى أن اراميكس ما عندهم صندوق بريد في كندا .. بس الصين وامريكا وبريطانيا .. اما سعر الايفون 32 قيقا بيكون عليك تقريباً بـ 3000 ريال مع الضريبة .. والشحن بيكون مابين 70 إلى 100 ريال تدفعينها لما يوصل للسعودية tch40

  26. عندي استفسار بسيط كم يجلس الطلب من وقت ما يتحوب نوع الطلب ” تجهيز للشحن ” إلى الشحن

    • أهلين .. بالنسبة لسؤالك فـ يعتمد على حسب المدة اللي حددوها لك عشان ينشحن .. في الغالب وأنت تطلب يكتبون لك جمب الجهاز مدة الشحن كم ( من اسبوع إلى اسبوين مثلاً ) .. ففي هالحالة ينشحن بمجرد ما يجهز الجهاز خلال هالمدة اللي حددوها .. وممكن ترجع للإيميل اللي وصلك منهم لما طلبت وبتحصل حد أدنى حدى أقصى للتوصيل موثق بالتواريخ tch34

  27. عندي إستفسار وهو أنه عندي صديق في أمريكا راح يشتري كم جهاز وراح يجيبهم معه وهو جاي للسعودية
    فهل يأخذون ضريبة أو لا .
    وهل يأخذون على كل جهاز أو لا
    فمثلاً أنا طالب واحد 64 جيجا وثلاثة 32 جيجا طبعاً مفتوح
    قيمة 64 جيجا حوالي 3200 ريال سعودي فهل أحوله هذا المبلغ أو أحوله كم إذا كانوا يأخذون ضريبة وهل على كل جهاز يأخذون ضريبة

    أرجوا الرد في أقرب وقت ممكن

    • اهلين .. الضريبه تعتمد على ولايته اللي هو موجود فيها، فيه ولايات ضريبتها ٦٪ وفي ٩٪ وفيه شيء بدون ضريبة مثل ولاية ديليوير ( مدري تكتب كذا والا لا tch3 ) .. فـ شيك معه هو .. فـ إذا عطاك النسبة حقت الضريبة اضربها في سعر الايفون وتعرف السعر .. يعني لو مثلاً لو مجموع سعر الاجهزة الفين دولار والنسبة حقت الضريبة ١٠٪ .. تصير الضريبة عليك ٢٠٠ دولار تضاف إلى المجموع بحيث يصير ٢٢٠٠ دولار مثلاً tch34

  28. يعني الضريبة لابد منها

    يعني الضريبة تحسب على كل جهاز

    أو مجموع الأجهزة بالكامل ضرب الضريبة

  29. طيب أخي أبقاك تشيك معي الحسبة هذي علشان أتأكد
    أنا طالب واحد 64 جيجا وسبعة 32 جيجا وسعر 64 جيجا 850 دولار وسعر 32 جيجا 750 دولار فمجموعهم 6100 دولار مضروبه بـ 10 % يطلع 6710 دولار يعني على كل جهاز 76 دولار هذي حسبة الدولار

    الآن بالسعودي يطلع مجموع الأجهزة بدون الضريبة 22900 ريال
    ومع الضريبة 25200 ريال يعني على كل جهاز 287 ريال

    صح هذا الكلام أو لا
    وبالنسبة للضريبة أكثر شئ 10 %

    • أهلين .. حسبتك صحيحة لكن تأكد من النسبة حقت الضريبة، لازم تعرف الولاية اللي هو فيها بعدين لو هو ما قال لك النسبة كم تقدر تشيك على ويكيبيديا، اعتقد بتحصل النسبة حقت الولاية هناك .. لأن ممكن تكون أقل من 10% tch34

  30. السلام عليكم :
    طيب انا اول مره لي بااشتري اي فون ولا عندي حساب في الابستور ولا ادري وش اسوي
    وياليت تفيدووني tch1

    • وعلكيم السلام، أهلين .. في هالصورة لو تلاحظ:
      https://www.tichno.com/wp-content/uploads/how-to-buy-iphone-4s-from-uk1.png

      موجود فيه على اليسار الشراء كـ زائر، لكني لم استخدمها للأمانه tch3 .. بالإمكان التسجيل من هنا لو حبيت تمتلك حساب :
      https://www.tichno.com/iphone/how-to-creat-free-app-store-account

  31. مشكور والله على الشرح ويعطيك العافية ..
    انا الان طلبت the new ipad والاوردر على الصندوق الامريكي , قلت اجربه
    tch34
    وترا انا ماعندي اككاونت ع الابل بس سجلت كزائرة وقبل ما أ أكد الطلب جاني اذا حابة اعتمد ايميلي كحساب في ابل واعتمدته وسار عندي حساب بأبل من دون حوسة ..

    * الله يعطيك العافية فكيتنا من شر السرقة المحلية tch17

    • العفو .. حياك ربي tch1
      يسعدني أنك أستفدتي من الموضوع وإن شاء الله نكسبك صديقة للبرنامج tch3

  32. mr.a 🙁 انا في حالة صدمة دخلت على موقع ابل اليوم عشان اشوف حالة الطلب وطلع لي cancelled ولا انا عارفه ايش السالفه ..,
    يعني طلبي اتكنسل ؟ والفلوس الي سحبوها من بطاقة الائتمان طيب !
    اذا تقدر تفيدني بهالشغله اكون لك من الشاكرين ..

    • أهلين .. ممكن يكون السبب لأنك ماعبيتي البيانات حقت الصندوق زين وقت الطلب ؟ انتي وش تستخدمين اي صندوق بريد؟ ارامكس والا الورلد شيب؟

      بالنسبة للمبلغ فهم ما سحبوا منك شيء .. هي فقط حجز للرصيد زيها زي لما تحجزين فندق.

      – اكيد لما كنسوا الطلب ارسلوا لك إيميل .. ياليت تسوين له فورود لها الإيميل عشان اشوف وش سبب المشكلة بالضبط ( info@tichno.com )

      • mr.a , المشكلة كانت في اني طلبت جهاز واحد , المهم ان ابل كنسلت طلبي .,
        وبعدها رحت ادور لي حل , حصلت امازون حبيب قلبي tch1
        والله واطلبه من امازون على الاكاونت الامريكي ومشي شغلي زي الحلاوة والان بس ارسلوا لي موقع الشيب ان جهازي في طريقه لي :$
        انصح الي يبغى يشتري اي من اجهزة ابل لايوفر الامازون اروق وافضل واسرع من موقع ابل الرسمي وبنفس السعر .,
        كل عملية الشحن من الامازون الى الشيب اخدت يومين والان جهازي بطريقه .,
        الي اخرني هو ان المبلغ تعلق والبطاقات الائتمانية مايفك التعليق عن مبالغها الا بعد 15 يوم .,

        المهم يعطيك العافية يارب ماقصرت ..

        • اهلين .. شكراً لمشاركتك هذه المعلومة معنا tch34 tch26
          بالنسبة للامازون فهو افضل واسرع واسهل من ابل، وفي الغالب يكون مافيه ضريبة ( يعني ارخص بعد ) لكن مشكلته في بداية طرح الأجهزة الجديدة يكون الطلب محصور على موقع ابل بس .. يجلس فترة لحد مايتوفر في الامازون 🙁

  33. السلام عليكم ورحمه الله
    موضوع اكثر من رائع صراحه
    اخوي انا اليوم بروح ارامكس وبطلع ماستر كارد عشان افتح حساب في شوب اند ذا شيب لاني بشتري ايباد الجديد من بريطانيا
    هل يقبلون فيزا الراجحي وكم سعر شحن الايباد من هناك لسعوديه
    وفيه خدمه مجانيه اللي هي النحت على الايباد كيف اقدر استخدمها وهل جربتها ؟
    واذا وصل لصندوقي في بريطانيا دايركت يرسلونه لعنواني بالسعوديه ؟
    مع العلم انه ماعندي صندوق بريد بالسعوديه tch10 tch3 بس بكتب ارامكس الرياض وانا ابروح استلمه من هناك ..
    ارجو افادتي اثابك الله
    وشكرراً جعل امك تفرح فيك يارب tch1

    • وعليكم السلام ورحمة الله وبركاته
      أهلين .. تراني مافهمت نقطة انك بتطلعين ماستركارد عشان شوب اند شيب tch3 .. عموماً أنصحك تشترين الأيباد من أمريكا لأن المتجر الأمريكي أرخص من البريطاني ( الضريبه في بريطانيا تقريباً 20% من سعر الجهاز بينما في امريكا 7% إذا تستخدمين شوب أند شيب ).

      – بالنسبة للفيزا الراجحي قبل فترة عدل نظامه الغبي وصار يقبل الشراء من موقع ابل، بالنسبة لسعر شحن الايباد من هناك يكلفك من الارامكس على ما اظن 135 ريال.

      – خدمة الحفر سهله، بعد ما تختارين الايباد بتطلع لك الصفحه اللي فيها الخيار .. بس أكتبي الكلام اللي تبين وبعدين اضغطي كونتينيو tch3

      – إذا وصل الجهاز مباشرة يشحنونه لك للسعودية. وما يحتاج يكون عندك صندوق بريد، يكفي اسمك والمدينة ورقم جوالك .. وإذا وصل ارسلوا لك وبعدها تستلمين الجهاز من هناك tch40.

      * هذي إجابات أسئلتك لكن لو تبين شوري يعني tch34 <<-- تربع عشان يتفلسف tch38 ما أنصحك بـ شوب أند شيب، فيه عيب أنك ماتقدر تجمع شحناتك، يعني مثلاً انا طلبت أيبادين وأبل تي في .. الايبادين ارسلوهن في شحنات مختلفة ( لأن واحد وصل قبل الثاني ) وبعدين الابل تي في، جت في شحنه مستقلة بعد .. كل شحنه من هذولي كلفتني 135 ريال .. يعني كلهم 405 ريال تقريباً . على النقيض فيه شركة أسمها ورلدشيب عندهم هالميزة، واللي تخليك تجمعين في صندوق الامريكي عدة شحنات ثم ترسلينهم مع بعض في كرتون واحد .. وهذي ميزة زينه للي يبي يتسوق ويجمع شحناته وبتكون أرخص بشكل كبببير. وحتى رسوم التسجيل في الورلدشيب ارخص، وممكن تشوفين هالموضوع مسوينه إحنا في الموقع عنهم: https://www.tichno.com/e-shoping/shipping/world-ship-review

  34. اي صح الايباد الجديد ابو ١٦ قيقا في المتجر البريطاني يوم حولته لعمله السعوديه طلع ب ٢٣٠٠ ، كيف حسبتي صح والا غلط tch27

    • بعيداً عن الكلام الطويل اللي كتبته لك فوق tch3
      جهاز الايباد الجديد موجود عندنا في تكنو ستور بـ 2399 ريال ( 16 واي فاي أبيض ) .. إذا من سكان الرياض أنصحك تشترينه أحسن لك وأسرع tch8

      http://store.tichno.com/index.php?route=information/information&information_id=5

  35. يالبا قلبك والله الله يسعدك دنيا وآخره ياشيخ قسمن ريحتني ، طيب ترى انا المشوار كله عشان انحت اسم على الايباد لزوم التكشخ 🙁
    لو تنحتون اسم على الايباد تسوون فيني خيييير
    ماقصرت بيض الله وجهك ، ادعيلك على سعة صدرك وانك ترد على استفساراتنا .
    اي صح يوم اقول ماستر كارد انا اقصد الفيزا بس الثواره ماعرف
    وشكراً على نصيحتك بخصوص ورلد شيب
    اهم شي قريشاتنا tch1
    شكراً لك بحجم السماء اخوي tch26

    • الله يحيك، لو تبين ممكن نشخمط عليه بالقلم الرصاص .. ترا ماعندنا مانع tch3
      على فكرة ترى الحفر يكون بشكل صغير مره، حجمه تقريباً كبر حجم كلمة Made in Chaina اللي ورا tch3
      العفو، وهذا واجبنا وهو هدفنا في الموقع tch26 tch34

  36. ههههههههه
    خلاص اقتنعت بكلامك وقررت اشتري ايباد من عندكم
    لقيت ١٦ قيقا فور جي
    ابي لون ابيض وبسالك وش صناعته امريكي والابريطاني
    وهل الفور جي يشتغل ع الواي فاي وشكراً
    > تراني حطيته بالسله الشرائيه
    tch30

    اي صح لو طلبت ودفعت الفلوس اجي استلمه من المحل والا عن طريق ارامكس !!
    معليش ابثرتك بس لازم نتأكد من كل شي
    شكراً لك tch28 tch1 tch1

    • أهلين حياك ربي .. الله يحيك هذي الساعه المباركة tch34 tch26
      بخصوص الجهاز فـ الكمية اللي عندنا خلصت، فيه كمية بتوصل بعد 3 أيام تقريباً, وهي ( ايباد 3 – أبيض – 16 – 4 جي ) مدري تناسبك هالموصفات وإلا لا tch34

      – اما بخصوص الجهاز الفور جي فهو يشغل الواي فاي برضو. لأن الواي فاي افتراضي لكن خاصية الشريحه هي اللي تكون إختيارية.

      – صناعة الجهاز كلها وحده، وهي صيني. لكن تختلف أماكن الشراء من المتجر البريطاني أو الأمريكي … الخ .. الفروقات بينهم تكون في الوصلة حقت الشحن ( الفيش ) بس.. وأظن اللي يجي رسمي للسعودية ( حق حاسبات العرب ) يكون بدون فيس تايم .. وأما بخصوص اللي عندنا فهو أمريكي tch15

      – بالنسبة للطريقة، فـ يعتمد على مكانك، وين يكون؟ في الرياض ممكن تستلمينه من المحل وما يحتاج توصيل أرامكس. لو كنتي برى الرياض يكون فيه توصيل.

      ممكن تتواصلين معنا على هالإيميل لو حابه معلومات إضافية أو إستفسارت عن التوصيل وأماكنه وما إلى ذلك tch3
      store@tichno.com

Leave a Reply to سوسو الغاء التعليق

اكتب تعليقك
اكتب اسمك هنا