إصلاح شاشة الآي فون

كتب بواسطة مارس - 21 - 2011   |  ضمن قسم آبل, آي فون

 

خلونا نكون صريحين مع بعض شوي

الصفه الوحيدة المشتركة فينا حنا يالسعوديين هي الرفاله وفي رواية ( الطفاقة )

  وبما أننا جبنا طاري الرفالة خلونا نكون صريحين أكثر ونسأل أنفسنا .. كم مره يطيح الجوال منا ؟

 

أنا عن نفسي .. ما يطيح الجوال مني أبد , اصلاً انا كاتب الموضوع عشانكم بس <<- هين بس 

 

اللي قاهرني أننا محناب مطفوقين وبس , لالا حنا وصلنا مرحلة عالية من الطفاقة , اممم خلونا نسميها ( طفاقات عليا ) , يعني ما صار يكفينا نطيح الجوال كذا بس , لا وييين ؟ .. يعني مثلاً صرنا: نطيحه من الدرج, نطيحه على الزفلت, يطيح ونوطاه برجولنا

 

   الحاصل هو أني سبق طاح مني الجوال ( آي فون 3 جي اس ) وأنكسرت الشاشة الداخلية ورحت لسوق الاتصالات الموجود في تقاطع طريق العروبة مع طريق التخصصي ( بجوار اليورمارشيه ) وبديت أدور محل يغير لي الشاشة الين ماطحت في محل زحممممه .. قسم بالله تقولون مخبز <<– مفهوم الشياب للزحمه

 

 broken iPhone - آي فون مكسورة شاشته

 

عطيته الجهاز اللي معي وقال لي بدون مقدامات وملامح وجهه تحسسك أنه مهوب فاضي لك وأنه متصدق عليك انه بيصلح جهازك : تصليح الشاشة بـ 450 ريال .. انا هنا سويت حسبه سريعة مع نفسي ( أتمنى ما أحد يسويها ) وقلت : طالما سعر الجهاز الفين وشوي أكيد بيكون تصليحه غالي خصوصاً أن آبل غالين شويتين

 

توكلت على الله وقلت له يصلحه وجيته من بكره وبرضو مثل أمس صاحب المحل كانت نفسه في خشمه ورمى علي الجهاز رمي .. ابتسمت وقلت له ببرائه وانا اطلع محفظتي : ما تراعينا شوي ؟  .. رد علي بنفس الملامح المعدومة من الأنسانية وقال بمامعنا كلامه : احمد ربك لقيت احد يصلحه لك اصلاً !!! .. عاد هنا أنا أنقهرت وعلى بالي عصبت عليه وقلت له : لو سمحت عطني الشاشة القديمة <<– يعنني بخسره الحين

 

broken iphone screen - آي فون مكسورة شاشته

 

الحاصل هو اني لقيت واحد من زملائي كان عنده نفس المشكلة اللي عندي .. فسألته بكم صلحتها ؟ .. ووين عند أي محل ؟؟ .. عند هذاك اللي نفسه في خشمة ؟! <<– على نياتي أنا توقعته بيوصف لي نفس المحل اللي صلحته عنده .. كنت مصدق انه ما يصلحه الا هو على ذيك الثقة

 

قالي شريت الشاشة بـ 65 ريال .. ولا بعد غيرت القزازة الخارجية ( شاشة اللمس ) بـ 40 ريال وبالمره بعد غيرت الغطى الخلفي وحطيته أبيض اممم  بحوالي 70 ريال.. وتقريباً كلهم مع التركيب كلفوني حوالي 300 ريال ..  تباً !! <<– شات الكيبورد من القهر


انا مصلح شاشة لحالها بـ 450 ريال !! .. ولا بعد راعي المحل على باله مسوي فيني خير 

 

بالنسبة لي , أشوف أن فيه تلاعب كثير في السوق بحكم أن شركة آبل مزلبه وما فتحت عندنا وكالة رسمية , وبما أن كل الموجودين حالياً محلات اجتهادية وغالبيتها تطلب الأجهزه من برى وتدبل اسعارها علينا .. صرنا فريسة سهلة وضحية لكل طماع .. وبصراحة ما ننلام لأن إلى الأن ثقافة صيانه أجهزة آبل ومشتقاتها تعتبر جديدة علينا

 

– المكان اللي صلح فيه زميلي هو في : الرياض – شارع المرسلات – بالقرب من مقر شركة الإتصالات السعودية , هذا الوصف بالنسبة للرجال أما بالنسبة للحريم فـ هو بقرب حياة مول .. تكون متجه شرق لحد ما يتسكر الطريق ويكون قدامك شركة الأتصالات السعودية وتكون مجبر أنك تديور ( تسوي يو تيرن ) بتحصل كذا محل للبيع بالجمله على يمينك , أسعارها منافسة جداً وعلى ما أعتقد عندهم بعد قطع للآي بود توتش , سعر عند كذا محل الشيء اللي تبي تشتريه .. وبعد كذا سو أهم شيء الأ وهو المكاسرة .. وعلى حد علمي وأعتقادي حط في بالك أن جميع القطع الموجودة في السوق غير أصلية!

 

آي فون 3 جي اس - iPhone 3Gs

 

– بعض الأحيان ينكب شوي مويه على جهازك الآي فون وتطفى الشاشة حقته ..  لكن لما تقرب من الشاشة وتدقق تكتشف أنك تشوف الجهاز شغال تمام وتشوف الخلفية حقتك وكل شيء حلو لكن مافيه إناره في الشاشة ( النجفة خربانه  ) .. مبدئياً تعتبر هذي المشكلة بسيطة وإن شاء الله تكون بس تحتاج أنك تغيير الشاشة الداخلية .

 

*  *  *  *

 

نصيحة أخوية : إذا بيتكم بعيد عن هالمكان أنصحك لا تروح له , لأنه ممكن تروح هناك وأنت في نيتك توفر خمسين ريال وما تدري الا صايدك ساهر ومدفعك 500 ريال 

100879 زيارة  | 

الكلمات الدليلة : , , , ,

 

لمحة عن Mr. A

مهذب وخلوق واقطر ملح .. طبعاً ما يحتاج أقول لكم أن هذي مهيب صفاتي .. لا بس هذي هي الصفات اللي أحلم فيها : )
  • RSS

مواضيع عشوائية :

142 تعليقات حتى الأن.

  1. ملاح قال:

    فيه ملاحظة ثانية ..

    إذا العميل كان ( حرمة ) فغالبا السعر لازم شوي يصير فوووق .. على أساس إن الحريم ما عندهم مشكلة ويدفعون مهوب مثل بعض الرجال راعي المحل تحس بيعطيه فلوس ويقول اطلع فكني منك ما ابيك تشتري او تصلح .. tch3

    تمنيت يا شيخ عبدالعزيز لو فيه رقم جوال واسم محل اوضح .. منها الواحد يقدر يكلم قبل لا يطق مشوار

    إذا كان بإمكانك تضيف ارقام -- وإن حصل جدول اسعار الشاشات مع التركيب اي فون ٣ و ٤ --
    هذا وشكرا لي اللي ضيعت من وقتي وجلست اقرا لواحد ارفل مثلك ما غير يمشي ويكسر tch38
    << أدوخ أنا يا شيخ tch3

    شكرا عزوز tch28

    • Mr. A قال:

      أهلين أخوي حنك tch3

      بالنسبة لكلامك عن أسم المحل وأرقامه فـ ما حبيت أحطها لأن فيه أكثر من محل جمب بعض وكل واحد قريب من الثاني من ناحية الأسعار وكلهم نظامهم يقولون لك 100 ريال أو ما تدخل .. لكن بعد ما تقول لهم أخوي امس شاري منكم بـ 60 ريال على طول يقول لك : يلا هات tch38

      الشيء الثاني هو اني ما بغيت اسوي دعاية لمحل معين لأن قد تسأل عن قطعة معينة عند واحد منهم وتصير مهيب عنده بس عند جاره والعكس .. وبرضو مثل ما قلت كل واحد فيه حقه من النصب وحتى ذولي لو ما تلكعت عليهم بيغلون عليك وبيقولون لك 120 ريال مثلاً <<-- بحل الميه وعشرين عند الأربع ميه 🙁بالنسبة للأسعار فما فيه سعر ثابت , لكن تقريباً تتراوح شاشة الآي فون 3 جي اس ما بين 60 إلى 90 ريال .. والتركيب كـ سعر أفتراضي بيقول لك 50 .. لكن بعد ما تقول له ببساطه : ضف وجهك tch3 .. يركب لك بـ 30 ريال أو اقل منها بعد- شاشة الآي فون الثري جي العادي أعتقد تماماً مثل أسعار الثري جي أس - شاشة الآي بود تتوش مره رحت لهم وما حصلتها عندهم كانت مخلصه .. لكن قالوا بتجي بعد اسبوع وعلى ما فهمت من كلامهم أنها ما تختلف كثير عن الآي فون الثري جي .. يعني تقريباً مثل السعر أو اكثر شوي- الآي فون 4 هو اللي ما سألت عنه صراحة .. خبرك أنا واعدك ما اناظره أو اسأل عنه الين ما تجيبيه لي هديه tch38 .. لكن الأكيد أنه أغلى لأن دقة الشاشة ووضوحها أعلى بكثير من الثري جي .وشكراً لك على هذا المرور الرائع tch26 .. وشكراً على الآي فون الهديه tch3

    • بيعود قال:

      انا عندي شاشة منكسرة وبيتي على شارع النخيل وين اقدر اصلحة قريب من البيت tch32 اذا احد يعرف تكفون علمني ايفون 4 tch2

  2. Ice Age قال:

    موضوعكـ جااء فوقته
    انا عندي حرص شديد ع الشاشه حقت جهازي خايفه انها تنكسر
    ومع شدة الحرص الي عندي طاح مني مرات عديداتـ وكاد ان يتكسر
    يعني الطيحات فيه فيه سوا كنت مفطوق والا حريص هع
    وبالنسبة لأسعار اصلاح الشاشات اعرف وحده مسويه شاشتها بـ 700
    يعني من جد شغالين نصب علينا حسبي الله عليهم

    • Mr. A قال:

      الصراحة حنا ما ينعرف لنا .. يا نكون حريصين ونشتري الجهاز ويخرب وحنا ما طلعنا الشاحن حقه من زود الخوف .. يا نشتري جوال ونكسره في نفس اليوم tch3

      أنا كنت مثلك أمشي ويدي على قلبي .. وكنت حاط في بالي لو بيجي الشاشة شيء برمي الجهاز خلاص .. خصوصاً أن فيه واحد جاب لي هديه واحد جديد <<-- يناظر الرد اللي فوقك tch38شاكر لك .. ودعواتي لصديقتك بالثبات والصبر على هالمبلغ اللي دفعته 🙁

  3. هكونا متاتا قال:

    الحين الحل هو انّي اروح ذاك المحل اللي وصفته tch32

    ياخي افرض اني مانيب من الرياض tch3

    يعي خلني احسبها تذكرة سفر للرياض وفندق اريّح فيه يوم او يومين ويمكن لا عجبتني الاجواء هناك امدد شهر tch25

    تدري اني ماتعودت ع التعب tch33 >ماينصب ههههههه

    وثانكس دعاية رائعة لذاك المحل >بس بيني وبينك tch3

    منت ماخذ حساب ها الاعلان منهم tch25 >هههههههه ام جست كيدينق

    • Mr. A قال:

      كلامك سليم .. افرض أنك فعلاً منتب من الرياض
      لا تأخذ تكسي ولا تجي بطيارة ولاتستأجر فندوق ولا شيء tch3
      *
      إذا أنت برى الرياض ببساطه هالموضوع يوضح لك التلاعب وبرضو يكون عندك سعر تقارن فيه .. يعني مثلاً .. انا عن نفسي وبحكم اني عجاز tch3 .. لو بعدين بلقى واحد يصلح بـ 80 ريال وجمب البيت ما راح اروح للي صلحت عنده قبل .. لأني بقول عشرين ريال ما تسوى .. وبرضو اللي برى الرياض أو داخل الرياض بيكون عنده فكرة عن الأسعار ويقدر يقارن ويحكم مدى النصب اللي جالس يشوفه tch3
      *

      وبالنسبة للمحل فـ الحقير ما عطاني فلوس .. يقول لما يجيني زباين بعطيك 🙁 tch38

  4. Mr.8L8 قال:

    وحشتك صح ..؟ tch38

    يعني انقالك انت وخشتك تكشخ علينا بآيفونك tch20

    ترا انا عندي آيفون 4 tch8 < يجي tch38

    فعلا كلامك صحيح

    طلعنا انا وخويي للمرسلات لأن شاشة ايفونه انكسرت 3Gs

    رحنا لمحل قلنا له بكم التصليح وهيك وبكم الشاشه الاصليه والتجاريه < اقولها وانا واثق tch38

    قال الاصليه بـ 250 والتجاريه بـ 150 او شي كذا 😀

    الوكاد ركبنا الاصليه ,, وإلا بعد اسبوع يجي ويقول الشاشه انكسرت tch7

    عاد راح وصلحها بمحل ثاني بـ 70 ريال tch31

    وللحين الجهاز ماشي زي الفل ماشاء الله ماعدا شرخ بصيط بالزاويه الي فوق tch38

    <-المستفاد من الحكايه ان مافي شاشه اصليه للآيفون عندنا tch11

    طق لك من الرخيص ازين لك tch38 tch1

    ينطيك العافيه عزوز

    • Mr. A قال:

      بصراحة كنت ناوي ما اكتب هالموضوع عشان اقدر اكشخ بالآي فون اكثر .. لكن طالما دريتوا انه منكسر ما عاد فيه كشخه ولا شيء خلاص tch3
      ,
      فيه حركة يسوونها راعين المحلات .. يقول لك تبي هذي اصلية والا هذي تجارية ؟ .. قد يكونون زي بعض والا كلهم تقليد لكن من شركات تختلف .. وهالحركة فيها ميزة أنها تخليك تشتري التقليد وأنت مبسوط وفرحان إذا انت بخيل tch3 .. وتخيلك تشتري اللي تعتقد أنها أصلية بسعر دبل وهو نفس الوقت مستانس tch31

      شكراً يا مان : )

    • صالح قال:

      انا عندي مشكلة وتكفون تحلونها لي اسمعو انا لجيت ابي ادخل وصلحت كل شي شقتوا وصح الايميل وم يحمل ليش مدري يلعن ابوالنذلاله

  5. sweetheart قال:

    كـشخــة أنت
    وآخيرا صرنااا نعلق
    مبروك الموقع والصراحة كثر مواضيع الإيفون

    برجع أعقب على الموضوع
    بس خل أخلص كتابة الامتحان 🙂

  6. ابو الوليد قال:

    مشكلتنا اننا كسلانين وما نستفيد من التقنية الي بين يدين.تدرون انك تشتري الشاشة اصلية بجد وتركبها انت بنفسك بمنتهى البساطة.
    كل الي عليك تدور يتوب خاص بتركيب الشاشة.وتشتري الشاشة من الأمزون وعلى فكرة يرسلون لك كل شي حتى المفكات وبعد كذا تبدء التركيب.
    واعتقد ان شغلها كلها ما تكلف 100ريال للشاشة الأصلية أصلية صح مو مثل الي عند النصابين
    تحياتي

  7. mram قال:

    مبرووووك الموقع

    اناا صلحت شاشة جهازي بـ 650ريال نصب عيني عينك اممم حاولت اطلبه من موقع الأمزون لانه ارخص بشي كثيرر بس واجهتني بعض الصعاب..
    مرسيه ع الموضوع الحلو tch28

  8. mram قال:

    و بعد ماصلحت الشاشة صارت الشبكة سيئه اتمنى ان اجد الحل ….

  9. Nouf AlQahtani قال:

    عورني قلبي يوم شفت الصورة الاولى tch9

    يالله يارب لاتبلانا << دايم تنزل من السيارة وتنسى الاي فون بحضنها وماتسمع الا طراااخ في الشارع tch9 tch9 tch16

    طيب ماتعرف لك محل زين زي كذا في الشرقية احتياطاً يعني tch38

  10. S.ALHARBI قال:

    السسسسلام عليكم

    مساء الورد لبى قلبك يا بعدي tch36

    ما ادري اذا عندك خلفيه او الشباب اللي موجودين
    انكسرت شاشة الايفون معي ثري جي اس الخارجية

    طمرت للمرسلات وغيرتها 150 ريال رريال ينطح ريال tch9

    الوكاد اخذت تقريبا اسبوع زي االعسل tch5

    فجاه تحس زي التعليق بالشاشة
    وش السالفه اغير الشاشه او الشاشه مو اصليه من عندوووه حل tch9

    • Mr. A قال:

      وعليكم السلام ورحمة الله وبركاته،
      أهلين .. مساء النور، بالنسبه للشاشة أذكر سعرها كان تقريباً حوالي 40 أو 50 ريال .. وأما التعليق فـ أنا أعتقد أنها مالها دخل .. طالما الشاشة يوم ركبتها كانت كويسه يعني مالها دخل تطلع بطيئه بعدين .. ممكن الجهاز عندك مليان برامج وإصداره قديم مثلاً .. هل هو أخر إصدار ؟ هل مليانه الذاكره حقته ؟ مركب عليه جيلبريك وإلا ؟

      كل هالاشياء تأثر على أداء الجهاز .. بإنتظار ردك tch17

  11. S.ALHARBI قال:

    هلا بك يا بعدي اشكرك يا الغالي على الرد السريع tch40
    بالنسبة للجوال مسوي له جلبريك والاصدار تقريباً قديم 4.1 tch39
    اما الذاكرة فاضية والبرامج مو ذيك الدرجة اللي تعلق بالجهاز tch29

    tch36

    • Mr. A قال:

      هلا أخوي، أعتقد المشكلة عنك من الجيلبريك .. حاول تستخدم الجهاز بسرعه وركز هل الجهاز يتآخر في الإستجابه مع حركة أصبعك والإ الجهاز نفسه بطيء ويهنق .. اذا تحس التوتش حق الجهاز مهوب مضبوط بدل الشاشة الخارجية وإذا الجهاز نفسه ممكن يضبط لو سويته له ريستور والا تحديث .. والله اعلم tch39

  12. شمـوخ العـز قال:

    مشكككور اخوي جزاك الله خير طيب ممكن استفسار انا عنندي شاشه ايبود خربانه يصلحونه لي ولابسس الايفون انا طاح من بنتي الصغيره وطلعت الشاشه بيضـآء وخط اسود سساعدني الله يعافيك tch9

    • Mr. A قال:

      أهلين أختي،
      العفو tch26 .. العذر على التأخر في الرد، كنا نغير سيرفر الموقع ونسينا تعليقك في بيت الدرج tch3 .. سوري tch34

      الآيبود له إصلاح للشاشة لكنه أغلى شوي من الايفون .. يمكن الشاشة بـ 100 وإلا 150 ريال .. منيب متأكد مره من السعر، لكن المحلات اللي هناك تصلحه لك إن شاء الله tch17

  13. SARo0o0o0NA قال:

    ايفوني 4h الشاشة بيضة ما ادري من شنو اسوي tch9 tch9 tch9

  14. SARo0o0o0NA قال:

    الشاشة بيضة شنو اسوي

  15. SARo0o0o0NA قال:

    ابي ايفوني tch10 tch10 tch10 tch10 tch10 tch10 tch10 tch10 tch10 tch10 tch10 tch10 tch10 tch10 tch10 tch10 tch10 tch10 tch10 tch10 tch10 tch10 tch10 tch10 tch10 tch10 tch10 tch10 tch10 tch10 tch10 tch10 tch10 tch10 tch10 tch10 tch10 tch10 tch10 tch10 tch10 tch10 tch10 tch10 tch10 tch10 tch10 tch10 tch10 tch10 tch10 tch10 tch10 tch10 tch10 tch10 tch10 tch10 tch10 tch10 tch10 tch10 tch10 الشاشة بيضة ليش

    • Mr. A قال:

      أهلين .. زين لحقت عليك قبل لا تكتبين تعليقين زيادة وتصير شاشة الموقع بيضاء بعد tch3
      وش صار للجهاز ؟ فجأة كذا صار ابيض ؟ جايه مويه ؟ كنتي تسوين شيء معين ؟

      جربي اشبكية في اللاب توب وشوفي الايتوتز يتعرف عليه والا لا .. ولو تقدرين وديه لمحل يشوف وش فيه .. لو المشكلة سوفت وير سوي له ريستور .. ولو شاشه الله يعينك تغيرينها .. بالتوفيق tch36

  16. jojo قال:

    اهلين اخوي

    انا جوالي طاح مني وقلبت شاشتي بيييضااء

    طفييته بعد ماعلقت ع البطن هوم و الباور وبعد تقريبا 5 دقايق شغلته
    ونفس المشكله يالله يشتغل وتطلع شاشه بيضاء

    شبكته باللاب وتعرف عليه الايتونز وفتح عاادي سويت ريستورت وبرضوا مافااد

    وش اسوووي ؟؟!

    • Mr. A قال:

      أهلين، الشاشة الداخلية عندك خربانه أتوقع .. وديه لمحل وخليهم يشوفونها وأكيد بيقولون لك تغير شاشة داخلية، إذا جهازك ايفون 3 جي اس .. سعر الشاشة بالكثير 100 ريال .. وزيدي عليها قيمة التركيب ممكن 30 ريال، وعاد يختلف من محل لمحل ممكن تحلصين أغلى أو ارخص، بالتوفيق tch20

  17. \\\\ قال:

    اهلين الايبود انكسرت شاشته وطلع شوي من الاجهزه هل يتصلح او لا tch10 tch10 tch10 tch10 tch10 tch10 tch10 tch10 tch10 tch10

  18. \\\\ قال:

    تكفووووووون ردولي بصرعه tch10 tch10

  19. alghamdi قال:

    لو سمحت يالطيب انا عندي ايفون 4 والشاشة انكسرت زي ما قلت من الطفاقة ^_^

    ومحتار اشتري من برا او من السعودية سألت تقريبا من 350 -- 550 ريال في جدة

    وانا ابي نوعية جيدة مو من اللي يمشيك كم شهر ومحتاااااار وابي المشورة من اهل الخبرة (( لا ندم من استشار ولا خاب من استخار ))

    موقعي قريب من جدة

    وسلامتكم

    🙂 tch10

    • Mr. A قال:

      أهلين أخوي، الحمد الله على سلامة الجوال tch3
      شاشة الايفون 4 اغلى من الثري جي اس، عشان دقتها وكذا .. بالنسبة لأنك تطلبها من برى، فـ وش يضمن لك أن اللي بتطلبها من برى أصلية ؟ أو حتى بنوعية جيدة ؟ ممكن تطلبها واذا وصلتك تشبكها في الجهاز ماتشتغل ، فـ تدخل في متاهه ثانية .. أنا اشوف الدعوة ما تستاهل، ركبها عند المحل نفسه ولو ماركبت زين أو تحس فيه مشكلة تقدر تفكها أو تأخذ جهازك وكذا .. النقطة الثانية هي أن الشاشات الموجودة ممتازة وما تمشي من شهر وبس .. أنا عندي وحده مركبها لي الأن 7 شهور وللأن ما فيها مشاكل ولا حاجه tch17

      • هدى قال:

        السلام عليكم

        مبارك عليك الشهرر

        اخوي وين فيه المحل طاح ايفوني وانكسرت شاشه كسر بسيط بس اللمس صار مايشتغل عند بعض الجهات من الشاشه

        بليزز واذا فيه رقم للمحل tch10

  20. Mr. A قال:

    وعليكم السلام ورحمة الله،
    المحل اللي شريت منه كان في الرياض شارع المرسلات، موجود الوصف حقه في الموضوع tch3 .. ماعندي ارقام له للاسف، لكن هم هناك عدة محلات مهوب واحد ممكن اللي يروح يلف كذا محل ويشوف الاسعار والمحل اللي يعجبه tch17

  21. من مكة قال:

    سلام يااخوي مستر اي
    انا عندي ايفون شاشته الداخليه انكسرت بس الداخليه تمام وممتازه
    انا لي اكثر من اسبوعين الفلف محلات مكة اكثرهم وكلهم نصابين مالقيت غير محلين
    واحد يقول الايفون يبغاله بس تتش خارجي الشاشة الداخليه تمام
    والثاني يقول لازم الشاشتين مايجي شاشة
    طيب الاول يقول 200 بس التاتش لحاله على قولته
    الثاني يقول 250 التاتش مع الشاشة الداخليه
    قلت احسن اروح للمحل الثاني الفرق 50 المهم الثاني اللي 250 قلت له وريني الشاشة لمن شفتها مكتووب عليها ميدي إن صيني يعني صنع بالصين قلت له هذي مو اصلي قالي الا اصلي انا الحين باخذ رايك اخذها ولا وكيف اعرف انها اصليه وهل هناك في مشكلة لمن اركب الشاشة ناس يقولون الالوان تتغير مادري والله انا اتفقت معه اليوم على بكره اجيله بعد العشا واعطيه الجوال واجيله بعد ساعة او سااعتين
    وشكرا على طرحك الجميل والمشوق والمسلي وموضوعك موضوع مهم

    • Mr. A قال:

      وعليكم السلام، أهلين اخوي
      بالنسبة للشاشات اتوقع كل الموجود في السوق صيني، ولو بتفكر فيها اصلا بتكتشف ان الجهاز اساساً صيني وبس التصميم حقه هو اللي من كاليفورنيا .. لذا توكل على الله بس tch3 .. اما بالنسبة للالوان فـ انا سبق وغيرت الشاشة الداخلية وما تغيرت الالوان عندي ولا صار لها شيء، مدري يمكن خويك مركب شاشة تختلف عن اللي انا ركبتها tch27 .. بالتوفيق اخوي tch26

  22. من مكة قال:

    باك انا شريت الشاشة وحبيت افيدكم
    الشاشة ثلاثه انواع
    1- أصلي
    2- صيني درجة اولى تكلفتها مع التركيب 250
    3- صينى درجة ثالثه وهذا أسوأ شي
    وانا ركبت الشاشة والحمدلله زي الحلاوه ماكنها تغيرت اصلن شاشة وفي خلال نص ساعة او ساعة الا ربع ويخلص تركيبها المهندس
    تحياتي للجميع

  23. mayar قال:

    هااي انا عندي ايفون 4 صيني انكسرت الشاشه من الداخل tch10 هل تتغير الشاشه tch9 انا في جده في حي بريمان ابي رد بسرعه tch32

  24. سوسو قال:

    صباح الطفاقه tch3

    اخوي من مكه وين سويت الشاشه بأي محل وهل أيفونك 4 او 3 ؟؟

    بليز انا بحاجه للمعلومات لاني كل ماروح محل يصكوني بـ500 او 600 tch23

    انا عندي الشاشه الخارجيه مكسوره اما التاتش سليم tch34

    وعلى فكره ثاني مره ينكسر الايفون tch10 الظاهر عين وماصلت ع النبي tch16 او طفاقه !!!!

  25. سوسو قال:

    مشكوووووور اخوووي من مكه مااااقصرت
    وانشاءالله قريب اروح لهم واخبركم شو صار معي tch17

  26. هنو 00 قال:

    السلام عليكم ..
    انا ايفوني 3gs المهم السالفه ومافيها طاح مني وصارت الشاشه بيضاء
    وجربت اشبكه ع الايتونز وتعرف عليه عادي حتى اسمع الرسايل الي توصلني بس مااشوف غير هالشاشه البيضاء ..!! المشكله ماودي اوديه لمحل تدرون يعني وشسمه فيه صور لي وكذا مايصلح اوديه <<لان ماادري هل يقدرون يسحبون الصور الي فيه او لا ..!؟ tch38 خخ ..
    انا سمعت يقولون اشتري مفك الساعات الصغير افك مسامير الايفون الي من تحت واضغط ع الشي المنفصل فيه ..؟ بس خايفه اغامر بهالشي
    اذا عندكم حل افيدوني ..

    • Mr. A قال:

      وعليكم السلام ورحمة الله وبركاته
      اذا كان الجهاز عليه باسورد ما يقدر ياخذ منه بيانات ابداً، ما يقدر يفتحه الا لما يسوي له ريستور ومسح للبيانات .. لو ما كان عليه باسورد تقدرين تسوين للجهاز باك اب عن طريق الايتونز عشان تحفظين صورك ومعلوماتك وبعدين سوي له ريستور عشان ينمسح وخلاص تعطينه المحل عادي، واول ما يضبط رجعي الباك اب طبيعي .. اما اذا تبين تفكينه وتغيرين الشاشة بنفسك فهذا فيديو شرح لكيفية تغييرها :

      http://www.youtube.com/watch?v=RLPWqyA8qHA

  27. هنو 00 قال:

    ^
    يعطيك العافيه وماقصرت ..
    يعني اذا الشاشه بيضاء يدل ع ان المشكله في الهارد وير ؟

    • Mr. A قال:

      ايه في الغالب مشكلة في الشاشة، لان الشاشة مسؤولة عن العرض بس .. وانتي تقولين ان الجهاز يشتغل ويتعرف عليه الايتونز، لو كانت المشكلة من السوفت وير كان ما اشتغل، ولو كانت المشكلة من المذربورد والا من قطعه ثانية في الجهاز كان ما اشتغلت برضو، لذا اغلب الظن انها شاشة .. قيمتها من ٧٠ الى ١٠٠ ريال لحالها بدون تركيب .. ويعتمد على اسعار المحلات اللي عندكم عاد tch34

  28. أنين الصمت قال:

    شكرًا علي الموضوع الاكثر من رائع ًًًًًًً

    حبيت أشارك معكم في الموضوع !!!!!!!!!

    يااااخوان لاتنسون ان ايجارتهم غاليه يعني تخيل فرع التخصصي ايجاره في الشهر ٢٠٠٠٠ الف ريال كيف يطلع الإيجار ؟
    والي في المرسالات إيجار الطاوله الصغيره ١٠٠٠٠ ريال ؟؟؟
    السؤال كيف يطلع الإيجار ؟

  29. ooqq قال:

    اخوي
    انا عندي ايفون ٣g
    ركبته عن طريق الغلط علي شاحن خربات
    و شلته بس لما خلص شحنه وركبته علي الشاحن الصالح بس ما قام يشحن
    ويطلع علامة البطاريه الحمره
    ولما وديته المحلات قالو ماله تصليح والصراحه ما صارله اسبوعين 
    ولقيت محلين قالوا فيه التماس
    والصراحه مافهمت وتصليحه حيل غالي عندنا بالكويت تقريبا ٣٠ قالوا
    واطلب نصيحتك وابي اعرف شنو فيه بالضبط احترق او التماس
    علي العلم ان البطاريه تطلعلي لما اضغط زر السليب اكثر من مره
    وجربت اشحنه اكثر من مره ونفس الحاله وقالوا اتركيه علي الشاحن اكثر من يوم ونفس المشكله
    بليييز ابي خبرتك ما صارلي اسبوعين والله ما تهنيت فيه 

    • Mr. A قال:

      اهلين، بالنسبة لمشكلتك مرت علي مره في ايبود واحد من اصدقائي .. شبكه في شاحن مهوب اصلي وصار له نفس المشكلة ولما راح للمحل قالوا له شيء زي الـ AC خربان وغيروه له بـ ميتين ريال تقريباً ..

      بحثت لك في النت عن حلول وحصلت هالموضوع، جربي الخيارات اللي فيه تحت وشوفي تضبط معك والا لا :

      http://nabtron.com/iphone-not-charging-finally-solved/1820/

      بالتوفيق tch34

  30. هنو 00 قال:

    وديت جهازي لشارع المرسلات وقالو فيه التماس !! كيف التماس ؟
    يقولون ماعاد يصلح جهازك tch9 tch9

  31. هنو 00 قال:

    ^ تابع
    فكوه قالو التماس ويوم رجعوه لي ماعاد طلعت لا شاشه بيضاء ولاغيره
    tch23

  32. هنو 00 قال:

    ايه قالو القطع مش موجوده هنا ..
    طاح على الأرض على وجهه tch3

    • Mr. A قال:

      اهلين، طيب سألتي عن محل واحد والا كذا محل؟
      ووش القطعه اللي يقولون مهيب موجودة؟ اسألي وش اسم القطعه المتضرره بالضبط، ممكن يكون سعرها رخيص برى مثلاً، او تبحثين عن شخص يبيعها هنا

  33. هنو 00 قال:

    محلين الاول فكه وقال التماس والقطع موموجوده ,لكن ماسألته عن اسم القطعه لان بصراحه تحطمت وقتها 🙁
    والثاني قال مافي منه فايده خلاص وللعلم ماقال هالكلام الا يوم شبكه ع جهازه ومالقى اي تفاعل من الايفون ..
    بس برجع مره ثانيه لان قالولي ع محل يمدحونه كثير ومارحت له بروح واشوف
    وان شاءالله خيير tch20

  34. شمآلية قال:

    و الله ي الطيب انا سويت شاشة جهآزي ب 200 ريال tch38 tch20

    بس مثل م قلت راعين المحلات شغالين نصب درجة اولى

    الله يعيننآ عليهم بسسً tch9

    يعطيك العافيةً ., tch28

  35. Nouf AlQahtani قال:

    انكسرت قزازة الاي باد (قلب مكسور حتت حتت) tch10

    الحين اذا القزازة اللي برا انكسرت بس اقدر استخدمه وكل شي تمام يصير بس اصلحها بلحالها؟

    وابي مكان بالشرقية tch35

  36. fa6oom.66 قال:

    مابقولكم السالفه كامله بتحسوني خبله بس بقولكم مرا بنت الله يهديها رشت عطر خايس و علقت بايفوني قلت ابغسله tch32 بس لا لا ما غسلته بسس خذيت مناديل و بلتتهم و مسحت ايفوني ما اشوف الا يطفيييييي tch16 و اروح اكتب بققووقل ع طول و قالوا ادفنه بكيس رز و سويت بس فتح و صارت الشاشه بيضا ولكن اذا حطيته ع الجهاز (الاب ) ما يتعرف ع الايفون .. tch32 وش اسوي انا اللحين انتحر ولا فيه حلل … !! tch18

    • Mr. A قال:

      أهلين،
      تحتاجين تأخذين الجهاز لمحل صيانه عشان يشوفون وش المشكلة فيه بالضبط .. ممكن تكون حساسات أو الشاشة متعطله، وان شاء الله صيانتها ما تأخذ وقت ولا تكون غالية tch26

  37. nouf قال:

    لو سمحتو يعني محد يعرف محل يصلح لي شاشة الايبود تتش اهئ اهئ
    حقتي مو انكسرت الا اتفتفتت بس ماشاء الله والحمدللله لسه يشتغل الايبود
    بس ابغا اصلحها مع العلم انا في جدة يعني بلييييييييييييييز اللي يعرف لا يبخل عليا بس يكون السعر معقول لانو في محلات قالولي ب 600 ريااال اشتري جديد اححسن صح ؟

  38. :\ قال:

    السلام عليكم ورحمة الله وبركاته
    جزاك الله خير على الموضوع
    انا عندي جالاكسي تاب وانشلخت او انسكرت الشاشه لكن التش حقه شغال والجهاز شغال .
    ابسألك الحين هالمحل يصلح اجهزة السامسونج ؟ وهل سعر التصليح نفس الايفون ؟
    او بالأحرى كم تتوقع بيكلف! علما اني راعي مكاسر ولا ناوي ادفع اكثر من 50 عليه tch7 ! وكم بياخذ الموضوع من وقت .

    • Mr. A قال:

      وعليكم السلام ورحمة الله وبركاته،
      أهلين وسهلين .. حياك اخوي .. بالنسبة للجالكسي تاب شفت فيه محلات في المرسلات في الرياض تصلحه لكن مدري بكم صراحه لانه قليل انتشاره ، فـ يعتمد على سعر الشاشة نفسها .. أنت عليك بالمكاسر اهم شيء tch3 .. وان شاء الله ما راح ياخذ وقت .. في نفس اليوم المفترض يخلص tch15

  39. Nouf AlQahtani قال:

    عزوز تخيل مصلحه شاشة اي باد + شاشة اي فون عند الوكيل في الخبر بـ 1700 ريال tch3

    ملعوب علينا بقوة tch38

  40. Mr.FLANH قال:

    انا حذفت برنامج jump spring وأول ماحذفته علق الجهاز tch7
    ثم ضغط الهوم وينضغط وزر الباور بعد جربته وضغط وقفل الشاشه ثم يوم جيت بشغله ماينسسحب حق فتح القفل tch9 قلت يمكن متأثر عشان بيفقد هالبرنامج tch3 وخليتهه سساعتين ثم جيت شغلته وبعد اللمس مايشتغل tch9 tch9 كيف ممكن أصلحه هل يحتاج شاشه جديده وكم يكلف ؟
    < تقول الله يعينن بيذبحن أبوي tch18 tch3
    مايصير يتصلح بالبيت يعني اشبكه ع الاب وكذا ؟ tch3 لان توي قبل شوي نافختن ريشي بالبيت وماخليت احد ماتهاوشت معه والله لايوقفون ضدن ويكرهولن بعيششتن tch9

    • Mr. A قال:

      أهلين .. جرب تضغط زر الهوم ( السفلي ) مع زر السليب ( العلوي ) مع بعض لمدة 10 ثواني وخلك معلق عليهم الاثنين لحد مايسوي ريستارت الجهاز من نفسه .. بعدها جرب ان شاء الله يضبط معك tch20

  41. s.alharbi قال:

    عندي مشكلة في شاشة الأرقام صارت صغيره وعلى اليسار ولما أضغط الرقم السري ما يطلع صحيح ….طبعاً الجهاز ايفون4 tch10

  42. سوسو قال:

    مرة طاح مني الاي باد
    بس مانكسرت الشاشة
    بس طفا نوره بس لم اقرب منه اشوف الخلفية وكلشي
    هل يتصلح ..؟؟
    تعرف احد بجدة يصلحه ..؟؟؟
    tch9 tch9 tch9 tch9 tch9 tch9 tch9 tch9 tch9

  43. s.alharbi قال:

    شكراً لتفاعلكم…
    حاولت انزل الصوره لكن شكل البلوتوث فيه مشكله في اللاب
    انا حملت ثيم من السيديا وبعدها صارت المشكله انه لوحة رمز الدخول
    صغيره وعلى اليسار ولما اضغط الرقم الاول يضغط اربع ارقام ولما
    اضغط على رقم 8 تجي مكالمة طوارئ…
    وعلى فكره الجهاز ايفون 4s

    • Mr. A قال:

      أهلين .. بما أن المشكلة عندك من السيديا ممكن تحمل برنامج على الكمبيوتر ( برامج تفتح لك ملفات الايفون مثل برنامج iExplorer ) وبعدين تتصفح ملفات الجهاز لحد ما تحصل الثيم وتحذفه.

      هل عندك نسخة احتياطية من جهازك؟ سواء على الاي كلاود او في الايتونز؟

  44. s.alharbi قال:

    رحم الله والديك …
    نعم عندي نسخه في الايتونز

    • Mr. A قال:

      اهلين .. إذا أنت قادر تفتح الجهاز ( تتخطى الرقم السري ) بتقدر تلغي الثيم من السيديا عن طريق البرنامج اللي قلت لك، أما اذا ماتقدر وجهازك مو راضي يتعدى صفحه فتح القفل فـ ما عندك الا حل واحد وهو الريستور للأسف 🙁

  45. Mode قال:

    السلااام عليكم وصباحك ورد وسكر لبا قلوبكم بس tch28

    الحين سؤالي انا انكسرت شاشتي حقت الايفون 4 وين المحل لنة ابي شاسة اصلية في الرياض tch3

    ياليت تخدموني tch30

    شكرا

    • Mr. A قال:

      وعليكم السلام ورحمة الله وبركاته،
      اهلين اخوي .. حياك ربي، ممكن تصلح الشاشة في أكثر من مكان .. لكن مافيه شيء اسمه شاشة اصلية، لان الايفون ماله قطع غيار من الشركة .. كل الموجود اشياء صينية لكن قد يكون فيه شيء درجة اولى وفيه شيء درجة ثانية وكذا tch3
      -- مدري وين مكانك لكن لو كنت من سكان الشمال ممكن تزورنا في تكنو ستور ونسويها لك ( في حق العقيق ). او ممكن تمر المرسلات ويصلحونها لك برضو.

      مع العلم أن تكلفة الشاشة الأمامية للايفون الاسود ما تتجاوز ٢٥٠ ريال tch15

  46. @ عبدالله ٣١٣٣@ @ قال:

    اخوي Mr:A
    وين محلك فيه انا في حي الياسمين شمال الرياض
    وصف لي لا هنت خبيبي..
    tch25 tch25 tch25 tch37 tch40 tch10

  47. @ عبدالله ٣١٣٣@ @ قال:

    جزاك الله خير ،، وان شاء الله ابجيك
    يالاخو انا جهازي ايفون ٤ وعندي الشاشة الرئيسية مكسوره في الزاوية اللي في الاعلى اليسرى وبقية الشاشة سليمة ولله الحمد ..

    عاد وانا اخوك ابيك تراعيني في السعر ..
    😀 tch29 tch3  

    • Mr. A قال:

      أمين واياك وكل مسلم .. بالنسبة للشاشة فـ ولا يهمك بنقص لك الشاشة حقتك بالصاروخ ونحط لك قزازة جديدة مكان المكسورة بنص السعر tch38

  48. NOR قال:

    السلام عليكم .. يعطيك العافيه ع الموضوع انا ايفوني طاح ع ظهره وانعدم كل شي فيه من وراء وشاشتي الاماميه اشوا ماجاها ولا خدش tch40 المهم بوديه لمحل كيف تصليحه ؟ وكم تتوقع سعره ؟ tch9 وشكرا tch28

    • Mr. A قال:

      وعليكم السلام ورحمة الله وبركاته،
      الحمد الله على سلامة جهازك tch3
      بالنسبة للخلفية تغييرها سهل وغير مكلف، تقريباً ١٠٠ ريال tch15
      ممكن تزورينا في تكنو ستور لو انتي من سكان الراض ونضبطها لك ان شاء الله tch40

  49. انا لايبوووووووووود انكسر الشاشع بس بصيد تتوقعووووو كم تصلحوووو بليز ردوووو tch5 tch5 tch5 tch5 tch5 tch5 tch5 tch5 tch5 tch5 tch5 tch5 tch5 tch5 tch5 tch5 tch5 tch5 tch40 tch40 tch40 tch40 tch40 tch40 tch40 tch40 tch40 tch40 tch40 tch40 tch40 tch40 tch40 tch31 tch31 tch31 tch31 tch31 tch31 tch31 tch31 tch31 tch29 tch29 tch29 tch29 tch29 tch29 tch29 tch29 tch5 tch5 tch5 tch5 tch5 tch6 tch6 tch6 tch6 tch21 tch21 tch21 tch4 tch4 tch4 tch4 tch4 tch4 tch4 tch4 😀 😀 😀 tch1 tch1 tch1 tch1


صفحة جديدة 2