حلول مشاكل فتح الحساب في الآب ستور



بسبب كثرة مشاكل فتح الحساب بالاب ستور قررنا انه نحصر جميع المشكلات لوضع الحلول الصحيحه بشكل مُبسط ويكون مرجع لأي شخص يواجه مشكلة عند فتح الحساب سواء مجاني أو غيره، ووجب اننا ننوه على نقطه مهمه بانه يوجد موضوع خاص لـ شرح كيفية فتح حساب مجاني في الآب ستور بالصور يجب الاطلاع عليه قبل الخوض بالمشاكل 


على هذا الرابط :
http://www.tichno.com/apple/iphone/how-to-creat-free-app-store-account


نبدأ باسم الله وشدو الحزام 

fixing app store registration issues - حلول مشاكل التسجيل في الابستور 

– مشكلة عدم ظهور كلمة " none " عند فتح حساب مجاني في الاب ستور !
تأكد من اختيارك لتطبيق مجاني " free " عند فتح الحساب .. لأن لو اخترت برنامج غير مجاني يعني بفلوس ماراح تطلع لك هالكلمة .

 

* * * *

 


– مشكلة " تعذر تنزيل التطبيق " يمكنك تنزيل التطبيق بعد الدخول الى الايتونز ستور على الكمبيوتر ( حاول مجددا ) !

1- الرسالة تتضمن بأن الباسورد اللي انت كتبته خطأ، يمكن انك كتبت الارقام بالعربي بينما هي مكتوبه انجليزي بالاساس مثلاً! .. جرب تسوي استعادة لكلمة المرور على ايميلك لو ماضبطت معك الطريقة الاولى ، ادخل من هنا :
http://iforgot.apple.com/


2- أو ادخل على ” الاعدادات ” بعدين اختار متصفح ” سفاري ” وبعدين انزل تحت لنهاية الصفحه ، بتحصل ( سجل التاريخ ) ( سجل الكوكيز ) ( سجل الذاكرة ) .. سو لهم كلهم  مسح وبعدين اضغط دبل كليك على زر الهوم ( السفلي ) وسكر التطبيقات اللي تشتغل في شريط المهام , ثم جرب مرة أخرى ..

 

* * * *

– مشكلة عند تحميل البرنامج ظهور رسالة "لايمكن الاتصال بـ store تعذر انشاء اتصال آمن الرجاء التاكد من إعدادات التاريخ والوقت " !

قم بضبط التاريخ والوقت بشكل صحيح , وذلك بالدخول على الاعدادات – عام  – الوقت والتاريخ .. وتأكد بان الوقت والتاريخ مضبوطين تمام وشغل الخيار ( الضبط التلقائي )

 

* * * *


– مشكله " ( Postcode ) او الرمز البريدي " عند فتح حساب امريكي !

اكتب هالعنوان :
Address 1 : 5170 Hudson Drive
City : Hudson
State : OH
Zip : 44236
Phone : 440-339-2222

أو هذا العنوان :
Address 1 : 11647 san vicent
City : sauquoit
State : CA
Zip : 90049-5105
Phone : 001-654-2106

 

* * * *


– مشكلة " ظهور خطأ الباسورد بالأحمر " وعبارة bassword must contain at least one lower case letter عند فتح حساب جديد !
عند اختيارك للباسورد لازم يكون من 8 خانات، ويتكون من حروف انجليزي ( كابيتل و سمول و أرقام )
مثال : Aa123456

 

* * * * 


– مشكلة " ظهور الايميل باللون الاحمر " عند فتح حساب جديد وظهور عبارة that email is already used as an apple id !

معناه الايميل مستخدم من قبل .. حاول تجرب ايميل آخر  .

 

* * * * 


– مشكلة " ظهور رقم الهاتف باللون الأحمر " عند فتح حساب جديد  !

اذا كان الحساب سعودي – ادخل مفتاح المنطقه 966 وبعدين رقمك
واذا كان الحساب امريكي – ادخل مفتاح المنطقه 000 أو مفتاح 001 وبعدين خربط لك اي رقم

 

* * * * 


– مشكلة ظهور عبارة " أنت لا تتخطه الحد الادنى للسن " أو you cannot create an apple id because you do not meet the minimum age  requirement عند استكمال بيانات الحساب !

السبب يعود لصغر السن .. حاول تسجل عمرك أكبر من 18 سنه

.
.


– ماطريقة تسجيل الخروج من حساب .. للدخول بحساب آخر  ؟

نفتح على الابستور وبعدين نختار الخيار الأول من تحت على اليسار ( Featured ) بعد ماتنفتح لك الصفحه، ننزل تحت لنهاية الصفحه وراح تحصل الحساب الأول قدامك،  ونضغط على الإيميل وبتطلع لك خيارات من ضمنها خيار ( تسجيل الخروج — Sign out )
وللدخول بحساب آخر نختار ( Sign in )

 

* * * * 


– ماكيفية استرجاع الباسورد لحسابي عند النسيان ؟

تحتاج تدخل هالصفحه :
https://iforgot.apple.com
وتكتب الايميل حقك وبتوصلك رسالة فيها رقم جديد

 

 * * * * 


– ماكيفيه تحويل الحساب من السعودي الى الامريكي ؟

تفضل بالدخول على هذا الرابط
http://www.tichno.com/apple/iphone/switching-country-in-appstore-account

 

* * * *


– لم تصلني رسالة تفعيل الحساب على البريد ؟

1- تأكد من كتابة ايميلك بشكل صحيح
2- أو ادخل على البريد الغير هام ( الجنك ميل ) احتمال تكون واصله هنا
3- أو سوي تسجيل دخول بالحساب اللي ماوصلت له الرسالة وحاول تحمل لعبة ، بتطلع لك صفحه تقول لك انك مافعلت الحساب للآن وفيه زر تحت في نهاية الصفحه  مكتوب فيه ( إعادة إرسال رسالة التفعيل — Resend verification ) اضغط عليه ويرسلون لك مره ثانية رسالة التفعيل .

 

* * * *


– ماكيفية تفعيل الحساب اذا وصلت الرساله على البريد ؟

راح تلقى بالايميل " رابط تفعيل "
لما تضغط عليه بيفتح لك صفحه في موقع ابل تطلب منك تدخل الايميل والباسورد اللي اخترته وقت التسجيل .. وبعدها يكون الحساب جاهز ومفعل  .

 

* * * * 


– بعد وصول الرساله على البريد فيها  كلمة Verify Now  لونها ازرق بس لما اضغط عليها ماتنفتح الصفحه !

اضغط كليك يمين على الكلمة الزرقاء واختر كلمة ( انسخ الرابط ) ، بعدين افتح المتصفح والصق الرابط فوق وجرب افتح الصفحه .

 

* * * * 


– كيف احمل برامج من الابستور ؟

ادخل على متجر الابستور ودور لك على البرنامج اللي يعجبك وبعدين اضغط على كلمة free ثم install ويتحمل عندك البرنامج .

 

* * * * 


– نزلت تطبيقات وبرامج لكن مالقيتها على سطح الايفون مختفيه مع انه يقول مثبته !

السبب هو ان صفحات الايفون امتلئة بالتطبيقات وصارت التطبيقات الجديده مالها مكان , الحل انك ( تجمع التطبيقات المناسبه داخل ايقونه واحده وهكذا ) عشان توفر مساحه بالصفحات , وعيد تشغيل الجهاز راح تلقى البرامج الجديد طالعه عندك .

* * * * 

– ماكيفية شراء البرامج بـ بطاقة الايتونز أو الفيزا كارد ؟

ادخل على الابستور وبعدين اختار اول خانه تحت يسار ( Featured ) وبعدين تنزل تحت لنهاية الصفحه وبتحصل كلمة ( Redeem ) اضغط عليها وبيطلع لك خانة عشان  تكتب فيها الكود اللي مكتوب على البطاقة وخلاص ينضاف الرصيد لحسابك ..
وللتفاصيل أكثر ادخل على موضوع كيفية استخدام بطاقة الآيتونز iTunes Gift Card   من هالرابط :
http://www.tichno.com/apple/iphone/how-to-redeem-itunes-gift-card

 

ولو حبيت تضيف بطاقة الفيزا السعودية فـ لازم حسابك يكون سعودي، ماتقدر تشتري بالفيزا السعودية من الحساب الامريكي!

 

 

* * * *

– ممكن أحد يقدر يطلع على بياناتي ومعلوماتي والصور عند استخدامي لحساب شخص آخر أو العكس ؟

بالنسبة للحساب فهو يقدر يعرف اي برنامج حملته .. ولو كنت مسوي تحديث للنظام الجديد ( iOS 5 ) فهو يقدر يشوف اي صورة تتصور بالجهاز + الأسماء ( الكونتكتس )  + ممكن يحدد مكان الجهاز بالضبط .. وما الى ذلك , لان الحساب يكون مرتبط بخدمة الآي كلاود  .

 

* * * * 


– انا ايميل حسابي مشترك بين الايفون والايبود واذا جيت انزل اي لعبه او برنامج عن طريق الاب ستور للايبود تصير عندي في الايفون ويقولي البرنامج مثبت وانا ابيه يكون في الايبود ؟

اذا دخلت على البرنامج اللي تبيه بتلقى مكتوب عليه INSTALL يعني مثبت لكن لما تضغط عليه ينزل التطبيق على الايبود عادي .

 

* * * * 


– عند تحديث البرامج والضغط على ( ابديت )  يطلع لي حساب ايميل آخر غير ايميلي ؟

السبب ان البرنامج محمل بالحساب القديم ، فلازم تسجل الخروج من هالحساب وتحملها بالحساب الجديد حقك ..

 

* * * *


– عندكم خدمة فتح حساب خاص وترسلونه لي لاني ماعرفت ؟

اعتمد على نفسك فـ التجربه خير برهان 
 .

.

فإن أصبنا فمن الله وإن أخطأنا فمن مستر أي والشيطان

494165 زيارة  | 

الكلمات الدليلة : , , , ,

 

مواضيع عشوائية :

775 تعليق حتى الأن.

  1. خالد قال:

    السلام عليكم ما قصرت بس أنا وصلتني رسالة التفعيل وحطيت البريد والبأس وورد وجاتني the address …………..@gmail.com has already been verified وبعدين رحت للآب ستور إبغا انزل تطبيق وجاني استخدم حساب موجود أو إنشاء جديد أو إلغاء واخترت استخدم وحطيت البريد والبأس وورد وجاتني صفحة جديدة فيها مربع اعادة الرساله على الايميل ايششش الحل

    • Mr. A قال:

      وعليكم السلام ورحمة الله وبركاته،
      للاسف مافيه حل واضح لمشكلتك .. أنا لو مكانك أسوي حساب جديد (بأيميل ثاني) اسرع وأسهل .. أو لو تبي تحاول محاولة أخيرة في حسابك، جرب تدخل على صفحة إدارة الحساب من هنا ممكن تحصل شيء يفيدك أو يحل مشكلتك:
      https://appleid.apple.com

  2. shrooq قال:

    السلام عليكم
    اخوي انا سويت حساب سعودي وحولته لأمريكي وشحنت بطاقة الايتونز
    بس لما اجي اشتري برنامج تظلع لي هالرساله
    verification required
    to help ensur the security of apple ID we require additional inforation
    واضغط اوكي يطلع لي سؤالين اجاوب عليهم يطلع كلام بالاحمر احس انه غلط اجاباتي وانا عارفه انها غلط
    مو عارفه وش اسوي
    وحسابي 25$
    اتمنى ترد علي بأسرع وقت
    وشاكره لك جهودك tch28

  3. نجول قال:

    السلام عليكم
    اخوي انا عندي حساب امريكي والي مسويلي راعي المحل وطبعا اعرف شلون اشتري رصيد الخ
    بس مشكلتي اني ناسيه السؤال السري ،، اطلبوا مني وطلعلي خطأ ،، وكاتبيلي اني ادش بعد ٨ ساعات شنو الحل غصب طيب يبون الاحابه وانا ناسيه

  4. محمد العنزي قال:

    اخوي عندي مشكله .. انا سويت حساب جديد بالابل ستور
    وكل شي مضبوط ويرسلون لي رساله التحديث لحساب بالاميل
    ادخل الرسال واضغط التحديث ويقول انه تحدث لما ادخله بالابل ستور
    يقول انه ماتحدث ؟ شلمشكله
    شكرا لك ..

  5. Dana قال:

    سلام عليكم مساعده بليز دخت دخت

    You must turn on cookies to continue.
    Cookies must be enabled if you want to create or edit an Apple ID. This is so your information can be correctly recorded.
    To turn on cookies, tap Settings on the main screen of your device. Then tap Safari, tap Accept Cookies, and select “From visited.”
    يطلعي كل ما اعمل حساب جديد الحل..؟؟؟؟

  6. Mr. A قال:

    وعليكم السلام ورحمة الله وبركاته
    افتح الإعدادات ثم اختر خانة ( سفاري -- Safari ) ثم اضغط على ( قبول الكوكيز ) واختر الخيار ( من التي تمت زيارتها )

  7. joooj قال:

    أنا جهازي ايبود اصدار 4.2.1لما اجي احمل تطبيق يجيني ذا this app requires iOS 4.3
    ايش اسوي ؟

    • Mr. A قال:

      أهلين .. التطبيق اللي تبي تحمله يشترط أن جهازك يكون إصداره 4.3 فما فوق .. لازم تسوي تحديث للايبود حقك. وإذا الايبود حقك الجيل الثالث وهذا أخر اصدار له فـ مافيه حل ثاني للاسف

  8. سامي قال:

    السلام انا عندي مشكله اني اذا جيت احمل يطلعلي تعذر الدخول ممكن حل

    • Mr. A قال:

      وعليكم السلام ورحمة الله وبركاته،
      جرب تسكر تطبيق الابستور من شريط المهام ( اضغط ضغطتين على زر الهوم واذا ظهر لك شريط المهام قفل التطبيقات اللي تشتغل ). وتأكد من تاريخ جهازك أنه يكون مضبوط بشكل صحيح.

  9. علي قال:

    حسابي انحذف وأريد اسوي حساب جديد يقول الجهاز لا يقدر يعمل حساب ثاني

    • Mr. A قال:

      أهلين .. عادي تقدر تسوي حساب جديد .. وين كتب لك هالكلام؟
      ادخل الإعدادت حقت الجهاز ثم اختر Appstore .. هل بيطلع لك ايميل والا بتحصل خانتين فاضية ( الايميل وكلمة المرور )؟
      إذا فيه ايميل اضغط عليه واختر تسجيل الخروج عشان تطلع منه. وإذا مافيه ايميل فـ افتح الابستور وطبق الشرح الموجود في الايميل، لكن لا تسجيل بنفس الايميل السابق حقك! لازم ايميل جديد

  10. Roro12 قال:

    السلام عليكم
    أنا عندي مشكله في حساب الإبل . أنا توني مسويه حساب جديد وطرشوا إيميل وسويت verify بس المشكله لما ادش مره ثانيه عشان احمل يكتب لي your have not verify your account مللني ماعرف شاسوي معاه tch9 tch9

    • Mr. A قال:

      وعليكم السلام ورحمة الله وبركاته،
      طيب لما تدخل ويقول لك ماسويت تفعيل للحساب، هل حاولت تفعله مره ثانية بعدها؟ حاول تفعل الحساب مره ثانية يمكن يضبط إن شاء الله معك

  11. Roro12 قال:

    يوم ادخل اقول ان بيطرش verification بالايميل ومايطرش

  12. Roro12 قال:

    اول ماحط اليوزر والباس اقول لي you have not verified your account وبعدين اضغط ع الاوكي . بعده اضغط على resend verification Email ودش ايميلي وماحصل ولا رساله .فماعرف اشلون بفعله ادش على الرساله القديمه الرساله الي طرشوها اول مره وحط verify وقول لي انه already been verified

    • Mr. A قال:

      أهلين .. طيب بحثت في البريد الغير هام ( الجنك ميل) ؟ ممكن وصلك هناك الرسالة؟
      إذا استمرت المشكلة رأيي الشخصي سو إيميل جديد وريح نفسك tch34

  13. سعود قال:

    اخوي انا كل ماسوي حساب في الاب ستور واكمل حل الخانات اخر شي يطلع لي هالكلام the email account name contains special charac
    ters حتى لو غيرت الحساب يطلع نفس الكلام شو الحل الله يجزاك الخير

    • Mr. A قال:

      أهلين .. معناها أن الايميل اللي كتبته يحوي على رموز غير مقبولة، متأكد من كتابة إيميلك بشكل صحيح؟ ممكن ناقص الـ ( @ ) مثلاً؟

  14. Amr قال:

    السلام عليكم
    عندي مشكله كل ما اعمل حساب للاب ستور وافعل الحساب عن طريق الموقع وبعد كده ادخل علي الاب ستور وانزل برنامج مجاني تظهر الرساله دي You have not verified your account
    Tap ok to review the instructions on how to verify apple ID بعد اذنك تحللي المشكله دي

  15. عندي ماك ولايوجد به اب ستور تكفون كيف يمكنني تحميله

    • Mr. A قال:

      أهلين .. لازم يكون إصدار جهازك 10.6.8 عشان يكون عندك الابستور ..
      اضغط على علامة التفاحة الموجودة فوق على اليسار ثم اختر الخيار ( about this mac ) وبيطلع لك اصدار جهازك الحالي.

  16. أحمد قال:

    ياشباب أنا عامل جيلبريك لمن أنزل برنامج من الاب ستور بعض البرامج يبقي لونها أبيض

  17. سائل قال:

    لمن ادخل الستور و احد فيوشترد و انزل تحت ألاقي أن حسابي”الايميل” مشفر و ما اقدر ادخل فيه و اغير الستور من امريكي الى سعودي

  18. hiz قال:

    السلام عليكم.. شكراً لك وجزاك الله خير معلومات واضحه ومهمه الله ييسرلك

    حبيت اسال. انا شريت ايفون وصاحب المحل حمل لي كثير برامج بحسابه
    وانا الغيت حسابه من الاي كلاود فقط حسابي الموجود ، والبرامج مامسحتها هل يستطيع الوصول لبياناتي ؟ انو احمل البرامج من جديد بحسابي ؟ وشكراً

  19. حماده قال:

    السلام عليكم انا غيرت الباسورد بتاع الاب استور
    وتم ارسال رساله الي بريدي وانا نسيت كلمه السر تبع البريد
    كيف الحل لو سمحتو

    • Mr. A قال:

      وعليكم السلام ورحمة الله وبركاته،
      إذا ماكنت اضفت لحسابك إيميل إضافي ( الايميل المنقذ ) ما راح تقدر تسترجع حسابك لأن ماتقدر تدخل على ايميلك الأساسي .. إلا إذا حافظ جميع بيانات حسابك الشخصية … افتح هذه الصفحة
      https://iforgot.apple.com

      واختر الخيار ( استعادة كلمة المرور من خلال الإجابة على الأسئلة -- Answer security questions )

  20. lolo قال:

    سَلٱمٌ:۶ـَاـْيگمّ-ۈرζـْمّـٌة”ٱللـّہ”ﯙبُرگـّاتہ
    لو سمحت اخوي احتاج حل لحسابي لما اجي بحمل فيه بجهاز ثاني يطلب مني الاجابه ع الاسئله اسئلة الامان وانا ناسيه الاجابه ايش الحل ؟!

  21. Norhan قال:

    Your account is not valid for use in U.S.A You must

  22. مي قال:

    السلام عليكم

    انا اول ماشرين الجهاز خليت المحل ينزل لي برامج
    وبعدين دخلت بحسابي انا وانزل عادي
    لكن لما اسوي ابديت لبرنامج منزله المحل يطله ايميلهم
    وماقدرت ادخل حسابي
    وارجع للرئيسيه حسابي فيه
    شلون اغير ايميلهم عجزت :/

    • Mr. A قال:

      وعليكم السلام ورحمة الله وبركاته،
      مرحباً، للاسف مهما تغيرين الحساب يظل إذا جيتي تسوين تحديث للتطبيقات اللي حملها المحل ( بإيميله ) بتطلب منك إيميلهم هم وليس إيميلك .. الحل هو أنك تحذفين أي برنامج ركبه لك المحل وتعيدين تحمليه مره ثانية بحسابك. ممكن تستخدمين برامج الآي تولز عشان يسهل لك العملية لأنه بيعرض لك الإيميل اللي محمل فيه كل تطبيق والحذف منه اسرع واسهل tch34
      *
      http://www.tichno.com/apple/iphone/itools-download-links-and-review

  23. rami قال:

    واللي تظهر له الرساله هذا ( Verification Required )
    before you can make purchases you must tap continue to sign in. then verify payment info

    وش الحل يالغالي tch10 tch2

    • Mr. A قال:

      مرحباً .. أعتقد بيطلب منك تعبي بيانات الفيزا وما راح يعطيك فرصه تختار none صحيح؟
      إذا كذا مالك الا تسوي حساب جديد بإيميل ثاني tch34

  24. بسام الشمري قال:

    السلام عليك كما موجود تحت فيه مشكله في الجهاز وسويت reset و رجعت الباس ورد بس برضو يوم سويت تسجل خروج من جديد ورجعت رجعت نفس المشكله

    tihs apple ID has been disabled for securiy reasons. tap
    reset to reset your account

    • Mr. A قال:

      وعليكم السلام ورحمة الله وبركاته،
      جرب تدخل على هذا الرابط :

      http://iforgot.apple.com/

      وبعدين سو إستعادة لكلمة المرور ( بيطلب منك تختار كلمة جديدة غير السابقة ) وبعد كذا ارجع جرب حسابك، ان شاء الله تكون انحلت مشكلتك tch26 tch34

  25. Shahad قال:

    مرحباً أخي أنا كلما أحط حساب ابل على الايباد يكلي خطا لقد ادخلت رقم سري خطا رغم أني جربت أكثر من حساب حك أهلي بس ما ضبط شنو الحل لأني زهكت منه مممممممممممره أنا عندي أسياد ٢

  26. روان قال:

    السلام عليكم ,
    شريت آيفون فايف من أسبوع تقريباً و كل يوم ينزل لي برنامج جديد و ألعاب بدون ما أحمل شي , صار هالشي من آيباد أختي الصغيرة لأن الحساب مشترك.

    كيف أقدر أمنع هالشي ؟

    • Mr. A قال:

      وعليكم السلام ورحمة الله وبركاته،
      اهلين .. ادخلي على الإعدادات > store
      بعدين بتلقين خانة التحميل التلقائي مشغلة، سوي لها إيقاف وخلاص tch34

  27. أمل قال:

    السلام عليكم ،
    لو سمحت حسابي بالابستور عطيته وحده مع الرقم السري عشان تقدر تحمل من حسابي بسأل هل ممكن انه تقدر تشوف الصور اللي بجهازي .. واذا حذفت الحساب البرامج والصور اللي بجهازي ممكن انها تجي على جهازها ؟

    • Mr. A قال:

      وعليكم السلام ورحمة الله وبركاته،
      مرحباً .. بالنسبة لصديقتك هل تقدر تشوف صورك او لا فـ هذا يعتمد عليك انتي .. هل فعلتي الآي كلاود بنفس الحساب اللي عطيتيه زميلتك على جهازك؟ وإذا كان الاي كلاود مفعل عندك هل خدمة تدفق الصور تشتغل أو لا؟
      إذا الآي كلاود غير مفعل فـ ماتقدر تشوف صورك ولكن ممكن تطلع على التطبيقات اللي حملتيها فقط tch34

  28. عبود قال:

    أبي حل أنا محمل ألعاب بفلوس أوكي وما أقد أحدثهم يطلعي ايميل الي محدثلي ألعاب وش حل tch10

  29. عبود قال:

    [email protected] mail.com. هذا ايميل حق المحل كل أبي أحدث لعبه ما اقدر يقول اكتب رقمه سري أنا ما اعرفه أنا عندي حساب وليه ما يطلع على حسابي؟؟ بليززز وش الحل

    • Mr. A قال:

      مرحباً،
      يطلع لك هالحساب لأن فيه تطبيقات هو محملها لك، الابستور إذا جاء يسوي تحديث لأي تطبيق يرجع للإيميل اللي محمل التطبيق ويتجاهل الإيميل الموجود. لازم صاحب المحل يحدثها لك او تحذفها وتحملها بحسابك

  30. Toto قال:

    السلام عليكم لو سمحت اذا بغيت انزل برنامج تطلع لي هذي الرساله
    Account Not In This Store
    Your account is not valid for use in the kuwaiti store . You must switch to the U.S. store before purchasing

  31. الشريف قال:

    السلام عليكم

    أخوي ممكن مساعدة كيف اسوي تحويل حساب ابل ستور من فيزا لمجاني حاولت في الايفون والايباد أنا حسابي سعودي

    • Mr. A قال:

      وعليكم السلام ورحمة الله وبركاته،
      بالنسبة للتحويل من حساب فيزا لمجاني أعتقد لازم يكون عندك بطاقة ايتونز كارد وتحول حسابك للإمريكي .. أحتمال تضبط معك لست متأكد tch34

  32. جهاد قال:

    السلام عليكم
    اسفه علي الإزعاج
    بس انا عايزه حل لانه عقلي الله يكون بعونه
    انا عملت الحساب وكل الخطوات تمام التمام وعند آخر مرحله وهي اني استلم رسالة التفعيل للأسف لم تصل واصبرت عليها كتير بس ما فيش حاجه وصلت وعملت إعادة الإرسال 1000000000 الف مرررررررررررره
    انا دلوقتي عايزه اعرف بالظبط ألاقي فين الرساله عشان افعل الحساب
    بليز

    • Mr. A قال:

      وعليكم السلام ورحمة الله وبركاته،
      مرحباً .. هل تأكدتي من كتابة إيميلك وقت التسجيل بشكل صحيح؟ لم يصلك رسالة منهم على الجنك ميل ( البريد الغير هام )؟
      انصح بتجربة فتح حساب اخرى بأيميل جديد

  33. جهاد قال:

    أخت جوجو انا زيك بالظبط وبدخل علي الرسائل النصيه inbox بس ما فيش رسايل جديده عليه تحمل الرابط ولا شي
    وبيقولو الاقيه علي الجنيك ميل
    وانا للأسف ما عنديش معلومات ما هو الجنيك ميل ولا حتي لاقياه بالجهاز عندي
    والله احترت.

  34. مها قال:

    انا جهازي ايفون فايف .. حملت برنامج تويت بوت من حساب شخص في تويتر مشهور ، حملته من حسابه لأنه بفلوس
    اهم شيء اني سجلت دخول من حسابه عن طريق الاعدادات بعدين Apple ID وحملت البرنامج وسجلت خروج من حسابه ودخلت بحسابي .. السؤال هل يقدر هذا الشخص يوصل لمعلوماتي وصوري ؟؟ علماً اني مافعلت اي كلاود .. وشكراً

  35. RAHAF قال:

    السلام عليكم حبيت اسأل اذا مافيه احراج

  36. عبود قال:

    سلام أنا لو بحمل برنامج اكتب اسمه يطلعي أنا محمل بس ما حملت برنامج ؟؟؟ وش أسوي

    • Mr. A قال:

      وعليكم السلام .. كم عدد صفحات البرامج اللي عندك؟ إذا 11 صفحة فـ تحتاج تجمع بعض التطبيقات مع بعض ثم تطفي الجهاز وتعيد تشغيلة من جديد، لأن الجهاز فقط يعرض لك 11 صفحة ويمكن عندك صفحات اكثر

  37. عبود قال:

    نفس شي كنت محمل kik وجاء تحديث وحدثته وراح برنامج Kik من نفسه جئت بحمل مره ثانيه يقول محمل وهو مختفي دورته ملقيته ؟؟ وش الحل tch10

    • Mr. A قال:

      وعليكم السلام .. كم عدد صفحات البرامج اللي عندك؟ إذا 11 صفحة فـ تحتاج تجمع بعض التطبيقات مع بعض ثم تطفي الجهاز وتعيد تشغيلة من جديد، لأن الجهاز فقط يعرض لك 11 صفحة ويمكن عندك صفحات اكثر

  38. عبود قال:

    السلام أنا محمل kik وحمل معي في تحديث وحدثت برنامج وختفه برنامج kik وش الحل

    • Mr. A قال:

      وعليكم السلام ورحمة الله،
      افتح الجهاز على الصفحه الرئيسية بعدين اسحب بأصبعك لجهة اليمين لكي تظهر لك الصفحة الخاصة بالبحث في الجهاز .. اكتب اسم البرنامج في خانة البحث وتأكد هل البرنامج موجود على جهازك أم لا؟

  39. عبود قال:

    وفي برنامج أبي احمله يقول انت حمله بس ماحملتهواضغط عليها ما ينضغط وش أسوي ؟؟!!

  40. ميش قال:

    سلآم عليهمم 🙁
    .. كيفكم ي حلوينن ..
    المهمم مابي اكثر هرجج ومآلكم ب آلطويلة ! tch32

    آنا سويت حساب على ألاب ستور و خليتهه آمريككي اوكك tch3
    والحينن ي طويل العمر و السلامهه اذا بحمل شي او بسوي ابديت لبرنامجج
    يقوولي

    Your account is not valid for use in Saudi arabia store
    you must switch to the US store before purshasing

    المهمم مآبي آغيرهه الى سعوددي ! ابي اسوي دآعس
    وكذاا وش الحلل tch18 tch39

  41. شوشو قال:

    السلام عليكم
    حبيت اسأل أنا مسوية Appl IDمجاني بس كل ما أجي انزل أي لعبة يكتبو لي كلام بالأسود ويوم اضغط ok مايستو شيئ واحيانا يكتب
    يكتبولي تعذر الاتصال بالايتونز
    وش أسوي ؟

  42. مضيعة قال:

    انا مضبوط الوقت عندي وحطيت العداد التلقائي
    بس لما اجي اسجل يقول لا يمكنك الاتصال بأيتونز
    وش الحل
    جربت اكثر من مرة
    ومشكله ثانيه
    اذا جيت اسوي حساب تجيني الصفحة وتروح بسرعه

    ولمعلوميه جهازي ايباد

  43. baqer-77 قال:

    حاولة باكثر من حساب و حاولة افتح حساب جديد بس دايم تظهر لي هذي المشكلة ..!!

    • Mr. A قال:

      مرحباً، وش يظهر لك بالضبط؟

      • baqer-77 قال:

        في البداية اذا بغيت احل برنامج من الستور يقول لي يجب عليك قراءة الحكام و الشروط و الموافقة عليها و تظهر لي الشروط واحط قراءة و موافق عليها و بعدها دايم تطلع لي ذي ” your session has timed out, tray again ” مع العلم اني حاولة اسويها بسرعة و مرة خليتها تقعد وقت بس ما نفعة ..!!
        🙁

      • Mr. A قال:

        مرحبا، وش اصدار جهازك؟ وهل الوقت والتاريخ مضبوطة عندك؟

      • علي قال:

        اناسويت شي غلط اني رحت قلبته من سعودي الى امريكي حول احمل برنامج ويقولي لايمكن الاتصال

      • Mr. A قال:

        مرحباً .. أخ علي
        في البداية سو تسجيل خروج من حسابك الابستور .. بعدين ضغط مرتين على زر الهوم وراح تظهر لك شريط المهام ويعرض لك البرامج اللي تشتغل عندك .. سكر الابستور من الشريط وبعدين حاول تسوي تسجيل خروج بالحساب حقك مره ثانية وتشوف.

  44. ثامر يوسف قال:

    سلام عليكم اخويا من اجي اسوي حساب ابل ستور من ايتونز من اوصل معلومات الشخصية مثلا zip code يطلعلي فوك احمر كاتبة http://www.apple.com/support/itunes/ww/
    يطلعلي هذا الموقع من ادخله علية مااعرف شنو اسوي ممكن الحل

  45. Dona قال:

    السلام عليكم
    لو سمحتو ساعدوني طفشت و انا اعمل حساب ف اب استور كل شي يكون تمام اوصل عند رسالة التفعيل و يتلخبط كل شي
    مومكن اعرف فين احصل رسالة التفعيل
    وكمانه كل ما اجي احط الايميل و الباسورد ف البريد الالكتروني ما يفتح و يقولي خطاء
    ابغى اعرف كيف ادخل ع البريد عشان افعل الحساب وربي ما نمت و مرا مقهورة
    بليززززز ابغى الحل بسرعه الله يخليكم
    و شكرا مقدما

    • Mr. A قال:

      وعليكم السلام ورحمة الله وبركاته،
      في البداية لازم يكون عندك إيميل، الإيميل هذا راح تسجلين فيه في الأبستور .. بعد ماتنتهي عملية التسجيل تحتاجين تروحين للإيميل حقك وتفتحينه بتحصلين فيه رسالة جايه من ابل، اللي هي رسالة التفعيل tch34

  46. 27lode قال:

    السلام عليكم انا عندي مشكله ما اقدر احدث الايباد حقي يوم ادخل الاعدادات يطلع لي حول والاصوات : بس مايطلع لي تحديث البرامج وتحديثي هو 4.3.5 قديمم جداً ارجوكم ساعدوني في المشكله هذي

    • Mr. A قال:

      وعليكم السلام ورحمة الله وبركاته
      للاسف التحديث اللي عن طريق الجهاز مايشمل إصدار جهازك، الميزة هذي بدأت مع التحديث 5 فما فوق .. لذا بالنسبة لك لازم تسوي تحديث عن طريق اللاب توب

  47. عبدالواحد قال:

    السلام عليكم ورحمة الله وبركاته
    اخواني ارجوا لمساعدة اناعندي مشكله في انشاء حساب الآي كلاود عندي آيفون 4 وحين أقوم بفتح حساب اي كلاود من الإعدادات في الأخير من الإنشاء تأتيني رسالة
    تقول (لايعد هذا الجهازمؤهلا لإنشاء حساب)وشكرآ

  48. سلاااام قال:

    السلاااام عليكم ورحمة الله وبركاته اناجهازي ايفون5 وسويت حساب جديد للآب ستور والايتونز والبريد بحساب واحد فقط وأريد حذف حسابي اللي في البريد وأخاف ينحذف كل حسابي اللي في الآب ستور والايتونز.
    فهل سينحذف.
    وشكرا.

    • Mr. A قال:

      وعليكم السلام ورحمة الله وبركاته،
      معليش مافهمت عليك زين .. قصدك لو تحذف ايميلك من اعدادات البريد هل ينحذف حسابك على الابستور؟
      اذا هذا قصدك فـ لا ماينحذف ان شاء الله tch34

  49. م قال:

    السلام عليكم انا عندي مشكلت الحساب المزيف يعني سويت في اب ستور بدون ان أسجل ع جيميل ولم انزل البرامج للى بفلوس يطلعلي أسىل و انا ناسي الجواب ☺️ شنو الحل يصير احول الرسائل ع رقم الفون


صفحة جديدة 2