أشهر برامج تحميل الملفات الصوتية والفيديو والصور لـ مشاركتها عبر الانترنت 

مراحب أعضاء وزوار تكنو .. مبارك عليكم الشهر والله يكتب لنا ولكم أجره
من فترة وأنا كنت أعاني من متصفح سفاري مع انه نال أعجابي بجميع نواحيه خفيف وسريع وسهل التصفح فيه
لكن تبقى هناك مشكله كبيره فيه اللي هو انه مايدعم رفع الصور أو الملفات على مراكز التحميل للمواقع
واليوم جبت لكم على أشهر برامج تحميل الملفات الصوتية والفيديو والصور ومشاركتها عبر الانترنت
فالزين فيهن انه تقدر تفتح حساب خاص فيك ولما ترفعهن على المواقع ويجي يوم تتحسف انك نزلت هالصوره مثلا تروح تحذفها من البرنامج فتنحذف من الموقع ( حركاتي امنول 🙂
) يوم كنت استخدمه بجهازي 


أما الميزه الثانيه بهالبرامج هو انه مثل مفتاح السبير تقدر تديره بجميع الأجهزه بحساب واحد يعني صاير مثل الميموري اتخزين فيه كل اللي تبي ولما تجي تدخل من جهاز ثاني تفتح على الموقع وتنزل ملفاتك , عن نفسي استفدت منه بالصدفه يوم جهازي خرب واضطريت افرمته وفجأه القى ملفاتي على صحنٍ من ذهب
يمكن البعض يعرف هالبرامج لكن اللي اعليمي مثلي توه يطيح فيهن من فترة وخصوصاً التطبيقات اللي وفروها لنا بمتجر ابل ستور ..

أول برنامج معنا هو

4shared

4share شرح برنامج

 

رابط الموقع
http://www.4shared.com

 

4shared شرح برنامج

اضغط على الصور لرؤيتها بحجمها الطبيعي

البرنامج يعطيك خيارات كثيره مثل ماهو موضحها بهالصوره

4shared Desktop
ممكن تحمله على سطح مكتبك فلما تضغط على تنزيل دايركت ينزلك البرنامج على حسب نوعية جهازك سواء كان بنظام

  Mac أو Linux أو Windows


من مميزاته :
1- تحميل أو تنزيل عدة ملفات

 ( صور – فيديو – ملفات صوتية – ملفات Zip , Rar  – Text )
2- قدرة استئناف الاتصالات المتوقفة
3- نظام إدارة الملفات قوي وسهل الاستخدام
4- مجاني

  

نقطه مهمه :

البرنامج ممكن تستخدمه بمساحة مجانيه قدرُها 10 جيجا بايت .. أنا استخدمه لمده 3 سنوات وماشاء الله شايلن عفشي كله بصفحتين كاملات  وللحين يقول هاتي بعد   😯 ..

أيضا اذا حاب تفتح لك مساحه تخزين أكبر فممكن تشترك شهريا او سنويا بـ مبلغ وقدره .. والصوره توضح الأتي : 

4shared شرح برنامج  

4shared شرح برنامج 

4shared استخدام برنامج للايفون والايباد

 اضغط على الصور لرؤيتها بحجمها الطبيعي

بعد مااكملنا عملية التسجيل

فهذي النظره العامه للحساب الخاص فينا .. ولأني داخله من متصفح سفاري .. فما راح نقدر نرفع الصور بسبب ان المتصفح مايدعم الرفع بدليل ان الايقونه ماتنضغط 

لكن لو بندخل من جهازنا ونستخدم متصفح فايروكس أو اكسبلورا أو كروم شروم راح يسمح برفع الملفات ..!   

4shared

.

.

أيضاً ممكن تحمل البرنامج كتطبيق للهاتف المحمول سواء كان لـ

Symbian | BlackBerry
iPhone or iPad | Android

فيوجد 3 تطبيقات جميله جداً للفورشيرد لكنه منفصله ومنها :
4shared Sync

4shared photo

4sharedmusic

أولا نبدأ بـ  

4shared sync شرح
4shared Sync 
4share sync شرح برنامج

 
وهذا هو التطبيق المتوفر في متجر ابل ستور


وهو برنامج مزامنه تقدر منه ترفع الصور والفيديو بكل سهوله
ومعطيك خيارات عديده له فممكن تحمله على جهازك المكتبي أو المحمول أو على الهاتف

الميزه اللي اعجبتني فيه اني استخدمته كوسيلة نقل الصور او الفيديوهات من جهاز المحمول الى الايباد
بدال مااسوي مزامنه بين جهازي والايباد عن طريق الأيتونز ,هومن مدري الا وهو ماسحن لي برامجي وتطبيقاتي وملفاتي بكل وساعة وجه
فهذا يختصر لي المشوار
4shared

download 4shared sync for ipad and iphone

.

.

  4shared photo شرح تطبيق للايفون

4shared photo

وهو عبارة عن ألبوم صور .. تقدر تفتح مجلد خاص فيك وتحط فيه صور جديده من التقاطة بالكاميرا أو صور من جهازك
بالاضافه انه ممكن تشارك صورك وتنشرها بالفيس بوك أو التويتر أو عبر الايميل

4share photo كيفية استخدام

 
على فكره !
اي صوره ترفعها بأي تطبيق من ذولي تأكد انها راح تتخزن على حسابك بالـ 4shared
وبمجرد ماتحذف الصوره راح تنحذف تماماَ  ..
 

4shared photo download for ipad & iphone

.

.

4shared music شرح استخدام تطبيق للايفون والايباد4sharedmusic

بحثت عنه بالابل ستور مالقيته لكن موجود بالسيديا للي مركبين الجليبريك أدخلوا عن طريق الـ Installous

وهو تطبيق تقدر تتصفح منه جميع  الملفات الصوتيه المرفوعه على الفور شيرد وتشغلها وتحفظها عندك أيضا بمجلد

  تروح لمربع البحث وتكتب اي شي ببالك بيشك لك قائمة من الملفات الصوتية   ..  

4shared Music كيفية استخدام برنامج 

عن نفسي اعجبني جداً ومهم عندي هالتطبيق اغناني عن دباشة البلوتوث وقلق السيديا  

طبعا لاأحلل من يستخدمه للأغاني أو لشي يغضب الله وأنا ابريء ذمتي الى يوم الدين 

.

. 

البرنامج الآخر لرفع الصور :

 

برنامج
Dropbox
   dropbox icon

يشبه لـ   4 shared نفس الفكره بالضبط

فتنطبق عليه جميع الصفات والمميزات اللي فوق .. بس اللهم انه مساحته المجانيه هو 2 جيجا بايت 

واذا كنت كاش بإمكانك تشترك بمساحة أكبر شهريا أو سنويا 

أيضاً يُدير عدة أجهزه ..

لتثبيته على جهازك بنظام الـ

   Windows أو Mac أو Linux

ادخل على هالرابط
http://www.dropbox.com

dropbox شرح تطبيق  

طريقة تحميل البرنامج عاديه مثل اي برنامج .. نضغط على Download Dropbox

اذا كنت داخل عليه من جهازك فهو بينزله بسطح مكتبك ..

أما اذا كنت داخل عليه من البلاك أو الايفون أو الايباد مثلي فبينزله لك دايركت امبرمج نفسه يالله لك الحمد وهذا أحسن شي فيه بلا فك روابط ولاوجع راس 

 

وهنا

  ممكن تنزله من المتجر اذا تبيه كتطبيق ..

http://itunes.apple.com/us/app/dropbox/id327630330?mt=8

 

بعد ماندخل على الدروبوكس وبعد التسجيل بتطلع لك خيارات فـ تضغط على l Agree اذا تبيها مساحة مجانية ..

وبكذا نرفع الصور منه

dropbox شرح تطبيق الايفون والايفون 

السهم اللي باليمين .. يحفظ لنا الصوره المرفوعه ..

أما ايقونه السلسه ..

هنا اذا بغيت ترسل رابط الصوره على الايميل

أو تنسخ رابط الصوره

أو تنسخ الصوره مباشره 

dropbox تطبيق الايفون

 

ملاحظه :

اذا حذفت الصوره من البرنامج راح ينحذف رابطها من المواقع

فلذلك انتبه تسوي درس وتنزله هومن تمسح الصور من البرنامج ويروح الشرح خساره 🙂 ..

من عيوبه :

انه يرفع فقط الصور أما الفيديو والملفات الصوتيه مايرفعها لك ..

  

وبكذا انتهينا اتمنى اني مابرمت روسكم 

وعن نفسي أفضل الفورشيرد أكثر من الدروبوكس .. لأن مجالاته أوسع وأكبر

pixel design

18 تعليقات

  1. واااااو tch31
    واخيراً اقدر فهمت وش قصة هالموقع tch5 ، الصراحة الدروب بوكس كان عندي فكرة بسيطة عنه اما الفورشير ذا على بالي انها ماركة شنطة tch34 .. جهد رائع وشرح واضح جدا، وأنا اقرا الموضوع فتحت لي حسابين مع الحماس tch3، ولا بعد جبت اهلي من السوق وخلصت لي كذا شغلة <<-- كأني شطحت شوي tch38 يعطيك الف عافية وان شاء الله نشتري من شناطكم tch1 << لا واضح فهمت الشرح tch11

  2. الله يعطيك الف عافية عالشرح الوافي tch4
    وصدق الفور شير انقذني باكثر من موقف
    tch28

  3. اهلن اهلن مستر أي 
    اهم شي خذ لك الشنطه الماركه لايهكون عليك بتقليد خبري فيك راس اميمتك ماأبعدت عنها      tch5 <- اوه حسبت أمك مثل آمي تشري شنطه من سوق الجمعه وتقول دوتس شريت لتس شنطة ماريكه ( بكسر الراء وخنق الياء tch3 )

    ودامك فتحت حسابين خلني ازيدك و افحمك شِعراً tch1
    اذا دخلت على حسابك بالفور شيرد رح للاعدادات واختار اللي يناسبك اذا كان ودك تظهر ملفاتك الخاصه بالبحث العام او اخفاءها واذا ودك ان الاخرين يشاركونك وياخذون ملفاتك لحسابهم

    وتقدر تخلي حسابك مسبل للرايح والجاي يعني كصدقه جاريه اتخليه مفتوح وتحمل فيه ملفات لمحاضرات دينية وثقافية وعلمية <- قالت حنا برمضان خلني اكسب فيك أجر بدال ماتطارد أهلك بالسوقه tch38

    الموقع فيه مميزات كثيره صدقني بيعجبك ان شاء الله اكثر واكثر 
    يمال العافيه والله نورت tch26

  4. CIS
    ويعافيك ربي تسلمين والله tch26
    وحبيت اضيف شغله ماقلته هو ان الملفات الصوتيه تشتغل على خلفية الجهاز  

  5. 4sharedmusic

    آللحين وشلون آحملة … عندي آلسيديآ وآلجليبريك

    وقسسمن آدربي رآآسي (آختكم سطل كبـييير ولله آلحمد وآلمنة tch29 )

    وآلله آبية تكفون علموني (خنقتة آلعبرة tch9 )

    • اهلين اختي، تحتاجين تركبين برنامج الانستولس .. اللي يخليك تقدرين تحملين البرامج المكركه (كل البرامج ببلاش يعني tch25)، الخطوات كالتالي :
      – اول شيء افتحي السيديا.
      – اختاري كلمة ( Sources ) من الخيارات اللي تحت.
      – اضغطي على كلمة ( Edit ) اللي فوق على اليمين.
      – اضغطي على كلمة ( Add ) اللي بتكون فوق على اليسار.
      – بيطلع لك مربع في وسط الشاشة، اكتبي فيه ( http://cydia.hackulo.us ) وبعدين اضغطي Add Source
      – بتحصلين من ضمن السورسات الموجودة سورس جديد اسمه ( Hackulo.us )
      – اضغطي على السورس وبعدين دوري على الاسم هذا ( Installous 4 )، اضغطي عليه وبعدين بتفتح لك صفحه .. فوق على اليمين فيه كلمة Install
      – بعد ما تضغطين عليها بيتحمل لك البرنامج وبيصير عندك البرنامج وبتحصلين فيه تطبيقات كثيره كلها مكركه وببلاش ، ومن ضمنها الفورشيرد ميوزيك
      tch17

  6. غديش
    انتي عندك برنامج Installous ؟ اللي ايقونته سهم أخضر
    حملي التطبيق منه tch17

  7. هلا اختي عساك على القوه ابغي اعرف كيف اسوي مزامنه بين الايباد والكمبيوتر عن طريق برنامج
    4shared Sync

    • اهلين يامرحبا
      الطريقه سهله ، دام انتي فتحتي حساب بالفور شيرد
      ادخلي على هالرابط وسجلي دخولك من الكمبيوتر
      http://www.4shared.com/
      وعن طريق مركز التحميل الموجود بحسابك ارفعي الملفات والصور فيه

      وبعدين روحي للايباد
      وسجلي دخولك ببرنامج 4shared Sync
      راح تلاقين جميع الملفات والصور موجودة بحسابك
      وبكذا تمت المزامنه tch40

    • الكتب غالبا تجي صيغتها PDF
      حملي عندك برنامج Dropbox على جهازك الكمبيوتر
      http://www.dropbox.com
      /
      ومن هنا حملي البرنامج على الايفون او الايباد
      http://itunes.apple.com/us/app/dropbox/id327630330?mt=8
      /
      بعدها افتحي لك حساب بالبرنامج وارفعي ملفاتك عادي مثل مراكز التحميل ، وخوذي الرابط حقه وانشريه tch1

  8. ربي ينورحياتك واخرتك اناعندي جلبيريك وماحصلت 4sharedmusic ع Installous موموجود. طيب بعدفرضا لوادخل ع موقعه مباشره واحمل منه بدون ماانزل تطبيقه نفس النتيجه والا لا والسؤال الاخيراناجهازي الايباد رفض يحمل من موقعه مباشره يقول الصيغه لايدعمهالجهاز tch10 اوزي كذا احتاجة ضروري ربي يسعددنيتك وآخرتك انتظرردك شاكره لك جهدك

    • اهلين
      للأسف حاليا التطبيق مو موجود على الانستولز
      لكن تقدر تدخل عليه من متصفح سفاري من هنا
      http://www.4shared.com/4music/
      وتحفظ الصفحه
      عن طريق السهم الصغير اللي فوق اضغطه واختار ( إضافة إلى الشاشة )
      وراح ينحفظ التطبيق على سطح الايباد كتطبيق ، لانه هو نفسه .

    • اي صح وبالنسبه لحفظ المقاطع ، فالايباد مو نفس الكمبيوتر ماتقدر تنزل مقاطع صوت من هالموقع
      فطريقتهم انه يكون لك حساب بالـ 4shared نزل هالتطبيق بجهازك
      بعدين رح لرابط صفحة الـ 4music وابحث عن مقطع الصوت اللي تبيه واضغط علامة الزائد الموجودة يمين واختار مجلد الحفظ .
      بعدها ادخل على تطبيق الـ 4shared بتلقى جميع المقاطع اللي نزلتها محفوظة تقدر تشغلها .

  9. السلام عليكم

    لو سمحت عندي استفسار ..
    انا ابحمل من الفور شيرد بس ما يضبط معاي
    يعني احمل صور بس مايكمل التنزيل
    انا جهازي ايباد ٢ .. اتمنى تساعدني

    • وعليكم السلام والرحمه
      قصدك بتحملين الصور اللي بجهازك على الفورشيرد؟
      يمكن حجم الصور عندك كبير فيصير بطيء بالتحميل
      او اتصالك ضعيف وينقطع اتصال النت ومايكتمل تنزيل الصوره بالفورشيرد ، تآكدي من الاتصال
      احيانا يكون زين بس يفصل ويرجع وانت ماتدرين ..

  10. لا اخوي فهمتني غلط
    قصدي اذا جيت ابحمل صور من موضوع شخص ثاني

    مثلا صور تصميم وكذا … بعد مايفتح الفور شيرد واختار تنزيل
    تطلع صفحه فتح في …
    ابي اختار فور شيرد بس اذا ضغطت ع فتح تروح الصفحه
    وينعاد كل شي من جديد

    • بس مايحتاج هذا كله
      تقدرين تنزلين صور على جهازك من دون طريقة فتح بالفورشيرد
      يعني مثلا عندك صوره بتنزلينها ، خلي اصبعك واقف على الصورة مدة ٣ ثواني بتطلع لك رساله على الايباد يقولك ( حفظ الصوره – أو نسخ ) انتي اختاري حفظ
      وراح تنحفظ عندك بالصور الخاصه بالايباد
      والمعذره ان كنت فهمت غلط بعد بذي tch6

Leave a Reply to سكون الليل الغاء التعليق

اكتب تعليقك
اكتب اسمك هنا