برنامج دردشه باسلوب شيق Drift Bottle

كتب بواسطة مايو - 14 - 2011   |  ضمن قسم آبل, آي فون, تطبيقات

 

برنامج دردشه باسلوب حلو وشيق

 

drift bottle

Drift Bottle

 

فكرة البرنامج 

تضع رساله في غرشه او قنينه   وتلقيها في البحر   والرساله توصل بشكل عشوائي لاي شخص  يمكن يكونو في اليابان او امريكا  او  واحد جنبك 

البرنامج سهل مايحتاج فلسفه  لكن فيه حاجه بوضحها  عن مكان  كتابة الاسم او التوقيع اخر الرسائل اللي ترسلها 




تستطيع ارسال صوره مع الرساله  وبمجرد ماتكتب الرساله 

وتضغط  Done

ارم القنينه الى داخل البحر بسحبها من الاعلى   

احلا مافي البرنامج  القاء القنينه ههههههه  تحس انك داخل جو  من جد

يعطيك مجال تفضفض عن كل احاسيسك المكبوته  ….   ومجال تستهبل …  ومجال تدخل مع ناس جدد  من خارج محيطك   و البرنامج يوجد فيه ترجمه   لكن مو دقيقه  مره لكن تفك ازمه

من خلال تجربته   لقيت  يابانيين  وصينيين وهولنديين وكويتيين  وامريكيين    وطبعا  السعوديين اول الواصلين  ههههههه

فيه ناس مستغله البرنامج  للدعوه الى الله بشكل كبير 

 طبعا قد تواجه بعض الاشخاص الماصلين  بقلة ادبهم  او يرسلون صور لا تناسب الذوق العام لكن في اعلى البرنامج  قائمة بلاك لست  المرسل اللي يزعجك جلسه  فيها   

الرسائل اللي توصلك يا رد على رسالتك او رساله من ناس مجهولين  بتكون على الشاطئ بشكل هذا 

 

 

واتمنا لكم اجمل واطيب الرسائل  

 

26857 زيارة  | 

الكلمات الدليلة :

 

لمحة عن ammar

على الانستقرام @al3erg
  • RSS

مواضيع عشوائية :

35 تعليق حتى الأن.

  1. Mr. A قال:

    ههههههههههههه الله يقطع بليسك الحين الناس تسوي تجمعات وحملات عشان ينظفون المحيطات .. وأنت تجي تنطل غراش بكل بساطة !! .. وين هالحملات عنك تكفى tch38؟؟

    ياخي فكرة التطبيق جداً حلوه .. تنفع للي يبي يفضفض وما لقى أحد يعطه وجه .. وبتفتح باب لتبادل الخبرات بين الدول .. كأني أشوفك يا عمار جالس تنصح لك واحد كوري tch3
    * ملاحظة : الرجاء أخذ الحذر وعدم كتابة ( وش تحس فيه أنت .. رح أنتحر أحسن لك tch38 ) .. ومشتقتها من الكلمات العامية الشهيره لدينا .. يمكن يترجمها واحد أجنبي وتكون الدنيا مسكره في وجهه ويصدق .. ثم عاد تجي في ذمتكم tch20 <<-- ياقربي منطول مع ذا الغراش tch3

  2. CIS قال:

    مرره كنت متحمسه له ، ومحد شجعني
    شي جديد و ممتع
    موضوعك يحمس ، بروح احمله
    شكرا tch28

  3. ammar قال:

    Mr. A
    انطل غراش فيها رسائل ازين من اللي ينطلون غراش فيها نبيذ tch24 <<< متاثر بجزيرة الكنز والقراصنه 😀

    المهم ورنا نطلك للغراش نشوف وين توصل .. انتبه بس تنطل غرشه فيها صك تكنو ثم يضيع مستقبلنا tch3 كني اشوفك تقول والله مادريت ثم يجي مديرنا صيني يلعنا خخخخخخ

    CIS
    ايه مره روعه اسهر عليه من حلاته … انواع الا دمان الله يعيين الي جنب الشاطئ اضاهر كل روسهم فلوق من كثر الغراش اللي وصلتهم 😀

    معلومه اضافيه tch21
    فيه برنامج نفس الفكره اسمه : QBOTTLE
    لكن ما ارتحت له لاني تعودت على الاول tch41

    وشكرا لوجودكم هنا ايها الرفاق tch17

  4. jojo قال:

    اي اح اخ tch31
    دوووف tch41
    راسي كله صار صعاارير من كل الاحجام tch10
    الرجاء رمي القوارير” بشويش” مره اخرى tch9

    البرناااامج حركه شكرا جزيلا الله يعطيك العافيه tch28 tch26

    برب لاقرب عياده 🙁

  5. المستشار العالمي قال:

    يعطيك الف عافيه
    من فتره وانا ابحث عن هالبرناج

    الف الف شكر

  6. Nouf AlQahtani قال:

    ماحبيته مدري ليش tch41

    بس احسن شي لاصرت معصب وودك تطلع حرتك tch38

    اكتب اللي تبي وقطه بحر tch3

    مالي خلق اكتب موضوع حاليا بس فيه برنامج حلو اسمه spycams tch17

    جربوه وبتسهرون عليه صدق tch38

  7. pixel قال:

    طيب واللي ماعنده ايفون يروح يحلت قوارير صدقيه بالبحر .. بس المشكله حتى البحر ماعندنا وش السوات ! tch3

    أنا اقول ياعمار ياليت تجدع لي قرشتن من هالعرايش على سطح بيتنا غدين احل مشكلتك وافضفض معك ترى يجي مني شي سنع tch22 <- احسن النيه tch38

    والله البرنامج شكله جداً ممتـع وفكرته ممتازه الله ينطيك العافيه tch26
    وان شاء الله اذا شريت ايفون جيت وقشيت من هالبرامج tch30

  8. ammar قال:

    jojo
    لاباس عليك الحمدلله على السلامه
    اكيد الي راميها افغاني او باكستاني 😀 ههههههه
    نبي نقترح عليهم يغيرون القوارير لقارورة صح
    خخخخخخخخخخ
    منوره يا المفلوقه 😀

    المستشار العالمي
    الله يعافيك
    و يحييك يالعالمي تعال دايم وابشر بالبرامج 😀

    Nouf AlQahtani
    نوف برنامجك يحتاج شرح خلي عنك الكسل وورينا البرنت سكرين للبرنامج بشرح وافي ومفصل
    <<< ناوي يعذبها 😀
    بنسبه للقوارير والله يفضي هموم مايخلص قواريرهم الا انا <<< ماودك تنشاف رسايله كلها خبال

    pixel
    بكسل معقوله مامعك ايفون وساكته كل ذا الفتره لحظه انادي مستر
    مستر وينك ياخي بسرعه اصرف لنا شيك بسم المدعوه بكسل ولا تنسى قيمة الجراب مدري الكفر هههههههههه 😀
    <<<—- يسمع صوت سيارة مستر شغل وفحط ههههههههههههههههه

    ابشري والله بحلت عليك جراكل المنهل وبعوضك عن الايفون ورسائله سوف اكون يا ايتها النبيله لك مثل خزان رسائل 😀 <<<< متوصي فيك خخخخخخ

  9. refiah قال:

    مآشاء الله فكرة جديدة .. ومبتكرة tch36

    يعطيك العآفية tch17

  10. مساعد قال:

    ماشاءالله تبارك الله

  11. Mr.A صيني قال:

    الحين يا اايها القووم بسالكم سؤال قصير أقصر من شعر شنبي …!

    اذا جيت اكتب رساله في البرنامج هذا تكون الحروف متقطعه

    وش الحل معه … ؟ ؟ 🙁

  12. ammar قال:

    عادي لو تقطعت لانها نفس شعر شنبك متباعده ههههههه

    اكتبها متقطعه وتوصل للعالم مشبوكه … بس بعض الاحيان البرنامج تزود تقطيعاته للكلام العربي واللي يستقبها يشوفها تمام

    واذا وصلتك رساله متقطعه حروفها مقطعه اضغط على زر الترجمه اللي في النص و يطلع لك النص تمام مافيه اي تقطع

    وحياك الله 😀

  13. dr infairness قال:

    عمــــــــــــــــــــــار
    اخوي هالبرنامج للكمبيوترات او الايفوناااااات
    بنت القحطاااااني وهقتنا
    tch25

  14. dr infairness قال:

    الباشا عمار والخوة والاخوات الاخريت
    هل لديكم توجيهات فيما يخص الجالكسي تاب
    اكزن شاكر

  15. سمـ الأحلام ـاء قال:

    صرآآآحه برناامج رووعه .. وقووي .. يطلع اللي بخ ـآآآطرك ..

    وأدمنّا عليه .. نصحى وننآم عليه من كثر الحمااااس .. tch40

    مشكووور أخوي عليه .. بس قول لي مكانك وين .. على اي شاطيء .. عشان تجيك قارورة ماشيه مليووون .. >>> اوم النذاله .. tch38

    تقبل تحيآتي : أخ ـوووك .. tch17

  16. ALaa قال:

    والله عجبني البرنامج
    بس فيه كمان سؤال غبي شوي
    الحين اذا انا رميت القاروره خلاص توصل لاي شخص
    انا ابي اشوف قاروره واحد ثاني رماها كيف لي ساعه
    فاتحته ولا شفت ولا قاروره جد قهرني اسمعوا
    هذا البرنامج لازم يتطور ويصير كل قاروره مخصوصه
    عشان اللي مطفرين مثلي ما عندهم رصيد يرسلونها
    للي يبون >> ابوك يا القعيطيه هههههه >> اطلعي بررا
    المهم انا الحين ابي اشوف قاروره كيييف ..؟!

    • Mr. A قال:

      جربي تضغطين على كلمة ( go to beach ) ثم بعدها اضغطي ( Back ) من فوق .. سويها كذا مره وهو في كل مره كذا يصير يسوي تحديث، وتجيك قوارير كثيرة لدرجة ان ثلاجتكم ماتكفيها tch6

  17. Alimah قال:

    والله البرناآأمج حلوؤ جدا بس QBottle احلـــــى بكثير بالنسبه لحضرت سموؤي tch6
    وبث tch35

  18. Abrar قال:

    أنآ سمعت في هذآ البرنآمج

    بس لمن شفت الصوور عجبني أكثرر tch35 tch3

  19. حلو اٌلبرنآمج حمّـلتواْ وَ هيكَـآ . . مُسلّي ، طبّيت فيه طبّت عميَـآن tch38

    وَ كمَـآن سمعت عن هَـ اٌلبرنآمج [ QBottle ] يمدحوه . . وَ شفت شروح له وَ عجبني مررّره . . وَ دوّرتواْ في اٌلأب ستور مَ لقيتواْ ! ‘ مُمكن رآبط اٌلتّحميل بليز tch9

  20. عبير قال:

    البرنامج مررررررررررررررره حلو tch1 بس شلون ارسل صوره وانا جهازي ipod tch21

  21. ammar قال:

    انتم هنا <<< بدري 😀
    هلا فيكم نفر نفر tch40
    اسفون على التاخير

    البرنامج للايفون او الايبود او الايباد

    بنسبه للبرامج الثانيه اللي تشبه فكرته كثيره لكن جربت بعضها ولا اعجبني الا هذا

    موجوده كلها في المتجر والي بفلوس عندك الانستول كان جهازك مكسوره حمايته

    بنسبه لي ارسال الصوره اذا فتحتي الرساله كنك تبي ترسلين تحصلين على يمينك مثل الورقه اللي طايحه جنب ارسال اضغطي عليها ترا مكانها ضيق
    tch41 بيتعبك كان اصبعك كبير ههههه

  22. albwasel قال:

    طيب عرفنا كيف نكتب الرسائل ونرميها في البحر بس ابي اعرف كيف اقدر اشوف رسائل الاشخاص الي رامين القناني في البحر واقراها
    لاني وبصراحة اول مرة اعرف ها البرنامج ومن فكرته وشكلك وطريقة عملة شيق

  23. Soso قال:

    والله ححلو بس ما يطلع لي شلون احط الصوره مع التحديث الجديد حقه tch32 tch10 tch10 tch10 tch10 tch10 tch10 tch10 tch10

  24. أمل قال:

    البرنامج شكله حلووووو بس حصلته بفلوووس وش الطريقه قبل كم شهر الظاهر كان مجاني

  25. نوره الدوسري قال:

    البرنامج حلو بس يلون أحط صوره tch9

  26. أمل قال:

    ammar ماقصرت لاخلا ولاعدم tch28 حملت المجاني آلف شكر

  27. rukia قال:

    السلام عليكم
    انا حبيت البرنامج بس عندي سؤال اتمنى احد يساعدني
    انا لما رمين الزجاجة في بعض الاشخاص يقولوا انتي من دولة ….؟
    كيف اغير اسم الدولة او المكان اللي انا فيه او اخفيه؟
    بليز ردو علي

    • Mr. A قال:

      وعليكم السلام ورحمة وبركاته،
      من الإعدادات الجهاز نفسه حاولي توقفين إمكانية وصول التطبيق لمكانك .
      الإعدادات > الخصوصية > خدمات المواقع

  28. بيشو قال:

    ي خي ب اموت واحمل هالبرنامج .. م كو رابط للتحميل
    بجالكسي 4 .. ﻻن المتجر عندي علق 🙁
    م يشتغل


صفحة جديدة 2