أفضل برامج المحادثه على الـ iPhone

كتب بواسطة مايو - 12 - 2011   |  ضمن قسم آبل, آي فون, تطبيقات

 

مدخل … 

أكتب لكم موضوعي الأول وأنا ريحتي كشنه ويدي تعفطت من غسيل المواعين 

هذا وأمي توها مالها 4 ساعات من سافرت  

يااااارب عونك ،، صبرني عالأيآم اللي جآية

   

 

سلام عليكم 

يالله انك تحييهم وتطول أعمارهم 

صراحة هذا الموضوع جا بعد رفعة ضغط صارت لي من عزوز بوكرش << تمون 

سادح لنا البن حق البلاك بيري واحنا الآي فونيين مو معطينا وجه

يقول ياواتزاب يافايبر بس انه يخاف يرقمنا في الفيس بوك ويقفلون صفحته

<< على أساس ان الفيس بوك منتدى سعودي 

 

المهم مالكم بالطويله 

الموضوع هذا راح أحاول أحط لكم فيه أفضل برامج المحادثه عالآي فون 

بعطيكم مميزاتها ومساوئها من وجهة نظر شخصية

 

بحكم تجربتي لها  

أحب أقولكم أنا لاني راعية تكنولوجيا ولاني متعمقه بسوالف الآي فون بس مثل ماقلت أتكلم من منظور شخصي << والله اني موب سهله  

 

 

بسم الله نبدأ 

  whatsapp

 وتس اب

برنامج حلو لتبادل الرسائل سريع تقريبا نقدر نقول مايعاني من مشاكل الاتصال بس يفتقر الى بروفايل خاص للمستخدم

يعني الشي الوحيد اللي تتحكم فيه هو حالتك لكن اسم العرض وصورة العرض تعتمد على الشخص اللي ضايفك عنده شلون حافظ اسمك في جهات الاتصال

مشكلته الثانية انه برقم الجوال اللي مسجل فيه ماله كود خاص فيه 

البرودكاست فيه حلو ولكن مافيه خاصية تحديد الكل

 

ايضا مو مثل البلاك بيري تقدر تميز البرودكاست عن المسجات العادية

فيه قروبات

يدعم اجهزة الاي فون والبلاك بيري والاندرويد والنوكيا

متوفر على الاب ستود 

 

 

 

viber

 فايبر

برنامج معروف للمكالمات المجانية

بس بعد التحديث صار يدعم خاصية الرسائل

يفتقر لخاصية البرودكاست ومثله مثل الواتزاب مافيه بروفايل خاص للمستخدم ويعتمد على رقم الجوال اللي مسجل فيه

ومايرسل صور ولا فيه قروبات

فقط اجهزة الاي فون والاي بود

متوفر على الاب ستود

 

 

 

kakao talk

 كاكو تاك

برنامج حليو والله مابوه شي

من اهم مميزاته انك انت اللي تسوي الكود الخاص فيك مثل ماتبي

لك بروفايلك الخاص صورة عرض واسم عرض والحاله

بعد من مميزاته انك ترسل صور ومقاطع فيديو قصيره اتوقع مدتها 10 ثواني وفيه فويس نوت

فيه قروبات

الاضافات تكون اما برقم الجوال او الكود الخاص

ويفتقر لخاصية البرودكاست

متوفر على الاب ستود

 

 

 

Hello!

 هيلو

نفس اللي فوق تقريبا

بس الكود ماتتحكم فيه

فيه قروبات وبرودكاست وبروفايل وصورة عرض والحاله والبرسونال مسج

الاضافات اما بارقام الجوالات او الكود او النك نيم

فيهbuzz أو ping

تقدر تحط بلوك للناس اللي ماتبيهم

وبس يرسل صور

متوفر على الاب ستود

 

 

 

Kik

  كيك

البرنامج هذا اللي لفت انتباهي فيه تقييم الناس له في الاب ستور وفي الفيس بوك

وصل الى  1,904,553 like

الاضافه في البرنامج هذا عن طريق النك نيم 

تقدر تغير صورة العرض حقك يرسل صور بس

وفيه قروبات

بس بالنسبه للبرودكاست مو متأكده بس أتوقع انه مايدعم الشي هذا

ايضا من مميزات البرنامج انك تقدر تحط بلوك للي عندك

يدعم اجهزة الاندرويد والاي فون والاي بود 

ولقيت في المنتديات اصدارات تدعم البلاك بيري  

متوفر على الاب ستود

 

 

 

LiveProfile

لايف بروفايل

اقدر اقول هذا بديل البي مسن

وهذا البرنامج الثاني بالنسبه لي بعد الواتزاب 

مميزات البرنامج لك بروفايل كامل يتمضن صورة العرض واسم العرض واسمك الكامل والبرسونال مسج

بعد تقدر تضيف ايميلك ورقم جوالك او تخفيهم ايضا البروفايل يتضمن تاريخ الميلاد والجنس والدوله

الاضافات اما عن طريق الكود او رقم الجوال او الايميل

الميزه اللي فيه وتقريا مو موجوده في البرامج الثانيه خاصية الـ update لجهات الاتصال اللي عندك

 بس الخاصيه هذي مقتصره على البرسونال مسج بس 

عيوب البرنامج افتقاره للقروبات والبرودكاست والفويس نوت

ولكن بشكل عام البرنامج رائع واذا اضيفت له هذي الخصائص اللي ناقصته بيصير البرنامج رقم 1

متوفر على الاب ستود

 

  

 

PingChat

ping chat - بينق تشات

بصراحه انا ماجربته بس اني محملته عندي ومضبطه كلش

بس ناس مدحوه لي عشان كذا مقدر اعطيكم تفاصيل دقيقه

بس اللي اعرفه ان الاضافات فيه عن طريق النك نيم

يرسل صور ومقاطع فيديو وفويس نوت والمواقع

يشتغل عالاي فون والاندرويد والبلاك بيري

وفيه قروبات

متوفر على الاب ستود

 

 

 

 

Nimbuzz

nimbuzz - نيمبز

البرنامج هذا انا جربته في النوكيا

برنامج رائع صراحه

اهم ميزه فيه انك تقدر تجمع كل جهات الاتصال الخاصه بـ

Windows live messenger

Yahoo messenger

Facebook chat

Google talk

AIM

MySpace IM

ICQ 

Hyves  

وتحطهم في برنامج واحد

البرنامج هذا اما انك تكلم جهات اتصال Nimbuzz اللي عندهم هالبرنامج وتضيفهم عن طريق النك نيم

او تكلم جهات الاتصال حق اي من الخدمات اللي قلتها قبل شوي 

بعد من مميزات البرنامج المكالمات المجانيه مثل الفايبر

 بس ميزته انك تقدر تكلم اي احد مو بس اللي عندهمNimbuzz

 

مثلا انا داخله منه للمسنجر حقي واكلم احد من جهات الاتصال اللي عندي في المسن

تصير المكالمه مكالمة مسن

البرنامج هذا يرسل صور ومقاطع فيديو وملفات ثانيه

برضو فيه ميزة مشاركة المواقع

اللي اعرفه ان البرنامج يدعم الاي فون والنوكيا واجهزة الكمبيوتر 

متوفر على الاب ستود

 

 

 هذي كل البرامج اللي اشوف انها احسن الموجود 

تقبلو تحياتي 

 

مخرج ..

يمه تكفين ارجعي بسرعه شايبك ناوي يحللنا في سفرتك هذي 

113076 زيارة  | 

الكلمات الدليلة : , , ,

 

لمحة عن Nouf AlQahtani

مواليد 1989 - طالبة لغة انجليزية - متدربة في برنامج الأمير محمد بن فهد - أنتظر يوم التخرج على أحر من الجمر :(
  • RSS

مواضيع عشوائية :

86 تعليق حتى الأن.

  1. Nouf AlQahtani قال:

    هههههههههههههههههه ياخي حسيت اني حماره tch41

    بعد التعديلات طلع شكل الموضوع حلو صراحه tch3

  2. Mr. A قال:

    يا سلام .. كل هالتطبيقات موجودة في الايفون وانا مدري tch3؟
    الصراحة وسعتي افق البرامج بالنسبة لي وصرت اعرف اشياء كثيره عنها الحين ، تدرين ان الفايبر فيه محادثات وان الوتس اب مايسوي تحديد الكل اذا جاء يرسل برودكاست ؟ .. هاه تدرين والا لا؟ tch3 <<-- ناسخ كلامك المشكلة tch17 يعطيك العافية على هالموضوع الرائع والمعلومات القيمه tch1.. وعلى فكرة ترى لو ما جانا من الموضوع إلا لزقات الجروح الصفراء اللي ملزقه على عناوين البرامج كان كفتنا tch3 .. إلا تراك للحين ما رديتي علي .. تعرفين المعلومات اللي قلت لك عن الفايبر وإلا لا tch20؟؟ <<-- وبعدين يعني tch38 tch38

    • Nouf AlQahtani قال:

      خش بعيني ماتدري tch41

      لا ياشيخ قل قسم !! الفايبر صار فيه محادثات؟ من متى؟؟ tch7

      هههههههههههههههههههههههههه حلوة لزقات الجروح وش أسوي نقطة ضعفي اللون الاصفر <<< ابد موب نصراويه tch38

      يلا بس عن الاستهبال ونق لك اي برنامج منهم tch38 tch18

    • رشا قال:

      لا مو بس هذي ا لبرامج الايفون والايبود تش والايباد هذي من أحسن الاجهزه اسخدام تقدر من خلالها تسوي كل شي حتى اللي بالكمبيوتر تقدر تحطه كله في الايفون مايطلبه منك فقط هو أنك تكتب اسم البرنامج اللي تبيه فيAlabl storeواتحمله بدون اي تعب tch4

  3. ammar قال:

    هذا وريحة يديك بصل طلع ذا الابداع tch41

    لا عاد تكتبين مواضيع الا وانت في المطبخ 😀

    بصراحه موضوع رائع جدا يستحق المفضله
    واكيد الخبره في كتابة المواضيع ماجت الا من لياقتك في غسل الصحون tch25
    لكن مافيه مثل whatsapp للدردشه
    وفيبر للسواليف مع انه بعض الاحيان يخبط من كثر العالم عليه

    مشكوره على الموضوع الجميل مستر اي ثبت لموضوع <<<< شغل المنتديات منول tch3

    • Nouf AlQahtani قال:

      خلاص أجل بنقل وبعيش في المطبخ يمكن أفلح في مذاكرتي بعد tch3

      الله يسلمك أخ عمار بس الواتساب مشكله هو اللي خلاني اكتب ذا البرنامج عشان عزوز معيي يسدح لنا رقمه نضيفه قلت اعطيه خيارات برامج مايبيلها رقم جوال tch38

      طيب عمار دام عجبك الموضوع ترى عاجبتني صورتك أوي أوي tch29 tch27

  4. المستشار العالمي قال:

    يعطيك الف الف عافيه اختي نوف

    صراحه موضوع خطييييير tch17

  5. O2 قال:

    سلام عليكم
    اختيارات حلوه للبرامج
    و  whatsapp مافيه تحديد للكل
    والبرودكاست وش فرقه عن الرساله العاديه تراي مخربط كلهن كلام 😀

    • Mr. A قال:

      وعليكم السلام،
      البرودكاست هو نشر للرساله العاديه، يعني مثلا لو بتقول لكل اللي عندك تراك تخرجت .. بدال ماتجلس تكلم كل واحد وتقول له تسوي برودكاست لهم كلهم وخلاص tch17

  6. FAHAD قال:

    تصحيح : الواتزاب يوجد به خاصية البرودكاست تحصلونها بالااعلىى

    • Mr. A قال:

      حياك ربي أخوي فهد، ذكر في الموضوع أن الوتز أب فيه خاصية البرودكاست .. لكن النقطة اللي تكلمنا عنها أن مافيه خاصية تحديد الكل لازم يكون تحديد الأشخاص يدوي فقط .. وشكراً لك tch31

    • Nouf AlQahtani قال:

      مثل ماقالك عزوز عن خاصية اختيار الاسماء انك تختار شخص شخص
      وغير كذا لما ارسلك برودكاست مايبين عندك اذا كان محادثه عاديه ولا برودكاست يعني مو مثل البلاك بيري مسنجر يطلع لك بلون ثاني

  7. فجر العبدالله قال:

    السلام عليكم ورحمة الله وبركاته
    صباح الخيررر والسرروررر و و و 
    والله موضووع بطل استفدت منه كثيرررر الله يجزاك خير ويجعله في موازين حسناتك يااارب
    المهم لي ملاحظه بسيطه ياريت تتقبلينها “سلامون عليهم” حبيبتي التحية فيها اسم الله وهو “السلام” فلا يصح عزيزتي أن تُحرفي في الإسم وثانياً من باب احترام الخالق جل َّ في عُلاه
    شكراً  

    • Nouf AlQahtani قال:

      الله يجزانا ويجزاك الجنه ان شاالله

      وبالنسبه لملاحظتك الله يعطيك العافية tch1

      عزوز يادرج لاعليك أمر اذا قدرت تغير ملاحظة الأخ في موضوعي الحلو غيره tch38

  8. ahmed قال:

    يعطيك
    العافيه يانووف عندي سؤال صغير كيف احمل هالبرامج بالاي فون4 انا ترى اول مره اشتريه خبره فيه صفر ولافيه برامج ابي كيف احمله هذه البرامج عن طريق الاب توب للتوضيح ابي احمل البرامج بالاب توب ومن ثم اضيفهم بالاي فون ..للمعلوميه حاولت ماقدرت هل فيه طريقه الله يعافيك

  9. سمـ الأحلام ـاء قال:

    مشكووره أختي على موضوعك الجميل .. وفيه برامج جديده .. توي اسمع عنها .. راح نجربها ونشووف فعاليّتها ..

    وفيه برنامج برررضه قووي من تجربتي له .. اسمه Yak ..

    وهذي صورته :

    http://a1.phobos.apple.com/us/r1000/037/Purple/f4/35/c8/mzl.jwsgnxvq.175x175-75.jpg

    تقدر ترسل فيه برودكاستات .. وترسل صور مقطع صوتي وفيديو بعد ..

    وفيه قروبات برررضه ..

    وفيه ميزة خاصه رائعه .. أعجبتني فيه .. اللي هي : كل شيء ترسله من صور ومقاطع صوتية وفيديو .. وحتى اللي تستقبلها .. تنحفظ عندك على شكل اقسام .. كل نوع لحاله .. تقدر ترجع لها وتشووفها بعدين .. حتى لو حذفت المحادثة ..

    تقبلوا تحياتي .. أخ ـوووكم ..

  10. اححم اححم وانا اقووول وش ذي الريحه tch3

    اثاريها من عندك <هههههـ‘tch5

    كح كح فوديتك يسسلمؤ قلبؤؤtch1 tch28

  11. N قال:

    يعطيك العافيه…
    بس حبيت اسالك اقدر اضيف لـppعندي في الاي فون او((لا ))

    • Mr. A قال:

      قصدك البلاك بيري ؟ تقدر تضيف البلاك بيري لكن مو عن طريق البلاك بيري مسنجر، تحتاج تحمل برنامج محادثه ( مثلاً الوتس اب ) في الجهازين ( الايفون والبلاك بيري ) وبكذا تقدر تسولف مع اللي عندهم بلاك بيري أو حتى اللي يستخدمون نظام اندرويد ونوكيا tch15

  12. ام عزوز قال:

    الله يسعدك كنت حايسة مع جهازي الجديد … الله لا يحوسك في المطبخ ..
    ويحفظلك الوالدة سالمة وراضية عنك دايم …

  13. ميشوو قال:

    مشكووورة على البرامج الرائعة

    بصراحة وبلا منافس الهوز هير افضل برنامج من وجهة نظري

    غريبة ماجبتي طاريه في موضوعك

    اللايف بروفايل مدري وش سالفته حملته ولا استخدمته

    بس حسب ما اسمع انه رايح فيها

    يعني بطئ

    الكلاام يوصل متاخر

    اللي استخدمه بليز يفيدنا

    باقي البرامج ما ااستخدمتها

    وفيه بعد البلاريقنووو ماذكرتيه بس بصراحة ما اعجبني

    احسه قلق وازعاج

    • Nouf AlQahtani قال:

      هلا والله ميشو والله يعطيك العافية

      الهوزهير الصراحة ماش ماعجبني لاهو ولا البالرنقو
      كلهم قلق !! tch3

      اما بالنسبة للايف بروفايل انا استخدمه وبعد التحديثات صار يرسل ويستقبل بشكل ممتاز

      ويبقى الواتساب الافضل حاليا مع انه يفتقد كم ميزة tch17

      وانا هذي تقريبا البرامج ماكتبت عنها الا عن خبرة عشان تكون عندكم وتختارون الاحسن لكم tch3

  14. حلااا قال:

    مرحباا ..
    حبيت اسال عن برنامج بنق شات كيف اضيف الاشخاص اللي بالايفون..؟و من غير ما يعرفون رقم البن تبع البلاك بيري؟؟؟؟؟؟؟

    • Mr. A قال:

      اهلين، لما تفتحين البرنامج اختاري اول خيار تحت على اليمين ( الإعدادات ) .. بتحصلين قدامك رقم ا لـ ID تبعك .. هذا يقدرن يضيفونك منه الناس .. اما بالنسبة للي عندهم ايفون .. بس خذي منهم الـ ID حقهم او عطيهم حقك ويضيفونك tch34

  15. حلااا قال:

    مشكوور .. بس انا قريت انو يضيف بالاسم اللي سجلت فيه

    انا ابي اضيف الي بلايفون بس من غير يعرف IDحقي

    مشلكته انه انجلش مو قادره افهم عليه مرا ..اقدر احوله للعربي؟ tch32

    • Mr. A قال:

      العفو، اللي اعرفه انه يضيف اما عن طريق الـ ID او الايميل اللي انتي مسجله فيه او يضيف لك اصدقائك اللي في الفيسبوك والتويتر .. واشوف فيه مربع بحث مكتوب فيه البحث عن طريق الأسماء او الأرقام بس ما ادري وش طريقته لاني ما جربته بصراحه .. لكن في نظري يظل الـ ID هو افضل اداة للإضافه، وتراه مخصص للبرنامج بس يعني لو عرفه احد ما راح يفيده بشيء وما بيضرك شيء tch34 .. وما اظنه يتحول لعربي 🙁

  16. $@(lman قال:

    صراحة كلهم او اغلبة حلوين <<<<ما قرى شي
    بس فية برنامج من اروع برامج المحدث اسمة اصبرواا
    palringo
    انا اقولكم عنه اول شي
    فية قروبات تقدر تغير اسمك وتقدر تسوي قروب خاص فيك وتضيف ناس عن كل الطرق سواء الماستجر او الياهو ولا من البالرينجو باختصار و فية تقدر تنشر صور وتسجل صوتك وترسل وتقدر تحط برودكسات مدري برودسكات <<<خبط
    وفية رومااات روعععة مثل خبراء الايفون يعني فية اشياء مفيدة وعن انمي وعن الفن والجرافيك والفوتو غرافي الخ…
    وتقدر تسوي ادمن او موو للي مسجلين او باند او اي شي بس لازم تكون ادمن او مدير نصيحة حملوة فية نسخة مجانية وفية بفلوس المجانية ماتقطر عسوي قروب بس تضيف وبع شويات مايتعدن ١٢ تقريبا وماتقدر تسوي له مضهر (ثيم)
    المهم يجي على الايفون والايبود توتش واللي يبي ايباد يجي بس يكون مو hd انامجرب عندي ايباد ٢ مايطلع hd انشالله يطلع للايباد

    • Nouf AlQahtani قال:

      اهلين ايمان مدري iMan << مدري اذا قريت الاسم صح ولا لا tch3
      المهم البالرنقو ماش ماعجبني ولا عرفت له اصلاً عشان كذا ماكتبت عنه ماحبيت اكتب عن شي الا عن خبره

      الرومات اذكر اني اخذت لي فره عليها فكرتها حلوة بس نظام الشات اللي كل من هب ودب وقلق هذا مايعجبني

      شكراٍ عالاضافة واسفين عالقصور tch26 tch34

  17. •••حصوص••• قال:

    والله حلووووه مررره لدرجه ان فيه برامج مااعرفها وقسم باالله انك فلله طيب ليش ماحطيت البي مسنجر معهم
    ولا انك ماتعرفه وعلى فكره انت بنت ولا ولد واذا انت بنت انا احبك اما اذا كنت ولد مااحبك لن اكره العيال
    والله برامجك حلووه ردي على سوالي بسرعه

    • Nouf AlQahtani قال:

      هههههههههههههههههههههههههههههههههههه
      اول شي الفتره اللي كتبت فيها الموضوع البي مسن كان فيه مشاكل وشالوه من الاب ستور الظاهر

      البرنامج حلو مافيه مشاكل الحين
      وانا بنت يعني تحبيني وانا احبك بعد tch35

      حياكِ tch28

  18. الوافي قال:

    هههههحاسين فيك خواتي كذا اذا رااحت امي هههههه الله يعنك يا بعدي

  19. Fahad1213 قال:

    مشكورة اخت نوف ماقصرتي كفيتي ووفيتي في شرحك

  20. عبود قال:

    انا حملت برنامج Nimbuzz بس ما عرفت اسوي حساب بالبرنامج ممكن تقولي كيف
    tch23 tch23

  21. عبود قال:

    يا بنت الحلال انا قاعد اسأل ولا رد ولاشي
    للي محملين برنامج nimbuzz ممكن آخذ بريد واحد منكم بالبرنامج عشان اسوي بريدي منة tch27 tch27 tch27 tch27

  22. محششه وبسس قال:

    خلينا من البرامج والحوسه ذي كلهاا
    الي ابي اعرفه شيين
    الاول شي وش معنى كششنه 
    والثاني شي امك وين مساافره 
    وشسمه شباب بنات عيالحريم شيبانعجايز للي يبي يضيفني ع الواتس اب ذا رقمي 999
    وشكرن 😀 😀

  23. خالد قال:

    شكرا لك على المجهود الرااااااااائع

    وعندي سؤال عجزت ابحث له عن اجابة واتمنى الاقي له جواب عندك

    في حالة لو حبيت انسخ رسالة من ايميلي وارسلها من خلال الواتس اب ايش هي الطريقة ؟

    مشكوووور مقدما

  24. برووك قال:

    الله حيهم !
    شباب ابي اسال كيف اقدر احذف جهات الاتصال من الكيك !
    ولا كيف اسوي لهم حظر !
    الزبده ابي احذف بعض الناس !
    افيديوني tch9 tch1

  25. samir قال:

    السلام عليكم

    ما أعرف هل الواتس أب يشتغل على الايبود تتش والا … لا

  26. samir قال:

    ألف شكر لك استاذي الكريم
    <<< عندي جالكسي ومالي في الابل خير شر 🙂 وما اعرف الا اسماء منتجاتها 🙂

    والايبود للاطفال عندي

    ولكن الشرح سهل وبسيط … صحيح اني كم ساعة احوس ولكن الحمد لله تكللت التجربة بنجاح 🙂

    أكرر شكري لك استاذي الفاضل

  27. يمقن احبك ممقن لا قال:

    مشكور وماااقصرت بس لا ما اكتب اسم الواتساب في الانستولز مايجي طبعن كتبت واتسب بي الانقلش مو بل عربي ممكن تقوولولي ليش انتظر ردكم باسرع وكتك tch5 😀 tch40 tch27

  28. نايف قال:

    كيف حالكم >>>>> بيتعرف عليكم جديد هع 😀

  29. برووك قال:

    مرحباا !!
    اشتريت نوكياا N9 ويالييتني ما اشتريته —
    يقهر ما اقدر انزل اي برنامج دردشه !!! tch10
    اصلا حتى يوم افتح الستور ما يطلع لي ولا برنامج دردشه !!!!
    جربت انزل الواتساب من الموقع نفسه بطلع لي ان الفون ما يدعم البرنامج << دعمته تريلة ان شا الله tch14

    اذا حد عنده هالجوال ومنزل اي برنامج دردشه يقووولي tch9

    • Nouf AlQahtani قال:

      اهلين
      انا ماقد جربت الـ N9 بس مجربه الـ N8 واشتغل معاي الواتساب فيه عادي
      وجربت اغلب البرامج عالـ N96

      جرب تحمل الـ Nokia OVI suite
      وتسوي ابديت للجهاز من هناك بس اول شي لاتنسى تسوي باك اب وحوسة
      بعدين تقدر تحمل البرامج من اللاب توب عن طريق البرنامج وان شاءالله يضبط
      بصراحه مابحثت في الموضوع بس غالبا تضبط هالطريقة tch26 tch34

  30. amad قال:

    مواضيع رائعة ومختصرة ومفهومة اللة يعطيك العافية

  31. بالونه قال:

    مشكوره على هيك برآمج بسدح لكم البن بعدين في تعليق ثاني tch3 tch1

  32. الله يعطيكم العافية

    أبي أسأل … كيف أحذف الي تم مكالمتهم عن طريق nimbuzz بعد ما أنتهي

    من المكالمة لأنها تبقى محفوظة في أيقونة المكالمات … ولكم تحياتي

  33. ابو فيصل قال:

    يعطيك العافيه اخت نوف ….ابي اسألك عن التجسس على المحادثات في الواتس اب هل يوجد برنامج حمايه

  34. y قال:

    اشكرك علي التطبيقات الجميله مبدعه دايما ومتالقه

  35. REHAB قال:

    السلام عليكم انا عندي ايباد وحدثته للاصدار7 ومااعرف كيف احمل به الواتس+السيديا الي يعرف يقرلي تحياتي

    ارجوو الرد

  36. مرام قال:

    السلام عليكم ورحمة الله وبركاته ☺


صفحة جديدة 2