في الحقيقة ترددت كثيراً …

نعم لقد ترددت كثيراً قبل نشر هذا الموضوع ..

ترددت كثيراً خوفاً من أن يستأجر أحد محلات الصيانه قاتلاً مأجوراً كي يقتلني


ايه هين بس .. ما يخسى الا هم  !! <<– بدأ الهياط

قبل فترة بسيطة كنت في سوق الإتصالات , أو ما يسمى بـ ( سوق المرسلات ) عند أهل الرياض .. وكنت أتكلم مع واحد من أصحاب المحلات وأتفاوض معه .. أو أكاسره أن صح القول .. فدخلت علينا حرمه باين عليها كبيره في السن شوي ومعها آي باد باين عليه أن حق عيالها ( وش ذا الموضوع اللي كأنه تكهنات ؟! .. ترفق علينا يا مستر كونان !! ) , قالت الحرمه لصاحب المحل ( واللي أحب اتحفظ على جنسيته دراً للعنصرية ) : شف هالجهاز مدري وشفيه ما طاع يشتغل !!


المهم .. أخذ الآي باد اليمني ( ما امداك تقول بتتحفظ ) وقال لها : هذا خربان فيه المذربورد .. للأسف ما راح تحصلين أحد يصلحه هنا !! .. لكن مو مشكلة انا بحاول لك وترى صعبة الشغلة وحساسة وبتكلفك 800 ريال .. ولو بتلفين السوق كله ما راح تحصلين أحد يسويه لك بأرخص من كذا

 

انا بلقافتي قربت شوي على بالي اشوف الطاولة .. ثم قربت شوي زيادة على بالي أشوف جوال محطوط على الطاولة .. ثم قربت أكثر على بالي أشوف الشاحن حق الجوال المحطوط على الطاولة .. لين ما صار خلاص ما بقى الا شوي واطيح في حضني اليمني من الحماس .. فـ شفت الشاشة مكتوب عليها هالكلام

 

 

شاشة الآي فون معلقة وطالع فيها مثلث اصفر

انقهرت وقمت من حضن راعي المحل وقلت للحرمة : لو سمحتي يا أختي ترى الجهاز مو خربان ولا حاجة .. الي  جهاز كان في مكان حار وأن انه كان مكتوم والشغل عليه كان طويل فـ وصل لدرجة حرارة معينة وقفل النظام عشان يحمي  ( المذربور ) على قولة بعض الناس <<– يقولها وهو يناظر اليمني بطرف عينه

 

فـ بكل بساطة يا أختي هم كاتبين لك على الشاشة , الجهاز الآن محتر وقفل لأجل الحماية ويحتاج بس يبرد شوي وبعدها بيشتغل .. وفعلاً اخذته الحرمه وعطته السواق وحطوه عند المكيف حق السيارة وبعد كذا دقيقة اشتغل .. وعاد الله يعارفيها ما قصرت رجعت وشكرتني المسكينة ثم راحت

 

ولكن قبل ما تروح مسكتها وقلت : هاها ..وين الثمان ميه يا أم الشباب ؟! <<– العن من راعي المحل

لا عاد الصراحة هي راحت بدون ماأخذ منها شيء وقسم .. فقال لي راعي المحل وهو معصب : أنت تخسرني وتخرب علي زبايني .. فـ ياليت الواحد قبل لا يروح لذا النصابين يبحث في النت عن مشكلته أو يدخل موقع تكنو ويريح نفسه


*  *  *  *

هنا نقدر نشوف ناس مسوين تجربة على آي باد وحاطينه في مكان حار عشان يشوفون وش يصير للشاشة وكيف النظام يقفل

جهاز الآي باد محطوط في حرارة والشاشة طالع فيها صورة مثلث ومعلقة


شطحه : بالله إذا شفتوا برى الموقع يمني معصب ويسأل عني لا تعلمونه اني هنا <<– منحاش منه

39757 زيارة  | 

 

لمحة عن Mr. A

مهذب وخلوق واقطر ملح .. طبعاً ما يحتاج أقول لكم أن هذي مهيب صفاتي .. لا بس هذي هي الصفات اللي أحلم فيها : )
  • RSS

مواضيع عشوائية :

48 تعليق حتى الأن.

  1. طلآل قال:

    آخآفه نفس اليمني اللي ركب الجيل بريك لولد خالتي بـ150 ريال!!! <<< بس رحنا له وطلعناها من عيونه tch14

    "هذا خربان فيه المذربورد .. للأسف ما راح تحصلين أحد يصلحه هنا !! .. لكن مو مشكلة انا بحاول لك وترى صعبة الشغلة وحساسة وبتكلفك 800 ريال .. "
    حسسني انه الربيعة على حتسيه ذا tch38, أجل حساسة هآه! tch13

    بالنسبة للآيفون أذكر اني مغير الشاشة الداخلية والخارجية (بنفسي) , وما كلفتني الشغلة الا 140 ريال سعر القطع, الله يديم الرخص tch4

    وبصراحة يا مستر اي..وبكل أسف نستاهل اللي يصير لنا, شعب إتكآلي وما عندنا أدنى استعداد نتعلم أو نسوي شيء, مبدأنا: اخدمني.. أدسم شواربك! tch2

    سجل متابع جديد لمواضيعك tch28

    tch30

  2. Nowayer قال:

    والله انه يقهر قسم الله ذا اليماني tch14 tch14

    يلعب علي ذي العجيز يا قلبي tch9

    تدورن بعد وش مشكلتنا اننا ما نحب نشغل مخنا 😀

    ابد اذا شفنا هالمثلث الاصفر ارتعنا ورحنا لاقرب يماني خخخخخخ tch3

    والحمد لله ان ربي ارسلك لها وما لعب عليها هاليماني tch33

  3. توتة قال:

    مرحبا

    أنا مبتدئة في عالم آبل .. وأبي فزعتك لو تكرمت

    توني شارية آيباد ولا أدري وش الطبخة .. الأكيد إني أبيه يصير تمام التمام

    والأهم مابي راعين الآيفونات يكشخون علي ببرامج مقدر أحملها tch3

    أبي زيي زيهم tch25

    وش اسوي له بالضبط؟ 🙁

    وهل نزل للآيباد2 جيلبريك؟

    وشكرا tch27

    • Mr. A قال:

      مراحب،
      ببساطه .. عالم آبل جداً سهل ويمكن لاحظتي هالشيء، يعني ممكن طفل صغير أو شخص كبير في السن يقدر يستخدمه ويتأقلم معه بكل سهولة!
      راعين الايفونات مايقدرون يكشخون عليك بشيء .. معك ايباد 2 من قدك tch3 .. هذا قمه الكشخه ولو مافاد معهم .. اكسريه على راسهم tch17 .. في الغالب جميع التطبيقات الموجودة على الايفون تكون موجودة للايباد .. اول خطوة هي التعرف على برنامج الاب ستور

      http://www.tichno.com/?p=180

      بعدين التسجيل فيه من هنا

      http://www.tichno.com/?p=216

      بعدين بكل بساطه تصفحي الابستور وحملي اللي تبين .. اما الجيلبريك للايباد 2 للان ما نزل .. وسمعت انه بيكون بفلوس لكن منيب متأكد tch36

      • توتة قال:

        هلابك

        أنا أول ما عرفت إني ما أقدر أنزل الواتس أب على آيبادي تحطمت

        خصوصا إن كل الي حولي يشتغلون ع الواتس أب سواء كان بالآيفونات أو البلاك بيري

        وقبل ما أعرف أي شي ثاني يحطمني قلت أسألك بما إنك راعي طويلة .. قصدي خبرة tch3

        سويت حساب .. بس للحين آيبادي ما برد قلبي tch33

        إذا فيه تطبيقات أساسية تعتقد إنها مهمة علمني عنها إذا سمحت

        وبرضو إذا فيه شغلات تعتقد إنها توسع صدر راعي الآيباد علمني عنها وأكون لك شاكرة tch27

        tch28

  4. Mr. A قال:

    أهلين فيك،
    الوتس اب اشوف فيه له طريقة يركبونه على الايباد لكن تحتاج جيلبريك .. عموماً انتي وش عليك من برامج المحادثه السخيفه ذي < <-- يوم توهق قام يصرف tch38 برامج المحادثه غالبيتها تعتمد في التفعيل على الشريحة .. بس مثلاً البي مسن ممكن يركب عادي مافيه مشكلة .. هنا فيه أفضل برامج المحادثه http://www.tichno.com/?p=470

    اما بالنسبه للآيباد بشكل عام، فيه برامج حلوه كثير مثل ( OPlayer ) مشغل الافلام اللي يدعم تشغل الترجمة وينقل الفلم بدون كيبل ولا شيء، بالواير لس .. وفيه الأوفيس والفوتوشوب .. تقدرين تشوفين هالصفحه فيها مجموعة تطبيقات أن شاء الله تعجبك وتفيدك

    http://www.3erg.com/bb

    طبعاً كل هذا ناهيك عن الالعاب الموجودة في الاب ستور، ومعليش .. بودي أنسخ لك التطبيقات اللي في جهازي كلها، لكن للأسف آيبادي بعته 🙁 .. عادي أستخدم حقك شوي tch27؟ <<-- داخل على طمع tch38

    • توتة قال:

      أبو العز أفندي

      أزعجتك معي tch27 .. بس محد قالك تعطيني وجه <<>> أتخيلني تجي فاتورتي مافيها إلا رسوم الاشتراك tch40

      يسلمو ع الروابط .. بتفرج عليها بعد شوي

      بس ليه تبيع آيبادك الله يهديك؟

      يلا اشتر 2 بسرعة عشان تغششني tch3

      بس ياويلك تشتري أبيض tch18 <<< واضح انها منقهرة لأنها ما لقت أبيض؟ tch3

    • توتة قال:

      * الرد الي قبل كذا ماكول نصفه .. موقعك مشفوح حروف P:

      أبو العز أفندي

      أزعجتك معي tch27 .. بس محد قالك تعطيني وجه <<>> أتخيلني تجي فاتورتي مافيها إلا رسوم الاشتراك tch40

      يسلمو ع الروابط .. بتفرج عليها بعد شوي

      بس ليه تبيع آيبادك الله يهديك؟

      يلا اشتر 2 بسرعة عشان تغششني tch3

      بس ياويلك تشتري أبيض tch18 <<< واضح انها منقهرة لأنها ما لقت أبيض؟ tch3

  5. refiah قال:

    ليش ينصّب عليهآ tch14
    بس اشوى ماكمل نصبه ربي سخرلهآ tch40
    جزآك الله خير tch28 tch28

  6. توتة قال:

    كل ما جيت أكتب رد يتخربط

    مدري العلة من عندي أو من موقعك

    المهم الفكرة توصل

    • Mr. A قال:

      مايبي لها كلام .. العله منك أكيد tch3

      • توتة قال:

        باللهي؟ tch3

        مني مني؟ أو من جهازي؟ tch18 << ترا العجرا توجع .. انتبه tch29

        كنت أقول .. آيبادي ثري جي .. مايجي عليه برامج المحادثة الي تقول؟

        أكلتنا stc بفواتيرها

        وبعدين قسم بالله مذلة . الواتس أب حتى أهل النوكيا يطقطقون فيه واحنا ما يمشي معنا

        تخيل .. حتى صفحة الواتس أب نفسها ماتنفتح من الآيباد !! tch9

        الظاهر بينهم زعل كايد tch38

        المهم

        إن ما فزعت لي وتحسّن آيبادي ترا بكسره على أقرب راس tch33

  7. Mr. A قال:

    أهلين، الخطأ من جهازك اكيد .. الله يهديك تعصبين بسرعة tch29
    المفروض ما تفتحين صفحه الوتس اب من المتصفح .. جربيه تحملينه من الاب ستور نفسه، عاد اليوم خلوه ببلاش للأيفون يعني بيغثونك صديقاتك صح tch3

    برامج المحادثه فيها منها اشياء كثيره تركب على الآيباد .. هوزهير، بي مسنجر، كيك والكاكو منيب متأكد منهم .. لكن الظاهر يركبون .. وفيه المسن العادي حق الهوتميل، جربي ادخل في الاب ستور على الأقسام وبعدين اختاري برامج التواصل الإجتماعي ( social ) ومن هناك بتحصلين كل التطبيقات الموجودة.

    بالنسبه للتطبيقات الثانيه فمادري وش يناسبك ووش اهتمامك ؟ عشان اشوف لك اللي يخليك ماتكسرين ايبادك ان شاء الله tch3

    بس خلي عنك .. والله يالأبيض كشخه tch1 << مايقهرك ابد هههههه

  8. توتة قال:

    وع يالأبيض .. مقرف مرة مرة tch20

    أصلا الأسود ملك الألوان tch3

    المهم يالذكي .. طبعا دورت البرنامج في الاب ستور ويقول لي نتيجة بحثك غير موجودة

    وسمعت اليوم إنهم مسوين حظر ع الآيباد

    يعني فتحته من كمبيوتري وفتح .. فتحته من جوال نوكيا وفتح

    فتحته من آيفون وفتح

    بس من الآيباد الصفحة بكبرها حقت البرنامج ما تفتح <<< صفحة البرنامج في الأب ستور للي ما يفهم عربي tch29

    والاهتمامات متنوعة

    مافيه شي محدد .. إلا القراءة

    والباقي كلو يمشي

    وعذرا ع المغثة

    وسلملم tch15

  9. توتة قال:

    أبو العز

    الظاهر البرنت سكرين ما يجي إلا مع الجيلبريك؟ ولا؟!

    إن كان كذلك فعليك أن ترضى بتصوير جوالي المعفن .. أو .. ردد ياليل ما اطولك tch3

    نوفا

    شكرا ع الإفادة

    أخيرا شفت نواعم في الموضوع بدال الخواشن <<< tch38

  10. توتة قال:

    عزوز

    مازال موقعك يهبّل بي عند إضافة أي رد tch18

    عندك ردين فوق الي ما يعجبك منهم امسحه tch3

    • Mr. A قال:

      أهلين .. ترى وشسمه مافهمت شلون يهبل بك ؟ .. ردودك طالعه وش المشكلة اللي تصير لك بالضبط ؟ .. ووش اتصالك ؟ موبايلي؟ .. تدرين بس، سوي برنت سكرين <<-- بيعقدك tch38 البرنت سكرين يصير في كل أجهزة ابل ( ايباد - ايفون - ايبود ) بدون جيلبريك .. اضغطي الزر العلوي مع زر الهوم في نفس الوقت ( ماتلاحظيني متحمس في الشرح والجهاز أساساً مافيه إلا هالزرين بس ؟ هههههه )، بتحصلين الصورة موجودة مع الصور على طول tch17

  11. توتة قال:

    يهبّل بي والله

    شكله يحب يرفع الضغط مثل بعض الناس tch29

    شكرا على معلومة البرنت سكرين ..جربتها وانبسطت tch5

    بس ما زال الآيباد طايح من عيني .. كنت أنتظر منه أكثر من كذا tch33 <<< يصير طيارة مثلا؟ tch3

    أحلى ما فيه إني صرت أقرأ على كيفي وانا مرتاحة بدال ما أحضن اللاب توب الي وش كبره أو تحوَل عيوني في شاشة الجوال tch41

    عموما انتظر آيبادك يوصل وتحبرشفيه وتعطينا خلاصة التجارب 🙂

    فيه برنامج ( دندرة ) على قولة حضرتك توني طايحة فيه اسمه ( XMS ) وعندي أمل إنه يطيح سوق الواتس أب tch3

    وشكرا tch26

  12. توتة قال:

    طبعا نسيت أقول إن برنامج ( الدندرة ) المذكور أعلاه يعطيك PIN خاص فيك

    وطبعا تقدر تضيف الأصدقاء عن طريق أرقام تليفوناتهم أو الـ PIN تبعهم

    يارب يطيح سوق الواتس أب والـ bb يارب tch11 <<< تنرحم tch3

    فيه شي سخيف اكتشفته في الآيباد ومدري هو يمشي على كل العائلة أو لأ

    بس بما إن الآيباد هو أول شخص أتعامل معه من عائلتهم فلاحظت إن حضرته ما ينسخ روابط اليوتيوب

    يعني لو بغيت أنسخ وأرسلها لأحد وش أسوي؟ .. يبي لهم عجرا tch18

    وبعدين إذا مطولين في الجيلبريك علمونا نروح نشتري بطاقات من جرير << كنك أنت المسؤول p:

    أغلب التطبيقات في الأب ستور تكون ليت ولازم تشتريها tch33

    ممم

    هذا كل الي في بالي حاليا .. بس أتذكر شي جديد برجع <<< بعد؟ tch38

    • Mr. A قال:

      أهلين،
      كويس البرنامج شكله .. أي برنامج بدون رقم جوال يعتبر حلو .. الوتس اب ركبته وتحسفت .. كل اللي يكلموني ما اعرفهم .. يا أصير ماسح أرقامهم بالغلط والا هم مغيرين رقمهم ، كل محادثاتي في البرنامج : هلا .. مين معي ؟ tch3

      بالنسبة لليوتيوب، ( إذا كنت داخل عن طريق التطبيق) بتحصل في الايفون فيه خيار ( share this ) يرسل الرابط لأي احد تبيه عن طريق الأيميل .. اما بالنسبه للأيباد ناسي والله .. بس يمكن يكون فيه مثل الايفون.

      اما بالنسبة لليوتيوب ( إذا دخلت عليه من المتصفح وليس التطبيق ) فـ الروابط تكون موجودة عادي وتقدرين تنسخين الروابط tch17

      البطاقات حلوه، لو شريتي بطاقة وحملتي برنامج .. خلاص يصير تقدرين تحملينه في اي وقت ولأي جهاز بيوزرك .. يعني مثلاً لو بكره خمس من صديقاتك اشتروا ايباد .. تقدرين تسوين تسجيل الدخول في الاب ستور حقهم بيوزرك وبعدين تحملين البرامج اللي انتي شاريتها من قبل .. وحتى لو بعتي الايباد وشرتي واحد ثاني أو غيره يظل يوزرك له الحق في تحمل البرنامج طالما اشتراه tch36

  13. Lara قال:

    السلام عليكم ،،
    أنا عندي مشكله بالايباد وهي بالphotos ماني قادره احمل صور لا من google ولا من المواقع ،،
    ملاحظه : أنا ما كانت عندي مشكله مع الصور بس حاولت اغير اسم الalbum من الifile وانحذفت كل الصور بليييييز احتاج مساعده ..

    • Mr. A قال:

      وعليكم السلام ورحمة الله وبركاته،
      للاسف مالي خبره في هالنقطة، اعتقد الالبومات تتعدل عن طريق الايتونز .. عموماً، هل جربتي تسوين باك أب لصورك عن طريق الايتونز؟ هل رجعتي الاسم زي ما كان وما رجعت الصور؟
      * من باب التجربة فقط، اشبكي الجهاز في الايتونز وشوفي هل يطلع لك في المستطيل اللي يوضح فيه مساحة الايباد المستخدمة ( مستطيل ملون) هل لا زالت الصور مأخذه مساحة من الجهاز والا حجمها صفر؟ .. لو كان صفر معناها انحذفت، ولو كان فيه مساحة يعني الصور ما انحذفت بس ما عاد صارت تطلع لأنك غيريتي المسار حقها .. أتوقع كذا والله اعلم tch34

    • ooqq قال:

      حاولي تدخللين ifile مره ثانيه وروحي لسلة المهملات و راح تلقينه وسوي عليه نسخ وادخلي علي الصور وسوي لصق انا المشكله صارت معاي عادي

  14. Lara قال:

    شكرًا ،،
    شبكته بالايتونز ورجعت الصور اللي كانت عندي من اللاب توب بس الى الان مو راضي يحمل الصور من google او اي صوره ألقاها باي موقع حتى لو سويت capture ؟؟ tch23

    • Mr. A قال:

      العفو = )
      حالياً الاسم حق الالبوم رجع طبيعي زي ما كان؟ إذا كذا فـ مالي كلام زيادة صراحه .. لأني مثل ماقلت لك خبرتي في البرنامج صفر tch3 .. بقترح اقتراح يمكن مايعجبك :$ .. سوي باك أب لمعلوماتك كلها وبعدين سوي للجهاز ريستور ورجعي الباك اب، واذا في خاطرك الجيلبريك بعدها حمليه tch20

      لكن انا عن نفسي ما أنصح الواحد يتعدى في الجيلبريك عن ( انستولتس ) ويحمل التطبيقات مكركه وبس tch39

  15. Lara قال:

    اساسا مو طالعلي البوم (photos ) ,, وانا عندي الجيلبريك ،، بس كيف اسوي باك اب ؟؟

    • Mr. A قال:

      أهلين، أشبكي الأيباد في اللاب توب .. بيفتح لك الايتونز وبيكون اسم ايبادك على اليسار في الوسط .. اضغطي عليه بالماوس كليك يمين وبعدين أختاري ( باك اب -- back up ) ، وبعد مايخلص اضغطي كليك يمين مره ثانية واختاري ( ترانسفير برتشيس -- Transfer Purchases ) وبينقل كل معلوماتك وتطبيقاتك ان شاء الله .. طبعاً التطبيقات اللي محمله عن طريق الجلبريك مالها دخل اظن .. هو بس ينقل اللي مثبته عن طريق الاب ستور .. هذا اللي اعرفه، وللتأكيد عشان ما تكونين أستعجلتي وأصي أنا نكبتك مثلاً tch3 .. أبحثي في قوقل عن شرح الباك اب للإحتياط tch20

  16. غــــرآم قال:

    آآآآحب آلآيبآآد عندي الاوول والتااني اللي هوآ ايبـآآد2

  17. $@(lman قال:

    الجيل بريك طالع من شهرين

  18. النشمي قال:

    لو سمحت يـ الأخو .. حبيت اسأل ..” انا حسابي من كم شهر ماعاد اقدر انزل منه .. ماأدري اذا هو انسرق او لا ! المشكله اني سجلت حساب جديد بس ماأرسلوا لي عالايميل .. مع ان التسجيل طريقته صح !! ياليت تتكرم وترد علينا بأسرع فرصه ” ومشششششكووووور يالأخو ..”

    • Mr. A قال:

      اهلين، تأكدت من انك كاتب الايميل بشكل صحيح؟ ممكن تكون اخطأت في الكتابه مثلاً؟ الشيء الثاني بحثت في البريد الغير هام في ايميلك؟ قد تكون الرسالة هناك .. واخيراً .. حاول تسوي تسجيل دخول بالحساب الجديد حقك، بيقولون لك ان حسابك غير مفعل وبتحصل تحت خانة مكتوب ( Resend Verification ) اللي هي اعادة ارسال رسالة التفعيل مره اخرى، جرب وان شاء الله تضبط معك tch34

  19. ooqq قال:

    بنات وشباب
    علي طاري الجلبريك للipad2 نزل وصارله تقريبا ٤ اشهر
    وانا وحده عندي ipad2 ومسويه جلبريك ومنزله الواتسب
    وهذا رابط الجلبريك اذا احد يبي يسوي
    http://www.jailbreakme.com/

  20. عدنان قال:

    لو سمحت انا حهازي ايفون 3 وطاح علي من بعد متر تقريبا والشاشه صارت بيضا ولا عاد يرجع مثل ماكان

    المطلوب كيف اسويه ..ساعدني
    ولك شكري

    • Mr. A قال:

      اهلين، في الغالب مشكلتك في الشاشة .. تحتاج تمر شارع المرسلات لو كنت من سكان الرياض .. سعر الشاشة تقريباً مع التصليح بيكلفك ١٥٠ ريال بالكثير ، والله اعلم tch34

  21. عدنان قال:

    اخي انا من جده
    وين تنصحني اروح

    شاكر جهوودك

  22. عدنان قال:

    شكرا اخي .. معليش غلبتك معي

  23. عدنان قال:

    يعطيك العافيه

    ما قصرت والله .. دعووووووواتي لك

  24. 3nwani gnani قال:

    امممم يعطيك العااافيه اولاااااا وبجد ماقصررررت ويارب الحين احد ملقووووف يصلحلي ايبادي لانه فجأه علّق على شاشه القفل ولما اضغط ع الشاشه في صوت بنت تقرأ التاريخ وتقرأ الوقت وهييييك وطفيته وشغلته خمسميه مليوم مره وبرضو مافي فايده …
    بلييييييز هيلب مي tch9

    وجزاااك الله الجنــــه يارب

    • Mr. A قال:

      امين واياك يارب .. يعني الحين الجهاز يشتغل تمام لكن فيه بنت تتكلم ؟ والا الجهاز معلق على شيء معين؟
      عموماً عشان توقفين البنت اللي تتكلم ادخلي على ( الإعدادات > عام > امكانية الوصول ) بتحصلينها اول خيار، ( VoiceOver -- التعليق الصوتي ) وقفيه وان شاء الله يضبط معك tch40

  25. 3nwani gnani قال:

    يسعدك ربي بالضبط زي ماقلت VoiceOver كان شغّااال

    مررة شكررا وماقصررررت يسلموووووو

  26. hamasat قال:

    يعطيك العافيه
    بصراحه كنت احوس بالنت لمشكلتي وطلعت صفحتك قلت اكوود تنفعني وتحل المشكله
    بخبرك بالقصه
    انا عندي ايباد ٢ اشتريته بحسن نيه مو للعيال للجامعه وملخصات وهيك شغلات تخص الدراسه
    المهم بدتي تحووس من زود الفضاوة طاحت عليه وطاح من يدها و ع الزاويه الجهاز وتتشلخ الشاشه وياهو ذاك اليوم كان ع اختباري ماكنت فاضيه لها. ربك ستر
    المهم كان ورانا محل خق تصليح الشاشه
    واعطيه الله يسلمك وهو بكل ثقه يعرف للاشياء هذي
    والدافوور يغير الشاشه واخذه ماكو اتصال واير لس وارجع ثاني له والحلو انه قط الاصليه يلي فيها السلك تبع الواير لس ويرجع يعدلها اكثر يمكن من خمس مرات لنا شهر ع هالحاله معاه
    انزين تصلحت الشاه والواير لس ويخترب شي
    يصلح شي ويخرب شي
    وحاليا اخر شي عندي الكيبودر
    يطلع احيانا يعلق ويكتب لحاله ياليت مساعده من خبرتك

    • Mr. A قال:

      أهلين حياك ربي .. عظم الله اجركم في الايباد tch3
      بالنسبة للتصليح حق الشاشة، فـ الايباد طريقة فكه تكون بالحرارة لأن مافيه مسامير، وفيه تحت بجانب الزر السفلي ( الهوم ) قطعة صغيره خلف الشاشة مباشرة هي خاصة بالواي فاي .. قد يكون وهو يفك الشاشة حاسها او قطع فيها سلك او غيره.

      عموماً، بالنسبة للكيبورد فـ اتوقع اذا هو يكتب من حاله هي واحد من اثنين .. يا اما سوفت وفير ( وهنا بمجرد انك تسوين ريستور للجهاز ان شاء الله يزين )، أو تكون الشاشة الخارجية للايباد فيها مشكلة ( اللي هي خاصة بالتوتش ) فـ انتي سوي للجهاز حقك باك اب عشان تحفظين معلوماتك وبياناتك وبعدين سوي له فورمات ( ريستور ) وجربي يضبط والا لا ؟

  27. boo rÄhÄf قال:

    اوك آنـ↓ـإ عِنـ.̷̷̸̷̐ـديّ مشكله مع جهازي لما يصير حار او كذا
    الشاشه يروح لونه يعني مـِْ♡̨ـِْا يبيين شيء الا خفيف
    وش تكون مشكلته؟!


صفحة جديدة 2