iPad – الآي باد

كتب بواسطة فبراير - 01 - 2011   |  ضمن قسم آبل, آي باد, مميز

 

ما بين فترة وآخرى يأخذنا الحماس كي نتملك جهاز الآي باد المذهل , ولكن وللأسف كثيراً ما تنطفئ شمعة حماسنا فور سماعنا لأحدهم يقول : لا يهمك الآي باد تراه آي فون مكبر


اليوم سنستعرض معاً بعض موصفات جهاز الآي باد الأساسية بشكل مبسط , ومن ثم سنجعلك تقرر بنفسك ما إذا كانت مواصفاته تناسبك , وما إذا كانت قادرة على إقناعك في إقتنائه أم لا ؟ وبالمرة بعد بنشوف إذا فيه فرق بينه وبين الآي فون وإلا لا ؟ <<– منقهر من التشيبه


iPad | آي باد

 

يوجد هنالك نوعين من الآي باد , الأول وآي فاي ( واير لس ) فقط والثاني وآي فاي وثري جي ( يمكنه الإتصال بالإنترنت عن طريق شريحة بيانات ) , كما يأتي بثلاث بسعات تخزين مختلفة ( 16 , 32 , 64) قيقا .. يعمل بمعالج 1 قيقا وبشاشة لمس مذهلة .. وتزعم شركة آبل أن بطارية الجهاز تصدم لمدة 10 ساعات متواصلة إذا كان الجهاز يتصفح الانترنت عن طريق الواي فاي أو يعرض الفيديو والموسيقى , و يصمد 9 ساعات إذا كان الأنترنت يعمل على خاصية الثري جي.
اي باد | iPad

الحجم والوزن

ارتفاعه : 9.56 أنش
عرضه : 7.47 أنش
عمقة : 0.5 أنش
وزنة : 0.68 كيلو لموديل واي فاي فقط
0.73 كيلو لموديل واي فاي + ثري جي
<<– أتوقع الوزن زاد عشانهم حطو الشريحة فيه

هذي كانت بعض المواصفات الخارجية والداخلية " الأساسية " , وبالإمكان التعمق أكثر بهذا الخصوص من خلال هذا الفيديو المقدم من شركة آبل ( اضغط هنا للمشاهدة ) وللإستمرار في قراءة باقي الموصفات : اضغط هنا

*  *  *
نجي الحين لرأيي الشخصي في الجهاز .. الصراحة كثير كنت متحمسه له من أول ما شفته وحتى كانت حاط له مكان فاضي في غرفتي عشان إذا جبته أحطه فيه من الحماس .. لكن اللي صدمني أن المكان اللي جهزته له صار كبير عليه .. لأن الجهاز فعلاً نقلة نوعيه من ناحية الوزن والحجم وسهولة التنقل .

 

في الوقت الحاضر وبحكم أن حياتنا صارت مرتبطة بالأنترنت وما نقدر نستغني عن المواقع الإجتماعية أو الإيميل أو حتى متابعة منتدى معين .. اللي حاصل هو أني أنا عن نفسي ما أحب اطلع من البيت بدون أنترنت لآني أحسني فاقد شيء .. وكثير ما حصرني الأب توب وعزلني عن بعض الطلعات إما بسبب أن ما عندهم أنترنت أو ما عندهم فيش كهرب عشان اشبك الشاحن

 

أوك الآي فون كان ثورة ونقلة نوعية وساعد في سد هالثغره لكن الآي باد قدر يلغيها تماماً ( بالنسبة لي ) .. الآي فون له شاشة صغيرة وعيبه أن أصبعك يضغط خمس أيقونات مع بعض ( إيضاً هالكلام بالنسبة لي .. عشان ما احد يقول شيء ) , غير على كذا البطارية كانت مشكلة كبيرة .. والعيب الكبير هو أن الأيفون يعتبر جهاز أساسي ولو طفى بتتوهق وبتنقطع الأتصالات عنك .

 

صورة للأي باد | iPad pic
الآي باد سهل عليك أنك تطلع لأي كوفي شوب أو كشتت بر أو حتى وأنت مسافر في السيارة .. وبحكم أنه مربوط بـ الآب ستور مثله مثل الآيفون صار من السهل عليك أنك تحمل أي برنامج إجتماعي سواء كان , فيسبوك أو تويتر أو ماسنجر .. غير على أنك تقدر تتابع إيميلك أول بأول وتتصفح الأنترنت وتطامر بين الصفحات بلمسات أصبعك والأهم هو الآبليكيشينز الغير محدوده في الآب ستور واللي تتميز عن الآي فونها بكونها أتش دي ( HD ) وبتتغير عليك الجودة والمتعة ولا ننسى لذة مشاهدة مقاطع الفيديو والأفلام واليوتيوب

 

عيوبه في نظري أنه يقيدك .. يعني الواحد ما يعرف قدر الويندوز إلا لما يجرب الآي باد .. على سبيل المثال ما يعرض المواقع والتصاميم اللي تستخدم الفلاش وما يركب فيه فلاش ميمروي بعد  .. وأرجع وأقول يقيدك في نقاط كثيرة لكونه جهاز وضع كـ مكمل للحياة التقنية ولم يوضع كـ بديل للأب توب في نظري !!

 

ما نبي نطول السب فيه عشان ما القى مدير شركة آبل مرسل لي رسالة خاصة على الإيميل , مافضيت مشاكل ( ترفق بس ) لكن بقول لكم جملة وحده بس وأنتم أحكموا على مدى التقييد اللي فيه .. الحين لو شفت صورة قدامك في منتدى مثلاً .. وحبيت تشوف الرابط ( المسار ) اللي مرفوعه فيه الصورة .. وش تسوي ؟ .. لا تجاوب وتشرح وتتعب نفسك .. لان في الآي باد هالحركة مهيب موجودة لأنه وبكل بساطة مافيه كليك يمين

 

اللي يشفع له بطاريته , فعلاً نقلة نوعية للأجهزة .. فرق شاسع بينها وبين بطارية الآي فون وحتى بينها وبين بطارية اللاب توب .. ممكن تجلس البطارية معك 7 ساعات متواصلة وأنت مدهر , وممكن أكثر لكن يعتمد على إستخدامك .. عموماً راح يكون لنا وقفات مطولة مع الآب ستور وطريقة فتح الحساب وتغطيات لآبليكيشنات مميزة .. فقط كونوا بالقرب أيها الرفاق  
*  *  *  *
تحديث : لمتابعة شرح كيفية التسجيل في الآب ستور : اضغط هنا
شطحه : قبل لا تسكرون الصفحه  ياليت لو تتابعون معنا هالصورة الحصريه اللي ما عمر أحد شافها قبل كذا .. يقولون أن اللي صورها مات ..لكن ما نقول غير الله أعلم ما نبي نحط في ذمتنا شيء
ستيف جوبز وبيل قيتز في يوم اعلان الآي باد

 

15912 زيارة  | 

الكلمات الدليلة : , , , ,

 

لمحة عن Mr. A

مهذب وخلوق واقطر ملح .. طبعاً ما يحتاج أقول لكم أن هذي مهيب صفاتي .. لا بس هذي هي الصفات اللي أحلم فيها : )
  • RSS

مواضيع عشوائية :

27 تعليق حتى الأن.

  1. Reem قال:

    صباااااح الخير

    مشكور اخوي ع المعلووووووومااااات ربي يسعدك tch17

    ممكن استفسال لاهنت tch35

    انا مالي خبره بالشراء عن طريق النت tch32

    وابي اشري ايباد من موقع ابل tch23

    لان الاسعار هنا ظربه وابل ارخص بوااااااجد tch10

    بسالك الحين الشحن غالي ؟؟؟؟؟؟؟؟؟؟؟؟؟؟؟؟؟؟
    يعني بكم كله مع الشحن لو ابي ايباد 2 3g

    ومشكور مره ثانيه

  2. Mr. A قال:

    صباح النور اهلين وسهلين
    العفو ما سوينا الا الواجب tch3
    ,
    بالنسبة لسؤالك فـ ياليت بس تعطيني مهلة يوم أو يومين بالكثير وبسوي موضوع كامل عنه .. لأن الرد ما راح فيه الشرح كافي .. ممكن tch27؟

    أوك اجل برب يومين tch40

  3. Reem قال:

    يالبى قلبك والله ربي يسعدك ويوفقك ويييين مااااااااتروووووووح tch34

    see u after to days tch30

  4. Mr. A قال:

    أهلين .. كيفك إن شاء الله تمام tch27؟

    بخصوص موضوعك tch36 .. امريكا لقيت فيها كذا مشكلة حالياً , أولاً شركة أبل محجرة للي يطلبون الجهاز لصندوق بريد هناك ثم يرسل هنا ( زي نظام أرميكس ) , حتى كاتبين في الموقع ما نقبل عناوين صندوق بريد .. فيه بعض مواقع الشحن مثل الورد شيب ( World Ship ) على ما اظن ما يعطي عنوان صندوق بريد .. يعطيك عنوان بالشارع ( street address ) .. لكن هذي غير مجربه وما ودي اوهقك صراحة tch3
    ,
    لذا خليت الموضوع شوي لين ما أتاكد أو احصل أحد مجربها .. أما بالنسبة للسعر هناك فـ أضربي السعر الموجود في الموقع في ( 3.8 ) لأن أغلب البنوك تحسب لك الدولار بهالسعر .. وإذا بتطلبين الجهاز ومعه كّفر ( جراب ) بيكون فيه ضريبه حوالي 45 دولار .. يمكن فيه بعض الولايات مافيها ضرايب لكن اعتقد هالشيء للي يروح يشتريه من الأستور مباشرة , ما ادري وش نظامهم بالضبط لكن الموقع كان يزيد علي ضريبه وبس tch3
    ,
    بالنسبة للشحن فـ يقال ما بين 150 الى 300 ريال .. يختلف السعر لكل شركة نقل وكذا .. لكن هذا السعر التقريبي يعني .. اممم فكرت تطلبين من بريطاينا بدال امريكا لأنهم أقل تشدد وإستقعاد , لكن اللي شفته من خلال موقعهم أن اسعارهم أغلى !! .. لذا إذا تبين رأيي الشخصي ؟ .. أشوف أحسن حل أنك تدورين لك شخص يدرس في أمريكا ويشتريه لك من هناك مباشرة ويرسله لك مع أي واحد بيرجع السعودية من زملائه أو حتى هو لو بيجي .. بكذا يطلع لك بدون نقل ولا شيء tch17
    ,
    وإذا ما تعرفين أحد في امريكا ترى ملاح هناك وقاتلة الفراغ وما يقصر tch38 .. لك المايك يا ملاح tch29 <<-- وشو نكبته tch3؟ تحياتي لك وأن شاء الله أكون افدتك ولو بالقليل tch26

  5. Mr. A قال:

    أي صح تذكرت شيء .. الظاهر الثري جي يكون عليه عقد وما تقدرين تشترينه عن طريق النت لو كنتي في السعودية .. منيب متأكد بس أعتقد كذا tch3

  6. mlla7 قال:

    هلا والله tch3

    والله ما اعرف للطريقة .. كم يكلف الشحن والمدة !! إذا فيه أحد يفيدنا أنا حاضر وتحت أمركم tch34

  7. naseem قال:

    ما نبي نطول السب فيه عشان ما القى مدير شركة آبل مرسل لي رسالة خاصة على الإيميل , مافضيت مشاكل ( ترفق بس ) لكن بقول لكم جملة وحده بس وأنتم أحكموا على مدى التقييد اللي فيه .. الحين لو شفت صورة قدامك في منتدى مثلاً .. وحبيت تشوف الرابط ( المسار ) اللي مرفوعه فيه الصورة .. وش تسوي ؟ .. لا تجاوب وتشرح وتتعب نفسك .. لان في الآي باد هالحركة مهيب موجودة لأنه وبكل بساطة مافيه كليك يمين

    ====================

    ^
    ^

    شلون مهيب موجوده tch3 ؟

    رح ارعص على الصوره شوي وبيطلع لك خيارين حفظ ..والثاني نسخ tch29

    انت اختار نسخ وافتح صفحه ثانيه وحط لصق بخانه العنوان مكان الرابط tch33 وبيطلع مركز التحميل وابوهـ وآمه tch17

    فهمت يآمآل الصلاح tch14 tch29

    • Mr. A قال:

      طيب عاجبك تسوي هالفلم الهندي كله عشان تشوف بس مسار صورة tch3؟

      الشيء الثاني هو أن الجهاز ما يوريك خيارات الصورة ( حجمها , وأطوالها مثلاً ) .. وهذي النقطة مو شيء صعب أو طلب مستحيل أن الشركة تسويه .. لكن تظل في نظري عيب tch3

      شكراً لمرورك وتوضيحك ايها النبيل tch26

  8. CIS قال:

    Reem

    اذا تبين تطلبين ايباد فلا تعبين تفسك و تطلبين من موقع ابل لانهم ما يقبلون الفيزا السعودية ، او بالاصح مافي السعودية من ضمن البلدان الي يوصلون لها بضايعهم

    اذا ودك مره طلبته لك من امازون اون لاين وعندي ترا خصم من امازون tch40
    او اوصي عليه احد من قرايبي بامريكا يجيبه لك
    او انتظري مكتبه جرير tch20

    • Mr. A قال:

      هم ما يوصلون السعودية صح , لكن ممكن أن الشخص يكون شاري صندوق بريد أمريكي عن طريق أحد المواقع ( مثل / أرامكيس , أو ورلدشيب ) ويوصلون أبل للصندوق ثم عاد من الصندوق ينشحن لك .. هذي الطريقة كانت اول مستخدمة وتمام التمام .. لكن الحين تخوف لأن شركة آبل تحط تحذير وقت الشراء ان التوصيل ما يكون لصندوق بريد .. لازم ” ستريت أدريس ” , والظاهر لازم تطلع لهم في الحوش عشان تستلمه tch38
      ,
      إلا بكم الآي باد 2 في الأمازون tch27؟ .. بعد الخصم حقك طبعاً tch3

  9. CIS قال:

    اييه فاهمة ، عشان كذا اقولها لا تتعب نفسها من البداية في الحالتين صعبة

    ونسيت اقول شي اذا تبين تطلبين شوفي موقع
    http://www.myamericanshopper.com/index.html
    امريكان يشترون لك و يجيبونه للسعودية tch39

    خصم امازون عندي ١٠ ٪ شوف اي واحد تبيه لان فيه مستعمل و فيه جديد وفيه “مثل الجديد” حدد اي واحد و احسب لك اياه مع الخصم

  10. Mr. A قال:

    اللي ابيه ( اي باد 2 ) جديد طبعاً .. 16 قيقا واي فاي .. بكم يطلع سعره ؟ <<-- طلع البوك حقه هههههه

  11. مالك قال:

    أضيف على كلامك ..

    الأيباد يستطيع تشغيل الفلاش ميموري (USB) , من قال أنه لا يستطيع ..؟

    مالك .. tch28

  12. sanforah قال:

    هلا

    سمعت ان الاي باد مافيه الكيبورد العربي بس انجليزي

    المعلومة صحيحة ولا ؟
    tch9

    محتارة هو ولا الجالكسي تاب

    • Mr. A قال:

      أهلين، الأيباد يدعم اللغة العربية من كل النواحي .. تقدرين تكتبين فيه بالعربي وتقدرين تحولين الجهاز للغة العربية بعد tch40

  13. sanforah قال:

    اهاا مشكوور

    طيب ابغا اسأل عن اسعاره بكم يلي بـ 16 قيقا بالوي في وثري جي ؟ tch23

  14. jojo قال:

    كيفيت تحميل WhatsApp ع الايباد 1 tch10

  15. jojo قال:

    تكفون ردووووووووواااا tch10

  16. qamr قال:

    اليوم حصلت على اي باد لكن ماعرفت كيفية تشغيله
    من فين أشغله؟ tch27

    • Mr. A قال:

      أهلين، تشغيله يكون من خلال الضغط على زر السليب ( العلوي ) لعدة ثواني .. وبعدها بيطلع قدامك صورة الكيبل وبيطلب منك تشبكين الايباد في لاب توب يكون مثبت عليه برنامج الأيتونز عشان تقدرين يشتغل tch40

  17. qamr قال:

    شكرا لك نزلت برنامج الايتونز وطلب مني رقم آي دي آبل …من فين اجيبه
    معلش أتحمل أسئلتي tch27 tch9

    • Mr. A قال:

      اهلين، الابل اي دي .. هو الحساب الخاص بشركة ابل واللي يسمح لك تحملين برامج وتطبيقات للايفون والايباد والايبود توتش بإستخدامه .. طريقة فتح الحساب سهله وممكن تكون عن طريق الايتونز ( من اللاب توب يعني ) او من الايباد والايفون مباشرة .. هذا شرح مصور لطريقة التسجيل :
      http://www.tichno.com/?p=216

      ان شاء الله يفيدك tch40

  18. qamr قال:

    خلاص عرفت لازم أنزل برنامج الجيلبريك tch5
    ويكون عندي شريحة نت للآي باد
    ماكنتو فهمتوني من الاول حسيت نفسي ذكية
    tch3


صفحة جديدة 2