iPad 2 – آي باد 2

كتب بواسطة مارس - 13 - 2011   |  ضمن قسم آبل, آي باد

 

إلى جميع الطفرانين

إلى جميع المتوهقين بـ آي باد القديم , مثلي

ترى الجديد لازال آي فون مكبر للحين <<– عشان يقنع نفسه بس

 

iPad 2 – آي باد 2

أعلن في مؤتمر شركة آبل المنعقد في 2 مارس 2011 صدور جهاز الآي باد 2

iPad 2 - صورة آي باد 2

بالنسبة لمن يريد شراءه فلقد تقرر بدأ بيع الجهاز في أمريكا في 11 مارس وفي أوروبا بتاريخ 25 ما رس .. يعني بعد ما نمل منه حنا <<– مسوي أمريكي

 

تميز الجيل الجديد من الآي باد بخف وزنه ورشاقته الشكلية مغايراً بذلك صديقهُ القديم آي باد 1 .. حيث أنه أخف بنسبة 15% , وسماكته أقل بنسبة 33% <<– واضح كان مسوي رجيم

مقارنة آي باد 2 مع آي باد 1 - iPad 2 vs iPad1
ذكر ستيف جوبز كعادته بعض الإحصائيات عن الشركة مهاطياً بها على منافسيه , حيث ذكر أن عدد المسجلين في الآب ستور ( app store ) هم 200 مليون شخص .. وهذا الرقم فقط يشمل كل من قد ربط حسابه ببطاقة إئتمانية وقد أشترى بها ولو مرة واحد .. يعني بالعربي نصف السعودية ما دخلوا ضمن هالحسبه

 

ما هي الأشياء التي اضيفت للجيل الجديد من الآي باد ؟

 

آي باد 2 - iPad 2 

تزعم الشركة أن سرعة الجهاز تغيرت تماماً بعد إستخدامها المعالج A5 , حيث أصبح الآي باد 2 اسرع مرتين من القديم .. وكما تحسنت تقنية تحرك الصور والمؤثرات المستخدمة في الالعاب 9 مرات أكثر من الجيل السابق

 

الفيس تايم في الآي باد 2 - iPad 2 facetime

faceTime

أصبح في الجهاز كاميرتين خلفيه وأمامية , وبالتأكيد صار بالإمكان الإتصال من خلال الجهاز على أي منتج من شركة آبل ( آي فون – آي بود توتش – آي باد – ماك ) بواسطة برنامجهم المرئي والمجاني ( فيس تايم ) .

 

الكاميرا الخلفية شبيهه بكاميرة الآي فون 4 , وهي كاميرا 5 ميقا بكسل HD 720p 

 

آي باد 2 - iPad 2

بطارية الآي باد تدوم لمدة 10 ساعات كما الجيل القديم تماماً , وبالنسبة لي هذا شيء محير ويريبني في نفس الوقت حيث أن هذا الجيل اخف واقل سماكة ومن المفترض أن يسبب هذا حرارة للجهاز .. لكن هذا مجرد رأيي

 

جراب آي باد 2

من الأشياء الجميلة التي صحبة الآي باد 2 , حامي الشاشة الذكي ( الجراب ) .. فالحامي القديم كان يغطي الجهاز كاملاً مخفياً بذلك جمال تصميمه وانسيابيته , لذا قررت الشركة إستخدام هذا الحامي الممغنط والذي يثبت في نفس المكان كل مرة تستخدمه مغطياً الشاشة فقط

 

جراب آي باد 2

 

سعر الحامي 39 دولار للنوع البلاستيكي , و 69 دولار للجلد

 

بالنسبة لأسعار الآي باد 2 فهي تماماً مثل أسعار الآي باد 1 .. ولم تغير الشركة أي سعر كي تستطيع المنافسه مع الشركات الآخرى

 

 أسعار الآي باد 2 ( WiFi ) كما هي في الموقع الرسمي :

16GB : $499.00
32GB : $599.00
64GB : $699.00

 

دخلت على موقعهم أول يوم نزل فيه الآي باد 2 وجيت بطلبه لقيتهم يقولون التوصيل لعنوان في امريكيا يأخذ من 3 إلى 5 ايام عمل .. سكرت الجهاز وما أهتميت اطلبه وقلت في نفسي : غالي وبيطول وشين بعد ( للحين أبي اقنع نفسي بالأول  ) , وبعد كذا ساعة دخلت وحصلت وقت التوصيل صار من 5 إلى 7 أيام وبرضو ما أهتميت لأنه مثل ما قلنا قبل شوي .. من بكره دخلت وحصلت الوقت من 3 إلى 4 أسابيع .. تباً لكم من ناس مفجوعين 


رأيي الشخصي , اللي ما شراء آي باد للآن أكيد لا عاد يفكر الإ بالجديد , هذي نقطة متفقين عليها كلنا أكيد .. واللي شاري ومرتاح في الأول ما اشوف فيه نقله نوعية في الجديد تخلي الواحد يبيعه عشان يشتري الجديد , لأن بالنسبة لي الأول سرعته معقولة جداً ( متأكد أن كلامي هذا بيتغير إذا أستخدمت الجديد ) والحامي ما يهمني لأني ما ركبته على اللي عندي أساساً  .. وأما بالنسبة للكاميرا فبكل صراحة ما تهمني أبد خصوصاً أني من النوع اللي يحط عليها لزقة

 

في أمان الله ورعايته

*  *  * 

بالإمكان الإطلاع على تغطية الآي باد 1 من هنا ( آي باد – iPad )

ولمتابعة شرح كيفية التسجيل في الآب ستور بالصور : اضغط هنا

19,673 زيارة  | 

الكلمات الدليلة : , , , , ,

 

لمحة عن Mr. A

مهذب وخلوق واقطر ملح .. طبعاً ما يحتاج أقول لكم أن هذي مهيب صفاتي .. لا بس هذي هي الصفات اللي أحلم فيها : )
  • RSS

مواضيع عشوائية :

27 تعليقات حتى الأن.

  1. ملاح قال:

    طيب وش رايك في الكندل ؟؟

    ياخي محتار بينه وبين الاي باد ٢

    هذاك عيبه بس للقراءة .. احس حرام احط فيه حدود ٤٥٠ دولار عشان قراية

    نبي تقرير مفصل الله لا يهينك

  2. Mr. A قال:

    سبحان الله .. على أنك درج إلا أنك تفتح مواضيع حوارية جميلة

    الآي باد يبدأ سعره من 499 دولار .. وما يحتاج اقول لك مواصفاته والمزايا اللي فيه .. والأهم أنه ممكن يستخدم للقراءة بشكل مكثف عن طريق برنامج الـ ” آي بوك ” مثلاً أو غيره من البرامج العربية كـ رفوف .. وتقدر تستخدمه لتحرير جميع أنواع ملفات الأوفيس ( ورد -- اكسل -- كي نوت الشبيه بالبوربوينت ) واشياء كثيره غير محصورة لآنك موصول بمتجر آبل واللي يوم عن يوم يتطور وتزيد تطبيقات .. فـ أتمنى كلامي هذا يأثر فيك لاني تعبت وانا اكتب خصوصاً إني جوعان .. لذا برب أروح أكل لي شيء

  3. alfaiz قال:

    السلام عليكم ورحمة الله وبركاتة
    اولاً مبروك على افتتاحك للتكنو\\\
    ثانياً : وش رايك بين الـ galaxy tab وبين i pad
    طبعا الثاني وابيك تحط مقارنه اذا ماعليك امر :)
    تحياتي لك :)

    • Mr. A قال:

      وعليكم السلام ورحمة الله وبركاته ,
      أهلين وسهلين .. الله يبارك فيك يارب

      بالنسبة للجالكسي تاب , فصراحه للحين ما جربته لكن أكيد بيكون فيه مقارنة بينه وبين الآي باد قريباً .. خصوصاً ان الشركتين كلهم مدهرين تطوير وتحديث والمنافسه شرسه .. تحياتي

  4. نوره قال:

    السلام عليكم
    يعطيك العافيه على التقرير
    ..
    اي باد 2 من خلال المزايا المضافه له عن الاول طبعا خيار افضل وخصوصا ان كان نفس سعر الاول هذا في حال اذا ماتدبل السعر لما يوصل لنا كما هي العاده .

    حابه امتلك اي باد لكن ماعندي خلفيه عن امكانيه استعماله كـ هاتف جوال
    لان اذا يسر الله لي وجزمت على شرائه في حدود هالشهرين لازم ابيع جهازي الجوال عشان اكمل المبلغ او انتظر فوق 4 شهور اجمع المبلغ وهذي plan A لكن جهازي المحمول انتهى عمره وصرت بحاجه لبديل فـ انتقلت لـ plan B
    اتمنى الاقي عندك معلومه تفيدني .

    وشكراا .

    • Mr. A قال:

      وعليكم السلام ورحمة الله وبركاته,
      حياك ربي .. الله يعافيك يارب

      بالنسبة للأي باد يا أختي فهو ما يستخدم كـ جوال .. صحيح منه نوعين , نوع بشريحة ونوع لا , لكن الشريحه اللي فيه شريحة بيانات .. يعني بس تكون للنت وما تتصل ولا تستخدم كـ هاتف جوال للأسف < <-- أساساً تخيل شكلك وأنت ماسك جهاز 10 انش وحجمه أكبر من وجهك وجالس تكلم به وعلى طول بتهون عن هالفكرة
      ,
      بالنسبة للخطة ب حقتك .. فـ قبل لا تتركين جهازك المحمول وتشترين جهاز آي باد أو غيره حددي وش أستخدامك له بيكون ؟ .. العاب وتصفح نت ومسن مثلاً؟ .. أوكي هذا حلو وممكن يمشي الآي باد معك .. لكن إذا تصميم وشغلات مطولة على الفوتوشوب والفرونت بيج مثلاً .. ما يضبط معك !

      شاكر لك تواجدك وإن شاء الله أكون افدتك ولو بالقليل .. سلام

      • نوره قال:

        مشكور على التوضيح كنت اضن اني اقدر استقبل المكالمات موضروري احطه على اذني<< , فيه سماعات وهذا اللي جاء على بالي ..

        اما عن استخداماتي له اعتقد انه مناسب لاني احتاجه في التصفح وتلقي اخر المستجدات وعن الاشياء المطوله احتاجها طبعا في مجال تتخصصي الجامعي لكن افضل الجلوس على الكمبيوتر الشخصي على الكمبيوتر المحمول منذ البدايه فلا يوجد غبار على هذي النقطه

        شاكره لك على ردك اللطيف والمفيد وجزاك الله خير.

  5. Mr. A قال:


    طيب جربتي شبكتيه في الآي تونز ؟ ووش صار معك لو صرتي شابكته ؟

  6. نوني قال:

    انا ودي بي اباد 2بسعر 2200

  7. فاطمه حسين قال:

    من جد 2099 بإكسترا
    انا تصفحت على موقعهم وجدته اغلى من كذا
    ب 3000 ومدري كم نسيت بالضبط

    بس اانا ابي اي باد 1 وبشريحه وين القاه ؟؟ لأن هذا المبلغ اللي عندي ماعندي ثمن اي باد 2

    • Mr. A قال:

      أهلين، عذراً كتبت اكسترا بالخطأ .. أظني كنت شايف العرض في جرير وليس اكسترا .. طبعاً العرض كان على اقل نوع اللي هو 16 قيقا وبدون شريحه.

      بالنسبة للايباد 2 يبناع الـ 16 قيقا بشريحة بـ 2700 تقريباً .. اما الأيباد 1 أذكرني شايفه في الألفين .. لكني مدري وين وبكم بالضبط .. فيه عروض تسويقية عليه في النت، اما في منتديات والا في المواقع التجارية الخاصة بالبيع .. جربي ابحثي عنه في قوقل وان شاء الله تحصلين اللي يناسبك

    • فارس قال:

      ابي حساب ابستور

  8. فاطمه حسين قال:

    اخوي توه شاري اي باد 2 و 16 جيجا ب3350 ريال مو2700
    طيب من وين اشتري ب 2700 مثل ماتقول وهل جرير ارخص سعر من اكسترا واي ماكس ووش الأفضل من اي محل من ذولي اشتريه وهل يدعمون البرامج او لا اقصد يركبونها بالجهاز .؟

    • Mr. A قال:

      الله يعوضه خير .. شوفي هنا الاسعار :
      http://www.arabcomputers.com.sa/index.php?op=pro&idcat=85

      وهنا تقدرين تشوفين الموزعين واماكن البيع :
      http://www.arabcomputers.com.sa/index.php?op=dealers&idcat=10

      المحلات اللي ذكرتيهم كل واحد يتميز بشيء يعني مافيه قاعده اسمها جرير ارخص او اكسترا ، كل واحد عنه سلعه ارخص والثاني يكون عنده العكس .. وعلى حسب العروض برضو .. بالنسبة للبرامج يركبونها لكن بفلوس .. وانا عن نفسي اعتبرها سرقة محترمه لأن برامج الايفون والايباد جدا سهله وما تحتاج تخلين محل يركب لك، وبرضو في نفس الوقت اذا بيركب لك برامج بيستخدم حساب الابستور الخاص فيهم وبكذا تتوهقين اذا جيتي تسوين تحديث للبرامج لانه بيطلب رقم الباسورد الخاص في حسابهم

      انصح تشترين الجهاز وتجلسين بس يومين الين ما تتعلمين عليه كله وبتكتشفين انه سهل وما يحتاج تحملين برامج عند احد وبتتسهل كل امورك ان شاء الله .. بالتوفيق يارب

  9. $@(lman قال:

    انا عندي ايباد ٢ شارية من ٣ او اربع اشهر المهم اول العطلة اللي راحت حجم الذاكرة 64g وابيض و3g وسريييييييييييع مرررررة لان عمتي عنطها ايباد١ لاحضت الفرق بس اللي قاهرني يا موقع تكنو انكم احيانا تنقلون والدليل انكم قلتو ان كامرى الايباد 720p hd خطا يا شباب تراها تجيب المرض وععع بالعربي اعوذ بالله هذا عيب ابل بس اذا بتركزون على الالعاب فروووعة بس بعض الاعاب تكون للايفون والايبود وتكون صغير الشاشة واذا كبرتها تصير مو hd وبس وعلى فكرة <<<< يحب يكبر الموضوع
    هل فية برنامج يخلي الكام hd
    اذا فية جاوبوني بليييييييييييز

    • Mr. A قال:

      اهلين، بالنسبة لكلمة ” تنقلون ” لها معنيين ..
      -- الأول اننا نقل المعلومات من موقع ابل الرسمي، وهذا هو الشيء اللي صاير لاني مستحيل اشتري ايباد وافككه قطعه قطعه عشان اقول لكم وش مواصفاته ووش القطع الداخلية اللي فيه ، وبرضو مستحيل اجيب لك معلومات جديدة عن جهاز اكثر من مليون شخص يعرفه، الا اذا تبيني اخترع جهاز جديد
      -- المعنى الثاني، اننا نقل الموضوع جاهز من منتديات او من مواقع ثانية .. وهذا الشيء مايصير وغير مقبول وما يتوافق مع سياسية الموقع .. الا لو كان الشخص نفسه يكتب في اكثر من موقع فهذي حريه شخصية له وموضوعه يحطه وين مايبي اكيد

      واما الكاميرا فـ ما احد قال ان الكاميرا رهيبه وتغني عن الكاميرات الاحترافيه ، اللي ذكر في الموضوع انها كاميرا HD .. وتقدرين تطلعين على هالمعلومة في موقع ابل :
      http://www.apple.com/ipad/built-in-apps/camera.html
      او
      http://www.apple.com/ipad/specs/

      وبالنسبة لاستفسارك عن البرنامج، فاللي اعرفه ان ما فيه برامج تعدل اداء الكاميرا بشكل ملحوظ .. لانه وبشكل عام دايم الكاميرا تحتاج قطع ( هاردوير ) مو برنامج ( سوفتوير ) عشان يتحسن أداءها

      • بدوره قال:

        لو سمحت أنا عندي اي باد2 اللي يركب عليه شريحه بس مو عارفه كيف افتح مكان الشريحه ممكن تقولي كيف؟

        • Mr. A قال:

          اهلين، فيه مع الجهاز في الكرتون دبوس .. تستخدمين الدبوس وتدخلينه في الفتحه الصغيرة الموجودة في الجنب الايسر من الجهاز .. بعد ماتدخلين الدبوس اضغطي بقوة شوي اذا هي اول مره، ممكن يكون ناشب والا ماسك شوي.. وبينفتح معك ان شاء الله

  10. Mido قال:

    أنا عندي ايباد ٢ ثري جي واي فاي وحاط شريحه بس مايتصل

  11. Baadr قال:

    سؤال هل في الايباد ٢فايبر وواتس اب وشكرا

    • Mr. A قال:

      أهلين .. الايباد يركب عليه الفايبر والتانقو .. لكن الواتس اب مايركب الا عن طريق الجيلبريك لأن الشركة مخصصته فقط للايفون

  12. فلاويه قال:

    اولاً. شكراً على مجهودك
    ثانياً مأشتغل


                                          

أخبرني بوجود تعليقات جديدة .

صفحة جديدة 2