WhatsApp | واتس اب
تحديث: يوجد الآن طريقة لتركيب الواتس اب على الايباد بدون جيلبريك .. اضغط هنا لمتابعة الشرح.
تحديث: بما أن برنامج الانستولس تقفل .. اضغط هنا لمتابعة شرح بدائل الانستولس.
واخيراً صار من الممكن تثبيت واستخدام برنامج المحادثه الشهير ” وتس اب ” على الايباد، طبعاً لازم الايباد يكون عليه جيلبريك، لانك ما راح تقدر تحمله من الابستور حتى لو كنت شاري التطبيق بالحساب حقك في الايفون .. بالاضافة الى انك بتحتاج تحمل ملف من السيديا عشان يضبط التطبيق .. لذا تعوذ من الشيطان وركب الجيلبريك وكمل الشرح
أول شيء تحتاج تدخل على الـ installous وتحمل تطبيق ( الوتس اب – WhatsApp )
بعد ما يتحمل التطبيق عندنا على الجهاز ندخل على السيديا ونروح للسورس BigBoss ونبحث فيه عن WhatsPad
Cydia > Source > BigBoss > WhatsPad
اضغط على الصورة لرؤيتها بحجمها الطبيعي
بعد ما ندخل عليه ونسوي له تثبيت في الجهاز نروح للوتس اب ونسوي اعدادات التطبيق، نختار المملكة العربية السعودية وبعدين نحط الرقم اللي نبيه وبعدين راح ينرسل لنا رسالة تفعيل فيها رقم مكون من ثلاث ارقام نحطها في التطبيق وبيشتغل معنا على طول
وبكذا يكون عندنا الوتس اب على الايباد مثبت ويشتغل تمام التمام
دمتم كما تحبون ودندره سعيدة للجميع
* ملاحظة : الفريموير الخاص بالايباد المستخدم في الشرح هو ٤.٣.٣ والجيلبريك من موقع Jailbreakme.com
ملاحظة ثانية : لمعرفة طريقة ملء شاشة تطبيق الوتس اب ( اضغط هنا)
ملاحظة أخيرة: نفس الطريقة المذكورة تنفع لجهاز الايبود برضو
يعطيك العافيه على الشرح البسيط ..
بس حصلت مشكله معي .. هي اني مالقيت البرنامج فيinstallous..!!
الله يعافيك tch33
بالنسبة لمشكلتك، ادخل الانستولس بعدين اضغط على كلمة setting الموجودة على اليسار فوق .. بعدين شف الخيار الثاني من تحت ( only show ipad app ) بتحصله on .. حوله الى off .. وبعدين ادخل على القسم ( social networking ) وان شاء الله يضبط معك وتحصله قدامكtch17
والله انا توني شاريه ايباد مني وانا مااعرف احمل الوتساب عليه ممكن تعلموني اكثر وشكرآ tch21
مرحباً،
طبقي الشرح الموجود هنا لو عندك جيلبريك.
أو طبقي الشرح الموجود هنا لو ماعندك جيلبريك
https://www.tichno.com/apple/lessons/how-to-install-whatsapp-on-ipad-without-jailbreak
ياخوي أنا جهازي آيباد2 والإصدار السابع و ماعندي السيديا ولا عندي جيلبريگ ونزلت الواتس عن طريق اللابتوب عن طريق برنامج ال iTools ونزل بالآيباد بس لما فتحت الواتس يقول خطأ الجهاز غير مدعوم تگفى تگفى تگفى قول لي شو الحل tch10 tch10 tch23 tch23
مرحباً، ركبتي الواتس اب مباشرة والا سويتي نسخة احتياطية من واتس اب مركب على ايفون؟
بليزززز ساعدوني
انا عندي ايبود وما عرف اسوي
1 whatsApp
2 jailbreak
3 installous
شنو الحل بليزز.!؟
مرحباً،
وش اصدار الايبود حقك؟ ادخلي الاعدادات ثم عام ثم حول وبتحصلين رقم الاصدار.
الجلبرييك بكم استغفرالله لاله الاالله
تسويه ببلاش استغفر الله tch3
ايش برنامج الجلبرييك
يعتمد على اصدار جهازك
ما عليك غير تدخل على google وتدخل اسم البرنامج
اهاااا !
وانا اقول ليه الناس ماترسلي رسائل نصيه لي حول السنه أثر العالم طايحينن بالفاسد أب 🙁 <- حاقده عليه tch38
من فترة كنت منزله الواتس أب على الايباد وكان يطلع لي ايرور ولا اشتغل معي قالوا لي نزلية بجوالتس السوني اريكسون فيوم نزلته أكلني وجحدني أشبك الشاحن من جهه وتطفى علي البطارية من جهه أخرته قفلت معي وحذفت البرنامج فهو ماينفع لجوالي أبد يغث tch3
عاد اني رحت واتبعت خطواتك عشان أفعله على الايباد والله يجزاك خير على السورس فتح معي الحمد لله شرح بسيط وواضح يامستر اي tch31 tch26
لكن فيه شغله بسيطه ياليت تفيدنا به من خبرتك tch27
هماي يوم دخلت على البرنامج كل الناس اللي عندي طالعه ارقامهم لكن ماعرف اسماءهم tch23
عندك طريقة انقل الاسماء من الجوال العادي الى الايباد tch3
ويمال العافية والله tch26
مرحبا، الله يعافيك tch15
بالنسبة لنقل الاسماء فهو زي نقل الأسماء للايفون .. يعني لو الاسماء في جهاز نوكيا نقلها بيكون زي كذا تماااااماً
https://www.tichno.com/?p=287
ولو الاسماء عندك في الجهاز على الاوت لوك بيكون نقلها عن طريق الايتونز tch40
شلووون اضيف الارقام في الايباد ؟يعني لما افعل الواتس اب شلون اضيف الارقام
مرحبا، فيه في الايباد تطبيق افتراضي يجي معه اسمه ( Contacts ) تقدر تدخل عليه وتضيف الاسماء، وهذي صوره له
http://maciverse.mangoco.netdna-cdn.com/wp-content/uploads/2010/04/iPad-Contacts.png
شكرا ع الرد لكن لمااحط الارقام واروح البرنامج مااقدر ارسسل لهم وحتى اذا ظغطت على اضافتهم للواتس اب نفس الشي
اهلاً اخوي، انا اضفت الاسماء عن طريق الكونتكتس وحصلتهم في الوتس اب وجالس اكلمهم وطالعه اسمائهم عندي زي ماسجلتها، بالضبط زي الايفون tch40
أن عندي أيباد الإصدار 5.1.1 هوا أيباد 2 وماني عارفة كيف أنزل الجيلبريك فيه tch13
ابحث في اليوتيوب عن شروحات مصورة بالفيديو لطريقة الجيلبريك .. بتفيدك ان شاء الله tch34 tch26
شلوون اضيفهم بالظبط يمكن غلط طريقتي ؟
لازم اعبي كل البيانات؟
وبعدين الرقم احطه بـ phone :966 وبدون صفر
اسفه ع الازعاج بس مو عارفه tch9 tch9
اهلين، انا عن نفسي سويت طريقتين وكلهم ضبطوا معي .. الاول فتحت الكونتكتس وبعدين ضغطت على ايقونة الـ + اللي تحت وبعدين فتح لي صفحه اضافة اسم جديد .. كتبت الاسم الاول وبعدين سجلت رقم الجوال زي كذا ( ٠٥٥٥٥٥٥٥٥ ) وبعدين سويت حفظ ورحت للوتس اب وحصلته من ضمن القائمة وكلمته وكل شيء تمام tch15
الطريقة الثانية سويتها عن طريق الايتونز، وهي بالضبط مثل طريقة نقل الاسماء للايفون .. وهنا فيه معلومات اكثر بهالخصوص
https://www.tichno.com/?p=287
بالتوفيق tch5
tch17 tch17
تيب الحين لازم احط رقم جوال صح او لا حطيت رقم وملخبط
يعني انا حطيت المملكه العربيه السعوديه بعدين احط اي رقم
جوال اوالرقم حق الوتس ا ب tch35 tch35
وبعدين احط 0 او مايحتاج
اهلين .. ايه لازم تحطين رقمك الخاص .. والا شلون الناس بيعرفونك ويكلمونك؟ ووشلون بتوصلك الرسالة حقت التفعيل ؟ لازم يكون الرقمك الحقيقي لان التفعيل بيوصلك على شكل رسالة نصية .. والرقم تكتبينه بدون ( 0 ) tch34
شغلك مضبووط يامملوح
وتم التثبيت بنجاح متشكر اوي tch5
حمدلله تم التثبيت بعد بنجاح معي
الف شكر tch17
الله يجزاك خير على الشرح البسيط و الواضح
بس للأسف مالقيت البرنامج في السيديا
يعني وصلت للخطوة هذي …
Cydia > Source > BigBoss > X
امين واياك يارب tch26
يمكن السيديا عندك قديم شوي ويحتاج تحديث، عموما الحل ان شاء الله سهل، افتحي السيديا بعدين اختاري Changes من الخيارات اللي تحت بعدين بتحصلين فوق على اليمين كلمة Update، اضغطي عليها وانتظري البرنامج يسوي تحديث وبعدين يمكن يسوي اعادة تشغيل .. بعدها سوي البحث مره ثانيه وبتحصلين السورس ان شاء الله tch20
* المسار حق التحديث بيكون كذا :
Cydia > Changes > Update
الله يجزاك خير ضبط معاي
والله يجعل كل حرف أكتبه في هالبرنامج حسنات مضاعفة لك…
انا الجهاز حقي ايبود ولمن أروح انزله من Applstoreمايرضى يقول انو ماينزل إلا على الايفون
مرحباً، الواتس اب يعمل فقط على الايفون .. اما الايباد والايبود فـ يكون عن طريق التحايل اما بالجيلبريك أو طرق أخرى غير رسمية.
زين مااايصير انزله ع الايبووود وشلوووون انزله ع الايبوووووو
د tch27 tch27 tch27 tch27 tch20
نفس الشرح الموجود للايباد ينطبق على الايبود
لقيت البرنامج في ModMyi.com
عادي أحمله من هناك وإلا يضر بالجهاز…
والله مدري صراحة، جربي الحل اللي فوق ولو ماضبط خلاص ارجعي لهذا tch40
السسلآم عليكم ..
أنآ اليوم مسكت معآي إلآ أحمل “الوتس آب ” ومير أبحث وأدخل هنآ وسويت زي شرحك وكل شيء تمآم ..
بس يوم جيت أحمل whatspad من السيديآ ، عييآ يحمّل 😐
تطلع لي صفحه مكتوب فيهآ cannot comply
وش السوآه tch9 tch9
وعليكم السلام ورحمة الله،
سكري السيديا، وبعدين دبل كليك على زر الهوم .. بيطلع لك الشريط اللي فيه البرامج المفتوحه .. سكري السيديا من تحت ، ثم بعدها طفي الجهاز وشغليه .. وبعدين جربي تحملينه من جديد .. علمينا وش يصير معك، وإن شاء الله يضبط معك tch17
وش الرساله الي يرسلونع وين القاها
تكفون ابي مساعدتكم بسرعه الله لايهينكم
انا ثبت البرنامج وضبط معي بس جتني الي ادخل فيها رمز المنطقه ورقم جوالي وبعد مادخلته جتني بعدها
ادخل كود مكون من ٣ارقام وانا مادري من وين القاها
تكفون ساعدوني والله تعبت وانا احاول
بتوصلك كـ رسالة نصية على رقم الجوال اللي انت كتبته
سويت آلي قلته بس للأسسف مآضبط 😐
وللمعلوميه أصدار جهآزي جدآ قديمه 4.2.1
وإلآ هو عآدي يضبط ع آي أصدآرر ؟؟
أهلين، مدري والله ما جربته على هالإصدار لكن ان شاء الله انه يركب .. عموماً .. جربي تسوين تحديث للسورس ( Cydia > Changes > Update ) .. جربي سكري السيديا وقفليه مره ثانيه زي الطريقة الأولى اللي قلنا قبل شوي .. ثم جربي كذا محاولة في التحميل، بعض الأحيان تطلع الأخطاء بسبب النت وإلا الأتصال وكذا .. واخيراً لو كل هذا ما نفع وما زالت رسالة الخطأ تطلع لك، روحي للوتس اب وجربيه يمكن يكون ضبط tch37
أحمم ، سسويت زي مآقلت معيي ويطلع نفس الشيء 😐
ورجعت دخلت ع الوتس آب ، مآصآر شيء يقولي أنو مآيدعم الجهآز .. 😐
مركبه سورسات والا شيء في السيديا؟ ووش رسالة الخطأ اللي تطلع لك بالضبط .. ياليت لو تكبينها tch41
آي أكيييد مركبه سورسآت ..
ودي أحط لك آلصصوره أسهل من الشرح بالكلآم ، بس كيف .؟
عمومآ : يطلع لي ثلآث خيآرآآت
upgrade Essential
complete upgrade
Ignore
أضغط ع آقنور آخر وحده ويطلع لي خطأ ثآني الي هو
cannot comply 😐
اهلين .. اختاري ( complete upgrade ) وخليه يسوي ترقية وبعدين جربي tch40
لازماحمل السيديا ولاكيف
ممكن تعطيني رقم حسابك عشان احمله بس ابي الواتسس اب وبسسسس tch23 tch23 tch6 tch6
لازم سيديا ماتحصل الواتس اب في الابستور حق الايباد tch36
ووووه يالوتس اب
كنت احاوول بالنوكيا زمااان كل الي عندي يتواصلون بوه وراااافض وانقهرت وتركته tch14
ويوم شفت ان فيه طريقه لايباد جربتوه وضبط
ياعساك للجنه انت ومن تحب خيي tch5
الف شكر tch28
أنا عندي شريحة جأت مع الايفون انترنت فقط (بطاقة شحن) وحاولت اشغل البرنامج ولكن لم استطع فما الحل ؟ لو سمحتم
هل اشحنها ام لها شريحة خاصة للايباد
دمتم بخير
وكل عام وانتم بخير
مرحبا اخوي عبدالرحمن، وانت بخير وصحه وسلامة يارب tch26
بالنسبة لسؤالك عن الشريحه، فـ البرنامج ممكن تركيبه على الايباد بدون شريحه عادي .. راح تشبك النت على الواي فاي، وبتستخدم السيديا والانستلوس، واما بالنسبة لطريقة التفعيل ممكن تفعلها على اي رقم عندك مهوب لازم يكون في الايباد نفسه .. لذا ما تحتاج شريحه ان شاء الله tch17
الله يجزاااك الف خير يا خوي على مساعدتي ودمت بالف صحة وعاااافية يارب
دمت بخير
الله يجزاااك الف خير يا خوي على مساعدتي ودمت بالف صحة وعاااافية يارب
كيف أضيف الاسماء من الفيفرت الى الشات يالطيب؟
اي اسم تشوفه قدامك في الفيفرت وتبي تكلمه، اضغط عليه وعلى طول بتفتح لك صفحه المحادثه معه .. وبكذا تقدر تكلمه ولما تكلمه بتحصله عندك في صفحه الشات tch17
معليش يا خوي
لما اضغط عليه تفتح ولكن ماتجي محادثة أحاول ولا كن لا جدوى ما الحل ؟
طيب وش يطلع لك بالضبط؟ وش الصفحه يعني؟ لأن هو نفس البرنامج اللي في الايفون يعني مافيه اختلاف tch41
تسلم يمناك يالغلا
الله ويجزاك الف خير على المساعدة
يطلع بعد ما اضغط على الفيفريت الاسماء مثلا اختار احمد تطلعلي في الصفحة الي بعدها info ويكتب
Invite احمد to get what’sApp
اضغط عليها ولا كن لا يحدث شيئا وش نفعل؟
اهلين، اذا طلع لك كذا معناتها انه هو ما عنده وتس اب tch41 .. متأكد داخل على الفيفروت؟ شكلك داخل على الاسماء tch3، جربت كل الاسماء ويطلع لك كذا؟
لو سمحت يقول لي فشل التثبيت كيف اسوي؟
فشل في تثبيت ايش؟ الوتس اب والا في التثبيت في السيديا؟
الواتس اب
لا يا اخي الحبيب داخل على الفيفرت لكن اليوم امس العصر دخلت عليه وصدفة جاء عندي ٨ اسماء من ٣٠ اسم شغاله تمام وباقي الاسماء ما اشتغلت
لكن اخوي ارسلي رسالة وجاء اسمه على طول مع أني حاولت معاه قبل
باصبر وان شاء الله ينضافون كلهم
والف شكر على مساعدتك لنا
دمت بخير
.
.
.
شكراً لك ، شرح وافي ()
ممم طيب اللي في الـ Installous ، حمل لي الواتس اب عادي ،
لكن لما عملت له Install ، يقول Invalid IPA ..!
وش الحل معاه tch9 tch9 … !
جزاك الله خير وكثر من أمثالك tch1
أهلين اخوي، بالنسبة ل invalid ipa هذي تطلع اذا صار النت عندك سيء .. سكر ال installous نهائي ( اضغط دبل كليك على زر الهوم وسكره من الشريط السفلي ) طف الشبكه وشغلها ، ثم جرب من جديد : )
لي فتره وأنا اريد حل وإن شاء الله انك بتساعدني
اناسبق وحملت الواتس آب على الايباد٢
لكن حذفته لأنه ما أشتغل أو اني ماعرفت اشغله
فالمارجعت ابي آحمله من جديد على الجل بريك رفض رغم محااااااولاتي وكثير ما طبقت الشرح لكن بدون فايده
وبرضو حملت من سيدا ولا نفع معي صراحه مليت من محاوله فاياليت أذا عندك طريقة استرجاعه او طريقة تحميله اشرحها وشكراً لك
أهلين، ان شاء الله بينحل موضوعك اختي tch15
من وين كنتي تحملين الوتس اب؟ ما تقدرين تحملينه من الابستور لانك ما راح تحصلينها هناك لو بحثتي عن طريق الايباد 2 .. اذا عندك جيلبريك، تحتاجين تحملين برنامج اسمه ( install0us ) .. وهذي خطوات تثبيته :
– اول شيء افتحي السيديا.
– اختاري كلمة ( Sources ) من الخيارات اللي تحت.
– اضغطي على كلمة ( Edit ) اللي فوق على اليمين.
– اضغطي على كلمة ( Add ) اللي بتكون فوق على اليسار.
– بيطلع لك مربع في وسط الشاشة، اكتبي فيه ( http://cydia.hackulo.us ) وبعدين اضغطي Add Source
– بتحصلين من ضمن السورسات الموجودة سورس جديد اسمه ( Hackulo.us )
– اضغطي على السورس وبعدين دوري على الاسم هذا ( Installous 4 )، اضغطي عليه وبعدين بتفتح لك صفحه .. فوق على اليمين فيه كلمة Install
– بعد ما تضغطين عليها بيتحمل لك البرنامج وبيصير عندك البرنامج وبتحصلين فيه تطبيقات كثيره كلها مكركه وببلاش ، ومن ضمنها بتحصلين الوتس اب .. بعد ما تحملينه طبقي الشرح وبيضبط معك ان شاء الله tch26 .. ولو ما ضبط أو صادفتي مشكلة ارجعي هنا وان شاء الله نلقى لها حل tch37
لوسمحتوا ابقي رابط حق الايباد
رابط ايش بالضبط؟ tch3
سلام عليكم
انا مشكلتي حذفت الواتس آب ولما رجعت أسترجعه عن طريق الجل بريك رفض يطلع ويتحمل فاياليت تحل مشكلتي لأن تعبت وأنا أطبق الطرق ولا ينفع وجهازي أيباد٢
وعليكم السلام، كتبت لك الرد فوق .. شكلك ما انتبهتي له tch3
عموماً تقدرين تحملينه من install0us، لو ماضبط معك ياليت توضحين مشكلتك اكثر، هل فيه رسالة خطأ؟ وش الطريقة اللي سويتيها بالضبط؟ عشان اقدر احدد مشكلتك اكثر tch40
الله يوووووووووووووفقك ياارب كنت محتااجته مرره
والله شرحك مررره دقيق بس انا مااعرف اي شي توني شاريه الجهاز الي ماعرفته بعد اول صوره التحميل اذا ضغطت على التحميل بعديم تجيني قاىمه وش اختار مع ان اصداري زي اصدارك ….وشكرا
اهلين، قصدك باول صورة اللي هي تحميل الوتس اب من الـ install0us؟
اذا كذا، فـ بعد ما تضغط دوانلوند بيطلع لك قائمة طويلة بمواقع التحميل اللي مرفوع فيها البرنامج ( بما أنه مكرك طبيعي يكون مرفوع برى الابستور) .. في الغالب اول خيار من القائمة حقت التحميل هو رابط البرنامج في الابستور عشان لو كنت تبي تفتحه هناك في صفحتهم، لذا اختر الخيار الثاني على طول tch34
السلام عليكم ، انا سويت كل الي قلته بس كل ما ادخله يطلع الحل : ؟
وعليكم السلام ورحمة الله، مافهمت عليك اختي .. وش اللي يطلع لك بالضبط؟ ممكن تعليقك مو كامل او فيه شيء ناقص، بإنتظار توضيحك للمشكلة tch26
سويت كل شي قلته بس الواتس اب كل ما ادخله يطلع
اها، ممكن المشكلة عندك من الوتس اب نفسه .. احذفيه وبعدين حمليه من جديد من الـ install0us ، لكن هالمره جربي تحملينه من رابط غير الاول اللي حملتي منه tch17
شكرااااا ضبط 🙂
طييب مايسير اسجل برقم الايباد ؟
تقدرين تسجلين بأي رقم تبينه، حتى لو كان رقم الايباد .. لكن لازم تطلعين الشريحه وتشغلينها على جوال عشان تشوفين الرسالة حقت التفعيل .. او تستخدمين برنامج يفتح لك الرسايل النصيه على الايباد ( جربي هالبرنامج بيفيدك ان شاء الله : Swirly sms free ) << موجود على الـ install0us فقط tch17
اسفه ازعجتك معي بس لاني يوم بحثت طلع لي برامج واجد ابي توصف لي شكله لاهنت
لا عادي حياك tch26 tch34 .. البرنامج موجود صوره له وشرح بسيط له في نهاية هالموضوع :
https://www.tichno.com/?p=752
ان شاء الله يفيدك tch36
مشششششششششكور جدا بس اخر طلب انا مبتدئه ، ابي اعرف رقم شريحتي
والله مدري اختي كيف تعرفين الرقم، أولاً لازم تعرفين وش نوع الشريحه اللي خذتيها، هل هي بطاقة شحن؟ ( سوا مثلاً) .. والا شريحه جوال عام ؟ .. والا شريحه بيانات ؟ .. تحتاجين تتآكدين من اللي خذتيها منه ، يمكن يقدر يفيدك اكثر مني tch20
وعموماً يظل فيه الطريقة البدائية، تقدرين مثلاً تطلعين الشريحه وتحطينها في جوال وتجربين تتصلين على رقم واحد من أهلك وبيطلع لك الرقم tch19
الله يعطيك العافية أخذت فيني اجر
انا شفت عندك خبره واجد وانا ماعندي مشكله في الواتس اب ابد بس ابي اسئلك عن الفيديوهات الاون لان مافي مجال تفتح على الايباد لاني حاولات بس ما قدرت 🙁 اذا عندك اطلاع على هذا الشي ارجوك تفيدني ومشكور اخوي 🙂
أهلين، بالنسبة للفيديوات الاون لاين ماتشتغل على الايباد لانها تستخدم الفلاش والأيباد مايدعم خاصية الفلاش .. حاليا فيه مواقع كثيره حولت طريقة عرض مقاطع الفيديو من الفلاش الى ال html 5 .. بحيث يصير الايباد يدعم تشغلها ، واغلب مواقع الفيديو المشهورة تشتغل على الايباد، مثل youtube و vimeo و vevo وغيرهم من المواقع بعد واللي على ما اظن بتحلصين لهم تطبيقات في الابستور .. بالتوفيق
السلام عليكم اخي الكريم
بعد ما صبرت حوالي نصف شهر اكتشفت انه الأرقام العربية لا يمكنني التواصل معهم
لما حولت جميع أرقام جوالاتهم الى أرقام انقليزية اشتغل البرنامج مثل العسل
شكرًا على الموضوع الجميل والكافي
دمت بخير
استاذ …
سؤالي مالوا علاقة بالواتس اب
بس ابغى انزل البرنامج حق اللي يحط رقم سري ع البرامج بس مو موجود في الاب ستور lockdown pro
هادا شي
والشي التاني مني قادرة اربط ايميلي في الايباد ..ايميل ويندوز لايف
واذا وقتك يسمح تعطيني اقتراحات لبرامج تساعدني للجامعة
وشكرا ..اسفة ع الازعاج
اهلين، بالنسبة للبرنامج اللي طلبتيه هذا غير موجود في الابستور .. تحصلينه في السيديا ( لازم يكون عندك جيلبريك ) .. وهذا رابط شرح له لو حابه تعرفين اكثر عن طريقة التحميل وكيف تحصلينه في السيديا:
http://www.youtube.com/watch?v=O-Ju6miBt-M
* * *
بخصوص الإيميل فـ ياليتك حددتي مشكلتك بشكل اكثر عشان نقدر نحلها على طول، عموماً اذا كنتي كتبتي بياناتك ( الايميل + الباسورد ) بشكل صحيح وكتب لك ان المشكلة في خادم البريد الصادر والوارد هذي هي البيانات اللي راح تكتبينها فيهم :
الصادر : smtp.live.com
الوارد : pop3.live.com
واذا حابه تقرين اكثر عن ربط البريد فيه موضوع مخصصه عنه :
https://www.tichno.com/?p=332
* * *
برامج تساعد للجامعة .. اممم الصراحة ما اعرف لكن احس تعتمد على تخصصك .. ممكن تبحثين عن اشياء تناسب تخصصك في الابستور او تشوفين لك كتب مثلاً tch8
السلام عليكم ورحمه الله وبركاته
اخوي محتاجه مساعدتك لو سمحت ضروري في تنزيل الواتس اب على الايباد2
لاني تعبت وانا انزله مليون مررره ومايضبط يطلع لي هالمسج
whatsApp-v2.6.5-Dmi187.ipa
Installation failed ipa
ok
مع العلم اني مسويه كل مراحلك بالتمام وضابطه معي الى هنا ومايتنزل البرنامج على اليباد
tch10
بليزززز وش الحل
وعليكم السلام ورحمة الله وبركاته،
اهلين اختي .. ان شاء الله بتنحل مشكلتك، راح نجرب كذا طريقة وان شاء الله وحده منهم بتضبط معك، أولاً اذا فتحتي الانستولس اضغطي على كلمة ( Download) اللي فوق في الوسط وشوفي هل الوتس اب موجود في القائمة والا لا ؟ .. لو موجود احذفيه .. النقطة الثانية، اذا فتحتي صفحه الوتس اب وجيتي تحملين البرنامج، بتفتح لك صفحه كامله فيها روابط تحميل للبرنامج .. هل جربتي تغيرين الروابط والا كل مره تجربين رابط معين؟ .. الشيء الثالث، تأكدي من الانترنت عندكم، هل هو سريع والا معلق والا عليه ضغط .. واخيراً، من وين حملتي الإنستولس، من اي سورس؟ ( cydia.hackulo.us ) أو من ( sinfuliphonerepo )؟ .. حصلت حلول في اليوتيوب ياليت تجربينها وتشوفين تضبط معك والا لا ؟
http://www.youtube.com/watch?v=ivnbcS8nh5I&feature=related
http://www.youtube.com/watch?v=Jdi803DGvVE&feature=related
– وبإختصار الطريقة هي انك تدخلين على السيديا وتروحين لأخر خانه على اليمين ( البحث ) وبعدين تكتبين في البحث ( appSync ) وتشوفين هل انتي مثبته الإصدار ( appSync for 4.0+ ) والإ لا؟ قد تكونين محلمه واحد قديم ( مايكون جمبه رقم اربعة وعلامة الزائد ) .. ولو كنتي مركبته نفسه، احذفيه وثبتيه من جديد .. وان شاء الله بيضبط معك tch17
في برنامج حاولات احمله بس مالقيته في اب ستور السعودي موجود في اب ستور الامريكي اسمه : iswifter
ياليت تبحث عنه وتعطيني معلومات لاني حاولات اسوي اب ستور امريكي ما قدرت وشكرا
اهلين، لازم تسوين الحساب الامريكي .. سهل جداً مايحتاج له شيء، ادخلي على هالرابط وطبقي الشرح الموجود :
https://www.tichno.com/?p=216
واذا صار لك مشكلة في التسجيل علمينا وش يصير معك tch34
مشكور سويت كل شي بس لما افتح الحساب يقول لي حاول مجددا دخلت البريد ما جات رساله
وش قصدك بسويت كل شيء؟ هل خلصتي كل خطوات التسجيل؟ كلمتي بياناتك والايميل والباسورد وكل شيء لحد ما وصلتي لأخر صفحه ؟ اللي هي هذي :
https://www.tichno.com/wp-content/uploads/app-store-account15.jpg
اي
طيب كنتي متأكدة من كتابتك للإيميل؟ بعض الأحيان الواحد يغلط ويكتب ( con ) بدال ( com ) مثلاً! .. وهل بحثتي عن رسالتهم في البريد الغير هام؟ ( الجنك ميل )
تم والحمدلله 🙂
كيفيت تحميل WhatsApp لايباد1
مرحبا، الطريقة هذي للايباد ١ و ٢ .. لازم يكون عندك جيلبريك وخلاص يضبط ان شاء الله tch40
سويت بس مو شغال عندي tch10
وش سويتي بالضبط؟ ، ووش اللي مهوب شغال؟ اشرحي لي وش سويتي وفي اي خطوة ماضبط معك الشرح عشان اقدر اساعدك واعرف وش المشكلة بالضبط
سويت نفس الطريقه واتحمل WhatsApp بس تطلع صفحه فارغه
يعني ركبتي الوتس اب، وركبتي الـ ( Whatspad ) من السيديا ؟ طيب اذا فتحتي البرنامج مايطلع لك شيء؟ كل الشاشة بيضاء ؟ لو كذا جربي احذفيه ثم ارجعي حمليه من الـ install0us لكن جربي تحملينه من رابط غير الأول اللي حملتيه منه
اخوي يعطيك الف الف الف عافية ششرحك وافي بس ي ليت تنزل لنا صور الانستولز هل اللي تقصدة اللي فيه سهم بالاخضر ولا الاورنجي ؟؟
اهلين، ايه هو الاخضر .. وهذي صورته
http://hottipscentral.com/blog/wp-content/uploads/2011/01/Installous4_icon_HotTips.png
في الاول لما اروح للانستولز وابحث عن الواتس اب يجيني رسالة Apr error وبعدين رحت للسيديا وحملت منها الواتس باد يتحمل ويطفي الجهاز لما اجي ادور ف الابلكيشن م الاقي شيئ نزل الله يسعدك ويرزقك تلقا لي حل ابي الواتس اب ينزل عندي
اهلين، طالما حلمتي الوتس باد يعني ان شاء الله راح نصف الشرح .. الوتس باد مهوب تطبيق، هو مجرد ملف فيه اعدادات توهم برامج الوتس اب انك جالسه تستخدمين ايفون عشان يقبل يشتغل بس .
عموماً بالنسبة للخطأ اللي يطلع لك في الانستولتس، هل هو يطلع لك في كل البرامج والا في الوتس اب بس؟ يعني هل كنتي تحملين منه اول وكل شيء تمام والا ؟
اول حل تحتاجين تسوينه هو انك تسكرين البرنامج وترجعين للصفحه الرئيسية، بعدين تضغطين دبل كليك على زر الهوم ( السفلي )، وبعد ما يفتح لك شريط المهام بتحصلين الانستولس تحت من ضمن البرامج اللي تشتغل .. اضغطي باصبعك عليه وعلقي شوي لحد ما يطلع لك جمبه العلامة الحمراء وبعدين سكري البرنامج من شريط المهام .. بعدين افتحيه من جديد وجربي مره ثانية ..
الحل الثاني انك تجربين وقت ثاني، لان النت ممكن يكون معلق والا بطيء وعشان كذا يطلع لك الخطأ
الحل الثالث وهذا تسوينه لو ماضبطوا اللي فوق كلهم تحتاجين تفتحين السيديا، وبعدين تختارين من تحت كلمة ( Installed )، بتطلع لك لسته طويلة، ابحثي من ضمنها عن سطر مكتوب فيه ( AppSync ) اذا حصلتيه شوفي وش مكتوب جمبه .. مكتوب 4+ والا ايش ؟
* المره الجايه سوي تعليق جديد لا تعلقين على تعليقات سابقة عشان يكون فيه مساحه للردود : )
الف الف الف الف الف شكر وتقدير قسم بالله م تدري قد ايش فرحااااانة ومسوووطة جزاك الله الف خير
انشاء الله اجرب واردلك خبر
جزاك الله خير وعطاك الله العافيه
جربت جميع الروابط بس مو شغال عندي ايش المشكله tch23
افتحي البرنامج وبعدين خذي للشاشة صورة عشان اشوف وش المشكلة، اضغطي على زر الهوم ( السفلي ) وفي نفس الوقت اضغطي على زر السليب ( العلوي )
اخوي اشكرك واحسك تعبت معانا انا حملت البرنامج ودخلت رقمي والكود واشتغل ولكن لمن افتح صفحة الشات يطلع لي كلام انقليزي وفي ايقونه مكتوب فيها
tell a friendوافتحها ويطلع لي خيارين مكتوب اكلمهم ايميل او اس ام اس
عجزت صراحه ياليت تلقى لي حل tch9
اهلين اختي، العفو tch26 .. هل تأكدتي أن جهاز الايباد حقك مضافه له الاسماء حقتك ؟ سكري الوتس اب وروحي لبرنامج اسمه ( Contacts ) وتأكدي .. اما بالنسبة للرسالة اللي تطلع لك معناتها دعوة صديق للبرنامج .. ممكن الموجودين عندك ماعندهم وتس اب مثلاً
جعل والديك بالجنه يا بعد حيي انا كل شي عندي زين بس ابي اعرف الاسماء في الواتس اب مو راضيه تطلع عند غير رقم واحد بس انا معي ايباد ٢ ارجوك كيف الحل
اهلين، اطلع من البرنامج وبعدين افتح التطبيق ( Contacts ) وشف اذا عندك اسماء مضافه في الجهاز او لا ! tch34
اول شي جزاك الله الف خير علي الشرح الوافي بس واجهتني مشكلة في تثبيت الواتس ااب وهي انه لم يتم ارسال لي الكود الخاص بالواتس اااب مع العلم بانه لا يوجد بالشريحه خدمة انترنت هل هاذا الشي يؤثر ؟
امين واياك يارب .. الشريحه في اي جهاز ؟ في الايباد نفسه والا في جوال ؟ كون الشريحه فيها انترنت او لا ما يأثر .. تأكدتي من كتابة رقم بشكل صحيح ؟ حطيتي الدولة السعودية وكتب لك في السطر الاول ( ٩٦٦ )؟ وهل كتبتي رقمك في السطر الثاني مباشرة ؟ بحيث يكون مثل كذا ( ٥٥٠٠٠٠٠٠٠ ) ويكون يبدأ بـ رقم خمسة بدون صفر ؟
اذا سويتي كل هذا وما ضبط معك، اللي اعرفه انه لما تكتبين رقم ويقول لك انه تم ارسال رسالة التفعيل يطلع لك عداد صغير مدته ٦ دقايق تقريباً .. بحيث انه لو خلصت الست دقايق وماوصلتك الرسالة حقت التفعيل يعطيك البرنامج خيارات ثانيه للتفعيل، عن طريق انك ترسلين لهم رسالة من جوالك مثلاً
شكراااا
عزيزي رسالة التفعيل لم ترسل لي يعني انه في اخر خطوه فقط انتظر ارسال رساله التفعيل — ما هو السبب في عدم ارسال الرساله اللي فيها الكود من 3 ارقام ؟
سلام عليكم وين القى الcontacts علما بان المضافات عندي كلهن معهن واتس اب
والايباد 2 حقي مافيه شريحه فقط واي فاي وشغال على الشبكه ومثل ماقلت لك حملته وكل شي اوك اريد حل جزاكم الله خير tch30
وعليكم السلام، الـ contacts تطبيق افتراضي موجود في الايباد .. هذا شكل الايفونة الخاصة بالبرنامج :
http://ipadhelp.com/wp-content/uploads/2011/06/contacts_icon.jpeg
بالنسبة للشريحه فـ كونها موجودة او لا ما يفرق اهم شيء يتصل الجهاز بالواي فاي
السلام عليكم اخوي Mr.A
او ل شي ماشاء الله عليك وعلى معلوماتك الغفيرة
ثانيا أنا عندي مشكلة بخصوص الواتس اب
الخطوات اللي سويتها
١- حملت الجلبريك
٢- حملت الانستولز
٣-حملت الواتس اب
بعد كذا حاولت اثبت الواتس اب رفض وقال فشل في تثبيت IPA وش الحل ياخوي
وعليكم السلام ورحمة الله وبركاته، حياك اخوي
الخطأ يصير اذا كان البرنامج ما تحمل كامل، بعض الأحيان تحاول تحمل ملف حجمه ٢٠ ميقا مثلاً، ويفصل النت او يتعثر التحميل بسبب انك طلعت من الانستلوس او اي سبب ثاني.. فـ يبين لك ان التحميل خلص لكن لما تقارن حجم الملف اللي انت حملته بحجم الملف الاصلي بتحصل فيه فرق .. عشان كذا ما يضبط التثبيت .. لذا حاول تحمله مره ثانيه، ومن باب الاحتياط حمله من رابط ثاني غير اللي حملت منه الاول .. وهالمره جرب وانت جالس
تحمل البرنامج لا تسكر الانستلوس لحد مايخلص تحميل tch17