WhatsApp | واتس اب

whatsapp icon وتس ابwhatsapp - وتس اب

تحديث: يوجد الآن طريقة لتركيب الواتس اب على الايباد بدون جيلبريك .. اضغط هنا لمتابعة الشرح.

تحديث: بما أن برنامج الانستولس تقفل .. اضغط هنا لمتابعة شرح بدائل الانستولس.

 

واخيراً صار من الممكن تثبيت واستخدام برنامج المحادثه الشهير " وتس اب " على الايباد، طبعاً لازم الايباد يكون عليه جيلبريك، لانك ما راح تقدر تحمله من الابستور حتى لو كنت شاري التطبيق بالحساب حقك في الايفون .. بالاضافة الى انك بتحتاج تحمل ملف من السيديا عشان يضبط التطبيق .. لذا تعوذ من الشيطان وركب الجيلبريك وكمل الشرح

 

أول شيء تحتاج تدخل على الـ installous وتحمل تطبيق ( الوتس اب – WhatsApp )

 WhatsApp on ipad - تحميل الوتس اب على الايباد

 

بعد ما يتحمل التطبيق عندنا على الجهاز ندخل على السيديا ونروح للسورس BigBoss ونبحث فيه عن WhatsPad

Cydia > Source > BigBoss > WhatsPad

installing whatspad on ipad تثبيت الوتس اب على الايباد

WhatsApp on iPad - تركيب الوتس اب على الايباد

whatsApp on Ipad 2 - استخدام الوتس اب على الايباد ٢

اضغط على الصورة لرؤيتها بحجمها الطبيعي

بعد ما ندخل عليه ونسوي له تثبيت في الجهاز نروح للوتس اب ونسوي اعدادات التطبيق، نختار المملكة العربية السعودية وبعدين نحط الرقم اللي نبيه وبعدين راح ينرسل لنا رسالة تفعيل فيها رقم مكون من ثلاث ارقام نحطها في التطبيق وبيشتغل معنا على طول

WhatsApp working for ipad - الوتس اب على الايباد

WhatsApp on iPad 2 - الوتس اب يعمل على الايباد ٢

وبكذا يكون عندنا الوتس اب على الايباد مثبت ويشتغل تمام التمام  

دمتم كما تحبون ودندره سعيدة للجميع


* ملاحظة : الفريموير الخاص بالايباد المستخدم في الشرح هو ٤.٣.٣ والجيلبريك من موقع Jailbreakme.com

ملاحظة ثانية : لمعرفة طريقة ملء شاشة تطبيق الوتس اب ( اضغط هنا)

ملاحظة أخيرة: نفس الطريقة المذكورة تنفع لجهاز الايبود برضو

229,982 زيارة  | 

الكلمات الدليلة : , , , , ,

 

لمحة عن Mr. A

مهذب وخلوق واقطر ملح .. طبعاً ما يحتاج أقول لكم أن هذي مهيب صفاتي .. لا بس هذي هي الصفات اللي أحلم فيها : )
  • RSS

الأكثر مبيعاً في تكنو ستور

كفر ايباد 2 iGuy من شركة Speck

كفر iGuy للايباد 1,2,3

180 ريال 150 ريال

بطاقة شراء من متجر ايتونز 15$

iTunes 15$

75 ريال

وصلة نقل الصور للايباد Camera connection kit

وصلة نقل الصور للايباد

150 ريال 135 ريال

16Gb Wi-Fi New iPad 3

New iPad 16GB

2199 ريال 1900 ريال

مواضيع عشوائية :

356 تعليقات حتى الأن.

  1. يوسف قال:

    يعطيك العافيه على الشرح البسيط ..
    بس حصلت مشكله معي .. هي اني مالقيت البرنامج فيinstallous..!!
     

    تقييمك : Thumb up 4 Thumb down 12

  2. pixel قال:

    اهاااا    !
    وانا اقول ليه الناس ماترسلي رسائل نصيه لي حول السنه أثر العالم طايحينن بالفاسد أب   <- حاقده عليه

    من فترة كنت منزله الواتس أب على الايباد وكان يطلع لي ايرور ولا اشتغل معي قالوا لي نزلية بجوالتس السوني اريكسون فيوم نزلته أكلني وجحدني أشبك الشاحن من جهه وتطفى علي البطارية من جهه أخرته قفلت معي وحذفت البرنامج فهو ماينفع لجوالي أبد يغث

    عاد اني رحت واتبعت خطواتك عشان أفعله على الايباد والله يجزاك خير على السورس فتح معي الحمد لله شرح بسيط وواضح يامستر اي  

    لكن فيه شغله بسيطه ياليت تفيدنا به من خبرتك
    هماي يوم دخلت على البرنامج كل الناس اللي عندي طالعه ارقامهم  لكن ماعرف اسماءهم
    عندك طريقة انقل الاسماء من الجوال العادي الى الايباد   
     ويمال العافية والله 

    تقييمك : Thumb up 10 Thumb down 7

    • Mr. A قال:

      مرحبا، الله يعافيك
      بالنسبة لنقل الاسماء فهو زي نقل الأسماء للايفون .. يعني لو الاسماء في جهاز نوكيا نقلها بيكون زي كذا تماااااماً
      http://www.tichno.com/?p=287

      ولو الاسماء عندك في الجهاز على الاوت لوك بيكون نقلها عن طريق الايتونز

      تقييمك : Thumb up 12 Thumb down 0

  3. عاببب قال:

    شلووون اضيف الارقام في الايباد ؟يعني لما افعل الواتس اب شلون اضيف الارقام

    تقييمك : Thumb up 9 Thumb down 3

  4. عاببب قال:

    شكرا ع الرد لكن لمااحط الارقام واروح البرنامج مااقدر ارسسل لهم وحتى اذا ظغطت على اضافتهم للواتس اب نفس الشي

    تقييمك : Thumb up 2 Thumb down 3

  5. عاببب قال:

    شلوون اضيفهم بالظبط يمكن غلط طريقتي ؟
    لازم اعبي كل البيانات؟
    وبعدين الرقم احطه بـ phone :966 وبدون صفر

    اسفه ع الازعاج بس مو عارفه

    تقييمك : Thumb up 3 Thumb down 3

    • Mr. A قال:

      اهلين، انا عن نفسي سويت طريقتين وكلهم ضبطوا معي .. الاول فتحت الكونتكتس وبعدين ضغطت على ايقونة الـ + اللي تحت وبعدين فتح لي صفحه اضافة اسم جديد .. كتبت الاسم الاول وبعدين سجلت رقم الجوال زي كذا ( ٠٥٥٥٥٥٥٥٥ ) وبعدين سويت حفظ ورحت للوتس اب وحصلته من ضمن القائمة وكلمته وكل شيء تمام

      الطريقة الثانية سويتها عن طريق الايتونز، وهي بالضبط مثل طريقة نقل الاسماء للايفون .. وهنا فيه معلومات اكثر بهالخصوص
      http://www.tichno.com/?p=287
      بالتوفيق

      تقييمك : Thumb up 6 Thumb down 7

  6. زلفونيا قال:

    شغلك مضبووط يامملوح

    وتم التثبيت بنجاح متشكر اوي

    تقييمك : Thumb up 6 Thumb down 1

  7. i44m7md قال:

    الف شكر

    تقييمك : Thumb up 2 Thumb down 0

  8. hneen قال:

    الله يجزاك خير على الشرح البسيط و الواضح
    بس للأسف مالقيت البرنامج في السيديا

    يعني وصلت للخطوة هذي …
    Cydia > Source > BigBoss > X

    تقييمك : Thumb up 2 Thumb down 2

    • Mr. A قال:

      امين واياك يارب
      يمكن السيديا عندك قديم شوي ويحتاج تحديث، عموما الحل ان شاء الله سهل، افتحي السيديا بعدين اختاري Changes من الخيارات اللي تحت بعدين بتحصلين فوق على اليمين كلمة Update، اضغطي عليها وانتظري البرنامج يسوي تحديث وبعدين يمكن يسوي اعادة تشغيل .. بعدها سوي البحث مره ثانيه وبتحصلين السورس ان شاء الله
      * المسار حق التحديث بيكون كذا :
      Cydia > Changes > Update

      تقييمك : Thumb up 3 Thumb down 0

    • سوووسه قال:

      زين مااايصير انزله ع الايبووود وشلوووون انزله ع الايبوووووو
      د

      تقييمك : Thumb up 0 Thumb down 1

  9. hneen قال:

    لقيت البرنامج في ModMyi.com
    عادي أحمله من هناك وإلا يضر بالجهاز…

    تقييمك : Thumb up 1 Thumb down 2

  10. سسديمّ قال:

    السسلآم عليكم ..

    أنآ اليوم مسكت معآي إلآ أحمل “الوتس آب ” ومير أبحث وأدخل هنآ وسويت زي شرحك وكل شيء تمآم ..

    بس يوم جيت أحمل whatspad من السيديآ ، عييآ يحمّل :|

    تطلع لي صفحه مكتوب فيهآ cannot comply

    وش السوآه

    تقييمك : Thumb up 1 Thumb down 1

    • Mr. A قال:

      وعليكم السلام ورحمة الله،
      سكري السيديا، وبعدين دبل كليك على زر الهوم .. بيطلع لك الشريط اللي فيه البرامج المفتوحه .. سكري السيديا من تحت ، ثم بعدها طفي الجهاز وشغليه .. وبعدين جربي تحملينه من جديد .. علمينا وش يصير معك، وإن شاء الله يضبط معك

      تقييمك : Thumb up 1 Thumb down 1

      • عع قال:

        وش الرساله الي يرسلونع وين القاها

        تقييمك : Thumb up 1 Thumb down 0

      • عع قال:

        تكفون ابي مساعدتكم بسرعه الله لايهينكم
        انا ثبت البرنامج وضبط معي بس جتني الي ادخل فيها رمز المنطقه ورقم جوالي وبعد مادخلته جتني بعدها
        ادخل كود مكون من ٣ارقام وانا مادري من وين القاها
        تكفون ساعدوني والله تعبت وانا احاول

        تقييمك : Thumb up 3 Thumb down 1

  11. سسديمّ قال:

    سويت آلي قلته بس للأسسف مآضبط :|

    وللمعلوميه أصدار جهآزي جدآ قديمه 4.2.1

    وإلآ هو عآدي يضبط ع آي أصدآرر ؟؟

    تقييمك : Thumb up 0 Thumb down 1

    • Mr. A قال:

      أهلين، مدري والله ما جربته على هالإصدار لكن ان شاء الله انه يركب .. عموماً .. جربي تسوين تحديث للسورس ( Cydia > Changes > Update ) .. جربي سكري السيديا وقفليه مره ثانيه زي الطريقة الأولى اللي قلنا قبل شوي .. ثم جربي كذا محاولة في التحميل، بعض الأحيان تطلع الأخطاء بسبب النت وإلا الأتصال وكذا .. واخيراً لو كل هذا ما نفع وما زالت رسالة الخطأ تطلع لك، روحي للوتس اب وجربيه يمكن يكون ضبط

      تقييمك : Thumb up 2 Thumb down 0

  12. سسديمّ قال:

    أحمم ، سسويت زي مآقلت معيي ويطلع نفس الشيء :|

    ورجعت دخلت ع الوتس آب ، مآصآر شيء يقولي أنو مآيدعم الجهآز .. :|

    تقييمك : Thumb up 1 Thumb down 1

  13. سسديمّ قال:

    آي أكيييد مركبه سورسآت ..

    ودي أحط لك آلصصوره أسهل من الشرح بالكلآم ، بس كيف .؟

    عمومآ : يطلع لي ثلآث خيآرآآت

    upgrade Essential
    complete upgrade
    Ignore

    أضغط ع آقنور آخر وحده ويطلع لي خطأ ثآني الي هو

    cannot comply :|

    تقييمك : Thumb up 1 Thumb down 2

  14. ميمي قال:

    ووووه يالوتس اب
    كنت احاوول بالنوكيا زمااان كل الي عندي يتواصلون بوه وراااافض وانقهرت وتركته
    ويوم شفت ان فيه طريقه لايباد جربتوه وضبط
    ياعساك للجنه انت ومن تحب خيي

    الف شكر

    تقييمك : Thumb up 2 Thumb down 1

  15. عبدالرحمن قال:

    أنا عندي شريحة جأت مع الايفون انترنت فقط (بطاقة شحن) وحاولت اشغل البرنامج ولكن لم استطع فما الحل ؟ لو سمحتم

    هل اشحنها ام لها شريحة خاصة للايباد

    دمتم بخير

    وكل عام وانتم بخير 

    تقييمك : Thumb up 2 Thumb down 0

    • Mr. A قال:

      مرحبا اخوي عبدالرحمن، وانت بخير وصحه وسلامة يارب
      بالنسبة لسؤالك عن الشريحه، فـ البرنامج ممكن تركيبه على الايباد بدون شريحه عادي .. راح تشبك النت على الواي فاي، وبتستخدم السيديا والانستلوس، واما بالنسبة لطريقة التفعيل ممكن تفعلها على اي رقم عندك مهوب لازم يكون في الايباد نفسه .. لذا ما تحتاج شريحه ان شاء الله

      تقييمك : Thumb up 2 Thumb down 1

  16. dhoom قال:

    الله يجزاااك الف خير يا خوي على مساعدتي ودمت بالف صحة وعاااافية يارب

    دمت بخير  

    تقييمك : Thumb up 1 Thumb down 0

  17. الله يجزاااك الف خير يا خوي على مساعدتي ودمت بالف صحة وعاااافية يارب

    كيف أضيف الاسماء من الفيفرت الى الشات يالطيب؟

    تقييمك : Thumb up 0 Thumb down 1

    • Mr. A قال:

      اي اسم تشوفه قدامك في الفيفرت وتبي تكلمه، اضغط عليه وعلى طول بتفتح لك صفحه المحادثه معه .. وبكذا تقدر تكلمه ولما تكلمه بتحصله عندك في صفحه الشات

      تقييمك : Thumb up 5 Thumb down 0

  18. معليش يا خوي

    لما اضغط عليه تفتح ولكن ماتجي محادثة أحاول ولا كن لا جدوى ما الحل ؟

    

    تقييمك : Thumb up 1 Thumb down 1

  19. khaled قال:

    تسلم يمناك يالغلا

    تقييمك : Thumb up 1 Thumb down 0

  20. الله ويجزاك الف خير على المساعدة 

    يطلع بعد ما اضغط على الفيفريت الاسماء مثلا اختار احمد تطلعلي في الصفحة الي بعدها info ويكتب

    Invite احمد to get what’sApp

    اضغط عليها ولا كن لا يحدث شيئا وش نفعل؟

    

    تقييمك : Thumb up 1 Thumb down 0

  21. لا يا اخي الحبيب داخل على الفيفرت لكن اليوم امس العصر دخلت عليه وصدفة جاء عندي ٨ اسماء من ٣٠ اسم شغاله تمام وباقي الاسماء ما اشتغلت

    لكن اخوي ارسلي رسالة وجاء اسمه على طول مع أني حاولت معاه قبل

    باصبر وان شاء الله ينضافون كلهم 

    والف شكر على مساعدتك لنا 

    دمت بخير

    تقييمك : Thumb up 2 Thumb down 0

  22. Moda قال:

    .
    .
    .

    شكراً لك ، شرح وافي ()

    ممم طيب اللي في الـ Installous ، حمل لي الواتس اب عادي ،
    لكن لما عملت له Install ، يقول Invalid IPA ..!

    وش الحل معاه … !

    جزاك الله خير وكثر من أمثالك

    تقييمك : Thumb up 1 Thumb down 2

    • Mr. A قال:

      أهلين اخوي، بالنسبة ل invalid ipa هذي تطلع اذا صار النت عندك سيء .. سكر ال installous نهائي ( اضغط دبل كليك على زر الهوم وسكره من الشريط السفلي ) طف الشبكه وشغلها ، ثم جرب من جديد : )

      تقييمك : Thumb up 1 Thumb down 1

  23. نوره قال:

    لي فتره وأنا اريد حل وإن شاء الله انك بتساعدني
    اناسبق وحملت الواتس آب على الايباد٢
    لكن حذفته لأنه ما أشتغل أو اني ماعرفت اشغله
    فالمارجعت ابي آحمله من جديد على الجل بريك رفض رغم محااااااولاتي وكثير ما طبقت الشرح لكن بدون فايده
    وبرضو حملت من سيدا ولا نفع معي صراحه مليت من محاوله فاياليت أذا عندك طريقة استرجاعه او طريقة تحميله اشرحها وشكراً لك

    تقييمك : Thumb up 0 Thumb down 1

    • Mr. A قال:

      أهلين، ان شاء الله بينحل موضوعك اختي
      من وين كنتي تحملين الوتس اب؟ ما تقدرين تحملينه من الابستور لانك ما راح تحصلينها هناك لو بحثتي عن طريق الايباد 2 .. اذا عندك جيلبريك، تحتاجين تحملين برنامج اسمه ( install0us ) .. وهذي خطوات تثبيته :
      - اول شيء افتحي السيديا.
      - اختاري كلمة ( Sources ) من الخيارات اللي تحت.
      - اضغطي على كلمة ( Edit ) اللي فوق على اليمين.
      - اضغطي على كلمة ( Add ) اللي بتكون فوق على اليسار.
      - بيطلع لك مربع في وسط الشاشة، اكتبي فيه ( http://cydia.hackulo.us ) وبعدين اضغطي Add Source
      - بتحصلين من ضمن السورسات الموجودة سورس جديد اسمه ( Hackulo.us )
      - اضغطي على السورس وبعدين دوري على الاسم هذا ( Installous 4 )، اضغطي عليه وبعدين بتفتح لك صفحه .. فوق على اليمين فيه كلمة Install
      - بعد ما تضغطين عليها بيتحمل لك البرنامج وبيصير عندك البرنامج وبتحصلين فيه تطبيقات كثيره كلها مكركه وببلاش ، ومن ضمنها بتحصلين الوتس اب .. بعد ما تحملينه طبقي الشرح وبيضبط معك ان شاء الله .. ولو ما ضبط أو صادفتي مشكلة ارجعي هنا وان شاء الله نلقى لها حل

      تقييمك : Thumb up 4 Thumb down 0

  24. نوره قال:

    سلام عليكم
    انا مشكلتي حذفت الواتس آب ولما رجعت أسترجعه عن طريق الجل بريك رفض يطلع ويتحمل فاياليت تحل مشكلتي لأن تعبت وأنا أطبق الطرق ولا ينفع وجهازي أيباد٢

    تقييمك : Thumb up 1 Thumb down 0

    • Mr. A قال:

      وعليكم السلام، كتبت لك الرد فوق .. شكلك ما انتبهتي له
      عموماً تقدرين تحملينه من install0us، لو ماضبط معك ياليت توضحين مشكلتك اكثر، هل فيه رسالة خطأ؟ وش الطريقة اللي سويتيها بالضبط؟ عشان اقدر احدد مشكلتك اكثر

      تقييمك : Thumb up 2 Thumb down 1

  25. نووني قال:

    الله يوووووووووووووفقك ياارب كنت محتااجته مرره 

    تقييمك : Thumb up 1 Thumb down 0

  26. ميمو قال:

    والله شرحك مررره دقيق بس انا مااعرف اي شي توني شاريه الجهاز الي ماعرفته بعد اول صوره التحميل اذا ضغطت على التحميل بعديم تجيني قاىمه وش اختار مع ان اصداري زي اصدارك ….وشكرا

    تقييمك : Thumb up 1 Thumb down 0

    • Mr. A قال:

      اهلين، قصدك باول صورة اللي هي تحميل الوتس اب من الـ install0us؟
      اذا كذا، فـ بعد ما تضغط دوانلوند بيطلع لك قائمة طويلة بمواقع التحميل اللي مرفوع فيها البرنامج ( بما أنه مكرك طبيعي يكون مرفوع برى الابستور) .. في الغالب اول خيار من القائمة حقت التحميل هو رابط البرنامج في الابستور عشان لو كنت تبي تفتحه هناك في صفحتهم، لذا اختر الخيار الثاني على طول

      تقييمك : Thumb up 2 Thumb down 0

  27. ساره قال:

    السلام عليكم ، انا سويت كل الي قلته بس كل ما ادخله يطلع الحل : ؟

    تقييمك : Thumb up 2 Thumb down 0

    • Mr. A قال:

      وعليكم السلام ورحمة الله، مافهمت عليك اختي .. وش اللي يطلع لك بالضبط؟ ممكن تعليقك مو كامل او فيه شيء ناقص، بإنتظار توضيحك للمشكلة

      تقييمك : Thumb up 3 Thumb down 0

  28. ساره قال:

    سويت كل شي قلته بس الواتس اب كل ما ادخله يطلع

    تقييمك : Thumb up 1 Thumb down 0

    • Mr. A قال:

      اها، ممكن المشكلة عندك من الوتس اب نفسه .. احذفيه وبعدين حمليه من جديد من الـ install0us ، لكن هالمره جربي تحملينه من رابط غير الاول اللي حملتي منه

      تقييمك : Thumb up 4 Thumb down 0

  29. ساره قال:

    شكرااااا ضبط :)

    تقييمك : Thumb up 1 Thumb down 0

  30. ساره قال:

    طييب مايسير اسجل برقم الايباد ؟

    تقييمك : Thumb up 0 Thumb down 1

    • Mr. A قال:

      تقدرين تسجلين بأي رقم تبينه، حتى لو كان رقم الايباد .. لكن لازم تطلعين الشريحه وتشغلينها على جوال عشان تشوفين الرسالة حقت التفعيل .. او تستخدمين برنامج يفتح لك الرسايل النصيه على الايباد ( جربي هالبرنامج بيفيدك ان شاء الله : Swirly sms free ) < < موجود على الـ install0us فقط

      تقييمك : Thumb up 3 Thumb down 2

  31. ساره قال:

    اسفه ازعجتك معي بس لاني يوم بحثت طلع لي برامج واجد ابي توصف لي شكله لاهنت

    تقييمك : Thumb up 0 Thumb down 1

  32. ساره قال:

    مشششششششششكور جدا بس اخر طلب انا مبتدئه  ، ابي اعرف رقم شريحتي

    تقييمك : Thumb up 0 Thumb down 1

    • Mr. A قال:

      والله مدري اختي كيف تعرفين الرقم، أولاً لازم تعرفين وش نوع الشريحه اللي خذتيها، هل هي بطاقة شحن؟ ( سوا مثلاً) .. والا شريحه جوال عام ؟ .. والا شريحه بيانات ؟ .. تحتاجين تتآكدين من اللي خذتيها منه ، يمكن يقدر يفيدك اكثر مني

      وعموماً يظل فيه الطريقة البدائية، تقدرين مثلاً تطلعين الشريحه وتحطينها في جوال وتجربين تتصلين على رقم واحد من أهلك وبيطلع لك الرقم

      تقييمك : Thumb up 2 Thumb down 1

    • Moon قال:

      الله يعطيك العافية أخذت فيني اجر

      تقييمك : Thumb up 0 Thumb down 1

  33. دانه قال:

    انا شفت عندك خبره واجد وانا ماعندي مشكله في الواتس اب ابد بس ابي اسئلك عن الفيديوهات الاون لان مافي مجال تفتح على الايباد لاني حاولات بس ما قدرت اذا عندك اطلاع على هذا الشي ارجوك تفيدني ومشكور اخوي :)

    تقييمك : Thumb up 1 Thumb down 0

    • Mr. A قال:

      أهلين، بالنسبة للفيديوات الاون لاين ماتشتغل على الايباد لانها تستخدم الفلاش والأيباد مايدعم خاصية الفلاش .. حاليا فيه مواقع كثيره حولت طريقة عرض مقاطع الفيديو من الفلاش الى ال html 5 .. بحيث يصير الايباد يدعم تشغلها ، واغلب مواقع الفيديو المشهورة تشتغل على الايباد، مثل youtube و vimeo و vevo وغيرهم من المواقع بعد واللي على ما اظن بتحلصين لهم تطبيقات في الابستور .. بالتوفيق   

      تقييمك : Thumb up 1 Thumb down 1

  34. السلام عليكم اخي الكريم

    بعد ما صبرت حوالي نصف شهر اكتشفت انه الأرقام العربية لا يمكنني التواصل معهم

    لما حولت جميع أرقام جوالاتهم الى أرقام انقليزية اشتغل البرنامج مثل العسل

    شكرًا على الموضوع الجميل والكافي

    دمت بخير

    تقييمك : Thumb up 1 Thumb down 0

  35. بشاير قال:

    استاذ …
    سؤالي مالوا علاقة بالواتس اب
    بس ابغى انزل البرنامج حق اللي يحط رقم سري ع البرامج بس مو موجود في الاب ستور lockdown pro
    هادا شي
    والشي التاني مني قادرة اربط ايميلي في الايباد ..ايميل ويندوز لايف
    واذا وقتك يسمح تعطيني اقتراحات لبرامج تساعدني للجامعة
    وشكرا ..اسفة ع الازعاج

    تقييمك : Thumb up 0 Thumb down 1

    • Mr. A قال:

      اهلين، بالنسبة للبرنامج اللي طلبتيه هذا غير موجود في الابستور .. تحصلينه في السيديا ( لازم يكون عندك جيلبريك ) .. وهذا رابط شرح له لو حابه تعرفين اكثر عن طريقة التحميل وكيف تحصلينه في السيديا:
      http://www.youtube.com/watch?v=O-Ju6miBt-M
      * * *
      بخصوص الإيميل فـ ياليتك حددتي مشكلتك بشكل اكثر عشان نقدر نحلها على طول، عموماً اذا كنتي كتبتي بياناتك ( الايميل + الباسورد ) بشكل صحيح وكتب لك ان المشكلة في خادم البريد الصادر والوارد هذي هي البيانات اللي راح تكتبينها فيهم :
      الصادر : smtp.live.com
      الوارد : pop3.live.com
      واذا حابه تقرين اكثر عن ربط البريد فيه موضوع مخصصه عنه :
      http://www.tichno.com/?p=332
      * * *
      برامج تساعد للجامعة .. اممم الصراحة ما اعرف لكن احس تعتمد على تخصصك .. ممكن تبحثين عن اشياء تناسب تخصصك في الابستور او تشوفين لك كتب مثلاً

      تقييمك : Thumb up 2 Thumb down 0

  36. لولي قال:

    السلام عليكم ورحمه الله وبركاته

    اخوي محتاجه مساعدتك لو سمحت ضروري في تنزيل الواتس اب على الايباد2
    لاني تعبت وانا انزله مليون مررره ومايضبط يطلع لي هالمسج

    whatsApp-v2.6.5-Dmi187.ipa
    Installation failed ipa
    ok

    مع العلم اني مسويه كل مراحلك بالتمام وضابطه معي الى هنا ومايتنزل البرنامج على اليباد

    بليزززز وش الحل

    تقييمك : Thumb up 1 Thumb down 0

    • Mr. A قال:

      وعليكم السلام ورحمة الله وبركاته،
      اهلين اختي .. ان شاء الله بتنحل مشكلتك، راح نجرب كذا طريقة وان شاء الله وحده منهم بتضبط معك، أولاً اذا فتحتي الانستولس اضغطي على كلمة ( Download) اللي فوق في الوسط وشوفي هل الوتس اب موجود في القائمة والا لا ؟ .. لو موجود احذفيه .. النقطة الثانية، اذا فتحتي صفحه الوتس اب وجيتي تحملين البرنامج، بتفتح لك صفحه كامله فيها روابط تحميل للبرنامج .. هل جربتي تغيرين الروابط والا كل مره تجربين رابط معين؟ .. الشيء الثالث، تأكدي من الانترنت عندكم، هل هو سريع والا معلق والا عليه ضغط .. واخيراً، من وين حملتي الإنستولس، من اي سورس؟ ( cydia.hackulo.us ) أو من ( sinfuliphonerepo )؟ .. حصلت حلول في اليوتيوب ياليت تجربينها وتشوفين تضبط معك والا لا ؟

      http://www.youtube.com/watch?v=ivnbcS8nh5I&feature=related

      http://www.youtube.com/watch?v=Jdi803DGvVE&feature=related

      - وبإختصار الطريقة هي انك تدخلين على السيديا وتروحين لأخر خانه على اليمين ( البحث ) وبعدين تكتبين في البحث ( appSync ) وتشوفين هل انتي مثبته الإصدار ( appSync for 4.0+ ) والإ لا؟ قد تكونين محلمه واحد قديم ( مايكون جمبه رقم اربعة وعلامة الزائد ) .. ولو كنتي مركبته نفسه، احذفيه وثبتيه من جديد .. وان شاء الله بيضبط معك

      تقييمك : Thumb up 1 Thumb down 1

  37. العنود قال:

    في برنامج حاولات احمله بس مالقيته في اب ستور السعودي موجود في اب ستور الامريكي اسمه : iswifter
    ياليت تبحث عنه وتعطيني معلومات لاني حاولات اسوي اب ستور امريكي ما قدرت وشكرا  

    تقييمك : Thumb up 0 Thumb down 1

  38. العنود قال:

    مشكور سويت كل شي بس لما افتح الحساب يقول لي حاول مجددا دخلت البريد ما جات رساله

    تقييمك : Thumb up 2 Thumb down 0

  39. العنود قال:

    اي

    تقييمك : Thumb up 1 Thumb down 0

    • Mr. A قال:

      طيب كنتي متأكدة من كتابتك للإيميل؟ بعض الأحيان الواحد يغلط ويكتب ( con ) بدال ( com ) مثلاً! .. وهل بحثتي عن رسالتهم في البريد الغير هام؟ ( الجنك ميل )

      تقييمك : Thumb up 1 Thumb down 1

  40. العنود قال:

    تم والحمدلله :)

    تقييمك : Thumb up 0 Thumb down 1

  41. jojo قال:

    كيفيت تحميل WhatsApp لايباد1

    تقييمك : Thumb up 0 Thumb down 1

  42. jojo قال:

    سويت بس مو شغال عندي

    تقييمك : Thumb up 0 Thumb down 1

    • Mr. A قال:

      وش سويتي بالضبط؟ ، ووش اللي مهوب شغال؟ اشرحي لي وش سويتي وفي اي خطوة ماضبط معك الشرح عشان اقدر اساعدك واعرف وش المشكلة بالضبط

      تقييمك : Thumb up 2 Thumb down 1

  43. jojo قال:

    سويت نفس الطريقه واتحمل WhatsApp بس تطلع صفحه فارغه

    تقييمك : Thumb up 1 Thumb down 0

    • Mr. A قال:

      يعني ركبتي الوتس اب، وركبتي الـ ( Whatspad ) من السيديا ؟ طيب اذا فتحتي البرنامج مايطلع لك شيء؟ كل الشاشة بيضاء ؟ لو كذا جربي احذفيه ثم ارجعي حمليه من الـ install0us لكن جربي تحملينه من رابط غير الأول اللي حملتيه منه

      تقييمك : Thumb up 2 Thumb down 0

      • سارة ايباد ٢ قال:

        اخوي يعطيك الف الف الف عافية ششرحك وافي بس ي ليت تنزل لنا صور الانستولز هل اللي تقصدة اللي فيه سهم بالاخضر ولا الاورنجي ؟؟

        تقييمك : Thumb up 1 Thumb down 0

          • سارة ايباد ٢ قال:

            في الاول لما اروح للانستولز وابحث عن الواتس اب يجيني رسالة Apr error وبعدين رحت للسيديا وحملت منها الواتس باد يتحمل ويطفي الجهاز لما اجي ادور ف الابلكيشن م الاقي شيئ نزل الله يسعدك ويرزقك تلقا لي حل ابي الواتس اب ينزل عندي

            تقييمك : Thumb up 1 Thumb down 1

        • Mr. A قال:

          اهلين، طالما حلمتي الوتس باد يعني ان شاء الله راح نصف الشرح .. الوتس باد مهوب تطبيق، هو مجرد ملف فيه اعدادات توهم برامج الوتس اب انك جالسه تستخدمين ايفون عشان يقبل يشتغل بس .

          عموماً بالنسبة للخطأ اللي يطلع لك في الانستولتس، هل هو يطلع لك في كل البرامج والا في الوتس اب بس؟ يعني هل كنتي تحملين منه اول وكل شيء تمام والا ؟

          اول حل تحتاجين تسوينه هو انك تسكرين البرنامج وترجعين للصفحه الرئيسية، بعدين تضغطين دبل كليك على زر الهوم ( السفلي )، وبعد ما يفتح لك شريط المهام بتحصلين الانستولس تحت من ضمن البرامج اللي تشتغل .. اضغطي باصبعك عليه وعلقي شوي لحد ما يطلع لك جمبه العلامة الحمراء وبعدين سكري البرنامج من شريط المهام .. بعدين افتحيه من جديد وجربي مره ثانية ..

          الحل الثاني انك تجربين وقت ثاني، لان النت ممكن يكون معلق والا بطيء وعشان كذا يطلع لك الخطأ

          الحل الثالث وهذا تسوينه لو ماضبطوا اللي فوق كلهم تحتاجين تفتحين السيديا، وبعدين تختارين من تحت كلمة ( Installed )، بتطلع لك لسته طويلة، ابحثي من ضمنها عن سطر مكتوب فيه ( AppSync ) اذا حصلتيه شوفي وش مكتوب جمبه .. مكتوب 4+ والا ايش ؟
          * المره الجايه سوي تعليق جديد لا تعلقين على تعليقات سابقة عشان يكون فيه مساحه للردود : )

          تقييمك : Thumb up 2 Thumb down 0

          • سارة ٢ قال:

            الف الف الف الف الف شكر وتقدير قسم بالله م تدري قد ايش فرحااااانة ومسوووطة جزاك الله الف خير

            تقييمك : Thumb up 1 Thumb down 1

  44. jojo قال:

    انشاء الله اجرب واردلك خبر
    جزاك الله خير وعطاك الله العافيه

    تقييمك : Thumb up 1 Thumb down 0

  45. jojo قال:

    جربت جميع الروابط بس مو شغال عندي ايش المشكله

    تقييمك : Thumb up 1 Thumb down 0

    • Mr. A قال:

      افتحي البرنامج وبعدين خذي للشاشة صورة عشان اشوف وش المشكلة، اضغطي على زر الهوم ( السفلي ) وفي نفس الوقت اضغطي على زر السليب ( العلوي )

      تقييمك : Thumb up 3 Thumb down 0

  46. ام ميار قال:

    اخوي اشكرك واحسك تعبت معانا انا حملت البرنامج ودخلت رقمي والكود واشتغل ولكن لمن افتح صفحة الشات يطلع لي كلام انقليزي وفي ايقونه مكتوب فيها
    tell a friendوافتحها ويطلع لي خيارين مكتوب اكلمهم ايميل او اس ام اس
    عجزت صراحه ياليت تلقى لي حل

    تقييمك : Thumb up 1 Thumb down 1

    • Mr. A قال:

      اهلين اختي، العفو .. هل تأكدتي أن جهاز الايباد حقك مضافه له الاسماء حقتك ؟ سكري الوتس اب وروحي لبرنامج اسمه ( Contacts ) وتأكدي .. اما بالنسبة للرسالة اللي تطلع لك معناتها دعوة صديق للبرنامج .. ممكن الموجودين عندك ماعندهم وتس اب مثلاً

      تقييمك : Thumb up 4 Thumb down 0

  47. ابو فهد الشمري قال:

    جعل والديك بالجنه يا بعد حيي انا كل شي عندي زين بس ابي اعرف الاسماء في الواتس اب مو راضيه تطلع عند غير رقم واحد بس انا معي ايباد ٢ ارجوك كيف الحل

    تقييمك : Thumb up 1 Thumb down 0

  48. REMAS قال:

    اول شي جزاك الله الف خير علي الشرح الوافي بس واجهتني مشكلة في تثبيت الواتس ااب وهي انه لم يتم ارسال لي الكود الخاص بالواتس اااب مع العلم بانه لا يوجد بالشريحه خدمة انترنت هل هاذا الشي يؤثر ؟

    تقييمك : Thumb up 1 Thumb down 0

    • Mr. A قال:

      امين واياك يارب .. الشريحه في اي جهاز ؟ في الايباد نفسه والا في جوال ؟ كون الشريحه فيها انترنت او لا ما يأثر .. تأكدتي من كتابة رقم بشكل صحيح ؟ حطيتي الدولة السعودية وكتب لك في السطر الاول ( ٩٦٦ )؟ وهل كتبتي رقمك في السطر الثاني مباشرة ؟ بحيث يكون مثل كذا ( ٥٥٠٠٠٠٠٠٠ ) ويكون يبدأ بـ رقم خمسة بدون صفر ؟

      اذا سويتي كل هذا وما ضبط معك، اللي اعرفه انه لما تكتبين رقم ويقول لك انه تم ارسال رسالة التفعيل يطلع لك عداد صغير مدته ٦ دقايق تقريباً .. بحيث انه لو خلصت الست دقايق وماوصلتك الرسالة حقت التفعيل يعطيك البرنامج خيارات ثانيه للتفعيل، عن طريق انك ترسلين لهم رسالة من جوالك مثلاً

      تقييمك : Thumb up 3 Thumb down 0

    • محمد قال:

      شكراااا

      تقييمك : Thumb up 2 Thumb down 0

  49. REMAS قال:

    عزيزي رسالة التفعيل لم ترسل لي يعني انه في اخر خطوه فقط انتظر ارسال رساله التفعيل — ما هو السبب في عدم ارسال الرساله اللي فيها الكود من 3 ارقام ؟

    تقييمك : Thumb up 1 Thumb down 0

  50. ام ميار قال:

    سلام عليكم وين القى الcontacts علما بان المضافات عندي كلهن معهن واتس اب
    والايباد 2 حقي مافيه شريحه فقط واي فاي وشغال على الشبكه ومثل ماقلت لك حملته وكل شي اوك اريد حل جزاكم الله خير

    تقييمك : Thumb up 2 Thumb down 0

    • Mr. A قال:

      وعليكم السلام، الـ contacts تطبيق افتراضي موجود في الايباد .. هذا شكل الايفونة الخاصة بالبرنامج :
      http://ipadhelp.com/wp-content/uploads/2011/06/contacts_icon.jpeg

      بالنسبة للشريحه فـ كونها موجودة او لا ما يفرق اهم شيء يتصل الجهاز بالواي فاي

      تقييمك : Thumb up 2 Thumb down 1

      • عبدالعزيز قال:

        السلام عليكم اخوي Mr.A
        او ل شي ماشاء الله عليك وعلى معلوماتك الغفيرة
        ثانيا أنا عندي مشكلة بخصوص الواتس اب
        الخطوات اللي سويتها
        ١- حملت الجلبريك
        ٢- حملت الانستولز
        ٣-حملت الواتس اب
        بعد كذا حاولت اثبت الواتس اب رفض وقال فشل في تثبيت IPA وش الحل ياخوي

        تقييمك : Thumb up 4 Thumb down 0

      • Mr. A قال:

        وعليكم السلام ورحمة الله وبركاته، حياك اخوي
        الخطأ يصير اذا كان البرنامج ما تحمل كامل، بعض الأحيان تحاول تحمل ملف حجمه ٢٠ ميقا مثلاً، ويفصل النت او يتعثر التحميل بسبب انك طلعت من الانستلوس او اي سبب ثاني.. فـ يبين لك ان التحميل خلص لكن لما تقارن حجم الملف اللي انت حملته بحجم الملف الاصلي بتحصل فيه فرق .. عشان كذا ما يضبط التثبيت .. لذا حاول تحمله مره ثانيه، ومن باب الاحتياط حمله من رابط ثاني غير اللي حملت منه الاول .. وهالمره جرب وانت جالس
        تحمل البرنامج لا تسكر الانستلوس لحد مايخلص تحميل

        تقييمك : Thumb up 3 Thumb down 1


                                          

أخبرني بوجود تعليقات جديدة .

صفحة جديدة 2