FullForce

مثل ما نعرف فيه تطبيقات تكون مخصصة للايفون وفيه بعضها تكون مخصصه للايباد بس، تطبيقات الايباد في الغالب تكون HD بحيث رسمها وعرضها للشاشة يكون معبي الشاشة كاملة وبجودة عالية على عكس التطبيقات الخاصة بالايفون، واللي على بلاطه تحوم كبدنا لما نحملها على الايباد ونكتشف انها بس تغطي جزء بسيط من الشاشة!! .. وفي حال سوينا تكبير للشاشة تصير الرسوم وجودة الصور غير واضحه!

 

عارف ما فهتموا شيء من الكلام اللي فوق، وعشان نكون صريحين مع بعض حتى انا يوم قريته ما فهمت الا كلمة HD .. واللي على فكرة مدري وش جاب طاريها في الموضوع للأن !! .. عموماً عندنا اليوم سورس مجاني موجود على السيديا من مهامه انه يحول التطبيقات الخاصة بالايفون الى تطبيقات ايباد عن طريق تكبير الشاشة بشكل حلو ومرتب، طبعاً مو كل البرامج يركب عليهم السورس لكن لازال العمل عليه بحيث يشمل تطبيقات اكثر .. وفي نفس الوقت انه من مميزات انه يعطي المستخدم القدرة الكاملة في التحكم بكل تطبيق على حده !! <<– يا ويلكم لو ما حملتوا السورس بعد كلمة " على حده "

 

في البداية نفتح السيديا وبعدين نروح لأول خانة على اليمين ( البحث –  Search ) بعدين نكتب في شريط البحث اللي فوق هالسورس ( FullForce )

Fullforce on ipad - سورس الفل فورس لملء شاشة الايباد

ندخل على السورس ونسوي له تثبيت من خلال الضغط على كلمة Install اللي فوق يمين

FullForce on ipad - سورس الفل فورس لتكبير تطبيقات الايفون على الايباد

بالنسبة للرابط اللي تحت في الصورة فهذا ملف فيه اسماء التطبيقات اللي تم دعمها واللي راح تندعم وكذا، وهذي صورة للملف

Fullforce compatibility list - اسماء التطبيقات المدعومة من قبل سورس الفل فورس

بعد ما نركب السورس نروح لـ ( الإعدادات – Settings ) وبنحصل السورس موجود على اليسار وقدامه التطبيقات المحمله على الايباد واللي هي خاصة بالايفون اساساً، وجمب كل تطبيق تحصل خانة للتشغيل والايقاف .. يعني لو جربت برنامج وما ضبط او حسيته في مشاكل ترجع توقفه من هنا وخلاص

FullForce settings on ipad - اعدادات السورس فل فورس على الايباد


خلونا نشوف مع بعض مثال على برنامج الوتس اب في الايباد ( يمكنك معرفة طريقة تركيب الوتس اب على الايباد من هنا )

هنا نشوف البرنامج قبل تفعيل السورس

FullForce on whatsApp ipad - سورس الفل فورس على الوتس اب في الايباد

وهنا نشوف البرنامج بعد السورس

using FullForce for whatsapp on ipad -  استخدام سورس الفلفورس على الوتس اب في الايباد


وهنا مثال ثاني للبرنامج WhosHere, نشوف الصورة قبل

FullForce for whoshere on ipad - الفل فورس للهوز هير على الايباد

وهنا نشوف بعد تفعيل السورس على البرنامج

FullForce on whoshere for ipad - الفلفورس على الهوزهير للايباد

بالله ما حسيتوا اننا في عيادة تجميل بعد كلمة قبل وبعد ؟

 

طبعاً بتحصلون تطبيقات ما ينفع لها السورس وهذا شيء عادي لأن مو كل التطبيقات يضبط عليها السورس ( اتوقع الالعاب على الخصوص صعبه يضبط عليها ) وحتى التطبيقات اللي ذكرناها ما راح تحلصونها ١٠٠٪ ضابطه !، يعني يمكن تحصلون شيء شاطح يمين والا يسار وانت تتمشون في التطبيق .. لذا اقول لك من الحين: سلكوا .. وانا عن نفسي ما اعتبر هذا عيب كبير خصوصاً ان السورس مجاني .. ولان التطبيق حتى لو كان فيه عيوب وشطحات بيظل افضل من جودة عرضه وشكله وهو الصغير

 

مع تمنياتي لكم بشاشات كبيرة وكلها HD .. الا على الطاري وش جاب طاري هالكلمة في بداية الموضوع ؟ <<– للحين يفكر في الموضوع

34983 زيارة  | 

الكلمات الدليلة : , , , , , ,

 

لمحة عن Mr. A

مهذب وخلوق واقطر ملح .. طبعاً ما يحتاج أقول لكم أن هذي مهيب صفاتي .. لا بس هذي هي الصفات اللي أحلم فيها : )
  • RSS

مواضيع عشوائية :

30 تعليق حتى الأن.

  1. Pixel Des قال:

    اييييه ياسلام tch31  عمري ماتوقعت انه ممكن  يطلعون حل لتتكبر الشاشه بالايباد لتطبيقات الايفون كنت انتظر متى ينزلون تطبيق خاص للايباد مثل الاسكايبي اللي اصدروه حديثا tch17   
    هالمره لاداعي للانتظار الله يسلم اللي طلع لنا الجليبريك والسورسات  و HD <- ياشين اللي يدرعمون مع الخيل ياشقرا tch24  

    اثناء تثبيت السورس طلعت لي مشكله
    وعيا يثبته لي تطلع كتابات بالأحمر مع رمز الخطأ وش السوات ؟ tch30

    • Mr. A قال:

      اهلين.. هاه، شرايك فيني tch15؟ << مسوي هو اللي مسويه tch38 شسمه، بالنسبة لرسالة الخطأ .. سكري السيديا وبعدين سوي دبل كليك على زر الهوم مرتين عشان يطلع لك البرامج المفتوحه وبعدين سكري السيديا برضو .. ثم سوي ريستارت للجهاز وبعدين جربي التحميل من جديد tch20

      • سارة ٢ قال:

        ي شيخ الله يجزااااااك الف خير اقسم انك خطيييييييييير شكر شكرا شكرا شكرا بس انوه يطلع مو بكبر الشاشة

        • Mr. A قال:

          امين واياك وكل مسلم يارب tch26، اذا ركبتي البرنامج ودخلتي على الاعدادات وفعلتي الواتس اب من ضمن البرامج اللي تكون شاشتها كبيره ، لازم بعد كذا تسوين تسكير للبرنامج من شريط المهام اللي تحت .. تضغطين ضغطتين على الزر الهوم ( السفلي ) وبعدين تسكرينه من تحت ومن ثم شغليه مره ثانيه وشوفي tch17

  2. Pixel Des قال:

    مستر ماااااااااان tch40
    اي اشوى الحمد لله ضبط معي واشتغل .. وجربته على تطبيق الفيس بوك طلعت الشاشه كبيره يماال العافيه يامخ tch15
    tch26

  3. al-hudayb قال:

    ياسلام كلام كبير
    تسلم الأيادي اللي حطت واللي سوت واللي لفت المواقع كعب داير عشان تأمن لنا ما ينقص عقولنا من معرفة في مجالات التكنو ليس هذا وحسب بل هناك الكثير والكثير تجدونه في موقع تكنو مع تكنو مش حتقدر تسكر الأيفون ولا يهون الأيباد والبيجر ….

  4. al-hudayb قال:

    كيف الدعاية وعلى فكرة دخل البيجر في الموضوع كضيف شرف من باب عدم نسيان الماضي والترابط العائلي في عائلة التكنو حتى لو مات الجهاز الجد يبقى في ذاكرة الأحفاد …
    (جزء من النص مفقود) … عبارة من ذاكرة التاريخ

  5. Meshoo قال:

    وربي استفدت كثير
    ربي لا يحرمني من روعة جديدگ

  6. RAZAN قال:

    وشو السورس ابي احمله ماطلع لي  >>ماحمللت الجيلبريك 
    البرنامج حلوو مره  يعطيك الف عافيه

  7. Al Nahdi قال:

    تشكراااات ياخي والله نبي نفسك كثثثثثثييييير يعلمونا في ذي الاشيا والله ترانا مدمغين مانفهم شي عساك ع القوة وننتظر المزييييييد

  8. ajassim قال:

    جزاك الله خيراً

  9. Al Nahdi قال:

    السلام عليكم …. اخوي سويت كل الخطوات لكم طلعلي error

    • Mr. A قال:

      وعليكم السلام ورحمة الله، اهلين اخوي .. السيديا دايم كذا .. بعض الأحيان تحمل الشيء ويضبط معك وبعض الأحيان تطلع لك رسالة Error .. حاول مره ثانية في وقت ثاني وان شاء الله يضبط معك tch34

  10. فراس قال:

    شكرا جزيلا

    لكن يأتي لي cannot tch14 tch14

    • Mr. A قال:

      العفو، الخطأ يطلع لك وين؟ وقت ماتحمل السورس يعني؟
      اذا كذا حاول مره ثانية ترى بعض الاحيان السيديا يطلع فيه مشاكل زي كذا طبيعي

  11. سسسسسسارة قال:

    ركبته بالايباد وحاسني حوسه كيف احذفة بسسسرعه علمني واعلمك وش معنى HD tch38

  12. سسسسسسارة قال:

    tch23

    طلعت لي هـَ الكلمة Reinstall وكلمة Remove
    ماطلعت مثل ماقلت انت uninstall

    علمني وش السوات tch9

  13. سسسسسسارة قال:

    tch41

    كنت حاسه tch14
    HD
    أحرف انقليزية عرفت tch6

    tch25

  14. رسمتك قال:

    مستر اي
    عندي مشكله بسيطه هيه بعد اضافه السورس التكبير كل شي تمام لكن المحدثات تشطح فوق وتسير مسافه كبيره بين المحادثه والكيبور

  15. سما المدينة قال:

    بس تطلع لي لوحة المفاتيح مرة بعيدة

    في اي حل لي هذي المشكلة

  16. سما المدينة قال:

    انا عندي مشكلة لوحة المفاتيح بعيدة مرة الواتس

    اش الحل

  17. عنود قال:

    نزلت كل شي بس الشاشه كبيره ونصها طالع ونصها لا tch9

  18. Adel قال:

    مشكور يالغالي على الشرح الرائع والضريف كنت من زمان وانا ادور على البرنامج لتكبير الوتسب واخيرا… جزاك الله خير


صفحة جديدة 2