برنامج البوربوينت كوسيلة تعليميه مهم في المجال التعليمي لشرح الدروس وعرض المادة التعليميه للطلاب والطالبات ولذلك أنا اناشد وزارة التربية والتعليم ان تصدر قرار على المعلم والمعلمة ان كل حصة درس لازم يكون على البوربوينت  حتى مراجعة الدرس السابق يكون على البوربوينت نبتل على السبورات والطباشير وعلى القلامه ؟ الى متى وانتم ماتفهمون ان الطالب بحاجه الى مادة صوتية ومصورة عشان يستوعب مخه المصدي اللي تعود على البلاستيشنات المصورة لأن المناهج المطورة أبد ماتكفي للإستيعاب لازم يزيد الضغط عشان يولد الانفجار ويرجع التعليم لـ ز ر ع وَ ح ص د <-  دوروا لها واسطه توظيف تكفون عشان ماتشيش وزارة التعليم عليكم

 

تطبيق

SlideShark

PowerPoint

تطبيق جميل جداً لرفع ملفات عروض البوربوينت من جهاز الكمبيوتر وتحميلها على الايباد مع الحفاظ على جودة الصور والصوت وسرعة التنقل بين الشرائح بكل سهوله  

 

ملاحظة : التطبيق " مجاني " ويعمل فقط على iPad 2  

 

نحمل التطبيق من الآب ستور من هنا

 

.

.

 

( شرح التطبيق بالصور )

ندخل على البرنامج من الايباد ونضغط على Register تسجيل جديد

 

 

 

( واجهة البرنامج ) 

راح نلقى ملف بوربوينت لموقع التطبيق نفسه يشرح طريقة عمل البرنامج بالصور

 

 

وعشان نرفع الملفات من جهاز الكمبيوتر نفتح على رابط موقع البرنامج من هنا 

www.slideshark.com

 

ونضغط على Login تسجيل الدخول

 

 

شرح تطبيق SlideShark لعرض ملفات البوربوينت على الآيباد

 

الصيغ المسموحه والمطلوبة هي فقطppt , pptx

ونضغط على تصفح للرفع …

 

 

 

كلها ثواني قليلة ويكون البرنامج مرفوع مباشرة على الموقع

  

شرح تطبيق SlideShark لعرض ملفات البوربوينت على الآيباد

 

نرجع للايباد ونفتح التطبيق بنلاقي ملف البوربوينت اللي رفعناه ونضغط على Download

 

 

وبكذا تم التحميل ولمشاهدة العرض نضغط على View
 

 

"نقاط اضافية "

للانتقال والابتداء من شريحة أخرى غير الشريحه الأولى نضغط على الصورة نفسها اللي فوق , بدل الضغط على View

وراح تطلع لنا الشرائح بهالشكل .. ونختار اي شريحه نبدأ العرض منها

 

شرح تطبيق SlideShark لعرض ملفات البوربوينت على الآيباد

 

أثناء عرض البوربوينت اذا أردنا " ايقاف العرض "

نمرر بحركة الإصبع مع الضغط  من الأسفل الى الأعلى عشان تطلع لنا الشرائح و خيار الـ Exit للخروج من العرض

 

شرح تطبيق SlideShark لعرض ملفات البوربوينت على الآيباد

 

وبكذا انتهينا تقدرون عقبها تعرضونه على البروجكتر أو التلفاز 

وبهالموضوع يشرح لكم الطريقه كيف !

http://www.tichno.com/iphones/airplay-mirroring-on-ipad2-and-iphone-4

     يلا الحين كل واحد يسوي لنا شرح لتكنو بالبوربوينت <- يحلتونها بالطماط

   

  أختكم

Pixel Des

47315 زيارة  | 

الكلمات الدليلة : , , , ,

 

مواضيع عشوائية :

42 تعليق حتى الأن.

  1. Mr. A قال:

    ما شاء الله، وش هالشرح الزين tch1
    لازم نرسل موضوعك لوزارة التربية والتعليم عشان يعتمدونه مع المناهج، وبالمره كود يوزعون علينا ايباد ٢ tch31

    اما لو يوزعون علينا ايبادات كان اعطيك اياه تلعبين فيه اول اسبوع tch15 .. يارب يعطوننا .. يارب يارب 🙁 << تحمس tch38 يعطيك العافية tch11

    • Pixel Des قال:

      أنت تدري ان اليابان مدري الصين أو كوريا طبقوا الدراسه على الايباد tch15 <- ان البقر تشابه علينا لاتشره اهم شي الزبده tch38
      عاد تخيلت عيالنا يدرسون عليه كان يعيد السنه الوحده 3 مرات عشان بس يجمعهن ويبيعهم ( مخ قصيمي داج tch29 )
      ويعافيك ربي tch26

  2. i44m7md قال:

    يعطيكم العافيه ,, الصراحه مدري كيف اشكركم تستاهلون حبة راس :* :*

    لا تحرمونا من جديدكم tch1

  3. ooqq قال:

    السلام عليكم
    انا عندي مشكله والصراحه ما عرفت وين اكتب فكتبت هني
    عندي ايبود بعد عدت محاولات (كلمة السر )قفل وظهرتلي شاشة القفل مكتوب الرجاء الاتصال بالايتونز
    طبعا رحت ودخلته بلاب علشان الرستور فتحت الايتونز بس ما طلع
    طلعلي كلام (ان الايبود مقفل بكلمه السر لا يمكن الاشتراك به ) قلت يمكن ان الاب فيه شيء جبت الايباد وركبته وطلعلي عادي هاذي مشكلتي شلون اطلعه على الايتونز وهاذي اول مره تصيير معاي وشكرا

    • Mr. A قال:

      وعليكم السلام ورحمة الله،
      عشان تسوين رسيتور تحتاجين تشبكين الايبود في الجهاز بعدين تضغطين على زر السليب ( العلوي ) مع زر الهوم ( السفلي ) لمدة 8 ثواني تقريباً بعدين اتركي الزر العلوي واستمري في الضغط على الزر السفلي لحد ما يسوي الجهاز إعادة تشغيل ويشتغل من جديد .. وقتها بيطلع لك في الايتونز خيار الريستور tch20

  4. علي قال:

    tch38 tch38 tch38 tch38 tch38 tch38
    شغل مرتب مرتب موقع جميل اشياء جميله جهد تشكر عليه استفدت الكثير

    والخطه ايباد ٢ و ابل تي في وهالبرنامج عشان ما اصير معلم ممل tch27

    بس خساير ياخيتي تسلفينن

    • Pixel Des قال:

      هلا بالاستاذ علي الله يسلمك اهم شي الفايده عاد أنتم قدوة هذا الجيل الفاهي tch19
      بس هذا اللي تبيه ايباد 2 وابل تي في ؟ أبشر وماطلبت tch8 <~ تسجلهن على حساب تكنو 😀

  5. little teacher قال:

    جميل جداً ،
    الصراحة تحمست إلا شوي أشتري آيباد حتى أستخدمه للطالبات ، كانت أمامي 3 عقبات، و انحلت نصف عقبة p:

    انحلت مشكلة العروض التقديمية ،
    تبقى : هل أستطيع استخدام برنامج الوورد على الجهاز ؟
    و هل يمكنني عرض الشرائح على جهاز بروجكتر ؟ لأنني اطلعت على الرابط :
    http://www.tichno.com/iphone/airplay-mirroring-on-ipad2-and-iphone-4

    لكن وجدته خاص بالعرض على التلفاز فقط tch15

    العقبة الاخيرة : هل أقدر أوصل الفلاش ميموري بالجاهز بأي طريقة tch33؟

    جاوبوني و إلا النية أحوّل على الجالكسي تاب tch33 >> لا تكفين p:

    • Pixel Des قال:

      هلا والله باستاذتنا tch3
      ممكن تعرضين عن طريق البروجكتر بواسطة وصلة خاصه تسمى الـ ( VGA )
      شوفي شكل الكيبل
      http://www.tichno.com/wp-content/uploads/ipad-vga.jpg
      http://www.tichno.com/wp-content/uploads/ipad-vga1.jpg
      .
      .
      وهنا فيديو
      http://www.youtube.com/watch?v=bgCAYzG_h00&feature=related
      طبعاً يفضل استخدام برنامج Keynote للبوربوينت سعر البرنامج 9.99$
      لأن له تحكم بالاعدادات واخراج العرض بالبروجكتر عكس الأول
      .
      .

      وهذي برامج لفتح ملفات الوورد والاخير يحرر النصوص
      Quickoffice
      PAGES
      .
      .

      واذا كنتي تبين تعرضين ( كل شي بالايباد ) بالبروجكتر زي الكمبيوتر
      تحتاجين تعملين جليبريك وتحملين من السيديا برنامج display out
      بعد ماتضيفين سورس boerse-repo.net
      وتشبكين الوصله مابين الايباد والبروجكتر ويعرض لك كلش tch31
      ..
      وهنا شرح لتطبيق البرنامج
      http://www.youtube.com/watch?v=K3V4oTQg9E0&feature=player_embedded
      طبعا سعر البرنامج بيكون بمخباتك وبكذا وفرتي وكسبتي مميزات عرض الايباد كله باللي فيه من ملفات بوربوينت وصور وفيديو وملفات الـ PDF و الوورد وأسئلة الاختبار <- شطحت 😀

      بس ترى الايباد ماله فلاش ميموري
      لكن فيه بديل له
      وهو برنامج dropbox
      تحفظين ملفاتك والصور وكل شي فيه
      .
      .

      ان شاء الله أغريتك بالايباد tch25
      أما الجالكسي تاب والله مالي فيه لاناقة ولا جمل tch15

  6. ام خالد قال:

    هلا الف شكر لعدم كتمان العلم
    سؤالي عن الارقام ف عروض البور التي كانت بالعربي تحولت للانجليزي مااااالحل حيث ان دروسي ف صميم الارقام tch32

    • Pixel Des قال:

      العفو ام خالد
      ادخلي على لوحة التحكم » الخيارات الاقليمية وخيارات اللغة
      راح تلقين اللغة الأساسية » ثم تخصيص
      بتلقين تحت ارقام قياسية ، حولي شكل الارقام الى اي نوع انتي تبينه ثم اضغطي موافق
      سكري جميع البرامج وعيدي تشغيل الجهاز وافتحي البوربوينت واقلبي اللغة .

  7. حصوص قال:

    يعطيكك الف الف الف عافيه
    واخيرررن ربي لك الحممد
    في ميزان حسناتك يارب tch28

  8. hboosh قال:

    اذا سويت من الاب وخلااص يصير اسوي عرض يعني واحفظه بصور

  9. me $ قال:

    طيب ينفع ع ايباد 3 tch9
    لاني سسويت العرض و انهيته و لما بديت احمله ع الايباد يقول ان فية خطأ tch10
    و توني اقرأ انه بس لايباد 2 #العجلة الله يهديني $” tch27
    تكفونن ابي ححل ضروري مرهه tch9 tch9 tch9 tch9
    #جزاه الرحمن من يساعدني $$ tch28

  10. احمد ألغامدي قال:

    فين القى التصفح للرفع في برنامج Slide

    • Pixel Des قال:

      تلقى التصفح للرفع في نفس هالموقع سجل دخولك فيه عن طريق الكمبيوتر
      http://www.slideshark.com/
      بعد ماتسجل الدخول راح تلقى فوق مباشرة ايقونة مكتوب عليها ( تصفح )
      اختار ملف البوربوينت واضغط على upload وراح يرفع الملف وتقدر عقب تنزله بنفس البرنامج لادخلت عليه من الايباد

  11. مانجو777 قال:

    تشكر على هذة المعلومه ويعطيك العافية لمافي ذلك من الفائدة للجميع وهل يكون افضل من برنامج KEY NOT فانا لم اجرب استخدام البرنامج بعد

  12. مانجو777 قال:

    تشكر على هذا الموضوع الذى نحتاجه في العملية التعليمية

  13. Dana قال:

    يصلح على الأيباد ميني

    .
    .
    .
    .
    .
    أرجو الرد tch1 tch27

  14. رجاء قال:

    أولا شكرا جزيلا على المعلومات السابقة ولكن أحب أن أعرف شيئا عن برنامج DOCERI وكيف استفيد منه على الايباد مني وكذلك برنامج CBB ,;`G وكذلك NUmberS وطريقة استخدامه بالايباد وشكرا جزيلا .

  15. Awtif قال:

    مرحبا اختي استفدت جدااا من الشررح … والبرنامج روعه .. المشكله عندي دروس حملتها من النت هي بوربوينت بس تم اعدادها للعرض مباشرة ما تفتح في سلايد شارك شوو الحل اتمنى تردين علي ضروري

    شكراااا

  16. عطاءبلاحدود قال:

    الشكركل الشكر لمن لااايكتم العلم
    عندي مشكلة سبق عرضها ف الردود ولكن لم استطع حلها وهي الارقام حيث انهاف اللابتوب تعرض بالعربي ولكن عندنقلها للايباد تقلب انجليزي
    الرجاااااء سرعة الرد عروضي من اول السنة متعطلة بسبب هذه المشكلة

  17. عطاءبلاحدود قال:

    مرحباً الشكر كل الشكر لمن اهتم لأمري
    بالنسبة للأرقام نعم هي اساساً ف الكمبيوتر بالعربي بعد النقل للايباد تتحول انجلش

    • Pixel Des قال:

      اهلين
      انا عارفه انك كاتب الارقام بالعربي في الكمبيوتر بس اللي اقصد انك تغير ( نوع الخط ) للي قلت لك عليه
      ثم ترفع الملف للبرنامج ، راح تظهر لك الارقام عربية
      لأنه مو كل الخطوط العربيه تعطيك ارقامها عربي لما تنقلها من جهاز لجهاز آخر

  18. عطاءبلاحدود قال:

    جزاك الله خير
    لما فتحت الباوربوينت اللي ف الكمبيوتر لقيت الارقام اساساًمكتوبة بصيغة الخط الاساسي ايريال يعني ماسوينا شي
    اريد حلاً الله يفرج عن اللي يساعدني تعبت وضاع وقتي

  19. عطاءبلاحدود قال:

    اختي بكسل اسفة تحمليني بس انا اكتب لك من الايفون ماني عارفة احط رابط البوربوينت بس انا دروسي من منتديات يزيد التعليمية المرحلة المتوسطة كل الدروس نفس المشكلة مو درس واحد

    • Pixel Des قال:

      اهلين
      والله كنت اتمنى أساعدك أكثر بس كذا انا ماقدر أفيدك
      طيب حاولي تحملين البرنامج الثاني QuickOffice وجربيه يمكن يطلع أحسن من الأول

  20. عطاء بلا حدود قال:

    طيب لوادخل ع اعدادات اللغة ف الكمبيوتر نفسة ممكن تنحل المشكلة ؟؟؟ وكيف ؟؟؟ اي الخطوط اختار او اي لغة اختارها ممكن بعد النقل للايباد تضبط
    شاكرة ومقدرة
    tch23

    • Mr. A قال:

      مرحباً، اتذكر فيه ضمن الاعدادات شيء خاص بالارقام ولغتها لكن ناسي وين بالضبط .. ممكن من ابدا بعدين لوحة التحكم بعدين الساعة واللغة. احتمال هناك شيء يفيدك.

  21. nouufa قال:

    سلام علييكم جيااتي مالقيت ايقونه مكتوب عليها (تصفح) !!!! tch32 بليييييييييز ساعديني

  22. شوشو قال:

    حملت عليه باور بوينت لكن صوت الحركات بالصور والشرايح مااشتغل ليش

  23. maYar قال:

    لوسمحتوا ابا اعرف كيف اسوي عرض بوربوينت على ايباد 2 -16جيجا tch32

  24. Mr. A قال:

    ممكن عن طريق البرنامج الموجود او عن طريق برنامج البوربوينت،


صفحة جديدة 2